Mahabharata — Volume III (Dutt edition) — Chapter 166

MBh 3 166.1

वैशम्पायन उवाच तस्मिन्नभिहिते वाक्ये केशवेन महात्मना। स्तिमिता हृष्टरोमाण आसन् सर्वे सभासद ॥

vaiśampāyana uvāca tasminnabhihite vākye keśavena mahātmanā| stimitā hṛṣṭaromāṇa āsan sarve sabhāsada ||

Vaishampayana said These words having been uttered by the high-souled, all the courtiers sat stupefied with their hairs standing on their end.

— tr. M.N. Dutt (1891–96) (public domain)

MBh 3 166.2

कश्चिदुत्तरमेतेषां वक्तुं नोत्सहते पुमान्। इति सर्वे मनोभिस्ते चिन्तयन्ति स्म पार्थिवाः॥

kaściduttarameteṣāṃ vaktuṃ notsahate pumān| iti sarve manobhiste cintayanti sma pārthivāḥ||

No man ventured to say anything in reply and all the rulers of the earth began to think in own minds.

— tr. M.N. Dutt (1891–96) (public domain)

MBh 3 166.3

तथा तेषु च सर्वेषु तूष्णीम्भूतेषु राजसु। जामदग्न्य इदं वाक्यमब्रवीत् कुरूसंसदि॥

tathā teṣu ca sarveṣu tūṣṇīmbhūteṣu rājasu| jāmadagnya idaṃ vākyamabravīt kurūsaṃsadi||

Silence having thus prevailed in the midst of those kings, the son of Jamadagni, spoke these words in the assembly of the Kurus.

— tr. M.N. Dutt (1891–96) (public domain)

MBh 3 166.4

इमां मे सोपमां वाचं शृणु सत्यामशाङ्कितः। तां श्रुत्वा श्रेय आदत्स्व यदि साध्विति मन्यसे॥

imāṃ me sopamāṃ vācaṃ śṛṇu satyāmaśāṅkitaḥ| tāṃ śrutvā śreya ādatsva yadi sādhviti manyase||

"To these truthful words of mine, illustrated by an example, listen without entertaining any doubt or suspicion and hearing that accept the moral if you think my story good.

— tr. M.N. Dutt (1891–96) (public domain)

MBh 3 166.5

राजा दम्भोद्भवो नाम सार्वभौमः पुराभवत्। अखिला बुभुजे सर्वां पृथिवीमिति नः श्रुतम्॥

rājā dambhodbhavo nāma sārvabhaumaḥ purābhavat| akhilā bubhuje sarvāṃ pṛthivīmiti naḥ śrutam||

in days of old, there was a king named Dambhodbhava who had brought under his sway the entire world and enjoyed the fruits of the whole world in their; such has been heard by us.

— tr. M.N. Dutt (1891–96) (public domain)

MBh 3 166.6

स स्म नित्यं निशापाये प्रातरुत्थाय वीर्यवान्। ब्राह्मणान् क्षत्रियांश्चैव पृच्छन्नास्ते महारथः॥

sa sma nityaṃ niśāpāye prātarutthāya vīryavān| brāhmaṇān kṣatriyāṃścaiva pṛcchannāste mahārathaḥ||

Every day at the end or night, that great and heroic car-warrior, rising up, used to ask the Brahmanas and Krishna Kshatriyas.

— tr. M.N. Dutt (1891–96) (public domain)

MBh 3 166.7

अस्ति कश्चिद् विशिष्टो वा मद्विधो वा भवेद् युधि। शूद्रो वैश्यः क्षत्रियो वा ब्राह्मणो वापि शस्त्रभृत्॥

asti kaścid viśiṣṭo vā madvidho vā bhaved yudhi| śūdro vaiśyaḥ kṣatriyo vā brāhmaṇo vāpi śastrabhṛt||

'Is there anybody who is more accomplished or even equal to myself in battle, be he a Shudra, a Vaishya, a Kshatriyas or a Brahmana?'

— tr. M.N. Dutt (1891–96) (public domain)

MBh 3 166.8

इति ब्रुवन्नन्वचरत् स राजा पृथिवीमिमाम्। दर्पण महता मत्तः कंचिदन्यमचिन्तयन्॥

iti bruvannanvacarat sa rājā pṛthivīmimām| darpaṇa mahatā mattaḥ kaṃcidanyamacintayan||

Saying thus he would wander over the earth intoxicated with great vanity and without thinking of anything else.

— tr. M.N. Dutt (1891–96) (public domain)

MBh 3 166.9

तं च वैद्या अकृपणा ब्राह्मणाः सर्वतोऽभयाः। प्रत्यषेधन्त राजानं श्लाघमानं पुनः पुनः॥

taṃ ca vaidyā akṛpaṇā brāhmaṇāḥ sarvato'bhayāḥ| pratyaṣedhanta rājānaṃ ślāghamānaṃ punaḥ punaḥ||

Several Brahrnanas, of really noble souls, acquainted with the Vedas and having nothing lo fear, forbade the king who was boasting too often.

— tr. M.N. Dutt (1891–96) (public domain)

MBh 3 166.10

निषिध्यमानोऽप्यसकृत् पृच्छत्येव स वै द्विजान्। अतिमानं श्रिया मत्तं तमूचुर्ब्राह्मणास्तदा॥

niṣidhyamāno'pyasakṛt pṛcchatyeva sa vai dvijān| atimānaṃ śriyā mattaṃ tamūcurbrāhmaṇāstadā||

Even when forbidden, that vile man used to ask the same thing to the twice born. Some Brahmanas then thus spoke to him who was too puffed up with vanity and intoxicated with prosperity.

— tr. M.N. Dutt (1891–96) (public domain)

MBh 3 166.11

तपस्विनो महात्मानो वेदप्रत्ययदर्शिनः। उदीर्यमाणं राजानं क्रोधदीप्ता द्विजातयः॥

tapasvino mahātmāno vedapratyayadarśinaḥ| udīryamāṇaṃ rājānaṃ krodhadīptā dvijātayaḥ||

Those twice born devotees, of large souls and acquainted with the cases cited in the Vedas, excited by wrath, said to that king.

— tr. M.N. Dutt (1891–96) (public domain)

MBh 3 166.12

अनेकजयिनौ संख्यै यौ वै पुरुषसत्तमौ। तयोस्त्वं न समो राजन् भविताऽसि कदाचन।॥

anekajayinau saṃkhyai yau vai puruṣasattamau| tayostvaṃ na samo rājan bhavitā'si kadācana|||

There are two persons who are the best among men and who have achieved many victories in battle; you are by no means equal to them, Oking.

— tr. M.N. Dutt (1891–96) (public domain)

MBh 3 166.13

एवमुक्तः स राजा तु पुनः पप्रच्छ तान् द्विजान्। क्व तौ वीरौ क्व जन्मानौ किंकर्माणौ च कौ च तौ।

evamuktaḥ sa rājā tu punaḥ papraccha tān dvijān| kva tau vīrau kva janmānau kiṃkarmāṇau ca kau ca tau|

The king thus spoken to, asked these Brahmanas again and again, 'Where are these two heroes? Where are they bom? What works have they achieved and who are they?'

— tr. M.N. Dutt (1891–96) (public domain)

MBh 3 166.14

ब्राह्मणा ऊचुः नरो नारायणश्चैव तापसाविति नः श्रुतम्। आयातौ मानुषे लोके ताभ्यां युध्यस्व पार्थिव॥

brāhmaṇā ūcuḥ naro nārāyaṇaścaiva tāpasāviti naḥ śrutam| āyātau mānuṣe loke tābhyāṃ yudhyasva pārthiva||

The Brahmanas said WE have heard that those two are the devotees Nara and Narayana who have taken their birth in the human world. O ruler of the earth, fight with them.

— tr. M.N. Dutt (1891–96) (public domain)

MBh 3 166.15

श्रूयेते तौ महात्मानौ नरनारायणावुभौ। तपो घोरमनिर्देश्य तप्यते गन्धमादने॥

śrūyete tau mahātmānau naranārāyaṇāvubhau| tapo ghoramanirdeśya tapyate gandhamādane||

We hear that both of them, Nara and Narayana of large souls, are practicing severe austerities in some hidden regions in the Gandhamadana (mountain).

— tr. M.N. Dutt (1891–96) (public domain)

MBh 3 166.16

स राजा महतीं सेनां योजयित्वा षडङ्गिनीम्। अमृष्यमाणः सम्प्रायाद् यत्र तावपराजितौ॥

sa rājā mahatīṃ senāṃ yojayitvā ṣaḍaṅginīm| amṛṣyamāṇaḥ samprāyād yatra tāvaparājitau||

The king, having collected a large army consisting of six divisions be took himself to the regions where these two who had never to remain unconcerned at their reputation.

— tr. M.N. Dutt (1891–96) (public domain)

MBh 3 166.17

स गत्वा विषमं घोरं पर्वतं गन्धमादनम्। मार्गमाणोऽन्वगच्छत् तौ तापसौ वनमाश्रितौ॥

sa gatvā viṣamaṃ ghoraṃ parvataṃ gandhamādanam| mārgamāṇo'nvagacchat tau tāpasau vanamāśritau||

He. going to the rightful and unapproachable Gandhamadana, hunted for the two devotees and at last met them who had taken refuge in the wilderness.

— tr. M.N. Dutt (1891–96) (public domain)

MBh 3 166.18

तौ दृष्ट्वा क्षुत्पिपासाभ्यां कृशौ भमनिसन्ततौ। शीतवातातपैश्चैव कर्शितौ पुरुषोत्तमौ॥

tau dṛṣṭvā kṣutpipāsābhyāṃ kṛśau bhamanisantatau| śītavātātapaiścaiva karśitau puruṣottamau||

Seeing them, the best among men, emaciated with hunger and thirst, with their veins visible and afflicted with cold, wind and with the rays of the sun.

— tr. M.N. Dutt (1891–96) (public domain)

MBh 3 166.19

अभिगम्यौपसंगृह्य पर्यपृच्छदनामयम्। तमर्चित्वा मूलफलैरासनेनोदकेन च॥ न्यमन्त्रयेतां राजानं किं कार्य क्रियतामिति। ततस्तामानुपूर्वी स पुनरेवान्वकीर्तयत्॥

abhigamyaupasaṃgṛhya paryapṛcchadanāmayam| tamarcitvā mūlaphalairāsanenodakena ca|| nyamantrayetāṃ rājānaṃ kiṃ kārya kriyatāmiti| tatastāmānupūrvī sa punarevānvakīrtayat||

He approached them and touching their feet asked them about their welfare. They received him with roots and fruits and with the offer of a seat and water. They asked the king “What can we do for you?' Then he repeated to them from the very beginning the fact

— tr. M.N. Dutt (1891–96) (public domain)

MBh 3 166.20

बाहुभ्यां मे जिता भूमिनिहताः सर्वशत्रवः। भवद्भ्यां युद्धमाकाङ्क्षन्नुपयातोऽस्मि पर्वतम्॥ आतिथ्यं दीयतोमेतत् काक्षितं मे चिरं प्रति।

bāhubhyāṃ me jitā bhūminihatāḥ sarvaśatravaḥ| bhavadbhyāṃ yuddhamākāṅkṣannupayāto'smi parvatam|| ātithyaṃ dīyatometat kākṣitaṃ me ciraṃ prati|

And said-‘The earth has been conquered by my arms and all my enemies have been killed. With the desire of fighting with you, have I come to this mountain; give me this hospitality, the desire which I have entertained for a long time.'

— tr. M.N. Dutt (1891–96) (public domain)

MBh 3 166.21

नरनारायणावूचतुः अपेतक्रोधलोभोऽयमाश्रमो राजसत्तम॥ न ह्यस्मिन्नाश्रमे युद्धं कुतः शस्त्रं कुतोऽनृजुः। अन्यत्र युद्धमाकाक्ष बहवः क्षत्रियाः क्षितौ॥

naranārāyaṇāvūcatuḥ apetakrodhalobho'yamāśramo rājasattama|| na hyasminnāśrame yuddhaṃ kutaḥ śastraṃ kuto'nṛjuḥ| anyatra yuddhamākākṣa bahavaḥ kṣatriyāḥ kṣitau||

Nara and Narayana said This retreat, O best among kings, is beyond the reach of wrath and avarice, there is no warfare in this retreat. Where are weapons to be got from? Desire war elsewhere, there are many Kshatriyas on the face of the earth.

— tr. M.N. Dutt (1891–96) (public domain)

MBh 3 166.22

राम उवाच उच्यमानस्तथापि स्म भूय एवाभ्यभाषत्। पुनः पुनः क्षम्यमाणः सान्त्व्यमानश्च भारत॥ दम्भोद्भवो युद्धमिच्छन्नाह्वयत्येव तापसौ।

rāma uvāca ucyamānastathāpi sma bhūya evābhyabhāṣat| punaḥ punaḥ kṣamyamāṇaḥ sāntvyamānaśca bhārata|| dambhodbhavo yuddhamicchannāhvayatyeva tāpasau|

Rama said Though spoken to in this way, he repeated his request and the ascetics, O Bharata, again and again comforted him and pardoned him (for his importunities). Dambhodbhava, desirous of battle, however summoned these two devotees to fight again and again.

— tr. M.N. Dutt (1891–96) (public domain)

MBh 3 166.23

ततो नरस्त्विषीकाणां मुष्टिमादाय भारत।॥ अब्रवीदेहि युद्ध्यस्व युद्धकामुक क्षत्रिय। सर्वशस्राणि चादत्स्व योजयस्व च वाहिनीम्॥ अहं हि ते विनेष्यामि युद्धश्रद्धामितः परम्।

tato narastviṣīkāṇāṃ muṣṭimādāya bhārata||| abravīdehi yuddhyasva yuddhakāmuka kṣatriya| sarvaśasrāṇi cādatsva yojayasva ca vāhinīm|| ahaṃ hi te vineṣyāmi yuddhaśraddhāmitaḥ param|

Then Nara taking up a handful of blades of grass said, 'Come and fight, O you Kshatriya, desirous of fight as you are; take up all your arms and prepare your army. I shall destroy your thirst for war from this moment forward.'

— tr. M.N. Dutt (1891–96) (public domain)

MBh 3 166.24

दम्भोद्भव उवाच यद्येतदस्त्रमस्मासु युक्तं तापस मन्यसे॥ एतेनापि त्वया योत्स्ये युद्धार्थी ह्यहमागतः।

dambhodbhava uvāca yadyetadastramasmāsu yuktaṃ tāpasa manyase|| etenāpi tvayā yotsye yuddhārthī hyahamāgataḥ|

Dambhodbhava said If, O devotee, you think this weapon fit to be used against me and mine, I shall fight with you though you use that weapon. I am come here for fight.

— tr. M.N. Dutt (1891–96) (public domain)

MBh 3 166.25

राम उवाच इत्युक्त्वा शरवर्षेण सर्वतः समवाकिरत्॥ दम्भोद्भवस्तापसं तं जिघांसुः सहसैनिकः।

rāma uvāca ityuktvā śaravarṣeṇa sarvataḥ samavākirat|| dambhodbhavastāpasaṃ taṃ jighāṃsuḥ sahasainikaḥ|

Rama said Saying these Dambhodbhava with his army, desirous of killing that devotee, covered all sides with a downpour of arrows.

— tr. M.N. Dutt (1891–96) (public domain)

MBh 3 166.26

तस्य तानस्यतो घोरानिषून परतनुच्छिदः :॥ कदर्थीकृत्य स मुनिरिषीकाभिः समार्पयत्।

tasya tānasyato ghorāniṣūna paratanucchidaḥ :|| kadarthīkṛtya sa muniriṣīkābhiḥ samārpayat|

The Rishi, by means of the same blades of grass, neutralized the terrible arrows capable of rending asunder the body of the enemies.

— tr. M.N. Dutt (1891–96) (public domain)

MBh 3 166.27

ततोऽस्मै प्रासृजद् धोरमैषीकमपराजितः॥ अस्त्रमप्रतिसंधेयं तदद्भुतमिवाभवत्।

tato'smai prāsṛjad dhoramaiṣīkamaparājitaḥ|| astramapratisaṃdheyaṃ tadadbhutamivābhavat|

Then the one, who had never sustained a defeat, shot terrible weapons in the shape of blades of grass, which were incapable of being withstood and a strange effect they had.

— tr. M.N. Dutt (1891–96) (public domain)

MBh 3 166.28

तेषामक्षीणि कर्णाश्च नासिकाश्चैव मायया॥ निमित्तवेधी स मुनिरिषीकाभिः समार्पयत्।

teṣāmakṣīṇi karṇāśca nāsikāścaiva māyayā|| nimittavedhī sa muniriṣīkābhiḥ samārpayat|

The eyes, ears and noses of his solders were cut off by the Muni who could not possibly miss his aim, by the e blades of grass through his illusive energy.

— tr. M.N. Dutt (1891–96) (public domain)

MBh 3 166.29

स दृष्ट्वा श्वेतमाकाशमिषीकाभिः समाचितम्॥ पादयो→पतद् राजा स्वस्ति मेऽस्त्विति चाब्रवीत्।

sa dṛṣṭvā śvetamākāśamiṣīkābhiḥ samācitam|| pādayo→patad rājā svasti me'stviti cābravīt|

Then seeing the sky rendered white with blades of grass, the king fell at Nara's feet and exclaimed-'May good betide me.'

— tr. M.N. Dutt (1891–96) (public domain)

MBh 3 166.30

तमब्रवीनरो राजशरण्यः शरणैषिणाम्॥ ब्रह्मण्यो भव धर्मात्मा मा च स्मैवं पुन: कृथाः।

tamabravīnaro rājaśaraṇyaḥ śaraṇaiṣiṇām|| brahmaṇyo bhava dharmātmā mā ca smaivaṃ puna: kṛthāḥ|

Nara, who is the proper refuge to those that deserve and desire protection, said to him 'O king, be virtuous-souled and act up to the instructions of the Brahmanas and do not again behave in this way.

— tr. M.N. Dutt (1891–96) (public domain)

MBh 3 166.31

नैतादृक् पुरुषो राजन् क्षत्रधर्ममनुस्मरन्॥ मनसा नृपशार्दूल भवेत् परपुरंजयः।

naitādṛk puruṣo rājan kṣatradharmamanusmaran|| manasā nṛpaśārdūla bhavet parapuraṃjayaḥ|

A conqueror of cities, in the possession of his enemies, performing the duties of Kshatriya should not, Oking, be such even in his intentions, O best of the rulers of men.

— tr. M.N. Dutt (1891–96) (public domain)

MBh 3 166.32

मा च दर्पसमाविष्टः क्षेप्सीः कांश्चित् कथंचन॥ अल्पीयांसं विशिष्टं वां तत् ते राजन् समाहितम्।

mā ca darpasamāviṣṭaḥ kṣepsīḥ kāṃścit kathaṃcana|| alpīyāṃsaṃ viśiṣṭaṃ vāṃ tat te rājan samāhitam|

Subject to the influence of vanity never insult any body in any way, who he be, your inferior or your superior; such a conduct, O king, would not be proper for you.

— tr. M.N. Dutt (1891–96) (public domain)

MBh 3 166.33

कृतप्रज्ञो वीतलोभो निरहंकार आत्मवान्॥ दान्तः क्षान्तो मृदुः सौम्यः प्रजाः पालय पार्थिवा मा स्म भूयः क्षिपे: कंचिदविदित्वा बलाबलम्॥

kṛtaprajño vītalobho nirahaṃkāra ātmavān|| dāntaḥ kṣānto mṛduḥ saumyaḥ prajāḥ pālaya pārthivā mā sma bhūyaḥ kṣipe: kaṃcidaviditvā balābalam||

Acquiring wisdom, being beyond the reach of covetousness, without vanity, acquiring mastery over self, restraining your desires, endued with forgiveness, humility and being peaceful protect your subjects, O ruler of the carth and do not again insult any body with out knowing his strength and weakness.

— tr. M.N. Dutt (1891–96) (public domain)

MBh 3 166.34

अनुज्ञातः स्वस्ति गच्छ मैवं भूयः समाचरेः। कुशलं ब्राह्मणान् पृच्छेरावयोर्वचनाद् भृशम्॥

anujñātaḥ svasti gaccha maivaṃ bhūyaḥ samācareḥ| kuśalaṃ brāhmaṇān pṛccherāvayorvacanād bhṛśam||

May good betide you; with our permission depart and never again act in this way; in obedience to our command, enquire of the Brahmanas about their welfare and what is for your good.'

— tr. M.N. Dutt (1891–96) (public domain)

MBh 3 166.35

ततो राजा तयोः पादावभिवाद्य महात्मनोः। प्रत्याजगाम स्वपुरं धर्मं चैवाचरद् भृशम्॥

tato rājā tayoḥ pādāvabhivādya mahātmanoḥ| pratyājagāma svapuraṃ dharmaṃ caivācarad bhṛśam||

Then the king, bowing to the feet of the two great-souled beings, returned to his own capital and thenceforward acted most righteously.

— tr. M.N. Dutt (1891–96) (public domain)

MBh 3 166.36

सुमहच्चापि तत् कर्म यन्नरेण कृतं पुरा। ततो गुणैः सुबहुभिः श्रेष्ठो नारायणोऽभवत्॥

sumahaccāpi tat karma yannareṇa kṛtaṃ purā| tato guṇaiḥ subahubhiḥ śreṣṭho nārāyaṇo'bhavat||

The deed, which was achieved by Nara in days of old, was very great indeed. Narayana was still greater in regard to many virtues.

— tr. M.N. Dutt (1891–96) (public domain)

MBh 3 166.37

तस्माद् यावद् धनुःश्रेष्ठे गाण्डीवेऽस्त्रं न युज्यते। तावत् त्वं मानमुत्सृज्य गच्छ राजन् धनंजयम्॥

tasmād yāvad dhanuḥśreṣṭhe gāṇḍīve'straṃ na yujyate| tāvat tvaṃ mānamutsṛjya gaccha rājan dhanaṃjayam||

For that reason so long as weapons are not joined to that foremost of bows the Gandiva, putting aside your vanity go you, O king, to Dhananjaya.

— tr. M.N. Dutt (1891–96) (public domain)

MBh 3 166.38

काकुदीकं शुकं नाकमक्षिसंतर्जनं तथा। संतानं नर्तकं घोरमास्यमोदकमष्टम्॥

kākudīkaṃ śukaṃ nākamakṣisaṃtarjanaṃ tathā| saṃtānaṃ nartakaṃ ghoramāsyamodakamaṣṭam||

Kakudika, Shuka, Naka, Akshisantarjana, Santana, Ghora and Asyamodaka-these eight types of weapons.

— tr. M.N. Dutt (1891–96) (public domain)

MBh 3 166.39

एतैर्विद्धाः सर्व एव मरणं यान्ति मानवाः। कामक्रोधौ लोभमोहौ मदमानौ तथैव च॥ मात्सर्याहंकृती चैव क्रमादेत उदाहृताः।

etairviddhāḥ sarva eva maraṇaṃ yānti mānavāḥ| kāmakrodhau lobhamohau madamānau tathaiva ca|| mātsaryāhaṃkṛtī caiva kramādeta udāhṛtāḥ|

Pierced by these all men go to the regions of death and the same is the case when they are influenced by desire, wrath, covetousness, vanity, insolence, pride, malice and selfishness. The eight weapons are represented by these vices respectively

— tr. M.N. Dutt (1891–96) (public domain)

MBh 3 166.40

उन्मत्ताश्च विचेष्टन्ते नष्टसंज्ञा विचेतसः॥ स्वपन्ति च प्लवन्ते च छर्दयन्ति च मानवाः। मूत्रयन्ते च सततं रुदन्ति च हसन्ति च॥

unmattāśca viceṣṭante naṣṭasaṃjñā vicetasaḥ|| svapanti ca plavante ca chardayanti ca mānavāḥ| mūtrayante ca satataṃ rudanti ca hasanti ca||

By using these weapons men, struck with them, move about intoxicated, taking leave of their senses and with their minds bewildered. When pierced by them, men sleep, move about here and there, pass excrete and urine and always weep and laugh,

— tr. M.N. Dutt (1891–96) (public domain)

MBh 3 166.41

निर्माता सर्वलोकानामीश्वरः सर्वकर्मवित्। यस्य नारायणो बन्धुरर्जुनो दुःसहो युधि॥

nirmātā sarvalokānāmīśvaraḥ sarvakarmavit| yasya nārāyaṇo bandhurarjuno duḥsaho yudhi||

Arjuna, whose friend is Narayana, the creator of the entire world and its lord and conversant with the nature of all acts, is hard to withstand in battle.

— tr. M.N. Dutt (1891–96) (public domain)

MBh 3 166.42

कस्तमुत्सहते जेतुं त्रिषु लोकेषु भारत। वीरं कपिध्वजं जिष्णुं यस्य नास्ति समो युधि॥

kastamutsahate jetuṃ triṣu lokeṣu bhārata| vīraṃ kapidhvajaṃ jiṣṇuṃ yasya nāsti samo yudhi||

O Bharata, who can are defeat in the three worlds, the heroic Vishnu, having the emblem of a monkey on his banner and none equal to him in battle?

— tr. M.N. Dutt (1891–96) (public domain)

MBh 3 166.43

असंख्येया गुणाः पार्थे तद्विशिष्टो जनार्दनः। त्वमेव भूयो जानासि कुन्तीपुत्र धनंजयम्॥

asaṃkhyeyā guṇāḥ pārthe tadviśiṣṭo janārdanaḥ| tvameva bhūyo jānāsi kuntīputra dhanaṃjayam||

Innumerable are the virtues of the son of Pritha; Janardana excels him however. You know very well Dhananjaya the son of Kunti.

— tr. M.N. Dutt (1891–96) (public domain)

MBh 3 166.44

नरनारायणौ यौ तौ तावेवार्जुनकेशवौ। विजानीहि महाराज प्रवीरौ पुरुषोत्तमौ॥

naranārāyaṇau yau tau tāvevārjunakeśavau| vijānīhi mahārāja pravīrau puruṣottamau||

Nara and Narayana, as these two were, so are Arjuna and Keshava; know this O great king, that those two best among men are heroes.

— tr. M.N. Dutt (1891–96) (public domain)

MBh 3 166.45

यद्येतदेवं जानासि न च मामभिशङ्कसे। आर्यां मतिं समास्थाय शाम्य भारत पाण्डवैः॥

yadyetadevaṃ jānāsi na ca māmabhiśaṅkase| āryāṃ matiṃ samāsthāya śāmya bhārata pāṇḍavaiḥ||

If you know it to be so and do not suspect to mistrust me then adopting a virtuous resolution effect peace with the Pandavas.

— tr. M.N. Dutt (1891–96) (public domain)

MBh 3 166.46

अथ चेन्मन्यसे श्रेयो न मे भेदो भवेदिति। प्रशाम्य भरतश्रेष्ठ मा च युद्धे मनः कृथाः॥

atha cenmanyase śreyo na me bhedo bhavediti| praśāmya bharataśreṣṭha mā ca yuddhe manaḥ kṛthāḥ||

And if you think that a rupture with them is not beneficial to you, be peaceful, O foremost among the race of Bharata and do not set your heart on battle.

— tr. M.N. Dutt (1891–96) (public domain)

MBh 3 166.47

भवतां च कुरुश्रेष्ठ कुलं बहुमतं भुवि। तत् तथैवास्तु भद्रं ते स्वार्थमेवोपचिन्तय॥

bhavatāṃ ca kuruśreṣṭha kulaṃ bahumataṃ bhuvi| tat tathaivāstu bhadraṃ te svārthamevopacintaya||

Your family, O foremost of the Kuru race, is well thought of in this world; let it continue to be so, may good betide you, think of what is good for you.

— tr. M.N. Dutt (1891–96) (public domain)