Mahabharata — Volume III (Dutt edition) — Chapter 163
MBh 3 163.1
श्रीभगवानुवाच यथा ब्रूयान्महाप्राज्ञो यथा ब्रूयाद् विचक्षणः। यथा वाच्यस्त्वद्विधेन भवता मद्विधः सुहृत्॥
śrībhagavānuvāca yathā brūyānmahāprājño yathā brūyād vicakṣaṇaḥ| yathā vācyastvadvidhena bhavatā madvidhaḥ suhṛt||
The blessed God said You have spoken as a greatly wise man should-you have spoken as a sharp man should, even as should be spoken by a friend like you to a friend like me.
— tr. M.N. Dutt (1891–96) (public domain)
MBh 3 163.2
धर्मार्थयुक्तं तथ्यं च यथा त्वय्युपद्यते। तथा वचनमुक्तोऽस्मि त्वयैतत् पितृमातृवत्॥
dharmārthayuktaṃ tathyaṃ ca yathā tvayyupadyate| tathā vacanamukto'smi tvayaitat pitṛmātṛvat||
This has the merit of being conversant with morality and worldly good and truth to that degree which proper for you; the words which have been spoken by you are like the advice of a father or a mother.
— tr. M.N. Dutt (1891–96) (public domain)
MBh 3 163.3
सत्यं प्राप्तं च युक्तं वाप्येवमेव यथाऽऽत्थ माम्। शृणुष्वगमने हेतुं विदुरावहितो भव॥
satyaṃ prāptaṃ ca yuktaṃ vāpyevameva yathā''ttha mām| śṛṇuṣvagamane hetuṃ vidurāvahito bhava||
What you have told me is true and worthy of being followed and is even what I have described it to be; listen with attention to the reason of my coming here, O Vidura.
— tr. M.N. Dutt (1891–96) (public domain)
MBh 3 163.4
दौरात्म्यं धार्तराष्ट्रस्य क्षत्रियाणां च वैरताम्। सर्वमेतदहं जानन् क्षत्तः प्राप्तोऽद्य कौरवान्॥
daurātmyaṃ dhārtarāṣṭrasya kṣatriyāṇāṃ ca vairatām| sarvametadahaṃ jānan kṣattaḥ prāpto'dya kauravān||
The wickedness of soul of the sons of Dhritarashtra and the hostility of the Kshatriyas, knowing full well, all this, 0 Khattva have I now come to the sons of Kuru.
— tr. M.N. Dutt (1891–96) (public domain)
MBh 3 163.5
पर्यस्तां पृथिवीं सर्वां साश्वां सरथकुञ्जराम्। यो मोचयेन्मृत्युपाशात् प्राप्नुयाद् धर्ममुत्तमम्॥
paryastāṃ pṛthivīṃ sarvāṃ sāśvāṃ sarathakuñjarām| yo mocayenmṛtyupāśāt prāpnuyād dharmamuttamam||
He that will relive this earth of her burden consisting of horses, chariots, elephants, he that will liberate her from curse of Death will earn great religious merit.
— tr. M.N. Dutt (1891–96) (public domain)
MBh 3 163.6
धर्मकार्यं यतञ्छक्त्या नो चेत् प्राप्नोति मानवः। प्राप्तो भवति तत् पुण्यमत्र मे नास्ति संशयः॥
dharmakāryaṃ yatañchaktyā no cet prāpnoti mānavaḥ| prāpto bhavati tat puṇyamatra me nāsti saṃśayaḥ||
Attempting with all his might to do a virtuous act, if a man does not accomplish it, he gets the religious merit of having done the act. About that I have no doubt.
— tr. M.N. Dutt (1891–96) (public domain)
MBh 3 163.7
मनसा चिन्तयन् पापं कर्मणा नातिरोचयन्। न प्राप्नोति फलं तस्येत्येवं धर्मविदो विदुः॥
manasā cintayan pāpaṃ karmaṇā nātirocayan| na prāpnoti phalaṃ tasyetyevaṃ dharmavido viduḥ||
Thinking of a sinful act in his mind, if a man does not accomplish it, he does not get the consequences of that act. Utter those that are conversant with religion.
— tr. M.N. Dutt (1891–96) (public domain)
MBh 3 163.8
सोऽहं यतिष्ये प्रशमं क्षत्तः कर्तुममायया। कुरूणां सृञ्जयानां च संग्रामे विनशिष्यताम्॥
so'haṃ yatiṣye praśamaṃ kṣattaḥ kartumamāyayā| kurūṇāṃ sṛñjayānāṃ ca saṃgrāme vinaśiṣyatām||
Therefore shall I with all, sincerity try to establish peace, O Khattva among the Kurus and the Srinjayas, for they will meet with ruins in the case of war.
— tr. M.N. Dutt (1891–96) (public domain)
MBh 3 163.9
सेयमापन्महाघोरा कुरुष्वेव समुत्थिता। कर्णदुर्योधनकृता सर्वे ह्येते तदन्वयाः॥
seyamāpanmahāghorā kuruṣveva samutthitā| karṇaduryodhanakṛtā sarve hyete tadanvayāḥ||
This exceedingly grave calamity has its rise in the Kurus; for it has been brought about by Karna and Duryodhana. All these are but their followers.
— tr. M.N. Dutt (1891–96) (public domain)
MBh 3 163.10
व्यसने क्लिश्यमानं हि यो मित्रं नाभिपद्यते। अनुनीय यथाशक्ति तं नृशंसं विदुर्बुधाः॥
vyasane kliśyamānaṃ hi yo mitraṃ nābhipadyate| anunīya yathāśakti taṃ nṛśaṃsaṃ vidurbudhāḥ||
He, who does not seek to serve a friend suffering from a calamity by trying to the best of his abilities, is said to be a cruel man by the wise.
— tr. M.N. Dutt (1891–96) (public domain)
MBh 3 163.11
आकेशग्रहणान्मित्रमकार्यात् संनिवर्तयन्। अवाच्यः कस्यचिद् भवति कृतयत्नो यथाबलम्॥
ākeśagrahaṇānmitramakāryāt saṃnivartayan| avācyaḥ kasyacid bhavati kṛtayatno yathābalam||
A friend should be turned back from improper act even by seizing his hair. That being so, how can a man be blamed, if he strives with all his might.
— tr. M.N. Dutt (1891–96) (public domain)
MBh 3 163.12
तत् समर्थं शुभं वाक्यं धर्मार्थसहितं हितम्। धार्तराष्ट्रः सहामात्यो ग्रहीतुं विदुरार्हति॥
tat samarthaṃ śubhaṃ vākyaṃ dharmārthasahitaṃ hitam| dhārtarāṣṭraḥ sahāmātyo grahītuṃ vidurārhati||
It is proper therefore, O Vidura, for the son of Dhritarashtra along with his ministers to accept my blessed advice capable of doing good and consistent with morality and worldly profit.
— tr. M.N. Dutt (1891–96) (public domain)
MBh 3 163.13
हितं हि धर्तराष्ट्राणां पाण्डवानां तथैव च। पृथिव्यां क्षत्रियाणां च यतिष्येऽहममायया॥
hitaṃ hi dhartarāṣṭrāṇāṃ pāṇḍavānāṃ tathaiva ca| pṛthivyāṃ kṣatriyāṇāṃ ca yatiṣye'hamamāyayā||
With all sincerity shall I strive for the good of the sons of Dhritarashtra and of the Pandavas and indeed of the Kshatriya race of the world.
— tr. M.N. Dutt (1891–96) (public domain)
MBh 3 163.14
हिते प्रयतमानं मां शङ्केद् दुर्योधनो यदि। हृदयस्य च मे प्रीतिरानृण्यं च भविष्यति॥
hite prayatamānaṃ māṃ śaṅked duryodhano yadi| hṛdayasya ca me prītirānṛṇyaṃ ca bhaviṣyati||
If Duryodhana suspects me, striving for his good as I do, I shall at least be satisfied with myself in my heart and I shall be discharging the debt (I owe them as a friend).
— tr. M.N. Dutt (1891–96) (public domain)
MBh 3 163.15
ज्ञातीनां हि मिथो भेदे यन्मित्रं नाभिपद्यते। सर्वयत्नेन माध्यस्थ्यं न तन्मित्रं विदुर्बुधाः॥
jñātīnāṃ hi mitho bhede yanmitraṃ nābhipadyate| sarvayatnena mādhyasthyaṃ na tanmitraṃ vidurbudhāḥ||
In a dispute between cousins, the friend who does not serve them as a mediator with all his might, is not said to be a friend at all by wise men.
— tr. M.N. Dutt (1891–96) (public domain)
MBh 3 163.16
न मां ब्रूयुरधर्मिष्ठा मूढा ह्यसुहृदस्तथा। शक्तो नावारयत् कृष्णः संरब्धान् कुरुपाण्डवान्॥
na māṃ brūyuradharmiṣṭhā mūḍhā hyasuhṛdastathā| śakto nāvārayat kṛṣṇaḥ saṃrabdhān kurupāṇḍavān||
In order that unrighteous, foolish and unfriendly people may not call me that Krishna though competent did not dissuade the Kurus and Pandavas inspired with rage against each other.
— tr. M.N. Dutt (1891–96) (public domain)
MBh 3 163.17
उभयोः साधयन्नर्थमहमागत इत्युत। तत्र यत्नमहं कृत्वा गच्छेयं नृष्ववाच्यताम्॥
ubhayoḥ sādhayannarthamahamāgata ityuta| tatra yatnamahaṃ kṛtvā gaccheyaṃ nṛṣvavācyatām||
And for being of service to both the parties have I come here. And having made attempts in that direction I shall escape blame of men.
— tr. M.N. Dutt (1891–96) (public domain)
MBh 3 163.18
मम धर्मार्थयुक्तं हि श्रुत्वा वाक्यमनामयम्। न चेदादास्यते बालो दिष्टस्य वशमेष्यति॥
mama dharmārthayuktaṃ hi śrutvā vākyamanāmayam| na cedādāsyate bālo diṣṭasya vaśameṣyati||
If after listening to my beneficial advice, they do not accept it, the fool will feel the consequence of his luck.
— tr. M.N. Dutt (1891–96) (public domain)
MBh 3 163.19
अहापयन् च्छमं कुरूणां यदि चाचरेयम्। पुण्यं च मे स्याच्चरितं महात्मन् मुच्येरंश्च कुरवो मृत्युपाशात्॥
ahāpayan cchamaṃ kurūṇāṃ yadi cācareyam| puṇyaṃ ca me syāccaritaṃ mahātman mucyeraṃśca kuravo mṛtyupāśāt||
If without sacrificing the interests of the Pandavas I can bring about their peace with the Kurus, then I shall have done a meritorious act, O great-souled one; and the Kurus shall have been liberated from the shackles of death.
— tr. M.N. Dutt (1891–96) (public domain)
MBh 3 163.20
अपि वाचं भाषमाणस्य काव्यां धर्मारामामर्थवतीमहिंस्राम्। अवेक्षेरन् धार्तराष्ट्राः शमार्थं मां च प्राप्तं कुरवः पूजयेयुः॥
api vācaṃ bhāṣamāṇasya kāvyāṃ dharmārāmāmarthavatīmahiṃsrām| avekṣeran dhārtarāṣṭrāḥ śamārthaṃ māṃ ca prāptaṃ kuravaḥ pūjayeyuḥ||
If the son of Dhritarashtra think well of the wise words spoken by me-words having their source in virtue and words leading to earthly good and words heading to the reverse of malice, for bringing about peace, then the Kurus too will worship and honour me.
— tr. M.N. Dutt (1891–96) (public domain)
MBh 3 163.21
न चापि मम पर्याप्ताः सहिताः सर्वपार्थिवाः। क्रुद्धस्य प्रमुख स्थातु सिंहस्येवेतरे मृगाः॥
na cāpi mama paryāptāḥ sahitāḥ sarvapārthivāḥ| kruddhasya pramukha sthātu siṃhasyevetare mṛgāḥ||
Otherwise I tell you that not even all the rulers of the earth united together are capable of standing in my front like other animals before an enraged lion.
— tr. M.N. Dutt (1891–96) (public domain)
MBh 3 163.22
वैशम्पायन उवाच इत्येवमुक्त्वा वचनं वृष्णीनामृषभस्तदा। शयने सुखसंस्पर्श शिश्ये यदुसुखावहः॥
vaiśampāyana uvāca ityevamuktvā vacanaṃ vṛṣṇīnāmṛṣabhastadā| śayane sukhasaṃsparśa śiśye yadusukhāvahaḥ||
Vaishampayana said Having said these words that foremost of the Vrishnis and cause of the happiness of the Yadus, then laid down on his bed pleasant to the touch.
— tr. M.N. Dutt (1891–96) (public domain)