Mahabharata — Volume III (Dutt edition) — Chapter 162
MBh 3 162.1
वैशम्पायन उवाच तं भुक्तवन्तमाश्वस्तं निशायां विदुरोऽब्रवीत्। नेदं सम्यग् व्यवसितं केशवागमनं तव॥
vaiśampāyana uvāca taṃ bhuktavantamāśvastaṃ niśāyāṃ viduro'bravīt| nedaṃ samyag vyavasitaṃ keśavāgamanaṃ tava||
Vaishampayana said During the night Vidura said to him after he had taken his food and refreshed himself-'O Keshava, this coming of yours is not an act well thought of.
— tr. M.N. Dutt (1891–96) (public domain)
MBh 3 162.2
अर्थधर्मातिगो मन्दः संरम्भी च जनार्दन। माननो मनकामश्च वृद्धानां शासनातिगः॥
arthadharmātigo mandaḥ saṃrambhī ca janārdana| mānano manakāmaśca vṛddhānāṃ śāsanātigaḥ||
Janardana that fool transgresses both worldly profit and virtue, besides he is wrathful, destroyer of other people's honour, though he is himself desirous for obtaining it and is incapable being controlled by aged people.
— tr. M.N. Dutt (1891–96) (public domain)
MBh 3 162.3
धर्मशास्त्रातिगो मूढो दुरात्मा प्रचग्रहं गतः। अनेयः श्रेयसां मन्दो धार्तराष्ट्रो जनार्दन॥
dharmaśāstrātigo mūḍho durātmā pracagrahaṃ gataḥ| aneyaḥ śreyasāṃ mando dhārtarāṣṭro janārdana||
The wicked-souled fool, the son of Dhritarashtra, goes against the rules laid down in our books of religion; being overtaken by fate he is incapable of being led by his superiors and is a fool.
— tr. M.N. Dutt (1891–96) (public domain)
MBh 3 162.4
कामात्मा प्राज्ञमानी च मित्रध्रुक् सर्वशङ्कितः। अकर्ता चाकृतज्ञश्च त्यक्तधर्मा प्रियानृतः॥
kāmātmā prājñamānī ca mitradhruk sarvaśaṅkitaḥ| akartā cākṛtajñaśca tyaktadharmā priyānṛtaḥ||
His soul follows the beat of his desire and in his own opinion he is a wise man; an enemy to his own friends and suspicious in all matters; doing nothing himself, yet not grateful (for things done for him), he has abandoned virtue and is fond of untruth.
— tr. M.N. Dutt (1891–96) (public domain)
MBh 3 162.5
मूढचाकृतबुद्धिश्च इन्द्रियाणामनीश्वरः । कामानुसारी कृत्येषु सर्वेष्वकृतनिश्चयः॥
mūḍhacākṛtabuddhiśca indriyāṇāmanīśvaraḥ | kāmānusārī kṛtyeṣu sarveṣvakṛtaniścayaḥ||
He is a fool with his understanding uncultivated, the slave of his senses, following the lead of his desires and hesitates to do a thing which ought to be done.
— tr. M.N. Dutt (1891–96) (public domain)
MBh 3 162.6
एतैश्चान्यैश्च बहुभिषैिरेव समन्वितः। त्वयोच्यमानः श्रेयोऽपि संरम्भान्न ग्रहीष्यति॥
etaiścānyaiśca bahubhiṣaiireva samanvitaḥ| tvayocyamānaḥ śreyo'pi saṃrambhānna grahīṣyati||
He is possessed with these and many other vices; out of vanity he will not accept your advice though that is distinctly for his good.
— tr. M.N. Dutt (1891–96) (public domain)
MBh 3 162.7
भीष्मे द्रोणे कृपे कर्णे द्रोणपुत्रे जयद्रथे। भूयसी वर्तते वृत्तिं न शमे कुरुते मनः॥
bhīṣme droṇe kṛpe karṇe droṇaputre jayadrathe| bhūyasī vartate vṛttiṃ na śame kurute manaḥ||
He has too great a confidence on Bhishma, Drona, Kripa, Karna, the son of Drona and Jayadratha and therefore he does not think of peace.
— tr. M.N. Dutt (1891–96) (public domain)
MBh 3 162.8
निश्चितं धार्तराष्ट्राणां सकर्णानां जनार्दन। भीष्मद्रोणमुखान् पार्था न शक्ताः प्रतिवीक्षितुम्॥
niścitaṃ dhārtarāṣṭrāṇāṃ sakarṇānāṃ janārdana| bhīṣmadroṇamukhān pārthā na śaktāḥ prativīkṣitum||
It is the conviction of the sons of Dhritarashtra and of Karna, O Janardana, that the sons of Pritha are not capable of even gazing at an army under the leadership of Bhishma and Drona.
— tr. M.N. Dutt (1891–96) (public domain)
MBh 3 162.9
सेनासमुदयं कृत्वा पार्थिवं मधुसूदन। कृतार्थं मन्यते बाल आत्मानमविचक्षणः॥
senāsamudayaṃ kṛtvā pārthivaṃ madhusūdana| kṛtārthaṃ manyate bāla ātmānamavicakṣaṇaḥ||
That boy, who is not shrewd having brought together a large army from this earth, regards himself as having already gained his object,o slayer of Madhu.
— tr. M.N. Dutt (1891–96) (public domain)
MBh 3 162.10
एकः कर्णः पराञ्जेतुं समर्थं इति निश्चितम्। धार्तराष्ट्रस्य दुर्बुद्धेः स शमं नोपयास्यति॥
ekaḥ karṇaḥ parāñjetuṃ samarthaṃ iti niścitam| dhārtarāṣṭrasya durbuddheḥ sa śamaṃ nopayāsyati||
It is the conviction of the son of Dhritarashtra of mean intelligence, that Karna alone is capable of defeating the enemy and he will not agree to peace.
— tr. M.N. Dutt (1891–96) (public domain)
MBh 3 162.11
संविच्च धार्तराष्ट्राणं सर्वेषामेव केशव। शमे प्रयतमानस्य तव सौभ्रात्रकाक्षिणः॥
saṃvicca dhārtarāṣṭrāṇaṃ sarveṣāmeva keśava| śame prayatamānasya tava saubhrātrakākṣiṇaḥ||
Actuated by brotherly feelings as you are attempting to establish peace between the two parties and are seeking the good of the sons of Dhritarashtra, O Keshava.
— tr. M.N. Dutt (1891–96) (public domain)
MBh 3 162.12
न पाण्डवानामस्माभिः प्रतिदेयं यथोचितम्। इति व्यवसतास्तेषु वचनं स्यान्निरर्थकम्॥
na pāṇḍavānāmasmābhiḥ pratideyaṃ yathocitam| iti vyavasatāsteṣu vacanaṃ syānnirarthakam||
It has been decided among themselves that they would not give back their just dues to the sons of Pandu; and advice to them would be useless.
— tr. M.N. Dutt (1891–96) (public domain)
MBh 3 162.13
यत्र सूक्तं दुरुक्तं च समं स्यान्मधुसूदन। न तत्र प्रलपेत् प्राज्ञो बधिरेष्विव गायनः॥
yatra sūktaṃ duruktaṃ ca samaṃ syānmadhusūdana| na tatra pralapet prājño badhireṣviva gāyanaḥ||
In cases where good and bad advices are of equal effect, O slayer of Madhu, a wise man does not talk like a singer among the deaf.
— tr. M.N. Dutt (1891–96) (public domain)
MBh 3 162.14
अविजानत्सु मूढेषु निर्मर्यादेषु माधव। न त्वं वाक्यं ब्रुवन् युक्तचाण्डालेषु द्विजो यथा॥
avijānatsu mūḍheṣu nirmaryādeṣu mādhava| na tvaṃ vākyaṃ bruvan yuktacāṇḍāleṣu dvijo yathā||
Among those fools who do not know anything and who entertain no reverence for others, O Madhava, do not speak any word as a twice-born would do among the Chandalas.
— tr. M.N. Dutt (1891–96) (public domain)
MBh 3 162.15
सोऽयं बलस्थो मूढच न करिष्यति ते वचः। तस्मिन् निरर्थकं वाक्यमुक्तं सम्पत्स्यते तव॥
so'yaṃ balastho mūḍhaca na kariṣyati te vacaḥ| tasmin nirarthakaṃ vākyamuktaṃ sampatsyate tava||
This child (in wisdom) who is such this fool will not do what you say and your words spoken to him will go in vain.
— tr. M.N. Dutt (1891–96) (public domain)
MBh 3 162.16
तेषां समुपविष्टानां सर्वेषां पापचेतसाम्। तव मध्यावतरणं मम कृष्ण न रोचते॥
teṣāṃ samupaviṣṭānāṃ sarveṣāṃ pāpacetasām| tava madhyāvataraṇaṃ mama kṛṣṇa na rocate||
The idea does not please me, O Krishna, of your going in the midst of all those of wicked heart seated together.
— tr. M.N. Dutt (1891–96) (public domain)
MBh 3 162.17
दुर्बुद्धीनामशिष्टानां बहूनां दुष्टचेतसाम्। प्रतीपं वचनं मध्ये तव कृष्ण न रोचते।॥
durbuddhīnāmaśiṣṭānāṃ bahūnāṃ duṣṭacetasām| pratīpaṃ vacanaṃ madhye tava kṛṣṇa na rocate|||
The idea does not please me, O Krishna, that you should utter words among those men, of mean intelligence, vicious and of wicked hearts, of whom there are many.
— tr. M.N. Dutt (1891–96) (public domain)
MBh 3 162.18
अनुपासितवृद्धत्वाच्छ्रियो दर्पाच्च मोहितः। वयोदर्पादमर्षाच्च न ते श्रोय ग्रहीष्यति॥
anupāsitavṛddhatvācchriyo darpācca mohitaḥ| vayodarpādamarṣācca na te śroya grahīṣyati||
Owing to their never having respected the aged and to vanity and folly incident to their age and to wrath they will not accept what is। for their good.
— tr. M.N. Dutt (1891–96) (public domain)
MBh 3 162.19
बलं बलवदप्यस्य यदि वक्ष्यसि माधव। त्वय्यस्य महती शङ्का न करिष्यति ते वचः॥
balaṃ balavadapyasya yadi vakṣyasi mādhava| tvayyasya mahatī śaṅkā na kariṣyati te vacaḥ||
He has at his cominand a strong force and if you speak to him, O Madhava, he will not act according to your advice, for he entertains suspicions against you.
— tr. M.N. Dutt (1891–96) (public domain)
MBh 3 162.20
नेदमद्य युधा शक्यमिन्द्रेणापि सहामरैः। इति व्यवसिताः सर्वे धार्तराष्ट्रा जनार्दन॥
nedamadya yudhā śakyamindreṇāpi sahāmaraiḥ| iti vyavasitāḥ sarve dhārtarāṣṭrā janārdana||
All the sons of Dhritarashtra have come to the conclusion that they are now invincible in battle even with Indra himself along with the gods.
— tr. M.N. Dutt (1891–96) (public domain)
MBh 3 162.21
तेष्वेवमुपपन्नेषु कामक्रोधानुवर्तिषु। समर्थमपि ते वाक्यमसमर्थं भविष्यति॥
teṣvevamupapanneṣu kāmakrodhānuvartiṣu| samarthamapi te vākyamasamarthaṃ bhaviṣyati||
Among those who are thus endued and who follow the impulse of desire and anger, your words though able in themselves will be of no use.
— tr. M.N. Dutt (1891–96) (public domain)
MBh 3 162.22
मध्ये तिष्ठन् हस्त्यनीकस्य मन्दो रथाश्वयुक्तस्य बलस्य मूढः। दुर्योधनो मन्यते वीतभीतिः कृत्स्ना मयेयं पृथिवी जितेति॥
madhye tiṣṭhan hastyanīkasya mando rathāśvayuktasya balasya mūḍhaḥ| duryodhano manyate vītabhītiḥ kṛtsnā mayeyaṃ pṛthivī jiteti||
Standing in the midst of his ranks of elephants and his army composed of chariots and cavalry, that fool of dull intelligence. Duryodhana, thinks himself past the each of any fear and that he has gained his object having conquered this earth.
— tr. M.N. Dutt (1891–96) (public domain)
MBh 3 162.23
आशंसते वै धृतराष्ट्रस्य पुत्रो महाराज्यमसपत्नं पृथिव्याम्। तस्मिञ्छमः केवलो नोपलभ्यो बद्धं सन्तं मन्यते लब्धमर्थम्॥
āśaṃsate vai dhṛtarāṣṭrasya putro mahārājyamasapatnaṃ pṛthivyām| tasmiñchamaḥ kevalo nopalabhyo baddhaṃ santaṃ manyate labdhamartham||
The son of Dhritarashtra aspires to an extensive empire in this earth without any rival. Peace with him therefore cannot be obtained. The wealth ((and kingdom) which is now at his command he regards as inalienably his and his alone.
— tr. M.N. Dutt (1891–96) (public domain)
MBh 3 162.24
पर्यस्तेयं पृथिवी कालपक्वा दुर्योधनार्थं पाण्डवान् योद्धकामाः। समागताः सर्वयोधाः पृथिव्यां राजानश्च क्षितिपालैः समेताः॥
paryasteyaṃ pṛthivī kālapakvā duryodhanārthaṃ pāṇḍavān yoddhakāmāḥ| samāgatāḥ sarvayodhāḥ pṛthivyāṃ rājānaśca kṣitipālaiḥ sametāḥ||
This earth, having its allotted time, ever is on the eve of ruin, it seems only for the sake of Duryodhana, for all the Pandavas and all the soldiers including the kings and rulers of the earth have assembled together, desirous of war.
— tr. M.N. Dutt (1891–96) (public domain)
MBh 3 162.25
सर्वे चैते कृतवैराः पुरस्तात् त्वया राजानो हृतसाराश्च कृष्ण) तवोद्वेगात् संश्रिता धार्तराष्ट्रानं सुसंहताः कर्णेन वीराः॥
sarve caite kṛtavairāḥ purastāt tvayā rājāno hṛtasārāśca kṛṣṇa) tavodvegāt saṃśritā dhārtarāṣṭrānaṃ susaṃhatāḥ karṇena vīrāḥ||
All these (kings) too have before this been made enemies of by yourself; for you have, O Krishna, dispossessed these kings of their wealth; out of fear of you these heroes have come under the protection of the sons of Dhritarashtra and joined Karna.
— tr. M.N. Dutt (1891–96) (public domain)
MBh 3 162.26
त्यक्तात्मानः सह दुर्योधनेन हृष्टा योद्धं पाण्डवान् सर्वयोधाः। तेषां मध्ये प्रविशेथा यदि त्वं न तन्मतं मम दाशार्ह वीर॥
tyaktātmānaḥ saha duryodhanena hṛṣṭā yoddhaṃ pāṇḍavān sarvayodhāḥ| teṣāṃ madhye praviśethā yadi tvaṃ na tanmataṃ mama dāśārha vīra||
All those soldiers, united with Duryodhana and regardless of self are delighted at the prospect of) fighting with the Pandavas and, O you heroic scion of the Dasharha race, it is not my opinion that you should enter in their midst.
— tr. M.N. Dutt (1891–96) (public domain)
MBh 3 162.27
तेषां समुपविष्टानां बहूनां दुष्टचेतसाम्। कथं मध्यं प्रपद्येथाः शत्रूणां शत्रुकर्शन॥
teṣāṃ samupaviṣṭānāṃ bahūnāṃ duṣṭacetasām| kathaṃ madhyaṃ prapadyethāḥ śatrūṇāṃ śatrukarśana||
Among those men, your enemies any in number, of wicked hearts seated together how will you go, O grinder of your enemies.
— tr. M.N. Dutt (1891–96) (public domain)
MBh 3 162.28
सर्वथा त्वं महाबाहो देवैरपि दुरुत्सहः। प्रभावं पौरुषं बुद्धिं जानामि तव शत्रुहन्।॥
sarvathā tvaṃ mahābāho devairapi durutsahaḥ| prabhāvaṃ pauruṣaṃ buddhiṃ jānāmi tava śatruhan|||
O you of long arms, in every way are you hard to be vanquished even by the gods and, O slayer of your enemies, I know your wisdom, manliness and your importance.
— tr. M.N. Dutt (1891–96) (public domain)
MBh 3 162.29
या मे प्रीतिः पाण्डवेषु भूयः सा त्वयि माधव। प्रेम्णा च बहुमानाच्च सौहृदाच्च ब्रवीम्यहम्॥
yā me prītiḥ pāṇḍaveṣu bhūyaḥ sā tvayi mādhava| premṇā ca bahumānācca sauhṛdācca bravīmyaham||
What have I to bear to the sons of Pandu, I bear to you in a greater degree, O Madhava and I speak from motives of love, reverence and friendship.
— tr. M.N. Dutt (1891–96) (public domain)
MBh 3 162.30
या मे प्रीतिः पुष्कराक्ष त्वदर्शनसमुद्भवा। सा किमाख्यायते तुभ्यमन्तरात्माऽसि देहिनाम्॥
yā me prītiḥ puṣkarākṣa tvadarśanasamudbhavā| sā kimākhyāyate tubhyamantarātmā'si dehinām||
What is the use of describing the pleasure I feel, owing of my seeing you; for you are the universal soul of all embodies creatures.
— tr. M.N. Dutt (1891–96) (public domain)