Mahabharata — Volume III (Dutt edition) — Chapter 158
MBh 3 158.1
दुर्योधन उवाच यदाह विदुरः कृष्णे सर्वं तत् सत्यमच्युते। अनुरक्तो ह्यसंहार्यः पार्थान् प्रति जनार्दनः॥
duryodhana uvāca yadāha viduraḥ kṛṣṇe sarvaṃ tat satyamacyute| anurakto hyasaṃhāryaḥ pārthān prati janārdanaḥ||
Duryodhana said What Vidura has said regarding Krishna has been truly spoken; for Janardana is firmly attached to the son of Pritha and inseparable from them.
— tr. M.N. Dutt (1891–96) (public domain)
MBh 3 158.2
यत् तत् सत्कारसंयुक्तं देयं वसु जनार्दने। अनेकरूपं राजेन्द्र न तद् देयं कदाचन॥
yat tat satkārasaṃyuktaṃ deyaṃ vasu janārdane| anekarūpaṃ rājendra na tad deyaṃ kadācana||
The diverse kinds of wealth therefore that is proposed to be bestowed on Janardana for his honour, O chief among kings, should on no account be given.
— tr. M.N. Dutt (1891–96) (public domain)
MBh 3 158.3
देशः कालस्तथाऽयुक्तो न हि नार्हति केशवः। मंस्यत्यधोक्षजो राजन् भयादर्चति मामिति॥
deśaḥ kālastathā'yukto na hi nārhati keśavaḥ| maṃsyatyadhokṣajo rājan bhayādarcati māmiti||
Though Keshava is worthy of all that, yet place and time render it in-expedient; for he will come to think on receiving our worship, O king, that we are honoring him out of fear.
— tr. M.N. Dutt (1891–96) (public domain)
MBh 3 158.4
अवमानश्च यत्र स्यात् क्षत्रियस्य विशाम्पते। न तत् कुर्याद् बुधः कार्यमिति मे निश्चिता मतिः॥
avamānaśca yatra syāt kṣatriyasya viśāmpate| na tat kuryād budhaḥ kāryamiti me niścitā matiḥ||
O Lord of the world, what would conduce to the disgrace of the Kshatriya race should not be done by a wise man. Such is my decided opinion.
— tr. M.N. Dutt (1891–96) (public domain)
MBh 3 158.5
स हि पूज्यतमो लोके कृष्णः पृथुललोचनः। त्रयाणामपि लोकानां विदितं मम सर्वथा॥
sa hi pūjyatamo loke kṛṣṇaḥ pṛthulalocanaḥ| trayāṇāmapi lokānāṃ viditaṃ mama sarvathā||
Krishna of big eyes is most worthy of worship in this world by all the three worlds. This fact is always present in my mind.
— tr. M.N. Dutt (1891–96) (public domain)
MBh 3 158.6
न तु तस्मै प्रदेयं स्यात् तथा कार्यगतिः प्रभो। विग्रहः समुपारब्धो न हि शाम्यत्यविग्रहात्॥
na tu tasmai pradeyaṃ syāt tathā kāryagatiḥ prabho| vigrahaḥ samupārabdho na hi śāmyatyavigrahāt||
But circumstances are such, my lord, that nothing should be given him. War having been decided on will not turn into peace by delaying the former.
— tr. M.N. Dutt (1891–96) (public domain)
MBh 3 158.7
वैशम्पायन उवाच तस्य तद् वचनं श्रुत्वा भीष्मः कुरुपितामहः। वैचित्रवीर्यं राजानमिदं वचनमब्रवीत्॥
vaiśampāyana uvāca tasya tad vacanaṃ śrutvā bhīṣmaḥ kurupitāmahaḥ| vaicitravīryaṃ rājānamidaṃ vacanamabravīt||
Vaishampayana said Bhishma, the grandfather of the Kurus, having heard these words of his said these words to the royal son of Vichitravirya.
— tr. M.N. Dutt (1891–96) (public domain)
MBh 3 158.8
सत्कृतोऽसत्कृतो वापि न क्रुद्ध्येत जनार्दनः। नालमेनमवज्ञातुं नावज्ञेयो हि केशवः॥
satkṛto'satkṛto vāpi na kruddhyeta janārdanaḥ| nālamenamavajñātuṃ nāvajñeyo hi keśavaḥ||
Janardana will not get angry, whether he is properly received or not. He cannot be insulted; for Keshava is not capable of being SO.
— tr. M.N. Dutt (1891–96) (public domain)
MBh 3 158.9
यत् तु कारयं महाबाहो मनसा कार्यतां गतम्। सर्वोपायैर्न तच्छक्यं केनचित् कर्तुमन्यथा॥
yat tu kārayaṃ mahābāho manasā kāryatāṃ gatam| sarvopāyairna tacchakyaṃ kenacit kartumanyathā||
Whatever act, O you with long arms, is fructified in his mind's eye cannot be prevented by any man by every mean in his power.
— tr. M.N. Dutt (1891–96) (public domain)
MBh 3 158.10
स यद् ब्रूयान्महाबाहुस्तत कार्यमविशङ्कया। वासुदेवेन तीर्थेन क्षिप्रं संशाम्य पाण्डवैः॥
sa yad brūyānmahābāhustata kāryamaviśaṅkayā| vāsudevena tīrthena kṣipraṃ saṃśāmya pāṇḍavaiḥ||
What that being with long arms says, should be done without hesitation. Effect peace quickly with the Pandavas through the instrumentality of Vasudeva.
— tr. M.N. Dutt (1891–96) (public domain)
MBh 3 158.11
धर्म्यमर्थ्यं च धर्मात्मा ध्रुवं वक्ता जनार्दनः। तस्मिन् वाच्याः प्रिया वाचो भवता बान्धवैः सह।॥
dharmyamarthyaṃ ca dharmātmā dhruvaṃ vaktā janārdanaḥ| tasmin vācyāḥ priyā vāco bhavatā bāndhavaiḥ saha|||
Janardana, inclined to virtue, will surely say what is conducive to morality as well as worldly profit; and he should be spoken to in agreeable words by yourself along with your friends.
— tr. M.N. Dutt (1891–96) (public domain)
MBh 3 158.12
दुर्योधन उवाच न पर्यायोऽस्ति यद् राजश्रियं निष्केवलामहम्। तैः सहेमामुपाश्नीयां यावज्जीवं पितामह॥
duryodhana uvāca na paryāyo'sti yad rājaśriyaṃ niṣkevalāmaham| taiḥ sahemāmupāśnīyāṃ yāvajjīvaṃ pitāmaha||
Duryodhana said Since, O king, there is no likelihood of my being the sole enjoy of royalty and since, O grandsire, I cannot share it for life with them.
— tr. M.N. Dutt (1891–96) (public domain)
MBh 3 158.13
इदं तु सुमहत् कार्यं शृणु मे यत् समर्थितम्। परायणं पाण्डवानां नियच्छामि जनार्दनम्॥
idaṃ tu sumahat kāryaṃ śṛṇu me yat samarthitam| parāyaṇaṃ pāṇḍavānāṃ niyacchāmi janārdanam||
Listen to this great deed which I have fixed in my mind. I shall make Janardana-the refuge of the Pandavas, the captive.
— tr. M.N. Dutt (1891–96) (public domain)
MBh 3 158.14
तस्मिन् बद्धे भविष्यन्ति वृष्णयः पृथिवी तथा। पाण्डवाश्च विधेया मे स च प्रातरिहैष्यति॥
tasmin baddhe bhaviṣyanti vṛṣṇayaḥ pṛthivī tathā| pāṇḍavāśca vidheyā me sa ca prātarihaiṣyati||
On his imprisonment, the Vrishnis and the Pandavas, in fact the whole world, will be at my disposal. Krishna, too, will be here tomorrow morning.
— tr. M.N. Dutt (1891–96) (public domain)
MBh 3 158.15
अत्रोपायान् यथा सम्यगन बुद्ध्येत जनार्दनः। न चापायो भवेत् कश्चित् तद् भवान् प्रब्रवीतु मे॥
atropāyān yathā samyagana buddhyeta janārdanaḥ| na cāpāyo bhavet kaścit tad bhavān prabravītu me||
Some means for executing this in such a way that Janardana may not at all anticipate it; and so that we way not fall into any danger, should be told me by you.
— tr. M.N. Dutt (1891–96) (public domain)
MBh 3 158.16
वैशम्पायन उवाच तस्य तद् वचनं श्रुत्वा घोरं कृष्णाभिसंहितम्। धृतराष्ट्रः सहामात्यो व्यथितो विमनाऽभवत्॥
vaiśampāyana uvāca tasya tad vacanaṃ śrutvā ghoraṃ kṛṣṇābhisaṃhitam| dhṛtarāṣṭraḥ sahāmātyo vyathito vimanā'bhavat||
Vaishampayana said Hearing these words of terrible import, namely of making of making Krishna a captive, Dhritarashtra with his ministers became oppressed with pain.
— tr. M.N. Dutt (1891–96) (public domain)
MBh 3 158.17
ततो दुर्योधनमिदं धृतराष्ट्रोऽब्रवीद् वचः। मैवं वोचः प्रजापाल नैष धर्मः सनातनः॥
tato duryodhanamidaṃ dhṛtarāṣṭro'bravīd vacaḥ| maivaṃ vocaḥ prajāpāla naiṣa dharmaḥ sanātanaḥ||
Dhritarashtra then said these words to Duryodhana, do not say so, O you protector of men. This is against eternal virtue.
— tr. M.N. Dutt (1891–96) (public domain)
MBh 3 158.18
दूतश्च हि हृषीकेशः सम्बन्धी च प्रियश्च नः। अपापः कौरवेयेषु स कथं बन्धमर्हति॥
dūtaśca hi hṛṣīkeśaḥ sambandhī ca priyaśca naḥ| apāpaḥ kauraveyeṣu sa kathaṃ bandhamarhati||
Hrishikesha is an ambassador; and in relation he is dear to ourselves. He has done no wrong to the Kurus. How then is it proper that he should be made a captive?
— tr. M.N. Dutt (1891–96) (public domain)
MBh 3 158.19
भीष्म उवाच परीतस्तव पुत्रोऽयं धृतराष्ट्र सुमन्दधीः।। वृणोत्यनर्थं नैवार्थं याच्यमानः सुहृज्जनैः॥
bhīṣma uvāca parītastava putro'yaṃ dhṛtarāṣṭra sumandadhīḥ|| vṛṇotyanarthaṃ naivārthaṃ yācyamānaḥ suhṛjjanaiḥ||
Bhishma said This wicked son of yours, O Dhritarashtra, is on the verge of eternity. He selects the evil and not what is good, though begged by persons who wish well to him.
— tr. M.N. Dutt (1891–96) (public domain)
MBh 3 158.20
इममुत्पथि वर्तन्तं पापं पापानुबन्धिनम्। वाक्यानि सुहृदां हित्वा त्वमप्यस्यानुवर्तसे॥
imamutpathi vartantaṃ pāpaṃ pāpānubandhinam| vākyāni suhṛdāṃ hitvā tvamapyasyānuvartase||
Instead of listening to the advice of your well-wishers, you too follow him, who is established on this unrighteous path and whose surroundings are sinful.
— tr. M.N. Dutt (1891–96) (public domain)
MBh 3 158.21
कृष्णमक्लिष्टकर्माणमासाद्यायं सुदुर्मतिः। तव पुत्रः सहामात्यः क्षणेन न भविष्यति॥
kṛṣṇamakliṣṭakarmāṇamāsādyāyaṃ sudurmatiḥ| tava putraḥ sahāmātyaḥ kṣaṇena na bhaviṣyati||
This son of Dhritarashtra of exceedingly wicked purposes, along with his advisers, will cease to exist in a moment when he comes against Krishna, who can do a work without the least trouble.
— tr. M.N. Dutt (1891–96) (public domain)
MBh 3 158.22
पापस्यास्य नृशंसस्य त्यक्तधर्मस्य दुर्मतेः। नोत्सहेऽनर्थसंयुक्ताः श्रोतुं वाचः कथंचन॥
pāpasyāsya nṛśaṃsasya tyaktadharmasya durmateḥ| notsahe'narthasaṃyuktāḥ śrotuṃ vācaḥ kathaṃcana||
I dare not listen to any words of this man of wicked purpose, who has abandoned virtue and who is cruel and sinful.
— tr. M.N. Dutt (1891–96) (public domain)
MBh 3 158.23
इत्युक्त्वा भरतश्रेष्ठो वृद्धः परममन्युमान्। उत्थाय तस्मात् प्रातिष्ठद् भीष्मः सत्यपराक्रमः॥
ityuktvā bharataśreṣṭho vṛddhaḥ paramamanyumān| utthāya tasmāt prātiṣṭhad bhīṣmaḥ satyaparākramaḥ||
Having said this, the foremost of aged men among the Bharata Bhishma of true prowess got up and went away from that place, fired with great rage.
— tr. M.N. Dutt (1891–96) (public domain)