Mahabharata — Volume III (Dutt edition) — Chapter 151

MBh 3 151.1

सहदेव उवाच यदेतत् कथितं राज्ञा धर्म एष सनातनः। यथा च युद्धमेव स्यात् तथा कार्यमरिंदम॥

sahadeva uvāca yadetat kathitaṃ rājñā dharma eṣa sanātanaḥ| yathā ca yuddhameva syāt tathā kāryamariṃdama||

Sahadeva said All this which has been said by the king is eternal virtue; but, O chastiser of foes, should act in that way by which there shall be war.

— tr. M.N. Dutt (1891–96) (public domain)

MBh 3 151.2

यदि प्रशममिच्छेयुः कुरवः पाण्डवैः सह। तथापि युद्धं दाशाह योजयेथाः सहैव तैः॥

yadi praśamamiccheyuḥ kuravaḥ pāṇḍavaiḥ saha| tathāpi yuddhaṃ dāśāha yojayethāḥ sahaiva taiḥ||

If even the sons of Kuru desire peace with the sons of Pandu, still do you provoke war with them, O you of the Dasharha race.

— tr. M.N. Dutt (1891–96) (public domain)

MBh 3 151.3

कथं नु दृष्ट्वा पाञ्चालीं तथा कृष्ण सभागताम्। अवधेन प्रशाम्येत मम मन्युः सुयोधनेः॥

kathaṃ nu dṛṣṭvā pāñcālīṃ tathā kṛṣṇa sabhāgatām| avadhena praśāmyeta mama manyuḥ suyodhaneḥ||

Having seen the princess of Panchala come in the assembly, O Krishna, annoyed in that fashion, how can my wrath towards Suyodhana be appeased without killing him?

— tr. M.N. Dutt (1891–96) (public domain)

MBh 3 151.4

यदि भीमार्जुनौ कृष्ण धर्मराजश्च धार्मिकः। धर्ममुत्सृज्य तेनाहं योद्भुमिच्छामि संयुगे॥

yadi bhīmārjunau kṛṣṇa dharmarājaśca dhārmikaḥ| dharmamutsṛjya tenāhaṃ yodbhumicchāmi saṃyuge||

If Bhima and Arjuna, O Krishna and the virtuous king are virtuous, then I leading the path of virtue desire to fight with him in battle.

— tr. M.N. Dutt (1891–96) (public domain)

MBh 3 151.5

सात्यकिरुवाच सत्यमाह महाबाहो सहदेवो महामतिः। दुर्योधनवधे शान्तिस्तस्य कोपस्य मे भवेत्॥

sātyakiruvāca satyamāha mahābāho sahadevo mahāmatiḥ| duryodhanavadhe śāntistasya kopasya me bhavet||

Satyaki said Sahadeva of large mind has spoken the truth, O you of long arms. His wrath and mine will be appeased only by killing Duryodhana.

— tr. M.N. Dutt (1891–96) (public domain)

MBh 3 151.6

न जानासि यथा दृष्ट्वा चीराजिनधरान् वने। तवापि मन्युरुद्भूतो दुःखितान् प्रेक्ष्य पाण्डवान्॥

na jānāsi yathā dṛṣṭvā cīrājinadharān vane| tavāpi manyurudbhūto duḥkhitān prekṣya pāṇḍavān||

Do you not know that you, too seeing the Pandavas clad in rags and deer skin in the forest, felt very sorry and your wrath was kindled

— tr. M.N. Dutt (1891–96) (public domain)

MBh 3 151.7

तस्मान्माद्रीसुतः शूरो यदाह रणकर्कशः। वचनं सर्वयोधानां तन्मतं पुरुषोत्तम॥

tasmānmādrīsutaḥ śūro yadāha raṇakarkaśaḥ| vacanaṃ sarvayodhānāṃ tanmataṃ puruṣottama||

Therefore what the heroic son of Madri terrific in battle has said is the opinion of all the soldiers, O you foremost of men.

— tr. M.N. Dutt (1891–96) (public domain)

MBh 3 151.8

वैशम्पायन उवाच एवं वदति वाक्यं तु युयुधाने महामतौ। सुभीमः सिंहनादोऽभूद् योधानां तत्र सर्वशः॥

vaiśampāyana uvāca evaṃ vadati vākyaṃ tu yuyudhāne mahāmatau| subhīmaḥ siṃhanādo'bhūd yodhānāṃ tatra sarvaśaḥ||

Vaishampayana said While Suyodhana of large mind was yet speaking such, a terrible roar like that of a lion came from all the soldiers assembled there.

— tr. M.N. Dutt (1891–96) (public domain)

MBh 3 151.9

सर्वे हि सर्वशो वीरास्तद्वचः प्रत्यपूजयन्। साधु सध्विति शैनेयं हर्षयन्तो युयुत्सवः॥

sarve hi sarvaśo vīrāstadvacaḥ pratyapūjayan| sādhu sadhviti śaineyaṃ harṣayanto yuyutsavaḥ||

And all the heroes accepted and honoured these words of his in every way saying-Well done, well done; and the soldiers desirous of battle expressed their joy.

— tr. M.N. Dutt (1891–96) (public domain)