Mahabharata — Volume III (Dutt edition) — Chapter 148

MBh 3 148.1

अर्जुन उवाच उक्तं युधिष्ठिरेणैव यावद् वाच्यं जनार्दन। तव वाक्यं तु मे श्रुत्वा प्रतिभाति परंतप॥

arjuna uvāca uktaṃ yudhiṣṭhireṇaiva yāvad vācyaṃ janārdana| tava vākyaṃ tu me śrutvā pratibhāti paraṃtapa||

Arjuna said By Yudhishthira has been uttered all that ought to be spoken, O Janardana; but hearing your words, O chastiser of foes, it seems to me.

— tr. M.N. Dutt (1891–96) (public domain)

MBh 3 148.2

नैव प्रशममत्र त्वं मन्यसे सुकरं प्रभो। लोभाद् वा धृतराष्ट्रस्य दैन्याद् वा समुपस्थितात्॥

naiva praśamamatra tvaṃ manyase sukaraṃ prabho| lobhād vā dhṛtarāṣṭrasya dainyād vā samupasthitāt||

That you do not consider peace to be easily obtainable in this instance, O Lord, owing either to avarice on the part of Dhritarashtra or the weakness of ourselves.

— tr. M.N. Dutt (1891–96) (public domain)

MBh 3 148.3

अफलं मन्यसे वाऽपि पुरुषस्य पराक्रमम्। न चान्तरेण कर्माणि पौरुषेण फलोदयः॥

aphalaṃ manyase vā'pi puruṣasya parākramam| na cāntareṇa karmāṇi pauruṣeṇa phalodayaḥ||

You consider, too, that human strength (alone) is without avail and that human desires are fruitless save when attended with action.

— tr. M.N. Dutt (1891–96) (public domain)

MBh 3 148.4

तदिदं भाषितं वाक्यं तथा च न तथैव तत्। न चैतदेवं द्रष्टव्यमसाध्यमपि किंचन॥

tadidaṃ bhāṣitaṃ vākyaṃ tathā ca na tathaiva tat| na caitadevaṃ draṣṭavyamasādhyamapi kiṃcana||

These words spoken by you may or may not be true; but there is nothing which ought to be regarded as incapable of attainment.

— tr. M.N. Dutt (1891–96) (public domain)

MBh 3 148.5

किं चैतन्मन्यसे कृच्छ्रमस्माकमवसादकम्। कुर्वन्ति तेषां कर्माणि येषां नास्ति फलोदयः॥

kiṃ caitanmanyase kṛcchramasmākamavasādakam| kurvanti teṣāṃ karmāṇi yeṣāṃ nāsti phalodayaḥ||

You consider peace to be improbable owing to our weakness; but they are doing deeds, which do not seem to bear fruits.

— tr. M.N. Dutt (1891–96) (public domain)

MBh 3 148.6

सम्पाद्यमानं सम्यक् च स्यात् कर्म सफलं प्रभो। स तथा कृष्ण वर्तस्व यथा शर्म भवेत् परैः॥

sampādyamānaṃ samyak ca syāt karma saphalaṃ prabho| sa tathā kṛṣṇa vartasva yathā śarma bhavet paraiḥ||

Done in a proper way, however, our object may be successful, O lord, therefore, O Krishna, act in such a way that there may be enemy.

— tr. M.N. Dutt (1891–96) (public domain)

MBh 3 148.7

पाण्डवानां कुरूणां च भवान् नः प्रथमः सुहृत्। सुराणामसुराणां च यथा वीर प्रजापतिः॥

pāṇḍavānāṃ kurūṇāṃ ca bhavān naḥ prathamaḥ suhṛt| surāṇāmasurāṇāṃ ca yathā vīra prajāpatiḥ||

You are the best well-wisher of ourselves, of both the Kurus and the Pandavas; as the hero Prajapati was of the Suras and the Asuras.

— tr. M.N. Dutt (1891–96) (public domain)

MBh 3 148.8

कुरूणां पाण्डवानां च प्रतिपत्स्व निरामयम्। अस्मद्धितमनुष्ठानं मन्ये तव न दुष्करम्॥

kurūṇāṃ pāṇḍavānāṃ ca pratipatsva nirāmayam| asmaddhitamanuṣṭhānaṃ manye tava na duṣkaram||

Do, therefore, that which is conducive to the interests of both the Kurus and the Pandavas. I think that the accomplishment of what is for our good is not difficult for you; and this is a work which is the proper thing for you to do, O Janardana.

— tr. M.N. Dutt (1891–96) (public domain)

MBh 3 148.9

एवं च कार्यतामेति कार्यं तव जनार्दन। गमनादेवमेव त्वं करिष्यसि जनार्दन।॥

evaṃ ca kāryatāmeti kāryaṃ tava janārdana| gamanādevameva tvaṃ kariṣyasi janārdana|||

You will accomplish this, as soon as you go there, O Janardana; and, O hero, if any other treatment of that evil-souled one is derived by you; it will be as you wish, whether it is to be peace with them or not or whatever is desired by you.

— tr. M.N. Dutt (1891–96) (public domain)

MBh 3 148.10

चिकीर्षितमथान्यत् ते तस्मिन् वीर दुरात्मनि। भविष्यति च तत् सर्वं यथा तवचिकीर्षितम्॥

cikīrṣitamathānyat te tasmin vīra durātmani| bhaviṣyati ca tat sarvaṃ yathā tavacikīrṣitam||

O Krishna, whatever you desire after mature deliberation will be accepted by us with due respect. Is not death proper for that evil-minded one, as well as for his friends and sons?

— tr. M.N. Dutt (1891–96) (public domain)

MBh 3 148.11

शर्म तैः सह वा नोऽस्तु तव वा यच्चिकीर्षितम्। विचार्यमाणो यः कामस्तव कृष्ण स नो गुरुः। न स नार्हति दुष्टात्मा वधं ससुतबान्धवः॥

śarma taiḥ saha vā no'stu tava vā yaccikīrṣitam| vicāryamāṇo yaḥ kāmastava kṛṣṇa sa no guruḥ| na sa nārhati duṣṭātmā vadhaṃ sasutabāndhavaḥ||

By whom was seen the beauty of prosperity established on the son of Dharma; and who on seeing that had no righteous means (of wining the kingdom) O slayer of Madhu.

— tr. M.N. Dutt (1891–96) (public domain)

MBh 3 148.12

येन धर्मसुते दृष्टा न सा श्रीरुपमर्षिता। यच्चाप्यपश्यतोपायं धर्मिष्ठं मधुसूदन॥

yena dharmasute dṛṣṭā na sā śrīrupamarṣitā| yaccāpyapaśyatopāyaṃ dharmiṣṭhaṃ madhusūdana||

They robbed us (of our kingdom) by the cruel and sinful means of a deceitful game at dice. Where is the wielder of the bow, who though born in a Kshatriya family.

— tr. M.N. Dutt (1891–96) (public domain)

MBh 3 148.13

उपायेन नृशंसेन हृता दुर्दूतदेविना। कथं हि पुरुषो जातः क्षत्रियेषु धनुर्धरः॥

upāyena nṛśaṃsena hṛtā durdūtadevinā| kathaṃ hi puruṣo jātaḥ kṣatriyeṣu dhanurdharaḥ||

When challenged (for battle) turns back even when death stares on him? Seeing ourselves defeated by deceit and while wandering in the woods.

— tr. M.N. Dutt (1891–96) (public domain)

MBh 3 148.14

समाहूतो निवर्तेत प्राणत्यागेऽप्युपस्थिते। अधर्मेण जितान् दृष्ट्वा वने प्रव्रजितांस्तथा॥ वध्यतां मम वार्ष्णेय निर्गतोऽसौ सुयोधनः। न चैतदद्भुतं कृष्ण मित्रार्थं यच्चिकीर्षसि। क्रिया कथं च मुख्या स्यान्मृदुना चेतरेण वा॥

samāhūto nivarteta prāṇatyāge'pyupasthite| adharmeṇa jitān dṛṣṭvā vane pravrajitāṃstathā|| vadhyatāṃ mama vārṣṇeya nirgato'sau suyodhanaḥ| na caitadadbhutaṃ kṛṣṇa mitrārthaṃ yaccikīrṣasi| kriyā kathaṃ ca mukhyā syānmṛdunā cetareṇa vā||

Did I think that Suyodhana ought to be slain by me when I came out of the forest, O you of the Vrishini race; but what you desire to do on behalf of your friends is not strange, O Krishna, though how that is capable of accomplishment by mildness or by other means (I do not see).

— tr. M.N. Dutt (1891–96) (public domain)

MBh 3 148.15

अथवा मन्यसे ज्यायान् वधस्तेषामनन्तरम्। तदेव क्रियतामाशु न विचार्यमतस्त्वया॥

athavā manyase jyāyān vadhasteṣāmanantaram| tadeva kriyatāmāśu na vicāryamatastvayā||

If you consider their immediate destruction better, do that instantly for there is nothing to be considered about in this matter.

— tr. M.N. Dutt (1891–96) (public domain)

MBh 3 148.16

जानासि हि यथैतेन द्रौपदी पापबुद्धिना। परिक्लिष्टा सभामध्ये तच्च तस्योपमर्षितम्॥

jānāsi hi yathaitena draupadī pāpabuddhinā| parikliṣṭā sabhāmadhye tacca tasyopamarṣitam||

You know, how by that evil-minded one Draupadi was troubled and annoyed in the midst of the Council and that act of his was borne with difficulty.

— tr. M.N. Dutt (1891–96) (public domain)

MBh 3 148.17

स नाम सम्यग् वर्तेत पाण्डवेष्विति माधव। न मे संजायते बुद्धिर्बीजमुप्तमिवोषरे॥

sa nāma samyag varteta pāṇḍaveṣviti mādhava| na me saṃjāyate buddhirbījamuptamivoṣare||

That he should treat the Pandavas justly, O Madhava, dose not seem possible to me. Good counsel to him will give the same result as seed thrown on barren lands.

— tr. M.N. Dutt (1891–96) (public domain)

MBh 3 148.18

तस्माद् यन्मन्यसे युक्तं पाण्डवानां हितं च यत्। तथाऽऽशु कुरु वार्ष्णेय यन्नः कार्यमनन्तरम्॥

tasmād yanmanyase yuktaṃ pāṇḍavānāṃ hitaṃ ca yat| tathā''śu kuru vārṣṇeya yannaḥ kāryamanantaram||

There for what you consider proper and beneficial for Kurus, What ought to be done next by us, do immediately.

— tr. M.N. Dutt (1891–96) (public domain)