Mahabharata — Volume III (Dutt edition) — Chapter 13
MBh 3 13.1
जनमेजय उवाच । एवं ते मत्स्यनगरे प्रच्छन्नाः कुरुनन्दनाः। अत ऊर्ध्वं महावीर्याः किमकुर्वत वै द्विजः॥
janamejaya uvāca | evaṃ te matsyanagare pracchannāḥ kurunandanāḥ| ata ūrdhvaṃ mahāvīryāḥ kimakurvata vai dvijaḥ||
Janamejaya said O twice-born one, living thus disguised in the city of the Matsyas what did the Kuru's sons of exceeding might do.
— tr. M.N. Dutt (1891–96) (public domain)
MBh 3 13.2
वैशम्पायन उवाच एवं मत्स्यस्य नगरे प्रच्छन्नाः कुरुनन्दनाः। आराधयन्तो राजानं यदकुर्वत तच्छृणु॥
vaiśampāyana uvāca evaṃ matsyasya nagare pracchannāḥ kurunandanāḥ| ārādhayanto rājānaṃ yadakurvata tacchṛṇu||
Vaishampayana said Hear, what the descendants of Kuru did living thus disguised in the city of the Matsyas and serving the king thereof.
— tr. M.N. Dutt (1891–96) (public domain)
MBh 3 13.3
तृणबिन्दुप्रसादाच्च धर्मस्य च महात्मनः। अज्ञातवासमेवं तु विराटनगरेऽवसन्॥
tṛṇabinduprasādācca dharmasya ca mahātmanaḥ| ajñātavāsamevaṃ tu virāṭanagare'vasan||
By the grace of the ascetic Trinabindu and of the high-souled Dharma they began to live incognito in the city of Virata.
— tr. M.N. Dutt (1891–96) (public domain)
MBh 3 13.4
युधिष्ठिरः सभास्तारो मत्स्यानामभवत् प्रियः। तथैव च विराटस्य सपुत्रस्य विशाम्पते॥
yudhiṣṭhiraḥ sabhāstāro matsyānāmabhavat priyaḥ| tathaiva ca virāṭasya saputrasya viśāmpate||
Yudhishthira as a courtier made himself a favorite to Virata and his son, as well as to all the Matsyas, O lord of people.
— tr. M.N. Dutt (1891–96) (public domain)
MBh 3 13.5
स ह्यक्षहृदयज्ञस्तान् क्रीडयामास पाण्डवः। अक्षवत्यां यथाकामं सूत्रबद्धानिव द्विजान्॥
sa hyakṣahṛdayajñastān krīḍayāmāsa pāṇḍavaḥ| akṣavatyāṃ yathākāmaṃ sūtrabaddhāniva dvijān||
Well versed in the mysteries of the dice he caused him to play at dice in the dice-hall in accordance with his pleasure like the birds bound by the string.
— tr. M.N. Dutt (1891–96) (public domain)
MBh 3 13.6
अज्ञातं च विराटस्य विजित्य वसु धर्मराट्। भ्रातृभ्यः पुरुषव्याघ्रो यथार्ह सम्प्रयच्छति॥
ajñātaṃ ca virāṭasya vijitya vasu dharmarāṭ| bhrātṛbhyaḥ puruṣavyāghro yathārha samprayacchati||
That best of men, the king of justice (Yudhishthira) having won the wealth of Virata duly distributed it without the knowledge of the monarch among his brothers.
— tr. M.N. Dutt (1891–96) (public domain)
MBh 3 13.7
भीमसेनोऽपि मांसानि भक्ष्याणि विविधानि च। अतिसृष्टानि मत्स्येन विक्रीणीते युधिष्ठिरे॥
bhīmaseno'pi māṃsāni bhakṣyāṇi vividhāni ca| atisṛṣṭāni matsyena vikrīṇīte yudhiṣṭhire||
Bhimsena also sold to Yudhishthira, the meat and the viands of various sorts which were given by the king of the Matsyas.
— tr. M.N. Dutt (1891–96) (public domain)
MBh 3 13.8
वासांसि परिजीर्णानि लब्धान्यन्तःपुरेऽर्जुनः। विक्रीणानस्च सर्वेभ्यः पाण्डवेभ्यः प्रयच्छति॥
vāsāṃsi parijīrṇāni labdhānyantaḥpure'rjunaḥ| vikrīṇānasca sarvebhyaḥ pāṇḍavebhyaḥ prayacchati||
Arjuna parted with the worn out clothes by sale, which he obtained from women's quarters, to the other sons of Pandu.
— tr. M.N. Dutt (1891–96) (public domain)
MBh 3 13.9
सहदेवोऽपि गोपानां वेषमास्थाय पाण्डवः। दधि क्षीरं घृतं चैव पाण्डवेभ्यः प्रयच्छति॥
sahadevo'pi gopānāṃ veṣamāsthāya pāṇḍavaḥ| dadhi kṣīraṃ ghṛtaṃ caiva pāṇḍavebhyaḥ prayacchati||
Sahadeva also, who had assumed the dress of a cow-herd, distributed to them curds, milk and clarified butter.
— tr. M.N. Dutt (1891–96) (public domain)
MBh 3 13.10
नकुलोऽपि धनं लब्ध्वा कृते कर्मणि वाजिनाम्। तुष्टे तस्मिन् नरपतौ पाण्डवेभ्यः प्रयच्छति॥
nakulo'pi dhanaṃ labdhvā kṛte karmaṇi vājinām| tuṣṭe tasmin narapatau pāṇḍavebhyaḥ prayacchati||
Nakula also gave the wealth to his brothers which he acquired from the king who was satisfied with him for his tending the horses.
— tr. M.N. Dutt (1891–96) (public domain)
MBh 3 13.11
कृष्णा तु सर्वान् भर्तृस्तान् निरीक्षन्ती तपस्विनी। यथा पुनरविज्ञाता तथा चरति भामिनी॥
kṛṣṇā tu sarvān bhartṛstān nirīkṣantī tapasvinī| yathā punaravijñātā tathā carati bhāminī||
In the form of ascetic and very charmful draupadi served their husband, so nobody can identify their reality.
— tr. M.N. Dutt (1891–96) (public domain)
MBh 3 13.12
एवं सम्पादयन्तस्ते तदान्योन्यं महारथाः। विराटनगरे चेरुः पुनर्गर्भधृता इव॥
evaṃ sampādayantaste tadānyonyaṃ mahārathāḥ| virāṭanagare ceruḥ punargarbhadhṛtā iva||
They, the mighty warriors, then looking after the interest of one another, lived in the city of Virata in such a manner, as if they were once more in the house of their mother.
— tr. M.N. Dutt (1891–96) (public domain)
MBh 3 13.13
साशङ्का धार्तराष्ट्रस्य भयात् पाण्डुसुतास्तदा। प्रेक्षमाणास्तदा कृष्णामूषुश्छन्ना नराधिप॥
sāśaṅkā dhārtarāṣṭrasya bhayāt pāṇḍusutāstadā| prekṣamāṇāstadā kṛṣṇāmūṣuśchannā narādhipa||
Then the sons of Pandu, the lords of men, appending evil from the sons of Dhritarashtra, continued to live there in disguise keeping vigilant eyes upon their wife Krishna.
— tr. M.N. Dutt (1891–96) (public domain)
MBh 3 13.14
अथ मासे चतुर्थे तु ब्रह्मणः सुमहोत्सवः। आसीत् समृद्धो मत्स्येषु पुरुषाणां सुसम्मतः॥
atha māse caturthe tu brahmaṇaḥ sumahotsavaḥ| āsīt samṛddho matsyeṣu puruṣāṇāṃ susammataḥ||
Then in the fourth month there happened a great festival, in honor of the divine Brahma, slender in form and highly valued by people, in the city of the Matsya's.
— tr. M.N. Dutt (1891–96) (public domain)
MBh 3 13.15
तत्र मल्लाः समापेतुर्दिग्भ्यो राजन् सहस्रशः। समाजे ब्रह्मणो राजन् यथा पशुपतेरिव॥
tatra mallāḥ samāpeturdigbhyo rājan sahasraśaḥ| samāje brahmaṇo rājan yathā paśupateriva||
0 king, there came, by thousands, wrestlers from all quarters in that field of festivity in honour of the divine Brahma, as also on the occasion of a festival held in honor of Shiva.
— tr. M.N. Dutt (1891–96) (public domain)
MBh 3 13.16
महाकाया महावीर्याः कालखजा इवासुराः। वीर्योन्मत्ता बलोदग्रा राज्ञा समभिपूजिताः॥
mahākāyā mahāvīryāḥ kālakhajā ivāsurāḥ| vīryonmattā balodagrā rājñā samabhipūjitāḥ||
They were of colossal forms and of exceeding might, like the demons named Kalakhanjas; they were maddened with their latent power; furious with their prowess and highly honored by the king.
— tr. M.N. Dutt (1891–96) (public domain)
MBh 3 13.17
सिंहस्कन्धकटिग्रीवाः स्वावदाता मनस्विनः। असकृल्लब्धलक्षास्ते रङ्गे पार्थिवसंनिधौ॥
siṃhaskandhakaṭigrīvāḥ svāvadātā manasvinaḥ| asakṛllabdhalakṣāste raṅge pārthivasaṃnidhau||
Their shoulders, waists and necks were like those of lions, their bodies were free from dirt, and their hearts were large. Many times before they achieved success in the lists in the very august presence of the king.
— tr. M.N. Dutt (1891–96) (public domain)
MBh 3 13.18
तेषामेको महानासीत् सर्वमल्लानथाह्वयत्। आवल्गमानं तं रङ्गे नोपतिष्ठति कश्चन॥
teṣāmeko mahānāsīt sarvamallānathāhvayat| āvalgamānaṃ taṃ raṅge nopatiṣṭhati kaścana||
Amongst them there was one who was the greatest of all and challenged all other combatants to a wrestle; there was none that ventured to encounter him as he strided over in the arena.
— tr. M.N. Dutt (1891–96) (public domain)
MBh 3 13.19
यदा सर्वे विमनसस्ते मल्ला हतचेतसः। अथ सूदेन तं मल्लं योधयामास मत्स्यराट्।॥
yadā sarve vimanasaste mallā hatacetasaḥ| atha sūdena taṃ mallaṃ yodhayāmāsa matsyarāṭ|||
When all the wrestlers stood stupefied and dejected in spirit then the king of the Matsyas made him fight with his cook.
— tr. M.N. Dutt (1891–96) (public domain)
MBh 3 13.20
नोद्यमानस्तदा भीमो दुःखेनैवाकरोन्मतिम्। न हि शक्नोति विवृते प्रत्याख्यातुं नराधिपम्॥
nodyamānastadā bhīmo duḥkhenaivākaronmatim| na hi śaknoti vivṛte pratyākhyātuṃ narādhipam||
Impelled by the king, Bhima made up his mind with reluctance, for it was not in his power to openly disobey the royal mandate.
— tr. M.N. Dutt (1891–96) (public domain)
MBh 3 13.21
ततः स पुरुषव्याघ्रः शार्दूलशिथिलश्चरन्। प्रविवेश महारङ्गं विराटमभिपूजयन्॥
tataḥ sa puruṣavyāghraḥ śārdūlaśithilaścaran| praviveśa mahāraṅgaṃ virāṭamabhipūjayan||
Then that the best of men, having worshipped the king Virata, entered the spacious arena with listless steps like those of a lion.
— tr. M.N. Dutt (1891–96) (public domain)
MBh 3 13.22
बबन्ध कक्षां कौन्तेयस्ततः संहर्षयञ्जनम्। ततस्तु वृत्रसंकाशं भीमो मल्लं समाह्वयत्॥
babandha kakṣāṃ kaunteyastataḥ saṃharṣayañjanam| tatastu vṛtrasaṃkāśaṃ bhīmo mallaṃ samāhvayat||
Then Bhima, the son of Kunti, girded up his lions and caused the delight of the spectators. There he summoned the wrestler of distinguished prowess named Jimuta resembling Vritra himself. were
— tr. M.N. Dutt (1891–96) (public domain)
MBh 3 13.23
जीमूतं नाम तं तत्र मल्लं प्रख्यातविक्रमम्। तावुभौ सुमहोत्साहावुभौ भीमपराक्रमौ॥ मत्ताविव महाकायौ वारणौ षष्टिहायनौ। ततस्तौ नरशार्दूलो बाहुयुद्धं समीयतुः॥
jīmūtaṃ nāma taṃ tatra mallaṃ prakhyātavikramam| tāvubhau sumahotsāhāvubhau bhīmaparākramau|| mattāviva mahākāyau vāraṇau ṣaṣṭihāyanau| tatastau naraśārdūlo bāhuyuddhaṃ samīyatuḥ||
Both of them were of exceeding energy and of terrible prowess, and they both were like a couple of infuriated elephants of gigantic form each being sixty years old. Then those two best of men became engaged in hand-tohand fight.
— tr. M.N. Dutt (1891–96) (public domain)
MBh 3 13.24
वीरौ परमसंहृष्टावन्योन्यजयकाक्षिणौ। आसीत् सुभीमः सम्पातो वज्रपर्वतयोरिव॥
vīrau paramasaṃhṛṣṭāvanyonyajayakākṣiṇau| āsīt subhīmaḥ sampāto vajraparvatayoriva||
Those two heroic combatants exceedingly cheerful, each being desirous of gaining victory over the other; exceedingly terrible was the encounter between them, just like the clash of the thunderbolt against the mountain.
— tr. M.N. Dutt (1891–96) (public domain)
MBh 3 13.25
उभौ परमसंहृष्टौ बलेनातिबलावुभौ। अन्योन्यस्यान्तरं प्रेप्सू परस्परजयैषिणौ॥
ubhau paramasaṃhṛṣṭau balenātibalāvubhau| anyonyasyāntaraṃ prepsū parasparajayaiṣiṇau||
Both of them were exceedingly powerful and were highly pleased with each other's strength; each of them was desirous of winning the victory over the other and was vigilant to take advantage of his rival's lapse.
— tr. M.N. Dutt (1891–96) (public domain)
MBh 3 13.26
उभौ परमसंहष्टौ मत्ताविव महागजौ। कृतप्रतिकृतैश्चित्रैर्बाहुभिश्च सुसरूटैः।
ubhau paramasaṃhaṣṭau mattāviva mahāgajau| kṛtapratikṛtaiścitrairbāhubhiśca susarūṭaiḥ|
Both of them were exceedingly delighted and resembled a couple of infuriated elephants of huge forms; and various were the manners of their attack and defence shown by means of their clenched fists.
— tr. M.N. Dutt (1891–96) (public domain)
MBh 3 13.27
संनिपातावधूतैश्च प्रमौथोन्मथनैस्तथा॥ क्षेपणैर्मुष्टिभिश्चैव वराहोद्भूतनि:स्वनैः।
saṃnipātāvadhūtaiśca pramauthonmathanaistathā|| kṣepaṇairmuṣṭibhiścaiva varāhodbhūtani:svanaiḥ|
They fought in a manner that each dashed against the other, threw his rival far off his stand, each crushed the other down, and pressed him hard on the ground, each showing the other off exchanged blows, and each whirled the other round with his head downward and threw him away with a loud noise.
— tr. M.N. Dutt (1891–96) (public domain)
MBh 3 13.28
तलैर्वज्रनिपातैश्च प्रसृष्टाभिस्तथैव च॥ शलाकानसखपातैश्च पादोद्भूतैश्च दारुणैः।
talairvajranipātaiśca prasṛṣṭābhistathaiva ca|| śalākānasakhapātaiśca pādodbhūtaiśca dāruṇaiḥ|
With their palms each gave a good slap to the other, striking as hard as the thunder bolt and with outstretched fingers they slapped each other. They thrust spear like nails into each other's person; each gave violent kicks to the other.
— tr. M.N. Dutt (1891–96) (public domain)
MBh 3 13.29
जानुभिश्चाश्मनिर्घोषैः शिरोभिश्चावघदनैः॥ तद् युद्धमभवद् घोरमशस्त्रं बाहुतेजसा।
jānubhiścāśmanirghoṣaiḥ śirobhiścāvaghadanaiḥ|| tad yuddhamabhavad ghoramaśastraṃ bāhutejasā|
They struck knee against knee, dashed head against head, producing the crash of one stone against another. That was the furious combat without weapons, sustained chiefly by the might of their arms.
— tr. M.N. Dutt (1891–96) (public domain)
MBh 3 13.30
बलप्राणेन शूराणां समाजोत्सवसंनिधौ॥ अरज्यत जन: सर्वः सोत्क्रुष्टनिनदोत्थितः।
balaprāṇena śūrāṇāṃ samājotsavasaṃnidhau|| arajyata jana: sarvaḥ sotkruṣṭaninadotthitaḥ|
By both physical and mental energy of the two heroic combatants, as represented in the presence of people assembled in the arena on the occasion of the festivity, all the spectators were extremely delighted, and their delight was manifested by joyous shouts given out at intervals.
— tr. M.N. Dutt (1891–96) (public domain)
MBh 3 13.31
बलिनोः संयुगे राजन् वृत्रवासवयोरिव॥ प्रकर्षणाकर्षणयोरभ्याकर्षविकर्षणैः। आकर्षतुरधान्योन्यं जानुभिश्चापि जघतुः॥ महता भर्त्सयन्तौ परस्परम्।
balinoḥ saṃyuge rājan vṛtravāsavayoriva|| prakarṣaṇākarṣaṇayorabhyākarṣavikarṣaṇaiḥ| ākarṣaturadhānyonyaṃ jānubhiścāpi jaghatuḥ|| mahatā bhartsayantau parasparam|
O king, in the wrestling of the two mighty persons, resembling Vitra and Vasava respectively, they pulled, pressed, whirled and hurried down each other and struck each other with their knees and expressed their hatred for each other in loud voices.
— tr. M.N. Dutt (1891–96) (public domain)
MBh 3 13.32
व्यूढोरस्कौ दीर्घभुजौ नियुद्धकुशलावुभौ। बाहुभिः समसज्जेतामायसैः परिधैरिव॥
vyūḍhoraskau dīrghabhujau niyuddhakuśalāvubhau| bāhubhiḥ samasajjetāmāyasaiḥ paridhairiva||
Then they both of expansive chest, and long arms, and expert in wrestling began to fight with their arms resembling huge bolts of iron.
— tr. M.N. Dutt (1891–96) (public domain)
MBh 3 13.33
चकर्ष दोर्ध्यामुत्पात्य भीमो मल्लममित्रहा। निनदन्तमभिक्रोशन् शार्दूल इव वारणम्॥ ततः शब्देन
cakarṣa dordhyāmutpātya bhīmo mallamamitrahā| ninadantamabhikrośan śārdūla iva vāraṇam|| tataḥ śabdena
Bhima, the slayer of enemies, seized, with a big seized, his vociferous rival wrestler by the arms and drew him near even as the lion seizes the elephant.
— tr. M.N. Dutt (1891–96) (public domain)
MBh 3 13.34
समुद्यम्य महाबाहूर्धामयामास वीर्यवान्। ततो मल्लाच मत्स्याश्चं विस्मयं चक्रिरे परम्॥
samudyamya mahābāhūrdhāmayāmāsa vīryavān| tato mallāca matsyāścaṃ vismayaṃ cakrire param||
Then the mighty-armed Bhima of great prowess raised him up and began to whirl him round; then all the athlete and the people of the Matsya's, who had assembled on the occasion, were greatly astonished.
— tr. M.N. Dutt (1891–96) (public domain)
MBh 3 13.35
भ्रामयित्वा शतगुणं गतसत्त्वमचेतनम्। प्रत्यपिंषन्महाबाहुर्मल्लं भुवि वृकोदरः॥
bhrāmayitvā śataguṇaṃ gatasattvamacetanam| pratyapiṃṣanmahābāhurmallaṃ bhuvi vṛkodaraḥ||
Then having whirled him round and round a hundred times, the mighty armed Vrikodara inade him utterly insensible and threw him down lifeless on the ground.
— tr. M.N. Dutt (1891–96) (public domain)
MBh 3 13.36
तस्मिन् विनिहते वीरे जीमूते लोकविश्रूते। विराटः परमं हर्षमगच्छद् बान्धवैः सह॥
tasmin vinihate vīre jīmūte lokaviśrūte| virāṭaḥ paramaṃ harṣamagacchad bāndhavaiḥ saha||
That distinguished athlete Jimuta being slain, Virata and his friends were exceedingly delighted.
— tr. M.N. Dutt (1891–96) (public domain)
MBh 3 13.37
प्रहर्षात् प्रददौ वित्तं बहु राजा महामनाः। बल्लवाय महारङ्गे यथा वैश्रवणस्तथा॥
praharṣāt pradadau vittaṃ bahu rājā mahāmanāḥ| ballavāya mahāraṅge yathā vaiśravaṇastathā||
In his great joy the high-minded king gave away to Ballava plenty of riches in the shape of a reward on the very field of combat with as much liberality as that of Kubera.
— tr. M.N. Dutt (1891–96) (public domain)
MBh 3 13.38
एवं स सुबहून् मल्लान् पुरुषांश्च महाबलान्। विनिघ्नन् मत्स्यराजस्य प्रीतिमाहरदुत्तमाम्॥
evaṃ sa subahūn mallān puruṣāṃśca mahābalān| vinighnan matsyarājasya prītimāharaduttamām||
Having thus slain numerous athletes and many other persons of great strength he received the great favour of the king of the Matsya's.
— tr. M.N. Dutt (1891–96) (public domain)
MBh 3 13.39
यदास्य तुल्यः पुरुषो न कश्चित् तत्र विद्यते। ततो व्याप्रैश्च सिंहैश्च द्विरदैश्चाप्ययोधयत्॥
yadāsya tulyaḥ puruṣo na kaścit tatra vidyate| tato vyāpraiśca siṃhaiśca dviradaiścāpyayodhayat||
When there was found no one such as to stand equal to him the king made him fight with tigers and lions and elephants.
— tr. M.N. Dutt (1891–96) (public domain)
MBh 3 13.40
पुनरन्तःपुरगतः स्त्राणां मध्ये वृकोदरः। योध्यते स विराटेन सिंहैर्मत्तैर्महाबलैः॥
punarantaḥpuragataḥ strāṇāṃ madhye vṛkodaraḥ| yodhyate sa virāṭena siṃhairmattairmahābalaiḥ||
Again the king made Vrikodara fight with furious lions of exceeding strength in the assembly of the ladies of the harem.
— tr. M.N. Dutt (1891–96) (public domain)
MBh 3 13.41
बीभत्सुरपि गीतेन स्वनृत्येन च पाण्डवः। विराटं तोषयामास सर्वाश्चान्तःपुरस्त्रियः॥
bībhatsurapi gītena svanṛtyena ca pāṇḍavaḥ| virāṭaṃ toṣayāmāsa sarvāścāntaḥpurastriyaḥ||
Bibhatsu, the son of Pandu, pleased Virata and all the ladies of the harem by singing and dancing.
— tr. M.N. Dutt (1891–96) (public domain)
MBh 3 13.42
अश्वैर्विनीतैर्जवनस्तत्र तत्र समागतः। तोषयामास राजानं नकुलो नृपसत्तमम्॥ तस्मै प्रदेयं प्रायच्छत् प्रीतो राजा धनं बहु।
aśvairvinītairjavanastatra tatra samāgataḥ| toṣayāmāsa rājānaṃ nakulo nṛpasattamam|| tasmai pradeyaṃ prāyacchat prīto rājā dhanaṃ bahu|
Nakula pleased the king, the best of kings by showing him the fast-going and well-trained horses and the king, pleased gave him a plenty of money as a reward.
— tr. M.N. Dutt (1891–96) (public domain)
MBh 3 13.43
विनीतान् वृषभान् दृष्ट्वा सहदेवस्य चाभितः। धनं ददौ बहुविधं विराटः पुरुषर्षभः॥
vinītān vṛṣabhān dṛṣṭvā sahadevasya cābhitaḥ| dhanaṃ dadau bahuvidhaṃ virāṭaḥ puruṣarṣabhaḥ||
Beholding a herd of well-trained bullocks around Sahadeva, Virata the best of men, gave him wealth of various kinds.
— tr. M.N. Dutt (1891–96) (public domain)
MBh 3 13.44
द्रौपदी प्रेक्ष्य तान् सर्वान् क्लिश्यमानान् महारथान्। नातिप्रीतमना राजन् निःश्वासपरमाभवत्॥
draupadī prekṣya tān sarvān kliśyamānān mahārathān| nātiprītamanā rājan niḥśvāsaparamābhavat||
O king, beholding all these mighty warriors suffer pain, Draupadi felt herself dejected in mind and had recourse to constant sighs.
— tr. M.N. Dutt (1891–96) (public domain)
MBh 3 13.45
एवं ते न्यवसंस्तत्र प्रच्छन्नाः पुरुषर्षभाः। कर्माणि तस्य कुर्वाणा विराटनृपतेस्तदा॥
evaṃ te nyavasaṃstatra pracchannāḥ puruṣarṣabhāḥ| karmāṇi tasya kurvāṇā virāṭanṛpatestadā||
Those best among men began to live there in disguise rendering services to the king Virata.
— tr. M.N. Dutt (1891–96) (public domain)