Mahabharata — Volume III (Dutt edition) — Chapter 123
MBh 3 123.1
धृतराष्ट्र उवाच सर्व एते महोत्साहा ये त्वया परिकीर्तिताः। एकतस्त्वेव ते सर्वे समेता भीम एकतः॥
dhṛtarāṣṭra uvāca sarva ete mahotsāhā ye tvayā parikīrtitāḥ| ekatastveva te sarve sametā bhīma ekataḥ||
Dhritarashtra said All these who have been enumerated by you are of great energy and courage; but Bhima alone is equal to all of them combined.
— tr. M.N. Dutt (1891–96) (public domain)
MBh 3 123.2
भीमसेनाद्धि मे भूयो भयं संजायते महत्। क्रुद्धादमर्षणात् तात व्याघ्रादिव महारुरोः॥
bhīmasenāddhi me bhūyo bhayaṃ saṃjāyate mahat| kruddhādamarṣaṇāt tāta vyāghrādiva mahāruroḥ||
From Bhimasena wrathful I have very great fear like that of a large deer from an enraged tiger.
— tr. M.N. Dutt (1891–96) (public domain)
MBh 3 123.3
जागर्मि रात्रयः सर्वा दीर्घमुष्णं च निःश्वसन्। भीतो वृकोदरात् तात सिंहात् पशुरिवापरः॥
jāgarmi rātrayaḥ sarvā dīrghamuṣṇaṃ ca niḥśvasan| bhīto vṛkodarāt tāta siṃhāt paśurivāparaḥ||
I am awake during entire nights breathing large and hot sighs, being afraid of Vrikodara, O dear, as any other animal fears a lion.
— tr. M.N. Dutt (1891–96) (public domain)
MBh 3 123.4
न हि तस्य महाबाहोः शक्रप्रतिमतेजसः। सैन्येऽस्मिन् प्रतिपश्यामि य एनं विषहेद् युधि॥
na hi tasya mahābāhoḥ śakrapratimatejasaḥ| sainye'smin pratipaśyāmi ya enaṃ viṣahed yudhi||
In this entire army do I not see one who can withstand in battle this one of long arms and having strength like that of Shakra.
— tr. M.N. Dutt (1891–96) (public domain)
MBh 3 123.5
अमर्षणश्च कौन्तेयो दृढवैरच पाण्डवः। अनर्महासी सोन्मादस्तिर्यकप्रेक्षी महास्वनः॥
amarṣaṇaśca kaunteyo dṛḍhavairaca pāṇḍavaḥ| anarmahāsī sonmādastiryakaprekṣī mahāsvanaḥ||
That son of Kunti and Pandu when wrathful is an implacable enemy; and he smiles not even in jest and is mad with rage, looks at things askance and is of loud voice,
— tr. M.N. Dutt (1891–96) (public domain)
MBh 3 123.6
महावेगो महोत्साहो महाबाहुर्महाबलः। मन्दानां मम पुत्राणां युद्धेनान्तं करिष्यति॥
mahāvego mahotsāho mahābāhurmahābalaḥ| mandānāṃ mama putrāṇāṃ yuddhenāntaṃ kariṣyati||
Possessed of great force and of great energy, possessed of long arms and of great strength will put an end to the existence of any wicked sons in battle.
— tr. M.N. Dutt (1891–96) (public domain)
MBh 3 123.7
ऊरुचाहगृहीतानां गदां बिभ्रद् वृकोदरः। कुरूणामृषभो युद्धो दण्डपाणिरिवान्तकः॥
ūrucāhagṛhītānāṃ gadāṃ bibhrad vṛkodaraḥ| kurūṇāmṛṣabho yuddho daṇḍapāṇirivāntakaḥ||
Vrikodara, that bull in the race of Kuru, wielding the mace slay them struck by a heavy calamity in battle like the god of death with his staff in his hand.
— tr. M.N. Dutt (1891–96) (public domain)
MBh 3 123.8
अष्टानिमायसी घोरां गदां काञ्चनभूषणाम्। मनसाऽहं प्रपश्यामि ब्रह्मदण्डमिवोद्यतम्॥
aṣṭānimāyasī ghorāṃ gadāṃ kāñcanabhūṣaṇām| manasā'haṃ prapaśyāmi brahmadaṇḍamivodyatam||
That terrible steel mace with eight sides and ornamented with gold I now see in my mind like the staff of Brahma uplifted.
— tr. M.N. Dutt (1891–96) (public domain)
MBh 3 123.9
यथा मृगाणां यूथेषु सिंहो जातबलश्चरेत्। मामकेषु तथा भीमो बलेषु विचरिष्यति॥
yathā mṛgāṇāṃ yūtheṣu siṃho jātabalaścaret| māmakeṣu tathā bhīmo baleṣu vicariṣyati||
As a fully grown up lion roams among a hear of deer, so Bhima roam among my army.
— tr. M.N. Dutt (1891–96) (public domain)
MBh 3 123.10
सर्वेषां मम पुत्राणां स एकः क्रूरविक्रमः। बह्वाशी विप्रतीपश्च बाल्येऽपि रभसः सदा॥
sarveṣāṃ mama putrāṇāṃ sa ekaḥ krūravikramaḥ| bahvāśī vipratīpaśca bālye'pi rabhasaḥ sadā||
Towards all my sons he alone (of all his brothers) showed his cruel strength. A voracious eater and endued with great strength, even in his childhood was he inimical (to my sons).
— tr. M.N. Dutt (1891–96) (public domain)
MBh 3 123.11
उद्वेपते मे हृदयं ये मे दुर्योधनादयः। बाल्येऽपि तेन युध्यन्तो वारणेनेव मर्दिताः॥
udvepate me hṛdayaṃ ye me duryodhanādayaḥ| bālye'pi tena yudhyanto vāraṇeneva marditāḥ||
My heart quakes that Duryodhana and other sons of mine even when fighting with him in their childhood were smashed as by elephants.
— tr. M.N. Dutt (1891–96) (public domain)
MBh 3 123.12
तस्य वीर्येण संक्लिष्टा नित्यमेव सुता मम। स एव हेतुर्भेदस्य भीमो भीमपराक्रमः॥
tasya vīryeṇa saṃkliṣṭā nityameva sutā mama| sa eva heturbhedasya bhīmo bhīmaparākramaḥ||
O pressed by his strength my sons have ever been; and that Bhima of terrible prowess is the cause of this rupture.
— tr. M.N. Dutt (1891–96) (public domain)
MBh 3 123.13
ग्रसमानमनीकानि नरवारणवाजिनाम्। पश्यामीवाग्रतो भीमं क्रोधमूर्च्छितमाहवे॥
grasamānamanīkāni naravāraṇavājinām| paśyāmīvāgrato bhīmaṃ krodhamūrcchitamāhave||
Devouring my army composed of men, elephants and horses, do I see Bhima in the front senseless with wrath,
— tr. M.N. Dutt (1891–96) (public domain)
MBh 3 123.14
अस्त्रे द्रोणार्जुनसमं वायुवेगसमं जवे। महेश्वरसमं क्रोधे को हन्याद् भीममाहवे॥
astre droṇārjunasamaṃ vāyuvegasamaṃ jave| maheśvarasamaṃ krodhe ko hanyād bhīmamāhave||
In arms equal of Drona and Arjuna and in speed having the force of wind, in wrath equal to Maheshvara himself, who will kill Bhima in battle.
— tr. M.N. Dutt (1891–96) (public domain)
MBh 3 123.15
संजयाचक्ष्व मे शूरं भीमसेनममर्षणम्। अतिलाभं तु मन्येऽहं यत् तेन रिपुघातिना॥
saṃjayācakṣva me śūraṃ bhīmasenamamarṣaṇam| atilābhaṃ tu manye'haṃ yat tena ripughātinā||
O Sanjaya, that hero, the wrathful Bhimasena; tell me that; it is a great gain I consider, that by that slayer of enemies.
— tr. M.N. Dutt (1891–96) (public domain)
MBh 3 123.16
सर्वे येन भीमबला यक्षा राक्षसाश्च पुरा हताः॥
sarve yena bhīmabalā yakṣā rākṣasāśca purā hatāḥ||
My sons were not all killed by that one of independent mind by whom Yakshas of terrible strength and the Rakshasas were killed in days of old.
— tr. M.N. Dutt (1891–96) (public domain)
MBh 3 123.17
कथं तस्य रणे वेगं मानुषः प्रसहिष्यति। न स जातु वशे तस्थौ मम बाल्येऽपि संजय॥
kathaṃ tasya raṇe vegaṃ mānuṣaḥ prasahiṣyati| na sa jātu vaśe tasthau mama bālye'pi saṃjaya||
How can a man withstand the force of him in battle. He was not under my control even in his childhood, O Sanjaya.
— tr. M.N. Dutt (1891–96) (public domain)
MBh 3 123.18
किं पुनर्मम दुष्पुत्रैः क्लिष्टः सम्प्रति पाण्डवः। निष्ठुरो रोषणोऽत्यर्थं भज्येतापि न संनमेत्। तदैव न हताः पुत्रा मम मनस्विना। तिर्यक्प्रेक्षी संहतभूः कथं शाम्येद् वृकोदरः॥
kiṃ punarmama duṣputraiḥ kliṣṭaḥ samprati pāṇḍavaḥ| niṣṭhuro roṣaṇo'tyarthaṃ bhajyetāpi na saṃnamet| tadaiva na hatāḥ putrā mama manasvinā| tiryakprekṣī saṃhatabhūḥ kathaṃ śāmyed vṛkodaraḥ||
How can that son of Pandu do so now having been wronged by my wicked sons. Cruel and wrathful, he could not bend even when broken. Looking at things ask once, with his eyebrows contracted how can Vrikodara be peaceful.
— tr. M.N. Dutt (1891–96) (public domain)
MBh 3 123.19
शूरस्तथाप्रतिबलो गौरस्ताल इवोन्नतः। प्रमाणतो भीसेनः प्रादेशेनाधिकोऽर्जुनात्॥
śūrastathāpratibalo gaurastāla ivonnataḥ| pramāṇato bhīsenaḥ prādeśenādhiko'rjunāt||
A hero of exceedingly white complexion and tall like the palm tree, Bhimasena measures a Prasesha (the span of a thumb) more than Arjuna.
— tr. M.N. Dutt (1891–96) (public domain)
MBh 3 123.20
जवेन वाजिनोऽत्येति बलेनात्येति कुञ्चरान्। अव्यक्तजपी मध्वक्षो मध्यमः पाण्डवो बली॥
javena vājino'tyeti balenātyeti kuñcarān| avyaktajapī madhvakṣo madhyamaḥ pāṇḍavo balī||
Surpassing in speed the horses, in strength the elephants, the second son of Pandu who is of great strength has sweet eyes.
— tr. M.N. Dutt (1891–96) (public domain)
MBh 3 123.21
इति बाल्ये श्रुतः पूर्वं मया व्यासमुखात् पुरा। रूपतो वीर्यतश्चैव याथातथ्येन पाण्डवः॥
iti bālye śrutaḥ pūrvaṃ mayā vyāsamukhāt purā| rūpato vīryataścaiva yāthātathyena pāṇḍavaḥ||
The Pandava in form and power just as I heard from the lips of Vyasa in days gone by.
— tr. M.N. Dutt (1891–96) (public domain)
MBh 3 123.22
आयसेन स दण्डेन रथान् नागान् नरान् हयान्। हनिष्यति रणे क्रुद्धो रौद्रः क्रूरपराक्रमः॥
āyasena sa daṇḍena rathān nāgān narān hayān| haniṣyati raṇe kruddho raudraḥ krūraparākramaḥ||
Easily by means of his mace, the chariots, the elephants, men and horses he will kill in battle, that terrible being when wrathful, that man of cruel purposes.
— tr. M.N. Dutt (1891–96) (public domain)
MBh 3 123.23
अमर्षी नित्यसंरब्धो भीमः प्रहरतां वरः। मया तात प्रतीपानि कुर्वन् पूर्वं विमानितः॥
amarṣī nityasaṃrabdho bhīmaḥ praharatāṃ varaḥ| mayā tāta pratīpāni kurvan pūrvaṃ vimānitaḥ||
That wrathful Bhima, who is ever furiousthat chief among the smiters has by acting against my wishes, O dear, before been insulted by me.
— tr. M.N. Dutt (1891–96) (public domain)
MBh 3 123.24
निष्कर्णामायसी स्थूलां सुपार्छा काञ्चनीं गदाम्। शतघ्नीं शतनिर्हादां कथं शक्ष्यन्ति मे सुताः॥
niṣkarṇāmāyasī sthūlāṃ supārchā kāñcanīṃ gadām| śataghnīṃ śatanirhādāṃ kathaṃ śakṣyanti me sutāḥ||
That mace which has no curves, which is made of steel, which is of bulk, of beautiful sides, adorned with gold, which is capable of killing a hundred and when flung producing a terrible sound-how will my sons bears?
— tr. M.N. Dutt (1891–96) (public domain)
MBh 3 123.25
अपारमप्लवागाधं समुद्रं शरवेधिनम्। भीमसेनमयं दुर्गं तात मन्दास्तितीर्षवः॥
apāramaplavāgādhaṃ samudraṃ śaravedhinam| bhīmasenamayaṃ durgaṃ tāta mandāstitīrṣavaḥ||
That inaccessible ocean, which has no shore, which is unfathomable and which has currents in the shape of Bhima, those wicked ones are desirous of crossing over.
— tr. M.N. Dutt (1891–96) (public domain)
MBh 3 123.26
क्रोशतो मे न शृण्वन्ति बालाः पण्डितमानिनः। विषमं न हि मन्यन्ते प्रपातं मधुदर्शिनः॥
krośato me na śṛṇvanti bālāḥ paṇḍitamāninaḥ| viṣamaṃ na hi manyante prapātaṃ madhudarśinaḥ||
Those children thinking themselves to be wise do not listen to my words, even if I cry out. Seeing the honey (formerly collected on mountain tops) they do not care for the heavy fall.
— tr. M.N. Dutt (1891–96) (public domain)
MBh 3 123.27
संयुगं ये गमिष्यन्ति नररूपेण मृत्युना। नियतं चोदिता धात्रा सिंहेनेव महामृगाः॥
saṃyugaṃ ye gamiṣyanti nararūpeṇa mṛtyunā| niyataṃ coditā dhātrā siṃheneva mahāmṛgāḥ||
Those who encounter in battle that death in human shape have their dooms settled by the father of the universe, like those of large deer encountering lions,
— tr. M.N. Dutt (1891–96) (public domain)
MBh 3 123.28
शैक्यां तात चतुष्किष्कुं षडस्रिममितौजसम्। प्रहितां दुःखसंस्पर्शी कथं शक्ष्यन्ति मे सुताः॥
śaikyāṃ tāta catuṣkiṣkuṃ ṣaḍasrimamitaujasam| prahitāṃ duḥkhasaṃsparśī kathaṃ śakṣyanti me sutāḥ||
How shall my sons bear, Odear, the mace when flung at them the mace which is four cubits long, having six sides of illimitable powers of destruction and terrible to touch.
— tr. M.N. Dutt (1891–96) (public domain)
MBh 3 123.29
कदां भ्रामयतस्तस्य भिन्दतो हस्तिमस्तकान्। सृक्किणी लेलिहानस्य वाष्यमुत्सृजतो मुहुः॥ उद्दिश्य नागान् पततः कुर्वतो भैरवान् रवान्। प्रतीपं पततो मत्तान् कुञ्जरान् प्रतिगर्जतः॥ विगाह्य रथमार्गेषु वरानुद्दिश्य निघ्नतः। अग्नेः प्रज्वलितस्येव अपि मुच्येत मे प्रजा॥
kadāṃ bhrāmayatastasya bhindato hastimastakān| sṛkkiṇī lelihānasya vāṣyamutsṛjato muhuḥ|| uddiśya nāgān patataḥ kurvato bhairavān ravān| pratīpaṃ patato mattān kuñjarān pratigarjataḥ|| vigāhya rathamārgeṣu varānuddiśya nighnataḥ| agneḥ prajvalitasyeva api mucyeta me prajā||
Whirling the mace and piercing the heads of elephants, licking the corners of his lips and giving out (terrific) breaths every moment, making terrific noises in return of those of falling elephants and rushing with loud roars against elephants coming against him, having penetrated into the place where the chariots stand, when he kills the heroes after taking aim against them, will one of my soldiers escape from him who is blazing like fire?
— tr. M.N. Dutt (1891–96) (public domain)
MBh 3 123.30
वीथीं कुर्वन् महाबाहुर्द्रावयन् मम वाहिनीम्। नृत्यन्निव गदापाणिर्युगान्तं दर्शयिष्यति॥
vīthīṃ kurvan mahābāhurdrāvayan mama vāhinīm| nṛtyanniva gadāpāṇiryugāntaṃ darśayiṣyati||
Grinding the four elements of my army and cutting his passage out through it, as if dancing with the mace in his hand, he will show (to people) the scene which takes place at the end of a Yuga (universal destruction).
— tr. M.N. Dutt (1891–96) (public domain)
MBh 3 123.31
प्रभिन्न इव मातङ्गः प्रभञ्जन् पुष्पितान् द्रमान्। प्रवेक्ष्यति रणे सेनां पुत्राणां मे वृकोदरः॥
prabhinna iva mātaṅgaḥ prabhañjan puṣpitān dramān| pravekṣyati raṇe senāṃ putrāṇāṃ me vṛkodaraḥ||
Like an elephant mad with rage, breaking trees with flowers, Vrikodara will crush the army of my sons of battle.
— tr. M.N. Dutt (1891–96) (public domain)
MBh 3 123.32
कुर्वन् रथान् विपुरुषान् विसारथिहयध्वजान्। आरुजन् पुरुषव्याघ्रो रथिनः सादिनस्तथा॥ गङ्गावेग इवानूपांस्तीरजान् विविधान् दुमान्। प्रभक्षयति रणे सेनां पुत्राणां मम संजय॥
kurvan rathān vipuruṣān visārathihayadhvajān| ārujan puruṣavyāghro rathinaḥ sādinastathā|| gaṅgāvega ivānūpāṃstīrajān vividhān dumān| prabhakṣayati raṇe senāṃ putrāṇāṃ mama saṃjaya||
Rendering the chariots devoid of men, drivers, horse and banners and giving trouble to the warriors fighting from cars and elephants, the tiger among men, like the force of the currents of the Ganga uprooting various sorts of trees, will vanquish in battle the army of my sons, O Sanjaya.
— tr. M.N. Dutt (1891–96) (public domain)
MBh 3 123.33
दिशो नूनं गमिष्यन्ति भीमसेनभयार्दिताः। मम पुत्राञ्च भृत्याश्च राजानश्चैव संजय॥
diśo nūnaṃ gamiṣyanti bhīmasenabhayārditāḥ| mama putrāñca bhṛtyāśca rājānaścaiva saṃjaya||
My with their servants and subordinate chiefs, O Sanjaya, troubled with the fear of Bhimasena will certainly fly in different directions.
— tr. M.N. Dutt (1891–96) (public domain)
MBh 3 123.34
येन राजा महावीर्यः प्रविश्यान्तःपुरं पुरा। वासुदेवसहायेन जरासंधो निपातितः॥
yena rājā mahāvīryaḥ praviśyāntaḥpuraṃ purā| vāsudevasahāyena jarāsaṃdho nipātitaḥ||
(That Bhimasena) by whom, aided by the son of Vasudeva, the king Jarasandha of great prowess was killed after his inner apartments being entered in the days of old.
— tr. M.N. Dutt (1891–96) (public domain)
MBh 3 123.35
कृत्स्नेयं पृथिवी देवी जरासंधेन धीमता। मागधेन्द्रेण बलिना वशे कृत्वा प्रतापिताः॥
kṛtsneyaṃ pṛthivī devī jarāsaṃdhena dhīmatā| māgadhendreṇa balinā vaśe kṛtvā pratāpitāḥ||
The goddess Earth was brought under control by the wise Jarasandha and that mighty Lord of Magadha, who subjugated her and oppressed her people.
— tr. M.N. Dutt (1891–96) (public domain)
MBh 3 123.36
भीष्मप्रतापात् कुरवो नयेनान्धकवृष्णयः। यन्न तस्य वशे जग्मुः केवलं दैवमेव तत्॥
bhīṣmapratāpāt kuravo nayenāndhakavṛṣṇayaḥ| yanna tasya vaśe jagmuḥ kevalaṃ daivameva tat||
That the Kurus through the prowess of Bhima and the Andhakas and the Vrishnis and sons through their diplomacy, were not brought under subjection by them, which was only due to the gods.
— tr. M.N. Dutt (1891–96) (public domain)
MBh 3 123.37
स गत्वा पाण्डुपुत्रेण तरसा बाहुशालिना। अनायुधेन वीरेण निहतः किं ततोऽधिकम्॥
sa gatvā pāṇḍuputreṇa tarasā bāhuśālinā| anāyudhena vīreṇa nihataḥ kiṃ tato'dhikam||
The son of Pandu, the heroic of long arms, having approached him without any arms, killed him. What can be more (wonderful) than this?
— tr. M.N. Dutt (1891–96) (public domain)
MBh 3 123.38
दीर्घकालसमासक्तं विषमाशीविषो यथा। स मोक्ष्यति रणे तेजः पुत्रेषु मम संजय॥
dīrghakālasamāsaktaṃ viṣamāśīviṣo yathā| sa mokṣyati raṇe tejaḥ putreṣu mama saṃjaya||
Like venomous snake having accumulated its poison for a long time, he (Bhima) will fling his strength on my sons in the field of battle, O Sanjaya.
— tr. M.N. Dutt (1891–96) (public domain)
MBh 3 123.39
महेन्द्र इव वज्रेण दानवान् देवसत्तमः। भीमसेनो गदापाणिः सूदयिष्यति मे सुतान्॥
mahendra iva vajreṇa dānavān devasattamaḥ| bhīmaseno gadāpāṇiḥ sūdayiṣyati me sutān||
Like that chief among the gods, great Indra with his thunderbolt (killing) the Danavas, Bhimasena with mace in his hand will kill my a sons.
— tr. M.N. Dutt (1891–96) (public domain)
MBh 3 123.40
अविषह्यमनावार्य तीव्रवेगपराक्रमम्। पश्यामीवातिताम्राक्षमापतन्तं वृकोदरम्॥
aviṣahyamanāvārya tīvravegaparākramam| paśyāmīvātitāmrākṣamāpatantaṃ vṛkodaram||
I see (in my mind) Vrikodara having eyes of the colour of copper, incapable of being opposed or prevented and having fearful force of strength falling on (my sons).
— tr. M.N. Dutt (1891–96) (public domain)
MBh 3 123.41
अगदस्याप्यधनुषो विरथस्य विवर्मणः। बाहुभ्यां युद्ध्यमानस्य कस्तिष्ठेग्रतः पुमान्॥
agadasyāpyadhanuṣo virathasya vivarmaṇaḥ| bāhubhyāṃ yuddhyamānasya kastiṣṭhegrataḥ pumān||
Who can stay in front of that man fighting with his two arms without mace or bow and without being on his car.
— tr. M.N. Dutt (1891–96) (public domain)
MBh 3 123.42
भीष्मो द्रोणश्च विप्रोऽयं कृपः शारद्वतस्तथा। जानन्त्येते यथैवाहं वीर्यज्ञस्तस्य धीमतः॥
bhīṣmo droṇaśca vipro'yaṃ kṛpaḥ śāradvatastathā| jānantyete yathaivāhaṃ vīryajñastasya dhīmataḥ||
Bhishma, this regenerate Drona, Kripa and also the son of Shardavata-all these know as much as I do the prowess of that wise one.
— tr. M.N. Dutt (1891–96) (public domain)
MBh 3 123.43
आर्यव्रतं तु जानन्तः संगरान्तं विधित्सवः। सेनामुखेषु स्थास्यन्ति मामकानां नरर्षभाः॥
āryavrataṃ tu jānantaḥ saṃgarāntaṃ vidhitsavaḥ| senāmukheṣu sthāsyanti māmakānāṃ nararṣabhāḥ||
Conversant with the habits of life of the virtuous and desirous of death in battle, those bulls among men in our party will stand in front of the army.
— tr. M.N. Dutt (1891–96) (public domain)
MBh 3 123.44
बलीयः सर्वतो दिष्ठं पुरुषस्य विशेषतः। पश्यन्नपि जयं तेषां न नियच्छामि यत् सुतान्॥
balīyaḥ sarvato diṣṭhaṃ puruṣasya viśeṣataḥ| paśyannapi jayaṃ teṣāṃ na niyacchāmi yat sutān||
Destiny is always powerful specially in a man through I see them (the Pandavas) victorious, yet I do not dissuade my sons.
— tr. M.N. Dutt (1891–96) (public domain)
MBh 3 123.45
ते पुराणं महेष्वासा मार्गमैन्द्रं समास्थिताः। त्यक्ष्यन्ति तुमुले प्राणान् रक्षन्तः पार्थिवं यशः॥
te purāṇaṃ maheṣvāsā mārgamaindraṃ samāsthitāḥ| tyakṣyanti tumule prāṇān rakṣantaḥ pārthivaṃ yaśaḥ||
They (the warriors of our party), desirous of going along the eternal, noble and heavenly path, will part with their lives in fierce battle thus keeping your earthly fame unsullied.
— tr. M.N. Dutt (1891–96) (public domain)
MBh 3 123.46
यथैषां मामकास्तात तथैषां पाण्डवा अपि। पौत्रा भीष्मस्य शिष्याश्च द्रोणस्य च कृपस्य च॥
yathaiṣāṃ māmakāstāta tathaiṣāṃ pāṇḍavā api| pautrā bhīṣmasya śiṣyāśca droṇasya ca kṛpasya ca||
As these are, O dear, to my sons, so are they to the Pandavas (in ties of blood and affection). They (the Pandavas) are grandsons of Bhishma and disciples of Drona and Kripa.
— tr. M.N. Dutt (1891–96) (public domain)
MBh 3 123.47
यदस्मदाश्रयं किंचिद् दत्तमिष्टं च संजय। तस्यापचितिमार्यत्वात् कर्तारः स्थविरास्त्रयः॥
yadasmadāśrayaṃ kiṃcid dattamiṣṭaṃ ca saṃjaya| tasyāpacitimāryatvāt kartāraḥ sthavirāstrayaḥ||
The protection that we have afforded to the three-aged ones, the little we have given them and the little good we have done to them, they will compensate us for that in return owing to their noble nature.
— tr. M.N. Dutt (1891–96) (public domain)
MBh 3 123.48
आददानस्य शस्त्रं हि क्षत्रधर्मं परीप्सतः। निधनं क्षत्रियस्याजौ वरमेवाहुरुत्तमम्॥
ādadānasya śastraṃ hi kṣatradharmaṃ parīpsataḥ| nidhanaṃ kṣatriyasyājau varamevāhuruttamam||
That death of a Kshatriya is said to be a peaceful and commendable one, which is met with in battle when one takes up arms desirous of observing Kshatriya practices.
— tr. M.N. Dutt (1891–96) (public domain)
MBh 3 123.49
स वै शोचामि सर्वान् वै ये युयुत्सन्ति पाण्डवैः। विक्रुष्टं विदुरेणादौ तदेतद् भयमागतम्॥
sa vai śocāmi sarvān vai ye yuyutsanti pāṇḍavaiḥ| vikruṣṭaṃ vidureṇādau tadetad bhayamāgatam||
I grieve however for all those who will fight with the son of Pandu; the calamity prophesied by Vidura is now come.
— tr. M.N. Dutt (1891–96) (public domain)
MBh 3 123.50
न तु मन्ये विघाताय ज्ञानं दुःखस्य संजय। भवत्यतिबलं ह्येतज्ज्ञानस्याप्युपघातकम्॥
na tu manye vighātāya jñānaṃ duḥkhasya saṃjaya| bhavatyatibalaṃ hyetajjñānasyāpyupaghātakam||
I consider, O Sanjaya, that knowledge cannot destroy woe; in fact, it is excessive distress that kills knowledge.
— tr. M.N. Dutt (1891–96) (public domain)
MBh 3 123.51
ऋषयो ह्यपि निर्मुक्ताः पश्यन्तो लोकसंग्रहान्। सुखैर्भवन्ति सुखिनस्तथा दुःखेन दुःखिताः॥
ṛṣayo hyapi nirmuktāḥ paśyanto lokasaṃgrahān| sukhairbhavanti sukhinastathā duḥkhena duḥkhitāḥ||
Even the Rishis who are emancipated and who merely look on this crowd of men become happy at prosperity and aggrieved at adversity.
— tr. M.N. Dutt (1891–96) (public domain)
MBh 3 123.52
किं पुनर्मोहमासक्तस्तत्र तत्र सहस्रधा। पुत्रेषु राज्यदारेषु पौत्रेष्वपि च बन्धुषु॥
kiṃ punarmohamāsaktastatra tatra sahasradhā| putreṣu rājyadāreṣu pautreṣvapi ca bandhuṣu||
Why then should I not be affected by grief. When I ain attached to my sons, my kingdom, my wife, my grandsons, my friends and a thousand other objects.
— tr. M.N. Dutt (1891–96) (public domain)
MBh 3 123.53
संशये तु महत्यस्मिन् किं नु मे क्षममुत्तरम्। विनाशं ह्येव पश्यामि कुरूणामनुचिन्यन्॥
saṃśaye tu mahatyasmin kiṃ nu me kṣamamuttaram| vināśaṃ hyeva paśyāmi kurūṇāmanucinyan||
I have grave doubts that I shall have any prosperity in the future; thinking thus I see (in my mind) the destruction of the Kurus.
— tr. M.N. Dutt (1891–96) (public domain)
MBh 3 123.54
द्यूतप्रमुखमाभाति कुरूणां व्यसनं महत्। मन्देनैश्चर्यकामेन लोभात् पापमिदं कृतम्॥
dyūtapramukhamābhāti kurūṇāṃ vyasanaṃ mahat| mandenaiścaryakāmena lobhāt pāpamidaṃ kṛtam||
The great calamity of the Kurus beginning with the game at dice now stands out in bold relief; this wicked act has been done by that fool desiring for prosperity out of avarice.
— tr. M.N. Dutt (1891–96) (public domain)
MBh 3 123.55
मन्ये पर्यायधर्मोऽयं कालस्यात्यन्तगामिनः। चक्रे प्रधिरिवासक्तो नास्य शक्यं पलायितुम्॥
manye paryāyadharmo'yaṃ kālasyātyantagāminaḥ| cakre pradhirivāsakto nāsya śakyaṃ palāyitum||
I consider this to be the work of Eternal Time. I am not able to fly from it like the iron ring attached to the wheel.
— tr. M.N. Dutt (1891–96) (public domain)
MBh 3 123.56
किनुं कुर्यां कथं कुर्यां क्व नु गच्छामि संजय। एते नश्यन्ति कुरवो मन्दाः कालवशं गताः॥
kinuṃ kuryāṃ kathaṃ kuryāṃ kva nu gacchāmi saṃjaya| ete naśyanti kuravo mandāḥ kālavaśaṃ gatāḥ||
What shall I do? how shall I do it and where shall I go, O Sanjaya? These foolish Kurus will be destroyed being subject to the effects of time.
— tr. M.N. Dutt (1891–96) (public domain)
MBh 3 123.57
अवशोऽहं तदा तात पुत्राणां निहते शते। श्रोष्यामि निनदं स्त्रीणां कथं मां मरणं स्पृशेत्॥
avaśo'haṃ tadā tāta putrāṇāṃ nihate śate| śroṣyāmi ninadaṃ strīṇāṃ kathaṃ māṃ maraṇaṃ spṛśet||
I shall be helpless, O dear, on my hundred sons being killed and shall hear the loud lamentation of women. How shall death touch me?
— tr. M.N. Dutt (1891–96) (public domain)
MBh 3 123.58
यथा निदाघे ज्वलनः समिद्धो दहेत् कक्षं वायुना चोद्यमानः। गदाहस्तः पाण्डवो वै तथैव हन्ता मदीयान् सहितोऽर्जुनेन॥
yathā nidāghe jvalanaḥ samiddho dahet kakṣaṃ vāyunā codyamānaḥ| gadāhastaḥ pāṇḍavo vai tathaiva hantā madīyān sahito'rjunena||
As in the hot season a fire ignited and urged by wind burns up dry grass, so will the son of Pandu, having mace in hand along with Arjuna, be the slayer of my party.
— tr. M.N. Dutt (1891–96) (public domain)