Mahabharata — Volume III (Dutt edition) — Chapter 122
MBh 3 122.1
धृतराष्ट्र उवाच किमसौ पाण्डवौ राजा धर्मपुत्रोऽभ्यभाषत। श्रुत्वेह बहुला: सेनाः प्रीत्यर्थं नः समागताः॥
dhṛtarāṣṭra uvāca kimasau pāṇḍavau rājā dharmaputro'bhyabhāṣata| śrutveha bahulā: senāḥ prītyarthaṃ naḥ samāgatāḥ||
Dhritarashtra said What did the son of Dharma, the king of the Pandavas, say after hearing that several armies had collected here for our help.
— tr. M.N. Dutt (1891–96) (public domain)
MBh 3 122.2
किमसौ चेष्टते सूत योत्स्यमानो युधिष्ठिरः। के वास्य भ्रातृपुत्राणां पश्यन्त्याज्ञेप्सवो मुखम्॥
kimasau ceṣṭate sūta yotsyamāno yudhiṣṭhiraḥ| ke vāsya bhrātṛputrāṇāṃ paśyantyājñepsavo mukham||
What preparations are Yudhishthira, who is ready for war, making? Who among his sons and brothers are looking up to his face desirous of receiving his orders?
— tr. M.N. Dutt (1891–96) (public domain)
MBh 3 122.3
के स्विदेनं वारयन्ति युद्धाच्छाम्येति वा पुनः। निकृत्या कोपितं मन्दैर्धर्मज्ञं धर्मचारिणम्॥
ke svidenaṃ vārayanti yuddhācchāmyeti vā punaḥ| nikṛtyā kopitaṃ mandairdharmajñaṃ dharmacāriṇam||
Who among them again dissuades him from war, saying-“Be peaceful” him who knows the nature of virtue and who practices virtue and who has been moved to wrath by the wrong done by the wicked ones (my sons).
— tr. M.N. Dutt (1891–96) (public domain)
MBh 3 122.4
संजय उवाच राज्ञो मुखमुदीक्षन्ते पञ्चालाः पाण्डवै सह। युधिष्ठिरस्य भद्रं ते स सर्वाननुशास्ति च॥
saṃjaya uvāca rājño mukhamudīkṣante pañcālāḥ pāṇḍavai saha| yudhiṣṭhirasya bhadraṃ te sa sarvānanuśāsti ca||
Sanjaya said All the the Panchalas, along with the Pandavas, are looking up to the face of the king Yudhishthira and he, good betide you, rules over them all.
— tr. M.N. Dutt (1891–96) (public domain)
MBh 3 122.5
पृथग्भूताः पाण्डवानां पञ्चालानां रथव्रजाः। आयान्तमभिनन्दन्ति कुन्तीपुत्रं युधिष्ठिरम्॥
pṛthagbhūtāḥ pāṇḍavānāṃ pañcālānāṃ rathavrajāḥ| āyāntamabhinandanti kuntīputraṃ yudhiṣṭhiram||
Hosts of cars belonging to the Panchalas are coming separately and inspire joy into the heart of Yudhishthira, the son of Kunti.
— tr. M.N. Dutt (1891–96) (public domain)
MBh 3 122.6
नभः सूर्यमिवोद्यन्तं कौन्तेयं दीप्ततेजसम्। पञ्चालाः प्रतिनन्दन्ति तेजोराशिमिवोदितम्॥
nabhaḥ sūryamivodyantaṃ kaunteyaṃ dīptatejasam| pañcālāḥ pratinandanti tejorāśimivoditam||
The Panchalas like a cluster of rays gladden the heart of the son of Kunti, who is of effulgent prowess, like the sun rising making the sky look cheerful.
— tr. M.N. Dutt (1891–96) (public domain)
MBh 3 122.7
आगोपालाविपालाश्च नन्दमाना युधिष्ठिरम्। पञ्चाला: केकया मत्स्याः प्रतिनन्दन्ति पाण्डवम्॥
āgopālāvipālāśca nandamānā yudhiṣṭhiram| pañcālā: kekayā matsyāḥ pratinandanti pāṇḍavam||
Down to the very herdsmen who look after cattle and sheep, the tribes of Panchalas, Kaikeya and Matsyas gladden the heart of Yudhishthira, the Pandu king.
— tr. M.N. Dutt (1891–96) (public domain)
MBh 3 122.8
ब्राह्मण्यो राजपुत्र्यश्च विशां दुहितरश्च याः। क्रीडन्त्योऽभिसमायान्ति पार्थं संनद्धमीक्षितुम्॥
brāhmaṇyo rājaputryaśca viśāṃ duhitaraśca yāḥ| krīḍantyo'bhisamāyānti pārthaṃ saṃnaddhamīkṣitum||
The daughters of Brahmanas and of chieftains and of the Vaishyas, while playing, come to Partha to see him clad in a coat of mail.
— tr. M.N. Dutt (1891–96) (public domain)
MBh 3 122.9
धृतराष्ट्र उवाच संजयाचक्ष्व येनास्मान् पाण्डवा अभ्ययुञ्जत। धृष्टद्युम्नस्य सैन्येन सोमकानां बलेन च॥
dhṛtarāṣṭra uvāca saṃjayācakṣva yenāsmān pāṇḍavā abhyayuñjata| dhṛṣṭadyumnasya sainyena somakānāṃ balena ca||
Dhritarashtra said O Sanjaya, tell us about those with whose aid that Pandu king will high, viz., the army of Dhrishtadyumna and of the Somakas.
— tr. M.N. Dutt (1891–96) (public domain)
MBh 3 122.10
वैशम्पायन उवाच गावल्गणिस्तु तत्पृष्टः सभायां कुरुसंसदि। निःश्वस्य सुभृशं दीर्घ मुहुः संचिन्तयन्निव॥
vaiśampāyana uvāca gāvalgaṇistu tatpṛṣṭaḥ sabhāyāṃ kurusaṃsadi| niḥśvasya subhṛśaṃ dīrgha muhuḥ saṃcintayanniva||
Vaishampayana said The son of Gavalgani, being thus questioned in that council of the assembly of Kurus and having drawn long sighs, again and again became thoughtful for a moment.
— tr. M.N. Dutt (1891–96) (public domain)
MBh 3 122.11
तत्रानिमित्ततो दैवात् सूतं कश्मलमाविशत्। तदाऽऽचचक्षे विदुरः सभायां राजसंसदि॥ संजयोऽयं महाराज मूर्च्छितः पतितो भुवि। वाचं न सृजते कांचिद्धीनप्रज्ञोऽल्पचेतनः॥
tatrānimittato daivāt sūtaṃ kaśmalamāviśat| tadā''cacakṣe viduraḥ sabhāyāṃ rājasaṃsadi|| saṃjayo'yaṃ mahārāja mūrcchitaḥ patito bhuvi| vācaṃ na sṛjate kāṃciddhīnaprajño'lpacetanaḥ||
Without any reason, as if by the hand of the gods, the Suta suddenly fell down. Then in that assembly of kings, in that council chamber, Vidura said loudly-This Sanjaya, O great king, has fallen down senseless; and he cannot utter one word bereft of his wisdom.
— tr. M.N. Dutt (1891–96) (public domain)
MBh 3 122.12
धृतराष्ट्र उवाच अपश्यत् संजयो नूनं कुन्तीपुत्रान् महारथान्। तैरस्य पुरुषव्याघे शमुद्वेजितं मनः॥
dhṛtarāṣṭra uvāca apaśyat saṃjayo nūnaṃ kuntīputrān mahārathān| tairasya puruṣavyāghe śamudvejitaṃ manaḥ||
Dhritarashtra said Sanjaya, seeing these mighty car-warriors, the sons of Kunti, has certainly got his mind excited owing to those tigers among men.
— tr. M.N. Dutt (1891–96) (public domain)
MBh 3 122.13
वैशम्पायन उवाच संजयश्चेतनां लब्ध्वा प्रत्याश्वस्येदमब्रवीत्। धृतराष्ट्र महाराज सभायां कुरुसंसदि॥
vaiśampāyana uvāca saṃjayaścetanāṃ labdhvā pratyāśvasyedamabravīt| dhṛtarāṣṭra mahārāja sabhāyāṃ kurusaṃsadi||
Vaishampayana said Sanjaya having regained consciousness and being comforted addressed these words to the great king, Dhritarashtra, amidst that assemblage of Kurus in that hall.
— tr. M.N. Dutt (1891–96) (public domain)
MBh 3 122.14
संजय उवाच दृष्टवानस्मि राजेन्द्र कुन्तीपुत्रान् महारथान्। मत्स्यराजगृहावासनिरोधेनावकर्शितान्॥
saṃjaya uvāca dṛṣṭavānasmi rājendra kuntīputrān mahārathān| matsyarājagṛhāvāsanirodhenāvakarśitān||
Sanjaya said I have seen, O chief among kings, those mighty car-warriors, the sons of Kunti, grown lean through the restraint in which they lived in the court of the Matsya king.
— tr. M.N. Dutt (1891–96) (public domain)
MBh 3 122.15
शृणु यैर्हि महाराज पाण्डवा अभ्ययुञ्जत। धृष्टद्युम्नेन वीरेण युद्धे वस्तेऽब्ययुञ्जत॥
śṛṇu yairhi mahārāja pāṇḍavā abhyayuñjata| dhṛṣṭadyumnena vīreṇa yuddhe vaste'byayuñjata||
Hear, O great king, aided by whom the Pandavas will fight. There will he fight between yourselves and them, aided by the hero Dhrishtadyumna.
— tr. M.N. Dutt (1891–96) (public domain)
MBh 3 122.16
यो नैव रोषान्न भयान्न लोभान्नार्थकारणात्। न हेतुवादाद् धर्मात्मा सत्यं जह्यात् कदाचन॥
yo naiva roṣānna bhayānna lobhānnārthakāraṇāt| na hetuvādād dharmātmā satyaṃ jahyāt kadācana||
That man of virtuous soul who, through wealth and fear, avarice or wealth or for the sake of argument never falls from truth.
— tr. M.N. Dutt (1891–96) (public domain)
MBh 3 122.17
यः प्रमाणं महाराज धर्मं धर्मभृतां वरः। अजातशत्रुणा तेन पाण्डवा अभ्ययुञ्जत॥
yaḥ pramāṇaṃ mahārāja dharmaṃ dharmabhṛtāṃ varaḥ| ajātaśatruṇā tena pāṇḍavā abhyayuñjata||
Who is an authority, O great king, in religious matters and who is the chief among men attached to virtue, who has created no enemies, aided by him the Pandavas will fight with you.
— tr. M.N. Dutt (1891–96) (public domain)
MBh 3 122.18
यस्य बाहुबले तुल्यः पृथिव्यां नास्ति कश्चन। यो वै सर्वान् महीपालान् वशे चक्रे धनुर्धरः। यः काशीनङ्गमगधान् कलिङ्गाश्च युधाऽजयत्॥
yasya bāhubale tulyaḥ pṛthivyāṃ nāsti kaścana| yo vai sarvān mahīpālān vaśe cakre dhanurdharaḥ| yaḥ kāśīnaṅgamagadhān kaliṅgāśca yudhā'jayat||
Whose equal in strength of arms there is none in those world; that wielder of the bow who subdued all protectors of the earth and who subjugated in battle the people of Kashi, Anga and Magadha and also the Kalingas.
— tr. M.N. Dutt (1891–96) (public domain)
MBh 3 122.19
तेन वो भीमसेनेन पाण्डवा अभ्ययुञ्जत। यस्य वीर्येण सहसा चत्वारो भुवि पाण्डवाः॥
tena vo bhīmasenena pāṇḍavā abhyayuñjata| yasya vīryeṇa sahasā catvāro bhuvi pāṇḍavāḥ||
With that Bhimasena the Pandavas will fight with you; and through whose prowess the four Pandavas came down.
— tr. M.N. Dutt (1891–96) (public domain)
MBh 3 122.20
निःसृत्य जतुगेहाद् वै हिडिम्बात् पुरुषादकात्। यश्चैषामभवद् द्वीपः कुन्तीपुत्रो वृकोदरः॥
niḥsṛtya jatugehād vai hiḍimbāt puruṣādakāt| yaścaiṣāmabhavad dvīpaḥ kuntīputro vṛkodaraḥ||
After issuing from the house of lac, Vrikodara, the son of Kunti, who became the means of their rescue from Hidimba, the man eater.
— tr. M.N. Dutt (1891–96) (public domain)
MBh 3 122.21
याज्ञसेनीमथो यत्र सिन्धुराजोऽपकृष्टवान्। तत्रैषामभवद् द्वीपः कुन्तीपुत्रो वृकोदरः॥
yājñasenīmatho yatra sindhurājo'pakṛṣṭavān| tatraiṣāmabhavad dvīpaḥ kuntīputro vṛkodaraḥ||
That son of Kunti, Vrikodara, who became the means of rescue at the time when Sindhuraja was gratifying his lust on the daughter of Yajnasena.
— tr. M.N. Dutt (1891–96) (public domain)
MBh 3 122.22
यश्च तान् संगतान् सर्वान् पाण्डवान् वारणावते। दह्यतो मोचयामास तेन वस्तेऽभ्ययुञ्जत॥
yaśca tān saṃgatān sarvān pāṇḍavān vāraṇāvate| dahyato mocayāmāsa tena vaste'bhyayuñjata||
Aided by him who liberated all the assembled Pandavas when they were burning at the conflagration of Varanavata they will fight against you.
— tr. M.N. Dutt (1891–96) (public domain)
MBh 3 122.23
कृष्णायां चरता प्रीतिं येन क्रोधवशा हताः। प्रविश्य विषमं घोरं पर्वतं गन्धमादनम्॥
kṛṣṇāyāṃ caratā prītiṃ yena krodhavaśā hatāḥ| praviśya viṣamaṃ ghoraṃ parvataṃ gandhamādanam||
Aided by him whom to gratify Krishna (Draupadi) killed the the Krodhavasas after penetrating into the terrific mountain Gandhamadana.
— tr. M.N. Dutt (1891–96) (public domain)
MBh 3 122.24
यस्य नागायुतैर्वीर्यं भुजयोः सारमर्पितम्। तेन वो भीमसेनेन पाण्डवा अभ्ययुञ्जत॥
yasya nāgāyutairvīryaṃ bhujayoḥ sāramarpitam| tena vo bhīmasenena pāṇḍavā abhyayuñjata||
By him whose substantial arms the strength of ten thousands has been given by the aid of such Brahmana will the Pandavas fight with you.
— tr. M.N. Dutt (1891–96) (public domain)
MBh 3 122.25
कृष्णाद्वितीयो विक्रम्य तुष्ट्यर्थं जातवेदसः। अजयद् य: पुरा वीरो युध्यमानं पुरंदरम्॥
kṛṣṇādvitīyo vikramya tuṣṭyarthaṃ jātavedasaḥ| ajayad ya: purā vīro yudhyamānaṃ puraṃdaram||
That hero who, in days of old, for the satisfaction of the god of fire, aided by Krishna, conquered Purandara (Indra) fighting.
— tr. M.N. Dutt (1891–96) (public domain)
MBh 3 122.26
यः स साक्षान्महादेवं गिरिशं शूलपाणिनम्। तोषयामास युद्धेन देवदेवमुमापतिम्॥
yaḥ sa sākṣānmahādevaṃ giriśaṃ śūlapāṇinam| toṣayāmāsa yuddhena devadevamumāpatim||
He who passed by his fight that god among gods, the lord of Uma-that Mahadeva himself, with the trident in his hand, that lord of the mountains.
— tr. M.N. Dutt (1891–96) (public domain)
MBh 3 122.27
यश्च सर्वान् वशे चक्रे लोकपालान् धनुर्धरः। तेन वो विजयेनाजौ पाण्डवा अभ्ययुञ्जत।॥
yaśca sarvān vaśe cakre lokapālān dhanurdharaḥ| tena vo vijayenājau pāṇḍavā abhyayuñjata|||
That wielder of the bow, who subjugated all the rulers of the earth by the aid of that Vijaya will the Pandavas fight.
— tr. M.N. Dutt (1891–96) (public domain)
MBh 3 122.28
यः प्रतीची दिशं चक्रे वशे म्लेच्छगणायुताम्। स तत्र नकुलो योद्धा चित्रयोधी व्यवस्थितः॥
yaḥ pratīcī diśaṃ cakre vaśe mlecchagaṇāyutām| sa tatra nakulo yoddhā citrayodhī vyavasthitaḥ||
He, who subjugated the western country inhabited by hordes of Mlecchas, that warrior Nakula of wonderful weapons is present in their camp.
— tr. M.N. Dutt (1891–96) (public domain)
MBh 3 122.29
तेन वो दर्शनीयेन वीरेणातिधनुर्भूता। माद्रीपुत्रेण कौरव्य पाण्डवा अभ्ययुञ्जत॥ यः काशीनङ्गमगधान् कलिङ्गांश्च युधाजयत्। तेन वः सहदेवेन पाण्डवा अभ्ययुञ्जत॥
tena vo darśanīyena vīreṇātidhanurbhūtā| mādrīputreṇa kauravya pāṇḍavā abhyayuñjata|| yaḥ kāśīnaṅgamagadhān kaliṅgāṃśca yudhājayat| tena vaḥ sahadevena pāṇḍavā abhyayuñjata||
With that beautiful hero, that excellent wielder of your bow, the son of Madri, O Kurus, will the sons of Pandu fight. With that Sahadeva, who conquired the kings of Kashi, Anga, Magadha and Kalinga in bettle, will the sons of Pandu fight.
— tr. M.N. Dutt (1891–96) (public domain)
MBh 3 122.30
यस्य वीर्येण सदृशाश्चत्वारो भुवि मानवाः। अश्वत्थामा धृष्टकेतू रुक्मी प्रद्युम्न एव च॥ तेन वः सहदेवेन युद्धं राजन् महात्ययम्। यवीयसा नृवीरेण माद्रीनन्दिकरेण च॥
yasya vīryeṇa sadṛśāścatvāro bhuvi mānavāḥ| aśvatthāmā dhṛṣṭaketū rukmī pradyumna eva ca|| tena vaḥ sahadevena yuddhaṃ rājan mahātyayam| yavīyasā nṛvīreṇa mādrīnandikareṇa ca||
He whose might is equaled by only four men in this world, Ashvathaman, Dhrishtaketu, Rukmi and Pradyumna; with that Sahadeva, with that hero among men and with that joygiver to Madri, O king, will you have a great fight.
— tr. M.N. Dutt (1891–96) (public domain)
MBh 3 122.31
तपश्चचार या घोरं काशिकन्या पुरा सती। भीष्मस्य वधमिच्छन्ती प्रेत्यापि भरतर्षभ॥ पाञ्चालस्य सुता जज्ञे दैवाच्च स पुनः पुमान्। स्त्रीपुंसोः पुरुषव्याघ्र यः स वेद गुणागुणान्॥
tapaścacāra yā ghoraṃ kāśikanyā purā satī| bhīṣmasya vadhamicchantī pretyāpi bharatarṣabha|| pāñcālasya sutā jajñe daivācca sa punaḥ pumān| strīpuṃsoḥ puruṣavyāghra yaḥ sa veda guṇāguṇān||
The chaste woman, the daughter of the king of Kashi, who practiced austere asceticism, who was desirous of the destruction of Bhishma even after death (i.e. in another birth) O bull of the race of Bharata, was born as the daughter of the king of Panchala and by the hand of the gods she became a male afterwards; that one, O tiger among men, who knows the virtues and vices of female-males.
— tr. M.N. Dutt (1891–96) (public domain)
MBh 3 122.32
यः कलिङ्गान् समापेदे पाञ्चाल्यो युद्धदुर्मदः। शिखण्डिना वः कुरवः कृतास्त्रेणाभ्ययुञ्जत॥
yaḥ kaliṅgān samāpede pāñcālyo yuddhadurmadaḥ| śikhaṇḍinā vaḥ kuravaḥ kṛtāstreṇābhyayuñjata||
Who fought with the Kalingas, that prince of Panchala; hard to vanquish in battle with that Shikhandin skillful in the use of weapons will they fight with you, the Kurus.
— tr. M.N. Dutt (1891–96) (public domain)
MBh 3 122.33
यं यक्षः पुरुषं चक्रे भीष्मस्य निधनेच्छया। महेष्वासेन रौद्रेण पाण्डवा अभ्ययुञ्जत॥
yaṃ yakṣaḥ puruṣaṃ cakre bhīṣmasya nidhanecchayā| maheṣvāsena raudreṇa pāṇḍavā abhyayuñjata||
She who was turned into a male through a desire for the death of Bhishma, with that terrific bowman will the Pandavas fight.
— tr. M.N. Dutt (1891–96) (public domain)
MBh 3 122.34
महेष्वासा राजपुत्रा भ्रातरः पञ्च केकयाः। आमुक्तकवचाः शूरास्तैश्च वस्तेऽभ्ययुञ्जत॥
maheṣvāsā rājaputrā bhrātaraḥ pañca kekayāḥ| āmuktakavacāḥ śūrāstaiśca vaste'bhyayuñjata||
With those five Kaikeya princes, brothers to one another and mighty bowmen, with these heroes; with the coats of arms on will they fight with you.
— tr. M.N. Dutt (1891–96) (public domain)
MBh 3 122.35
यो दीर्घबाहुः क्षिप्रास्त्रो धृतिमान् सत्यविक्रमः। तेन वो वृष्णिवीरेण युयुधानेन संगरः॥
yo dīrghabāhuḥ kṣiprāstro dhṛtimān satyavikramaḥ| tena vo vṛṣṇivīreṇa yuyudhānena saṃgaraḥ||
With that heroe among the race of the Vrishnis, of long arms, of great activity in the use of weapons, possessed of true strength, with that Suyodhana will you have to fight.
— tr. M.N. Dutt (1891–96) (public domain)
MBh 3 122.36
य आसीच्छरणं काले पाण्डवानां महात्मनाम्। रणे तेन विराटेन भविता वः समागमः॥
ya āsīccharaṇaṃ kāle pāṇḍavānāṃ mahātmanām| raṇe tena virāṭena bhavitā vaḥ samāgamaḥ||
He who has been the protector of the greatsouled Pandavas for a time, with that Virata will you meet in battle.
— tr. M.N. Dutt (1891–96) (public domain)
MBh 3 122.37
यः स काशिपती राजा वाराणस्यां महारथः। स तेषामभवद् योद्धा तेन वस्तेऽभ्ययुञ्जत॥
yaḥ sa kāśipatī rājā vārāṇasyāṃ mahārathaḥ| sa teṣāmabhavad yoddhā tena vaste'bhyayuñjata||
He who is the Lord of Kashi, the carwarrior who is the king of Varanasi, has become their warrior, with him they will fight with you.
— tr. M.N. Dutt (1891–96) (public domain)
MBh 3 122.38
शिशुभिर्दुर्जयैः संख्ये द्रौपदेयैर्महात्मभिः। आशीविषसमस्पर्शः पाण्डवा अभ्ययुञ्जत॥
śiśubhirdurjayaiḥ saṃkhye draupadeyairmahātmabhiḥ| āśīviṣasamasparśaḥ pāṇḍavā abhyayuñjata||
With the children hard to vanquish, the sons of Draupadi of noble souls, who are like snakes, will the Pandavas fight.
— tr. M.N. Dutt (1891–96) (public domain)
MBh 3 122.39
यः कृष्णसदृशो वीर्ये युधिष्ठिरसमो दमे। तेनाभिमन्युना संख्ये पाण्डवा अभ्ययुञ्जत॥
yaḥ kṛṣṇasadṛśo vīrye yudhiṣṭhirasamo dame| tenābhimanyunā saṃkhye pāṇḍavā abhyayuñjata||
He who is like Krishna in strength and like Yudhishthira in self-control, with that Abhimanyu will the Pandavas fight.
— tr. M.N. Dutt (1891–96) (public domain)
MBh 3 122.40
यश्चैवाप्रतिमो वीर्ये धृष्टकेतुर्महायशाः। दुःसहः समरे क्रुद्धः शैशुपालिमहारथः॥ तेन वश्चेदिराजन पाण्डवा अभ्ययुञ्जत। अक्षौहिण्या परिवृतः पाण्डवान् योऽभिसंश्रितः॥
yaścaivāpratimo vīrye dhṛṣṭaketurmahāyaśāḥ| duḥsahaḥ samare kruddhaḥ śaiśupālimahārathaḥ|| tena vaścedirājana pāṇḍavā abhyayuñjata| akṣauhiṇyā parivṛtaḥ pāṇḍavān yo'bhisaṃśritaḥ||
Dhrishtaketu of great fame, who is of unparalleled strength, who wrathful in battle is hard to vanquish, that son of Shishupala, a great car-warrior, with him, the king of the Chedis who has come and joined the Pandavas with an Akshauhini, will the Pandavas fight.
— tr. M.N. Dutt (1891–96) (public domain)
MBh 3 122.41
यः संश्रयः पाण्डवानां देवानामिव वासवः। तेन वो वासुदेवेन पाण्डवा अभ्ययुञ्जत॥
yaḥ saṃśrayaḥ pāṇḍavānāṃ devānāmiva vāsavaḥ| tena vo vāsudevena pāṇḍavā abhyayuñjata||
He who is the refuge of the Pandavas as Vasava is of the gods, with that Vamdeva will the Pandavas fight.
— tr. M.N. Dutt (1891–96) (public domain)
MBh 3 122.42
तथा चेदिपतेर्धाता शरभो भरतर्षभ। करकर्षेण सहितस्ताभ्यां वस्तेऽभ्ययुञ्जत॥
tathā cedipaterdhātā śarabho bharatarṣabha| karakarṣeṇa sahitastābhyāṃ vaste'bhyayuñjata||
So also will the brother of the king of the Chedis, Sharabha, O bull of the race of Bharata who is accompanied by Karakarsha with these two will the Pandavas fight.
— tr. M.N. Dutt (1891–96) (public domain)
MBh 3 122.43
जारासंधिः सहदेवो जयत्सेनश्च तावुभौ। युद्धेऽप्रतिस्थौ वीरौ पाण्डवार्थं व्यवस्थितौ॥
jārāsaṃdhiḥ sahadevo jayatsenaśca tāvubhau| yuddhe'pratisthau vīrau pāṇḍavārthaṃ vyavasthitau||
The son of Jarasandha, Sahadeva and Jayatsena, both of whom are unrivaled heroes in battle, are present in the cause of the Pandavas.
— tr. M.N. Dutt (1891–96) (public domain)
MBh 3 122.44
द्रुपदश्च महातेजा बलेन महता वृतः। त्यक्तात्मा पाण्डवार्थाय योत्स्यमानो व्यवस्थितः॥
drupadaśca mahātejā balena mahatā vṛtaḥ| tyaktātmā pāṇḍavārthāya yotsyamāno vyavasthitaḥ||
Drupada too of great prowess and surrounded by a large force has sacrificed his interests for the Pandava's cause and desirous of fighting is present.
— tr. M.N. Dutt (1891–96) (public domain)
MBh 3 122.45
एते चान्ये च बहवः प्राच्योदीच्या महीक्षितः। शतशो यानुपाश्रित्य धर्मराजो व्यवस्थितः॥
ete cānye ca bahavaḥ prācyodīcyā mahīkṣitaḥ| śataśo yānupāśritya dharmarājo vyavasthitaḥ||
These and many others come from the countries in the east and the north depending on hundreds of them the king Dharma is prepared for battle.
— tr. M.N. Dutt (1891–96) (public domain)