Mahabharata — Volume III (Dutt edition) — Chapter 113
MBh 3 113.1
धृतराष्ट्र उवाच अनुक्तं यदि ते किंचिद् वाचा विदुर विद्यते। तन्मे शुश्रूषतो ब्रूहि विचित्राणि हि भाषसे।॥
dhṛtarāṣṭra uvāca anuktaṃ yadi te kiṃcid vācā vidura vidyate| tanme śuśrūṣato brūhi vicitrāṇi hi bhāṣase|||
Dhritarashtra said If there is anything you have left unsaid, O Vidura, speak to me who am listening to you. You are speaking of interesting things.
— tr. M.N. Dutt (1891–96) (public domain)
MBh 3 113.2
विदुर उवाच धृतराष्ट्र कुमारो वै यः पुराणः सनातनः। सनत्सुजातः प्रोवाच मृत्यु स्तीति भारत॥
vidura uvāca dhṛtarāṣṭra kumāro vai yaḥ purāṇaḥ sanātanaḥ| sanatsujātaḥ provāca mṛtyu stīti bhārata||
Vidura said O Dhritarashtra, the ancient and eternal Rishi Sanat-Sujata, who lived a life of perpetual celibacy, said that there was no death, O Bharata.
— tr. M.N. Dutt (1891–96) (public domain)
MBh 3 113.3
स ते गुह्यान् प्रकाशांश्च सर्वान् हृदयसंश्रयान्। प्रवक्ष्यति महाराज सर्वबुद्धिमतां वरः॥
sa te guhyān prakāśāṃśca sarvān hṛdayasaṃśrayān| pravakṣyati mahārāja sarvabuddhimatāṃ varaḥ||
That chief among intelligent beings will speak to you. O great king, on the subjects thought of by you, whether you have made them known or kept them locked up in your heart.
— tr. M.N. Dutt (1891–96) (public domain)
MBh 3 113.4
धृतराष्ट्र उवाच किं त्वं न वेद तद् भूयो ब्रूयात् सनातनः। त्वमेव विदुर ब्रूहि प्रज्ञाशेषोऽस्ति चेत् तव॥
dhṛtarāṣṭra uvāca kiṃ tvaṃ na veda tad bhūyo brūyāt sanātanaḥ| tvameva vidura brūhi prajñāśeṣo'sti cet tava||
Dhritarashtra said Do you not know what that internal being will say to me? You, O Vidura, speak (about these things) if your mind has that limit of wisdom.
— tr. M.N. Dutt (1891–96) (public domain)
MBh 3 113.5
विदुर उवाच शूद्रयोनावहं जातो नातोऽन्यद् वक्तुमुत्सहे। कुमारस्य तु या बुद्धिर्वेद तां शाश्वतीमहम्॥
vidura uvāca śūdrayonāvahaṃ jāto nāto'nyad vaktumutsahe| kumārasya tu yā buddhirveda tāṃ śāśvatīmaham||
Vidura said I am born among the Shudra class; for that reason, I do not dare say anything more (than what I have already said); the knowledge of that celebrate being, however, is considered by me as eternal.
— tr. M.N. Dutt (1891–96) (public domain)
MBh 3 113.6
ब्राह्मी हि योनिमापन्नः सुगुह्यमपि यो वदेत्। न तेन गह्यो देवानां तस्मादेतद् ब्रवीमि ते॥
brāhmī hi yonimāpannaḥ suguhyamapi yo vadet| na tena gahyo devānāṃ tasmādetad bravīmi te||
He, born is the Brahmana class, even when speaking of highly mysterious affairs, will not incur the blame of the gods; therefore I am speaking thus to you.
— tr. M.N. Dutt (1891–96) (public domain)
MBh 3 113.7
धृतराष्ट्र उवा ब्रवीहि विदुर त्वं मे पुराणं तं सनातनम्। कथमेतेन देहेन स्यादिहैव समागमः॥
dhṛtarāṣṭra uvā bravīhi vidura tvaṃ me purāṇaṃ taṃ sanātanam| kathametena dehena syādihaiva samāgamaḥ||
Dhritarashtra said Tell me, O Vidura, how I can with this body of mine meet with that ancient and eternal being in this world.
— tr. M.N. Dutt (1891–96) (public domain)
MBh 3 113.8
वैशम्पायन उवाच चिन्तयामास विदुरस्तमृषि शंसितव्रतम्। स च तच्चिन्तितं ज्ञात्वां दर्शयामास भारत॥
vaiśampāyana uvāca cintayāmāsa vidurastamṛṣi śaṃsitavratam| sa ca taccintitaṃ jñātvāṃ darśayāmāsa bhārata||
Vaishampayana said Then did Vidura think of that Rishi of rigid austerities; he, too, becoming aware of that thought showed himself then, O Bharata.
— tr. M.N. Dutt (1891–96) (public domain)
MBh 3 113.9
स चैनं प्रतिजग्राह विधिदृष्टेन कर्मणा। सुखोपविष्टं विश्रान्तमथैनं विदुरोऽब्रवीत्॥
sa cainaṃ pratijagrāha vidhidṛṣṭena karmaṇā| sukhopaviṣṭaṃ viśrāntamathainaṃ viduro'bravīt||
Vidura, too, received him by the rites prescribed by custom; and Vidura addressed him when he (the latter) was seated at his ease and taking rest.
— tr. M.N. Dutt (1891–96) (public domain)
MBh 3 113.10
भगवन् संशयः कश्चिद् धृतराष्ट्रस्य मानसः। यो न शक्यो मया वक्तुं त्वमस्मै वक्तुमर्हसि॥
bhagavan saṃśayaḥ kaścid dhṛtarāṣṭrasya mānasaḥ| yo na śakyo mayā vaktuṃ tvamasmai vaktumarhasi||
O Lord, there is certainly a doubt in the mind of Dhritarashtra, which cannot be removed by me; therefore it is fitting that you should speak to him (and remove the doubt).
— tr. M.N. Dutt (1891–96) (public domain)
MBh 3 113.11
यं श्रुत्वायं मनुष्येन्द्रः सर्वदुःखातिगो भवेत्। लाभालाभौ प्रियद्वेष्यौ यथैनं न जरान्तकौ॥ विषहेरन् भयामर्षी क्षुत्पिपासे मदोद्भवौ। अरतिश्चैव तन्द्री च कामक्रोधौ क्षयोदयौ॥
yaṃ śrutvāyaṃ manuṣyendraḥ sarvaduḥkhātigo bhavet| lābhālābhau priyadveṣyau yathainaṃ na jarāntakau|| viṣaheran bhayāmarṣī kṣutpipāse madodbhavau| aratiścaiva tandrī ca kāmakrodhau kṣayodayau||
Hearing which (your speech) this chief among men will be past all misery; so that gain and the reverse of gain, what is agreeable and disagreeable, old age and death, fear and jealously, hunger and thirst, pride and prosperity, disinclination for women, sleep, desire, anger, loss and gain may be borne by him (with ease).
— tr. M.N. Dutt (1891–96) (public domain)