Mahabharata — Volume III (Dutt edition) — Chapter 103
MBh 3 103.1
युधिष्ठिर उवाच उत सन्तमसन्तं वा बालं वृद्धं च संजय। उताबलं बलीयांसं धाता प्रकुरुते वशे॥
yudhiṣṭhira uvāca uta santamasantaṃ vā bālaṃ vṛddhaṃ ca saṃjaya| utābalaṃ balīyāṃsaṃ dhātā prakurute vaśe||
Yudhishthira said The creator has, under his control, the good and the bad, the young and the old the weak and the strong.
— tr. M.N. Dutt (1891–96) (public domain)
MBh 3 103.2
उत बालाय पाण्डित्यं पण्डितायोत बालताम्। ददाति सर्वमीशानः पुरस्ताच्छुक्रमुच्चरन्॥
uta bālāya pāṇḍityaṃ paṇḍitāyota bālatām| dadāti sarvamīśānaḥ purastācchukramuccaran||
The supreme lord gives wisdom to the child and childishness to the wise, developing the seed in a being.
— tr. M.N. Dutt (1891–96) (public domain)
MBh 3 103.3
बलं जिज्ञासमानस्य आचक्षीथा यथातथम्। अथ मन्त्रं मन्त्रयित्वा याथातथ्येन हृष्टवत्॥
balaṃ jijñāsamānasya ācakṣīthā yathātatham| atha mantraṃ mantrayitvā yāthātathyena hṛṣṭavat||
To him (Dhritarashtra) desirous of knowing our strength should you say how matters really stand, having cheerfully held a consultation with a view to knowing the true information.
— tr. M.N. Dutt (1891–96) (public domain)
MBh 3 103.4
गावल्गणे कुरून् गत्वा धृतराष्ट्र महाबलम्। अभिवाद्योपसंगृह्य ततः पृच्छेरनामयम्॥
gāvalgaṇe kurūn gatvā dhṛtarāṣṭra mahābalam| abhivādyopasaṃgṛhya tataḥ pṛccheranāmayam||
O son of Gavalgani, going to the Kauravas, you should great king Dhritarashtra of great strength hand touching his feet ask him regarding his health.
— tr. M.N. Dutt (1891–96) (public domain)
MBh 3 103.5
ब्रूयाश्चैनं त्वमासीनं कुरुभिः परिवारितम्। तवैव राजन् वीर्येण सुखं जीवन्ति पाण्डवाः॥
brūyāścainaṃ tvamāsīnaṃ kurubhiḥ parivāritam| tavaiva rājan vīryeṇa sukhaṃ jīvanti pāṇḍavāḥ||
And you shall say to him, who will be seated surrounded by the Kurus-The sons of Pandu are living happily solely through your prowess.
— tr. M.N. Dutt (1891–96) (public domain)
MBh 3 103.6
तव प्रसादाद बालास्ते प्राप्ता राज्यमरिंदम्। राज्ये तान् स्थापयित्वाग्रे नोपेक्षस्व विनश्यतः॥
tava prasādāda bālāste prāptā rājyamariṃdam| rājye tān sthāpayitvāgre nopekṣasva vinaśyataḥ||
It was through your grace, O subduer of enemies, that they thought mere boys obtained a kingdom. First establishing them in the kingdom, do not treat them with carelessness or they would be ruined.
— tr. M.N. Dutt (1891–96) (public domain)
MBh 3 103.7
सर्वमप्येतदेकस्य नालं संजय कस्यचित्। तात संहत्य जीवामो द्विषतां मा वशं गमः॥
sarvamapyetadekasya nālaṃ saṃjaya kasyacit| tāta saṃhatya jīvāmo dviṣatāṃ mā vaśaṃ gamaḥ||
All this kingdom is too much, O Sanjaya, for any body. You should say this speaking on our behalf-Sire, we shall live united; do not go into the clutches of despisers.
— tr. M.N. Dutt (1891–96) (public domain)
MBh 3 103.8
तथा भीष्मं शान्तनवं भारतानां पितामहम्। शिरसाभिवदेथास्त्वं मम नाम प्रकीर्तयन्॥
tathā bhīṣmaṃ śāntanavaṃ bhāratānāṃ pitāmaham| śirasābhivadethāstvaṃ mama nāma prakīrtayan||
In the same way should you bow down your head, on my behalf, to the grandsire of the race of Bharata, Bhishma, the son of Shantanu.
— tr. M.N. Dutt (1891–96) (public domain)
MBh 3 103.9
अभिवाद्य च वक्तव्यस्ततोऽस्माकं पितामहः। भवता शन्तनोवंशो निमग्नः पुनरुद्धृतः॥
abhivādya ca vaktavyastato'smākaṃ pitāmahaḥ| bhavatā śantanovaṃśo nimagnaḥ punaruddhṛtaḥ||
After being greeted, our grandsire should thus be addressed-By you was the race, of Shantanu when about to be involved in ruin, was extricated.
— tr. M.N. Dutt (1891–96) (public domain)
MBh 3 103.10
स त्वं कुरु तथा तात स्वमतेन पितामह। यथा जीवन्ति ते पौत्राः प्रीतिमन्तः परस्परम्॥
sa tvaṃ kuru tathā tāta svamatena pitāmaha| yathā jīvanti te pautrāḥ prītimantaḥ parasparam||
You, who have done this, now do what according to your own opinion, O Grandsire, will enable your grandsons to live in peace and amity with each other.
— tr. M.N. Dutt (1891–96) (public domain)
MBh 3 103.11
तथैव विदुरं ब्रूयाः कुरूणां मन्त्रधारिणम्। अयुद्धं सौम्य भाषस्व हितकामो युधिष्ठिरे॥
tathaiva viduraṃ brūyāḥ kurūṇāṃ mantradhāriṇam| ayuddhaṃ saumya bhāṣasva hitakāmo yudhiṣṭhire||
In the same way should you thus speak to Vidura, the adviser of the Kurus, "O you peaceful one, advice peace, O you well wisher of Yudhishthira."
— tr. M.N. Dutt (1891–96) (public domain)
MBh 3 103.12
अथ दुर्योधनं ब्रूया राजपुत्रममर्षणम्। मध्ये कुरूणामासीनमनुनीय पुनः पुनः॥
atha duryodhanaṃ brūyā rājaputramamarṣaṇam| madhye kurūṇāmāsīnamanunīya punaḥ punaḥ||
And then speak to the wrathful prince Duryodhana seated in the midst of the Kurus entreating him again and again.
— tr. M.N. Dutt (1891–96) (public domain)
MBh 3 103.13
अपापां यदुपैक्षस्त्वं कृष्णामेतां सभागताम्। तद् दुःखमतितिक्षाम मा वधीष्म कुरूनिति॥
apāpāṃ yadupaikṣastvaṃ kṛṣṇāmetāṃ sabhāgatām| tad duḥkhamatitikṣāma mā vadhīṣma kurūniti||
"The insults you have offered to the blameless Krishna who had been brought to this council hall, we will quietly endure so that the Kurus may not be slaughtered.
— tr. M.N. Dutt (1891–96) (public domain)
MBh 3 103.14
एवं पूर्वापरान् क्लेशानतितिक्षन्त पाण्डवाः। बलीयांसोऽपि सन्तो यत् तत् सर्वं कुरवो विदुः॥
evaṃ pūrvāparān kleśānatitikṣanta pāṇḍavāḥ| balīyāṃso'pi santo yat tat sarvaṃ kuravo viduḥ||
The Pandavas will quietly bear similar insults offered before and after that though they are strong enough. All this the Kauravas know.
— tr. M.N. Dutt (1891–96) (public domain)
MBh 3 103.15
यन्नः प्रव्राजयः सौम्य अजिनैः प्रतिवासितान्। तद् दुःखमतितिक्षाम मा वधिष्म कुरूनिति॥
yannaḥ pravrājayaḥ saumya ajinaiḥ prativāsitān| tad duḥkhamatitikṣāma mā vadhiṣma kurūniti||
O amiable one, you sent us into exile with raiment's made of deer skin on. This hardship shall we quietly bear so that the Kurus may not be slaughtered.
— tr. M.N. Dutt (1891–96) (public domain)
MBh 3 103.16
यत् कुन्ती समतिक्रम्य कृष्णां केशेष्वधर्षयत्। दुःशासनस्तेऽनुमते तच्चास्माभिरुपेक्षतम्॥
yat kuntī samatikramya kṛṣṇāṃ keśeṣvadharṣayat| duḥśāsanaste'numate taccāsmābhirupekṣatam||
O Dushasana, it was at your bidding that Krishna was dragged here by the hair setting at naught the protest of Kunti. That too is forgiven by us.
— tr. M.N. Dutt (1891–96) (public domain)
MBh 3 103.17
अथोचितं स्वकं भागं लभेमहि परंतप। निवर्तय परद्रव्याद् बुद्धिं गृद्धां नरर्षभ॥
athocitaṃ svakaṃ bhāgaṃ labhemahi paraṃtapa| nivartaya paradravyād buddhiṃ gṛddhāṃ nararṣabha||
But o repressor of enemies, we want our due share; O best among men, turn away your avaricious inclination from what belongs to others.
— tr. M.N. Dutt (1891–96) (public domain)
MBh 3 103.18
शान्तिरेवं भवेद् राजन् प्रीतिश्चैव परस्परम्। राज्यैकदेशमपि नः प्रयच्छ शममिच्छताम्॥
śāntirevaṃ bhaved rājan prītiścaiva parasparam| rājyaikadeśamapi naḥ prayaccha śamamicchatām||
By this means, O king, there shall be peace and good will among each other; give back to us, who are desirous of peace, even one province out of the kingdom.
— tr. M.N. Dutt (1891–96) (public domain)
MBh 3 103.19
अविस्थलं वृकस्थलं माकन्दी वारणावतम्। अवसानं भवत्वत्र किंचिदेकं च पञ्चमम्॥
avisthalaṃ vṛkasthalaṃ mākandī vāraṇāvatam| avasānaṃ bhavatvatra kiṃcidekaṃ ca pañcamam||
Give us Avisthala, Vrikasthala, Makandi and Varanavata, with any other village for a fifth and let there be an end of our quarrel over this matter.
— tr. M.N. Dutt (1891–96) (public domain)
MBh 3 103.20
भ्रातृणां देहि पञ्चानां पञ्च ग्रामान् सुयोधन। शान्ति!ऽस्तु महाप्राज्ञ ज्ञातिभिः सह संजया॥
bhrātṛṇāṃ dehi pañcānāṃ pañca grāmān suyodhana| śānti!'stu mahāprājña jñātibhiḥ saha saṃjayā||
O Suyodhana, give but five villages to your five cousins and let there be peace among ourselves and our cousins, O Sanjaya of great wisdom.
— tr. M.N. Dutt (1891–96) (public domain)
MBh 3 103.21
भ्राता भ्रातरमन्वेतु पिता पुत्रेण युज्यताम्। स्मयमानाः समायान्तु पाञ्चालाः कुरुभिः सह।॥
bhrātā bhrātaramanvetu pitā putreṇa yujyatām| smayamānāḥ samāyāntu pāñcālāḥ kurubhiḥ saha|||
Let brother follow brother and let father unite with son. Let the Panchala join the Kurus with a smiling face.
— tr. M.N. Dutt (1891–96) (public domain)
MBh 3 103.22
अक्षतान् कुरुपाञ्चालान् पश्येयमिति कामये। सर्वे सुमनसस्तात शाम्याम भरतर्षभ॥
akṣatān kurupāñcālān paśyeyamiti kāmaye| sarve sumanasastāta śāmyāma bharatarṣabha||
I desire that I shall see the Kauravas and the Panchalas, without any wounds and we shall all establish peace with cheerful hearts, O you best among the race of Bharata.
— tr. M.N. Dutt (1891–96) (public domain)
MBh 3 103.23
अलमेव शमायास्मि तथा युद्धाय संजय। धर्मार्थयोरलं चाहं मृदवे दारुणाय च॥
alameva śamāyāsmi tathā yuddhāya saṃjaya| dharmārthayoralaṃ cāhaṃ mṛdave dāruṇāya ca||
I am surely ready for peace and to war as well, O Sanjaya. For the acquirement of wealth, am I surely prepared to mild measures and harsh ones.
— tr. M.N. Dutt (1891–96) (public domain)