Mahabharata — Volume II (Dutt edition) — Chapter 96
MBh 2 96.1
वैशम्पायन उवाच ततः सम्प्रस्थितो राजा कौन्तेयो भूरिदक्षिणः। अगस्त्याश्रममासाद्य दुर्जयायामुवास हा॥
vaiśampāyana uvāca tataḥ samprasthito rājā kaunteyo bhūridakṣiṇaḥ| agastyāśramamāsādya durjayāyāmuvāsa hā||
Vaishampayana said : Then the of Kunti, the king (Yudhishthira), distinguished for his large gifts, son came to the hermitage of Agastya and lived at Durjaya.
— tr. M.N. Dutt (1891–96) (public domain)
MBh 2 96.2
तत्रैव लोमशं राजा पप्रच्छ वदतां वरः। अगस्त्येनेह वातापिः किमर्थमुपशामितः॥
tatraiva lomaśaṃ rājā papraccha vadatāṃ varaḥ| agastyeneha vātāpiḥ kimarthamupaśāmitaḥ||
That foremost of eloquent men, the king (Yudhishthira) asked Agastya why Vatapi was killed there by him,
— tr. M.N. Dutt (1891–96) (public domain)
MBh 2 96.3
आसीद्वा किं प्रभावश्च स दैत्यो मानवान्तकः। किमर्थं चोदितो मन्युरगस्त्यस्य महात्मनः॥
āsīdvā kiṃ prabhāvaśca sa daityo mānavāntakaḥ| kimarthaṃ codito manyuragastyasya mahātmanaḥ||
And what was the prowess of that meneating Daitya and why the anger of that highsouled (Rishi) was excited against him.
— tr. M.N. Dutt (1891–96) (public domain)
MBh 2 96.4
लोमश उवाच इल्वलो नाम दैतेय आसीत् कौरवनन्दन। मणिमत्यां पुरि पुरा वातापिस्तस्य चानुजः॥
lomaśa uvāca ilvalo nāma daiteya āsīt kauravanandana| maṇimatyāṃ puri purā vātāpistasya cānujaḥ||
Lomasha said: O descendant of Kuru, there was a Daitya, named Ilvala in the days of yore in the city of Manimati. He had a younger brother, called Vatapi.
— tr. M.N. Dutt (1891–96) (public domain)
MBh 2 96.5
स ब्राह्मणं तपोयुक्तमुवाच दितिनन्दनः। पुत्रं मे भगवानेकमिन्द्रतुल्यं प्रयच्छतु॥
sa brāhmaṇaṃ tapoyuktamuvāca ditinandanaḥ| putraṃ me bhagavānekamindratulyaṃ prayacchatu||
That son of Diti (one day) spoke to an ascetic Brahmana, (saying), “O exalted one, give me a son equal to Indra.”
— tr. M.N. Dutt (1891–96) (public domain)
MBh 2 96.6
तस्मै स ब्राह्मणो नादात् पुत्रं वासवसम्मितम्। चुक्रोध सोऽसुरस्तस्य ब्राह्मणस्य ततो भृशम्॥
tasmai sa brāhmaṇo nādāt putraṃ vāsavasammitam| cukrodha so'surastasya brāhmaṇasya tato bhṛśam||
As that Brahmana did not give him a son equal to Indra, that Asura got exceedingly angry against that Brahmana.
— tr. M.N. Dutt (1891–96) (public domain)
MBh 2 96.7
तदाप्रभृति राजेन्द्र इल्वलो ब्रह्महासुरः। मन्युमान् भ्रातरं छागं मायावी ह्यकरोत् ततः॥
tadāprabhṛti rājendra ilvalo brahmahāsuraḥ| manyumān bhrātaraṃ chāgaṃ māyāvī hyakarot tataḥ||
O king of kings, from that day the Asura Ilvala became a destroyer of Brahmanas. Endued as he was with the power of illusion, he made his brother a goat.
— tr. M.N. Dutt (1891–96) (public domain)
MBh 2 96.8
मेघरूपी च वातापि: कामरूप्यभवत् क्षणात्। संस्कृत्य च भोजयति ततो विप्रं जिघांसति॥
megharūpī ca vātāpi: kāmarūpyabhavat kṣaṇāt| saṃskṛtya ca bhojayati tato vipraṃ jighāṃsati||
Vatapi who was capable of assuming any form at will at once assumed the form of a goat. After being cooked that food was given to the Brahmanas in order to kill them.
— tr. M.N. Dutt (1891–96) (public domain)
MBh 2 96.9
स चाह्वयति यं वाचा गतं वैवस्वतक्षयम्। स पुनर्देहमास्थाय जीवन् स्म प्रत्यदृश्यत॥
sa cāhvayati yaṃ vācā gataṃ vaivasvatakṣayam| sa punardehamāsthāya jīvan sma pratyadṛśyata||
For he, whom he (Ilvala) summoned with his voice, would at once come back to him if he had gone even to the abode of Yama.
— tr. M.N. Dutt (1891–96) (public domain)
MBh 2 96.10
ततो वातापिमसुरं छागं कृत्वा सुसंस्कृतम्। तं ब्राह्मणं भोजयित्वा पुनरेव समाह्वयत्॥
tato vātāpimasuraṃ chāgaṃ kṛtvā susaṃskṛtam| taṃ brāhmaṇaṃ bhojayitvā punareva samāhvayat||
Thus having transformed Vatapi into a goat and after having cooked his flesh, he fed the Brahmanas and summoned him (back) again.
— tr. M.N. Dutt (1891–96) (public domain)
MBh 2 96.11
तामिल्वलेन महता स्वरेण वाचमीरिताम्। श्रुत्वातिमायो बलवान् क्षिप्रं ब्राह्मणकण्टकः॥
tāmilvalena mahatā svareṇa vācamīritām| śrutvātimāyo balavān kṣipraṃ brāhmaṇakaṇṭakaḥ||
That powerful (Asura) endued with great power of illusion, that thorn to the Brahmanas, hearing the words loudly uttered by Ilvala,
— tr. M.N. Dutt (1891–96) (public domain)
MBh 2 96.12
तस्य पार्श्व विनिर्भिद्य ब्राह्मणस्य महासुरः। वातापिः प्रहसन् राजन् निश्चक्राम विशाम्पते॥
tasya pārśva vinirbhidya brāhmaṇasya mahāsuraḥ| vātāpiḥ prahasan rājan niścakrāma viśāmpate||
That great Asura Vatapi, O king, O ruler of earth, would laughingly come out ripping open the sides of these Brahmanas.
— tr. M.N. Dutt (1891–96) (public domain)
MBh 2 96.13
एवं स ब्राह्मणान् राजन् भोजयित्वा पुनः पुनः। हिंसयामास दैतेय इल्वलो दुष्टचेतनः॥
evaṃ sa brāhmaṇān rājan bhojayitvā punaḥ punaḥ| hiṃsayāmāsa daiteya ilvalo duṣṭacetanaḥ||
O king, having thus fed the Brahmanas again and again, the wicked-minded Daitya Ilvala destroyed the Brahmanas.
— tr. M.N. Dutt (1891–96) (public domain)
MBh 2 96.14
अगस्त्यश्चापि भगवानेतस्मिन् काल एव तु। . पितृन् ददर्श गर्ने वै लम्बमानानधोमुखान्॥
agastyaścāpi bhagavānetasmin kāla eva tu| . pitṛn dadarśa garne vai lambamānānadhomukhān||
The exalted Agastya in the mean-while saw his (dead) ancestors hanging in a pit with their head downwards.
— tr. M.N. Dutt (1891–96) (public domain)
MBh 2 96.15
सोऽपृच्छल्लम्बमानांस्तान् भवन्त इव कम्पिताः। संतानहेतोरिति ते प्रत्यूचुर्ब्रह्मवादिनः॥
so'pṛcchallambamānāṃstān bhavanta iva kampitāḥ| saṃtānahetoriti te pratyūcurbrahmavādinaḥ||
He asked them who were thus hanging, "What is the matter with you?" And those Brahmanas replied, “It is for the want offspring.”
— tr. M.N. Dutt (1891–96) (public domain)
MBh 2 96.16
ते तस्मै कथयामासुर्वयं ते पितरः स्वकाः। गर्तमेतमनुप्राप्ता लम्बामः प्रसवार्थिनः॥
te tasmai kathayāmāsurvayaṃ te pitaraḥ svakāḥ| gartametamanuprāptā lambāmaḥ prasavārthinaḥ||
They told him, “We are your forefathers. We are thus hanging in this pit for the want of offspring.
— tr. M.N. Dutt (1891–96) (public domain)
MBh 2 96.17
यदि नो जनयेथास्त्वमगस्त्यापत्यमुत्तमम्। स्यान्नोऽस्मान्निरयान्मोक्षस्त्वं च पुत्राप्नुया गतिम्॥
yadi no janayethāstvamagastyāpatyamuttamam| syānno'smānnirayānmokṣastvaṃ ca putrāpnuyā gatim||
O Agastya, if you beget an excellent son for us, we may then be saved from this hell and you too can acquire the blessed state obtainable by begetting offspring."
— tr. M.N. Dutt (1891–96) (public domain)
MBh 2 96.18
स तानुवाच तेजस्वी सत्यधर्मपरायणः। करिष्ये पितरः कामं व्येतु वो मानसो जवरः॥
sa tānuvāca tejasvī satyadharmaparāyaṇaḥ| kariṣye pitaraḥ kāmaṃ vyetu vo mānaso javaraḥ||
To them replied that powerful Rishi observant of truth and morality, "O Pitris. I shall accomplish your desire and remove the fever of your mind.”
— tr. M.N. Dutt (1891–96) (public domain)
MBh 2 96.19
ततः प्रसवसंतानं चिन्तयन् भगवानृषिः। आत्मनः प्रसवस्यार्थे नापश्यत् सदृशी स्त्रियम्॥
tataḥ prasavasaṃtānaṃ cintayan bhagavānṛṣiḥ| ātmanaḥ prasavasyārthe nāpaśyat sadṛśī striyam||
Then that illustrious Rishi began to think how to perpetuate his race. He did not find a fit wife in whom he can take his birth as his son.
— tr. M.N. Dutt (1891–96) (public domain)
MBh 2 96.20
स तस्य तस्य सत्त्वस्य तत् तदङ्गमनुत्तमम्। संगृह्य तत्समैरङ्गैर्निर्मिमे स्त्रियमुत्तमाम्॥
sa tasya tasya sattvasya tat tadaṅgamanuttamam| saṃgṛhya tatsamairaṅgairnirmime striyamuttamām||
He then, taking those parts of creatures that are considered beautiful, created an excellent woman with them.
— tr. M.N. Dutt (1891–96) (public domain)
MBh 2 96.21
स तां विदर्भराजस्य पुत्रार्थं तप्यतस्तपः। निर्मितामात्मनोऽर्थाय मुनिः प्रादान्महातपाः॥
sa tāṃ vidarbharājasya putrārthaṃ tapyatastapaḥ| nirmitāmātmano'rthāya muniḥ prādānmahātapāḥ||
That greatly ascetic Rishi then gave that woman created for him to the king of Vidarbha who was performing great asceticism to beget an offspring.
— tr. M.N. Dutt (1891–96) (public domain)
MBh 2 96.22
सा तत्र जज्ञे सुभगा विद्युत् सौदामनी यथा। विभ्राजमाना वपुषा व्यवर्धत शुभानना।॥
sā tatra jajñe subhagā vidyut saudāmanī yathā| vibhrājamānā vapuṣā vyavardhata śubhānanā|||
Taking her birth there, that exalted girl of beautiful face, as effulgent as the lightning, began to grow in body day after day.
— tr. M.N. Dutt (1891–96) (public domain)
MBh 2 96.23
जातमात्रां च तां दृष्ट्वा वैदर्भः पृथिवीपतिः। प्रहर्षेण द्विजातिभ्यो न्यवेदयत भारत॥
jātamātrāṃ ca tāṃ dṛṣṭvā vaidarbhaḥ pṛthivīpatiḥ| praharṣeṇa dvijātibhyo nyavedayata bhārata||
O descendant of Bharata, as soon as she was born, seeing her, that ruler of earth, the king of Vidharbha communicated it to the Brahmanas in great joy.
— tr. M.N. Dutt (1891–96) (public domain)
MBh 2 96.24
अभ्यनन्दन्त तां सर्वे ब्राह्मणा वसुधाधिप। लोपामुद्रेति तस्याश्च चक्रिरे नाम ते द्विजाः॥
abhyanandanta tāṃ sarve brāhmaṇā vasudhādhipa| lopāmudreti tasyāśca cakrire nāma te dvijāḥ||
O ruler of earth, all those Brahmanas blessed her and those twice born ones gave her the name of Lopamudra.
— tr. M.N. Dutt (1891–96) (public domain)
MBh 2 96.25
ववृधे सा महाराज बिभ्रती रूपमुत्तमम्। अप्स्विवोत्पलिनी शीघ्रमग्नेरिव शिखा शुभा।॥
vavṛdhe sā mahārāja bibhratī rūpamuttamam| apsvivotpalinī śīghramagneriva śikhā śubhā|||
O king, possessed with great beauty that blessed girl began to grow quickly like a lotus in water or the blazing flame in a fire.
— tr. M.N. Dutt (1891–96) (public domain)
MBh 2 96.26
तां यौवनस्थां राजेन्द्र शतं कन्याः स्वलंकृताः। दास्यः शतं च कल्याणीमुपातस्थुर्वशानुगाः॥
tāṃ yauvanasthāṃ rājendra śataṃ kanyāḥ svalaṃkṛtāḥ| dāsyaḥ śataṃ ca kalyāṇīmupātasthurvaśānugāḥ||
O king of kings, when she grew youthful, one hundred damsels adorned with ornaments and also one hundred maid-servants, remaining at her command always, waited upon that blessed girl.
— tr. M.N. Dutt (1891–96) (public domain)
MBh 2 96.27
सा स्म दासीशतवृता मध्ये कन्याशतस्य च। आस्ते तेजस्विनी कन्या रोहिणीव दिवि प्रभा॥
sā sma dāsīśatavṛtā madhye kanyāśatasya ca| āste tejasvinī kanyā rohiṇīva divi prabhā||
Surrounded by these one hundred maidservants and remaining in the midst of these one hundred damsels, that effulgent damsel shone, as the brilliant Rohini (star) in the sky.
— tr. M.N. Dutt (1891–96) (public domain)
MBh 2 96.28
यौवनस्थामपि च तां शीलाचारसमन्विताम्। न वव्रे पुरुषः कश्चिद् भयात् तस्य महात्मनः॥
yauvanasthāmapi ca tāṃ śīlācārasamanvitām| na vavre puruṣaḥ kaścid bhayāt tasya mahātmanaḥ||
When she grew youthful, even then for the fear of the illustrious king none dared ask for her hand, endued as she was with good and excellent manners.
— tr. M.N. Dutt (1891–96) (public domain)
MBh 2 96.29
सा तु सत्यवती कन्या रूपेणाप्सरसोऽप्यति। तोषयामास पितरं शीलेन स्वजनं तथा॥
sā tu satyavatī kanyā rūpeṇāpsaraso'pyati| toṣayāmāsa pitaraṃ śīlena svajanaṃ tathā||
That truthful maiden possessed of beauty like that of an Apsara pleased her father and relatives with her good conduct.
— tr. M.N. Dutt (1891–96) (public domain)
MBh 2 96.30
वैदर्भी तु तथायुक्तां युवतीं प्रेक्ष्य वै पिता। मनसा चिन्तयामास कस्मै दद्यामिमां सुताम्॥
vaidarbhī tu tathāyuktāṃ yuvatīṃ prekṣya vai pitā| manasā cintayāmāsa kasmai dadyāmimāṃ sutām||
Seeing her attain to puberty, her father, the king of Vidharbha thought in his mind, "To whom shall I give my this daughter?”
— tr. M.N. Dutt (1891–96) (public domain)