Mahabharata — Volume II (Dutt edition) — Chapter 89

MBh 2 89.1

धौम्य उवाच आनर्तेषु प्रतीच्यां वै कीर्तयिष्यामि ते दिशि। यानि तत्र पवित्राणि पुण्यान्यायतनानि च॥

dhaumya uvāca ānarteṣu pratīcyāṃ vai kīrtayiṣyāmi te diśi| yāni tatra pavitrāṇi puṇyānyāyatanāni ca||

Dhaumya said : I shall (now) describe to you those sacred spots capable of producing merit that lie on the west, in the country of the Anartas.

— tr. M.N. Dutt (1891–96) (public domain)

MBh 2 89.2

प्रियङ्ग्वाम्रणोपेता वानीरफलमालिनी। प्रत्यक्स्रोता नदी पुण्या नर्मदा तत्र भारत॥

priyaṅgvāmraṇopetā vānīraphalamālinī| pratyaksrotā nadī puṇyā narmadā tatra bhārata||

O descendant of Bharata, there flows in a westward course the sacred river Narmada, graced by Priyangu and adorned with mango trees and engar-landed by cranes.

— tr. M.N. Dutt (1891–96) (public domain)

MBh 2 89.3

त्रैलोक्ये यानि तीर्थानि पुण्यान्यायतनानि च। सरिद्वनानि शैलेन्द्रा देवाश्च सपितामहाः॥ नर्मदायां कुरुश्रेष्ठ सह सिद्धर्षिचारणैः। स्नातुमायान्ति पुण्यौघैः सदा वारिषु भारत॥

trailokye yāni tīrthāni puṇyānyāyatanāni ca| saridvanāni śailendrā devāśca sapitāmahāḥ|| narmadāyāṃ kuruśreṣṭha saha siddharṣicāraṇaiḥ| snātumāyānti puṇyaughaiḥ sadā vāriṣu bhārata||

All the Tirthas, sacred spots, rivers, forests and those best of the mountains that are in the three worlds, all the celestials with the Grandsire, with the Siddhas, the Rishis and the Charanas. O foremost of Kurus, O descendant of Bharata, always come to bathe in the sacred waters of the Narmada.

— tr. M.N. Dutt (1891–96) (public domain)

MBh 2 89.4

निकेतः श्रूयते पुण्ये यत्र वश्रवसो मुनेः। जज्ञेधनपतिर्यत्र कुबेरो नरवाहनः॥

niketaḥ śrūyate puṇye yatra vaśravaso muneḥ| jajñedhanapatiryatra kubero naravāhanaḥ||

It has been heard by us that the sacred hermitage of Rishi Vishvasrava stood there and there the lord of wealth, Kubera, having man as his vehicle, was born.

— tr. M.N. Dutt (1891–96) (public domain)

MBh 2 89.5

वैदूर्यशिखरो नाम पुण्यो गिरिवरः शिवः। नित्यपुष्पफलास्तत्र पादपा हरितच्छदाः॥

vaidūryaśikharo nāma puṇyo girivaraḥ śivaḥ| nityapuṣpaphalāstatra pādapā haritacchadāḥ||

There is also that foremost of hills, the sacred and auspicious Vaidurya mountain, which is always abounding in trees that are green and that are always adorned with flowers and fruits.

— tr. M.N. Dutt (1891–96) (public domain)

MBh 2 89.6

तस्य शैलस्य शिखरे सरः पुण्यं महीपते। फुल्लपद्मं महाराज देवगन्धर्वसेवितम्॥

tasya śailasya śikhare saraḥ puṇyaṃ mahīpate| phullapadmaṃ mahārāja devagandharvasevitam||

O ruler of men, O great king, on the top of the mountain there is a sacred lake adorned with full blossomed lotuses and frequented by the celestials and the Gandharvas.

— tr. M.N. Dutt (1891–96) (public domain)

MBh 2 89.7

बह्वाश्चर्यं महाराज दृश्यते तत्र पर्वते। पुण्ये स्वर्गोपमे चैव देवर्षिगणसेविते॥

bahvāścaryaṃ mahārāja dṛśyate tatra parvate| puṇye svargopame caiva devarṣigaṇasevite||

O great king, many wonders are to be seen on that sacred mountain which is like heaven itself and which is visited by the celestials Rishis.

— tr. M.N. Dutt (1891–96) (public domain)

MBh 2 89.8

ह्रदिनी पुण्यतीर्था च राजर्षेस्तत्र वै सरित्। विश्वामित्रनदी राजन् पुण्या परपुरंजय॥ यस्यास्तीरे सतां मध्ये ययातिर्नहुषात्मजः। पपात स पुनर्लोकॉल्लेभेधर्मान् सनातनान्॥

hradinī puṇyatīrthā ca rājarṣestatra vai sarit| viśvāmitranadī rājan puṇyā parapuraṃjaya|| yasyāstīre satāṃ madhye yayātirnahuṣātmajaḥ| papāta sa punarlokaॉllebhedharmān sanātanān||

O king, O conqueror of hostile cities, there is the sacred river called Vishvamitra belonging to the royal sage of that name and which abounds in many sacred Tirthas. It was on the banks of this river, the son of Nahusha, Yayati, fell (from heaven) among the pious and obtained again the eternal region of the virtuous.

— tr. M.N. Dutt (1891–96) (public domain)

MBh 2 89.9

तत्र पुण्यो ह्रदः ख्याते मैनाकश्चैव पर्वतः। बहुमूलफलोपेतस्त्वसिते नाम पर्वतः॥

tatra puṇyo hradaḥ khyāte mainākaścaiva parvataḥ| bahumūlaphalopetastvasite nāma parvataḥ||

There is also the sacred lake known by the name of Punya, the mountain called Mainaka and that other mountain called Asita abounding in fruits and roots.

— tr. M.N. Dutt (1891–96) (public domain)

MBh 2 89.10

आश्रमः कक्षसेनस्य पुण्यस्तत्र युधिष्ठिर। च्यवनस्याश्रमश्चैव विख्यातस्तत्र पाण्डव॥

āśramaḥ kakṣasenasya puṇyastatra yudhiṣṭhira| cyavanasyāśramaścaiva vikhyātastatra pāṇḍava||

O Yudhishthira, O son of Pandu, there is also the sacred hermitage of Kakshasena and also the hermitage of Chyavana known every where.

— tr. M.N. Dutt (1891–96) (public domain)

MBh 2 89.11

तत्राल्पेनैव सिध्यन्ति मानवास्तपसा विभो। जम्बूभार्गो महाराज ऋषीणां भावितात्मनाम्॥ आश्रमः शाम्यतां श्रेष्ठ मृगद्विजनिषेवितः।

tatrālpenaiva sidhyanti mānavāstapasā vibho| jambūbhārgo mahārāja ṛṣīṇāṃ bhāvitātmanām|| āśramaḥ śāmyatāṃ śreṣṭha mṛgadvijaniṣevitaḥ|

O lord, here men obtain success in their asceticism with less austerities. O great king, here also is Jambumarga, the herinitage of Rishis of subdued soul. O foremost of selfcontrolled men, the hermitage is frequented by birds and deer.

— tr. M.N. Dutt (1891–96) (public domain)

MBh 2 89.12

ततः पुण्यतमा राजन् सततं तापसैर्युता॥ केतुमाला च मेध्या च गङ्गद्वारं च भूमिप। ख्यातं च सैन्धवारण्यं पुण्यं द्विजनिषेवितम्॥

tataḥ puṇyatamā rājan satataṃ tāpasairyutā|| ketumālā ca medhyā ca gaṅgadvāraṃ ca bhūmipa| khyātaṃ ca saindhavāraṇyaṃ puṇyaṃ dvijaniṣevitam||

O king, there is the very sacred and ascetic surrounded, Ketumela, Medhaya also Gangadvara and the celebrated forest of Saindhava, frequented by the Brahmanas.

— tr. M.N. Dutt (1891–96) (public domain)

MBh 2 89.13

पितामहसरः पुण्यं पुष्करं नाम नामतः। वैखानसानां सिद्धानामृषीणामाश्रमः प्रियः॥

pitāmahasaraḥ puṇyaṃ puṣkaraṃ nāma nāmataḥ| vaikhānasānāṃ siddhānāmṛṣīṇāmāśramaḥ priyaḥ||

Then there is the sacred lake of the Grandsire, known by the name of Pushkara, the favourite hermitage of Valkhilyas, the Siddhas and the Rishis.

— tr. M.N. Dutt (1891–96) (public domain)

MBh 2 89.14

अप्यत्र संश्रयार्थाय प्रजापतिरथो जगौ। पुष्करेषु कुरुश्रेष्ठ गाथां सुकृतिनां वर॥

apyatra saṃśrayārthāya prajāpatiratho jagau| puṣkareṣu kuruśreṣṭha gāthāṃ sukṛtināṃ vara||

O foremost of Kurus, O best of all virtuous men, moved by the desire to get its shelter, the lord of creatures recited this verse at Pushkara.

— tr. M.N. Dutt (1891–96) (public domain)

MBh 2 89.15

मनसाप्यभिकामस्य पुष्कराणि मनस्विनः। विप्रणश्यन्ति पापानि नाकपृष्ठे च मोदते॥

manasāpyabhikāmasya puṣkarāṇi manasvinaḥ| vipraṇaśyanti pāpāni nākapṛṣṭhe ca modate||

"If a pure souled man wishes to go to the Pushkara even in his imagination, he is cleansed of all his sins and he rejoices in heaven.

— tr. M.N. Dutt (1891–96) (public domain)