Mahabharata — Volume II (Dutt edition) — Chapter 84

MBh 2 84.1

पुलस्त्य उवाच ततो गच्छेन्महाराजधर्मतीर्थमनुत्तमम्। यत्रधर्मो महाभागस्तप्तवानुत्तमं तपः॥

pulastya uvāca tato gacchenmahārājadharmatīrthamanuttamam| yatradharmo mahābhāgastaptavānuttamaṃ tapaḥ||

Pulastya said : O great king, one should then go to the excellent Tirtha, called Dharma where the greatly exalted Dharma performed excellent asceticism.

— tr. M.N. Dutt (1891–96) (public domain)

MBh 2 84.2

तेन तीर्थं कृतं पुण्यं स्वेन नाम्ना च विश्रुतम्। तत्र स्नात्वा नरो राजन्धर्मशीलः समाहितः॥ आसप्तमं कुलं चैव पुनीते नात्र संशयः।

tena tīrthaṃ kṛtaṃ puṇyaṃ svena nāmnā ca viśrutam| tatra snātvā naro rājandharmaśīlaḥ samāhitaḥ|| āsaptamaṃ kulaṃ caiva punīte nātra saṃśayaḥ|

It is for this reason he made the place a sacred Tirtha and made it known after his own name. O king, bathing there a virtuous-man with subdued soul purifies without doubt his ancestors seven generations upwards and downwards.

— tr. M.N. Dutt (1891–96) (public domain)

MBh 2 84.3

ततो गच्छेत राजेन्द्र ज्ञानपावनमुत्तमम्॥ अग्निष्टोममवाप्नोति मुनिलोकं च गच्छति।

tato gaccheta rājendra jñānapāvanamuttamam|| agniṣṭomamavāpnoti munilokaṃ ca gacchati|

O king of kings, one should then go to the excellent Gyanapavana (going there) one obtains the fruits of Agnishtoma and goes to the region of Munis.

— tr. M.N. Dutt (1891–96) (public domain)

MBh 2 84.4

सौगन्धिकवनं राजंस्ततो गच्छेत मानवः॥

saugandhikavanaṃ rājaṃstato gaccheta mānavaḥ||

O king, a man should then go to Saugandikvana.

— tr. M.N. Dutt (1891–96) (public domain)

MBh 2 84.5

तत्र ब्रह्मादयो देवा ऋषयश्च तपोधनाः। सिद्धचारणगन्धर्वाः किंनराश्च महोरगाः॥

tatra brahmādayo devā ṛṣayaśca tapodhanāḥ| siddhacāraṇagandharvāḥ kiṃnarāśca mahoragāḥ||

There live Brahma and other celestials, the Rishis, the ascetics, the Siddhas, the Charanas, the Gandharvas, the Kinnaras and the great Nagas.

— tr. M.N. Dutt (1891–96) (public domain)

MBh 2 84.6

तद् वनं प्रविशन्नेव सर्वपापैः प्रमुच्यते। ततश्चापि सरिच्छ्रेष्ठा नदीनामुत्तमा नदी॥ प्लक्षादेवी स्रता राजन् महापुण्या सरस्वती। तत्राभिषेकं कुर्वीत वल्मीकान्निःसृते जले॥

tad vanaṃ praviśanneva sarvapāpaiḥ pramucyate| tataścāpi saricchreṣṭhā nadīnāmuttamā nadī|| plakṣādevī sratā rājan mahāpuṇyā sarasvatī| tatrābhiṣekaṃ kurvīta valmīkānniḥsṛte jale||

As soon as one enters that forest all sins are destroyed. There flows that best of streams, that foremost river of all rivers, that sacred goddess, O king, which is known (there) by the name of Plaksha Devi; bathing there in the water issuing forth from the bill.

— tr. M.N. Dutt (1891–96) (public domain)

MBh 2 84.7

अर्चयित्वा पितृन् देवानश्वमेधफलं लभेत्। ईशानाध्युषितं नाम तत्र तीर्थं सुदुर्लभम्॥

arcayitvā pitṛn devānaśvamedhaphalaṃ labhet| īśānādhyuṣitaṃ nāma tatra tīrthaṃ sudurlabham||

And worshipping the Pitris and the celestials, one obtains the fruits of Ashvamedha sacrifice. There is a a very inaccessible Tirtha, called Ishanadhyushita.

— tr. M.N. Dutt (1891–96) (public domain)

MBh 2 84.8

घट्सु शम्यानिपातेषु वल्मीकादिति निश्चयः। कपिलानां सहस्रं च वाजिमेधं च विन्दति॥ तत्र स्नात्वा नरव्याघ्र दृष्टमेतत् पुरातनैः।

ghaṭsu śamyānipāteṣu valmīkāditi niścayaḥ| kapilānāṃ sahasraṃ ca vājimedhaṃ ca vindati|| tatra snātvā naravyāghra dṛṣṭametat purātanaiḥ|

Lying from the anthill at the distance of six throws of a Shamya (wooden sacrificial stick). O foremost of men, it is seen in the Puranas that as soon as one bathes in it, one obtains the iruits of giving away one thousand Kapila kine and also those of Ashvamedha sacrifice.

— tr. M.N. Dutt (1891–96) (public domain)

MBh 2 84.9

सुगन्धां शतकुम्भां च पञ्चयज्ञां च भारत॥ अभिगम्य नरश्रेष्ठ स्वर्गलोके महीयते।

sugandhāṃ śatakumbhāṃ ca pañcayajñāṃ ca bhārata|| abhigamya naraśreṣṭha svargaloke mahīyate|

O descendant of Bharata, next are the Tirthas called Sugandha, Shatakumbha and Panchayajna.

— tr. M.N. Dutt (1891–96) (public domain)

MBh 2 84.10

त्रिशूलखातं तत्रैव तीर्थमासाद्य भारत॥ तत्राभिषेकं कुर्वीत पितृदेवार्चने रतः। गाणपत्यं च लभते देहं त्यक्त्वा न संशयः॥

triśūlakhātaṃ tatraiva tīrthamāsādya bhārata|| tatrābhiṣekaṃ kurvīta pitṛdevārcane rataḥ| gāṇapatyaṃ ca labhate dehaṃ tyaktvā na saṃśayaḥ||

One going there, O king, becomes adored in the celestials region. O descendant of Bharata, going there to the Tirtha called Trishulakhata and bathing there and worshipping the Pitris and the celestials, there is no doubt one obtains the state of Ganapatya after giving up his body.

— tr. M.N. Dutt (1891–96) (public domain)

MBh 2 84.11

ततो गच्छेत राजेन्द्र देव्याः स्थानं सुदुर्लभम्। शाकम्भरीति विख्याता त्रिषु लोकेषु विश्रुता॥

tato gaccheta rājendra devyāḥ sthānaṃ sudurlabham| śākambharīti vikhyātā triṣu lokeṣu viśrutā||

O king of kings, one should then go to the excellent celestials region which is known all over the three worlds by the name of Shakambhari.

— tr. M.N. Dutt (1891–96) (public domain)

MBh 2 84.12

दिव्यं वर्षसहस्रं हि शाकेन किल सुव्रता। आहारं सा कृतवती मासि मासि नराधिप॥ ऋषयोऽभ्यागतास्तत्र देव्या भक्त्या तपोधनाः। आतिथ्यं च कृतं तेषां शाकेन किल भारत॥

divyaṃ varṣasahasraṃ hi śākena kila suvratā| āhāraṃ sā kṛtavatī māsi māsi narādhipa|| ṛṣayo'bhyāgatāstatra devyā bhaktyā tapodhanāḥ| ātithyaṃ ca kṛtaṃ teṣāṃ śākena kila bhārata||

O ruler of men, for one thousand celestials years, that lady of excellent vows lived month after month on herbs. Many ascetic ladies who were devoted to that goddess came there. O descendant of Bharata, they were all entertained by her with herbs.

— tr. M.N. Dutt (1891–96) (public domain)

MBh 2 84.13

ततः शाकम्भरीत्येव नाम तस्याः प्रतिष्ठितम्। शाकम्भरी समासाद्य ब्रह्मचारी समाहितः॥ त्रिरात्रमुषितः शाकं भक्षयित्वा नरः शुचिः। शाकाहारस्य यत् किंचिद् वर्षेञदशभिः कृतम्॥ तत् फलं तस्य भवति देव्याश्छन्देन भारत।

tataḥ śākambharītyeva nāma tasyāḥ pratiṣṭhitam| śākambharī samāsādya brahmacārī samāhitaḥ|| trirātramuṣitaḥ śākaṃ bhakṣayitvā naraḥ śuciḥ| śākāhārasya yat kiṃcid varṣeñadaśabhiḥ kṛtam|| tat phalaṃ tasya bhavati devyāśchandena bhārata|

O descendant of Bharata, it is for this she was given the name of Shakambhari. Going to Shakambhari with rapt attention and with Brahmacharya life and living in purity three nights there on herbs alone, the merit of living on herbs for twelve years a man obtains at the will of the goddess.

— tr. M.N. Dutt (1891–96) (public domain)

MBh 2 84.14

ततो गच्छेत् सुवर्णाख्यं त्रिषु लोकेषु विश्रुतम्॥ तत्र विष्णुः प्रसादार्थं रुद्रमाराधयत् पुरा। वरांश्च सुबहल्लेभे दैवतेषु सुदुर्लभान्॥

tato gacchet suvarṇākhyaṃ triṣu lokeṣu viśrutam|| tatra viṣṇuḥ prasādārthaṃ rudramārādhayat purā| varāṃśca subahallebhe daivateṣu sudurlabhān||

Then one should go to the Tirtha called Suvarna, celebrated all over the three worlds. There Vishnu in the days of yore worshipped Rudra in order to get his grace. He obtained many boons difficult to be got by even the celestials.

— tr. M.N. Dutt (1891–96) (public domain)

MBh 2 84.15

उक्तश्च त्रिपुरघ्नेन परितुष्टेन भारत। अपि च त्वं प्रियतरो लोके कृष्ण भविष्यसि॥ त्वन्मुखं च जगत् सर्वं भविष्यति न संशयः। तत्राभिगम्य राजेन्द्र पूजयित्वा वृषध्वजम्॥ अश्वमेधमवाप्नोति गाणपत्यं च विन्दति। धूमावतीं ततो गच्छेत् त्रिरात्रोपोषितो नरः॥ मनसा प्रार्थितान् कामाँल्लभते नात्र संशयः।

uktaśca tripuraghnena parituṣṭena bhārata| api ca tvaṃ priyataro loke kṛṣṇa bhaviṣyasi|| tvanmukhaṃ ca jagat sarvaṃ bhaviṣyati na saṃśayaḥ| tatrābhigamya rājendra pūjayitvā vṛṣadhvajam|| aśvamedhamavāpnoti gāṇapatyaṃ ca vindati| dhūmāvatīṃ tato gacchet trirātropoṣito naraḥ|| manasā prārthitān kāmā~llabhate nātra saṃśayaḥ|

O descendant of Bharata, having been thus gratified, the destroyer of Tripura said, “O Krishna, you shall certainly be very beloved on earth. There is no doubt you will be the foremost being in the universe." O king of kings, going there and worshipping Vrishadhvaja (Shiva). One obtains the fruits of Ashvamedha (sacrifice) and acquires the state of Ganapatya. Then one should go to Dhumavati and fasting there for three nights, a man obtains without doubt all the desires that he entertains in his mind.

— tr. M.N. Dutt (1891–96) (public domain)

MBh 2 84.16

देव्यास्तु दक्षिणार्धेन रथावर्तो नराधिप॥ तत्रारोहेतधर्मज्ञ श्रद्दधानो जितेन्द्रियः। महादेवप्रसादाद्धि गच्छेत परमां गतिम्॥

devyāstu dakṣiṇārdhena rathāvarto narādhipa|| tatrārohetadharmajña śraddadhāno jitendriyaḥ| mahādevaprasādāddhi gaccheta paramāṃ gatim||

O ruler of men, in the southern side of this Tirtha, belonging to this Tirtha, there exists a Tirtha called Rathavarta. O virtuous man, one should go there with reverential mood and with passions all subdued. He then obtains through the grace of Mahadeva the highest state.

— tr. M.N. Dutt (1891–96) (public domain)

MBh 2 84.17

प्रदक्षिणमुपावृत्य गच्छेत भरतर्षभ। धारां नाम महाप्राज्ञः सर्वपापप्रमोचनीम्॥

pradakṣiṇamupāvṛtya gaccheta bharatarṣabha| dhārāṃ nāma mahāprājñaḥ sarvapāpapramocanīm||

O best of the Bharata race, O greatly wise one, walking round it, one should, go to the Tirtha called Dhara which destroys all sins.

— tr. M.N. Dutt (1891–96) (public domain)

MBh 2 84.18

तत्र स्नात्वा नरव्याघ्र न शोचति नराधिप।

tatra snātvā naravyāghra na śocati narādhipa|

O foremost of men, O king, bathing there, one becomes freed from fall sorrow.

— tr. M.N. Dutt (1891–96) (public domain)

MBh 2 84.19

ततो गच्छेतधर्मज्ञ नमस्कृत्य महागिरिम्॥ स्वर्गद्वारेण यत् तुल्यं गङ्गाद्वारं न संशयः। तत्राभिषेकं कुर्वीत कोटितीर्थे समाहितः॥

tato gacchetadharmajña namaskṛtya mahāgirim|| svargadvāreṇa yat tulyaṃ gaṅgādvāraṃ na saṃśayaḥ| tatrābhiṣekaṃ kurvīta koṭitīrthe samāhitaḥ||

O virtuous one, one should then go, after bowing to the great mountain. To the source of the Ganges which is certainly like the gate of heaven. There one should with controlled soul bathe in the Tirtha called Koti.

— tr. M.N. Dutt (1891–96) (public domain)

MBh 2 84.20

पुण्डरीकमवाप्नोति कुलं चैव समुद्धरेत्। उष्यैकां रजनीं तत्र गोसहस्रफलं लभेत्॥

puṇḍarīkamavāpnoti kulaṃ caiva samuddharet| uṣyaikāṃ rajanīṃ tatra gosahasraphalaṃ labhet||

He then obtains the fruits of Pundarika sacrifice and saves his own race. Living there for one night, one obtains the fruits of giving away one thousand kine.

— tr. M.N. Dutt (1891–96) (public domain)

MBh 2 84.21

सप्तगङ्गे त्रिगङ्गे च शक्रावर्ते च तर्पयन्। देवान् पितॄश्च विधिवत् पुण्ये लोके महीयते॥

saptagaṅge trigaṅge ca śakrāvarte ca tarpayan| devān pitṝśca vidhivat puṇye loke mahīyate||

Offering oblations according to the ordinance to the Pitris and the celestials at Saptaganga, Triganga and Shakravarta, one becomes adored in the regions of the virtuous.

— tr. M.N. Dutt (1891–96) (public domain)

MBh 2 84.22

ततः कनखले स्नात्वा त्रिरात्रोपोषितो नरः। अश्वमेधमवाप्नोति स्वर्गलोकं च गच्छति॥

tataḥ kanakhale snātvā trirātropoṣito naraḥ| aśvamedhamavāpnoti svargalokaṃ ca gacchati||

Then bathing in Kanakhala and fasting there for three nights one obtains the fruits of Ashvamedha and goes to the celestials region.

— tr. M.N. Dutt (1891–96) (public domain)

MBh 2 84.23

कपिलावटं ततो गच्छेत् तीर्थसेवी नराधिप। उपोष्य रजनीं तत्र गोसहस्रफलं लभेत्॥

kapilāvaṭaṃ tato gacchet tīrthasevī narādhipa| upoṣya rajanīṃ tatra gosahasraphalaṃ labhet||

O ruler of men, then the pilgrim should go to Kapilavata; and fasting there for one night, one obtains the fruits of giving away one thousand kine.

— tr. M.N. Dutt (1891–96) (public domain)

MBh 2 84.24

नागराजस्य राजेन्द्र कपिलस्य महात्मनः। तीर्थं कुरुवरश्रेष्ठ सर्वलोकेषु विश्रुतम्॥

nāgarājasya rājendra kapilasya mahātmanaḥ| tīrthaṃ kuruvaraśreṣṭha sarvalokeṣu viśrutam||

O king of kings, O best of the Kurus, one should then go to the illustrious Kapila, the king of the Nagas who is celebrated all over the three worlds.

— tr. M.N. Dutt (1891–96) (public domain)

MBh 2 84.25

तत्राभिषेकं कुर्वीत नागतीर्थे नराधिप। कपिलानां सहस्रस्य फलं विन्दति मानवः॥

tatrābhiṣekaṃ kurvīta nāgatīrthe narādhipa| kapilānāṃ sahasrasya phalaṃ vindati mānavaḥ||

O ruler of men, bathing in the Naga-Tirtha, a man obtains the fruits of giving away one thousand Kapila kine.

— tr. M.N. Dutt (1891–96) (public domain)

MBh 2 84.26

ततो ललितकं गच्छेच्छान्तनोस्तीर्थमुत्तमम्। तत्र स्नात्वा नरो राजन् न दुर्गतिमवाप्नुयात्॥

tato lalitakaṃ gacchecchāntanostīrthamuttamam| tatra snātvā naro rājan na durgatimavāpnuyāt||

Then one should go to the Tirtha of Shantanu, called Lalitaka. O king, bathing there a man never meets with calamity.

— tr. M.N. Dutt (1891–96) (public domain)

MBh 2 84.27

गङ्गायमुनयोर्मध्ये स्नाति यः संगमे नरः। दशाश्वमेधानाप्नोति कुलं चैव समुद्धरेत्॥

gaṅgāyamunayormadhye snāti yaḥ saṃgame naraḥ| daśāśvamedhānāpnoti kulaṃ caiva samuddharet||

The man, who bathes at the confluence of the Ganga and the Yamuna, obtains the fruits of ten Ashvamedha sacrifice and saves his own race.

— tr. M.N. Dutt (1891–96) (public domain)

MBh 2 84.28

ततो गच्छेत राजेन्द्र सुगंधां लोकविश्रुताम्। सर्वपापविशुद्धात्मा ब्रह्मलोके महीयते॥

tato gaccheta rājendra sugaṃdhāṃ lokaviśrutām| sarvapāpaviśuddhātmā brahmaloke mahīyate||

O king of kings, one should then go to Sugandhaka celebrated all over the world. His soul being purified and his sins all destroyed cile becomes adored in the region of Brahma.

— tr. M.N. Dutt (1891–96) (public domain)

MBh 2 84.29

रुद्रावर्तं ततो गच्छेत् तीर्थसेवी नराधिप। तत्र स्नात्वा नरो राजन् स्वर्गलोकं च गच्छति॥

rudrāvartaṃ tato gacchet tīrthasevī narādhipa| tatra snātvā naro rājan svargalokaṃ ca gacchati||

O ruler of men, then the pilgrim should go to the Rudravarta. O king, bathing there one goes to the celestials region.

— tr. M.N. Dutt (1891–96) (public domain)

MBh 2 84.30

गङ्गायाश्च नरश्रेष्ठ सरस्वत्याश्च संगमे। स्नात्वाश्वमेधं प्राप्नोति स्वर्गलोकं च गच्छति॥

gaṅgāyāśca naraśreṣṭha sarasvatyāśca saṃgame| snātvāśvamedhaṃ prāpnoti svargalokaṃ ca gacchati||

O foremost of men, bathing at the confluence of the Ganges and the Sarasvati one obtains the fruits of Ashvamedha and goes to the celestials region.

— tr. M.N. Dutt (1891–96) (public domain)

MBh 2 84.31

भद्रकर्णेश्वरं गत्वा देवमर्च्य यथाविधि। न दुर्गतिमवाप्नोति नाकपृष्ठे च पूज्यते॥

bhadrakarṇeśvaraṃ gatvā devamarcya yathāvidhi| na durgatimavāpnoti nākapṛṣṭhe ca pūjyate||

Going to Bhadrakarneshvara and worshipping the celestials according to proper rites, one never meets with any calamity; and becomes adored in the celestials region.

— tr. M.N. Dutt (1891–96) (public domain)

MBh 2 84.32

ततः कुब्जाम्रकं गच्छेत् तीर्थसेवी नराधिप। गोसहस्रमवाप्नोति स्वर्गलोकं च गच्छति॥

tataḥ kubjāmrakaṃ gacchet tīrthasevī narādhipa| gosahasramavāpnoti svargalokaṃ ca gacchati||

O ruler of men, one should then go to Kubjamraka; one then obtains the fruits of giving away one thousand kine and goes to the celestials region.

— tr. M.N. Dutt (1891–96) (public domain)

MBh 2 84.33

अरुन्धतीवटं गच्छेत् तीर्थसेवी नराधिप। सामुद्रकमुपस्पृश्य ब्रह्मचारी समाहितः॥ अश्वमेधमवाप्नोति त्रिरात्रोपोषितो नरः। गोसहस्रफलं विद्यात् कुलं चैव समुद्धरेत्॥

arundhatīvaṭaṃ gacchet tīrthasevī narādhipa| sāmudrakamupaspṛśya brahmacārī samāhitaḥ|| aśvamedhamavāpnoti trirātropoṣito naraḥ| gosahasraphalaṃ vidyāt kulaṃ caiva samuddharet||

O ruler of men, then the pilgrim should go to Arundhantivata. Bathing at Samudrava with concentrated soul and with Brahmacharya life and fasting there for three nights, a man obtains the fruits of Ashvamedha sacrifice. He obtains the fruits of giving away one thousand kine and saves his own race.

— tr. M.N. Dutt (1891–96) (public domain)

MBh 2 84.34

ब्रह्मावर्तं ततो गच्छेद् ब्रह्मचारी समाहितः। अश्वमेधमवाप्नोति सोमलोकं च गच्छति॥

brahmāvartaṃ tato gacched brahmacārī samāhitaḥ| aśvamedhamavāpnoti somalokaṃ ca gacchati||

One should then go with concentrated mind and with Brahmacharya life to Brahmavarta. He obtains the fruits of Ashvamedha and goes to the region of Soma.

— tr. M.N. Dutt (1891–96) (public domain)

MBh 2 84.35

यमुनाप्रभवं गत्वा समुपस्पृश्य यामुनम्। अश्वमेधफलं लब्ध्वा स्वर्गलोके महीयते॥

yamunāprabhavaṃ gatvā samupaspṛśya yāmunam| aśvamedhaphalaṃ labdhvā svargaloke mahīyate||

Going to Yamunaprabhva he who bathes in the Yamuna obtains the fruits of Ashvamedha and becomes adored in the celestials region.

— tr. M.N. Dutt (1891–96) (public domain)

MBh 2 84.36

दर्वीसंक्रमणं प्राप्य तीर्थं त्रैलोक्यपूजितम्। अश्वमेधमवाप्नोति स्वर्गलोकं च गच्छति॥

darvīsaṃkramaṇaṃ prāpya tīrthaṃ trailokyapūjitam| aśvamedhamavāpnoti svargalokaṃ ca gacchati||

Then going to the Tirtha called Darvisankramana which is adored by all the three worlds, one obtains the fruits of Ashvamedha and goes to the celestials region.

— tr. M.N. Dutt (1891–96) (public domain)

MBh 2 84.37

सिन्धोश्च प्रभवं गत्वा सिद्धगन्धर्वसेवितम्। तत्रोष्य रजनीः पञ्च विन्देद् बहुसुवर्णकम्॥

sindhośca prabhavaṃ gatvā siddhagandharvasevitam| tatroṣya rajanīḥ pañca vinded bahusuvarṇakam||

Going to Sindhu which is frequented by the Siddhas and the Gandharvas and living there for five nights, one obtains the fruits of giving away much gold.

— tr. M.N. Dutt (1891–96) (public domain)

MBh 2 84.38

अथ वेदी समासाद्य नरः परमदुर्गमाम्। अश्वमेधमवाप्नोति स्वर्गलोकं च गच्छति॥

atha vedī samāsādya naraḥ paramadurgamām| aśvamedhamavāpnoti svargalokaṃ ca gacchati||

Then going to the very inaccessible Vedi, one obtains the fruits of Ashvamedha and goes to the celestials region.

— tr. M.N. Dutt (1891–96) (public domain)

MBh 2 84.39

ऋषिकुल्यां समासाद्य वासिष्ठं चैव भारत। वासिष्ठी समतिक्रम्य सर्वे वर्णा द्विजातयः॥

ṛṣikulyāṃ samāsādya vāsiṣṭhaṃ caiva bhārata| vāsiṣṭhī samatikramya sarve varṇā dvijātayaḥ||

O descendant of Bharata, going to Rishikulya and Vasishtha and by visiting Vasishtha, all the other orders attain to Brahmanhood.

— tr. M.N. Dutt (1891–96) (public domain)

MBh 2 84.40

ऋषिकुल्या समासाद्य नरः स्नात्वा विकल्मषः। देवान् पितॄश्चार्चयित्वा ऋषिलोकं प्रपद्यते॥

ṛṣikulyā samāsādya naraḥ snātvā vikalmaṣaḥ| devān pitṝścārcayitvā ṛṣilokaṃ prapadyate||

Going to Rishikulya, the man who bathes there becomes freed from all his sins and by worshipping there the Pitris and the celestials, he goes to the region of the Rishis.

— tr. M.N. Dutt (1891–96) (public domain)

MBh 2 84.41

यदि तत्र वसेन्मासं शाकाहारो नराधिप। भृगुतुङ्गं समासाद्य वाजिमेधफलं लभेत्॥

yadi tatra vasenmāsaṃ śākāhāro narādhipa| bhṛgutuṅgaṃ samāsādya vājimedhaphalaṃ labhet||

O ruler of men, if one lives there for a month subsisting on herbs (he too goes to the Rishi's land). Going then to Bhrigutunga, one obtains the fruits of Ashvamedha (sacrifice).

— tr. M.N. Dutt (1891–96) (public domain)

MBh 2 84.42

गत्वा वीरप्रमोक्षं च सर्वपापैः प्रमुच्यते। कृत्तिकामघयोश्चैव तीर्थमासाद्य भारत॥ अग्निष्टोमातिरात्राभ्यां फलमाप्नोति मानवः। तत्र संध्यां समासाद्य विद्यातीर्थमनुत्तमम्॥ उपस्पृश्य च वै विद्यां यत्र तत्रोपपद्यते। महाश्रमे वसेद् रात्रिं सर्वपापप्रमोचने॥ एककालं निराहारो लोकानावसते शुभान्।

gatvā vīrapramokṣaṃ ca sarvapāpaiḥ pramucyate| kṛttikāmaghayoścaiva tīrthamāsādya bhārata|| agniṣṭomātirātrābhyāṃ phalamāpnoti mānavaḥ| tatra saṃdhyāṃ samāsādya vidyātīrthamanuttamam|| upaspṛśya ca vai vidyāṃ yatra tatropapadyate| mahāśrame vased rātriṃ sarvapāpapramocane|| ekakālaṃ nirāhāro lokānāvasate śubhān|

Going to Virapramoksha one is cleansed of all his sins. O descendant of Bharata, going then to the Tirtha, called Kirtika and Magha, a man obtains the fruits of Agnishtoma and Atiratha (sacrifices). Then going to the excellent Tirtha called Vidya in the evening. He who bathes there obtain every kind of knowledge. Then one should live one night at Mahasrama, which is capable of destroying all sins. By taking a single meal there a man obtains many blessed regions.

— tr. M.N. Dutt (1891–96) (public domain)

MBh 2 84.43

षष्ठकालोपवासेन मासमुष्य महालये॥ सर्वपापविशुद्धात्मा विन्देद् बहुसुवर्णकम्। दशापरान् दश पूर्वान् नरानुद्धरते कुलम्॥

ṣaṣṭhakālopavāsena māsamuṣya mahālaye|| sarvapāpaviśuddhātmā vinded bahusuvarṇakam| daśāparān daśa pūrvān narānuddharate kulam||

Fasting there for six days and living there for a month at Mahalaya, his soul being purified and all his sins destroyed, one obtains the fruits of giving away much gold and saves ten preceding and ten succeeding generations of his race.

— tr. M.N. Dutt (1891–96) (public domain)

MBh 2 84.44

अथ वेतसिकां गत्वा पितामहनिषेविताम्। अश्वमेधमवाप्नोति गच्छेदौशनसीं गतिम्॥

atha vetasikāṃ gatvā pitāmahaniṣevitām| aśvamedhamavāpnoti gacchedauśanasīṃ gatim||

Then going to Vetasika frequented by the Grandsire obtains the fruits of Ashvamedha and acquires the state of Ganas.

— tr. M.N. Dutt (1891–96) (public domain)

MBh 2 84.45

अथ सुन्दरिकातीर्थं प्राप्य सिद्धनिषेवितम्। रूपस्य भागी भवति दृष्टमेतत् पुरातनैः॥

atha sundarikātīrthaṃ prāpya siddhaniṣevitam| rūpasya bhāgī bhavati dṛṣṭametat purātanaiḥ||

Then going to the Tirtha called Sundarika, frequented by the Siddhas, it is seen in the Puranas, one obtains personal beauty. one

— tr. M.N. Dutt (1891–96) (public domain)

MBh 2 84.46

ततो वै ब्राह्मणीं गत्वा ब्रह्मचारी जितेन्द्रियः। पावर्णेन यानेन ब्रह्मलोकं प्रपद्यते॥

tato vai brāhmaṇīṃ gatvā brahmacārī jitendriyaḥ| pāvarṇena yānena brahmalokaṃ prapadyate||

Then going to Brahmani with one's passions controlled and with Brahmacharya life, one goes to the region of Brahma on a lotus coloured car.

— tr. M.N. Dutt (1891–96) (public domain)

MBh 2 84.47

ततस्तु नैमिषं गच्छेत् पुण्यं सिद्धनिषेवितम्। तत्र नित्यं निवसति ब्रह्मा देवगणैः सह॥

tatastu naimiṣaṃ gacchet puṇyaṃ siddhaniṣevitam| tatra nityaṃ nivasati brahmā devagaṇaiḥ saha||

Then one should go to the sacred Naimisha, frequented by the Siddhas, where Brahma with the celestials always dwells.

— tr. M.N. Dutt (1891–96) (public domain)

MBh 2 84.48

नैमिषं मृगयानस्य पापस्यार्धं प्रणश्यति। प्रविष्टमात्रस्तु नरः सर्वपापैः प्रमुच्यते॥

naimiṣaṃ mṛgayānasya pāpasyārdhaṃ praṇaśyati| praviṣṭamātrastu naraḥ sarvapāpaiḥ pramucyate||

Only by wishing to go to Naimisha, half of one's sins is destroyed. As soon as a man enters it, he is cleansed of all his sins.

— tr. M.N. Dutt (1891–96) (public domain)

MBh 2 84.49

तत्र मासं वसेद्धीरो नैमिषे तीर्थतत्परः। पृथिव्यां यानि तीर्थानि तानि तीर्थानि नैमिषे॥

tatra māsaṃ vaseddhīro naimiṣe tīrthatatparaḥ| pṛthivyāṃ yāni tīrthāni tāni tīrthāni naimiṣe||

O descendant of Bharata, the heroic pilgrim should live in Naimisha for one month; for all the Tirthas are in Naimisha.

— tr. M.N. Dutt (1891–96) (public domain)

MBh 2 84.50

कृताभिषेकस्तत्रैव नियतो नियताशनः। गवां मेधस्य यज्ञस्य फलं प्राप्नोति भारत॥

kṛtābhiṣekastatraiva niyato niyatāśanaḥ| gavāṃ medhasya yajñasya phalaṃ prāpnoti bhārata||

O descendant of Bharata, bathing there with regulated diet and subdued soul, one obtains the fruits of many sacrifices.

— tr. M.N. Dutt (1891–96) (public domain)

MBh 2 84.51

पुनात्यासप्तमं चैव कुलं भरतसत्तम। यस्त्यजेन्नैमिषे प्राणानुपवासपरायणः॥ स मोदेत् सर्वलोकेषु एवमाहुर्मनीषिणः। नित्यं मेध्यं च पुण्यं च नैमिषं नृपसत्तम॥

punātyāsaptamaṃ caiva kulaṃ bharatasattama| yastyajennaimiṣe prāṇānupavāsaparāyaṇaḥ|| sa modet sarvalokeṣu evamāhurmanīṣiṇaḥ| nityaṃ medhyaṃ ca puṇyaṃ ca naimiṣaṃ nṛpasattama||

O best of the Bharata race, he sanctifies his race for seven generations upwards and downwards. He who gives up his life in Naimisha by fasting. The wise men say, sports in the celestials region. O foremost of kings, Naimisha is ever sacred and holy.

— tr. M.N. Dutt (1891–96) (public domain)

MBh 2 84.52

गङ्गोद्भेदं समासाद्य त्रिरात्रोपोषितो नरः। वाजपेयमवाप्नोति ब्रह्मभूतो भवेत् सदा॥

gaṅgodbhedaṃ samāsādya trirātropoṣito naraḥ| vājapeyamavāpnoti brahmabhūto bhavet sadā||

Going to Gangodbheda and fasting there for three nights, a man obtains fruits of Vajapeya and becomes like Brahma himself.

— tr. M.N. Dutt (1891–96) (public domain)

MBh 2 84.53

सरस्वतीं समासाद्य तर्पयेत् पितृदेवताः। सारस्वतेषु लोकेषु मोदते नात्र संशयः॥

sarasvatīṃ samāsādya tarpayet pitṛdevatāḥ| sārasvateṣu lokeṣu modate nātra saṃśayaḥ||

Going to the Sarasvati, he who offers libations to the Pitris and the celestials, no doubt sports in the regions of Sarasvati.

— tr. M.N. Dutt (1891–96) (public domain)

MBh 2 84.54

ततश्च बाहुदां गच्छेद् ब्रह्मचारी समाहितः। तत्रोष्य राजनीमेकां स्वर्गलोके महीयते॥ देवसत्रस्य यज्ञस्य फलं प्राप्नोति कौरवा

tataśca bāhudāṃ gacched brahmacārī samāhitaḥ| tatroṣya rājanīmekāṃ svargaloke mahīyate|| devasatrasya yajñasya phalaṃ prāpnoti kauravā

Then one should with Brahmacharya life go to Bahuda. Living there for one night, one becomes adored in celestials region. O descendant of Kuru, he obtains the fruits of the Devasatra sacrifice.

— tr. M.N. Dutt (1891–96) (public domain)

MBh 2 84.55

ततः क्षीरवतीं गच्छेत् पुण्यां पुण्यतरैर्वृताम्॥ पितृदेवार्चनपरो वाजपेयमवाप्नुयात्।

tataḥ kṣīravatīṃ gacchet puṇyāṃ puṇyatarairvṛtām|| pitṛdevārcanaparo vājapeyamavāpnuyāt|

Then one should go to the holy Kshiravati surrounded by holier beings. Worshipping there the Pitris and the celestials one obtains the fruits of Vajapeya (sacrifice).

— tr. M.N. Dutt (1891–96) (public domain)

MBh 2 84.56

विमलाशोकमासाद्य ब्रह्मचारी समाहितः॥ तत्रोष्य रजनीमेकां स्वर्गलोके महीयते।

vimalāśokamāsādya brahmacārī samāhitaḥ|| tatroṣya rajanīmekāṃ svargaloke mahīyate|

Then going to Vimalashoka lake with concentrated mind and with Brahmacharya life and living there for one night, one becomes adored in the celestials region.

— tr. M.N. Dutt (1891–96) (public domain)

MBh 2 84.57

गोप्रतारं ततो गच्छेत् सरय्वास्तीर्थमुत्तमम्॥ यत्र रामो गत: स्वर्गं सभृत्यबलवाहनः। स च वीरो महाराज तस्य तीर्थस्य तेजसा॥

gopratāraṃ tato gacchet sarayvāstīrthamuttamam|| yatra rāmo gata: svargaṃ sabhṛtyabalavāhanaḥ| sa ca vīro mahārāja tasya tīrthasya tejasā||

One should then go to Gopratara, the excellent Tirtha in the Sarayu. Where Rama went to heaven with all his servants, soldiers and beasts of burden. By giving up one's body, O king, he obtains the great effulgence of the Tirtha.

— tr. M.N. Dutt (1891–96) (public domain)

MBh 2 84.58

रामस्य च प्रसादेन व्यवसायाच्च भारत। तस्मिंस्तीर्थे नरः स्नात्वा गोप्रतारे नराधिप॥ सर्वपापविशुद्धात्मा स्वर्गलोके महीयते।

rāmasya ca prasādena vyavasāyācca bhārata| tasmiṃstīrthe naraḥ snātvā gopratāre narādhipa|| sarvapāpaviśuddhātmā svargaloke mahīyate|

O descendant of Bharata, through the grace of Rama and through one's own virtuous deeds. O ruler of men, the man who bathes in that Tirtha called Gopratara, his body being purified and his sins being destroyed, becomes adored in the celestials region.

— tr. M.N. Dutt (1891–96) (public domain)

MBh 2 84.59

रामतीर्थे नरः स्नात्वा गोमत्यां कुरुनन्दन॥ अश्वमेधमवाप्नोति पुनाति च कुलं नरः।

rāmatīrthe naraḥ snātvā gomatyāṃ kurunandana|| aśvamedhamavāpnoti punāti ca kulaṃ naraḥ|

O descendant of Kuru, bathing in the Rama Tirtha in the Gomati, a man, obtains the fruits of Ashvamedha sacrifice and sanctifies his own race.

— tr. M.N. Dutt (1891–96) (public domain)

MBh 2 84.60

शतसाहस्रकं तीर्थं तत्रैव भरतर्षभ॥ तत्रोपस्पर्शनं कृत्वा नियतो नियताशनः। गोसहस्रफलं पुण्यं प्राप्नोति भरतर्षभ॥

śatasāhasrakaṃ tīrthaṃ tatraiva bharatarṣabha|| tatropasparśanaṃ kṛtvā niyato niyatāśanaḥ| gosahasraphalaṃ puṇyaṃ prāpnoti bharatarṣabha||

O best of the Bharata race, there is a Tirtha called Satasahasraka. Bathing there with regulated diet and subdued soul. O best of the Bharata race, one obtains the fruits of giving away one thousand kine.

— tr. M.N. Dutt (1891–96) (public domain)

MBh 2 84.61

ततो गच्छेत राजेन्द्र भर्तृस्थानमुत्तमम्। अश्वमेधस्य यज्ञस्य फलं प्राप्नोति मानवः॥

tato gaccheta rājendra bhartṛsthānamuttamam| aśvamedhasya yajñasya phalaṃ prāpnoti mānavaḥ||

O king, one should then go to Bhatri Tirtha, a man obtains the fruits of Ashvamedha sacrifice.

— tr. M.N. Dutt (1891–96) (public domain)

MBh 2 84.62

कोटितीर्थे नरः स्नात्वा अर्चयित्वा गुहं नृप। गोसहस्रफलं विद्यात् तेजस्वी च भवेन्नरः॥

koṭitīrthe naraḥ snātvā arcayitvā guhaṃ nṛpa| gosahasraphalaṃ vidyāt tejasvī ca bhavennaraḥ||

O king, bathing in the Koti Tirtha and worshipping Guha, a man obtains the fruits of giving away one thousand kine and becomes effulgent.

— tr. M.N. Dutt (1891–96) (public domain)

MBh 2 84.63

ततो वाराणसीं गत्वा अर्चयित्वा वृषध्वजम्। कपिलाह्रदे नरः स्नात्वा राजसूयमवाप्नुयात्॥

tato vārāṇasīṃ gatvā arcayitvā vṛṣadhvajam| kapilāhrade naraḥ snātvā rājasūyamavāpnuyāt||

Then going to Varanasi and worshipping Vrishadhvaja (Shiva) and then bathing in the Kapalihrada a man obtains the fruits of Rajasuya sacrifice.

— tr. M.N. Dutt (1891–96) (public domain)

MBh 2 84.64

अविमुक्तं समासाद्य तीर्थसेवी कुरूद्वह। दर्शनाद् देवदेवस्य मुच्यते ब्रह्महत्यया॥ प्राणानुत्सृज्य तत्रैव मोक्षं प्राप्नोति मानवः।

avimuktaṃ samāsādya tīrthasevī kurūdvaha| darśanād devadevasya mucyate brahmahatyayā|| prāṇānutsṛjya tatraiva mokṣaṃ prāpnoti mānavaḥ|

O perpetuator of the Kuru race, going to Avimukta, the pilgrim is cleansed of even the sin of killing a Brahmana as soon as he sees the god of gods (Shiva). A man who gives up his life there obtains final salvation.

— tr. M.N. Dutt (1891–96) (public domain)

MBh 2 84.65

मार्कण्डेयस्य राजेन्द्र तीर्थमासाद्य दुर्लभम्॥ गोमतीगङ्गयोश्चैव संगमे लोकविश्रुते। अग्निष्टोममवाप्नोति कुलं चैव समुद्धरेत्॥

mārkaṇḍeyasya rājendra tīrthamāsādya durlabham|| gomatīgaṅgayoścaiva saṃgame lokaviśrute| agniṣṭomamavāpnoti kulaṃ caiva samuddharet||

O king of kings, then going to the inaccessible Tirtha of Markandeya situated at the confluence of the Gomati and the Ganges, ever celebrated over the world, one obtains the fruits of Agnishtoma (sacrifice) and saves his race.

— tr. M.N. Dutt (1891–96) (public domain)

MBh 2 84.66

ततो गयां समासाद्य ब्रह्मचारी समाहितः। अश्वमेधमवाप्नोति कुलं चैव समुद्धरेत्॥

tato gayāṃ samāsādya brahmacārī samāhitaḥ| aśvamedhamavāpnoti kulaṃ caiva samuddharet||

Then going to Gaya with concentrated mind and with Brahmacharya life, one obtains the fruits of Ashvamedha and also saves his race.

— tr. M.N. Dutt (1891–96) (public domain)

MBh 2 84.67

तत्राक्षयवटो नाम त्रिषु लोकेषु विश्रुतः। तत्र दत्तं पितृभ्यस्तु भवत्यक्षयमुच्यते॥

tatrākṣayavaṭo nāma triṣu lokeṣu viśrutaḥ| tatra dattaṃ pitṛbhyastu bhavatyakṣayamucyate||

There is the Tirtha called Aksayavata, celebrated all over the three worlds. Whatever is offered there to the Pitris is said to become inexhaustible.

— tr. M.N. Dutt (1891–96) (public domain)

MBh 2 84.68

महानद्यामुपस्पृश्य तर्पयेत् पितृदेवताः। अक्षयान् प्राप्नुयाल्लोकान् कुलं चैव समुद्धरेत्॥

mahānadyāmupaspṛśya tarpayet pitṛdevatāḥ| akṣayān prāpnuyāllokān kulaṃ caiva samuddharet||

Bathing in the Mahanadi and offering their oblations to the Pitris and the celestials, one obtains eternal region and also saves his race.

— tr. M.N. Dutt (1891–96) (public domain)

MBh 2 84.69

ततो ब्रह्मसरो गत्वाधर्मारण्योपशोभितम्। ब्रह्मलोकमवाप्नोति प्रभातामेव शर्वरीम्॥

tato brahmasaro gatvādharmāraṇyopaśobhitam| brahmalokamavāpnoti prabhātāmeva śarvarīm||

Then going to Brahmasara adorned with the woods of Dharma, one goes to the region of Brahma as soon as the night is gone.

— tr. M.N. Dutt (1891–96) (public domain)

MBh 2 84.70

ब्रह्मणा तत्र सरसि यूपश्रेष्ठः समुच्छ्रितः। यूपं प्रदक्षिणं कृत्वा वाजपेयफलं लभेत्॥

brahmaṇā tatra sarasi yūpaśreṣṭhaḥ samucchritaḥ| yūpaṃ pradakṣiṇaṃ kṛtvā vājapeyaphalaṃ labhet||

A best sacrificial pillar was built on that lake by Brahma. He who walks round that pillar obtains the fruits of Vajapeya (sacrifice).

— tr. M.N. Dutt (1891–96) (public domain)

MBh 2 84.71

ततो गच्छेत राजेन्द्रधेनुकं लोकविश्रुतम्। एकरात्रोषितो राजन् प्रयच्छेत् तिलधेनुकाम्॥ सर्वपापविशुद्धात्मा सोमलोकं व्रजेध्रुवम्।

tato gaccheta rājendradhenukaṃ lokaviśrutam| ekarātroṣito rājan prayacchet tiladhenukām|| sarvapāpaviśuddhātmā somalokaṃ vrajedhruvam|

O king of kings, one should go to Dhenuka celebrated over the world. O king, living there one night and giving away sesamum and kine. His soul being purified and his sins being all destroyed, a man certainly goes to the region of Soma.

— tr. M.N. Dutt (1891–96) (public domain)

MBh 2 84.72

तत्र चिह्न महद् राजन्नद्यापि सुमहद् भृशम्॥ कपिलायाः सवत्सायाश्चरन्त्याः पर्वते कृतम्। सवत्सायाः पदानि स्म दृश्यन्तेऽद्यापि भारत॥

tatra cihna mahad rājannadyāpi sumahad bhṛśam|| kapilāyāḥ savatsāyāścarantyāḥ parvate kṛtam| savatsāyāḥ padāni sma dṛśyante'dyāpi bhārata||

O king, there is still to be seen a greatly wonderful mark. The Kapilas with their calves used to roam over that mountain. O descendant of Bharata, the hoof-marks of Kapilas with their calves are to be seen there even up to date.

— tr. M.N. Dutt (1891–96) (public domain)

MBh 2 84.73

तेषूपस्पृश्य राजेन्द्र पदेषु नृपसत्तम। यत् किंचिदशुभं कर्म तत् प्रणश्यति भारत॥

teṣūpaspṛśya rājendra padeṣu nṛpasattama| yat kiṃcidaśubhaṃ karma tat praṇaśyati bhārata||

O king of kings, O foremost of monarchs, bathing in these hoof-marks, O descendants of Bharata, whatever sin is committed is all destroyed.

— tr. M.N. Dutt (1891–96) (public domain)

MBh 2 84.74

ततो गृध्रवटं गच्छेत् स्थानं देवस्यधीमतः। स्नायीत भस्मना तत्र अभिगम्य वृषध्वजम्॥

tato gṛdhravaṭaṃ gacchet sthānaṃ devasyadhīmataḥ| snāyīta bhasmanā tatra abhigamya vṛṣadhvajam||

Then one should go to Gridhravata which is the region of the god, the wielder of trident. Going to Vrishadhvaja (Shiva), one should rub his body with ashes.

— tr. M.N. Dutt (1891–96) (public domain)

MBh 2 84.75

ब्राह्मणेन भवेच्चीर्णं व्रतं द्वादशवार्षिकम्। इतरेषां तु वर्णानां सर्वपापं प्रणश्यति॥

brāhmaṇena bhaveccīrṇaṃ vrataṃ dvādaśavārṣikam| itareṣāṃ tu varṇānāṃ sarvapāpaṃ praṇaśyati||

If he is a Brahmana, he will obtain the fruit of observing twelve years vows and if he is of other castes, all his sins will be destroyed.

— tr. M.N. Dutt (1891–96) (public domain)

MBh 2 84.76

उद्यन्तं च ततो गच्छेत् पर्वतं गीतनादितम्। सावित्र्यास्तु पदं तत्र दृश्यते भरतर्षभ॥

udyantaṃ ca tato gacchet parvataṃ gītanāditam| sāvitryāstu padaṃ tatra dṛśyate bharatarṣabha||

O best of the Bharata race, one should then go to Udyanta mountain resounding with melodious notes. The foot-prints of Savitri are still to be seen there.

— tr. M.N. Dutt (1891–96) (public domain)

MBh 2 84.77

तत्र संध्यामुपासीत ब्राह्मणः संशितव्रतः। तेन ह्युपास्ता भवति संध्या द्वादशवार्षिकी॥

tatra saṃdhyāmupāsīta brāhmaṇaḥ saṃśitavrataḥ| tena hyupāstā bhavati saṃdhyā dvādaśavārṣikī||

The Brahmana of rigid vows who recites his Sandhya (prayers) there but once obtains the merit of reciting Sandhya for twelve years.

— tr. M.N. Dutt (1891–96) (public domain)

MBh 2 84.78

योनिद्वारं च तत्रैव विश्रुतं भरतर्षभ। तत्राभिगम्य मुच्येत पुरुषो योनिसंकटात्॥

yonidvāraṃ ca tatraiva viśrutaṃ bharatarṣabha| tatrābhigamya mucyeta puruṣo yonisaṃkaṭāt||

O best of the Bharata race, there is the Tirtha known by the name of Yonidvara. Going there a man is freed from the pain of rebirth.

— tr. M.N. Dutt (1891–96) (public domain)

MBh 2 84.79

कृष्णशुल्कावुभौ पक्षौ गयायां यो वसेन्नरः। पुनात्यासप्तमं राजन् कुलं नास्त्यत्र संशयः॥

kṛṣṇaśulkāvubhau pakṣau gayāyāṃ yo vasennaraḥ| punātyāsaptamaṃ rājan kulaṃ nāstyatra saṃśayaḥ||

O king, the man who lives at Gaya during both the white and the black fortnight, no doubt sanctifies the seven generations of his race upwards and downwards.

— tr. M.N. Dutt (1891–96) (public domain)

MBh 2 84.80

एष्टव्या बहवः पुत्रा यद्येकोऽपि गयां व्रजेत्। यजेत वाश्वमेधेन नीलं वा वृषमुत्सृजेत्॥

eṣṭavyā bahavaḥ putrā yadyeko'pi gayāṃ vrajet| yajeta vāśvamedhena nīlaṃ vā vṛṣamutsṛjet||

One should desire for many sons, so that one may go to Gaya or perform Ashvamedha or offer a Nila bull.

— tr. M.N. Dutt (1891–96) (public domain)

MBh 2 84.81

ततः फल्गुं व्रजेद् राजस्तीर्थसेवी नराधिय। अश्वमेधमवाप्नोति सिद्धिं च महतीं व्रजेत्॥

tataḥ phalguṃ vrajed rājastīrthasevī narādhiya| aśvamedhamavāpnoti siddhiṃ ca mahatīṃ vrajet||

O king, O ruler of men, the pilgrim should then go to Falgu; he obtains the fruits of Ashvamedha (sacrifice) and attains to great success.

— tr. M.N. Dutt (1891–96) (public domain)

MBh 2 84.82

ततो गच्छेत राजेन्द्रधर्मप्रस्थं समाहितः। तत्रधर्मो महाराज नित्यमास्ते युधिष्ठिर॥

tato gaccheta rājendradharmaprasthaṃ samāhitaḥ| tatradharmo mahārāja nityamāste yudhiṣṭhira||

O king of kings, one should then go with concentrated mind to Dharmaprastha. O great king ever steady in war, Dharma is always present there.

— tr. M.N. Dutt (1891–96) (public domain)

MBh 2 84.83

तत्र कूपोदकं कृत्वा तेन स्नातः शुचिस्तथा। पितॄन् देवांस्तु संतर्प्य मुक्तपापो दिवं व्रजेत्॥

tatra kūpodakaṃ kṛtvā tena snātaḥ śucistathā| pitṝn devāṃstu saṃtarpya muktapāpo divaṃ vrajet||

Drinking there the water of the well and purifying one's self there by a bath and also offering oblations to the Pitris and the celestials, one, being cleansed of his sins, goes to heaven.

— tr. M.N. Dutt (1891–96) (public domain)

MBh 2 84.84

मतङ्गस्याश्रमस्तत्र महर्षे वितात्मनः। तं प्रविश्याश्रमं श्रीमच्छ्रमशोकविनाशनम्॥ गवामयनयज्ञस्य फलं प्राप्नोति मानवः। धर्म तत्राभिसंस्पृश्य वाजिमेधमवाप्नुयात्॥

mataṅgasyāśramastatra maharṣe vitātmanaḥ| taṃ praviśyāśramaṃ śrīmacchramaśokavināśanam|| gavāmayanayajñasya phalaṃ prāpnoti mānavaḥ| dharma tatrābhisaṃspṛśya vājimedhamavāpnuyāt||

There is the hermitage of Matanga the Rishi of controlled passions. By entering that charming hermitage which is capable of destroying all grief's and sorrows. A man obtains the the fruits of the Gavamayana (sacrifice). By touching (the image of) Dharma there, one obtains the fruits of Ashvamedha sacrifice.

— tr. M.N. Dutt (1891–96) (public domain)

MBh 2 84.85

ततो गच्छेत राजेन्द्र ब्रह्मस्थानमनुत्तमम्। तत्राभिगम्य राजेन्द्र ब्रह्माणं पुरुषर्षभ॥ राजसूयाश्वमेधाभ्यां फलं विन्दति मानवः।

tato gaccheta rājendra brahmasthānamanuttamam| tatrābhigamya rājendra brahmāṇaṃ puruṣarṣabha|| rājasūyāśvamedhābhyāṃ phalaṃ vindati mānavaḥ|

O king of kings, one should then go to the excellent region of Brahma. O king, going there by that foremost of Purushas, Brahma. A man obtains the fruits of Rajasuya and Ashvamedha sacrifices.

— tr. M.N. Dutt (1891–96) (public domain)

MBh 2 84.86

ततो राजगृहं गच्छेत् तीर्थसेवी नराधिप॥ उपस्पृश्य ततस्तत्र कक्षीवानिव मोदते। यक्षिण्या नैत्यकं तत्र प्राश्नीत पुरुषः शुचिः॥ यक्षिण्यास्तु प्रसादेन मुच्यते ब्रह्महत्यया।

tato rājagṛhaṃ gacchet tīrthasevī narādhipa|| upaspṛśya tatastatra kakṣīvāniva modate| yakṣiṇyā naityakaṃ tatra prāśnīta puruṣaḥ śuciḥ|| yakṣiṇyāstu prasādena mucyate brahmahatyayā|

O ruler of men, the pilgrim should then go to Rajagriha. Bathing there one rejoices (in heaven) like (the Rishi) Kakshivan. A man with purity should take there the offerings daily made to Yakshini. Through the favour of Yakshini one is cleansed of the sin of even killing a Brahmana.

— tr. M.N. Dutt (1891–96) (public domain)

MBh 2 84.87

मणिनागं ततो गत्वा गोसहस्रफलं लभेत्॥

maṇināgaṃ tato gatvā gosahasraphalaṃ labhet||

There going to Maninaga one obtains the fruits of giving away one thousand kine.

— tr. M.N. Dutt (1891–96) (public domain)

MBh 2 84.88

तैर्थिकं भुञ्जते यस्तु मणिनागस्य भारत्। दष्टस्याशीविषेणापि न तस्य क्रमते विषम्॥ तत्रोष्य रजनीमेकां गोसहस्रफलं लभेत्।

tairthikaṃ bhuñjate yastu maṇināgasya bhārat| daṣṭasyāśīviṣeṇāpi na tasya kramate viṣam|| tatroṣya rajanīmekāṃ gosahasraphalaṃ labhet|

O descendant of Bharata, he who eats anything belonging to that Tirtha does not die even if he is bitten by a venomous snake. Living there for one night, the fruits of giving away one thousand kine.

— tr. M.N. Dutt (1891–96) (public domain)

MBh 2 84.89

ततो गच्छेत ब्रह्मौतमस्य वनं प्रियम्॥ अहल्याया ह्रदे स्नात्वा व्रजेत परमां गतिम्। अभिगम्याश्रमं राजन् विन्दते श्रियमात्मनः॥

tato gaccheta brahmautamasya vanaṃ priyam|| ahalyāyā hrade snātvā vrajeta paramāṃ gatim| abhigamyāśramaṃ rājan vindate śriyamātmanaḥ||

Then one should go to the charming forest of the Brahmarshi Gautama. Bathing in the lake Ahalya one attains to most excellent state; attaining to Sree, O king, one obtains best prosperity.

— tr. M.N. Dutt (1891–96) (public domain)

MBh 2 84.90

तत्रोदपानधर्मज्ञ त्रिषु लोकेषु विश्रुतम्। तत्राभिषेकं कृत्वा तु वाजिमेधमवाप्नुयात्॥

tatrodapānadharmajña triṣu lokeṣu viśrutam| tatrābhiṣekaṃ kṛtvā tu vājimedhamavāpnuyāt||

O virtuous man, there is a well celebrated all over the three worlds. Bathing there one obtains the fruits of Vajapeya (sacrifice).

— tr. M.N. Dutt (1891–96) (public domain)

MBh 2 84.91

जनकस्य तु राजर्षेः कूपस्त्रिदशपूजितः। तत्राभिषेकं कृत्वा तु विष्णुलोकमवाप्नुयात्॥

janakasya tu rājarṣeḥ kūpastridaśapūjitaḥ| tatrābhiṣekaṃ kṛtvā tu viṣṇulokamavāpnuyāt||

There is (another) well sacred to the royal sage Janaka worshipped by the celestials. Bathing there one goes to the region of Vishnu.

— tr. M.N. Dutt (1891–96) (public domain)

MBh 2 84.92

ततो विनशनं गच्छेत् सर्वपापप्रमोचनम्। वाजपेयमवाप्नोति सोमलोकं च गच्छति॥

tato vinaśanaṃ gacchet sarvapāpapramocanam| vājapeyamavāpnoti somalokaṃ ca gacchati||

Then one should go to Vinashana which destroys all sins. He obtains the fruits of Vajapeya (sacrifice) and goes to the region of Soma.

— tr. M.N. Dutt (1891–96) (public domain)

MBh 2 84.93

गण्डकी तु समासाद्य सर्वतीर्थजलोद्भवाम्। वाजपेयमवाप्नोति सूर्यलोकं च गच्छति॥

gaṇḍakī tu samāsādya sarvatīrthajalodbhavām| vājapeyamavāpnoti sūryalokaṃ ca gacchati||

Going then to Gandaki which was produced by the water of all Tirthas, one obtains the fruits of Vajapeya (sacrifice) and goes to the region of Surya.

— tr. M.N. Dutt (1891–96) (public domain)

MBh 2 84.94

ततो विशल्यामासाद्य नदीं त्रैलोक्यविश्रुताम्। अग्निष्टोममवाप्नोति स्वर्गलोकं च गच्छति॥

tato viśalyāmāsādya nadīṃ trailokyaviśrutām| agniṣṭomamavāpnoti svargalokaṃ ca gacchati||

Then going to the river Vishalya, celebrated over the three worlds, one obtains the fruits of Agnishtoma sacrifice and goes to the celestials region.

— tr. M.N. Dutt (1891–96) (public domain)

MBh 2 84.95

ततोऽधिवॉधर्मज्ञ समाविश्य तपोवनम्। गुह्यकेशु महाराज मोदते नात्र संशयः॥

tato'dhivaॉdharmajña samāviśya tapovanam| guhyakeśu mahārāja modate nātra saṃśayaḥ||

O virtuous man, than going to the forest of the ascetics called Adhivanga. O great king, one rejoices without doubt among the Guhyakas.

— tr. M.N. Dutt (1891–96) (public domain)

MBh 2 84.96

कम्पनां तु समासाद्य नदी सिद्धनिषेविताम्। पुण्डरीकमवाप्नोति स्वर्गलोकं च गच्छति॥

kampanāṃ tu samāsādya nadī siddhaniṣevitām| puṇḍarīkamavāpnoti svargalokaṃ ca gacchati||

Then going to the river named Kampana frequented by the Siddhas one obtains the fruits of Pundarika sacrifice and goes to the celestials region.

— tr. M.N. Dutt (1891–96) (public domain)

MBh 2 84.97

अथ माहेश्वरीधारां समासाद्यधराधिप। अश्वमेधमवाप्नोति कुलं चैव समुद्धरेत्॥

atha māheśvarīdhārāṃ samāsādyadharādhipa| aśvamedhamavāpnoti kulaṃ caiva samuddharet||

O ruler of earth, then going to the stream, called Maheshvari, one obtains the fruits of Ashvarmedha (sacrifice) and saves his own race.

— tr. M.N. Dutt (1891–96) (public domain)

MBh 2 84.98

दिवौकसां पुष्करिणीं समासाद्य नराधिप। न दुर्गतिमवाप्नोति वाजिमेधं च विन्दति॥

divaukasāṃ puṣkariṇīṃ samāsādya narādhipa| na durgatimavāpnoti vājimedhaṃ ca vindati||

O ruler of men, going to the tank, of the celestials, one never meets with any calamity; he obtains the fruits of Ashvamedha sacrifice.

— tr. M.N. Dutt (1891–96) (public domain)

MBh 2 84.99

अथ सोमपदं गच्छेद् ब्रह्मचारी समाहितः। माहेश्वरपदे स्नात्वा वाजिमेधफलं लभेत्॥

atha somapadaṃ gacched brahmacārī samāhitaḥ| māheśvarapade snātvā vājimedhaphalaṃ labhet||

Then one should go with concentrated mind and with Brahmacharya life to Somapada. Bathing in Maheshvara pada, one obtains the fruits of Ashvamedha sacrifice.

— tr. M.N. Dutt (1891–96) (public domain)

MBh 2 84.100

तत्र कोटिस्तु तीर्थानां विश्रुता भरतर्षभ। कूर्मरूपेण राजेन्द्र ह्यसुरेण दुरात्मना॥ ह्रियमाणा हृता राजन् विष्णुना प्रभविष्णुना। तत्राभिषेकं कुर्वीत तीर्थकोट्यां युधिष्ठिर॥ पुण्डरीकमवाप्नोति विष्णुलोकं च गच्छति।

tatra koṭistu tīrthānāṃ viśrutā bharatarṣabha| kūrmarūpeṇa rājendra hyasureṇa durātmanā|| hriyamāṇā hṛtā rājan viṣṇunā prabhaviṣṇunā| tatrābhiṣekaṃ kurvīta tīrthakoṭyāṃ yudhiṣṭhira|| puṇḍarīkamavāpnoti viṣṇulokaṃ ca gacchati|

O best of the Bharata race, it is well-known there is in that Tirtha, ten millions of Tirthas. O king of kings, a wicked-minded Asura in the form of a tortoise, was stealing it away, when, O king, it was recovered from hiin by Vishnu. O hero steady in war, bathing in that Tirtha. One obtains the fruits of Pundarika (sacrifice) and goes to the region of Vishnu.

— tr. M.N. Dutt (1891–96) (public domain)

MBh 2 84.101

ततो गच्छेत राजेन्द्र स्थानं नारायणस्य च॥ सदा संनिहितो यत्र विष्णुर्वसति पारत। यत्र ब्रह्मादयो देवा ऋषयश्च तपोधनाः॥ आदित्य वसवो रुद्रा जनार्दनमुपासते। शालग्रम इति ख्यातो विष्णुरद्भुतकर्मकः॥

tato gaccheta rājendra sthānaṃ nārāyaṇasya ca|| sadā saṃnihito yatra viṣṇurvasati pārata| yatra brahmādayo devā ṛṣayaśca tapodhanāḥ|| āditya vasavo rudrā janārdanamupāsate| śālagrama iti khyāto viṣṇuradbhutakarmakaḥ||

O king of kings, one should then go to the region of Narayana, O descendant of Bharata, near which Vishnu always dwells. There Brahma and other celestials, the ascetic Rishis, the Adityas, the Vasus and the Rudras adore Janardana (Krishna). (In that Tirtha) Vishnu of wonderful deeds has become known Shaligrama.

— tr. M.N. Dutt (1891–96) (public domain)

MBh 2 84.102

अभिगम्य त्रिलोकेशं वरदं विष्णुमव्ययम्। अश्वमेधमवाप्नोति विष्णुलोकं च गच्छति॥

abhigamya trilokeśaṃ varadaṃ viṣṇumavyayam| aśvamedhamavāpnoti viṣṇulokaṃ ca gacchati||

Going to the lord of the three worlds, the giver of boons, the eternal Vishnu, one obtains as the fruits of Ashvamedha and goes to the region of Vishnu,

— tr. M.N. Dutt (1891–96) (public domain)

MBh 2 84.103

तत्रोदपानधर्मज्ञ सर्वपापप्रमोचनम्। समुद्रास्तत्र चत्वारः कूपे संनिहिताः सदा॥

tatrodapānadharmajña sarvapāpapramocanam| samudrāstatra catvāraḥ kūpe saṃnihitāḥ sadā||

O virtuous man, there is a well which is capable of destroying all sins; in that well four seas always dwell.

— tr. M.N. Dutt (1891–96) (public domain)

MBh 2 84.104

तत्रोपस्पृश्य राजेन्द्र न दुर्गतिमवाप्नुयात्। अभिगम्य महादेवं वरदं रुद्रमव्ययम्॥ विराजति यथा सोमो मेधैर्मुक्तो नराधिप। जातिस्मरमुपस्पृश्य शुचिः प्रयतमानसः॥

tatropaspṛśya rājendra na durgatimavāpnuyāt| abhigamya mahādevaṃ varadaṃ rudramavyayam|| virājati yathā somo medhairmukto narādhipa| jātismaramupaspṛśya śuciḥ prayatamānasaḥ||

O king of kings, bathing in it, one does not meet with any calamity; going to the giver of boons, the great god, the eternal Rudra, where, O king, he always dwells, one shines like the moon emerged from the clouds. Bathing in Jatismara with subdued mind and with purity.

— tr. M.N. Dutt (1891–96) (public domain)

MBh 2 84.105

जातिस्मरत्वमाप्नोति स्नात्वा तत्र न संशयः। माहेश्वरपुरं गत्वा अर्चयित्वा वृषध्वजम्॥ ईप्सिताल्लभते कामानुपवासान्न संशयः। ततस्तु वामनं गत्वा सर्वपापप्रमोचनम्॥ अभिगम्य हरिं देवं न दुर्गतिमवाप्नुयात। कुशिकास्वाश्रमं गच्छेत् सर्वपापप्रमोचनम्॥

jātismaratvamāpnoti snātvā tatra na saṃśayaḥ| māheśvarapuraṃ gatvā arcayitvā vṛṣadhvajam|| īpsitāllabhate kāmānupavāsānna saṃśayaḥ| tatastu vāmanaṃ gatvā sarvapāpapramocanam|| abhigamya hariṃ devaṃ na durgatimavāpnuyāta| kuśikāsvāśramaṃ gacchet sarvapāpapramocanam||

One obtains without doubt the recollections of his former life by his bath there. Going to Maheshvarpura and worshipping Vrishadhvaja (Shiva). One obtains without doubt the fulfillment of his desire by fasting (in that Tirtha). Then going to Vamana which destroys all sins and going to the deity Hari one never meets with any calamity. Then one should go to the hermitage called Kushika, which is capable of destroying all sins.

— tr. M.N. Dutt (1891–96) (public domain)

MBh 2 84.106

कौशिकी तत्र गच्छेत महापापप्रणाशिनीम्। राजसूयस्य यज्ञस्य फलं प्राप्नोति मानवः॥

kauśikī tatra gaccheta mahāpāpapraṇāśinīm| rājasūyasya yajñasya phalaṃ prāpnoti mānavaḥ||

Then going there to Kaushiki which destroys the greatest of sins, a man obtains the fruits of Rajasuya sacrifice.

— tr. M.N. Dutt (1891–96) (public domain)

MBh 2 84.107

ततो गच्छेत राजेन्द्र चम्पकारण्यमुत्तमम्। तत्रोष्य रजनीमेकां गोसहस्रफलं लभेत्॥

tato gaccheta rājendra campakāraṇyamuttamam| tatroṣya rajanīmekāṃ gosahasraphalaṃ labhet||

O king of kings, one should then go to the excellent forest called Champaka. Living there for one night one obtains the fruits of giving away one thousand kine.

— tr. M.N. Dutt (1891–96) (public domain)

MBh 2 84.108

अथ ज्येष्ठिमासाद्य तीर्थं परमदुर्लभम्। तत्रोष्य रजनीमेकां गोसहस्रफलं लभेत्॥

atha jyeṣṭhimāsādya tīrthaṃ paramadurlabham| tatroṣya rajanīmekāṃ gosahasraphalaṃ labhet||

Then going to the inaccessible Tirtha, called Jyeshthila and living there for one night one obtains the fruits of giving away one thousand kine.

— tr. M.N. Dutt (1891–96) (public domain)

MBh 2 84.109

तत्र विश्वेश्वरं दृष्ट्वा देव्या सह महाद्युतिम्। मित्रावरुणयोर्लोकानाप्नोति पुरुषर्षभ॥ त्रिरात्रोपोषितस्तत्र अग्निष्टोमफलं लभेत्।

tatra viśveśvaraṃ dṛṣṭvā devyā saha mahādyutim| mitrāvaruṇayorlokānāpnoti puruṣarṣabha|| trirātropoṣitastatra agniṣṭomaphalaṃ labhet|

O foremost of men, seeing there the lord of the universe with his goddess of great effulgence, one goes to to the region of Mitravaruna. Fasting there for three nights one obtains the fruits of Agnishtoma sacrifice.

— tr. M.N. Dutt (1891–96) (public domain)

MBh 2 84.110

कन्यासंवेद्यमासाद्य नियतो नियताशनः॥ मनोः प्रजापतेर्लोकानाप्नोति पुरुषर्षभ। कन्यायां ये प्रयच्छन्ति दानमण्वपि भारत॥ तदक्षय्यमिति प्राहुर्ऋषयः संशितव्रताः।

kanyāsaṃvedyamāsādya niyato niyatāśanaḥ|| manoḥ prajāpaterlokānāpnoti puruṣarṣabha| kanyāyāṃ ye prayacchanti dānamaṇvapi bhārata|| tadakṣayyamiti prāhurṛṣayaḥ saṃśitavratāḥ|

Going to Kanyasamveda with regulated diet and subdued soul. O foremost of men, one goes to the region of Manu, the lord of creation. O descendant of Bharata, whatever is given away (in charity) at (the Tirtha, named) Kanya, the Rishis of rigid vows say, becomes everlasting.

— tr. M.N. Dutt (1891–96) (public domain)

MBh 2 84.111

निश्चीरां च समासाद्य त्रिषु लोकेषु विश्रुताम्॥ अश्वमेधमवाप्नोति विष्णुलोकं च गच्छति। ये त दानं प्रयच्छन्ति निश्चीरासंगमे नराः॥ ते यान्ति नरशार्दूल शक्रलोकमनामयम्। तत्राश्रमो वसिष्ठस्य त्रिषु लोकेषु विश्रुतः॥

niścīrāṃ ca samāsādya triṣu lokeṣu viśrutām|| aśvamedhamavāpnoti viṣṇulokaṃ ca gacchati| ye ta dānaṃ prayacchanti niścīrāsaṃgame narāḥ|| te yānti naraśārdūla śakralokamanāmayam| tatrāśramo vasiṣṭhasya triṣu lokeṣu viśrutaḥ||

Going to Nischira which is celebrated all over the three worlds, one obtains the fruits of Ashvamedha sacrifice and goes to the region of Vishnu. The man, who gives away in charity at the confluence of Nischira. O foremost of men, goes to the blessed region of Brahma. There is the hermitage of Vasishtha, celebrated all over the world.

— tr. M.N. Dutt (1891–96) (public domain)

MBh 2 84.112

तत्राभिषेकं कुर्वाणो वाजपेयमवाप्नुयात्। देवकूटं समासाद्य ब्रह्मर्षिगणसेवितम्॥ अश्वमेधमवाप्नोति कुलं चैव समुद्धरेत्।

tatrābhiṣekaṃ kurvāṇo vājapeyamavāpnuyāt| devakūṭaṃ samāsādya brahmarṣigaṇasevitam|| aśvamedhamavāpnoti kulaṃ caiva samuddharet|

Bathing there one obtains the fruits of Vajapeya sacrifice. Going to Devakuta, frequented by the celestials Rishis, one obtains the fruit of Ashvamedha (sacrifice) and saves his race.

— tr. M.N. Dutt (1891–96) (public domain)

MBh 2 84.113

ततो गच्छेत राजेन्द्र कौशिकस्य मुनेह्रदम्॥ यत्र सिद्धि परां प्राप्तो विश्वामित्रोऽथ कौशिकः। तत्र मासं वसेद् वीर कौशिक्यां भरतर्षभ॥

tato gaccheta rājendra kauśikasya munehradam|| yatra siddhi parāṃ prāpto viśvāmitro'tha kauśikaḥ| tatra māsaṃ vased vīra kauśikyāṃ bharatarṣabha||

O king of kings, one should then go to the lake of the Rishi Kaushika, where in days of yore Kaushika's son Vishvamitra obtained success (in asceticism). O best of the Bharata race, the hero who lives at Kaushika for one month.

— tr. M.N. Dutt (1891–96) (public domain)

MBh 2 84.114

अश्वमेधस्य यत् पुण्यं तन्मासेनाधिगच्छति। सर्वतीर्थवरे चैव यो वसेत महाह्रदे॥ न दुर्गतिमवाणोति विन्देद् बहु सुवर्णकम्।

aśvamedhasya yat puṇyaṃ tanmāsenādhigacchati| sarvatīrthavare caiva yo vaseta mahāhrade|| na durgatimavāṇoti vinded bahu suvarṇakam|

Obtains in one month without doubt the virtue which is the fruit of Ashvamedha (sacrifice). He who lives in that foremost of all Tirthas, called Mahahrada. Never meets with any calamity and obtains the fruits of giving away much gold.

— tr. M.N. Dutt (1891–96) (public domain)

MBh 2 84.115

कुमारमभिगम्याथ वीराश्रमनिवासिनम्॥ अश्वमेधमवाप्नोति नरो नास्त्यत्र संशयः।

kumāramabhigamyātha vīrāśramanivāsinam|| aśvamedhamavāpnoti naro nāstyatra saṃśayaḥ|

Seeing Kumara (Kartikeya) who lives in Virasrama, a man obtains without doubt the fruits of Ashvamedha sacrifice.

— tr. M.N. Dutt (1891–96) (public domain)

MBh 2 84.116

अग्निधारां समासाद्य त्रिषु लोकेषु विश्रुताम्॥ तत्राभिषेकं कुर्वाणो ह्यग्निष्टोममवाप्नुयात्।

agnidhārāṃ samāsādya triṣu lokeṣu viśrutām|| tatrābhiṣekaṃ kurvāṇo hyagniṣṭomamavāpnuyāt|

Going then to Agnidhara, celebrated all over the three worlds and bathing there, one obtains the fruits of Agnishtoma sacrifice.

— tr. M.N. Dutt (1891–96) (public domain)

MBh 2 84.117

अधिगम्य महादेवं वरदं विष्णुमव्ययम्॥

adhigamya mahādevaṃ varadaṃ viṣṇumavyayam||

Going to the great god, the giver of boons, the eternal Vishnu,

— tr. M.N. Dutt (1891–96) (public domain)

MBh 2 84.118

पितामहसरो गत्वा शैलराजसमीपतः। तत्राभिषेकं कुर्वाणो ह्यग्निष्टोममवाप्नुयात्॥

pitāmahasaro gatvā śailarājasamīpataḥ| tatrābhiṣekaṃ kurvāṇo hyagniṣṭomamavāpnuyāt||

And going to the tank, sacred to the Grandsire (Brahma) (situate) near the king of mountains and bathing there, one obtains the fruits of Agnishtoma sacrifice.

— tr. M.N. Dutt (1891–96) (public domain)

MBh 2 84.119

पितामहस्य सरसः प्रस्रुता लोकपावनी। कुमारधारा तत्रैव त्रिषु लोकेषु विश्रुता॥

pitāmahasya sarasaḥ prasrutā lokapāvanī| kumāradhārā tatraiva triṣu lokeṣu viśrutā||

Issuing from the Grandsire's tank, that holds the sanctifying (stream) Kumaradhara celebrated all over the three worlds.

— tr. M.N. Dutt (1891–96) (public domain)

MBh 2 84.120

यत्र स्नात्वा कृतार्थोऽस्मीत्यात्मानमवगच्छति। षष्ठकालोपवासेन मुच्यते ब्रह्महत्यया॥

yatra snātvā kṛtārtho'smītyātmānamavagacchati| ṣaṣṭhakālopavāsena mucyate brahmahatyayā||

And bathing there one considers in his mind that all his desires are fulfilled. Fasting for six days, one is cleansed of the sin of even killing a Brahmana.

— tr. M.N. Dutt (1891–96) (public domain)

MBh 2 84.121

ततो गच्छेतधर्मज्ञ तीर्थसेवनतत्परः। शिखरं वै महादेव्या गौर्यास्त्रैलोक्यविश्रुतम्॥

tato gacchetadharmajña tīrthasevanatatparaḥ| śikharaṃ vai mahādevyā gauryāstrailokyaviśrutam||

O virtuous man, the pilgrim should then go to the peak of the great goddess Gauri, celebrated all over the world.

— tr. M.N. Dutt (1891–96) (public domain)

MBh 2 84.122

समारुह्य नरश्रेष्ठ स्तनकुण्डेषु संविशेत्। स्तनकुण्डमुपस्पृश्य वाजपेयफलं लभेत्॥

samāruhya naraśreṣṭha stanakuṇḍeṣu saṃviśet| stanakuṇḍamupaspṛśya vājapeyaphalaṃ labhet||

O foremost of men, ascending it one should go to Stanakunda Bathing in Stanakunda, one obtains the fruits of Vajapeya (sacrifice).

— tr. M.N. Dutt (1891–96) (public domain)

MBh 2 84.123

तत्राभिषेकं कुर्वाणः पितृदेवार्चने रतः। हयमेधमवाप्नोति शक्रलोकं च गच्छति॥

tatrābhiṣekaṃ kurvāṇaḥ pitṛdevārcane rataḥ| hayamedhamavāpnoti śakralokaṃ ca gacchati||

Bathing there and worshipping the Pitris and the celestials one obtains the fruits of Ashvamedha (sacrifice) and goes to the region of Sakra (Indra).

— tr. M.N. Dutt (1891–96) (public domain)

MBh 2 84.124

ताम्रारुणं समासाद्य ब्रह्मचारी समाहितः। अश्वमेधमवाप्नोति ब्रह्मलोकं च गच्छति॥

tāmrāruṇaṃ samāsādya brahmacārī samāhitaḥ| aśvamedhamavāpnoti brahmalokaṃ ca gacchati||

Then going to the well, called Tamraruna, frequented by the celestials, O ruler of men, one obtains the virtue that is the fruit of a mansacrifice.

— tr. M.N. Dutt (1891–96) (public domain)

MBh 2 84.125

नन्दिन्यां च समासाद्य कूपं देवनिषेवितम्। नरमेधस्य यत् पुण्यं तदाप्नोति नराधिप॥

nandinyāṃ ca samāsādya kūpaṃ devaniṣevitam| naramedhasya yat puṇyaṃ tadāpnoti narādhipa||

O best of kings! then going to the well of celestials in the Nandini tirtha, one gets the fruit equal to the Naramedha sacrifice.

— tr. M.N. Dutt (1891–96) (public domain)

MBh 2 84.126

कालिकासंगमे स्नात्वा कौशिक्यरुणयोर्गतः। त्रिरात्रोपोषितो राजन् सर्वपापैः प्रमुच्यते॥

kālikāsaṃgame snātvā kauśikyaruṇayorgataḥ| trirātropoṣito rājan sarvapāpaiḥ pramucyate||

Bathing at the confluence of the Kalika and the Kaushika and the Aruna and fasting there for three nights, a learned man is cleared of all his sins.

— tr. M.N. Dutt (1891–96) (public domain)

MBh 2 84.127

उर्वशीतीर्थमासाद्य ततः सोमाश्रमं बुधः। कुम्भकर्णाश्रमं गत्वा पूज्यते भुवि मानवः॥

urvaśītīrthamāsādya tataḥ somāśramaṃ budhaḥ| kumbhakarṇāśramaṃ gatvā pūjyate bhuvi mānavaḥ||

Going to the Tirtha called Urvashi and then to Somasrama and bathing at Kumbhakarnasrama a wise man becomes adored on earth.

— tr. M.N. Dutt (1891–96) (public domain)

MBh 2 84.128

कोकामुखमुपस्पृश्य ब्रह्मचारी यतव्रतः। जातिस्मरत्वमाप्नोति दृष्टमेतत् पुरातनैः॥

kokāmukhamupaspṛśya brahmacārī yatavrataḥ| jātismaratvamāpnoti dṛṣṭametat purātanaiḥ||

Bathing in Kokamukha with Brahmacharya life and well observed vows, it is seen in the Puranas, one obtains the recollection of his former births.

— tr. M.N. Dutt (1891–96) (public domain)

MBh 2 84.129

प्राड्नदीं च समासाद्य कृतात्मा भवति द्विजः। सर्वपापविशुद्धात्मा शक्रलोकं च गच्छति॥

prāḍnadīṃ ca samāsādya kṛtātmā bhavati dvijaḥ| sarvapāpaviśuddhātmā śakralokaṃ ca gacchati||

Going to Prangnadi, a twice-born becomes successful in his wishes and his soul being purified and sins being all destroyed he goes to the region of Shakra (Indra).

— tr. M.N. Dutt (1891–96) (public domain)

MBh 2 84.130

ऋषभद्वीपमासाद्य मेध्यं क्रौञ्चनिषूदनम्। सरस्वत्यामुपस्पृश्य विमानस्थो विराजते॥

ṛṣabhadvīpamāsādya medhyaṃ krauñcaniṣūdanam| sarasvatyāmupaspṛśya vimānastho virājate||

Going then to the island called Rishabha and Kraunchanishudana which destroys all sins and bathing in the Sarasvati one blazes forth in heaven.

— tr. M.N. Dutt (1891–96) (public domain)

MBh 2 84.131

औद्दालकं महाराज तीर्थं मुनिनिषेवितम्। तत्राभिषेकं कृत्वा वै सर्वपापैः प्रमुच्यते॥

auddālakaṃ mahārāja tīrthaṃ muniniṣevitam| tatrābhiṣekaṃ kṛtvā vai sarvapāpaiḥ pramucyate||

O great king, bathing then in the Tirtha, called Auddalaka, frequented by the Rishis one is cleansed of all his sins.

— tr. M.N. Dutt (1891–96) (public domain)

MBh 2 84.132

धर्मतीर्थं समासाद्य पुण्यं ब्रह्मर्षिसेवितम्। वाजपेयमवाप्नोति विमानस्थश्च पूज्यते॥

dharmatīrthaṃ samāsādya puṇyaṃ brahmarṣisevitam| vājapeyamavāpnoti vimānasthaśca pūjyate||

Going then to the sacred Dharma Tirtha, frequented by the Brahmarshis, one obtains the fruits of Vajapeya (sacrifice) and becomes adored in heaven.

— tr. M.N. Dutt (1891–96) (public domain)