Mahabharata — Volume II (Dutt edition) — Chapter 61

MBh 2 61.1

बृहदश्व उवाच ततस्तु याते वार्ष्णेये पुण्यश्लोकस्य दीव्यतः। पुष्करेण हृतं राज्यं यच्चान्यद् वसु किंचन॥

bṛhadaśva uvāca tatastu yāte vārṣṇeye puṇyaślokasya dīvyataḥ| puṣkareṇa hṛtaṃ rājyaṃ yaccānyad vasu kiṃcana||

Brihadashva said: After Varshneya had gone away, his kingdom and what else of wealth he possessed, were won by Pushkara from Nala of good fame, who was engaged at dice.

— tr. M.N. Dutt (1891–96) (public domain)

MBh 2 61.2

हृतराज्यं नलं राजन् प्रहसन् पुष्करोऽब्रवीत्। द्यूतं प्रवर्ततां भूयः प्रतिपाणोऽस्ति कस्तव॥

hṛtarājyaṃ nalaṃ rājan prahasan puṣkaro'bravīt| dyūtaṃ pravartatāṃ bhūyaḥ pratipāṇo'sti kastava||

O king! Pushkara said to Nala whose kingdom had been won from him, with a (sinister) smile:-'Let our game at dice commence anew, but what else to stake you have got now?'

— tr. M.N. Dutt (1891–96) (public domain)

MBh 2 61.3

शिष्टा ते दमयन्त्येका सर्वमन्यज्जितं मया। दमयन्त्याः पणः साधु वर्ततां यदि मन्यसे॥

śiṣṭā te damayantyekā sarvamanyajjitaṃ mayā| damayantyāḥ paṇaḥ sādhu vartatāṃ yadi manyase||

Damayanti alone is left to you; everything else has been won by me. Well if you think it right hold Damayanti as your stake now?

— tr. M.N. Dutt (1891–96) (public domain)

MBh 2 61.4

पुष्करेणैवमुक्तस्य पुण्यश्लोकस्य मन्युना। व्यदीर्यतेव हृदयं न चैनं किंचिदब्रवीत्॥

puṣkareṇaivamuktasya puṇyaślokasya manyunā| vyadīryateva hṛdayaṃ na cainaṃ kiṃcidabravīt||

Thus spoken to by Pushkara Nala of holy fame felt as if his heart would burst in grief. Neither did he speak a syllable to him.

— tr. M.N. Dutt (1891–96) (public domain)

MBh 2 61.5

ततः पुष्करमालोक्य नलः परममन्युमान्। उत्सृज्य सर्वगात्रेभ्यो भूषणानि महायशाः॥ एकवासा ह्यसंवीतः सुहृच्छोकविवर्धनः। निश्चक्राम ततो राजा त्यक्त्वा सुविपुलां श्रियम्॥

tataḥ puṣkaramālokya nalaḥ paramamanyumān| utsṛjya sarvagātrebhyo bhūṣaṇāni mahāyaśāḥ|| ekavāsā hyasaṃvītaḥ suhṛcchokavivardhanaḥ| niścakrāma tato rājā tyaktvā suvipulāṃ śriyam||

Thereafter Nala of high renown, possessed with extreme anguish, looking at Pushkara, began to take all the ornaments off every part of his body. Then wearing a single piece of cloth, with his person uncovered enhancing the gricſ of his friends and forsaking his vast wealth the king went out.

— tr. M.N. Dutt (1891–96) (public domain)

MBh 2 61.6

दमयन्त्येकवस्त्राथ गच्छन्तं पृष्ठतोऽन्वगात्। स तया बाह्यतः सार्धं त्रिरात्रं नैषधोऽवसत्॥

damayantyekavastrātha gacchantaṃ pṛṣṭhato'nvagāt| sa tayā bāhyataḥ sārdhaṃ trirātraṃ naiṣadho'vasat||

Also Damayanti, attired in a single piece of cloth, followed the departing king behind. With her the king of Naishadha, passed three nights outside the precincts of the town.

— tr. M.N. Dutt (1891–96) (public domain)

MBh 2 61.7

पुष्करस्तु महाराज घोषयामास वै पुरे। नले यः सम्यगातिष्ठेत् स गच्छेद् वध्यतां मम॥

puṣkarastu mahārāja ghoṣayāmāsa vai pure| nale yaḥ samyagātiṣṭhet sa gacched vadhyatāṃ mama||

O mighty king in the meantime Pushkara had it proclaimed within the city, that any body that should regardfully (hospitably) behave towards Nala would become his victim.

— tr. M.N. Dutt (1891–96) (public domain)

MBh 2 61.8

पुष्करस्य तु वाक्येन तस्य विद्वेषणेन च। पौरा न तस्य सत्कारं कृतवन्तो युधिष्ठिर॥

puṣkarasya tu vākyena tasya vidveṣaṇena ca| paurā na tasya satkāraṃ kṛtavanto yudhiṣṭhira||

O Yudhishthira! in consequence of this proclamation of Pushkara and his malice towards Nala, the citizens offered no respectful conduct towards him.

— tr. M.N. Dutt (1891–96) (public domain)

MBh 2 61.9

स तथा नगराभ्याशे सत्कारार्हो न सत्कृतः। त्रिरात्रमुषितो राजा जलमात्रेण वर्तयन्॥

sa tathā nagarābhyāśe satkārārho na satkṛtaḥ| trirātramuṣito rājā jalamātreṇa vartayan||

Thus unregarded, though worthy of their (citizen's) regards, that king stayed three nights outside the precincts of the city living, all the while solely on water.

— tr. M.N. Dutt (1891–96) (public domain)

MBh 2 61.10

पीड्यमानः क्षुधा तत्र फलमूलानि कर्षयन्। प्रातिष्ठत ततो राजा दमयन्ती तमन्वगात्॥

pīḍyamānaḥ kṣudhā tatra phalamūlāni karṣayan| prātiṣṭhata tato rājā damayantī tamanvagāt||

Oppressed with hunger, the king started from the vicinity of the city with the object of collecting fruits and roots while Damayanti followed him (closely).

— tr. M.N. Dutt (1891–96) (public domain)

MBh 2 61.11

क्षुधया पीड्यमानस्तु नलो बहुतिथेऽहनि। अपश्यच्छकुनान् कांश्चिद्धिरण्यसदृशच्छदान्॥

kṣudhayā pīḍyamānastu nalo bahutithe'hani| apaśyacchakunān kāṃściddhiraṇyasadṛśacchadān||

Afflicted sore with (the pangs of) hunger, after the lapse of many days, Nala saw some birds, the colour of whose plumage resembled that of gold.

— tr. M.N. Dutt (1891–96) (public domain)

MBh 2 61.12

स चिन्तयामास तदा निषधाधिपतिर्बली। अस्ति भक्ष्यो ममाद्यायं वसु चेदं भविष्यति॥

sa cintayāmāsa tadā niṣadhādhipatirbalī| asti bhakṣyo mamādyāyaṃ vasu cedaṃ bhaviṣyati||

Thereupon the powerful ruler of the Nishadhas, thought (within himself)-My food today will consist of these and afterwards their plumage shall be my wealth.

— tr. M.N. Dutt (1891–96) (public domain)

MBh 2 61.13

ततस्तान् परिधानेन वाससा स समावृणोत्। तस्य तद् वस्त्रामादाय सर्वे जग्मुर्विहायसा॥

tatastān paridhānena vāsasā sa samāvṛṇot| tasya tad vastrāmādāya sarve jagmurvihāyasā||

Then he covered them with the piece of cloth he was wearing. Taking on their back that piece of cloth belonging to him, those rangers of the sky flew to the heavens.

— tr. M.N. Dutt (1891–96) (public domain)

MBh 2 61.14

उत्पदन्तः खगा वाक्यमेतदाहुस्ततो नलम्। दृष्ट्वा दिग्वाससं भूमौ स्थितं दीनमधोमुखम्॥

utpadantaḥ khagā vākyametadāhustato nalam| dṛṣṭvā digvāsasaṃ bhūmau sthitaṃ dīnamadhomukham||

When rising up (to the sky) the birds of the earth seeing Nala sorrowful and seated on the car with his person nude and countenance down towards the ground, addressed these words to him.

— tr. M.N. Dutt (1891–96) (public domain)

MBh 2 61.15

वयमक्षाः सुदुर्बुद्धे तव वासो जिहीर्षवः। आगता न हि नः प्रीतिः सवाससि गते त्वयि॥

vayamakṣāḥ sudurbuddhe tava vāso jihīrṣavaḥ| āgatā na hi naḥ prītiḥ savāsasi gate tvayi||

'O greatly foolish one! we are even those dice. We had come hither desirous of robbing your cloth. For surely we feel no pleasure, even if you depart wearing your cloth.'

— tr. M.N. Dutt (1891–96) (public domain)

MBh 2 61.16

तान् समीपगतानक्षानात्मानं च विवाससम्। पुण्यश्लोकस्तदा राजन् दमयन्तीमथाब्रवीत्॥ येषां प्रकोपादैश्वर्यात् प्रच्युतोऽहमनिन्दिते। प्राणयात्रां न विन्देयं दुःखितः क्षुधयान्वितः॥ येषां कृते न सत्कारमकुर्वन् मयि नैषधाः। इमे ते शकुना भूत्वा वासो भीरु हरन्ति मे॥

tān samīpagatānakṣānātmānaṃ ca vivāsasam| puṇyaślokastadā rājan damayantīmathābravīt|| yeṣāṃ prakopādaiśvaryāt pracyuto'hamanindite| prāṇayātrāṃ na vindeyaṃ duḥkhitaḥ kṣudhayānvitaḥ|| yeṣāṃ kṛte na satkāramakurvan mayi naiṣadhāḥ| ime te śakunā bhūtvā vāso bhīru haranti me||

O king! then Nala of holy fame beholding the dice depart and himself naked, thus spoke of Damayanti. O unblameable lady! they, in consequence of whose wrath I have been deprived of my (royal) fortune and being distressed and oppressed with hunger I cannot procure my livelihood, they through whose (malign) influence the citizens of Naishadha paid me no regard, O timid one! those very dice have assumed the form of birds and are even now fiying away with my cloth.

— tr. M.N. Dutt (1891–96) (public domain)

MBh 2 61.17

वैषम्यं परमं प्राप्तो दुःखितो गतचेतनः। भर्ता तेऽहं निबोधेदं वचनं हितमात्मनः॥

vaiṣamyaṃ paramaṃ prāpto duḥkhito gatacetanaḥ| bhartā te'haṃ nibodhedaṃ vacanaṃ hitamātmanaḥ||

I, your husband, have met with a great catastrophe. I am afflicted with sorrow and am devoid of my consciousness. Listen to my words, which (when acted upon) shall conduce to your good.

— tr. M.N. Dutt (1891–96) (public domain)

MBh 2 61.18

एते गच्छन्ति बहवः पन्थानो दक्षिणापथम्। अवन्तीमृक्षवन्तं च समतिक्रम्य पर्वतम्॥

ete gacchanti bahavaḥ panthāno dakṣiṇāpatham| avantīmṛkṣavantaṃ ca samatikramya parvatam||

These various roads before you, passing by the (city of) Avanti and crossing the Rikshavat mountain lead to the Deccan.

— tr. M.N. Dutt (1891–96) (public domain)

MBh 2 61.19

एष विन्ध्यो महाशैलः पयोष्णी च समुद्रगा। आश्रमाश्च महर्षीणां बहुमूलफलान्विताः॥ एष पन्था विदर्भाणामसौ गच्छति कोसलान्। अतः परं च देशोऽयं दक्षिणे दक्षिणापथः॥

eṣa vindhyo mahāśailaḥ payoṣṇī ca samudragā| āśramāśca maharṣīṇāṃ bahumūlaphalānvitāḥ|| eṣa panthā vidarbhāṇāmasau gacchati kosalān| ataḥ paraṃ ca deśo'yaṃ dakṣiṇe dakṣiṇāpathaḥ||

Yonder is the mighty range of mountains known under the name of Vindhya; there is the river Payashini flowing toward the sea and you lie the hermitages of the illustrious sages replete with many kinds of fruits and roots. This road leads to Vidharbha, the other one proceeds towards the country of the Kosalas; beyond them in the southern direction lies the Deccan.

— tr. M.N. Dutt (1891–96) (public domain)

MBh 2 61.20

बृहदश्व उवाच एतद् वाक्यं नलो राजा दमयन्तीं समाहितः। उवाचासकृदातॊ हि भैमीमुद्दिश्य भारत।॥

bṛhadaśva uvāca etad vākyaṃ nalo rājā damayantīṃ samāhitaḥ| uvācāsakṛdātò hi bhaimīmuddiśya bhārata|||

Brihdashva said: O descendant of Bharata's race! addressing the daughter of Bhima, king Nala sorely afflicted with grief, carefully spoke these words to Damayanti, over and over again.

— tr. M.N. Dutt (1891–96) (public domain)

MBh 2 61.21

ततः सा बाष्पकलया वाचा दुःखेन कर्शिता। उवाच दमयन्ती तं नैषधं करुणं वचः॥

tataḥ sā bāṣpakalayā vācā duḥkhena karśitā| uvāca damayantī taṃ naiṣadhaṃ karuṇaṃ vacaḥ||

Thereupon distressed with sorrow and in a voice choked with the vapour of grief, Damayanti spoke to Nala these piteous words.

— tr. M.N. Dutt (1891–96) (public domain)

MBh 2 61.22

उद्वेजते मे हृदयं सीदन्त्यङ्गानि सर्वशः। तव पार्थिव संकल्पं चिन्तयन्त्याः पुनः पुनः॥ हृतराज्यं हृतद्रव्यं विवस्त्रं क्षुच्छ्रमान्वितम्। कथमुत्सृज्य गच्छेयमहं त्वां निर्जने वने।॥

udvejate me hṛdayaṃ sīdantyaṅgāni sarvaśaḥ| tava pārthiva saṃkalpaṃ cintayantyāḥ punaḥ punaḥ|| hṛtarājyaṃ hṛtadravyaṃ vivastraṃ kṣucchramānvitam| kathamutsṛjya gaccheyamahaṃ tvāṃ nirjane vane|||

Damayanti said : O ruler of the earth! on continuous thinking of your intention, my heart trembles and all my limbs are sinking. How can I depart leaving you in this lonely forest, deprived of your kingdom despoiled of your wealth, yourself not covered even with a single piece of cloth and afflicted with hunger and toil?

— tr. M.N. Dutt (1891–96) (public domain)

MBh 2 61.23

श्रान्तस्य ते क्षुधार्तस्य चिन्तयानस्य तत् सुखम्। वने घोरे महाराज नाशयिष्याम्यहं क्लमम्॥

śrāntasya te kṣudhārtasya cintayānasya tat sukham| vane ghore mahārāja nāśayiṣyāmyahaṃ klamam||

O illustrious sovereign! when fatigued with toil and oppressed with hunger in the midst of this dreary wilderness, you shall remember your former happiness, then shall I solace you in your troubles.

— tr. M.N. Dutt (1891–96) (public domain)

MBh 2 61.24

न च भार्यासमं किंचिद् विद्यते भिषजां मतम्। औषधं सर्वदुःखेषु सत्यमेतद् ब्रवीमि ते॥

na ca bhāryāsamaṃ kiṃcid vidyate bhiṣajāṃ matam| auṣadhaṃ sarvaduḥkheṣu satyametad bravīmi te||

'In all descriptions of misery there is no medicine similar to a wife, this is the opinion of all the physicians, I tell the forsooth.

— tr. M.N. Dutt (1891–96) (public domain)

MBh 2 61.25

नल उवाच एवमेतद् यथाऽऽत्य त्वं दमयन्ति सुमध्यमे। नास्ति भार्यासमं मित्रं नरस्यार्तस्य भेषजम्॥

nala uvāca evametad yathā''tya tvaṃ damayanti sumadhyame| nāsti bhāryāsamaṃ mitraṃ narasyārtasya bheṣajam||

Nala said: O you of delicate loins! O Damayanti, what you have said, is indeed true; to a man aggrieved there is no friend equal to a wife that serves as a remedy.

— tr. M.N. Dutt (1891–96) (public domain)

MBh 2 61.26

न चाहं त्यक्त कामस्त्वां किमलं भीरु शङ्कसे। त्यजेयमहमात्मानं न चैव त्वामनिन्दिते॥

na cāhaṃ tyakta kāmastvāṃ kimalaṃ bhīru śaṅkase| tyajeyamahamātmānaṃ na caiva tvāmanindite||

O timid one! why are you afraid? I do not intend to forsake you; O faultless one, I can part with myself, but not with you.

— tr. M.N. Dutt (1891–96) (public domain)

MBh 2 61.27

दमयन्त्युवाच यदि मां त्वं महाराज न विहातुमिहेच्छसि। तत् किमर्थं विदर्भाणां पन्थाः समुपदिश्यते॥

damayantyuvāca yadi māṃ tvaṃ mahārāja na vihātumihecchasi| tat kimarthaṃ vidarbhāṇāṃ panthāḥ samupadiśyate||

Damayanti said : O great monarch! if you seek not to desert me, why then do you instruct, (point out to) me, about the road that leads to the dominion of the Vidharbhas?

— tr. M.N. Dutt (1891–96) (public domain)

MBh 2 61.28

अवैमि चाहं नृपते न तु मां त्यक्तुमर्हसि। चेतसा त्वपकृष्टेन मां त्यजेथा महीपते।॥

avaimi cāhaṃ nṛpate na tu māṃ tyaktumarhasi| cetasā tvapakṛṣṭena māṃ tyajethā mahīpate|||

O protector of your subjects! I know also that you cannot leave me. But, O ruler of the earth! you may renounce me, as your mind (reason) is spoiled (distracted) by Kali.

— tr. M.N. Dutt (1891–96) (public domain)

MBh 2 61.29

पन्थानं हि ममाभीक्ष्णमाख्यासि च नरोत्तम। अतो निमित्तं शोकं मे वर्धयस्यमरोपम॥

panthānaṃ hi mamābhīkṣṇamākhyāsi ca narottama| ato nimittaṃ śokaṃ me vardhayasyamaropama||

O foremost of men! you are repeatedly instructing me about the road. O divine one! it is in this way that you are adding to my sorrow.

— tr. M.N. Dutt (1891–96) (public domain)

MBh 2 61.30

यदि चायमभिप्रायस्तव ज्ञातीन् व्रजेदिति। सहितावेव गच्छावो विदर्भान् यदि मन्यसे॥

yadi cāyamabhiprāyastava jñātīn vrajediti| sahitāveva gacchāvo vidarbhān yadi manyase||

If it be your wish that I should go back to my kinsmen, then if it list you, we both together shall repair to the kingdom of Vidharbha.

— tr. M.N. Dutt (1891–96) (public domain)

MBh 2 61.31

विदर्भराजस्तत्र त्वां पूजयिष्यति मानद। तेन त्वं पूजितो राजन् सुखं वत्स्यसि नो गृहे॥

vidarbharājastatra tvāṃ pūjayiṣyati mānada| tena tvaṃ pūjito rājan sukhaṃ vatsyasi no gṛhe||

O bestower of honor! there, the king of the Vidharbhas shall worship you. Thus held in great respect by him, you shall live in happiness in our residence.

— tr. M.N. Dutt (1891–96) (public domain)