Mahabharata — Volume II (Dutt edition) — Chapter 44
MBh 2 44.1
वैशम्पायन उवाच ततो देवाः सगन्धर्वाः समादायार्घ्यमुत्तमम्। शक्रस्य मतमाज्ञाय पार्थमानचुरञ्जसा॥
vaiśampāyana uvāca tato devāḥ sagandharvāḥ samādāyārghyamuttamam| śakrasya matamājñāya pārthamānacurañjasā||
Vaishampayana said : Thereupon the celestials and the Gandharvas, knowing the opinion of Shakra (Indra) procured an excellent Arghya and they presented it to Partha (Arjuna) as soon as possible.
— tr. M.N. Dutt (1891–96) (public domain)
MBh 2 44.2
पाद्यमाचमनीयं च प्रतिग्राह्य नृपात्मजम्। प्रवेशयामासुरथो पुरन्दरनिवेशनम्॥
pādyamācamanīyaṃ ca pratigrāhya nṛpātmajam| praveśayāmāsuratho purandaraniveśanam||
Having given him water to wash his foe and feet, they made the prince enter the palace of Purandara (Indra).
— tr. M.N. Dutt (1891–96) (public domain)
MBh 2 44.3
एवं सम्पूजितो जिष्णुरुवास भवने पितुः। उपशिक्षन महास्त्राणि ससंहाराणि पाण्डवः॥
evaṃ sampūjito jiṣṇuruvāsa bhavane pituḥ| upaśikṣana mahāstrāṇi sasaṃhārāṇi pāṇḍavaḥ||
Having been thus worshipped, Jishnu (Arjuna) lived in the house of his father (Indra). The Pandava (Arjuna) then began to learn the great weapons together with the mode of withdrawing them.
— tr. M.N. Dutt (1891–96) (public domain)
MBh 2 44.4
शक्रस्य हस्ताद् दयितं वज्रमस्त्रं च दुःसहम्। अशनीश्च महानादा मेघबर्हिणलक्षणाः॥
śakrasya hastād dayitaṃ vajramastraṃ ca duḥsaham| aśanīśca mahānādā meghabarhiṇalakṣaṇāḥ||
He received from the hands of Shakra (Indra) his favourite Vajra (thunder) weapon of irresistible force and also those lightning of tremendous roars, fashes of which bespoken (by the appearance) of clouds and (the dancing) of peacocks.
— tr. M.N. Dutt (1891–96) (public domain)
MBh 2 44.5
गृहीतास्त्रस्तु कौन्तेयो भ्रातन् सस्मार पाण्डवः। पुरन्दरनियोगाच्च पञ्चाब्दानवसत् सुखी॥
gṛhītāstrastu kaunteyo bhrātan sasmāra pāṇḍavaḥ| purandaraniyogācca pañcābdānavasat sukhī||
The son of Kunti, the Pandava (Arjuna), after receiving the weapons, remembered his brothers. At the command of Purandara (Indra) he lived there for five years in (great) happiness.
— tr. M.N. Dutt (1891–96) (public domain)
MBh 2 44.6
ततः शक्रोऽब्रवीत् पार्थं कृतास्त्रं काल आगते। नृत्यं गीतं च कौन्तेय चित्रसेनादवाप्नुहि॥
tataḥ śakro'bravīt pārthaṃ kṛtāstraṃ kāla āgate| nṛtyaṃ gītaṃ ca kaunteya citrasenādavāpnuhi||
When the proper time came, Shakra (Indra) said to Partha (Arjuna), “O son of Kunti, iearn from Chitrasena singing and dancing.
— tr. M.N. Dutt (1891–96) (public domain)
MBh 2 44.7
वादित्रं देवविहितं नृलोके यन्न विद्यते। तदर्जयस्व कौन्तेय श्रेयो वै ते भविष्यति॥
vāditraṃ devavihitaṃ nṛloke yanna vidyate| tadarjayasva kaunteya śreyo vai te bhaviṣyati||
Learn (instrumental) music known only to the celestials which does not exist in the world of men. O son of Kunti, if you learn all this, it will be for your good.”
— tr. M.N. Dutt (1891–96) (public domain)
MBh 2 44.8
सखायं प्रददौ चास्य चित्रसेनं पुरन्दरः। स तेन सह संगम्य रेमे पार्थो निरामयः॥
sakhāyaṃ pradadau cāsya citrasenaṃ purandaraḥ| sa tena saha saṃgamya reme pārtho nirāmayaḥ||
Purandara then gave him to Chitrasena as his friend. Partha (Arjuna) then lived with him in happiness and peace.
— tr. M.N. Dutt (1891–96) (public domain)
MBh 2 44.9
गीतवादित्रनृत्यानि भूय एवादिदेश ह। तथापि नालभच्छर्म तपस्वी द्यूतकारितम्॥
gītavāditranṛtyāni bhūya evādideśa ha| tathāpi nālabhaccharma tapasvī dyūtakāritam||
He (Chitrasena) taught him vocal and instrumental music and dancing. But remembering the game at dice the active (Arjuna) did not obtain any peace of mind.
— tr. M.N. Dutt (1891–96) (public domain)
MBh 2 44.10
दुःशासनवधामर्षी शकुनेः सौबलस्य च। ततस्तेनातुलां प्रीतिमुपागम्य क्वचित् क्वचित्। गान्धर्वमतुलं नृत्यं वादित्रं चोपलब्धवान्॥
duḥśāsanavadhāmarṣī śakuneḥ saubalasya ca| tatastenātulāṃ prītimupāgamya kvacit kvacit| gāndharvamatulaṃ nṛtyaṃ vāditraṃ copalabdhavān||
Thinking of Shakuni, the son of Subala and thinking also with anger of Dushasana's death (he got no peace). But as he derived unrivalled pleasure from the matchless singing and dancing of the Gandharvas he was able to learn their arts.
— tr. M.N. Dutt (1891–96) (public domain)
MBh 2 44.11
स शिक्षितो नृत्यगुणाननेकान्। वादित्रगीतार्थगुणांश्च सर्वान्। न शर्म लेभे परवीरहन्ता भ्रातृन् स्मरन् मातरं चैव कुन्तीम्॥
sa śikṣito nṛtyaguṇānanekān| vāditragītārthaguṇāṃśca sarvān| na śarma lebhe paravīrahantā bhrātṛn smaran mātaraṃ caiva kuntīm||
Having learnt various kinds of dance and various sorts of vocal and instrumental music, that slayer of hostile heroes, (Arjuna) did not (still) obtain any peace of mind, remembering his brothers and (his mother) Kunti.
— tr. M.N. Dutt (1891–96) (public domain)