Mahabharata — Volume II (Dutt edition) — Chapter 308

MBh 2 308.1

वैशम्पायन उवाच ततो गर्भः समभवत् पृथायाः पृथिवीपते। शुक्ले दशोत्तरे पक्षे तारापतिरिवाम्बरे॥

vaiśampāyana uvāca tato garbhaḥ samabhavat pṛthāyāḥ pṛthivīpate| śukle daśottare pakṣe tārāpatirivāmbare||

Vaishampayana said : Then, O lord of the earth, like the lord of the stars in the heavens, Pritha conceived a son on the first day of the lighted fortnight during the tenth month.

— tr. M.N. Dutt (1891–96) (public domain)

MBh 2 308.2

सा बान्धवभयाद् बाला गर्भं तं विनिगूहती। धारयामास सुश्रोणी न चैनां बुबुधे जनः॥

sā bāndhavabhayād bālā garbhaṃ taṃ vinigūhatī| dhārayāmāsa suśroṇī na caināṃ bubudhe janaḥ||

That fair-hipped damsel afraid of the censure of her friends concealed her pregnancy, so that no body was aware of her real state.

— tr. M.N. Dutt (1891–96) (public domain)

MBh 2 308.3

न हि तां वेद नार्यन्या काचिद् धात्रेयिकामृते। कन्यापुरगतां बालां निपुणां परिरक्षणे॥

na hi tāṃ veda nāryanyā kācid dhātreyikāmṛte| kanyāpuragatāṃ bālāṃ nipuṇāṃ parirakṣaṇe||

And as that girl lived in the apartments of maidens, no other women knew her condition except her nurse's daughter who was wellskilled in ministrations.

— tr. M.N. Dutt (1891–96) (public domain)

MBh 2 308.4

ततः कालेन सा गर्भं सुषुवे वरवर्णिनी। कन्यैव तस्य देवस्य प्रसादादमरप्रभम्॥

tataḥ kālena sā garbhaṃ suṣuve varavarṇinī| kanyaiva tasya devasya prasādādamaraprabham||

(And) in time that damsel of excellent complexion by the favour of that god, Surya, was delivered of a son beautiful as a celestials.

— tr. M.N. Dutt (1891–96) (public domain)

MBh 2 308.5

तथैवाबद्धकवचं काकोज्ज्वलकुण्डलम्। हर्यक्षं वृषभस्कन्धं यथास्य पितरं तथा॥

tathaivābaddhakavacaṃ kākojjvalakuṇḍalam| haryakṣaṃ vṛṣabhaskandhaṃ yathāsya pitaraṃ tathā||

And like his father he was clad in armour, adorned with brilliant golden ear-rings, endued with leonine eyes and bovine shoulders.

— tr. M.N. Dutt (1891–96) (public domain)

MBh 2 308.6

जातमात्रं च तं गर्भ धान्या सम्मन्य भाविनी। मञ्जूषायां समाधाय स्वास्तीर्णायां समन्ततः॥ मधूच्छिष्टस्थितायां सा सुखायां रुदती तथा। श्लक्ष्णायां सुपिधानायामश्वनद्यामवासृजत्॥

jātamātraṃ ca taṃ garbha dhānyā sammanya bhāvinī| mañjūṣāyāṃ samādhāya svāstīrṇāyāṃ samantataḥ|| madhūcchiṣṭasthitāyāṃ sā sukhāyāṃ rudatī tathā| ślakṣṇāyāṃ supidhānāyāmaśvanadyāmavāsṛjat||

And as soon as her delivery took place that girl, in consultation with her nurse, placed her child in a water-proof basket, covered all over with sheets, made of wicker work, smooth, comfortable and furnished with a beautiful pillow. And with tearful eyes she consigned it to the (waters of) the river Ashva.

— tr. M.N. Dutt (1891–96) (public domain)

MBh 2 308.7

जानती चाप्यकर्तव्यं कन्याया गर्भधारणम्। पुत्रस्नेहेन सा राजन् करुणं पर्यदेवयत्॥

jānatī cāpyakartavyaṃ kanyāyā garbhadhāraṇam| putrasnehena sā rājan karuṇaṃ paryadevayat||

O king of kings, though she knew that it was not proper for a maiden to be big with child, yet from her affection towards the child she wept bitterly.

— tr. M.N. Dutt (1891–96) (public domain)

MBh 2 308.8

समुत्सृजन्ती मञ्जूषामश्वनद्यां तदा जले। उवाच रुदती कुन्ती यौनि वाक्यानि तच्छृणु॥

samutsṛjantī mañjūṣāmaśvanadyāṃ tadā jale| uvāca rudatī kuntī yauni vākyāni tacchṛṇu||

And hear the words which Kunti uttered while she, weeping bitterly, consigned the basket to the waters of the river Ashva.

— tr. M.N. Dutt (1891–96) (public domain)

MBh 2 308.9

स्वस्ति ते चान्तरिक्षेभ्यः पार्थिवेभ्यश्च पुत्रका दिव्येभ्यश्चैव भूतेभ्यस्तथा तोयचराश्च ये॥

svasti te cāntarikṣebhyaḥ pārthivebhyaśca putrakā divyebhyaścaiva bhūtebhyastathā toyacarāśca ye||

"O son, may all the creatures inhabiting the firmament, the earth, the celestials regions and the water contribute to your welfare.

— tr. M.N. Dutt (1891–96) (public domain)

MBh 2 308.10

शिवास्ते सन्तु पन्थानो मा च ते परिपन्थिनः। आगताच तथा पुत्र भवन्त्वद्रोहचेतसः॥

śivāste santu panthāno mā ca te paripanthinaḥ| āgatāca tathā putra bhavantvadrohacetasaḥ||

May all your ways be auspicious and unobstructed. And, O son, may the minds of those that may meet with you, be not inclined to enmity towards you.

— tr. M.N. Dutt (1891–96) (public domain)

MBh 2 308.11

पातु त्वां वरुणो राजा सलिले सलिलेश्वरः। अन्तरिक्षेऽन्तरिक्षस्थः पवनः सर्वगस्तथा॥

pātu tvāṃ varuṇo rājā salile salileśvaraḥ| antarikṣe'ntarikṣasthaḥ pavanaḥ sarvagastathā||

On the waters may king Varuna, the lord of waters, protect you. And similarly may Pavana (the wind-god) who ranges in the sky and wanders everywhere protect you in the sky.

— tr. M.N. Dutt (1891–96) (public domain)

MBh 2 308.12

पिता त्वां पातु सर्वत्र तपनस्तपतां वरः। येन दत्तोऽसि मे पुत्र दिव्येन विधिना किल॥

pitā tvāṃ pātu sarvatra tapanastapatāṃ varaḥ| yena datto'si me putra divyena vidhinā kila||

O son, may your father, the foremost of those that shed heat and by whom you have been begotten on me by the ordinance of Destiny preserve you everywhere.

— tr. M.N. Dutt (1891–96) (public domain)

MBh 2 308.13

आदित्या वसवो रुद्राः साध्या विश्वे च देवताः। मरुतश्च सहेन्द्रेण दिशश्च दसिगीश्वराः॥

ādityā vasavo rudrāḥ sādhyā viśve ca devatāḥ| marutaśca sahendreṇa diśaśca dasigīśvarāḥ||

And may you be protected by the Adityas, the Vasus, the Rudras, the Sadhyas the Vishvadevas, the Marutas and the cardinal points together with their guardians and Indra.

— tr. M.N. Dutt (1891–96) (public domain)

MBh 2 308.14

रक्षन्तु त्वां सुराः सर्वे समेषु विषमेषु च। वेत्स्यामि त्वां विदेशेऽपि कवचेनाभिसूचितम्॥

rakṣantu tvāṃ surāḥ sarve sameṣu viṣameṣu ca| vetsyāmi tvāṃ videśe'pi kavacenābhisūcitam||

And may all the gods protect you in every state whether favourable or adverse. Even in foreign countries I shall be able to recognise you on account of your coat-of-mail.

— tr. M.N. Dutt (1891–96) (public domain)

MBh 2 308.15

धन्यस्ते पुत्र जनको देवो भानुर्विभावसुः। यस्त्वां द्रक्ष्यति दिव्येन चक्षुषा वाहिनीगतम्॥

dhanyaste putra janako devo bhānurvibhāvasuḥ| yastvāṃ drakṣyati divyena cakṣuṣā vāhinīgatam||

Blessed is indeed your divine father, Bhanu, having effulgence for his wealth, who by means of his celestials sight, beholds you going down the stream.

— tr. M.N. Dutt (1891–96) (public domain)

MBh 2 308.16

धन्या सा प्रमदा या त्वां पुत्रत्वे कल्पयिष्यति। यस्यास्त्वं तृषितः पुत्र स्तनं पास्यसि देवज॥

dhanyā sā pramadā yā tvāṃ putratve kalpayiṣyati| yasyāstvaṃ tṛṣitaḥ putra stanaṃ pāsyasi devaja||

And O son of a deity, that lady is also blessed who will adopt you as her son and feed you from her breast when you are thirsty.

— tr. M.N. Dutt (1891–96) (public domain)

MBh 2 308.17

को नु स्वप्नस्तया दृष्टो या त्वामादित्यवर्चसम्। दिव्यवर्मसमायुक्तं दिव्यकुण्डलभूषितम्॥ पद्मायतविशालाक्षं पद्मताम्रदलोज्वलम्। सुललाटं सुकेशान्तं पुत्रत्वे कल्पयिष्यति॥

ko nu svapnastayā dṛṣṭo yā tvāmādityavarcasam| divyavarmasamāyuktaṃ divyakuṇḍalabhūṣitam|| padmāyataviśālākṣaṃ padmatāmradalojvalam| sulalāṭaṃ sukeśāntaṃ putratve kalpayiṣyati||

What a dream she has dreamed who will adopt for her son you who are resplendent as the sun, clad in a celestials armour, adorned with celestials ear-rings, endued with broad and expansive eyes like lotuses, possessed of a complexion bright as the copper-coloured lotus-leaves, graced with a beautiful forehead and beautiful hair.

— tr. M.N. Dutt (1891–96) (public domain)

MBh 2 308.18

धन्या द्रक्ष्यन्ति पुत्र त्वां भूमौ संसर्पमाणकम्। अव्यक्तकलवाक्यानि वदन्तं रेणुगुण्ठितम्॥

dhanyā drakṣyanti putra tvāṃ bhūmau saṃsarpamāṇakam| avyaktakalavākyāni vadantaṃ reṇuguṇṭhitam||

They are also blessed, O son, who will behold you crawl on the ground covered with dust and who will hear your sweet inarticulate speech.

— tr. M.N. Dutt (1891–96) (public domain)

MBh 2 308.19

धन्या द्रक्ष्यन्ति पुत्र त्वां पुनर्योवनगोचरम्। हिमवद्वनसम्भूतं सिंहं केसरिणं यथा॥

dhanyā drakṣyanti putra tvāṃ punaryovanagocaram| himavadvanasambhūtaṃ siṃhaṃ kesariṇaṃ yathā||

Blessed are they too, who will see you arrive at manhood like a mained lion of the Himalayan forests.

— tr. M.N. Dutt (1891–96) (public domain)

MBh 2 308.20

एवं बहुविधं राजन् विलप्य करुणं पृथा। अवासृजत मञ्जूषामश्वनद्यास्तदा जले॥

evaṃ bahuvidhaṃ rājan vilapya karuṇaṃ pṛthā| avāsṛjata mañjūṣāmaśvanadyāstadā jale||

Having, O king, thus wept long and bitterly, Pritha then consigned the basket to the waters of the river Ashva.

— tr. M.N. Dutt (1891–96) (public domain)

MBh 2 308.21

रुदती पुत्रशोकार्ता निशीथे कमलेक्षणा। धात्र्या सह पृथा राजन् पुत्रदर्शनलालसा॥

rudatī putraśokārtā niśīthe kamalekṣaṇā| dhātryā saha pṛthā rājan putradarśanalālasā||

And, O monarch, accompanied by her nurse the lotus-eyed Pritha desirous of beholding her son again and again and overpowered with grief for her son and weeping piteously, at night.

— tr. M.N. Dutt (1891–96) (public domain)

MBh 2 308.22

विसर्जयित्वा मञ्जूषां सम्बोधनभयात् पितुः। विवेश राजभवनं पुनः शोकातुरा ततः॥

visarjayitvā mañjūṣāṃ sambodhanabhayāt pituḥ| viveśa rājabhavanaṃ punaḥ śokāturā tataḥ||

Laid the basket (on the waters of the Ashva) and entered into the palace with a heavy heart lest her father might know (the secret).

— tr. M.N. Dutt (1891–96) (public domain)

MBh 2 308.23

मञ्जूषा त्वश्वनद्याः सा ययौ चर्मण्वती नदीम्। चर्मण्वत्याश्च यमुनां ततो गङ्गां जगाम ह॥

mañjūṣā tvaśvanadyāḥ sā yayau carmaṇvatī nadīm| carmaṇvatyāśca yamunāṃ tato gaṅgāṃ jagāma ha||

(On the other hand) the basket came from the Ashva to the river Charmavati, from the Charınavati to the Yamuna and thence to the Ganga.

— tr. M.N. Dutt (1891–96) (public domain)

MBh 2 308.24

गङ्गायाः सूतविषयं चप्पामनुययौ पुरीम्। स मञ्जूषागतो गर्भस्तरङ्गरुह्यमानकः॥

gaṅgāyāḥ sūtaviṣayaṃ cappāmanuyayau purīm| sa mañjūṣāgato garbhastaraṅgaruhyamānakaḥ||

And that basket containing the child, borne along the waves of the Ganga arrived at the city of Champa in the Suta territory.

— tr. M.N. Dutt (1891–96) (public domain)

MBh 2 308.25

अमृतादुत्थितं दिव्यं तनुवर्म सकुण्डलम्। धारयामास तं गर्भं दैवं च विधिनिर्मितम्॥

amṛtādutthitaṃ divyaṃ tanuvarma sakuṇḍalam| dhārayāmāsa taṃ garbhaṃ daivaṃ ca vidhinirmitam||

And that child was kept alive on account of the celestials mail and ear-rings both made of Amrita and also on account of the ordinance of Destiny.

— tr. M.N. Dutt (1891–96) (public domain)