Mahabharata — Volume II (Dutt edition) — Chapter 307
MBh 2 307.1
वैशम्पायन उवाच सा तु कन्या बहुविदं ब्रुवन्ती मधुरं वचः। अनुनेतुं सहस्रांशुं न शशाक मनस्विनी॥
vaiśampāyana uvāca sā tu kanyā bahuvidaṃ bruvantī madhuraṃ vacaḥ| anunetuṃ sahasrāṃśuṃ na śaśāka manasvinī||
Vaishampayana said : Though that high-minded damsel spoke very many sweet words (to Surya) she could by no means soften him of a thousand rays.
— tr. M.N. Dutt (1891–96) (public domain)
MBh 2 307.2
न शशाक यदा बाला प्रत्याख्यातुं तमोनुदम्। भीता शापात् ततो राजन् दध्यौ दीर्घमथान्तरम्॥
na śaśāka yadā bālā pratyākhyātuṃ tamonudam| bhītā śāpāt tato rājan dadhyau dīrghamathāntaram||
And when all the entreaties of that maiden to the dispeller of darkness were unavailing, afraid of her curse she long meditated thus
— tr. M.N. Dutt (1891–96) (public domain)
MBh 2 307.3
अनागसः पितुः शापो ब्राह्मणस्य तथैव च। मनिमित्तः कथं न स्यात् क्रुद्धादस्माद् विभावसोः॥
anāgasaḥ pituḥ śāpo brāhmaṇasya tathaiva ca| manimittaḥ kathaṃ na syāt kruddhādasmād vibhāvasoḥ||
“How may my unoffending father and that Brahmana be saved from the curse of the wrathful Vibhavasu on my account?
— tr. M.N. Dutt (1891–96) (public domain)
MBh 2 307.4
बालेनापि सता मोहाद् भृशं पापकृतान्यपि। नाभ्यासादयितव्यानि तेजांसि च तपांसि च॥
bālenāpi satā mohād bhṛśaṃ pāpakṛtānyapi| nābhyāsādayitavyāni tejāṃsi ca tapāṃsi ca||
Although energy and asceticism destructive of sins, yet even honest persons of tender years, through foolishness ought not to draw them near.
— tr. M.N. Dutt (1891–96) (public domain)
MBh 2 307.5
साहमद्य भृशं भीता गृहीता च करे भृशम। कथं त्वकार्यं कुर्यां वै प्रदानं ह्यात्मनः स्वयम्॥
sāhamadya bhṛśaṃ bhītā gṛhītā ca kare bhṛśama| kathaṃ tvakāryaṃ kuryāṃ vai pradānaṃ hyātmanaḥ svayam||
are (By acting foolishly) I have been today seriously alarmed and have been placed entirely in the power (of Surya). How can I myself (without the consent of my guardians) do this sinful act, the surrender of my person (to him)"?
— tr. M.N. Dutt (1891–96) (public domain)
MBh 2 307.6
वैशम्पायन उवाच सा वै शापपरित्रस्ता बहु चिन्तयती हृदा। मोहेनाभिपरीताङ्गी स्मयमाना पुनः पुनः॥
vaiśampāyana uvāca sā vai śāpaparitrastā bahu cintayatī hṛdā| mohenābhiparītāṅgī smayamānā punaḥ punaḥ||
Vaishampayana said : Afraid of (his) curse she reflected much in her mind. Her limbs were quite paralysed and she was repeatedly at a loss as to how to act.
— tr. M.N. Dutt (1891–96) (public domain)
MBh 2 307.7
तं देवमब्रवीद् भीता बन्धूनां राजसत्तम। व्रीडाविह्वलया वाचा शापत्रस्ता विशाम्पते॥
taṃ devamabravīd bhītā bandhūnāṃ rājasattama| vrīḍāvihvalayā vācā śāpatrastā viśāmpate||
Oforemost of kings, O lord of the world, afraid of the censure of her friends and afflicted with the fear of curse, she spoke to that deity these words tremulous with bashfulness.
— tr. M.N. Dutt (1891–96) (public domain)
MBh 2 307.8
कुन्त्युवाच पिता मे ध्रियते देव माता चान्ये च बान्धवाः। न तेषु ध्रियमाणेषु विधिलोपो भवेदयम्॥
kuntyuvāca pitā me dhriyate deva mātā cānye ca bāndhavāḥ| na teṣu dhriyamāṇeṣu vidhilopo bhavedayam||
Kunti said: O god, my father is alive and so also my mother and friends. And since they are (still) living, this violation of duty (on my part) is not allowable.
— tr. M.N. Dutt (1891–96) (public domain)
MBh 2 307.9
त्वया तु संगमो देव यदि स्याद् विधिवर्जितः। मन्निमित्तं कुलस्यास्य लोके कीर्तिनशेत् ततः॥
tvayā tu saṃgamo deva yadi syād vidhivarjitaḥ| mannimittaṃ kulasyāsya loke kīrtinaśet tataḥ||
If, O god, I hold this unlawful intercourse with you, then the reputation of this race will be destroyed for my sake.
— tr. M.N. Dutt (1891–96) (public domain)
MBh 2 307.10
अथवा धर्ममेतं त्वं मन्यसे तपतां वर। ऋते प्रदानाद् बन्धुभ्यस्तव कामं करोम्यहम्॥
athavā dharmametaṃ tvaṃ manyase tapatāṃ vara| ṛte pradānād bandhubhyastava kāmaṃ karomyaham||
Or if you consider it a virtue, I will then, O best of those that shed heat, gratify your desire even without being given away to you by my friends.
— tr. M.N. Dutt (1891–96) (public domain)
MBh 2 307.11
आत्मप्रदानं दुधर्ष तव कृत्वा सती त्वहम्। त्वयि धर्मो यशश्चैव कीर्तिरायुश्च देहिनाम्॥
ātmapradānaṃ dudharṣa tava kṛtvā satī tvaham| tvayi dharmo yaśaścaiva kīrtirāyuśca dehinām||
As O irrepressible one, the virtue, the reputation, the renown and the life of all embodied beings are established in you, may I remain chaste after having yielded my person to you.
— tr. M.N. Dutt (1891–96) (public domain)
MBh 2 307.12
सूर्य उवाच न ते पिता न ते माता गुरवो वा शुचिस्मिते। प्रभवन्ति वरारोहे भद्रं ते शृणु मे वचः॥
sūrya uvāca na te pitā na te mātā guravo vā śucismite| prabhavanti varārohe bhadraṃ te śṛṇu me vacaḥ||
Surya said: O beautiful damsel of sweet smiles, neither your father, nor your mother nor your superiors are competent to bestow you. May you be happy. Hear what I say.
— tr. M.N. Dutt (1891–96) (public domain)
MBh 2 307.13
सर्वान् कामयते यस्मात् कमेर्धातोश्च भाविनि। तस्मात् कन्येह सुश्रोणि स्वतन्त्रा वरवर्णिनि॥
sarvān kāmayate yasmāt kamerdhātośca bhāvini| tasmāt kanyeha suśroṇi svatantrā varavarṇini||
O damsel, the term Kanya, derived from the root Kama (to desire) is applied to a maiden, because she desires (in have intercourse with) every body. Therefore, fair-hipped girl of excellent complexion, she is free (to act as she chooses) in this world.
— tr. M.N. Dutt (1891–96) (public domain)
MBh 2 307.14
नाधर्मश्चरितः कश्चित् त्वया भवति भाविनि। अधर्मं कुत एवाहं वरेयं लोककाम्यया॥
nādharmaścaritaḥ kaścit tvayā bhavati bhāvini| adharmaṃ kuta evāhaṃ vareyaṃ lokakāmyayā||
You will, O beauteous girl, on no account fall away from virtue (by satisfying my desire). How can I, who seek the welfare of everybody commit an act of sin?
— tr. M.N. Dutt (1891–96) (public domain)
MBh 2 307.15
अनावृताः स्त्रियः सर्वा नराश्च वरवर्णिनि। स्वभाव एष लोकानां विकारोऽन्य इति स्मृतः॥
anāvṛtāḥ striyaḥ sarvā narāśca varavarṇini| svabhāva eṣa lokānāṃ vikāro'nya iti smṛtaḥ||
O fair complexioned girl, it is the human nature that all men and women should be without restraint. And it is asserted that the contrary (condition) is (its) perversion.
— tr. M.N. Dutt (1891–96) (public domain)
MBh 2 307.16
सा मया सह संगम्य पुनः कन्या भविष्यसि। पुत्रश्च ते महाबाहुर्भविष्यति महायशाः॥
sā mayā saha saṃgamya punaḥ kanyā bhaviṣyasi| putraśca te mahābāhurbhaviṣyati mahāyaśāḥ||
You will also remain a virgin even after having held intercourse with me and your son will be of mighty arms and high renown.
— tr. M.N. Dutt (1891–96) (public domain)
MBh 2 307.17
कुन्त्युवाच यदि पुत्रो मम भवेत् त्वत्तः सर्वतमोनुद। कुण्डली कवची शूरो महाबाहुर्महाबलः॥
kuntyuvāca yadi putro mama bhavet tvattaḥ sarvatamonuda| kuṇḍalī kavacī śūro mahābāhurmahābalaḥ||
Kunti said : O dispeller of all darkness, if I have a son by powerful and furnished with a coat-of-mail and ear-rings.
— tr. M.N. Dutt (1891–96) (public domain)
MBh 2 307.18
सूर्य उवाच भविष्यति महाबाहुः कुण्डली दिव्यवर्मभृत्। उभयं चामृतमयं तस्य भद्रे भविष्यति॥
sūrya uvāca bhaviṣyati mahābāhuḥ kuṇḍalī divyavarmabhṛt| ubhayaṃ cāmṛtamayaṃ tasya bhadre bhaviṣyati||
Surya said : Gentle maiden, your (son) will be mightyarmed, furnished with ear-rings and an impenetrable and celestials armour made of Amrita.
— tr. M.N. Dutt (1891–96) (public domain)
MBh 2 307.19
कुन्त्युवाच यद्येतदमृतादस्ति कुण्डले वर्म चोत्तमम्। मम पुत्रस्य यं वै त्वं मत्त उत्पादयिष्यसि॥ अस्तु मे सङ्गमो देव यथोक्तं भगवंस्त्वया। त्वद्वीर्यरूपसत्त्वौजा धर्मयुक्तो भवेत् स च॥
kuntyuvāca yadyetadamṛtādasti kuṇḍale varma cottamam| mama putrasya yaṃ vai tvaṃ matta utpādayiṣyasi|| astu me saṅgamo deva yathoktaṃ bhagavaṃstvayā| tvadvīryarūpasattvaujā dharmayukto bhavet sa ca||
Kunti said: If both the ear-rings and the armour of the son you will beget on me, be made of Amrita, then, O god, you may enjoy me, as your worshipful self has said. And may he (the son) be powerful, beautiful, strong energetic and virtuous like you.
— tr. M.N. Dutt (1891–96) (public domain)
MBh 2 307.20
सूर्य उवाच अदित्या कुण्डले राज्ञि दत्ते मे मत्तकाशिनि। तेऽस्य दास्यामि वै भीरु वर्म चैवेदमुत्तमम्॥
sūrya uvāca adityā kuṇḍale rājñi datte me mattakāśini| te'sya dāsyāmi vai bhīru varma caivedamuttamam||
Surya said: O queen, O beauteous and timid damsel, I will bestow on him these ear-rings which were given to me by Aditi and also this excellent armour.
— tr. M.N. Dutt (1891–96) (public domain)
MBh 2 307.21
कुन्त्युवाच परमं भगवन्नेवं संगमिष्ये त्वया सह। यदि पुत्रो भवेदेवं यथा वदसि गोपते॥
kuntyuvāca paramaṃ bhagavannevaṃ saṃgamiṣye tvayā saha| yadi putro bhavedevaṃ yathā vadasi gopate||
Kunti said: O adorable one, it is very well. O lord of rays, if I have such a son as you say, then I snall giatify your desire.
— tr. M.N. Dutt (1891–96) (public domain)
MBh 2 307.22
वैशम्पायन उवाच तथेत्युक्त्वा तु तां कुन्तीमाविवेश विहङ्गमः। स्वर्भानुशत्रुर्योगात्मा नाभ्यां पस्पर्श चैव ताम्॥
vaiśampāyana uvāca tathetyuktvā tu tāṃ kuntīmāviveśa vihaṅgamaḥ| svarbhānuśatruryogātmā nābhyāṃ pasparśa caiva tām||
Vaishampayana said : Having said to her "be it so” that ranger of sky, the enemy of Svarbhanu, with his soul absorbed in yoga entered into Kunti and touched her on the naval.
— tr. M.N. Dutt (1891–96) (public domain)
MBh 2 307.23
ततः सा विह्वलेवासीत् कन्या सूर्यस्य तेजसा। पपात चाथ सा देवी शयने मूढचेतना॥
tataḥ sā vihvalevāsīt kanyā sūryasya tejasā| papāta cātha sā devī śayane mūḍhacetanā||
Thereupon, that damsel became stupefied by the energy of the sun and fell down on her bed insensible.
— tr. M.N. Dutt (1891–96) (public domain)
MBh 2 307.24
सूर्य उवाच साधयिष्यामि सुश्रोणि पुत्रं वै जनयिष्यसि। सर्वशस्त्रभृतां श्रेष्ठं कन्या चैव भविष्यसि॥
sūrya uvāca sādhayiṣyāmi suśroṇi putraṃ vai janayiṣyasi| sarvaśastrabhṛtāṃ śreṣṭhaṃ kanyā caiva bhaviṣyasi||
Surya said : O fair-hipped maiden, I shall now disappear. You will give birth to a son who will be the foremost of all wielders of arms.
— tr. M.N. Dutt (1891–96) (public domain)
MBh 2 307.25
वैशम्पायन उवाच ततः सा वीडिता बाला तदा सूर्यमथाब्रवीत्। एवमस्त्विति राजेन्द्र प्रस्थितं भूरिवर्चसम्॥
vaiśampāyana uvāca tataḥ sā vīḍitā bālā tadā sūryamathābravīt| evamastviti rājendra prasthitaṃ bhūrivarcasam||
Vaishampayana said : Then, O king of kings, that maiden said bashfully to the highly resplendent Surya who was about to go away “may it be so."
— tr. M.N. Dutt (1891–96) (public domain)
MBh 2 307.26
इति स्मोक्ता कुन्तिराजात्मजा सा विवस्वन्तं याचमाना सलज्जा। तस्मिन् पुण्ये शयनीये पपात मोहाविष्टा भज्यमाना लतेव॥
iti smoktā kuntirājātmajā sā vivasvantaṃ yācamānā salajjā| tasmin puṇye śayanīye papāta mohāviṣṭā bhajyamānā lateva||
Thus the daughter of Kuntiraja, having bashfully asked for a son from Vivasvata fell down unconscious on her auspicious bed like a broken creeper.
— tr. M.N. Dutt (1891–96) (public domain)
MBh 2 307.27
तिग्मांशुस्तां तेजसा मोहयित्वा योगेनाविश्यात्मसंस्थां चकार। न चैवैनां दूषयामास भानुः संज्ञां लेभे भूय एवाथ बाला॥
tigmāṃśustāṃ tejasā mohayitvā yogenāviśyātmasaṃsthāṃ cakāra| na caivaināṃ dūṣayāmāsa bhānuḥ saṃjñāṃ lebhe bhūya evātha bālā||
And that deity of hot rays making her insensible by his energy placed himself within her by his yoga power. But Bhanu did not corrupt her. The girl, then (i.e. when the sun had departed) recovered her senses.
— tr. M.N. Dutt (1891–96) (public domain)