Mahabharata — Volume II (Dutt edition) — Chapter 304
MBh 2 304.1
कुन्त्युवाच ब्राह्मणं यन्त्रिता राजन्नुपस्थास्यामि पूजया। यथाप्रतिज्ञं राजेन्द्र न च मिथ्या ब्रवीम्यहम्॥
kuntyuvāca brāhmaṇaṃ yantritā rājannupasthāsyāmi pūjayā| yathāpratijñaṃ rājendra na ca mithyā bravīmyaham||
Kunti said: "O king of kings, agreeably to your promise, I will, by restraining my senses, wait upon and minister to that Brahmana. I am speaking no falsehood (in this respect).
— tr. M.N. Dutt (1891–96) (public domain)
MBh 2 304.2
एष चैव स्वभावो मे पूजयेयं द्विजानिति। तव चैव प्रियं कार्यं श्रेयश्च परमं मम॥
eṣa caiva svabhāvo me pūjayeyaṃ dvijāniti| tava caiva priyaṃ kāryaṃ śreyaśca paramaṃ mama||
To worship the Brahmanas is my habit. And as this is agreeable to you, it will lead to my highest good.
— tr. M.N. Dutt (1891–96) (public domain)
MBh 2 304.3
यद्येवैष्यति सायाह्ने यदि प्रातरथो निशि। यद्यर्धरात्रे भगवान् न मे कोपं करिष्यति॥
yadyevaiṣyati sāyāhne yadi prātaratho niśi| yadyardharātre bhagavān na me kopaṃ kariṣyati||
He will never have any cause to be angry with me whether the worshipful one comes in the morning or in the evening or during the night or at midnight.
— tr. M.N. Dutt (1891–96) (public domain)
MBh 2 304.4
लाभो ममैष राजेन्द्र यद् वै पूजयती द्विजान्। आदेशे तव तिष्ठन्ती हितं कुर्यां नरोत्तम॥
lābho mamaiṣa rājendra yad vai pūjayatī dvijān| ādeśe tava tiṣṭhantī hitaṃ kuryāṃ narottama||
O king of kings, O best of men, it is highly beneficial to me to worship the twice-born ones, to carry out your commands and to do good to you.
— tr. M.N. Dutt (1891–96) (public domain)
MBh 2 304.5
विस्रब्धो भव राजेन्द्र न व्यलीकं द्विजोत्तमः। वसन् प्राप्स्यति ते गेहे सत्यमेतद् ब्रवीमि ते॥
visrabdho bhava rājendra na vyalīkaṃ dvijottamaḥ| vasan prāpsyati te gehe satyametad bravīmi te||
O foremost of kings, rest assured of it. I am telling you truly that the best of Brahmanas dwelling in your house will not in any way be dissatisfied..
— tr. M.N. Dutt (1891–96) (public domain)
MBh 2 304.6
यत् प्रियं च द्विजस्यास्य हितं चैव तवानघ। यतिष्यामि तथा राजन् व्येतु ते मानसो ज्वरः॥
yat priyaṃ ca dvijasyāsya hitaṃ caiva tavānagha| yatiṣyāmi tathā rājan vyetu te mānaso jvaraḥ||
I will pay (particular) attention to what is agreeable to this Brahmana and to what is beneficial to you. Therefore O king, give up your mental anxiety.
— tr. M.N. Dutt (1891–96) (public domain)
MBh 2 304.7
ब्राह्मणा हि महाभागाः पूजिताः पृथिवीपते। तारणाय समर्थाः स्युर्विपरीते वधाय च॥
brāhmaṇā hi mahābhāgāḥ pūjitāḥ pṛthivīpate| tāraṇāya samarthāḥ syurviparīte vadhāya ca||
The Brahmanas, O lord of the earth, are highly fortunate and when pleased are capable of bestowing salvation. But if displeased, they become (instruments) for destruction.
— tr. M.N. Dutt (1891–96) (public domain)
MBh 2 304.8
साहमेतद् विजानन्ती तोषयिष्ये द्विजोत्तमम्। न मत्कृते व्यथां राजन् प्राप्स्यसि द्विजसत्तमात्॥
sāhametad vijānantī toṣayiṣye dvijottamam| na matkṛte vyathāṃ rājan prāpsyasi dvijasattamāt||
I, who am well aware of this, will propitiate this foremost of Brahmanas, And O king, you will never, for any act of mine, experience any trouble from that most exalted of Brahmanas.
— tr. M.N. Dutt (1891–96) (public domain)
MBh 2 304.9
अपराधेऽपि राजेन्द्र राज्ञामश्रेयसे द्विजाः। भवन्ति च्यवनो यद्वत् सुकन्यायाः कृते पुरा॥
aparādhe'pi rājendra rājñāmaśreyase dvijāḥ| bhavanti cyavano yadvat sukanyāyāḥ kṛte purā||
O foremost of kings, owing to the faults of the kings, the twice-born ones become the instruments of their misfortune as formerly Chyavana had become on account of the acts of Sukanya.
— tr. M.N. Dutt (1891–96) (public domain)
MBh 2 304.10
नियमेन परेणाहमुपस्थाये द्विजोत्तमम्। यथा त्वया नरेन्द्रेदं भाषितं ब्राह्मणं प्रति॥
niyamena pareṇāhamupasthāye dvijottamam| yathā tvayā narendredaṃ bhāṣitaṃ brāhmaṇaṃ prati||
Agreeably to your instructions with regard to this Brahmana, I will serve him with great regularity, O king of kings."
— tr. M.N. Dutt (1891–96) (public domain)
MBh 2 304.11
एवं ब्रुवन्तीं बहुशः परिष्वज्य समर्थ्य च। इति चेति च कर्तव्यं राजा सर्वमथादिश॥
evaṃ bruvantīṃ bahuśaḥ pariṣvajya samarthya ca| iti ceti ca kartavyaṃ rājā sarvamathādiśa||
And when she said thus repeatedly, the king encouraged and embraced her and then instructed her minutely as to what she ought to do.
— tr. M.N. Dutt (1891–96) (public domain)
MBh 2 304.12
एवमेतत् त्वया भद्रे कर्तव्यमविशङ्कया। मद्धितार्थं तथाऽऽत्मार्थं कुलार्थं चाप्यनिन्दिते॥
evametat tvayā bhadre kartavyamaviśaṅkayā| maddhitārthaṃ tathā''tmārthaṃ kulārthaṃ cāpyanindite||
“O gentle and blameless girl, you will act in this way, without any fear, for my welfare, for your good and for the welfare of the race."
— tr. M.N. Dutt (1891–96) (public domain)
MBh 2 304.13
राजोवाच एवमुक्त्वा तु तां कन्यां कुन्तिभोजो महायशाः। पृथां परिददौ तस्मै द्विजाय द्विजवत्सलः॥
rājovāca evamuktvā tu tāṃ kanyāṃ kuntibhojo mahāyaśāḥ| pṛthāṃ paridadau tasmai dvijāya dvijavatsalaḥ||
The King said : Saying this, the highly-renowned Kuntibhoja, devoted to the Brahmanas, made over his daughter Pritha to that twice-born one.
— tr. M.N. Dutt (1891–96) (public domain)
MBh 2 304.14
इयं ब्रह्मन् मम सुता बाला सुखविवर्धिता। अपराध्येत यत् किंचिन्न कार्यं हृदि तत् त्वया॥
iyaṃ brahman mama sutā bālā sukhavivardhitā| aparādhyeta yat kiṃcinna kāryaṃ hṛdi tat tvayā||
(Saying), “O Brahmana, this is my daughter (Pritha) of tender years and reared in luxury. If she commits any fault, do not mind it.
— tr. M.N. Dutt (1891–96) (public domain)
MBh 2 304.15
द्विजातयो महाभागा वृद्धबालतपस्विषु। भवन्त्यक्रोधनाः प्रायो ह्यपराद्धेषु नित्यदा।॥
dvijātayo mahābhāgā vṛddhabālatapasviṣu| bhavantyakrodhanāḥ prāyo hyaparāddheṣu nityadā|||
The highly renowned Brahmanas do not get angry with old men, ascetics and children, even if they repeatedly offend them.
— tr. M.N. Dutt (1891–96) (public domain)
MBh 2 304.16
सुमहत्यपराधेऽपि क्षान्ति: कार्या द्विजातिभिः। यथाशक्ति यथोत्साहं पूजा चाह्या द्विजोत्तम॥
sumahatyaparādhe'pi kṣānti: kāryā dvijātibhiḥ| yathāśakti yathotsāhaṃ pūjā cāhyā dvijottama||
The twice-born ones again ought to pardon even a very serious offence; and the best of Brahmanas should accept that worship which is offered to the best of one's ability and exertion.
— tr. M.N. Dutt (1891–96) (public domain)
MBh 2 304.17
तथेति ब्राह्मणेनोक्तं स राजा प्रीतमानसः। हंसचन्द्रांशुसंकाशं गृहमस्मै न्यवेदयत्॥
tatheti brāhmaṇenoktaṃ sa rājā prītamānasaḥ| haṃsacandrāṃśusaṃkāśaṃ gṛhamasmai nyavedayat||
And that Brahmana having said “be it so," the king with a merry mind placed at his disposal a suite of apartments white as the swan or the ray of the moon.
— tr. M.N. Dutt (1891–96) (public domain)
MBh 2 304.18
तत्राग्निशरणे क्लृप्तमासनं तस्य भानुमत्। आहारादि च सर्वं तत् तथैव प्रत्यवेदयत्॥
tatrāgniśaraṇe klṛptamāsanaṃ tasya bhānumat| āhārādi ca sarvaṃ tat tathaiva pratyavedayat||
And in the fire-room the king placed a resplendent seat especially made for him and also all sorts of food and other articles of the same good quality.
— tr. M.N. Dutt (1891–96) (public domain)
MBh 2 304.19
निक्षिप्य राजपुत्री तु तन्द्रीं मानं तथैव च। आतस्थे परमं यत्नं ब्राह्मणस्याभिराधने॥
nikṣipya rājaputrī tu tandrīṃ mānaṃ tathaiva ca| ātasthe paramaṃ yatnaṃ brāhmaṇasyābhirādhane||
And driving away her idleness and pride, the princess began to exert herself with the utmost care for the service of the Brahmana.
— tr. M.N. Dutt (1891–96) (public domain)
MBh 2 304.20
तत्र सा ब्राह्मणं गत्वा पृथा शौचपरा सती। विधिवत् परिचारार्ह देववत् पर्यतोषयत्॥
tatra sā brāhmaṇaṃ gatvā pṛthā śaucaparā satī| vidhivat paricārārha devavat paryatoṣayat||
And going to the Brahmana there in the fire-room) the chaste Pritha, observant of purity, duly ministering to him as if he were a god, pleased him highly.
— tr. M.N. Dutt (1891–96) (public domain)