Mahabharata — Volume II (Dutt edition) — Chapter 302
MBh 2 302.1
कर्ण उवाच भगवन्तमहं भक्तो यथा मां वेत्थ गोपते। तथा परमतिग्मांशो नास्त्यदेयं कथंचन॥
karṇa uvāca bhagavantamahaṃ bhakto yathā māṃ vettha gopate| tathā paramatigmāṃśo nāstyadeyaṃ kathaṃcana||
Karna said: O god, O lord of splendour and scorching rays, you are as much aware of my being a worshipper of yours, (as of the fact) that there is nothing which I can not part with.
— tr. M.N. Dutt (1891–96) (public domain)
MBh 2 302.2
न मे दारा न मे पुत्रा न चात्मा सुहृदो न च। तथेष्टा वै सदा भक्त्या यथा त्वं गोपते मम॥
na me dārā na me putrā na cātmā suhṛdo na ca| tatheṣṭā vai sadā bhaktyā yathā tvaṃ gopate mama||
By virtue of the reverence that I always feel for you, you are. O lord of splendour, dearer (to me) then my wife, my sons, my own self and my friends.
— tr. M.N. Dutt (1891–96) (public domain)
MBh 2 302.3
इष्टानां च महात्मानो भक्तानां च न संशयः। कुर्वन्ति भक्तिमिष्टां च जानीषे त्वं च भास्कर।॥
iṣṭānāṃ ca mahātmāno bhaktānāṃ ca na saṃśayaḥ| kurvanti bhaktimiṣṭāṃ ca jānīṣe tvaṃ ca bhāskara|||
O author of light, you are no doubt aware that high-souled persons cherish a high regard for their devoted worshipper.
— tr. M.N. Dutt (1891–96) (public domain)
MBh 2 302.4
इष्टो भक्तश्च मे कर्णो न चान्यद् दैवतं दिवि। जानीत इति वै कृत्वा भगवानाह मद्धितम्॥
iṣṭo bhaktaśca me karṇo na cānyad daivataṃ divi| jānīta iti vai kṛtvā bhagavānāha maddhitam||
Considering that Karna is your devoted worshipper and that he known no other god in heavens, you have given me these instructions.
— tr. M.N. Dutt (1891–96) (public domain)
MBh 2 302.5
भूयश्च शिरसा याचे प्रसाद्य च पुनः पुनः। इति ब्रवीमि तिग्मांशो त्वं तु मे क्षन्तुमर्हसि॥
bhūyaśca śirasā yāce prasādya ca punaḥ punaḥ| iti bravīmi tigmāṃśo tvaṃ tu me kṣantumarhasi||
Again with bended head and repeated prayers do I implore you and tell you this. O lord of searching rays, that you will (graciously) pardon me.
— tr. M.N. Dutt (1891–96) (public domain)
MBh 2 302.6
विभेमि न तथा मृत्योर्यथा बिभ्येऽनृतादहम्। विशेषेण द्विजातीनां सर्वेषां सर्वदा सताम्॥ प्रदाने जीवितस्यापि न मेऽत्रास्ति विचारणा।
vibhemi na tathā mṛtyoryathā bibhye'nṛtādaham| viśeṣeṇa dvijātīnāṃ sarveṣāṃ sarvadā satām|| pradāne jīvitasyāpi na me'trāsti vicāraṇā|
I do not fear death so much as falsehood. Especially for the sake of all the righteous twice-born ones ever, I am ready to sacrifice my life without (the least) hesitation.
— tr. M.N. Dutt (1891–96) (public domain)
MBh 2 302.7
यच्च मामात्थ देव त्वं पाण्डवं फाल्गुनं प्रति॥ व्येतु संतापजं दुःखं तव भास्कर मानसम्। अर्जुनप्रतिमं चैव विजेष्यामि रणेऽर्जुनम्॥
yacca māmāttha deva tvaṃ pāṇḍavaṃ phālgunaṃ prati|| vyetu saṃtāpajaṃ duḥkhaṃ tava bhāskara mānasam| arjunapratimaṃ caiva vijeṣyāmi raṇe'rjunam||
As to what you have said to me about the Pandava Falguna. O author light, (I ask you) to dispel your caused by mental uneasiness regarding Arjuna and myself. (Because) I will surely defeat Arjuna in battle.
— tr. M.N. Dutt (1891–96) (public domain)
MBh 2 302.8
तवापि विदितं देव ममाप्यस्त्रबलं महत्। जामदग्न्यादुपात्तं यत् तथा द्रोणान्महात्मनः॥
tavāpi viditaṃ deva mamāpyastrabalaṃ mahat| jāmadagnyādupāttaṃ yat tathā droṇānmahātmanaḥ||
O god, you are no doubt aware of the great strength of my weapons which I have obtained from the son of Jamadagni (i.e. Parashuram) and from the high-souled Drona.
— tr. M.N. Dutt (1891–96) (public domain)
MBh 2 302.9
इदं त्वमनुजानीहि सुरश्रेष्ठ व्रतं मम। भिक्षते वलिाणे दद्यामपि जीवितमात्मनः॥
idaṃ tvamanujānīhi suraśreṣṭha vrataṃ mama| bhikṣate valiāṇe dadyāmapi jīvitamātmanaḥ||
O best of the gods, permit me now to observe the vow on my part that I may bestow my very life upon the begging wielder of the thunderbolt.
— tr. M.N. Dutt (1891–96) (public domain)
MBh 2 302.10
सूर्य उवाच यदि तात ददास्येते वलिाणे कुण्डले शुभे। त्वमप्येनमथो ब्रूया विजयार्थं महाबलम्॥ नियमेन प्रदद्यां ते कुण्डले वै शतक्रतो।
sūrya uvāca yadi tāta dadāsyete valiāṇe kuṇḍale śubhe| tvamapyenamatho brūyā vijayārthaṃ mahābalam|| niyamena pradadyāṃ te kuṇḍale vai śatakrato|
Surya said: O highly-powerful son, if you bestow your beautiful car-rings to the wielder of the sorrow thunderbolt, you should, in order to secure victory, say to him, “O lord of hundred sacrifices, I can only part with my ear-rings under a condition."
— tr. M.N. Dutt (1891–96) (public domain)
MBh 2 302.11
अवध्यो ह्यसि भूतानां कुण्डलाभ्यां समन्वितः।१२॥ अर्जुनेन विनाशं हि तव दानवसूदनः। प्रार्थयानो रणे वत्स कुण्डले ते जिहीर्षति॥
avadhyo hyasi bhūtānāṃ kuṇḍalābhyāṃ samanvitaḥ|12|| arjunena vināśaṃ hi tava dānavasūdanaḥ| prārthayāno raṇe vatsa kuṇḍale te jihīrṣati||
As you cannot surely be slain by any creature when furnished with your earrings, so the destroyer of the Danavas, O son, wishing your death at the hands of Arjuna in battle, wants to rob you of your ear-rings.
— tr. M.N. Dutt (1891–96) (public domain)
MBh 2 302.12
स त्वमप्येनमाराध्य सूनृताभिः पुनः पुनः। अभ्यर्थयेथा देवेशममोघार्थं पुरन्दरम्॥
sa tvamapyenamārādhya sūnṛtābhiḥ punaḥ punaḥ| abhyarthayethā deveśamamoghārthaṃ purandaram||
Worshipping again and again with agreeable and truthful speeches the lord of the celestials, Purandara, the possessor of infallible weapons.
— tr. M.N. Dutt (1891–96) (public domain)
MBh 2 302.13
अमोघां देहि मे शक्तिममित्रविनिबर्हिणीम्। दास्यामि ते सहस्राक्ष कुण्डले वर्म चोत्तमम्॥
amoghāṃ dehi me śaktimamitravinibarhiṇīm| dāsyāmi te sahasrākṣa kuṇḍale varma cottamam||
You will say to him, “O thousand-eyed lord, I will give you the two ear-rings and the excellent armour, if you will bestow on me an infallible dart destructive of enemies."
— tr. M.N. Dutt (1891–96) (public domain)
MBh 2 302.14
इत्येव नियमेन त्वं दद्याः शक्राय कुण्डले। तया त्वं कर्ण संग्रामे हनिष्यसि रणे रिपून्।॥
ityeva niyamena tvaṃ dadyāḥ śakrāya kuṇḍale| tayā tvaṃ karṇa saṃgrāme haniṣyasi raṇe ripūn|||
It is under this condition only, O Karna, that you will give your ear-rings to Shakra. Then you will be able to destroy your enemies in battle.
— tr. M.N. Dutt (1891–96) (public domain)
MBh 2 302.15
नाहत्वा हि महाबाहो शत्रूनेति करं पुनः। सा शक्तिर्देवराजस्य शतशोऽथ सहस्रशः॥
nāhatvā hi mahābāho śatrūneti karaṃ punaḥ| sā śaktirdevarājasya śataśo'tha sahasraśaḥ||
O mighty-armed one, that arrow of the lord of the gods does not return to the hand of the person who discharges it, without destroying hundreds and thousands of enemies.
— tr. M.N. Dutt (1891–96) (public domain)
MBh 2 302.16
वैशम्पायन उवाच एवमुक्त्वा सहस्रांशुः सहसान्तरधीयत। ततः सूर्याय जप्यान्ते कर्णः स्वप्नं न्यवेदयत्॥
vaiśampāyana uvāca evamuktvā sahasrāṃśuḥ sahasāntaradhīyata| tataḥ sūryāya japyānte karṇaḥ svapnaṃ nyavedayat||
Vaishampayana said : Saying this, the lord of thousand rays suddenly became invisible. (The next day) Karna after having performed his devotions told the sun of the dreara.
— tr. M.N. Dutt (1891–96) (public domain)
MBh 2 302.17
यथादृष्टं यथातत्त्वं यथोक्तमुभयोर्निशि। तत् सर्वमानुपूर्वेण शशंसास्मै वृषस्तदा॥
yathādṛṣṭaṃ yathātattvaṃ yathoktamubhayorniśi| tat sarvamānupūrveṇa śaśaṃsāsmai vṛṣastadā||
And Vrisha (Karna) faithfully related to him everything in detail, viz. his meeting with the sun and the conversation that took place between them during the nighi.
— tr. M.N. Dutt (1891–96) (public domain)
MBh 2 302.18
तच्छ्रुत्वा भगवान् देवो भानुः स्वर्भानुसूदनः। उवाच तं तथेत्येव कर्णं सूर्यः स्मयन्निव॥
tacchrutvā bhagavān devo bhānuḥ svarbhānusūdanaḥ| uvāca taṃ tathetyeva karṇaṃ sūryaḥ smayanniva||
Hearing all this, the divine lord Bhanu, the subduer of Svarbhanu (Rahu) spoke to Karna with a smile, "it is all true.”
— tr. M.N. Dutt (1891–96) (public domain)
MBh 2 302.19
ततस्ततत्वमिति ज्ञात्वा राधेयः परवीरहा। शक्तिमेवाभिकाङ्क्षन् वै वासवं प्रत्यपालयत्॥
tatastatatvamiti jñātvā rādheyaḥ paravīrahā| śaktimevābhikāṅkṣan vai vāsavaṃ pratyapālayat||
Then the son of Radha, the slayer of enemies, knowing all this to be true, awaited (the arrival of) Vasava, with the desire of obtaining the dart.
— tr. M.N. Dutt (1891–96) (public domain)