Mahabharata — Volume II (Dutt edition) — Chapter 30
MBh 2 30.1
द्रौपद्युवाच नमोधात्रे विधाने च यौ मोहं चक्रतुस्तव। पितृपैतामहे वृत्ते वोढव्ये तेऽन्यथा मतिः॥
draupadyuvāca namodhātre vidhāne ca yau mohaṃ cakratustava| pitṛpaitāmahe vṛtte voḍhavye te'nyathā matiḥ||
Draupadi said: I bow to Dhatri and Vidhatri who have thus bewildered my sense; you think otherwise from your father and grandfather regarding what you have got to bear.
— tr. M.N. Dutt (1891–96) (public domain)
MBh 2 30.2
कर्मभिश्चिन्तितो लोको गत्यां गत्यां पृथग्विधः। तस्मात् कर्माणि नित्यानि लोभान्मोक्षं यियासति॥ नेहधर्मानृशंस्याभ्यां च क्षान्त्या नार्जवेन च। पुरुषः श्रियमाप्नोति न घृणित्वेन कर्हिचित्॥
karmabhiścintito loko gatyāṃ gatyāṃ pṛthagvidhaḥ| tasmāt karmāṇi nityāni lobhānmokṣaṃ yiyāsati|| nehadharmānṛśaṃsyābhyāṃ ca kṣāntyā nārjavena ca| puruṣaḥ śriyamāpnoti na ghṛṇitvena karhicit||
By actions men are placed in different situations of life; consequences of action are inevitable, from ignorance people desire for the liberation from action. A man does not even attain prosperity in this world by virtue, gentleness, forgiveness, straight-forwardness and fear of censure.
— tr. M.N. Dutt (1891–96) (public domain)
MBh 2 30.3
त्वां च व्यसनमभ्यागादिदं भारत दुःसहम्। यत् त्वं नार्हसि नापीमे भ्रातरस्ते महौजसः॥
tvāṃ ca vyasanamabhyāgādidaṃ bhārata duḥsaham| yat tvaṃ nārhasi nāpīme bhrātaraste mahaujasaḥ||
Or else, O descendant of Bharata, this unbearable misfortune would not have befallen you, who are so unworthy of it and your brothers of great energy.
— tr. M.N. Dutt (1891–96) (public domain)
MBh 2 30.4
न हि तेऽध्यगमञ्जानु तदानीं नाद्य भारत। धर्मात् प्रियतरं किंचिदपि चेज्जीवितादिह॥
na hi te'dhyagamañjānu tadānīṃ nādya bhārata| dharmāt priyataraṃ kiṃcidapi cejjīvitādiha||
Neither then, nor even now, O descendant of Bharata, has anything appeared to you dearer than virtue, which is dearer to you even than your life.
— tr. M.N. Dutt (1891–96) (public domain)
MBh 2 30.5
धर्मार्थमेव ते राज्यधर्मार्थं जीवितं च ते। ब्राह्मणा गुरुवश्चैव जानन्त्यपि च देवताः॥
dharmārthameva te rājyadharmārthaṃ jīvitaṃ ca te| brāhmaṇā guruvaścaiva jānantyapi ca devatāḥ||
That your kingdom is for virtue and your life even is for virtue, is known by Brahmanas, superiors and even celestials.
— tr. M.N. Dutt (1891–96) (public domain)
MBh 2 30.6
भीमसेनार्जुनौ चोभौ माद्रेयौ च मया सह। त्यजेस्त्वमिति मे बुद्धिर्न तुधर्मं परित्यजेः॥
bhīmasenārjunau cobhau mādreyau ca mayā saha| tyajestvamiti me buddhirna tudharmaṃ parityajeḥ||
You can abandon Bhimasena, Arjuna these twin sons of Madri along with myself, I think, but you can never renounce virtue.
— tr. M.N. Dutt (1891–96) (public domain)
MBh 2 30.7
राजानंधर्मगोप्तारंधर्मो रक्षति रक्षितः। इति में श्रुतमार्याणां त्वां तु मन्ये न रक्षति॥
rājānaṃdharmagoptāraṃdharmo rakṣati rakṣitaḥ| iti meṃ śrutamāryāṇāṃ tvāṃ tu manye na rakṣati||
I have heard from elders that a king protects virtue and virtue in return protects him-but methinks it does not protect you.
— tr. M.N. Dutt (1891–96) (public domain)
MBh 2 30.8
अनन्या हि नरव्याघ्र नित्यदाधर्ममेव ते। बुद्धिः सततमन्वेतिच्छायेव पुरुषं निजा॥
ananyā hi naravyāghra nityadādharmameva te| buddhiḥ satatamanveticchāyeva puruṣaṃ nijā||
O best of men, like a shadow following a man, you with a singleness of purpose always follow virtue.
— tr. M.N. Dutt (1891–96) (public domain)
MBh 2 30.9
नावमंस्था हि सदृशान् नावराञ्छ्रेयसः कुतः। अवाप्य पृथिवीं कृत्स्नां न ते शृङ्गमवर्धत॥
nāvamaṃsthā hi sadṛśān nāvarāñchreyasaḥ kutaḥ| avāpya pṛthivīṃ kṛtsnāṃ na te śṛṅgamavardhata||
You have never disregarded your equals, inferiors and superiors; obtaining even the entire universe your pride never increased.
— tr. M.N. Dutt (1891–96) (public domain)
MBh 2 30.10
स्वाहाकारैः स्वधाभिश्च पुजाभिरपि च द्विजान्। दैवतानि पितॄश्चैव सततं पार्थ सेवसे।॥
svāhākāraiḥ svadhābhiśca pujābhirapi ca dvijān| daivatāni pitṝścaiva satataṃ pārtha sevase|||
O son of Pritha, with Yvahas and Svaddhas and other forms of worship you ever adore the Brahmanas, the celestials and the Pitris.
— tr. M.N. Dutt (1891–96) (public domain)
MBh 2 30.11
ब्राह्मणाः सर्वकामैस्ते सततं पार्थ तर्पिताः। यतयो मोक्षिणश्चैव गृहस्थाश्चैव भारत॥ भुञ्जते रुक्मपात्रीभिर्यत्राहं परिचारिका। आरण्यकेभ्यो लौहानि भाजनानि प्रयच्छसि। नादेयं ब्राह्मणेभ्यस्ते गृहे किंचन विद्यते॥
brāhmaṇāḥ sarvakāmaiste satataṃ pārtha tarpitāḥ| yatayo mokṣiṇaścaiva gṛhasthāścaiva bhārata|| bhuñjate rukmapātrībhiryatrāhaṃ paricārikā| āraṇyakebhyo lauhāni bhājanāni prayacchasi| nādeyaṃ brāhmaṇebhyaste gṛhe kiṃcana vidyate||
O son of Pritha, you have always pleased the Brahmanas by granting all their desires; the Yatis, the ascetics, the householder ascetics, have always been fed by you on golden plates where (myself) have distributed food. You always give food and gold to Vanaprasthas; there is nothing in your house which you cannot bestow upon the Brahmanas.
— tr. M.N. Dutt (1891–96) (public domain)
MBh 2 30.12
यदिदं वैश्वदेवं ते शान्तये क्रियते गृहे। तद् दत्त्वातिथिभूतेभ्यो राजञ्छिष्टेन जीवसि॥
yadidaṃ vaiśvadevaṃ te śāntaye kriyate gṛhe| tad dattvātithibhūtebhyo rājañchiṣṭena jīvasi||
Having distributed duly, O king, all to the guests in the Vishvadeva sacrifice that is solemnized in your house for your peace you live upon what remains.
— tr. M.N. Dutt (1891–96) (public domain)
MBh 2 30.13
इष्टयः पशुबन्धाश्च काम्यनैमित्तिकाश्च ये। वर्तन्ते पाकयज्ञाश्च यज्ञकर्म च नित्यदा॥
iṣṭayaḥ paśubandhāśca kāmyanaimittikāśca ye| vartante pākayajñāśca yajñakarma ca nityadā||
Ishtis, Pashubandhas, sacrifice for obtaining the gratification of desires and ordinary household ceremonies, Paka sacrifices and various other rites are daily performed in your house.
— tr. M.N. Dutt (1891–96) (public domain)
MBh 2 30.14
अस्मिन्नपि महारण्ये विजने दस्युसेविते। राष्ट्रादपेत्य वसतोधर्म स्तेनावसीदति॥
asminnapi mahāraṇye vijane dasyusevite| rāṣṭrādapetya vasatodharma stenāvasīdati||
Even in this huge solitary forest frequented by robbers, living in banishment, deprived of your kingdom your virtue has suffered no decrease.
— tr. M.N. Dutt (1891–96) (public domain)
MBh 2 30.15
अश्वमेधो राजसूयः पुण्डरीकोऽथ गोसवः। एतैरपि महायज्ञैरिष्टं ते भूरिदक्षिणैः॥
aśvamedho rājasūyaḥ puṇḍarīko'tha gosavaḥ| etairapi mahāyajñairiṣṭaṃ te bhūridakṣiṇaiḥ||
The Ashvamedha, the Rajasuya, Pundarika, the Gosava-all these great sacrifices requiring large gifts have been celebrated by you.
— tr. M.N. Dutt (1891–96) (public domain)
MBh 2 30.16
राजन् परीतया बुद्ध्या विषमेऽक्षपराजये। राज्यं वसून्यायुधानि भ्रातृन् मां चासि निर्जितः॥
rājan parītayā buddhyā viṣame'kṣaparājaye| rājyaṃ vasūnyāyudhāni bhrātṛn māṃ cāsi nirjitaḥ||
O king, by your perverse understanding, in your defeat at the gambling match you lost your kingdom, wealth, weapons your brothers and even myself.
— tr. M.N. Dutt (1891–96) (public domain)
MBh 2 30.17
ऋजोर्मदोर्वदान्यस्य ह्रीमतः सत्यवादिनः। कथमक्षव्यसनजा बुद्धिरापतिता तव॥
ṛjormadorvadānyasya hrīmataḥ satyavādinaḥ| kathamakṣavyasanajā buddhirāpatitā tava||
How could your mind, siinple, gentle, liberal, modest and truthful as you are, be drawn to the vice of gambling?
— tr. M.N. Dutt (1891–96) (public domain)
MBh 2 30.18
अतीव मोहमायाति मनश्च परिभूयते। निशाम्य ते दुःखमिदमिमां चापदमीदृशीम्॥
atīva mohamāyāti manaśca paribhūyate| niśāmya te duḥkhamidamimāṃ cāpadamīdṛśīm||
Beholding this your calamity and misfortune my sense is bewildered and mind overwhelmed.
— tr. M.N. Dutt (1891–96) (public domain)
MBh 2 30.19
अत्राप्युदाहरन्तीममितिहासं पुरातनम्। ईश्वरस्य वशे लोकास्तिष्ठन्ते नात्यनो यथा॥
atrāpyudāharantīmamitihāsaṃ purātanam| īśvarasya vaśe lokāstiṣṭhante nātyano yathā||
I shall cite here an old historical incident as an illustration that men are subject to the will of Providence and not to themselves.
— tr. M.N. Dutt (1891–96) (public domain)
MBh 2 30.20
धातैव खलु भूतानां सुखदुःखे प्रियाप्रिये। दधाति सर्वमीशानः पुरस्ताच्छुक्रमुच्चरन्॥
dhātaiva khalu bhūtānāṃ sukhaduḥkhe priyāpriye| dadhāti sarvamīśānaḥ purastācchukramuccaran||
The Lord Ishana ordains beforehand, with reference to weal and woe, happiness and misery, of all creatures like a seed.
— tr. M.N. Dutt (1891–96) (public domain)
MBh 2 30.21
यथा दारुमयी योषा नरवीर समाहिता। ईरयत्यङ्गमङ्गानि तथा राजनिमा: प्रजाः॥
yathā dārumayī yoṣā naravīra samāhitā| īrayatyaṅgamaṅgāni tathā rājanimā: prajāḥ||
O hero among men, O king, as a wooden figure is made to move its limbs by the wirepuller so are all these creatures (made to act by the lord.)
— tr. M.N. Dutt (1891–96) (public domain)
MBh 2 30.22
आकाश इव भूतानि व्याप्य सर्वाणि भारत। ईश्वरो विदधातीह कल्याणं यच्च पापकम्॥
ākāśa iva bhūtāni vyāpya sarvāṇi bhārata| īśvaro vidadhātīha kalyāṇaṃ yacca pāpakam||
O descendant of Bharata, pervading all creatures, like ethereal space the Providence ordains its happiness or misery.
— tr. M.N. Dutt (1891–96) (public domain)
MBh 2 30.23
शकुनिस्तन्तुबद्धो वा नियतोऽयमनीश्वरः। ईश्वरस्य वशे तिष्ठेन्नान्येषां नात्मनः प्रभुः॥
śakunistantubaddho vā niyato'yamanīśvaraḥ| īśvarasya vaśe tiṣṭhennānyeṣāṃ nātmanaḥ prabhuḥ||
Like a bird tied with a string all creatures depend upon God; they all live in dependence upon God not upon others; nor are they their own masters.
— tr. M.N. Dutt (1891–96) (public domain)
MBh 2 30.24
मणिः सूत्र इव प्रोतो नस्योत इव गोवृषः। स्रोतसो मध्यमापन्नः कूलाद् वृक्ष इव च्युतः॥ धातुरादेशमन्वेति तन्मयो हि तदर्पणः। आत्माधीनो मनुष्योऽयं कालं भजति कंचन॥
maṇiḥ sūtra iva proto nasyota iva govṛṣaḥ| srotaso madhyamāpannaḥ kūlād vṛkṣa iva cyutaḥ|| dhāturādeśamanveti tanmayo hi tadarpaṇaḥ| ātmādhīno manuṣyo'yaṃ kālaṃ bhajati kaṃcana||
Like a pearl set on a string, a bull tied by a rope passing through its nose or a tree fallen from the bank into the middle of a river. All creatures follow the ordinances of the Creator for they are identical with Him and live in Him; they are not subject to themselves and cannot pass an hour independently.
— tr. M.N. Dutt (1891–96) (public domain)
MBh 2 30.25
अज्ञो जन्तुरनीशोऽयमात्मनः सुखदुःखयोः। ईश्वरप्रेरितो गच्छेत् स्वर्ग नरकमेव च॥
ajño janturanīśo'yamātmanaḥ sukhaduḥkhayoḥ| īśvaraprerito gacchet svarga narakameva ca||
Ignorant as they are, creatures are not masters of their own happiness or misery; dispatched by the Providence they either go to heaven or hell.
— tr. M.N. Dutt (1891–96) (public domain)
MBh 2 30.26
यथा वायोस्तृणाचाणि वशं यान्ति बलीयसः। धातुरेवं वशं यान्ति सर्वभूतानि भारत॥
yathā vāyostṛṇācāṇi vaśaṃ yānti balīyasaḥ| dhāturevaṃ vaśaṃ yānti sarvabhūtāni bhārata||
As light straws are brought to the subjugation of the strong wind, so all creatures, O descendant of Bharata, depend upon the Creator.
— tr. M.N. Dutt (1891–96) (public domain)
MBh 2 30.27
आर्ये कर्मणि युञ्जानः पापे वा पुनरीश्वरः। व्याप्य भूतानि चरते न चायमिति लक्ष्यते॥
ārye karmaṇi yuñjānaḥ pāpe vā punarīśvaraḥ| vyāpya bhūtāni carate na cāyamiti lakṣyate||
Again, performing actions right or wrong and pervading the universe, the Lord exists but is not perceived by any (who can say) "This is God."
— tr. M.N. Dutt (1891–96) (public domain)
MBh 2 30.28
हेतुमात्रमिदंधातुः शरीरं क्षेत्रसंज्ञितम्। येन कारयते कर्म शुभाशुभफलं विभुः॥
hetumātramidaṃdhātuḥ śarīraṃ kṣetrasaṃjñitam| yena kārayate karma śubhāśubhaphalaṃ vibhuḥ||
This physical body is merely the instrument of God by which the Lord engages them in actions, the fruits of which are cither good or bad.
— tr. M.N. Dutt (1891–96) (public domain)
MBh 2 30.29
पश्य मायाप्रभावोऽयमीश्वरेण यथा कृतः। यो हन्ति भूतैर्भूतानि मोहयित्वाऽऽत्ममायया॥
paśya māyāprabhāvo'yamīśvareṇa yathā kṛtaḥ| yo hanti bhūtairbhūtāni mohayitvā''tmamāyayā||
Behold the power of the illusive energy by which he makes them kill their fellows.
— tr. M.N. Dutt (1891–96) (public domain)
MBh 2 30.30
अन्यथा परिदृष्टानि मुनिभिस्तत्त्वदर्शिभिः। अन्यथा परिवर्तन्ते वेगा इव नभस्वतः॥
anyathā paridṛṣṭāni munibhistattvadarśibhiḥ| anyathā parivartante vegā iva nabhasvataḥ||
This is seen in a different light by the sages seeing the real truths; they appear to them in a different light like the rays of the sun.
— tr. M.N. Dutt (1891–96) (public domain)
MBh 2 30.31
अन्यथैव ही मन्यन्ते पुरुषास्तानि तानि च। अन्यथैव प्रभुस्तानि करोति विकरोति च॥
anyathaiva hī manyante puruṣāstāni tāni ca| anyathaiva prabhustāni karoti vikaroti ca||
Ordinary people see all those things in a different view; the Lord create and destroy them in a different way.
— tr. M.N. Dutt (1891–96) (public domain)
MBh 2 30.32
यथा काष्ठेन वा काष्ठमश्मानं चाश्मना पुनः। अयसा चाप्ययश्छिन्द्यानिर्विचेष्टमचेतनम्॥ एवं स भगवान् देवः स्वयम्भूः प्रपितामहः। हिनस्ति भूतैर्भूतानिच्छद्म कृत्वा युधिष्ठिर॥
yathā kāṣṭhena vā kāṣṭhamaśmānaṃ cāśmanā punaḥ| ayasā cāpyayaśchindyānirviceṣṭamacetanam|| evaṃ sa bhagavān devaḥ svayambhūḥ prapitāmahaḥ| hinasti bhūtairbhūtānicchadma kṛtvā yudhiṣṭhira||
As one can break a piece of inactive senseless wood with wood, stone with stone and iron with iron. So, O Yudhishthira the Self-create, divinc Grandsire spreading his illusive energy destroys creatures, with creatures.
— tr. M.N. Dutt (1891–96) (public domain)
MBh 2 30.33
सम्प्रयोज्य वियोज्यायं कामकारकरः प्रभुः। क्रीडते भगवान् भूतैर्बालः क्रीडनकैरिव॥
samprayojya viyojyāyaṃ kāmakārakaraḥ prabhuḥ| krīḍate bhagavān bhūtairbālaḥ krīḍanakairiva||
Like a child playing with his creatures, creating and destroying them.
— tr. M.N. Dutt (1891–96) (public domain)
MBh 2 30.34
न मातृपितृवद् राजन्धाता भूतेषु वर्तते। रोषादिव प्रवृत्तोऽयं यथायमितरो जनः॥
na mātṛpitṛvad rājandhātā bhūteṣu vartate| roṣādiva pravṛtto'yaṃ yathāyamitaro janaḥ||
O king, the Providence behaves towards the creatures, like a father or mother, like an ordinary person he (sometimes) seems to be angry towards them.
— tr. M.N. Dutt (1891–96) (public domain)
MBh 2 30.35
आर्याञ्छोलवतो दृष्ट्वा ह्रीमतो वृत्तिकर्शितान्। अनार्यान् सुखिनश्चैव विह्वलामीव चिन्तया।॥
āryāñcholavato dṛṣṭvā hrīmato vṛttikarśitān| anāryān sukhinaścaiva vihvalāmīva cintayā|||
Sceing elderly, well behaved and modest persons, in distress and the vicious, in happiness, I am beside myself with thought.
— tr. M.N. Dutt (1891–96) (public domain)
MBh 2 30.36
तवेमामापदं दृष्ट्वा समृद्धिं च सुयोधने। धातारं गर्हये पार्थ विषमं योऽनुपश्यति॥
tavemāmāpadaṃ dṛṣṭvā samṛddhiṃ ca suyodhane| dhātāraṃ garhaye pārtha viṣamaṃ yo'nupaśyati||
O son of Pritha, seeing your misfortune and the prosperity of Suyodhana, I blame the Providence who sees such an inequality.
— tr. M.N. Dutt (1891–96) (public domain)
MBh 2 30.37
आर्यशास्त्रातिगे क्रूर लुब्धेधर्मापचायिनि। धार्तराष्ट्र श्रियं दत्त्वाधाता किं फलमश्नुते॥
āryaśāstrātige krūra lubdhedharmāpacāyini| dhārtarāṣṭra śriyaṃ dattvādhātā kiṃ phalamaśnute||
Conferring prosperity prosperity upon the wily avaricious of Dhritarashtra, who transgresses the sacred scriptures and injures virtue, what fruit shall the Creator reap?
— tr. M.N. Dutt (1891–96) (public domain)
MBh 2 30.38
कर्म चेत् कृतमन्वेति कर्तारं नान्यमृच्छति। कर्मणा तेन पापेन लिप्यते नूनमीश्वरः॥
karma cet kṛtamanveti kartāraṃ nānyamṛcchati| karmaṇā tena pāpena lipyate nūnamīśvaraḥ||
If the act done follows the performer then forsooth, the God himself is contaminated with the sin of every action.
— tr. M.N. Dutt (1891–96) (public domain)
MBh 2 30.39
अथ कर्म कृतं पापं न चेत् कर्तारमृच्छति। कारणं बलमेवेह जनाञ्छोचामि दुर्बलान्॥
atha karma kṛtaṃ pāpaṃ na cet kartāramṛcchati| kāraṇaṃ balameveha janāñchocāmi durbalān||
If the sin consequent upon actions does not touch the doer then the individual power is the cause and I grieve for those who are weak. son
— tr. M.N. Dutt (1891–96) (public domain)