Mahabharata — Volume II (Dutt edition) — Chapter 292
MBh 2 292.1
मार्कण्डेय उवाच एवमेतन्महाबाहो रामेणामिततेजसा। प्राप्तं व्यसनमत्युचं वनवासकृतं पुरा॥
mārkaṇḍeya uvāca evametanmahābāho rāmeṇāmitatejasā| prāptaṃ vyasanamatyucaṃ vanavāsakṛtaṃ purā||
Markandeya said: O mighty-armed one, thus, in days of old Rama of unrivalled energy had experienced such a terrible disaster owing to his being exiled in the forests.
— tr. M.N. Dutt (1891–96) (public domain)
MBh 2 292.2
मा शुचः पुरुषव्याघ्र क्षत्रियोऽसि परंतप। बाहुवीर्याश्रिते मार्गे वर्तसे दीप्तनिर्णये॥
mā śucaḥ puruṣavyāghra kṣatriyo'si paraṃtapa| bāhuvīryāśrite mārge vartase dīptanirṇaye||
O most valiant of men, do not (therefore) lament (over your misfortune); for, O tormentor of foes, you are a Kshatriya. You are journeying along the path which calls forth the prowess of arms and which is calculated to lead to sure success.
— tr. M.N. Dutt (1891–96) (public domain)
MBh 2 292.3
न हि ते वृजिनं किंचिद् वर्तते परमण्वपि। अस्मिन् मार्गे निषीदेयुः सेन्द्रा अपि सुरासुराः॥
na hi te vṛjinaṃ kiṃcid vartate paramaṇvapi| asmin mārge niṣīdeyuḥ sendrā api surāsurāḥ||
(By following this path) you have not incurred even an atom of sin. The gods together with Indra and the Asuras have (sometimes) to adopt this path.
— tr. M.N. Dutt (1891–96) (public domain)
MBh 2 292.4
संहत्य निहतो वृत्रो मरुद्भिर्वलापाणिना। नमुचिश्चैव दुर्धर्षो दीर्घजिह्वा च राक्षसी॥
saṃhatya nihato vṛtro marudbhirvalāpāṇinā| namuciścaiva durdharṣo dīrghajihvā ca rākṣasī||
(It was by adopting this path) that the wielder of the thunderbolt (Indra) together with the Marutas slew Vritra, the invincible Namuchi and the Rakshasa female Dirghajivha.
— tr. M.N. Dutt (1891–96) (public domain)
MBh 2 292.5
सहायवति सर्वार्थाः संतिष्ठन्तीह सर्वशः। किं नु तस्याजितं संख्ये यस्य भ्राता धनंजयः॥
sahāyavati sarvārthāḥ saṃtiṣṭhantīha sarvaśaḥ| kiṃ nu tasyājitaṃ saṃkhye yasya bhrātā dhanaṃjayaḥ||
In this world, he, that is backed up, has all his desires gratified. What is there that cannot be overcome by him in battle whose brother is Dhananjaya?
— tr. M.N. Dutt (1891–96) (public domain)
MBh 2 292.6
अयं च बलिनां श्रेष्ठो भीमो भीमपराक्रमः। युवानौ च महेष्वासौ वीरौ माद्रवतीसुतौ॥
ayaṃ ca balināṃ śreṣṭho bhīmo bhīmaparākramaḥ| yuvānau ca maheṣvāsau vīrau mādravatīsutau||
This Bhima of terrible prowess is the strongest of the strong; and the two youthful and heroic sons of Madravati are mighty bowmen.
— tr. M.N. Dutt (1891–96) (public domain)
MBh 2 292.7
एभिः सहायैः कस्मात् त्वं विषीदसि परंतप। य इमे वलिाणः सेनां जयेयुः समरुद्गणाम्॥
ebhiḥ sahāyaiḥ kasmāt tvaṃ viṣīdasi paraṃtapa| ya ime valiāṇaḥ senāṃ jayeyuḥ samarudgaṇām||
Why, then, O tormentor of foes, do you grieve, since you have such supporters, as are capable of vanquishing the forces of the wielder of the thunderbolt together with the Marutas?
— tr. M.N. Dutt (1891–96) (public domain)
MBh 2 292.8
त्वमप्येभिर्महेष्वासैः सहायैर्देवरूपिभिः। विजेष्यसे रणे सर्वानमित्रान् भरतर्षभ॥
tvamapyebhirmaheṣvāsaiḥ sahāyairdevarūpibhiḥ| vijeṣyase raṇe sarvānamitrān bharatarṣabha||
O best of the Bharatas, with these mighty bowmen of celestials appearance you will surely conquer in battle all your enemies.
— tr. M.N. Dutt (1891–96) (public domain)
MBh 2 292.9
इतश्च त्वमिमां पश्य सैन्धवेन बलिना वीर्यमत्तेन हृतामेभिर्महात्मभिः॥ आनीतां द्रौपदी कृष्णां कृत्वा कर्म सुदुष्करम्। जयद्रथं च राजानं विजितं वशमागतम्॥
itaśca tvamimāṃ paśya saindhavena balinā vīryamattena hṛtāmebhirmahātmabhiḥ|| ānītāṃ draupadī kṛṣṇāṃ kṛtvā karma suduṣkaram| jayadrathaṃ ca rājānaṃ vijitaṃ vaśamāgatam||
Just see, these high-minded (brothers of yours) after achieving terrible feats (of arms) have rescued this daughter of Drupada carried off by the evil-minded Saindhava puffed up with pride and power. (And they) have also vanquished and reduced to subjection king Jayadratha.
— tr. M.N. Dutt (1891–96) (public domain)
MBh 2 292.10
असहायेन रामेण वैदेही पुनराहता। हत्वा संख्ये दशग्रीवं राक्षसं भीमविक्रमम्॥
asahāyena rāmeṇa vaidehī punarāhatā| hatvā saṃkhye daśagrīvaṃ rākṣasaṃ bhīmavikramam||
Again, the princess of Videha was rescued by Rama with almost no allies after having slain in battle the terribly-powerful ten-necked.
— tr. M.N. Dutt (1891–96) (public domain)
MBh 2 292.11
दुरात्मना। यस्य शाखामृगा मित्राण्यक्षाः कालमुखास्तथा। जात्यन्तरगता राजन्नेतद् बुद्ध्यानुचिन्तय॥
durātmanā| yasya śākhāmṛgā mitrāṇyakṣāḥ kālamukhāstathā| jātyantaragatā rājannetad buddhyānucintaya||
Consider this, O king, by (the exercise of your) intelligence, that his (Rama's) only allies were the bears and the monkeys born in other orders of creation.
— tr. M.N. Dutt (1891–96) (public domain)
MBh 2 292.12
तस्मात् स त्वं कुरुश्रेष्ठ मा शुचो भरतर्षभ। त्वद्विधा हि महात्मानो न शोचन्ति परंतप॥
tasmāt sa tvaṃ kuruśreṣṭha mā śuco bharatarṣabha| tvadvidhā hi mahātmāno na śocanti paraṃtapa||
Therefore, O best of the Kurus, O most exalted of the Bharata, do not grieve over all this. O tormentor of foes, high-minded men like you never give way to sorrow.
— tr. M.N. Dutt (1891–96) (public domain)
MBh 2 292.13
वैशम्पायन उवाच एवमाश्वासितो राजा मार्कण्डेयेन धीमता। त्यक्त्वा दुःखमदीनात्मा पुनरप्येनमब्रवीत्॥
vaiśampāyana uvāca evamāśvāsito rājā mārkaṇḍeyena dhīmatā| tyaktvā duḥkhamadīnātmā punarapyenamabravīt||
Vaishampayana said : Thus consoled by the intelligent Markandeya, the large-hearted king giving up his sorrow again spoke to Markandeya.
— tr. M.N. Dutt (1891–96) (public domain)