Mahabharata — Volume II (Dutt edition) — Chapter 279
MBh 2 279.1
मार्कण्डेय उवाच सखा दशरथस्यासीज्जटायुरुणात्मजः। गृध्रराजो महावीरः सम्पातिर्यस्य सोदरः॥
mārkaṇḍeya uvāca sakhā daśarathasyāsījjaṭāyuruṇātmajaḥ| gṛdhrarājo mahāvīraḥ sampātiryasya sodaraḥ||
Markandeya said : The highly-powerful lord of the vultures, Jatayu, the son of Aruna and the brother of Sampati was a friend of Dasharatha's.
— tr. M.N. Dutt (1891–96) (public domain)
MBh 2 279.2
स ददर्श तदा सीतां रावणाङ्कगतां स्नुषाम्। सक्रोधोऽभ्यद्रवत् पक्षी रावणं राक्षसेश्वरम्॥
sa dadarśa tadā sītāṃ rāvaṇāṅkagatāṃ snuṣām| sakrodho'bhyadravat pakṣī rāvaṇaṃ rākṣaseśvaram||
(When) that bird saw his daughter-in-law in the arms of Ravana he furiously rushed against the lord of the Rakshasas.
— tr. M.N. Dutt (1891–96) (public domain)
MBh 2 279.3
अथैनमब्रवीद् गृध्रो मुञ्च मुञ्चेति मैथिलीम्। ध्रियमाणे मयि कथं हरिष्यसि निशाचर॥
athainamabravīd gṛdhro muñca muñceti maithilīm| dhriyamāṇe mayi kathaṃ hariṣyasi niśācara||
The vulture then said to him "let go the princess of Mithila; leave her. O night-ranger, how can you carry her off when I am alive?
— tr. M.N. Dutt (1891–96) (public domain)
MBh 2 279.4
न हि मे मोक्ष्यसे जीवन् यदि नोत्सृजसे वधूम्। उक्त्वैवं राक्षसेन्द्रं तं चकर्त नखरै शम्॥
na hi me mokṣyase jīvan yadi notsṛjase vadhūm| uktvaivaṃ rākṣasendraṃ taṃ cakarta nakharai śam||
If you do not release my daughter-in-law you must not escape with your life.” Saying thus, he began to pierce the lord to the Rakshasas with his claws.
— tr. M.N. Dutt (1891–96) (public domain)
MBh 2 279.5
पक्षतुण्डप्रहारैश्च शतशो जर्जरीकृतम्। चक्षार रुधिरं भूरि गिरिः प्रस्रवणैरिव॥
pakṣatuṇḍaprahāraiśca śataśo jarjarīkṛtam| cakṣāra rudhiraṃ bhūri giriḥ prasravaṇairiva||
By striking him with wings and beak several times, he (frightfully) lacerated (Ravana). And blood began to gush (out of his body) as copiously as waters from a mountain-spring.
— tr. M.N. Dutt (1891–96) (public domain)
MBh 2 279.6
स वध्यमानो गृध्रेण रामप्रियहितैषिणा। खङ्गमादाय चिच्छेद भुजौ तस्य पतत्रिणः॥
sa vadhyamāno gṛdhreṇa rāmapriyahitaiṣiṇā| khaṅgamādāya ciccheda bhujau tasya patatriṇaḥ||
Thus struck by the vulture, the well-wisher of Rama, he (Ravana) taking up his sword cut off the wings of that feathery creature.
— tr. M.N. Dutt (1891–96) (public domain)
MBh 2 279.7
निहत्य गृध्रराजं स भिन्नाभ्रशिखरोपमम्। ऊर्ध्वमाचक्रमे सीतां गृहीत्वाङ्केन राक्षसः॥
nihatya gṛdhrarājaṃ sa bhinnābhraśikharopamam| ūrdhvamācakrame sītāṃ gṛhītvāṅkena rākṣasaḥ||
Having killed that king of the vultures resembling a mountain peak penetrating through the clouds, the Rakshasa with Sita on his lap rose up (in the air).
— tr. M.N. Dutt (1891–96) (public domain)
MBh 2 279.8
यत्र यत्र तु वैदेही पश्यत्याश्रममण्डलम्। सरो वा सरितो वापि तत्र मुञ्चति भूषणम्॥
yatra yatra tu vaidehī paśyatyāśramamaṇḍalam| saro vā sarito vāpi tatra muñcati bhūṣaṇam||
Wherever the Princess of Vaidehi beheld a hermitage, a lake or a river, she threw down there an ornament.
— tr. M.N. Dutt (1891–96) (public domain)
MBh 2 279.9
सा ददर्श गिरिप्रस्थे पञ्च वानरपुङ्गवान्। तत्र वासो महद्दिव्यमुत्ससर्ज मनस्विनी॥
sā dadarśa giriprasthe pañca vānarapuṅgavān| tatra vāso mahaddivyamutsasarja manasvinī||
That intelligent lady saw on a mountainpeak five foremost of monkeys and there she threw down a highly beautiful piece of cloth.
— tr. M.N. Dutt (1891–96) (public domain)
MBh 2 279.10
तत् तेषां वानरेन्द्राणां पपात पवनोद्धतम्। मध्ये सुपीतं पञ्चानां विद्युन्मेघान्तरे यथा॥
tat teṣāṃ vānarendrāṇāṃ papāta pavanoddhatam| madhye supītaṃ pañcānāṃ vidyunmeghāntare yathā||
And like lightning (playing) among the (dark) clouds that beautiful and yellow (cloth) fluttering through the air fell down among those five (dark-coloured monkeys).
— tr. M.N. Dutt (1891–96) (public domain)
MBh 2 279.11
अचिरेणातिचक्राम खेचरः खे चरनिव। ददर्शाथ पुरीं रम्यां बहुद्वारा मनोरमाम्॥
acireṇāticakrāma khecaraḥ khe caraniva| dadarśātha purīṃ ramyāṃ bahudvārā manoramām||
Ranging through the air like a bird he (Ravana) soon cleared a great distance and beheld his beautiful and lovely city adorned with many gates,
— tr. M.N. Dutt (1891–96) (public domain)
MBh 2 279.12
प्राकारवप्रसम्बाधां निर्मितां विश्वकर्मणा। प्रविवेश पुरी लङ्कां ससीतो राक्षसेश्वरः॥
prākāravaprasambādhāṃ nirmitāṃ viśvakarmaṇā| praviveśa purī laṅkāṃ sasīto rākṣaseśvaraḥ||
Surrounded by high ramparts and built by Vishvakarma. And then the lord of the Rakshasas entered his city, Lanka, with Sita.
— tr. M.N. Dutt (1891–96) (public domain)
MBh 2 279.13
एवं हृतायां वैदेह्यां रामो हत्वा महामृगम्। निवृत्तो ददृशे धीमान् भ्रातरं लक्ष्मणं तथा॥
evaṃ hṛtāyāṃ vaidehyāṃ rāmo hatvā mahāmṛgam| nivṛtto dadṛśe dhīmān bhrātaraṃ lakṣmaṇaṃ tathā||
The princess of Videha being thus carried off, the intelligent Rama having slain the great deer on his way back met his brother Lakshmana.
— tr. M.N. Dutt (1891–96) (public domain)
MBh 2 279.14
कथमुत्सृज्य वैदेहीं वने राक्षससेविते। इति तं भ्रातरं दृष्ट्वा प्राप्तोऽसीति व्यगर्हयत्।१४॥
kathamutsṛjya vaidehīṃ vane rākṣasasevite| iti taṃ bhrātaraṃ dṛṣṭvā prāpto'sīti vyagarhayat|14||
Beholding his brother, (Rama) said to him with a rebuke "How could you leave alone the princess of Videha in the forest frequented by the Rakshasas"?
— tr. M.N. Dutt (1891–96) (public domain)
MBh 2 279.15
मृगरूपधेरणाथ रक्षसा सोऽपकर्षणम्। भ्रातुरागमनं चैव चिन्तयन् पर्यतप्यत॥
mṛgarūpadheraṇātha rakṣasā so'pakarṣaṇam| bhrāturāgamanaṃ caiva cintayan paryatapyata||
And he was greatly afflicted with grief thinking of his being allured to a great distance by the Rakshasa assuming the form of a deer and of the arrival of his brother (leaving Sita alone).
— tr. M.N. Dutt (1891–96) (public domain)
MBh 2 279.16
गर्हयन्नेव रामस्तु त्वरितस्तं समासदत्। अपि जीवति वैदेही नेति पश्यामि लक्ष्मणा॥
garhayanneva rāmastu tvaritastaṃ samāsadat| api jīvati vaidehī neti paśyāmi lakṣmaṇā||
Having quickly come upto Lakshmana whom he was still reproving, he said “O Lakshmana, is the princess of Videha still alive? I am afraid I shall see her no more."
— tr. M.N. Dutt (1891–96) (public domain)
MBh 2 279.17
तस्य तत् सर्वमाचख्यौ सीताया लक्ष्मणो वचः। यदुक्तवत्यसदृशं वैदेही पश्चिमं वचः॥
tasya tat sarvamācakhyau sītāyā lakṣmaṇo vacaḥ| yaduktavatyasadṛśaṃ vaidehī paścimaṃ vacaḥ||
Lakshmana then informed Rama of everything that Sita had said to him, especially the harsh words with which she subsequently rebuked him.
— tr. M.N. Dutt (1891–96) (public domain)
MBh 2 279.18
दह्यमानेन तु हृदा रामोऽभ्यपतदाश्रमम्। स ददर्श तदा गृधं निहतं पर्वतोपमम्॥
dahyamānena tu hṛdā rāmo'bhyapatadāśramam| sa dadarśa tadā gṛdhaṃ nihataṃ parvatopamam||
Rama then with a burning heart quickly proceeded forwards the hermitage and (on the way) he beheld the vulture, huge as mountain, in his last moments.
— tr. M.N. Dutt (1891–96) (public domain)
MBh 2 279.19
राक्षसं शङ्कमानस्तं विकृष्य बलवद् धनुः। अभ्यधावत काकुत्स्थस्ततस्तं सहलक्ष्मणः॥
rākṣasaṃ śaṅkamānastaṃ vikṛṣya balavad dhanuḥ| abhyadhāvata kākutsthastatastaṃ sahalakṣmaṇaḥ||
Suspecting him to be a Rakshasa, the descendant of Kakustha drawing his bow powerfully, rushed at him with Lakshmana.
— tr. M.N. Dutt (1891–96) (public domain)
MBh 2 279.20
स तावुवाच तेजस्वी सहितौ रामलक्ष्मणौ। गृध्रराजोऽस्मि भद्रं वां सखा दशरथस्य वै॥
sa tāvuvāca tejasvī sahitau rāmalakṣmaṇau| gṛdhrarājo'smi bhadraṃ vāṃ sakhā daśarathasya vai||
The spirited (vulture) then said to Rama and Lakshmana. “All hail to you, I am the king of the vultures and a friend of Dasharatha's."
— tr. M.N. Dutt (1891–96) (public domain)
MBh 2 279.21
तस्य तद् वचनं श्रुत्वा संगृह्य धनुषी शुभे। कोऽयं पितरमस्माकं नाम्नाऽऽहेत्यूचतुश्च तौ॥
tasya tad vacanaṃ śrutvā saṃgṛhya dhanuṣī śubhe| ko'yaṃ pitaramasmākaṃ nāmnā''hetyūcatuśca tau||
Thus addressed by him, they put their auspicious bows aside and said "who is this one that is mentioning the name of our father?”
— tr. M.N. Dutt (1891–96) (public domain)
MBh 2 279.22
ततो ददृशतुस्तौ तं छिन्नपक्षद्वयं खगम्। तयोः शशंस गृध्रस्तु सीतार्थे रावणाद् वधम्॥
tato dadṛśatustau taṃ chinnapakṣadvayaṃ khagam| tayoḥ śaśaṃsa gṛdhrastu sītārthe rāvaṇād vadham||
Then they both beheld the bird with its wings cut off; and the vulture related to him as to how he came by death while attempting to rescue Sita.
— tr. M.N. Dutt (1891–96) (public domain)
MBh 2 279.23
अपृच्छद् राघवो गृधं रावण: कां दिशं गतः। तस्य गृध्रः शिरः कम्पैराचचक्षे ममार च॥
apṛcchad rāghavo gṛdhaṃ rāvaṇa: kāṃ diśaṃ gataḥ| tasya gṛdhraḥ śiraḥ kampairācacakṣe mamāra ca||
Rama then asked the vultures as to the way taken by Ravana. But the vulture indicated it by a nod of the head and then passed away.
— tr. M.N. Dutt (1891–96) (public domain)
MBh 2 279.24
दक्षिणामिति काकुत्स्थो विदित्वास्य तदिङ्गितम्। संस्कारं लम्भयामास सखायं पूजयन् पितुः॥
dakṣiṇāmiti kākutstho viditvāsya tadiṅgitam| saṃskāraṃ lambhayāmāsa sakhāyaṃ pūjayan pituḥ||
Knowing from the sign made by the vulture that it was the south (towards which Ravana had gone) the descendant of Kakustha, out of regard for his father's friend, caused his last rites to be performed.
— tr. M.N. Dutt (1891–96) (public domain)
MBh 2 279.25
ततो दृष्ट्वाऽऽश्रमपदं व्यपविद्धबृसीमठम्। विध्वस्तकलशं शून्यं गोमायुशतसंकुलम्॥
tato dṛṣṭvā''śramapadaṃ vyapaviddhabṛsīmaṭham| vidhvastakalaśaṃ śūnyaṃ gomāyuśatasaṃkulam||
Then beholding (on their way) many hermitages, scattered all over with seats of Kusha grass and umbrellas of leaves, broken jars of water, devoid of inmates and abounding with hundreds of Jackals,
— tr. M.N. Dutt (1891–96) (public domain)
MBh 2 279.26
दुःखशोकमाविष्टौ वैदेहीहरणार्दितौ। जग्मतुर्दण्डकारण्यं दक्षिणेन परंतपौ॥
duḥkhaśokamāviṣṭau vaidehīharaṇārditau| jagmaturdaṇḍakāraṇyaṃ dakṣiṇena paraṃtapau||
Those tormentors of foes afflicted with distraction and grief at the abduction of Sita a proceeded towards the south of the forest Dandaka.
— tr. M.N. Dutt (1891–96) (public domain)
MBh 2 279.27
वने महति तस्मिंस्तु रामः सौमित्रिणा सह। ददर्श मृगयूथानि द्रवमाणानि सर्वशः॥
vane mahati tasmiṃstu rāmaḥ saumitriṇā saha| dadarśa mṛgayūthāni dravamāṇāni sarvaśaḥ||
In that great forest Rama together with the son of Sumitra (Lakshmana) saw many herds of deer flying in all directions.
— tr. M.N. Dutt (1891–96) (public domain)
MBh 2 279.28
शब्दं च घोरं सत्त्वानां दावाग्नेरिव वर्धतः। अपश्येतां मुहूर्ताच्च कबधं घोरदर्शनम्॥
śabdaṃ ca ghoraṃ sattvānāṃ dāvāgneriva vardhataḥ| apaśyetāṃ muhūrtācca kabadhaṃ ghoradarśanam||
And they heard a terrible uproar of various creatures like that which is heard during a forest-fire spreading far and wide. In a moment they saw headless trunk of terrible appearance,
— tr. M.N. Dutt (1891–96) (public domain)
MBh 2 279.29
मेघपर्वतसंकाशं शालस्कन्धं महाभुजम्। उरोगतविशालाक्षं महोदरमहामुखम्॥
meghaparvatasaṃkāśaṃ śālaskandhaṃ mahābhujam| urogataviśālākṣaṃ mahodaramahāmukham||
Dark as clouds and huge as a rock, with shoulders broad as a Shala tree, of gigantic arms, having large eyes on his breast and a large mouth situated on his capacious belly.
— tr. M.N. Dutt (1891–96) (public domain)
MBh 2 279.30
यदृच्छयाथ तद् रक्षः करे जग्राह लक्ष्मणम्। विषादमगमत् सद्यः सौमित्रिरथ भारत॥
yadṛcchayātha tad rakṣaḥ kare jagrāha lakṣmaṇam| viṣādamagamat sadyaḥ saumitriratha bhārata||
And that Rakshasa with great ease seized Lakshmana by the hand. (Thus overpowered), O Bharata, Lakshmana was instantaneously seized with dismay.
— tr. M.N. Dutt (1891–96) (public domain)
MBh 2 279.31
स राममभिसम्प्रेक्ष्य कृष्यते येन तन्मुखम्। विषण्णश्चाब्रवीद् रामं पश्यावस्थामिमां मम॥
sa rāmamabhisamprekṣya kṛṣyate yena tanmukham| viṣaṇṇaścābravīd rāmaṃ paśyāvasthāmimāṃ mama||
He, (the monster), then turning his eyes towards Rama, began to draw Lakshmana (forcibly) towards that portion of his body where his mouth was situated. And Lakshmana afflicted with grief said to Rama “look at my (sad) plight.
— tr. M.N. Dutt (1891–96) (public domain)
MBh 2 279.32
हरणं चैव वैदेह्या मम चायमुपप्लवः। राज्यभ्रंशश्च भवतस्तातस्य मरणं तथा॥
haraṇaṃ caiva vaidehyā mama cāyamupaplavaḥ| rājyabhraṃśaśca bhavatastātasya maraṇaṃ tathā||
Your exile from the kingdom, the death of our father, the loss of the princess of Videha and (lastly) this my dangerous condition have quite overpowered me.
— tr. M.N. Dutt (1891–96) (public domain)
MBh 2 279.33
नाहं त्वां सह वैदेह्या समेतं कोसलागतम्। द्रक्ष्यामि पृथिवीराज्ये पितृपैतामहे स्थितम्॥
nāhaṃ tvāṃ saha vaidehyā sametaṃ kosalāgatam| drakṣyāmi pṛthivīrājye pitṛpaitāmahe sthitam||
Alas, I shall never behold your return to Kausala with Vaidehi and your installation in the kingdom of our sire and grandsire as the ruler of the entire earth.
— tr. M.N. Dutt (1891–96) (public domain)
MBh 2 279.34
द्रक्ष्यन्त्यार्यस्य धन्या ये कुशलाजशमीदलैः। अभिषिक्तस्य वदनं सोमं शान्तघनं यथा।॥
drakṣyantyāryasya dhanyā ye kuśalājaśamīdalaiḥ| abhiṣiktasya vadanaṃ somaṃ śāntaghanaṃ yathā|||
Blessed indeed are they who will behold your face, resplendent as the moon emerged from the clouds and bathed in the coronation water sanctified with Kusha, fried paddy and black pease."
— tr. M.N. Dutt (1891–96) (public domain)
MBh 2 279.35
एवं बहुविधं धीमान् विललाप स लक्ष्मणः। तमुवाचाथ काकुत्स्थः सम्भ्रमेष्वप्यसम्भ्रमः॥
evaṃ bahuvidhaṃ dhīmān vilalāpa sa lakṣmaṇaḥ| tamuvācātha kākutsthaḥ sambhrameṣvapyasambhramaḥ||
In this strain the intelligent Lakshmana gave vent to his lamentations profusely. Then, the descendant of Kakustha, dauntless even in the very face of danger, thus spoke to him.
— tr. M.N. Dutt (1891–96) (public domain)
MBh 2 279.36
मा विषीद नरव्याघ्र नैष कश्चिन्मयि स्थिते। छिन्थ्यस्य दक्षिणं बाहुं छिन्नः सव्यो मया भुजः॥
mā viṣīda naravyāghra naiṣa kaścinmayi sthite| chinthyasya dakṣiṇaṃ bāhuṃ chinnaḥ savyo mayā bhujaḥ||
"O bravest of men, do not give way to sorrow. This (monster) can do you nothing when I am present. Cut off his right hand with sword and I shall hack his left."
— tr. M.N. Dutt (1891–96) (public domain)
MBh 2 279.37
इत्येवं वदता तस्य भुजो रामेण पातितः खड्नेन भृशतीक्ष्णेन निकृत्तस्तिलकाण्डवत्॥
ityevaṃ vadatā tasya bhujo rāmeṇa pātitaḥ khaḍnena bhṛśatīkṣṇena nikṛttastilakāṇḍavat||
While thus speaking Rama cut off his (left) hand with a sharp sword (as easily) as if it were a stalk of tila corn.
— tr. M.N. Dutt (1891–96) (public domain)
MBh 2 279.38
ततोऽस्य दक्षिणं बाहुं खङ्गेनाजनिवान् बली। सौमित्रिरपि सम्प्रेक्ष्य भ्रातरं राघवं स्थितम्॥
tato'sya dakṣiṇaṃ bāhuṃ khaṅgenājanivān balī| saumitrirapi samprekṣya bhrātaraṃ rāghavaṃ sthitam||
The heroic son of Sumitra, seeing Raghava stand by him, hacked his right hand with his sword.
— tr. M.N. Dutt (1891–96) (public domain)
MBh 2 279.39
पुनर्जघान पार्श्वे वै तद् रक्षो लक्ष्मणो भृशम्। गतासुरपतद् भूमौ कबन्धः सुमहांस्ततः॥
punarjaghāna pārśve vai tad rakṣo lakṣmaṇo bhṛśam| gatāsurapatad bhūmau kabandhaḥ sumahāṃstataḥ||
Then Lakshmana again and again smote him in his sides and the huge headless monster fell dead on the ground.
— tr. M.N. Dutt (1891–96) (public domain)
MBh 2 279.40
तस्य देहाद् विनिःसृत्य पुरुषो दिव्यदर्शनः। ददृशे दिवमास्थाय दिवि सूर्य इव ज्वलन्॥
tasya dehād viniḥsṛtya puruṣo divyadarśanaḥ| dadṛśe divamāsthāya divi sūrya iva jvalan||
Then a being of celestials appearance issued out of his body and stationing himself in the air appeared as resplendent as the sun in the heavens.
— tr. M.N. Dutt (1891–96) (public domain)
MBh 2 279.41
पप्रच्छ रामस्तं वाग्मी कस्त्वं प्रब्रूहि पृच्छतः। कामया किमिदं चित्रमाश्चर्यं प्रतिभाति मे॥
papraccha rāmastaṃ vāgmī kastvaṃ prabrūhi pṛcchataḥ| kāmayā kimidaṃ citramāścaryaṃ pratibhāti me||
Then the eloquent Rama asked him "tell me who you are. How did such a thing come about? All this appears to me highly marvellous.”
— tr. M.N. Dutt (1891–96) (public domain)
MBh 2 279.42
तस्याचचक्षे गन्धर्वो विश्वावसुरहं नृप। प्राप्तो ब्राह्मणशापेन योनि राक्षससेविताम्॥
tasyācacakṣe gandharvo viśvāvasurahaṃ nṛpa| prāpto brāhmaṇaśāpena yoni rākṣasasevitām||
To him that being replied “O king I am the Gandharva Vishvavasu. I had to assume the shape of a Rakshasa owing to an imprecation of a Brahmana.
— tr. M.N. Dutt (1891–96) (public domain)
MBh 2 279.43
रावणेन हृता सीता राज्ञा लङ्काधिवासिना। सुग्रीवमभिगच्छस्व स ते साह्यं करिष्यति॥
rāvaṇena hṛtā sītā rājñā laṅkādhivāsinā| sugrīvamabhigacchasva sa te sāhyaṃ kariṣyati||
Sita has been abducted by Ravana who lives in Lanka. Go to Sugriva who will help you (to recover her).
— tr. M.N. Dutt (1891–96) (public domain)
MBh 2 279.44
एषा पम्पा शिवजला हंसकारण्डवायुता। ऋष्यमूकस्य शैलस्य संनिकर्षे तटाकिनी॥
eṣā pampā śivajalā haṃsakāraṇḍavāyutā| ṛṣyamūkasya śailasya saṃnikarṣe taṭākinī||
In the vicinity of the (mountain) Rishyamukha there is a lake named Pampa of auspicious waters, teeming with swans and crames.
— tr. M.N. Dutt (1891–96) (public domain)
MBh 2 279.45
वसते तत्र सुग्रीवश्चतुर्भिः सचिवैः सह। भ्राता वानरराजस्य वालिनो हेममालिनः॥
vasate tatra sugrīvaścaturbhiḥ sacivaiḥ saha| bhrātā vānararājasya vālino hemamālinaḥ||
There, adorned with a golden garland dwells Sugriva, the brother of Bali, the king of monkeys, with four counsellors.
— tr. M.N. Dutt (1891–96) (public domain)
MBh 2 279.46
तेन त्वं सह संगम्य दुःखमूलं निवेदय। समानशीलो भवतः साहाय्यं स करिष्यति॥
tena tvaṃ saha saṃgamya duḥkhamūlaṃ nivedaya| samānaśīlo bhavataḥ sāhāyyaṃ sa kariṣyati||
Do you go to him and inform him of the cause of your sorrow. Being in the same predicament as you are, he will help you.
— tr. M.N. Dutt (1891–96) (public domain)
MBh 2 279.47
एतावच्छक्यमस्माभिर्वक्तुं द्रष्टासि जानकीम्। ध्रुवं वानरराजस्य विदितो रावणालयः॥
etāvacchakyamasmābhirvaktuṃ draṣṭāsi jānakīm| dhruvaṃ vānararājasya vidito rāvaṇālayaḥ||
Thus far I am able to say that you the daughter of Janaka again. It is certain that the abode of Ravana is known to the monkeyking.
— tr. M.N. Dutt (1891–96) (public domain)
MBh 2 279.48
इत्युक्त्वान्तर्हितो दिव्यः पुरुषः सह महाप्रभः। विस्मयं जग्मतुश्चोभौ प्रवीरौ रामलक्ष्मणौ॥
ityuktvāntarhito divyaḥ puruṣaḥ saha mahāprabhaḥ| vismayaṃ jagmatuścobhau pravīrau rāmalakṣmaṇau||
will see Saying this that highly resplendent celestials being vanished and the highly-powerful Rama and Lakshmana both were struck with wonder.
— tr. M.N. Dutt (1891–96) (public domain)