Mahabharata — Volume II (Dutt edition) — Chapter 276
MBh 2 276.1
मार्कण्डेय उवाच ततो ब्रह्मर्षयः सर्वे सिद्धा देवर्षयस्तथा। हव्यवाहं पुरस्कृत्य ब्रह्माणं शरणं गताः॥
mārkaṇḍeya uvāca tato brahmarṣayaḥ sarve siddhā devarṣayastathā| havyavāhaṃ puraskṛtya brahmāṇaṃ śaraṇaṃ gatāḥ||
Markandeya said : Thereupon the Brahmarshis, the Siddhas, the celestials, saints, with Havyavaha as their spokesman, sought the protection of Brahma.
— tr. M.N. Dutt (1891–96) (public domain)
MBh 2 276.2
अग्निरुवाच योऽसौ विश्रवसः पुत्रो दशग्रीवो महाबलः। अवध्यो वरदानेन कृतो भगवता पुरा॥
agniruvāca yo'sau viśravasaḥ putro daśagrīvo mahābalaḥ| avadhyo varadānena kṛto bhagavatā purā||
The highly powerful, ten-headed son of Vishrava cannot be slain for the boon, that was given him before by you.
— tr. M.N. Dutt (1891–96) (public domain)
MBh 2 276.3
स बाधते प्रजाः सर्वा विप्रकारैर्महाबलः। ततो नस्त्रातु भगवन् नान्यस्त्राता हि विद्यते॥
sa bādhate prajāḥ sarvā viprakārairmahābalaḥ| tato nastrātu bhagavan nānyastrātā hi vidyate||
The mighty powerful one is oppressing the creatures in every possible way; therefore save us, O lord; there is none else except you to save us.
— tr. M.N. Dutt (1891–96) (public domain)
MBh 2 276.4
ब्रह्मोवाच न स देवासुरैः शक्यो युद्धे जेतुं विभावसो। विहितं तत्र यत् कार्यमभितस्तस्य निग्रहः॥
brahmovāca na sa devāsuraiḥ śakyo yuddhe jetuṃ vibhāvaso| vihitaṃ tatra yat kāryamabhitastasya nigrahaḥ||
Brahma said: O Vibhavasu, he cannot slain in battle either by the celestials or the Asuras I have already ordained what is necessary for this purpose. But his death is near.
— tr. M.N. Dutt (1891–96) (public domain)
MBh 2 276.5
तदर्थमवतीर्णोऽसौ मन्नियोगाच्चतुर्भुजः। विष्णुः प्रहरतां श्रेष्ठः स तत् कर्म करिष्यति।॥
tadarthamavatīrṇo'sau manniyogāccaturbhujaḥ| viṣṇuḥ praharatāṃ śreṣṭhaḥ sa tat karma kariṣyati|||
For this purpose and at my command the four-headed god has already been incarnated; Vishnu, the foremost of repressors, shall accomplish this.
— tr. M.N. Dutt (1891–96) (public domain)
MBh 2 276.6
मार्कण्डेय उवाच पितामहस्ततस्तेषां संनिधौ शक्रमब्रवीत्। सर्वैर्दवगणैः सार्धं सम्भव त्वं महीतले॥
mārkaṇḍeya uvāca pitāmahastatasteṣāṃ saṃnidhau śakramabravīt| sarvairdavagaṇaiḥ sārdhaṃ sambhava tvaṃ mahītale||
In their presence then the Grandfather said to Shakra, “You also take your birth on earth, with all these celestials.
— tr. M.N. Dutt (1891–96) (public domain)
MBh 2 276.7
विष्णोः सहायानृक्षीषु वानरीषु च सर्वशः। जनयध्वं सुतान् वीरान् कामरूपबलान्वितान्॥
viṣṇoḥ sahāyānṛkṣīṣu vānarīṣu ca sarvaśaḥ| janayadhvaṃ sutān vīrān kāmarūpabalānvitān||
You all beget on monkeys and bears heroic and powerful sons capable of assuring forms at will to help Vishnu."
— tr. M.N. Dutt (1891–96) (public domain)
MBh 2 276.8
ततो भागानुभागेन देवगन्धर्वपन्नगाः। अवतर्तुं महीं सर्वे मन्त्रयामासुरञ्जसा॥
tato bhāgānubhāgena devagandharvapannagāḥ| avatartuṃ mahīṃ sarve mantrayāmāsurañjasā||
At this, the celestial, the Gandharvas and the Danavas quickly assembled to consult as to how they should he born on earth according to their respective parts.
— tr. M.N. Dutt (1891–96) (public domain)
MBh 2 276.9
तेषां समक्षं गन्धर्वी दुन्दुभी नाम नामतः। शशास वरदो देवो गच्छ कार्यार्थसिद्धये॥
teṣāṃ samakṣaṃ gandharvī dundubhī nāma nāmataḥ| śaśāsa varado devo gaccha kāryārthasiddhaye||
In their presence the Deity, conferring boons commanded a Gandharvi named Dundubhi saying, “Go there for accomplishing this object.”
— tr. M.N. Dutt (1891–96) (public domain)
MBh 2 276.10
पितामहवचः श्रुत्वा गन्धर्वी दुन्दुभी ततः। मन्थरा मानुषे लोके कुब्जा समभवत् तदा॥
pitāmahavacaḥ śrutvā gandharvī dundubhī tataḥ| mantharā mānuṣe loke kubjā samabhavat tadā||
Hearing the words of Grandfather, Dundubhi became born on earth as the haunchbacked Manthara.
— tr. M.N. Dutt (1891–96) (public domain)
MBh 2 276.11
शक्रप्रभृतयश्चैव सर्वे ते सुरसत्तमाः। वानरक्षवरस्त्रीषु जनयामासुरात्मजान्॥
śakraprabhṛtayaścaiva sarve te surasattamāḥ| vānarakṣavarastrīṣu janayāmāsurātmajān||
And all the leading celestial, Shakra and others begot offspring on the wives of the foremost of monkeys and bears.
— tr. M.N. Dutt (1891–96) (public domain)
MBh 2 276.12
तेऽन्ववर्तन् पितृन् सर्वे यशसा च बलेन च। भेत्तारो गिरिशृङ्गाणां शालतालशिलायुधाः॥
te'nvavartan pitṛn sarve yaśasā ca balena ca| bhettāro giriśṛṅgāṇāṃ śālatālaśilāyudhāḥ||
They all took after their fathers, in strength and fame; they were capable of breaking down mountain summits and their weapons were trees of Shala and Tala.
— tr. M.N. Dutt (1891–96) (public domain)
MBh 2 276.13
वलासंहननाः सर्वे सर्वे चौघबलास्तथा। कामवीर्यबलाश्चैव सर्वे युद्धविशारदाः॥ वनौकसः॥
valāsaṃhananāḥ sarve sarve caughabalāstathā| kāmavīryabalāścaiva sarve yuddhaviśāradāḥ|| vanaukasaḥ||
Their bodies were as hard as adamant and they were all endued with very great strength; they were all skilled in the art of warfare and could summon any amount of strength at their will.
— tr. M.N. Dutt (1891–96) (public domain)
MBh 2 276.14
नागायुतसमप्राणा वायुवेगसमा जवे। यत्रेच्छकनिवासाश्च केचिदत्र
nāgāyutasamaprāṇā vāyuvegasamā jave| yatrecchakanivāsāśca kecidatra
They were gifted with the strength of an Ayuta elephants and were like the wind in speed; some of them lived wherever they liked; others lived in woods.
— tr. M.N. Dutt (1891–96) (public domain)
MBh 2 276.15
एवं विधाय तत् सर्वं भगवाँल्लोकभावनः। मन्थरां बोधयामास यद् यत् कार्यं यथा यथा॥
evaṃ vidhāya tat sarvaṃ bhagavā~llokabhāvanaḥ| mantharāṃ bodhayāmāsa yad yat kāryaṃ yathā yathā||
Having ordained all this the worshipful creator instructed Manthara as to what she should do.
— tr. M.N. Dutt (1891–96) (public domain)
MBh 2 276.16
सा तद्वचः समाज्ञाय तथा चक्रे मनोजवा। इतश्चेतश्च गच्छन्ती वैरसन्धुक्षणे रता॥
sā tadvacaḥ samājñāya tathā cakre manojavā| itaścetaśca gacchantī vairasandhukṣaṇe ratā||
Understanding his words she, quick as thought, did accordingly. She moved about here and there fanning quarrels.
— tr. M.N. Dutt (1891–96) (public domain)