Mahabharata — Volume II (Dutt edition) — Chapter 275
MBh 2 275.1
मार्कण्डेय उवाच पुलस्त्यस्य तु यः क्रोधादर्धदेहोऽभवन्मुनिः। विश्रवा नाम सक्रोधः स वैश्रवणमैक्षत॥
mārkaṇḍeya uvāca pulastyasya tu yaḥ krodhādardhadeho'bhavanmuniḥ| viśravā nāma sakrodhaḥ sa vaiśravaṇamaikṣata||
Markandeya said : The ascetic Vishrava, who was begotten of the half body of Pulastya, with great anger began to look upon Vaishravana.
— tr. M.N. Dutt (1891–96) (public domain)
MBh 2 275.2
बुबुधे तं तु सक्रोधं पितरं राक्षसेश्वरः। कुबेरस्तत्प्रसादार्थं यतते स्म सदा नृप॥
bubudhe taṃ tu sakrodhaṃ pitaraṃ rākṣaseśvaraḥ| kuberastatprasādārthaṃ yatate sma sadā nṛpa||
Knowing that his sire was angry with him, Kubera, the lord of Rakshasas, always tried to please him, O king.
— tr. M.N. Dutt (1891–96) (public domain)
MBh 2 275.3
स राजराजो लङ्कायां न्यवसन्नरवाहनः। राक्षसीः प्रददौ तिस्रः पितुर्वै परिचारिकाः॥
sa rājarājo laṅkāyāṃ nyavasannaravāhanaḥ| rākṣasīḥ pradadau tisraḥ piturvai paricārikāḥ||
Living in Lanka that king of kings, borne on the shoulders of men, sent three Rakshasis to wait upon his father.
— tr. M.N. Dutt (1891–96) (public domain)
MBh 2 275.4
ताः सदा तं महात्मानं संतोषयितुमुद्यताः। ऋषि भरतशार्दूल नृत्यगीतविशारदाः॥
tāḥ sadā taṃ mahātmānaṃ saṃtoṣayitumudyatāḥ| ṛṣi bharataśārdūla nṛtyagītaviśāradāḥ||
O foremost of the Bharata, they, well-versed in the art of singing and dancing, always engaged in encompassing the pleasure of the high-souled Rishi.
— tr. M.N. Dutt (1891–96) (public domain)
MBh 2 275.5
पुष्पोत्कटा च राका च मालिनी च विशाम्पते। अन्योन्यस्पर्धया राजन् श्रेयस्कामाः सुमध्यमाः॥
puṣpotkaṭā ca rākā ca mālinī ca viśāmpate| anyonyaspardhayā rājan śreyaskāmāḥ sumadhyamāḥ||
O lord of the world, O king, Pushpotkata and Raka and Malini, slender waisted, vied with one another in pleasing him.
— tr. M.N. Dutt (1891–96) (public domain)
MBh 2 275.6
स तासां भगवांस्तुष्टो महात्मा प्रददौ वरान्। लोकपालोपमान् पुत्रानेकैकस्या यथेप्सितान्॥
sa tāsāṃ bhagavāṃstuṣṭo mahātmā pradadau varān| lokapālopamān putrānekaikasyā yathepsitān||
Being pleased with them, the high-souled sage conferred boons on them-and on each of them sons like Lokapalas according to their desire.
— tr. M.N. Dutt (1891–96) (public domain)
MBh 2 275.7
पुष्पोत्कटायां जज्ञाते द्वौ पुत्रौ राक्षसेश्वरौ। कुम्भकर्णदशग्रीवौ बलेनाप्रतिमौ भुवि॥
puṣpotkaṭāyāṃ jajñāte dvau putrau rākṣaseśvarau| kumbhakarṇadaśagrīvau balenāpratimau bhuvi||
He begot on Pushpotkata two sons, the lords of the Rakshasas, Kumbhakarna and the tenheaded (Ravana) both unequalled in prowess on earth.
— tr. M.N. Dutt (1891–96) (public domain)
MBh 2 275.8
मालिनी जनयामास पुत्रमेकं विभीषणम्। राकायां मिथुनं जज्ञे खरः शूर्पणखा तथा॥
mālinī janayāmāsa putramekaṃ vibhīṣaṇam| rākāyāṃ mithunaṃ jajñe kharaḥ śūrpaṇakhā tathā||
On Malini he begot one son named Vibhishana; on Raka he begot one son and one daughter named Khara and Shurpanakha.
— tr. M.N. Dutt (1891–96) (public domain)
MBh 2 275.9
विभीषणस्तु रूपेण सर्वेभ्योऽभ्यधिकोऽभवत्। स बभूव महाभागो धर्मगोप्ता क्रियारतिः॥
vibhīṣaṇastu rūpeṇa sarvebhyo'bhyadhiko'bhavat| sa babhūva mahābhāgo dharmagoptā kriyāratiḥ||
In beauty Vibhishana surpassed them all; he grew very pious and used to perform rites.
— tr. M.N. Dutt (1891–96) (public domain)
MBh 2 275.10
दशग्रीवस्तु सर्वेषां श्रेष्ठो राक्षसपुङ्गवः। महोत्साहो महावीर्यो महासत्त्वपराक्रमः॥
daśagrīvastu sarveṣāṃ śreṣṭho rākṣasapuṅgavaḥ| mahotsāho mahāvīryo mahāsattvaparākramaḥ||
That foremost of Rakshasas, the ten-headed (Ravana) became the greatest of them all; highly energetic, powerful and gifted with great strength and prowess.
— tr. M.N. Dutt (1891–96) (public domain)
MBh 2 275.11
कुम्भकर्णो बलेनासीत् सर्वेभ्योऽभ्यधिको युधि। मायावी रणशौण्डश्च रौद्रश्च रजनीचरः॥
kumbhakarṇo balenāsīt sarvebhyo'bhyadhiko yudhi| māyāvī raṇaśauṇḍaśca raudraśca rajanīcaraḥ||
The Rakshasa Kumbhakarna was the most powerful in battle; he was fierce, terrible and a perfect master of the arts of illustration.
— tr. M.N. Dutt (1891–96) (public domain)
MBh 2 275.12
खरो धनुषि विक्रान्तो ब्रह्मविट् पिशिताशनः। सिद्धविघ्नकरी चापि रौद्री शूर्पणाखा तथा॥
kharo dhanuṣi vikrānto brahmaviṭ piśitāśanaḥ| siddhavighnakarī cāpi raudrī śūrpaṇākhā tathā||
Khara was proficient in archery, inimical towards Brahmanas and used to eat flesh; Shurpanakha used always to put impediments in the performance of ascetic observances.
— tr. M.N. Dutt (1891–96) (public domain)
MBh 2 275.13
सर्वे वेदविदः शूराः सर्वे सुचरितव्रताः। ऊषुः पित्रा सह रता गन्धमादनपर्वते॥
sarve vedavidaḥ śūrāḥ sarve sucaritavratāḥ| ūṣuḥ pitrā saha ratā gandhamādanaparvate||
All those heroes, well-versed in the Vedas and intent on the performance of religious rites, lived with their father in the Gandhamadana mountain.
— tr. M.N. Dutt (1891–96) (public domain)
MBh 2 275.14
ततो वैश्रवणं तत्र ददृशुर्नरवाहनम्। पित्रा सार्धं समासीनमृद्ध्या परमया युतम्॥
tato vaiśravaṇaṃ tatra dadṛśurnaravāhanam| pitrā sārdhaṃ samāsīnamṛddhyā paramayā yutam||
There they saw Vaishravana seated with their father possessed of wealth and carried by men.
— tr. M.N. Dutt (1891–96) (public domain)
MBh 2 275.15
जातामर्षास्ततस्ते तु तपसे धृतनिश्चयाः। ब्रह्माणं तोषयामासुघरिण तपसा तदा॥
jātāmarṣāstataste tu tapase dhṛtaniścayāḥ| brahmāṇaṃ toṣayāmāsughariṇa tapasā tadā||
Possessed by jealousy they made up their mind to perform devout penances; and they pleased Brahma with severest ascetic penances.
— tr. M.N. Dutt (1891–96) (public domain)
MBh 2 275.16
अतिष्ठदेकपादेन सहस्रं परिवत्सरान्। वायुभक्षो दशग्रीवः पञ्चाग्निः सुसमाहितः॥
atiṣṭhadekapādena sahasraṃ parivatsarān| vāyubhakṣo daśagrīvaḥ pañcāgniḥ susamāhitaḥ||
Subsisting on air only surrounded by five sacred fires and engaged in meditation the tenheaded Ravana remained standing on one leg for a thousand years.
— tr. M.N. Dutt (1891–96) (public domain)
MBh 2 275.17
अध:शायी कुम्भकर्णो यताहारो यतव्रतः। विभीषणः शीर्णपर्णमेकमभ्यवहारयन्॥ उपवासरतिर्धीमान् सदा जप्यपरायणः। तमेव कालमातिष्ठत् तीव्र तप उदारधीः॥
adha:śāyī kumbhakarṇo yatāhāro yatavrataḥ| vibhīṣaṇaḥ śīrṇaparṇamekamabhyavahārayan|| upavāsaratirdhīmān sadā japyaparāyaṇaḥ| tameva kālamātiṣṭhat tīvra tapa udāradhīḥ||
Lying down on earth and with restricted diet Kumbhakarna was engaged in penances; the wise and noble Vibhishana, fasting and living on dry leaves, engaged in meditation and practised devout penances for as long a period.
— tr. M.N. Dutt (1891–96) (public domain)
MBh 2 275.18
खरः शूर्पणखा चैव तेषां वै तप्यतां तपः। परिचर्यां च रक्षां च चक्रतुर्हष्टमानसौ॥
kharaḥ śūrpaṇakhā caiva teṣāṃ vai tapyatāṃ tapaḥ| paricaryāṃ ca rakṣāṃ ca cakraturhaṣṭamānasau||
Khara and Shurpanakha with delighted hearts waited upon and protected them who were thus engaged in devout penances.
— tr. M.N. Dutt (1891–96) (public domain)
MBh 2 275.19
पूर्णे वर्षसहस्रे तु शिरश्छित्त्वा दशाननः। जुहोत्यग्नौ दुराधर्षस्तेनातुष्यज्जगत्प्रभुः॥
pūrṇe varṣasahasre tu śiraśchittvā daśānanaḥ| juhotyagnau durādharṣastenātuṣyajjagatprabhuḥ||
After the completion of a thousand years the invincible ten-headed, cutting off his ten heads, made them an offering to the sacred fire. The Lord of the universe was pleased with this act.
— tr. M.N. Dutt (1891–96) (public domain)
MBh 2 275.20
ततो ब्रह्मा स्वयं गत्वा तपसस्तान् न्यवारयत्। प्रलोभ्य वरदानेन सर्वानेव पृथक् पृथक्॥
tato brahmā svayaṃ gatvā tapasastān nyavārayat| pralobhya varadānena sarvāneva pṛthak pṛthak||
Thereupon Brahma, going there himself, made them desist from ascetic observances by promising to confer upon each one of them boons separately.
— tr. M.N. Dutt (1891–96) (public domain)
MBh 2 275.21
ब्रह्मोवाच प्रीतोऽस्मि वो निवर्तध्वं वरान् वृणुत पुत्रकाः। यद् यदिष्टमृते त्वेकममरत्वं तथास्तु तत्॥
brahmovāca prīto'smi vo nivartadhvaṃ varān vṛṇuta putrakāḥ| yad yadiṣṭamṛte tvekamamaratvaṃ tathāstu tat||
Brahma said: I am pleased with you, desist, O sons and pray for boons; all your desires, with the exception of immortality only, will be fulfilled.
— tr. M.N. Dutt (1891–96) (public domain)
MBh 2 275.22
यद् यदग्नौ हुतं सर्वं शिरस्ते महदीप्सया। तथैव तानि ते देहे भविष्यन्ति यथेप्सया॥
yad yadagnau hutaṃ sarvaṃ śiraste mahadīpsayā| tathaiva tāni te dehe bhaviṣyanti yathepsayā||
As you have given your heads to fire from great ambition, they will again adorn your body as before, according to your desire.
— tr. M.N. Dutt (1891–96) (public domain)
MBh 2 275.23
वैरूप्यं च न ते देहे कामरूपधरस्तथा। भविष्यसि रणेऽरीणां विजेता न च संशयः॥
vairūpyaṃ ca na te dehe kāmarūpadharastathā| bhaviṣyasi raṇe'rīṇāṃ vijetā na ca saṃśayaḥ||
There will be no disfigurement in your person; you shall be able to assume any person according to your desire, you shall always vanquish your enemies in battle.
— tr. M.N. Dutt (1891–96) (public domain)
MBh 2 275.24
रावण उवाच गन्धर्वदेवासुरतो यक्षराक्षसतस्तथा। सर्पकिन्नरभूतेभ्यो न मे भूयात् पराभवः॥
rāvaṇa uvāca gandharvadevāsurato yakṣarākṣasatastathā| sarpakinnarabhūtebhyo na me bhūyāt parābhavaḥ||
Ravana said: May I never meet with defeat at the hands of Gandharvas, celestials, Kinnaras Asuras, Yakshas, Rakshasas, Nagas and all other creatures.
— tr. M.N. Dutt (1891–96) (public domain)
MBh 2 275.25
ब्रह्मोवाच य एते कीर्तिताः सर्वे न तेभ्योऽस्ति भयं तव। ऋते मनुष्याद् भद्रं ते तथा तद् विहितं मया।॥
brahmovāca ya ete kīrtitāḥ sarve na tebhyo'sti bhayaṃ tava| ṛte manuṣyād bhadraṃ te tathā tad vihitaṃ mayā|||
Brahma said: You shall have no fear from those of whom you have mentioned except from men; may good betide you, this has been ordained by me.
— tr. M.N. Dutt (1891–96) (public domain)
MBh 2 275.26
मार्कण्डेय उवाच एवमुक्तो दशग्रीवस्तुष्टः समभवत् तदा। अवमेने हि दुर्बुद्धिर्मनुष्यान् पुरुषादकः॥
mārkaṇḍeya uvāca evamukto daśagrīvastuṣṭaḥ samabhavat tadā| avamene hi durbuddhirmanuṣyān puruṣādakaḥ||
Markandeya said : Thus accosted the ten headed Ravana was greatly delighted; on account of his perverted understanding, the man-eating (demon) disregarded human beings.
— tr. M.N. Dutt (1891–96) (public domain)
MBh 2 275.27
कुम्भकर्णमथोवाच तथैव प्रपितामहः। स वढे महतीं निद्रां तमसा चस्तचेतनः॥
kumbhakarṇamathovāca tathaiva prapitāmahaḥ| sa vaḍhe mahatīṃ nidrāṃ tamasā castacetanaḥ||
In the same way the grandfather addressed Kumbhakarna also; his reason being clouded by darkness he prayed for long lasting sleep.
— tr. M.N. Dutt (1891–96) (public domain)
MBh 2 275.28
तथा भविष्यतीत्युक्त्वा विभीषणमुवाच ह। वरं वृष्णीष्व पुत्र त्वं प्रीतोऽस्मीति पुनः पुनः॥
tathā bhaviṣyatītyuktvā vibhīṣaṇamuvāca ha| varaṃ vṛṣṇīṣva putra tvaṃ prīto'smīti punaḥ punaḥ||
Saying "So it shall be" he said to Vibhishana, “pray for a boon, O my son, I have been repeatedly pleased with you."
— tr. M.N. Dutt (1891–96) (public domain)
MBh 2 275.29
विभीषण उवाच परमापद्गतस्यापि नाधर्मे मे मतिर्भवेत्। अशिक्षितं च भगवन् ब्रह्मास्त्रं प्रतिभातु मे॥
vibhīṣaṇa uvāca paramāpadgatasyāpi nādharme me matirbhavet| aśikṣitaṃ ca bhagavan brahmāstraṃ pratibhātu me||
Vibhishana said: Even in great calamity may I have no inclination for impiety; ignorant, as I am, O lord, may the light of divine knowledge appear before me.
— tr. M.N. Dutt (1891–96) (public domain)
MBh 2 275.30
ब्रह्मोवाच यस्माद् राक्षसयोनौ ते जातस्यामित्रकर्शन्। नाधर्मे धीयते बुद्धिरमरत्वं ददानि ते॥
brahmovāca yasmād rākṣasayonau te jātasyāmitrakarśan| nādharme dhīyate buddhiramaratvaṃ dadāni te||
Brahma said : O repressor of your enemies, as your mind is not inclined to impiety, although you are born as a Rakshasas, I grant you immortality.
— tr. M.N. Dutt (1891–96) (public domain)
MBh 2 275.31
मार्कण्डेय उवाच राक्षसस्तु वरं लब्ध्वा दशग्रीवो विशाम्पते। लङ्कायाश्च्यावयामास युधि जित्वा धनेश्वरम्॥
mārkaṇḍeya uvāca rākṣasastu varaṃ labdhvā daśagrīvo viśāmpate| laṅkāyāścyāvayāmāsa yudhi jitvā dhaneśvaram||
Markandeya said : Having obtained this boon, the ten-headed Ravana defeated Kubera in battle and wrested from him the sovereignty of Lanka.
— tr. M.N. Dutt (1891–96) (public domain)
MBh 2 275.32
हित्वा स भगवाँल्लङ्कामाविशद् गन्धमादनम्। गन्धर्वयक्षानुगतो रक्षःकिम्पुरुषैः सह॥
hitvā sa bhagavā~llaṅkāmāviśad gandhamādanam| gandharvayakṣānugato rakṣaḥkimpuruṣaiḥ saha||
That Divine one leaving Lanka and followed by Gandharva, Yakshas, Rakshasas and Kinnaras went to live on the mor atain Gandhamadana.
— tr. M.N. Dutt (1891–96) (public domain)
MBh 2 275.33
विमानं पुष्पकं तस्य जहाराक्रम्य रावणः। शशाप तं वैश्रवणो न त्वामेतद् वहिष्यति॥
vimānaṃ puṣpakaṃ tasya jahārākramya rāvaṇaḥ| śaśāpa taṃ vaiśravaṇo na tvāmetad vahiṣyati||
By force Ravana took from him the chariot Pushpaka. Vaishravana then cursed him, “This will not carry you;
— tr. M.N. Dutt (1891–96) (public domain)
MBh 2 275.34
यस्तु त्वां समरे हन्ता तमेवैतद् वहिष्यति। अवमन्य गुरुं मां च क्षिप्रं त्वं न भविष्यसि॥
yastu tvāṃ samare hantā tamevaitad vahiṣyati| avamanya guruṃ māṃ ca kṣipraṃ tvaṃ na bhaviṣyasi||
It will carry him who will kill you in battle; as you have insulted me who am your adorable, you shall soon die.”
— tr. M.N. Dutt (1891–96) (public domain)
MBh 2 275.35
विभीषणस्तु धर्मात्मा सतां मार्गमनुस्मरन्। अन्वगच्छन्महाराज श्रिया परमया युतः॥
vibhīṣaṇastu dharmātmā satāṃ mārgamanusmaran| anvagacchanmahārāja śriyā paramayā yutaḥ||
Always wending the way of the pious, those virtuous-souled Vibhishana, endued with great glory, followed him, O great king.
— tr. M.N. Dutt (1891–96) (public domain)
MBh 2 275.36
तस्मै स भगवांस्तुष्टो भ्राता भ्रात्रे धनेश्वरः। सैनापत्यं ददौ धीमान् यक्षराक्षससेनयोः॥
tasmai sa bhagavāṃstuṣṭo bhrātā bhrātre dhaneśvaraḥ| saināpatyaṃ dadau dhīmān yakṣarākṣasasenayoḥ||
Then pleased with his younger brother, the Divine king of wealth, conferred upon him the command of the Yaksha and Rakshasa hosts.
— tr. M.N. Dutt (1891–96) (public domain)
MBh 2 275.37
राक्षसाः पुरुषादाश्च पिशाचाश्च महाबलाः। सर्वे समेत्य राजानमभ्यषिञ्चन् दशाननम्॥
rākṣasāḥ puruṣādāśca piśācāśca mahābalāḥ| sarve sametya rājānamabhyaṣiñcan daśānanam||
The man-eating and highly powerful Rakshasas and Pishachas, having assembled together, installed the ten-headed Ravana as their king.
— tr. M.N. Dutt (1891–96) (public domain)
MBh 2 275.38
दशग्रीवश्च दैत्यानां देवानां च बलोत्कटः। आक्रम्य रत्नान्यहरत् कामरूपी विहङ्गमः॥
daśagrīvaśca daityānāṃ devānāṃ ca balotkaṭaḥ| ākramya ratnānyaharat kāmarūpī vihaṅgamaḥ||
The terribly powerful, ten-headed (Ravana) assuming form at will and capable of going through the sky, attacked the gods and demons and took away by force from them their valuable property.
— tr. M.N. Dutt (1891–96) (public domain)
MBh 2 275.39
रावयामास लोकान् यत् तस्माद्रावण उच्यते। दशग्रीवः कामबलो देवानां भयमादधत्॥
rāvayāmāsa lokān yat tasmādrāvaṇa ucyate| daśagrīvaḥ kāmabalo devānāṃ bhayamādadhat||
Because he had terrified all creatures he was called Ravana. And the ten-headed demon, capable of having any might at will, struck terror even to the very gods.
— tr. M.N. Dutt (1891–96) (public domain)