Mahabharata — Volume II (Dutt edition) — Chapter 271
MBh 2 271.1
वैशम्पायन उवाच संतिष्ठत प्रहरत तूर्णं विपरिधावत। इति स्म सैन्धवो राजा चोदयामास तान् नृपान्॥
vaiśampāyana uvāca saṃtiṣṭhata praharata tūrṇaṃ viparidhāvata| iti sma saindhavo rājā codayāmāsa tān nṛpān||
Vaishampayana said: In the interval, the king of Sindhu was commanding the princes saying, “Halt, strike, march quick."
— tr. M.N. Dutt (1891–96) (public domain)
MBh 2 271.2
ततो घोरतमः शब्दो रणे समभवत् तदा। भीमार्जुनयमान् दृष्ट्वा सैन्यानां सयुधिष्ठिरान्॥
tato ghoratamaḥ śabdo raṇe samabhavat tadā| bhīmārjunayamān dṛṣṭvā sainyānāṃ sayudhiṣṭhirān||
Then there arose a dreadful noise in the encounter when the soldiers saw, Bhima, Arjuna and the twin brothers with Yudhishthira.
— tr. M.N. Dutt (1891–96) (public domain)
MBh 2 271.3
शिबिसौवीरसिन्धूनां विषादश्चाप्यजायत। तान् दृष्ट्वा पुरुषव्याघ्रान् व्याघ्रानिव बलोत्कटान्॥
śibisauvīrasindhūnāṃ viṣādaścāpyajāyata| tān dṛṣṭvā puruṣavyāghrān vyāghrāniva balotkaṭān||
Seeing those powerful heroes like dreadful tigers the heroes of Shibi, Sauvira and Sindhu tribes lost heart.
— tr. M.N. Dutt (1891–96) (public domain)
MBh 2 271.4
हेमचित्रसमुत्सेधां सर्वशैक्यायसीं गदाम्। प्रगृह्याभ्यद्रवद् भीम: सैन्धवं कालचोदितम्॥
hemacitrasamutsedhāṃ sarvaśaikyāyasīṃ gadām| pragṛhyābhyadravad bhīma: saindhavaṃ kālacoditam||
Then armed with a mace made entirely of Shaikya iron and coated with gold, Bhimasena rushed towards the Saindhava king doomed to death.
— tr. M.N. Dutt (1891–96) (public domain)
MBh 2 271.5
तदन्तरमथावृत्य कोटिकास्योऽभ्यहारयत्। महता रथवंशेन परिवार्य वृकोदरम्॥
tadantaramathāvṛtya koṭikāsyo'bhyahārayat| mahatā rathavaṃśena parivārya vṛkodaram||
Thereupon quickly encircling Vrikodara with mighty charioteers Kotikasya interposed between and separated the combatants.
— tr. M.N. Dutt (1891–96) (public domain)
MBh 2 271.6
शक्तितोमरनाराचैर्वीरबाहुप्रचोदितैः। कीर्यमाणोऽपि बहुभिर्न स्म भीमोऽभ्यकम्पत॥
śaktitomaranārācairvīrabāhupracoditaiḥ| kīryamāṇo'pi bahubhirna sma bhīmo'bhyakampata||
And although assailed by many clubs and iron shafts hurled at him by the mighty arms of hostile heroes, Bhima did not waver for a moment.
— tr. M.N. Dutt (1891–96) (public domain)
MBh 2 271.7
गजं तु सगजारोहं पदातींश्च चतुर्दश। जघान गदया भीमः सैन्धवध्वजिनीमुखे॥
gajaṃ tu sagajārohaṃ padātīṃśca caturdaśa| jaghāna gadayā bhīmaḥ saindhavadhvajinīmukhe||
But he slew, with mace, an elephant with its driver and fourteen foot-soldiers fighting in front of a Jayadratha's chariot.
— tr. M.N. Dutt (1891–96) (public domain)
MBh 2 271.8
पार्थः पञ्च शतान् शूरान् पर्वतीयान् महारथान्। परीप्समानः सौवीरं जघान ध्वजिनीमुखे॥
pārthaḥ pañca śatān śūrān parvatīyān mahārathān| parīpsamānaḥ sauvīraṃ jaghāna dhvajinīmukhe||
Wishing to seize the Sauvira king, Partha too killed five hundred brave mountaineers fighting in the van of the Sindhu army.
— tr. M.N. Dutt (1891–96) (public domain)
MBh 2 271.9
राजा स्वयं सुवीराणां प्रवराणां प्रहारिणाम्। निमेषमात्रेण शतं जघान समरे तदा॥
rājā svayaṃ suvīrāṇāṃ pravarāṇāṃ prahāriṇām| nimeṣamātreṇa śataṃ jaghāna samare tadā||
In the twinkling of an eye the king himself destroyed, in that encounter, the flowers of the Sauviras.
— tr. M.N. Dutt (1891–96) (public domain)
MBh 2 271.10
ददृशे नकुलस्तत्र स्थात् प्रस्कन्ध खड्गधृक्। शिरांसि पादरक्षाणां बीजवत् प्रवपन् मुहुः॥
dadṛśe nakulastatra sthāt praskandha khaḍgadhṛk| śirāṃsi pādarakṣāṇāṃ bījavat pravapan muhuḥ||
And Nakula was seen there coming down from the chariot, with a sword in hand and scattering in no time the heads of the battalions fighting on the rear like a cultivator sowing seeds.
— tr. M.N. Dutt (1891–96) (public domain)
MBh 2 271.11
सहदेवस्तु संयाय रथेन गजयोधिनः। पातयामास नाराचैर्दुमेभ्य इव बर्हिणः॥
sahadevastu saṃyāya rathena gajayodhinaḥ| pātayāmāsa nārācairdumebhya iva barhiṇaḥ||
From his chariot, Sahadeva began to cut down with his iron arrows, many heroes fighting on elephants like birds dropped from the branches of a tree.
— tr. M.N. Dutt (1891–96) (public domain)
MBh 2 271.12
ततस्त्रिगर्तः सधनुरवतीर्य महारथात्। गदया चतुरो वाहान् राज्ञस्तस्य तदावधीत्॥
tatastrigartaḥ sadhanuravatīrya mahārathāt| gadayā caturo vāhān rājñastasya tadāvadhīt||
Thereupon descending from his huge car Trigarta, with bow in hand, slew the four horses of the king with his mace.
— tr. M.N. Dutt (1891–96) (public domain)
MBh 2 271.13
तमभ्याशगतं राजा पदाति कुन्तिनन्दनः। अर्धचन्द्रेण बाणेन विव्याधोरसि धर्मराट्॥
tamabhyāśagataṃ rājā padāti kuntinandanaḥ| ardhacandreṇa bāṇena vivyādhorasi dharmarāṭ||
Seeing the enemy approach so near and fighting on foot the pious king Yudhishthira, the son of Kunti, pierced his breast with a crescent-shaped shaft.
— tr. M.N. Dutt (1891–96) (public domain)
MBh 2 271.14
स भिन्नहृदयो वीरो वक्त्राच्छोणितमुद्वमन्। पपाताभिमुखः पार्थं छिन्नमूल इव दुमः॥
sa bhinnahṛdayo vīro vaktrācchoṇitamudvaman| papātābhimukhaḥ pārthaṃ chinnamūla iva dumaḥ||
Thus struck on the breast that hero began to vomit blood and fell down on earth like an uprooted tree by the side of Pritha's son.
— tr. M.N. Dutt (1891–96) (public domain)
MBh 2 271.15
इन्द्रसेनद्वितीयस्तु रथात् प्रस्कन्ध धर्मराट्। हताश्वः सहदेवस्य प्रतिपेदे महारथम्॥
indrasenadvitīyastu rathāt praskandha dharmarāṭ| hatāśvaḥ sahadevasya pratipede mahāratham||
Having his horse thus slain the pious king, with Indrasena, descended from his chariot and got upon the huge car of Sahadeva.
— tr. M.N. Dutt (1891–96) (public domain)
MBh 2 271.16
नकुलं त्वभिसंधाय क्षेमङ्करमहामुखौ। उभावुभयतस्तीक्ष्णैः शरवर्षैरवर्षताम्॥
nakulaṃ tvabhisaṃdhāya kṣemaṅkaramahāmukhau| ubhāvubhayatastīkṣṇaiḥ śaravarṣairavarṣatām||
Then singling out Nakula, the two heroes Kshemankara and Mahamukha began to hurl at him from both sides with keen-edged arrows.
— tr. M.N. Dutt (1891–96) (public domain)
MBh 2 271.17
तोमरैरभिवर्षन्तौ जीमूताविव वार्षिको। एकैकेन विपाठेन जघ्ने माद्रवतीसुतः॥
tomarairabhivarṣantau jīmūtāviva vārṣiko| ekaikena vipāṭhena jaghne mādravatīsutaḥ||
With two arrows however the son of Madri succeeded in killing those two heroes who had been pouring on him a shower of arrows like clouds in rains.
— tr. M.N. Dutt (1891–96) (public domain)
MBh 2 271.18
त्रिगर्तराजः सुरथस्तस्याथ रथधूर्गतः। रथमाक्षेपयामास गजेन गजयानवित्॥
trigartarājaḥ surathastasyātha rathadhūrgataḥ| rathamākṣepayāmāsa gajena gajayānavit||
Going to the front of Nakula's chariot, Suratha, the king of Trigarta, expert in driving elephants, caused it to be dragged by the elephant of which he mounted.
— tr. M.N. Dutt (1891–96) (public domain)
MBh 2 271.19
नकुलस्त्वपभीस्तस्माद् रथाच्चर्मासिपाणिमान्। उद्भ्रान्तं स्थानमास्थाय तस्थौ गिरिरिवाचलः॥
nakulastvapabhīstasmād rathāccarmāsipāṇimān| udbhrāntaṃ sthānamāsthāya tasthau giririvācalaḥ||
Little afraid at this, Nakula jumped out of his car and securing an advantageous position, stood, shield and sword in hand immoveable as a hill.
— tr. M.N. Dutt (1891–96) (public domain)
MBh 2 271.20
सुरथस्तं गजवरं वधाय नकुलस्य तु। प्रेषयामास सक्रोधमत्युच्छ्रितकरं ततः॥
surathastaṃ gajavaraṃ vadhāya nakulasya tu| preṣayāmāsa sakrodhamatyucchritakaraṃ tataḥ||
Thereupon desiring to kill Nakula at once Suratha goaded his huge and infuriated elephant with its trunk upraised (to rush towards him).
— tr. M.N. Dutt (1891–96) (public domain)
MBh 2 271.21
नकुलस्तस्य नागस्य समीपपरिवर्तिनः। सविषाणं भुजं मूले खड्न निरकृन्तत॥
nakulastasya nāgasya samīpaparivartinaḥ| saviṣāṇaṃ bhujaṃ mūle khaḍna nirakṛntata||
But he with his sword cut off from his head both trunk and tusks when the elephant came near him.
— tr. M.N. Dutt (1891–96) (public domain)
MBh 2 271.22
स विनद्य महानादं गजः किङ्किणभूषणः। पतन्नवाक्शिरा भूमौ हस्त्यारोहमपोथयत्॥
sa vinadya mahānādaṃ gajaḥ kiṅkiṇabhūṣaṇaḥ| patannavākśirā bhūmau hastyārohamapothayat||
Then emitting a loud noise that elephant, clad with mail, fell headlong upon the ground crushing its riders by its fall.
— tr. M.N. Dutt (1891–96) (public domain)
MBh 2 271.23
स तत् कर्म महत् कृत्वा शूरो माद्रवतीसुतः। भीमसेनरथं प्राप्य शर्म लेभे महारथः॥
sa tat karma mahat kṛtvā śūro mādravatīsutaḥ| bhīmasenarathaṃ prāpya śarma lebhe mahārathaḥ||
Performing that great exploit the heroic and mighty car-warrior, son of the Madri, ascending Bhimasen's car, got some rest.
— tr. M.N. Dutt (1891–96) (public domain)
MBh 2 271.24
भीमस्त्वापततो राज्ञः कोटिकास्यस्य सङ्गरे। सूतस्य नुदतो वाहान् क्षुरेणापाहरच्छिरः॥
bhīmastvāpatato rājñaḥ koṭikāsyasya saṅgare| sūtasya nudato vāhān kṣureṇāpāharacchiraḥ||
Beholding the prince Kotikasya rush to the battle, Bhima, with a horse shoe shaft, sundered the head of his charioteer.
— tr. M.N. Dutt (1891–96) (public domain)
MBh 2 271.25
न बुबोध हतं सूतं स राजा बाहुशालिना। तस्याश्वा व्यद्रवन् संख्ये हतसूतास्ततस्ततः॥
na bubodha hataṃ sūtaṃ sa rājā bāhuśālinā| tasyāśvā vyadravan saṃkhye hatasūtāstatastataḥ||
The king could not perceive that his charioteer had been slain by the mighty-armed (enemy). The horses, no longer restrained by the driver, ran about hither and thither in the battle field.
— tr. M.N. Dutt (1891–96) (public domain)
MBh 2 271.26
विमुखं हतसूतं तं भीमः प्रहरतां वरः। जघान तलयुक्तेन प्रासेनाभ्येत्य पाण्डवः॥
vimukhaṃ hatasūtaṃ taṃ bhīmaḥ praharatāṃ varaḥ| jaghāna talayuktena prāsenābhyetya pāṇḍavaḥ||
The Pandava Bhima, the foremost of heroes, slew, with a bearded arrow, that prince who had lost his chariot and was flying from the battle-field.
— tr. M.N. Dutt (1891–96) (public domain)
MBh 2 271.27
द्वादशानां तु सर्वेषां सौवीराणां धनंजयः। चकर्त निशितैर्भल्लैर्धनूंषि च शिरांसि च॥
dvādaśānāṃ tu sarveṣāṃ sauvīrāṇāṃ dhanaṃjayaḥ| cakarta niśitairbhallairdhanūṃṣi ca śirāṃsi ca||
With his sharp crescent-shaped shafts Dhananjaya also cut off the heads and bows of all the twelve Sauvira heroes.
— tr. M.N. Dutt (1891–96) (public domain)
MBh 2 271.28
शिबीनिक्ष्वाकुमुख्यांश्च त्रिगर्तान् सैन्धवानपि। जघानातिरथः संख्ये बाणगोचरमागतान्॥
śibīnikṣvākumukhyāṃśca trigartān saindhavānapi| jaghānātirathaḥ saṃkhye bāṇagocaramāgatān||
That great warrior slew with shafts in battle, the leader of the Ikshvakus, the army of the Shibis, Trigarta and Saindhava.
— tr. M.N. Dutt (1891–96) (public domain)
MBh 2 271.29
सादिताः प्रत्यदृश्यन्त बहवः सव्यसाचिना। सपताकाच मातङ्गाः सध्वजाश्च महारथाः॥
sāditāḥ pratyadṛśyanta bahavaḥ savyasācinā| sapatākāca mātaṅgāḥ sadhvajāśca mahārathāḥ||
Many elephants with flags and great cars with standards were to have been destroyed by Savyasachi. seen
— tr. M.N. Dutt (1891–96) (public domain)
MBh 2 271.30
प्रच्छाद्य पृथिवीं तस्थुः सर्वमायोधनं प्रति। शरीराण्यशिरस्कानि विदेहानि शिरांसि च॥
pracchādya pṛthivīṃ tasthuḥ sarvamāyodhanaṃ prati| śarīrāṇyaśiraskāni videhāni śirāṃsi ca||
There lay covering the entire field of battle heads without trunks and trunks without heads.
— tr. M.N. Dutt (1891–96) (public domain)
MBh 2 271.31
श्वगृध्रकङ्ककाकोलभासगोमायुवायसाः। अतृप्यंस्तत्र वीराणां हतानां मांसशोणितैः॥
śvagṛdhrakaṅkakākolabhāsagomāyuvāyasāḥ| atṛpyaṃstatra vīrāṇāṃ hatānāṃ māṃsaśoṇitaiḥ||
Dogs, heroes, ravens, crows, falcons, jackals and vultures feasted on the flesh and blood of the heroes killed in the battle-field.
— tr. M.N. Dutt (1891–96) (public domain)
MBh 2 271.32
हतेषु तेषु वीरेषु सिन्धुराजो जयद्रथः। विमुच्य कृष्णां संत्रस्त: पलायनपरोऽभवत्॥
hateṣu teṣu vīreṣu sindhurājo jayadrathaḥ| vimucya kṛṣṇāṃ saṃtrasta: palāyanaparo'bhavat||
Beholding his warriors slain, Jayadratha, the king of Sindhu became terrified and anxious to run away leaving Krishna behind.
— tr. M.N. Dutt (1891–96) (public domain)
MBh 2 271.33
स तस्मिन् संकुले सैन्ये द्रौपदीमवतार्य ताम्। प्राणप्रेप्सुरुपाधावद् वनं येन नराधमः॥
sa tasmin saṃkule sainye draupadīmavatārya tām| prāṇaprepsurupādhāvad vanaṃ yena narādhamaḥ||
Getting Draupadi down, the wretch, in the confusion, fled away for life following the same forest path by which he had come.
— tr. M.N. Dutt (1891–96) (public domain)
MBh 2 271.34
द्रौपदी धर्मराजस्तु दृष्ट्वा धौम्यपुरस्कृताम्। माद्रीपुत्रेण वीरेण रथमारोपयत् तदा॥
draupadī dharmarājastu dṛṣṭvā dhaumyapuraskṛtām| mādrīputreṇa vīreṇa rathamāropayat tadā||
Beholding Draupadi with Dhaumya walking before, the pious king Yudhishthira made her taken up on the car by the heroic Sahadeva, the son of Madri.
— tr. M.N. Dutt (1891–96) (public domain)
MBh 2 271.35
ततस्तद् विद्रुतं सैन्यमपयाते जयद्रथे। आदिश्यादिश्य नाराचैराजघान वृकोदरः॥
tatastad vidrutaṃ sainyamapayāte jayadrathe| ādiśyādiśya nārācairājaghāna vṛkodaraḥ||
After Jayadratha had fled away Vrikodara, with Narachas, slew all those soldiers who were running away, marking (each one of them).
— tr. M.N. Dutt (1891–96) (public domain)
MBh 2 271.36
सव्यसाची तु तं दृष्ट्वा पलायन्तं जयद्रथम्। वारयामास निघ्नन्तं भीमं सैन्धवसैनिकान्॥
savyasācī tu taṃ dṛṣṭvā palāyantaṃ jayadratham| vārayāmāsa nighnantaṃ bhīmaṃ saindhavasainikān||
Beholding Jayadratha fled, Savyasachi asked Bhima to desist from killing the remnant of the Saindhava army.
— tr. M.N. Dutt (1891–96) (public domain)
MBh 2 271.37
अर्जुन उवाच यस्यापचारात् प्राप्तोऽयमस्मान् क्लेशो दुरासदः तमस्मिन् समरोद्देशे न पश्यामि जयद्रथम्॥
arjuna uvāca yasyāpacārāt prāpto'yamasmān kleśo durāsadaḥ tamasmin samaroddeśe na paśyāmi jayadratham||
Arjuna said: I do not see Jayadratha in the battle-field through whose folly we have met with this misfortune.
— tr. M.N. Dutt (1891–96) (public domain)
MBh 2 271.38
तमेवान्विष भद्रं ते किं ते योधैर्निपातितः। अनामिषमिदं कर्म कथं वा मन्यते भवान्॥
tamevānviṣa bhadraṃ te kiṃ te yodhairnipātitaḥ| anāmiṣamidaṃ karma kathaṃ vā manyate bhavān||
Seek him out; may good betide you. What is the use of killing these soldiers? Why are you bent upon this useless business?
— tr. M.N. Dutt (1891–96) (public domain)
MBh 2 271.39
वैशम्पायन उवाच इत्युक्तो भीमसेनस्तु गुडाकेशेन धीमता। युधिष्ठिरमभिप्रेक्ष्य वाग्मी वचनमब्रवीत्॥
vaiśampāyana uvāca ityukto bhīmasenastu guḍākeśena dhīmatā| yudhiṣṭhiramabhiprekṣya vāgmī vacanamabravīt||
Vaishampayana said : Being thus accosted by the intelligent Gudakesha, Bhimasena, skilled in speech, turning to Yudhishthira, said,
— tr. M.N. Dutt (1891–96) (public domain)
MBh 2 271.40
हतप्रवीरा रिपवो भूयिष्ठं विदुता दिशः। गृहीत्वा द्रौपदी राजन् निवर्ततु भवानितः॥
hatapravīrā ripavo bhūyiṣṭhaṃ vidutā diśaḥ| gṛhītvā draupadī rājan nivartatu bhavānitaḥ||
"Many of the enemy's heroes have been slain; others have fled away to various directions; taking Draupadi with you, O king, return home.
— tr. M.N. Dutt (1891–96) (public domain)
MBh 2 271.41
यमाभ्यां सह राजेन्द्र धौम्येन च महात्मना। प्राप्याश्रमपदं राजन् द्रौपदी परिसान्त्वय॥
yamābhyāṃ saha rājendra dhaumyena ca mahātmanā| prāpyāśramapadaṃ rājan draupadī parisāntvaya||
O king of kings, O king, reaching hermitage with the twins and the high-souled Dhaumya console Draupadi.
— tr. M.N. Dutt (1891–96) (public domain)
MBh 2 271.42
न हि मे मोक्ष्यते जीवन मूढः सैन्धवको नृपः। पातालतलसंस्थोऽपि यदि शक्रोऽस्य सारथिः॥
na hi me mokṣyate jīvana mūḍhaḥ saindhavako nṛpaḥ| pātālatalasaṃstho'pi yadi śakro'sya sārathiḥ||
I shall not let along the stupid king of Sindhu even if he finds shelter in the nether world or is supported by Indra himself.
— tr. M.N. Dutt (1891–96) (public domain)
MBh 2 271.43
युधिष्ठिर उवाच न हन्तव्यो महाबाहो दुरात्मापि स सैन्धवः। दुःशलामभिसंस्मृत्य गान्धारीं च यशस्विनीम्॥
yudhiṣṭhira uvāca na hantavyo mahābāho durātmāpi sa saindhavaḥ| duḥśalāmabhisaṃsmṛtya gāndhārīṃ ca yaśasvinīm||
Yudhishthira said: O you of mighty arms, remembering our sister Dushala and the illustrious Gandhari, the wicked-minded Saindhava should not be slain by you.
— tr. M.N. Dutt (1891–96) (public domain)
MBh 2 271.44
वैशम्पायन उवाच तच्छ्रुत्वा द्रौपदी भीममुवाच व्याकुलेन्द्रिया। कुपिता ह्रीमती प्राज्ञा पती भीमार्जुनावुभौ॥
vaiśampāyana uvāca tacchrutvā draupadī bhīmamuvāca vyākulendriyā| kupitā hrīmatī prājñā patī bhīmārjunāvubhau||
Vaishampayana said: Hearing those words Draupadi was excited; that bashful, angry and intelligent (lady) said to her husbands Bhima and Arjuna.
— tr. M.N. Dutt (1891–96) (public domain)
MBh 2 271.45
कर्तव्यं चेत् प्रियं मह्यं वध्यः स पुरुषाधमः। सैन्धवापसदः पापो दुर्मतिः कुलपांसनः॥
kartavyaṃ cet priyaṃ mahyaṃ vadhyaḥ sa puruṣādhamaḥ| saindhavāpasadaḥ pāpo durmatiḥ kulapāṃsanaḥ||
“If you wish to encompass my pleasure, that vile, wretch of a man, the wicked-minded, infamous and despicable king of the Saindhava race should be killed by you.
— tr. M.N. Dutt (1891–96) (public domain)
MBh 2 271.46
भार्याभिहर्ता वैरी यो यश्च राज्यहरो रिपुः। याचमानोऽपि संग्रामे न मोक्तव्यः कथंचन॥
bhāryābhihartā vairī yo yaśca rājyaharo ripuḥ| yācamāno'pi saṃgrāme na moktavyaḥ kathaṃcana||
The enemy who carries away one's wife or wrests his kingdom, should by no means be forgiven in battle even if he craves for mercy.”
— tr. M.N. Dutt (1891–96) (public domain)
MBh 2 271.47
इत्युक्तौ तौ नरव्याघ्रौ ययतुर्यत्र सैन्धवः। राजा निववृते कृष्णामादाय सपुरोहितः॥
ityuktau tau naravyāghrau yayaturyatra saindhavaḥ| rājā nivavṛte kṛṣṇāmādāya sapurohitaḥ||
Having been thus addressed those two foremost of men went where Saindhava was; taking Draupadi with him, the king alone with his priest returned.
— tr. M.N. Dutt (1891–96) (public domain)
MBh 2 271.48
स प्रविश्याश्रमपदमपविद्धबृसीमठम्। मार्कण्डेयादिभिर्विप्रैरनुकीर्णं ददर्श ह॥
sa praviśyāśramapadamapaviddhabṛsīmaṭham| mārkaṇḍeyādibhirviprairanukīrṇaṃ dadarśa ha||
Entering the hermitage he saw it covered with the seats for the ascetics, filled with their disciples and graced with the presence of Markandeya and other Brahmanas.
— tr. M.N. Dutt (1891–96) (public domain)
MBh 2 271.49
द्रौपदीमनुशोचद्भिाह्मणैस्तैः समाहितैः। समिमाय महाप्राज्ञः सभार्यो भ्रातृमध्यगः॥
draupadīmanuśocadbhiāhmaṇaistaiḥ samāhitaiḥ| samimāya mahāprājñaḥ sabhāryo bhrātṛmadhyagaḥ||
While those self-controlled Brahmanas where lamenting for Draupadi, the greatly wise (king) with his wife and brothers joined them.
— tr. M.N. Dutt (1891–96) (public domain)
MBh 2 271.50
ते स्म तं मुदिता दृष्ट्वा पुन: प्रत्यागतं नृपम्। जित्वा तान् सिन्धु सौवीरान् द्रौपदीं चाहतां पुनः॥
te sma taṃ muditā dṛṣṭvā puna: pratyāgataṃ nṛpam| jitvā tān sindhu sauvīrān draupadīṃ cāhatāṃ punaḥ||
Beholding the king then return, having vanquished the Sindhu and Sauvira princes and taken Draupadi, they were delighted.
— tr. M.N. Dutt (1891–96) (public domain)
MBh 2 271.51
स तैः परिवृतो राजा तत्रैवोपविवेश ह। प्रविवेशाश्रमं कृष्णा यमाभ्यां सह भाविनी॥
sa taiḥ parivṛto rājā tatraivopaviveśa ha| praviveśāśramaṃ kṛṣṇā yamābhyāṃ saha bhāvinī||
Encircled by them the king sat there and the good Krishna, alone with the twins, entered the hermitage.
— tr. M.N. Dutt (1891–96) (public domain)
MBh 2 271.52
भीमसेनार्जुनौ चापि श्रुत्वा क्रोशगतं रिपुम्। स्वयमश्वांस्तुदन्तौ तौ जवेनैवाभ्यधावताम्॥
bhīmasenārjunau cāpi śrutvā krośagataṃ ripum| svayamaśvāṃstudantau tau javenaivābhyadhāvatām||
Hearing that the enemy has gone only two miles Bhima and Arjuna spurred their horses to greatest speed in pursuit of him.
— tr. M.N. Dutt (1891–96) (public domain)
MBh 2 271.53
इदमत्यद्भुतं चात्र चकार पुरुषोऽर्जुनः। कोशमात्रगतानश्वान् सैन्धवस्य जघान यत्॥
idamatyadbhutaṃ cātra cakāra puruṣo'rjunaḥ| kośamātragatānaśvān saindhavasya jaghāna yat||
The heroic Arjuna performed a wonderful fcat by killing the horses of Saindhava, which were at a distance of two miles.
— tr. M.N. Dutt (1891–96) (public domain)
MBh 2 271.54
स हि दिव्यास्त्रसम्पन्नः कृच्छ्रकालेऽप्यसम्भ्रमः। अकरोद् दुष्करं कर्म शरैरस्त्रानुमन्त्रितैः॥
sa hi divyāstrasampannaḥ kṛcchrakāle'pyasambhramaḥ| akarod duṣkaraṃ karma śarairastrānumantritaiḥ||
Armed with celestials weapons and undaunted by difficulties he performed this difficult work with weapons inspired with Mantras.
— tr. M.N. Dutt (1891–96) (public domain)
MBh 2 271.55
ततोऽभ्यधावतां वीरावुभौ भीमधनंजयौ। हताश्वं सैन्धवं भीतमेकं व्याकुलचेतसम्॥
tato'bhyadhāvatāṃ vīrāvubhau bhīmadhanaṃjayau| hatāśvaṃ saindhavaṃ bhītamekaṃ vyākulacetasam||
Then the two heroes Bhima and Arjuna rushed towards the terror-stricken king of Sindhu whose horses had been killed and who was perplexed in mind.
— tr. M.N. Dutt (1891–96) (public domain)
MBh 2 271.56
सैन्धवस्तु हतान् दृष्ट्वा तथाश्वान् स्वान् सुदुःखितः। अतिविक्रमकर्माणि कुर्वाणं च धनंजयम्॥
saindhavastu hatān dṛṣṭvā tathāśvān svān suduḥkhitaḥ| ativikramakarmāṇi kurvāṇaṃ ca dhanaṃjayam||
Beholding his own horses slain and Dhananjaya perform such a greatly powerful exploits Saindhava was greatly sorry.
— tr. M.N. Dutt (1891–96) (public domain)
MBh 2 271.57
पलायनकृतोत्साहः प्राद्रवद् येन वै वनम्। सैन्धवं त्वभिसम्प्रेक्ष्य पराक्रान्तं पलायने॥
palāyanakṛtotsāhaḥ prādravad yena vai vanam| saindhavaṃ tvabhisamprekṣya parākrāntaṃ palāyane||
Determined on flying away he followed the same forest path by which he had come. Beholding Saindhava thus engaged in flying away.
— tr. M.N. Dutt (1891–96) (public domain)
MBh 2 271.58
अनुयाय महाबाहुः फाल्गुनो वाक्यमब्रवीत्। अनेन वीर्येण कथं स्त्रियं प्रार्थयसे बलात्॥
anuyāya mahābāhuḥ phālguno vākyamabravīt| anena vīryeṇa kathaṃ striyaṃ prārthayase balāt||
The mighty-armed Falguna, following him, said "with such prowess how could you desire to take away a female by force?
— tr. M.N. Dutt (1891–96) (public domain)
MBh 2 271.59
राजपुत्र निवर्तस्व न ते युक्तं पलायनम्। कथं ह्यनुचरान् हित्वा शत्रुमध्ये पलायसे॥
rājaputra nivartasva na te yuktaṃ palāyanam| kathaṃ hyanucarān hitvā śatrumadhye palāyase||
Desist, O princes it does not behoove you, leaving your followers in the midst of enemies, to take to your heels?
— tr. M.N. Dutt (1891–96) (public domain)
MBh 2 271.60
इत्युच्यमानः पार्थेन सैन्धवो न न्यवर्तत। तिष्ठ तिष्ठेति तं भीमः सहसाभ्यद्रवद् बली। मा वधीरिति पार्थस्तं दयावान् प्रत्यभाषत॥
ityucyamānaḥ pārthena saindhavo na nyavartata| tiṣṭha tiṣṭheti taṃ bhīmaḥ sahasābhyadravad balī| mā vadhīriti pārthastaṃ dayāvān pratyabhāṣata||
(Although) addressed by Partha thus Saindhava did not return. Saying "Wait, wait! the mighty Bhima all on a sudden overtook him. But the merciful Partha said, "Don't kill him."
— tr. M.N. Dutt (1891–96) (public domain)