Mahabharata — Volume II (Dutt edition) — Chapter 265
MBh 2 265.1
कोटिक उवाच मेकाऽऽश्रमे तिष्ठसि शोभमाना। देदीप्यमानाग्निशिखेव नक्तं व्याधूयमाना पवनेन सुभूः॥
koṭika uvāca mekā''śrame tiṣṭhasi śobhamānā| dedīpyamānāgniśikheva naktaṃ vyādhūyamānā pavanena subhūḥ||
Kotikasya said : O fair one, who are you that stand alone leaning on a branch of the Kadamba tree at this hermitage and looking majestic like flame of fire burning at night and fanned by the wind?
— tr. M.N. Dutt (1891–96) (public domain)
MBh 2 265.2
अतीव रूपेण समन्विता त्वं न चाप्यरण्येषु बिभेषि किं नु। देवी नु यक्षी यदि दानवी वा वराप्सरा दैत्यवराङ्गना वा॥
atīva rūpeṇa samanvitā tvaṃ na cāpyaraṇyeṣu bibheṣi kiṃ nu| devī nu yakṣī yadi dānavī vā varāpsarā daityavarāṅganā vā||
You are endued with great beauty; do you not feel any fear in this forest? Are you a goddess or a Yakshi or a Danavi or the beautiful wife of a Daitya?
— tr. M.N. Dutt (1891–96) (public domain)
MBh 2 265.3
वपुष्मती वोरगराजकन्या वनेचरी वा क्षणदाचरस्त्री। यद्येव राज्ञो वरुणस्य पत्नी यमस्य सोमस्य धनेश्वरस्य॥
vapuṣmatī voragarājakanyā vanecarī vā kṣaṇadācarastrī| yadyeva rājño varuṇasya patnī yamasya somasya dhaneśvarasya||
Or a daughter of the king of serpents or the wife of a night ranger or the wife of Varuna or of Yama or of Soma or of Kubera who assuming a human form are wandering in this forest?
— tr. M.N. Dutt (1891–96) (public domain)
MBh 2 265.4
धातुर्विधातुः सवितुर्विभोर्वा शक्रस्य वा त्वं सदनात् प्रपन्ना। न ह्येव नः पृच्छसि ये वयं स्म न चापि जानीम् तवेह नाथम्॥
dhāturvidhātuḥ saviturvibhorvā śakrasya vā tvaṃ sadanāt prapannā| na hyeva naḥ pṛcchasi ye vayaṃ sma na cāpi jānīm taveha nātham||
Or have you come from the palace of Dhata or Vidhata or of Savita or of Vibhu or of Shakra? You do not ask us who we are, nor do we know who is your lord.
— tr. M.N. Dutt (1891–96) (public domain)
MBh 2 265.5
वयं हि मानं तव वर्धयन्तः पृच्छाम भद्रे प्रभवं प्रभुं च। आचक्ष्व बन्धूंश्च पतिं कुलं च तत्त्वेन यच्चेह करोषि कार्यम्॥
vayaṃ hi mānaṃ tava vardhayantaḥ pṛcchāma bhadre prabhavaṃ prabhuṃ ca| ācakṣva bandhūṃśca patiṃ kulaṃ ca tattvena yacceha karoṣi kāryam||
Increasing your respect we do ask you. O gentle lady, who is your heroic father. Tell us the names of your husband, relatives, your race and what you do here.
— tr. M.N. Dutt (1891–96) (public domain)
MBh 2 265.6
अहं तु राज्ञः सुरथस्य पुत्रो कोटिकास्येति विदुर्मनुष्याः। असौ तु यस्तिष्ठति काञ्चनाङ्गे रथे हुतोऽग्निश्चयने यथैव॥ त्रिगर्तराजः कमलायताक्षि क्षेमङ्करो नाम स एष वीरः।
ahaṃ tu rājñaḥ surathasya putro koṭikāsyeti vidurmanuṣyāḥ| asau tu yastiṣṭhati kāñcanāṅge rathe huto'gniścayane yathaiva|| trigartarājaḥ kamalāyatākṣi kṣemaṅkaro nāma sa eṣa vīraḥ|
I am the son of the king Suratha, whom the people know as Kotikasya. That man who sits on the golden car, like sacrificial fire on the altar, is the king of Trigarta having eyes like lotus petals; that hero is known by the name of Kshemankara;
— tr. M.N. Dutt (1891–96) (public domain)
MBh 2 265.7
अस्मात् परस्त्वेष महाधनुष्मान्। पुत्रः कुलिन्दाधिपतेर्वरिष्ठः॥ निरीक्षते त्वां विपुलायताक्षः सुपुष्पितः पर्वतवासनित्यः।
asmāt parastveṣa mahādhanuṣmān| putraḥ kulindādhipatervariṣṭhaḥ|| nirīkṣate tvāṃ vipulāyatākṣaḥ supuṣpitaḥ parvatavāsanityaḥ|
Behind him is the great bowman that one of arge eyes, adorned with blazing garlands gazing on you, the famous son of the king of Kulinda. Who always lives on mountain.
— tr. M.N. Dutt (1891–96) (public domain)
MBh 2 265.8
असौ तु यः पुष्करिणीसमीपे श्यामो युवा तिष्ठति दर्शनीयः॥ इक्ष्वाकुराज्ञः सुबलस्य पुत्रः स एव हन्ता द्विषतां सुगात्रि।
asau tu yaḥ puṣkariṇīsamīpe śyāmo yuvā tiṣṭhati darśanīyaḥ|| ikṣvākurājñaḥ subalasya putraḥ sa eva hantā dviṣatāṃ sugātri|
O beautiful lady, that dark and handsome young man who is standing at the brink of the tank. Is the son of the Ikshvaku king Subala; he is the slayer of his elements.
— tr. M.N. Dutt (1891–96) (public domain)
MBh 2 265.9
यस्यानुचक्रं ध्वजिनः प्रयान्ति सौवीरका द्वादश राजपुत्राः॥ शोणाश्वयुक्तेषु रथेषु सर्वे मखेषु दीप्ता इव हव्यवाहाः। अङ्गारकः कुञ्जरो गुप्तकश्च शत्रुञ्जयः संजयसुप्रवृद्धौ॥ भयंकरोऽथ भ्रमरो रविश्व शूरः प्रतापः कुहनश्च नामा यं घट सहस्रा रथिनोऽनुयान्ति नागा हयाश्चैव पदातिनश्च॥ जयद्रथो नाम यदि श्रुतस्ते सौवीरराजः सुभगे स एषः।
yasyānucakraṃ dhvajinaḥ prayānti sauvīrakā dvādaśa rājaputrāḥ|| śoṇāśvayukteṣu ratheṣu sarve makheṣu dīptā iva havyavāhāḥ| aṅgārakaḥ kuñjaro guptakaśca śatruñjayaḥ saṃjayasupravṛddhau|| bhayaṃkaro'tha bhramaro raviśva śūraḥ pratāpaḥ kuhanaśca nāmā yaṃ ghaṭa sahasrā rathino'nuyānti nāgā hayāścaiva padātinaśca|| jayadratho nāma yadi śrutaste sauvīrarājaḥ subhage sa eṣaḥ|
If you have ever heard of the name Jayadratha, the king of Sauviras, he is there at the head of six thousand cars, with horses and elephants and followed by twelve Sauvira princes carrying his peanons, namely Angaraka, Kunjara Guptaka, Shatrunjaya, Sanjaya, Supravriddha, Bhayankara, Bhramara, Ravi, Shura, Pratapa and Kuhana, all riding on cars drawn by chestnut steeds and looking like the fire on the sacrificial altar.
— tr. M.N. Dutt (1891–96) (public domain)
MBh 2 265.10
तस्यापरे भ्रातरोऽदीनसत्त्वा बलाहकानीकविदिारणाद्याः॥
tasyāpare bhrātaro'dīnasattvā balāhakānīkavidiāraṇādyāḥ||
The brothers of the king namely the mighty Balahaka, Anika, Vidarana and others also constitute his following.
— tr. M.N. Dutt (1891–96) (public domain)
MBh 2 265.11
सौवीरवीराः प्रवरा युवानो राजानमेते बलिनोऽनुयान्ति। एतैः सहायैरुपयाति राजा मरुद्गणैरिन्द्र इवाभिगुप्तः॥
sauvīravīrāḥ pravarā yuvāno rājānamete balino'nuyānti| etaiḥ sahāyairupayāti rājā marudgaṇairindra ivābhiguptaḥ||
These mighty, youthful and leading heroes of Sauvira race are following the king. He is journeying in the company of these friends of his, like Indra surrounded by Maruts.
— tr. M.N. Dutt (1891–96) (public domain)
MBh 2 265.12
अजानतां ख्यापय नः सुकेशि कस्यासि भार्या दुहिता च कस्य॥
ajānatāṃ khyāpaya naḥ sukeśi kasyāsi bhāryā duhitā ca kasya||
O you having fine hair, tell us, who do not know whose wife and whose daughter you are.
— tr. M.N. Dutt (1891–96) (public domain)