Mahabharata — Volume II (Dutt edition) — Chapter 260
MBh 2 260.1
युधिष्ठिर उवाच व्रीहिद्रोणः परित्यक्तः कथं तेन महात्मना। कस्मै दत्तश्च भगवन् विधिना केन चास्थ मे॥
yudhiṣṭhira uvāca vrīhidroṇaḥ parityaktaḥ kathaṃ tena mahātmanā| kasmai dattaśca bhagavan vidhinā kena cāstha me||
Yudhisthira said: O exalted one, why did that highsouled one give away a Drona of corn? To whom and in what prescribed way he gave it. Tell me this.
— tr. M.N. Dutt (1891–96) (public domain)
MBh 2 260.2
प्रत्यक्षधर्मा भगवान् यस्य तुष्टो हि कर्मभिः। सफलं तस्य जन्माहं मन्ये सद्धर्मचारिणः॥
pratyakṣadharmā bhagavān yasya tuṣṭo hi karmabhiḥ| saphalaṃ tasya janmāhaṃ manye saddharmacāriṇaḥ||
O exalted one, I consider the life of that virtuous man as having borne fruits with whose acts the supreme one himself is well-pleased.
— tr. M.N. Dutt (1891–96) (public domain)
MBh 2 260.3
व्यास उवाच शिलोच्छवृत्तिर्धर्मात्मा मुद्गलः संयतेन्द्रियः। आसीद् राजन् कुरुक्षेत्रे सत्यवागनसूयकः॥
vyāsa uvāca śilocchavṛttirdharmātmā mudgalaḥ saṃyatendriyaḥ| āsīd rājan kurukṣetre satyavāganasūyakaḥ||
Vyasa said : O king, there lived in Kurukshetra a virtuous man, named Mudgala. He was truthful and free from malice. He was self-controlled. He led the Sila and Uncha modes of life.
— tr. M.N. Dutt (1891–96) (public domain)
MBh 2 260.4
अतिथिव्रती क्रियावांश्च कापोती वृत्तिमास्थितः। सत्रमिष्टीकृतं नाम समुपास्ते महातपाः॥ सपुत्रदारो हि मुनिः पक्षाहारो बभूव ह। कपोतवृत्त्या पक्षण व्रीहिद्रोणमुपार्जयत्॥
atithivratī kriyāvāṃśca kāpotī vṛttimāsthitaḥ| satramiṣṭīkṛtaṃ nāma samupāste mahātapāḥ|| saputradāro hi muniḥ pakṣāhāro babhūva ha| kapotavṛttyā pakṣaṇa vrīhidroṇamupārjayat||
Although leading his life like a pigeon that great ascetic entertained his guests, celebrated the sacrefice called Ishtikhita and performed other rites. That Rishi, with his wife and son, ate for a fortnight and during the other fortnight he led the life of a pigeon collecting (but) a drona of corn.
— tr. M.N. Dutt (1891–96) (public domain)
MBh 2 260.5
दर्श च पौर्णमासं च कुर्वन् विगतमत्सरः। देवतातिथिशेषेण कुरुते देहयापनम्॥
darśa ca paurṇamāsaṃ ca kurvan vigatamatsaraḥ| devatātithiśeṣeṇa kurute dehayāpanam||
Celebrating the Darsa and Paurnamashya sacrifices that guileless Rishi used to pass his days by taking the food that remained after the deities and the guests had eaten.
— tr. M.N. Dutt (1891–96) (public domain)
MBh 2 260.6
तस्येन्द्रः सहितो देवैः साक्षात् त्रिभुवनेश्वरः। प्रत्यगृह्णान्महाराज भागं पर्वणि पर्वणि॥
tasyendraḥ sahito devaiḥ sākṣāt tribhuvaneśvaraḥ| pratyagṛhṇānmahārāja bhāgaṃ parvaṇi parvaṇi||
In (all) auspicious lunar days, the lord of the three worlds, Indra accompained by the celestials, O great king, used to partake the food offered at his sacrifice.
— tr. M.N. Dutt (1891–96) (public domain)
MBh 2 260.7
स पर्वकालं कृत्वा तु मुनिवृत्त्या समन्वितः। अतिथिभ्यो ददावनं प्रहृष्टेनान्तरात्मना॥
sa parvakālaṃ kṛtvā tu munivṛttyā samanvitaḥ| atithibhyo dadāvanaṃ prahṛṣṭenāntarātmanā||
On such (auspicious) days that Rishi leading the life of a Muni cheerfully entertained his guests also with food.
— tr. M.N. Dutt (1891–96) (public domain)
MBh 2 260.8
व्रीहिद्रोणस्य तद्ध्यस्य ददतोऽन्नं महात्मनः। शिष्टं मात्सर्यहीनस्य वर्धतेऽतिथिदर्शनात्॥
vrīhidroṇasya taddhyasya dadato'nnaṃ mahātmanaḥ| śiṣṭaṃ mātsaryahīnasya vardhate'tithidarśanāt||
As that high-souled one distributed his food with great speed, the reaminder of the Drona of corn increased as soon as (fresh) guests appeared.
— tr. M.N. Dutt (1891–96) (public domain)
MBh 2 260.9
तच्छतान्यपि भुञ्जन्ति ब्राह्मणानां मनीषिणाम्। मुनेस्त्यागविशुद्ध्या तु तदन्नं वृद्धिमृच्छति॥
tacchatānyapi bhuñjanti brāhmaṇānāṃ manīṣiṇām| munestyāgaviśuddhyā tu tadannaṃ vṛddhimṛcchati||
By virtue of the pure spirit in which the Rishi gave away (food), it increased so much that hundreds upon hundreds of leanred Brahmanas were fed with it.
— tr. M.N. Dutt (1891–96) (public domain)
MBh 2 260.10
तं तु शुश्राव धर्मिष्ठं मुद्गलं संशितव्रतम्। दुर्वासा नृप दिग्वासास्तमथाभ्याजगाम ह॥ बिभ्रच्चानियतं वेषमुन्मत्त इव पाण्डव। विकचः परुषा वाचो व्याहरन् विविधा मुनिः॥
taṃ tu śuśrāva dharmiṣṭhaṃ mudgalaṃ saṃśitavratam| durvāsā nṛpa digvāsāstamathābhyājagāma ha|| bibhraccāniyataṃ veṣamunmatta iva pāṇḍava| vikacaḥ paruṣā vāco vyāharan vividhā muniḥ||
O king (once upon a time) having heard of the virtuous and bow-observing Mudgala, the naked Rishi Durvasa, with his dress like that of a maniac and his head bare of hair, came there, O Pandava, uttering various insulting words.
— tr. M.N. Dutt (1891–96) (public domain)
MBh 2 260.11
अभिगम्याथ तं विप्रमुवाच मुनिसत्तमः। अन्नार्थिनमनुप्राप्तं विद्धि मां द्विजसत्तम॥
abhigamyātha taṃ vipramuvāca munisattamaḥ| annārthinamanuprāptaṃ viddhi māṃ dvijasattama||
Having arrived there, that foremost of Rishis spoke thus to that Brahimana, “O best of Brahmanas, know that I have come here for food.
— tr. M.N. Dutt (1891–96) (public domain)
MBh 2 260.12
स्वागतं तेऽस्त्विति मुनि मुद्गलः प्रत्यभाषत। पाद्यमाचमनीयं च प्रतिपाद्यार्थ्यमुत्तमम्॥ प्रादात् स तापसायान्नं क्षुधितायातिथिव्रती। उन्मत्ताय परां श्रद्धामास्थाय स धृतव्रतः॥ ततस्तदन्नं रसवत् स एव क्षुधयान्वितः। बुभुजे कृत्स्नमुन्मत्तः प्रादात् तस्मै च मुद्गलः॥
svāgataṃ te'stviti muni mudgalaḥ pratyabhāṣata| pādyamācamanīyaṃ ca pratipādyārthyamuttamam|| prādāt sa tāpasāyānnaṃ kṣudhitāyātithivratī| unmattāya parāṃ śraddhāmāsthāya sa dhṛtavrataḥ|| tatastadannaṃ rasavat sa eva kṣudhayānvitaḥ| bubhuje kṛtsnamunmattaḥ prādāt tasmai ca mudgalaḥ||
The Rishi Mudgala replied by saying “Welcome.” Offered to that hungry, mad ascetic, water to wash his feet and mouth; that Rishi, ever observant of the vow of feeding guests, then placed before him excellent food. Affected by hunger, the mad Rishi ate up all the food given to him. Then Mudgala gave him more food.
— tr. M.N. Dutt (1891–96) (public domain)
MBh 2 260.13
भुक्त्वा चान्नं ततः सर्वमुच्छिष्टेनात्मनस्ततः। अथाङ्गं लिलिपेऽनेन यथागतमगाच्च सः॥
bhuktvā cānnaṃ tataḥ sarvamucchiṣṭenātmanastataḥ| athāṅgaṃ lilipe'nena yathāgatamagācca saḥ||
Having eaten up all that food, he besmeared his body with the uncleaned remainder and went away as he had come.
— tr. M.N. Dutt (1891–96) (public domain)
MBh 2 260.14
एवं द्वितीये सम्प्राप्ते यथाकाले मनीषिणाः। आगम्य बुभुजे सर्वमन्नमुच्छोपजीविनः॥
evaṃ dvitīye samprāpte yathākāle manīṣiṇāḥ| āgamya bubhuje sarvamannamucchopajīvinaḥ||
In this manner during the next sea-son, he came again and ate up all the food given to him by that wise Rishi leading the Unccha mode of life.
— tr. M.N. Dutt (1891–96) (public domain)
MBh 2 260.15
निराहारस्तु स मुनिरुञ्छमार्जयते पुनः। न चैनं विक्रियां नेतुमशकन्मुद्गलं क्षुधा।॥
nirāhārastu sa muniruñchamārjayate punaḥ| na cainaṃ vikriyāṃ netumaśakanmudgalaṃ kṣudhā|||
Thereupon without eating any food himself, the Rishi Mudgala again became engaged in collecting corn, following the Unccha mode. Hunger could not disturb his equanimity,
— tr. M.N. Dutt (1891–96) (public domain)
MBh 2 260.16
न क्रोधो न च मात्सर्यं नावमानो न सम्भ्रमः। सपुत्रदारमुञ्छन्तमाविवेश द्विजोत्तमम्॥
na krodho na ca mātsaryaṃ nāvamāno na sambhramaḥ| saputradāramuñchantamāviveśa dvijottamam||
Nor could anger or guile or sense of degradation or agitationenter into the heart of that best of Brahmanas leading the Unccha mode of life along with his son and his wife.
— tr. M.N. Dutt (1891–96) (public domain)
MBh 2 260.17
तथा तमुच्छधर्माणं दुर्वासा मुनिसत्तमम्। उपतस्थे यथाकालं षट्कृत्वः कृतनिश्चयः॥ न चास्य मनसा कंचिद् विकारं ददृशे मुनिः। शुद्ध सत्त्वस्य शुद्धं स ददृशे निर्मलं मनः॥
tathā tamucchadharmāṇaṃ durvāsā munisattamam| upatasthe yathākālaṃ ṣaṭkṛtvaḥ kṛtaniścayaḥ|| na cāsya manasā kaṃcid vikāraṃ dadṛśe muniḥ| śuddha sattvasya śuddhaṃ sa dadṛśe nirmalaṃ manaḥ||
In ths way Durvasa during successive seasons came for several times before that best of sages living according to the Unccha mode of life. But that rishi could not perceive any senses agitation in the heart of Mudgala. He found the heart of that virtuous-minded Rishi always pure.
— tr. M.N. Dutt (1891–96) (public domain)
MBh 2 260.18
तमुवाच ततः प्रीतः स मुनिर्मुद्गलं ततः। त्वत्समो नास्ति लोकेऽस्मिन् दाता मात्सर्यवर्जितः॥२३।
tamuvāca tataḥ prītaḥ sa munirmudgalaṃ tataḥ| tvatsamo nāsti loke'smin dātā mātsaryavarjitaḥ||23|
Thereupon becoming very much pleased he thus spoke to the Rishi Mudgala, There is no other simpleand charitable being like you on earth.
— tr. M.N. Dutt (1891–96) (public domain)
MBh 2 260.19
क्षुद् धर्मसंज्ञा प्रणुदत्यादत्ते धैर्यमेव च। रसानुसारिणी जिह्वा कर्षत्येव रसान् प्रति॥
kṣud dharmasaṃjñā praṇudatyādatte dhairyameva ca| rasānusāriṇī jihvā karṣatyeva rasān prati||
The pangs of hunger drive away all sense of virtue and deprive people of patience. The gongues, that always love, delicacies, attract men towards them.
— tr. M.N. Dutt (1891–96) (public domain)
MBh 2 260.20
आहारप्रभवाः प्राणा मनो दुर्निग्रहं चलम्। मनसश्चेन्द्रियाणां चाप्यैकाग्यं निश्चितं तपः॥
āhāraprabhavāḥ prāṇā mano durnigrahaṃ calam| manasaścendriyāṇāṃ cāpyaikāgyaṃ niścitaṃ tapaḥ||
Life is sustained by food. The mind is however fickle and it is hard to keep it in subjection. The concentration of mind and the control of the constitute (true) asceticism.
— tr. M.N. Dutt (1891–96) (public domain)
MBh 2 260.21
श्रमेणोपार्जितं त्यक्तुं दुःखं शुद्धेन चेतसा। तत् सर्वं भवता साधो यथावदुपपादितम्॥
śrameṇopārjitaṃ tyaktuṃ duḥkhaṃ śuddhena cetasā| tat sarvaṃ bhavatā sādho yathāvadupapāditam||
It is very hard to abandon in a pure spirit a thing earned by pain. O virtuous one, but all this has been duly achieved by you.
— tr. M.N. Dutt (1891–96) (public domain)
MBh 2 260.22
प्रीताः स्मोऽनुगृहीताश्च समेत्य भवता सह। इन्द्रियाभिजयो धैर्यं संविभागो दमः शमः॥ दरा सत्यं च धर्मश्च त्वयि सर्वं प्रतिष्ठितम्। जितास्ते कर्मभिर्लोकाः प्राप्तोऽसि परमां गतिम्॥
prītāḥ smo'nugṛhītāśca sametya bhavatā saha| indriyābhijayo dhairyaṃ saṃvibhāgo damaḥ śamaḥ|| darā satyaṃ ca dharmaśca tvayi sarvaṃ pratiṣṭhitam| jitāste karmabhirlokāḥ prāpto'si paramāṃ gatim||
In your company we feel obliged and gratified. Self-restraint, Self-restraint, fortitude, justice, control of the senses and of the faculties, mercy and virtue are all established in you. You have conquered all the worlds by your deeds, you have obtained the highest state.
— tr. M.N. Dutt (1891–96) (public domain)
MBh 2 260.23
अहो दानं विधुष्टं ते सुमहत् स्वर्गवासिभिः। सशरीरो भवान् गन्ता स्वर्ग सुचरितव्रत॥
aho dānaṃ vidhuṣṭaṃ te sumahat svargavāsibhiḥ| saśarīro bhavān gantā svarga sucaritavrata||
Even the dwellers of heaven are proclaiming your great deeds of charity. O vow-observing Rishi, you shall go to heaven in your own body.
— tr. M.N. Dutt (1891–96) (public domain)
MBh 2 260.24
इत्येवं वदतस्तस्य तदा दुर्वाससो मुनेः। देवदूतो विमानेन मुद्गलं प्रत्युपस्थितः॥ हंससारसयुक्तेन किङ्किणीजालमालिना। कामगेन विचित्रेण दिव्यगन्धवता तथा॥
ityevaṃ vadatastasya tadā durvāsaso muneḥ| devadūto vimānena mudgalaṃ pratyupasthitaḥ|| haṃsasārasayuktena kiṅkiṇījālamālinā| kāmagena vicitreṇa divyagandhavatā tathā||
When the Rishi Durvasa was thus speaking, celestial messenger appeared before Mudgala in a car yoked with swans and cranes, adorned with numerous bells, scented with divine fragrance, picturesquely painted and possessing the power of going everywhere at will.
— tr. M.N. Dutt (1891–96) (public domain)
MBh 2 260.25
उवाच चैनं विप्रर्षि विमानं कर्मभिर्जितम्। समुपारोह संसिद्धि प्राप्तोऽसि परमां मुने॥
uvāca cainaṃ viprarṣi vimānaṃ karmabhirjitam| samupāroha saṃsiddhi prāpto'si paramāṃ mune||
He spoke thus to the Brahmanas. Ascend this car. O Rishis, the result of your acts, you have obtained the fruit of your asceticism.
— tr. M.N. Dutt (1891–96) (public domain)
MBh 2 260.26
तमेवंवादिनमृषिदेवदूतमुवाच हा इच्छामि भवता प्रोक्तान् गुणान् स्वर्गनिवासिनाम्॥ के गुणास्तत्र वसतां किं तपः कश्च निश्चयः। स्वर्गे तत्र सुखं किं च दोषो वा देवदूतक॥
tamevaṃvādinamṛṣidevadūtamuvāca hā icchāmi bhavatā proktān guṇān svarganivāsinām|| ke guṇāstatra vasatāṃ kiṃ tapaḥ kaśca niścayaḥ| svarge tatra sukhaṃ kiṃ ca doṣo vā devadūtaka||
When the celestial messenger was thus talking, the Rishi told him, O celestial messenger, I desire that you should describe to methe attributes of those that live there. What is their asceticism and what is their purpose? What is the happiness in heaven and what are its defects?
— tr. M.N. Dutt (1891–96) (public domain)
MBh 2 260.27
सतां साप्तपदं मैत्रमाहुः सन्तः कुलोचिताः। मित्रतां च पुरस्कृत्य पृच्छामि त्वामहं विभो॥ यदत्र तथ्यं पथ्यं च तद् ब्रवीह्यविचारयन्। श्रुत्वा तथा करिष्यामि व्यवसायं गिरा तव।॥
satāṃ sāptapadaṃ maitramāhuḥ santaḥ kulocitāḥ| mitratāṃ ca puraskṛtya pṛcchāmi tvāmahaṃ vibho|| yadatra tathyaṃ pathyaṃ ca tad bravīhyavicārayan| śrutvā tathā kariṣyāmi vyavasāyaṃ girā tava|||
O lord, it has been declared by nobly born virtuous men that friendship with five men is formed by only walking with them seven faces. In the name of friendship, I ask you, tell me the truth and that which is good for me to know. Hearing you, I shall according to your words fix the course I ought to follow.
— tr. M.N. Dutt (1891–96) (public domain)