Mahabharata — Volume II (Dutt edition) — Chapter 243
MBh 2 243.1
युधिष्ठिर उवाच अस्मानभिातांस्तात भयार्ताञ्छरणैषिणः। कौरवान् विषमप्राप्तान् कथं ब्रूयास्त्वमीदृशम्॥
yudhiṣṭhira uvāca asmānabhiātāṃstāta bhayārtāñcharaṇaiṣiṇaḥ| kauravān viṣamaprāptān kathaṃ brūyāstvamīdṛśam||
Yudhishthira said : O child, why do you speak these cruel words to these frightened Kurus who are now in adversity and who have come to us for protection?
— tr. M.N. Dutt (1891–96) (public domain)
MBh 2 243.2
यदा तु भवन्ति भेदा ज्ञातीनां कलहाश्च वृकोदर। प्रसक्तानि च वैराणि कुलधर्मो न नश्यति॥
yadā tu bhavanti bhedā jñātīnāṃ kalahāśca vṛkodara| prasaktāni ca vairāṇi kuladharmo na naśyati||
O Vrikodara, dissensions and disputes often take place among those that are connected in blood. Such hostilities always exist, but for it family honour is never suffered to be destroyed.
— tr. M.N. Dutt (1891–96) (public domain)
MBh 2 243.3
कश्चिज्ज्ञातीनां बाह्यः पोथयते कुलम्। न मर्षयन्ति तत् सन्तो बाह्येनाभिप्रधर्षणम्॥
kaścijjñātīnāṃ bāhyaḥ pothayate kulam| na marṣayanti tat santo bāhyenābhipradharṣaṇam||
If any stranger seeks to destroy the honour of a family, they that are good never tolerate such insult to be offered by the stranger.
— tr. M.N. Dutt (1891–96) (public domain)
MBh 2 243.4
जानात्येष हि दुर्बुद्धिरस्मानिह चिरोषितान्। स एवं परिभूयास्मानकादिदमप्रियम्॥
jānātyeṣa hi durbuddhirasmāniha ciroṣitān| sa evaṃ paribhūyāsmānakādidamapriyam||
The wretched minded one (Gandharva king) knows that we are living here for some time. (Even knowing this), he has disregarded us and has done this which is disagreeable to us.
— tr. M.N. Dutt (1891–96) (public domain)
MBh 2 243.5
दुर्योधनस्य ग्रहणाद् गन्धर्वेण बलात् प्रभो। स्त्रीणां बाह्याभिमर्शाच्च हतं भवति नः कुलम्॥
duryodhanasya grahaṇād gandharveṇa balāt prabho| strīṇāṃ bāhyābhimarśācca hataṃ bhavati naḥ kulam||
O exalted one, from this forcible seizure of Duryodhana and from this insult offered to the ladies of our family by a stranger, our family honour is destroyed,
— tr. M.N. Dutt (1891–96) (public domain)
MBh 2 243.6
शरणं च प्रपन्नानां त्राणार्थं च कुलस्य च। उत्तिष्ठत नरव्याघ्राः सज्जीभवत मा चिरम्॥
śaraṇaṃ ca prapannānāṃ trāṇārthaṃ ca kulasya ca| uttiṣṭhata naravyāghrāḥ sajjībhavata mā ciram||
O foremost of men, arise and arm yourselves without the least delay to rescue those that have sought protection and also to save the honour of our family.
— tr. M.N. Dutt (1891–96) (public domain)
MBh 2 243.7
अर्जुनश्च यमौ चैव त्वं च वीरापराजितः। मोक्षयध्वं नरव्याघ्रा ह्रियमाणं सुयोधनम्॥
arjunaśca yamau caiva tvaṃ ca vīrāparājitaḥ| mokṣayadhvaṃ naravyāghrā hriyamāṇaṃ suyodhanam||
Let Arjuna and the twins (Nakula and Sahadeva) and yourself and also those that are brave and invincible (at once go and) rescue Duryodhana who is even now being taken away as a prisoner.
— tr. M.N. Dutt (1891–96) (public domain)
MBh 2 243.8
एते रथा नरव्याघ्राः सर्वशस्त्रसमन्विताः। धृतराष्ट्रस्य पुत्राणां विमलाः काञ्चनध्वजाः॥ सस्वनानधिरोहध्वं नित्यसज्जानिमान् रथान्। इन्द्रसेनादिभिः सूतैः कृतशस्त्रैरधिष्ठितान्॥ एतानास्थाय वै यत्ता गन्धर्वान् यो माहवे। सुयोधनस्य मोक्षाय प्रयतध्वमतन्द्रिताः॥ य एव कश्चिद् राजन्यः शरणार्थमिहागतम्। परं शक्त्याभिरक्षेत किं पुनस्त्वं वृकोदर॥
ete rathā naravyāghrāḥ sarvaśastrasamanvitāḥ| dhṛtarāṣṭrasya putrāṇāṃ vimalāḥ kāñcanadhvajāḥ|| sasvanānadhirohadhvaṃ nityasajjānimān rathān| indrasenādibhiḥ sūtaiḥ kṛtaśastrairadhiṣṭhitān|| etānāsthāya vai yattā gandharvān yo māhave| suyodhanasya mokṣāya prayatadhvamatandritāḥ|| ya eva kaścid rājanyaḥ śaraṇārthamihāgatam| paraṃ śaktyābhirakṣeta kiṃ punastvaṃ vṛkodara||
These blazing cars with golden flag-staffs belonging to the son of Dhritarashtra are now all ready (before you). With Indrasena and other charioteers who are all skilled in arms, ride all of you these ever furnished cars with deep rattling noise. Ride on them and fight to your utmost power with the Gandharvas to rescue Duryodhana. Even an ordinary Kshatriya would try his best to protect one who has come to him for protection. What then, O Vrikodara, shall I speak to you?
— tr. M.N. Dutt (1891–96) (public domain)
MBh 2 243.9
क इहार्यो भवेत् त्राणमभिधावेति नोदितः। प्राञ्जलिं शरणापन्नं दृष्ट्वा शत्रुमपि ध्रुवम्॥ वरप्रदानं राज्यं च पुत्रजन्म च पाण्डवाः। शत्रोच मोक्षणं क्लेशात् त्रीणि चैकं च तत्समम्॥
ka ihāryo bhavet trāṇamabhidhāveti noditaḥ| prāñjaliṃ śaraṇāpannaṃ dṛṣṭvā śatrumapi dhruvam|| varapradānaṃ rājyaṃ ca putrajanma ca pāṇḍavāḥ| śatroca mokṣaṇaṃ kleśāt trīṇi caikaṃ ca tatsamam||
Entreated for assistance in such words as these, “O hasten to my help,” who is there that is so mean as not to help even his enemy when he see him to crave for protection with joined hands? The bestowal of a boon, a sovereignty and the birth of a son are sources of great happiness. But to rescue an enemy from distress is equal to all three.
— tr. M.N. Dutt (1891–96) (public domain)
MBh 2 243.10
किं चाप्यधिकमेतस्माद् यदापन्नः सुयोधनः। त्वद्वाहुबलमाश्रित्य जीवितं परिमार्गते॥
kiṃ cāpyadhikametasmād yadāpannaḥ suyodhanaḥ| tvadvāhubalamāśritya jīvitaṃ parimārgate||
What could be greater joy to you than that Duryodhana now in distress seeks his very life which now depends on the strength of your arms?
— tr. M.N. Dutt (1891–96) (public domain)
MBh 2 243.11
स्वयमेव प्रधावेयं यदि न स्याद् वृकोदर। विततो मे क्रतुर्वीर न हि मेऽत्र विचारणा॥
svayameva pradhāveyaṃ yadi na syād vṛkodara| vitato me kraturvīra na hi me'tra vicāraṇā||
O Vrikodara, O hero, if the vow which I am engaged in observing were over, I would have certainly myself run to his assistance.
— tr. M.N. Dutt (1891–96) (public domain)
MBh 2 243.12
साम्नैव तु यथा भीम मोक्षयेथाः सुयोधनम्। तथा सर्वैरुपायैस्त्वं यतेथाः कुरुनन्दन॥ न साम्ना प्रतिपद्येत यदि गन्धर्वराडसौ। पराक्रमेण मृदुना मोक्षयेथाः सुयोधनम्॥
sāmnaiva tu yathā bhīma mokṣayethāḥ suyodhanam| tathā sarvairupāyaistvaṃ yatethāḥ kurunandana|| na sāmnā pratipadyeta yadi gandharvarāḍasau| parākrameṇa mṛdunā mokṣayethāḥ suyodhanam||
Try by all means, O Bhima, O Kuru prince, to rescue Duryodhana (first) by the act of conciliation. If however the Gandharva king cannot be managed by the act of conciliation, then you must try to rescue Duryodhana by light fighting.
— tr. M.N. Dutt (1891–96) (public domain)
MBh 2 243.13
अथासौ मृदुयुद्धेन न मुञ्चेद् भीम कौरवान्। सर्वोपायैविमोच्यास्ते निगृह्य परिपन्थिनः॥
athāsau mṛduyuddhena na muñced bhīma kauravān| sarvopāyaivimocyāste nigṛhya paripanthinaḥ||
If the Gandharvas do not let off the Kurus, even then, O Bhima, you must then rescue them by crushing the enemy by all means.
— tr. M.N. Dutt (1891–96) (public domain)
MBh 2 243.14
एतावद्धि मया शक्यं संदेष्टुं वै वृकोदर। वैताने कर्मणि तते वर्तमाने च भारत॥
etāvaddhi mayā śakyaṃ saṃdeṣṭuṃ vai vṛkodara| vaitāne karmaṇi tate vartamāne ca bhārata||
O Vrikodara, all this I can tell you now, for my vow has begun, but it has not ended as yet."
— tr. M.N. Dutt (1891–96) (public domain)
MBh 2 243.15
वैशम्पायन उवाच अजातशत्रोर्वचनं तच्छ्रुत्वा तु धनंजयः। प्रतिजज्ञे गुरोर्वाक्यं कौरवाणां विमोक्षणम्॥
vaiśampāyana uvāca ajātaśatrorvacanaṃ tacchrutvā tu dhanaṃjayaḥ| pratijajñe gurorvākyaṃ kauravāṇāṃ vimokṣaṇam||
Having heard these words of Ajatshatru, Dhananjaya (Arjuna) at the command of his Guru, vowed to rescue the Kurus.
— tr. M.N. Dutt (1891–96) (public domain)
MBh 2 243.16
अर्जुन उवाच यदि साम्ना न मोक्ष्यन्ति गन्धर्वा धृतराष्ट्रजान्। अद्य गन्धर्वराजस्य भूमि: पास्यति शोणितम्॥ अर्जुनस्य तु तां श्रुत्वा प्रतिज्ञां सत्यवादिनः। कौरवाणां तदा राजन् पुनः प्रत्यागतं मनः॥
arjuna uvāca yadi sāmnā na mokṣyanti gandharvā dhṛtarāṣṭrajān| adya gandharvarājasya bhūmi: pāsyati śoṇitam|| arjunasya tu tāṃ śrutvā pratijñāṃ satyavādinaḥ| kauravāṇāṃ tadā rājan punaḥ pratyāgataṃ manaḥ||
“If the Gandharvas do not peacefully let off the Dhritarashtra people, the earth shall this day drink the blood of the Gandharvas." Hearing the vow of the truthful Arjuna, O king, the Kurus were fully cheered up.
— tr. M.N. Dutt (1891–96) (public domain)