Mahabharata — Volume II (Dutt edition) — Chapter 240

MBh 2 240.1

वैशम्पायन उवाच अथ दुर्योधनो राजा तत्र वने वसन्। जगाम घोषानभितस्तत्र चक्रे निवेशनम्॥

vaiśampāyana uvāca atha duryodhano rājā tatra vane vasan| jagāma ghoṣānabhitastatra cakre niveśanam||

Vaishampayana said : Then the king Duryodhana, living in various parts of that forest, at last came to the cattle stations and encamped there.

— tr. M.N. Dutt (1891–96) (public domain)

MBh 2 240.2

रमणीये समाज्ञाते सोदके समहीरहे। देशे सर्वगुणोपेते चक्रुरावसथान् पराः॥

ramaṇīye samājñāte sodake samahīrahe| deśe sarvaguṇopete cakrurāvasathān parāḥ||

Selecting a well known charming place which had a plentiful supply of water and which abounded in trees and possessed every convenience, his attendants built a house for him.

— tr. M.N. Dutt (1891–96) (public domain)

MBh 2 240.3

तथैव तत्समीपस्थान् पृथगावसथान् बहून्। कर्णस्य शकुनेश्चैव भ्रातृणां चैव सर्वशः॥

tathaiva tatsamīpasthān pṛthagāvasathān bahūn| karṇasya śakuneścaiva bhrātṛṇāṃ caiva sarvaśaḥ||

Near the royal residence, they also erected separate houses for Karna, Shakuni and other brothers of the king.

— tr. M.N. Dutt (1891–96) (public domain)

MBh 2 240.4

ददर्श स तदा गावः शतशोऽथ सहस्रशः। अङ्कुर्लक्षैश्च ताः सर्वा लक्षयामास पार्थिवः॥

dadarśa sa tadā gāvaḥ śataśo'tha sahasraśaḥ| aṅkurlakṣaiśca tāḥ sarvā lakṣayāmāsa pārthivaḥ||

The king saw his cattle by hundreds and thousands. Examining their limbs and marks, he supervised their counting.

— tr. M.N. Dutt (1891–96) (public domain)

MBh 2 240.5

अङ्कयामास वत्सांश्च जज्ञे चोपसृतांस्त्वपि। बालवत्साश्च या गावः कालयामास ता अपि॥

aṅkayāmāsa vatsāṃśca jajñe copasṛtāṃstvapi| bālavatsāśca yā gāvaḥ kālayāmāsa tā api||

He caused the calves to be marked and took notes of those that required to be tamed. He also counted all those cows of which calves had not yet been yeaned.

— tr. M.N. Dutt (1891–96) (public domain)

MBh 2 240.6

अथ स स्मारणं कृत्वा लक्षयित्वा त्रिहायनान्। वृतो गोपालकैः प्रीतो व्यहरत् कुरुनन्दनः॥

atha sa smāraṇaṃ kṛtvā lakṣayitvā trihāyanān| vṛto gopālakaiḥ prīto vyaharat kurunandanaḥ||

Completing the task of counting and marking every calf which was three years old, the Kuru prince, surrounded by the cow-herds, began cheerfully to sport and wander about (in that forest).

— tr. M.N. Dutt (1891–96) (public domain)

MBh 2 240.7

स च पौरजनः सर्वः सैनिकाच सहस्रशः। यथोपजोषं चिक्रीडुर्वने तस्मिन् यथामराः॥

sa ca paurajanaḥ sarvaḥ sainikāca sahasraśaḥ| yathopajoṣaṃ cikrīḍurvane tasmin yathāmarāḥ||

The citizens and the soldiers by thousands sported in that forest as best pleased them like the celestials.

— tr. M.N. Dutt (1891–96) (public domain)

MBh 2 240.8

ततो गोपाः प्रगातारः कुशला नृत्यवादने। धार्तराष्ट्रमुपातिष्ठन् कन्याश्चैव स्वलंकृताः॥

tato gopāḥ pragātāraḥ kuśalā nṛtyavādane| dhārtarāṣṭramupātiṣṭhan kanyāścaiva svalaṃkṛtāḥ||

The herdsman, well-skilled in singing and dancing and playing on musical instruments and maidens adorned with ornaments ministered to the pleasures of Dhritarashtra's son.

— tr. M.N. Dutt (1891–96) (public domain)

MBh 2 240.9

स स्त्रीगणावृतो राजा प्रहृष्टः प्रददौ वसु। तेभ्यो यथार्हमन्नानि पानानि विविधानि च॥

sa strīgaṇāvṛto rājā prahṛṣṭaḥ pradadau vasu| tebhyo yathārhamannāni pānāni vividhāni ca||

The king surrounded by the ladies of the royal household began cheerfully to distribute according to the merit of each, wealth, food and drinks of various kinds among those that sought to please him.

— tr. M.N. Dutt (1891–96) (public domain)

MBh 2 240.10

ततस्ते सहिताः सर्वे तरखून् महिषान् मृगान्। गवयर्डवराहांश्च समन्तात् पर्यकालयन्॥ स ताञ्छरैर्विनिर्भिद्य गजांश्च सुबहून् वने। रमणीयेषु देशेषु ग्राहयामास वै मृगान्॥

tataste sahitāḥ sarve tarakhūn mahiṣān mṛgān| gavayarḍavarāhāṃśca samantāt paryakālayan|| sa tāñcharairvinirbhidya gajāṃśca subahūn vane| ramaṇīyeṣu deśeṣu grāhayāmāsa vai mṛgān||

Attended by all his followers, the king killed many bison's, buffaloes, deer gavayas, bear and boars. Pierced by his arrows animals by thousands died in that deep forest. He caused the deer to be caught in the most delightful parts of the forest.

— tr. M.N. Dutt (1891–96) (public domain)

MBh 2 240.11

गोरसानुपयुञ्जान उपभोगांश्च भारत। पश्यन् स रणमीयानि वनान्युपवनानि च।॥ मत्तभ्रमरजुष्टानि बर्हिणाभिरुतानि च। अगच्छदानुपूर्येण पुण्यं द्वैतवनं सरः॥

gorasānupayuñjāna upabhogāṃśca bhārata| paśyan sa raṇamīyāni vanānyupavanāni ca||| mattabhramarajuṣṭāni barhiṇābhirutāni ca| agacchadānupūryeṇa puṇyaṃ dvaitavanaṃ saraḥ||

Drinking milk and enjoying various other delicious articles, O descendant of Bharata and also seeing as he proceeded many delightful forests and woods swarming with bees intoxicated with the honey of flowers and resounding with the sweet notes of peacock, the king at last reached the sacred lake of Dvaitavana.

— tr. M.N. Dutt (1891–96) (public domain)

MBh 2 240.12

मत्तभ्रमरसंजुष्टं नीलकण्ठरवाकुलम्। सप्तच्छदसमाकीर्णं पुन्नागबकुलैर्युतम्॥

mattabhramarasaṃjuṣṭaṃ nīlakaṇṭharavākulam| saptacchadasamākīrṇaṃ punnāgabakulairyutam||

The place was swarmed with bees intoxicated with the honey of the flowers; it echoed with the sweet notes of blue throated jay (bird); it was shaded by Saptachadas and Punnyagas and Bakulas.

— tr. M.N. Dutt (1891–96) (public domain)

MBh 2 240.13

ऋद्ध्या परमया युक्तो महेन्द्र इव वलाभृत्। यदृच्छया च तत्रस्थो धर्मपुत्रो युधिष्ठिरः॥ ईजे राजर्षियज्ञेन साद्यस्केन विशाम्पते। दिव्येन विधिना चैव वन्येन कुरुसत्तम॥ कृत्वा निवेशमभितः सरसस्तस्य कौरव। द्रौपद्या सहिता धीमान् धर्मपल्या नराधिपः॥

ṛddhyā paramayā yukto mahendra iva valābhṛt| yadṛcchayā ca tatrastho dharmaputro yudhiṣṭhiraḥ|| īje rājarṣiyajñena sādyaskena viśāmpate| divyena vidhinā caiva vanyena kurusattama|| kṛtvā niveśamabhitaḥ sarasastasya kaurava| draupadyā sahitā dhīmān dharmapalyā narādhipaḥ||

The king (Duryodhana) graced with great prosperity went there like the wielder of thunder, the lord of the celestials (Indra). O foremost of the Kuru race, the greatly intelligent Dharmaraja Yudhishthira was then, O king, living near that lake and was performing with his wife Draupadi the sacrifice called Rajarshi according to the ordinance sanctioned for the celestials and persons living in the forest.

— tr. M.N. Dutt (1891–96) (public domain)

MBh 2 240.14

ततो दुर्योधनः प्रेष्यानादिदेश सहस्रशः। आक्रीडावसथा: क्षिप्नं क्रियन्तामिति भारत॥

tato duryodhanaḥ preṣyānādideśa sahasraśaḥ| ākrīḍāvasathā: kṣipnaṃ kriyantāmiti bhārata||

O descendant of Bharata, Duryodhana, having arrived at that place, commanded thousands of his men to build there pleasure houses with the least delay.

— tr. M.N. Dutt (1891–96) (public domain)

MBh 2 240.15

ते तथेत्येव कौरव्यमुक्त्वा वचनकारिणः। चिकीर्षन्तस्तदाऽऽक्रीडाञ्जग्मुद्वैतवनं सरः॥

te tathetyeva kauravyamuktvā vacanakāriṇaḥ| cikīrṣantastadā''krīḍāñjagmudvaitavanaṃ saraḥ||

Saying "So be it", they at the command of the king went towards the banks of the lake to build the pleasure houses.

— tr. M.N. Dutt (1891–96) (public domain)

MBh 2 240.16

प्रविशन्तं वनद्वारि गन्धर्वाः समवारयन्। सेनाच्यं धार्तराष्ट्रस्य प्राप्तं द्वैतवनं सरः॥

praviśantaṃ vanadvāri gandharvāḥ samavārayan| senācyaṃ dhārtarāṣṭrasya prāptaṃ dvaitavanaṃ saraḥ||

As the best of the soldiers of Dhritarashtra's son, having reached the lake, were about to enter the woods, many Gandharvas came forward and commanded them not to enter.

— tr. M.N. Dutt (1891–96) (public domain)

MBh 2 240.17

तत्र गन्धर्वराजो वै पूर्वमेव विशाम्पते। कुबेरभवनाद् राजन्नाजगाम गणावृतः॥

tatra gandharvarājo vai pūrvameva viśāmpate| kuberabhavanād rājannājagāma gaṇāvṛtaḥ||

O monarch, the king of the Gandharvas with his followers had already arrived there from the abode of Kubera.

— tr. M.N. Dutt (1891–96) (public domain)

MBh 2 240.18

गणैरप्सरसां चैव त्रिदशानां तथाऽऽत्मजैः। विहारशीलः क्रीडार्थं तेन तत् संवृतं सरः॥

gaṇairapsarasāṃ caiva tridaśānāṃ tathā''tmajaiḥ| vihāraśīlaḥ krīḍārthaṃ tena tat saṃvṛtaṃ saraḥ||

He had come surrounded by various Apsaras and also by many sons of the celestials. Having come to that lake to sport, he had closed the place to all comers.

— tr. M.N. Dutt (1891–96) (public domain)

MBh 2 240.19

तेन तत् संवृतं दृष्ट्वा ते राजपरिचारकाः। प्रतिजग्मुस्ततो राजन् यत्र दुर्योधनो नृपः॥

tena tat saṃvṛtaṃ dṛṣṭvā te rājaparicārakāḥ| pratijagmustato rājan yatra duryodhano nṛpaḥ||

O king, finding the lake closed by the Gandharva king, the royal attendants (of Duryodhana) went back to the place where their king was.

— tr. M.N. Dutt (1891–96) (public domain)

MBh 2 240.20

स तु तेषां वचः श्रुत्वा सैनिकान् युद्धदुर्मदान्। प्रेषयामास कौरव्य उत्सारयत तानिति॥

sa tu teṣāṃ vacaḥ śrutvā sainikān yuddhadurmadān| preṣayāmāsa kauravya utsārayata tāniti||

O descendant of Kuru, hearing their words, he (Duryodhana) sent a number of his soldiers, to all difficult to be vanquished in battle, commanding them drive away the Gandharvas.

— tr. M.N. Dutt (1891–96) (public domain)

MBh 2 240.21

तस्य तद् वचनं श्रुत्वा राज्ञः सेनाचयायिनः। सरो द्वैतवनं गत्वा गन्धर्वानिदमब्रुवन्॥

tasya tad vacanaṃ śrutvā rājñaḥ senācayāyinaḥ| saro dvaitavanaṃ gatvā gandharvānidamabruvan||

Those warriors, who forned the vanguard of the Kuru army, having heard those words of the king, went back to the lake of the Dvaitavana and thus spoke to the Gandharvas.

— tr. M.N. Dutt (1891–96) (public domain)

MBh 2 240.22

राजा दुर्योधनो नाम धृतराष्ट्रसुतो बली। विजिहीर्षुरिहायाति तदर्थमपसर्पत॥

rājā duryodhano nāma dhṛtarāṣṭrasuto balī| vijihīrṣurihāyāti tadarthamapasarpata||

“The powerful king named Duryodhana, the son of Dhritarashtra, has come here for sport. Therefore leave this place at once.”

— tr. M.N. Dutt (1891–96) (public domain)

MBh 2 240.23

एवमुक्तास्तु गन्धर्वाः प्रहसन्तो विशाम्पते। प्रत्यब्रुवंस्तान् पुरुषानिदं हि परुषं वचः॥

evamuktāstu gandharvāḥ prahasanto viśāmpate| pratyabruvaṃstān puruṣānidaṃ hi paruṣaṃ vacaḥ||

Having been thus addressed. O king, the Gandharvas laughed aloud. They thus replied to them in harsh words,

— tr. M.N. Dutt (1891–96) (public domain)

MBh 2 240.24

न चेतयति वो राजा मन्दबुद्धिः सुयोधनः। योऽस्मानाज्ञापयत्येवं वैश्यानिव दिवौकसः॥

na cetayati vo rājā mandabuddhiḥ suyodhanaḥ| yo'smānājñāpayatyevaṃ vaiśyāniva divaukasaḥ||

“Your wicked-minded Duryodhana has but little sense. Or else how could he thus command us who are dwellers of heaven as if we are his servants.

— tr. M.N. Dutt (1891–96) (public domain)

MBh 2 240.25

यूयं मुमूर्षवश्चापि मन्दप्रज्ञा न संशयः। ये तस्य वचनादेवमस्मान् ब्रूत विचेतसः॥

yūyaṃ mumūrṣavaścāpi mandaprajñā na saṃśayaḥ| ye tasya vacanādevamasmān brūta vicetasaḥ||

You are certainly fools to rush thus to the point of death. You are senseless idiots to bring such massage to us.

— tr. M.N. Dutt (1891–96) (public domain)

MBh 2 240.26

गच्छध्वं त्वरिताः सर्वे यत्र राजा स कौरवः। न चेदद्यैव गच्छध्वं धर्मराजनिवेशनम्॥

gacchadhvaṃ tvaritāḥ sarve yatra rājā sa kauravaḥ| na cedadyaiva gacchadhvaṃ dharmarājaniveśanam||

Go back soon where that Kuru king is or else you will today go to the abode of Dharmaraja (Yama)."

— tr. M.N. Dutt (1891–96) (public domain)

MBh 2 240.27

एवमुक्तास्तु गन्धर्वै राज्ञः सेनाचयायिनः। सम्प्राद्रवन् यतो राजा धृतराष्ट्रसुतोऽभवत्॥

evamuktāstu gandharvai rājñaḥ senācayāyinaḥ| samprādravan yato rājā dhṛtarāṣṭrasuto'bhavat||

Having been thus addressed by the Gandharvas, those vanguards (of the Kuru army) ran back to the place where the king (Duryodhana), the son of Dhritarashtra was.

— tr. M.N. Dutt (1891–96) (public domain)