Mahabharata — Volume II (Dutt edition) — Chapter 239
MBh 2 239.1
वैशम्पायन उवाच धृतराष्ट्र ततः सर्वे ददृशुर्जनमेजय। पृष्ट्वा सुखमथो राज्ञः पृष्टा राज्ञा च भारत॥
vaiśampāyana uvāca dhṛtarāṣṭra tataḥ sarve dadṛśurjanamejaya| pṛṣṭvā sukhamatho rājñaḥ pṛṣṭā rājñā ca bhārata||
Vaishampayana said : O Janamejaya, O descendant of Bharata, then they all saw Dhritarashtra and asked his welfare; they were also asked their welfare in reiurn,
— tr. M.N. Dutt (1891–96) (public domain)
MBh 2 239.2
ततस्तैर्विहितः पूर्वं समङ्गो नाम बल्लवः। समीपस्थास्तदा गावो धृतराष्ट्र न्यवेदयत्॥
tatastairvihitaḥ pūrvaṃ samaṅgo nāma ballavaḥ| samīpasthāstadā gāvo dhṛtarāṣṭra nyavedayat||
Then a cowherd named Samanga who had been instructed before-hand come to the king Dhritarashtra and spoke about the cattle.
— tr. M.N. Dutt (1891–96) (public domain)
MBh 2 239.3
अनन्तरं च राधेयः शकुनिश्च विशाम्पते। आहतुः पार्थिवश्रेष्ठं धृतराष्ट्र जनाधिपम्॥
anantaraṃ ca rādheyaḥ śakuniśca viśāmpate| āhatuḥ pārthivaśreṣṭhaṃ dhṛtarāṣṭra janādhipam||
O king, the son of Radha (Karna) and Shakuni thus spoke to that foremost of kings, the ruler of earth, Dhritarashtra,
— tr. M.N. Dutt (1891–96) (public domain)
MBh 2 239.4
रमणीयेषु देशेषु घोषाः सम्प्रति कौरव। स्मारणे समयः प्राप्तो वत्पानामपि चाङ्कनम्॥
ramaṇīyeṣu deśeṣu ghoṣāḥ samprati kaurava| smāraṇe samayaḥ prāpto vatpānāmapi cāṅkanam||
"O descendant of Kuru, our cattle are now stationed in a charming place. The time for marking the calves has also come.
— tr. M.N. Dutt (1891–96) (public domain)
MBh 2 239.5
मृगया चोचिता राजन्नस्मिन् काले सुतस्य ते। दुर्योधनस्य गमनं समनुज्ञातुमर्हसि॥
mṛgayā cocitā rājannasmin kāle sutasya te| duryodhanasya gamanaṃ samanujñātumarhasi||
O king, this is also an excellent season for your son Duryodhana to go to a hunting expedition. Therefore you should grant him permission to go there.
— tr. M.N. Dutt (1891–96) (public domain)
MBh 2 239.6
धृतराष्ट्र उवाच मृगया शोभना तात गवां हि समवेक्षणम्। विश्रम्भस्तु न गन्तव्यो वल्लवानामिति स्मरे॥
dhṛtarāṣṭra uvāca mṛgayā śobhanā tāta gavāṃ hi samavekṣaṇam| viśrambhastu na gantavyo vallavānāmiti smare||
Dhritarashtra said: O child, hunting and seeing the cattle are both very proper acts. I think the herdsman should not be (completely) trusted.
— tr. M.N. Dutt (1891–96) (public domain)
MBh 2 239.7
ते तु तत्र नरव्याघ्राः समीप इति नः श्रुतम्। अतो नाभ्यनुजानामि गमनं तत्र वः स्वयम्॥
te tu tatra naravyāghrāḥ samīpa iti naḥ śrutam| ato nābhyanujānāmi gamanaṃ tatra vaḥ svayam||
But I have heard that those foremost of men (the Pandavas) are living some where near that place; therefore I think you should not yourselves go there.
— tr. M.N. Dutt (1891–96) (public domain)
MBh 2 239.8
छद्मना निर्जितास्ते तु कर्शिताश्च महावने। तपोनित्याश्च राधेय समर्थाश्च महारथाः॥
chadmanā nirjitāste tu karśitāśca mahāvane| taponityāśca rādheya samarthāśca mahārathāḥ||
Defeated by deceitful means, they are now living in the deep forest in great misery. O son of Radha, those greatly powerful car-warriors are now engaged in asceticism.
— tr. M.N. Dutt (1891–96) (public domain)
MBh 2 239.9
धर्मराजो न संक्रुद्ध्येद् भीमसेनस्त्वमर्षणः। यज्ञसेनस्य दुहिता तेज एव तु केवलम्॥
dharmarājo na saṃkruddhyed bhīmasenastvamarṣaṇaḥ| yajñasenasya duhitā teja eva tu kevalam||
Dharmaraja (Yudhishthira) will never be angry, but Bhimasena is naturally wrathful; the daughter of Yajnasena (Draupadi) also is effulgence herself.
— tr. M.N. Dutt (1891–96) (public domain)
MBh 2 239.10
यूयं चाप्यपराध्येयुर्दर्पमोहसमन्विताः। ततो विनिर्दहेयुस्ते तपसा हि समन्विताः॥
yūyaṃ cāpyaparādhyeyurdarpamohasamanvitāḥ| tato vinirdaheyuste tapasā hi samanvitāḥ||
Full of pride and folly as you are you are certain to give her offence. Endued with ascetic merit as she is (now), she will certainly consume you.
— tr. M.N. Dutt (1891–96) (public domain)
MBh 2 239.11
अथवा सायुधा वीरा मन्युनाभिपरिप्लुताः। सहिता बद्धनिस्त्रिंशा दहेयुः शस्त्रतेजसा॥ वै
athavā sāyudhā vīrā manyunābhipariplutāḥ| sahitā baddhanistriṃśā daheyuḥ śastratejasā|| vai
Or perhaps, those heroes, armed with swords and other weapons and filled with wrath, may consume you with the fire of their weapons.
— tr. M.N. Dutt (1891–96) (public domain)
MBh 2 239.12
अथ यूयं बहुत्वात् तानभियात कथंचन। अनार्यं परमं तत् स्यादशक्यं तच्च मतम्॥
atha yūyaṃ bahutvāt tānabhiyāta kathaṃcana| anāryaṃ paramaṃ tat syādaśakyaṃ tacca matam||
Or if from the force of numbers you seek to injure them in any way, even that will be a highly improper act, though I know you will never succeed.
— tr. M.N. Dutt (1891–96) (public domain)
MBh 2 239.13
उषितो हि महाबाहुरिन्द्रलोके धनंजयः। दिव्यान्यस्त्राण्यवाप्याथ ततः प्रत्यागतो वनम्॥
uṣito hi mahābāhurindraloke dhanaṃjayaḥ| divyānyastrāṇyavāpyātha tataḥ pratyāgato vanam||
The mighty armed Dhananjaya (Arjuna) had lived in the abode of Indra. Having obtained the celestials weapons, he has returned to the forest.
— tr. M.N. Dutt (1891–96) (public domain)
MBh 2 239.14
अकृतास्त्रेण पृथिवी जिता बीभत्सुना पुरा। किं पुनः स कृतास्त्रोऽद्य न हन्याद् वो महारथः॥
akṛtāstreṇa pṛthivī jitā bībhatsunā purā| kiṃ punaḥ sa kṛtāstro'dya na hanyād vo mahārathaḥ||
While unaccomplished in arms, Bibhatsu (Arjuna) conquered the whole earth. He is now a great car-warrior and highly accomplished in arms, why will he not be able (now) to kill you all?
— tr. M.N. Dutt (1891–96) (public domain)
MBh 2 239.15
अथवा मद्वचः श्रुत्वा तत्र यत्ता भविष्यथा उद्विग्नवासो विश्रम्भाद् दुःखं तत्र भविष्यति॥
athavā madvacaḥ śrutvā tatra yattā bhaviṣyathā udvignavāso viśrambhād duḥkhaṃ tatra bhaviṣyati||
Or if you in obedience to my words on going there, behave carefully you will then never be able to live happily, as you will always be in a state of trustlessness.
— tr. M.N. Dutt (1891–96) (public domain)
MBh 2 239.16
अथवा सैनिकाः केचिदपकुर्युर्युधिष्ठिरम्। तदबुद्धिकृतं कर्म दोषमुत्पादयेच्च वः॥ तस्माद् गच्छन्तु पुरुषाः स्मारणायाप्तकारिणः। न स्वयं तत्र गमनं रोचये तव भारत॥
athavā sainikāḥ kecidapakuryuryudhiṣṭhiram| tadabuddhikṛtaṃ karma doṣamutpādayecca vaḥ|| tasmād gacchantu puruṣāḥ smāraṇāyāptakāriṇaḥ| na svayaṃ tatra gamanaṃ rocaye tava bhārata||
Or some soldiers of yours may do some injury to Yudhishthira and that unpremeditated act may be ascribed to you. O descendant of Bharata, therefore let some faithful men go there to count the cattle and mark the calves. I do not think it is proper for your to go in person.
— tr. M.N. Dutt (1891–96) (public domain)
MBh 2 239.17
शकुनिरुवाच धर्मज्ञः पाण्डवो ज्येष्ठः प्रतिज्ञातं च संसदि। तेन द्वादश वर्षाणि वस्तव्यानीति भारत।॥
śakuniruvāca dharmajñaḥ pāṇḍavo jyeṣṭhaḥ pratijñātaṃ ca saṃsadi| tena dvādaśa varṣāṇi vastavyānīti bhārata|||
Shakuni said: O descendant of Bharata, the eldest Pandava is virtuous; he has taken the pledge in the assembly that he will live twelve years in the forest.
— tr. M.N. Dutt (1891–96) (public domain)
MBh 2 239.18
अनुवृत्ताश्च ते सर्वे पाण्डवा धर्मचारिणः। युधिष्ठिरस्तु कौन्तेयो न नः कोपं करिष्यति॥
anuvṛttāśca te sarve pāṇḍavā dharmacāriṇaḥ| yudhiṣṭhirastu kaunteyo na naḥ kopaṃ kariṣyati||
The other Pandavas are virtuous and obedient to him. The son of Kunti, Yudhishthira will never be angry with us.
— tr. M.N. Dutt (1891–96) (public domain)
MBh 2 239.19
मृगयां चैव नो गन्तुमिच्छा संवर्तते भृशम्। स्मारणं तु चिकीर्षामो न तु पाण्डवदर्शनम्॥
mṛgayāṃ caiva no gantumicchā saṃvartate bhṛśam| smāraṇaṃ tu cikīrṣāmo na tu pāṇḍavadarśanam||
We desire very much to go to a hunting expedition; we shall also take that opportunity to count the cattle. We have no wish to see the Pandavas.
— tr. M.N. Dutt (1891–96) (public domain)
MBh 2 239.20
न चानार्यसमाचारः कश्चित् तत्र भविष्यति। न च तत्र गमिष्यामो यत्र तेषां प्रतिश्रयः॥
na cānāryasamācāraḥ kaścit tatra bhaviṣyati| na ca tatra gamiṣyāmo yatra teṣāṃ pratiśrayaḥ||
We shall not go to that place where the Pandavas are living. Therefore no misconduct on our part can possibly arise.
— tr. M.N. Dutt (1891–96) (public domain)
MBh 2 239.21
वैशम्पायन उवाच एवमुक्तः शकुनिना धृतराष्ट्रो जनेश्वरः। दुर्योधनं महामात्यमनुजज्ञे न कामतः॥
vaiśampāyana uvāca evamuktaḥ śakuninā dhṛtarāṣṭro janeśvaraḥ| duryodhanaṃ mahāmātyamanujajñe na kāmataḥ||
Vaishampayana said : Having been thus addressed by Shakuni, the ruler of earth, Dhritarashtra, unwillingly gave permission to Duryodhana and his counsellors togo.
— tr. M.N. Dutt (1891–96) (public domain)
MBh 2 239.22
अनुज्ञातस्तु गान्धारिः कर्णेन सहितस्तदा। निर्ययौ भरतश्रेष्ठो बलेन महता वृतः॥
anujñātastu gāndhāriḥ karṇena sahitastadā| niryayau bharataśreṣṭho balena mahatā vṛtaḥ||
Having received permission, the son of Gandhari, that foremost of the Bharata race (Duryodhana) with Karna and with a large host started.
— tr. M.N. Dutt (1891–96) (public domain)
MBh 2 239.23
दुःशासनेन च तथा सौबलेन च धीमता। संवृतो भ्रातृभिश्चान्यैः स्त्रीभिश्चापि सहस्रशः॥
duḥśāsanena ca tathā saubalena ca dhīmatā| saṃvṛto bhrātṛbhiścānyaiḥ strībhiścāpi sahasraśaḥ||
He has accompanied by Dushasana the intclligent son of Subala (Shakuni) and by many others of his brothers and also thousands of women.
— tr. M.N. Dutt (1891–96) (public domain)
MBh 2 239.24
तं निर्यान्तं महाबाहुं द्रष्टुं द्वैतवनं सरः। पौराश्चानुययुः सर्वे सहदारा वनं च तत्॥
taṃ niryāntaṃ mahābāhuṃ draṣṭuṃ dvaitavanaṃ saraḥ| paurāścānuyayuḥ sarve sahadārā vanaṃ ca tat||
When he started to see that lake in the Dvaitavana, the citizens also with their wives proceeded towards that forest.
— tr. M.N. Dutt (1891–96) (public domain)
MBh 2 239.25
अष्टौ रथसहस्राणि त्रीणि नागायुतानि च। पत्तयो बहुसाहस्रा हयाश्च नवतिः शताः॥
aṣṭau rathasahasrāṇi trīṇi nāgāyutāni ca| pattayo bahusāhasrā hayāśca navatiḥ śatāḥ||
Eight thousand cars, thirty thousand elephants, nine thousand horses and many thousands of foot soldiers,
— tr. M.N. Dutt (1891–96) (public domain)
MBh 2 239.26
शकटापणवेशाश्च वणिजो वन्दिनस्तथा। नराश्च मृगयाशीलाः शतशोऽथ सहस्रशः॥
śakaṭāpaṇaveśāśca vaṇijo vandinastathā| narāśca mṛgayāśīlāḥ śataśo'tha sahasraśaḥ||
Carriages, shops, pavilions, traders, bards and men, trained in hunting, by hundred and thousands, followed the king.
— tr. M.N. Dutt (1891–96) (public domain)
MBh 2 239.27
ततः प्रयाणे नृपतेः सुमहानभवत् स्वनः। प्रावृषीव महावायोरुद्धतस्य विशाम्पते॥
tataḥ prayāṇe nṛpateḥ sumahānabhavat svanaḥ| prāvṛṣīva mahāvāyoruddhatasya viśāmpate||
O monarch, as the king started, followed by many thousands of men, the uproar caused by the march resembled the deep roar of winds in the rains.
— tr. M.N. Dutt (1891–96) (public domain)
MBh 2 239.28
गव्यूतिमात्रे न्यवसद् राजा दुर्योधनस्तदा। प्रयातो वाहनैः सर्वैस्ततो द्वैतवनं सरः॥
gavyūtimātre nyavasad rājā duryodhanastadā| prayāto vāhanaiḥ sarvaistato dvaitavanaṃ saraḥ||
Arriving at the lake of Dvaitavana with his followers and conveyances, king Duryodhana encamped at the distance of four miles from the lake.
— tr. M.N. Dutt (1891–96) (public domain)