Mahabharata — Volume II (Dutt edition) — Chapter 232
MBh 2 232.1
युधिष्ठिर उवाच भगवन् श्रोतुमिच्छामि नामान्यस्य महात्मनः। त्रिषु लोकेषु यान्यस्य विख्यातानि द्विजोत्तम॥
yudhiṣṭhira uvāca bhagavan śrotumicchāmi nāmānyasya mahātmanaḥ| triṣu lokeṣu yānyasya vikhyātāni dvijottama||
Yudhishthira said : O high-souled and the exalted Brahmana, I desire to know the names of that great deity by which he is celebrated all over the three worlds.
— tr. M.N. Dutt (1891–96) (public domain)
MBh 2 232.2
वैशम्पायन उवाच इत्युक्तः पाण्डवेयेन महात्मा ऋषिसंनिधौ। उवाच भगवांस्तत्र मार्कण्डेयो महातपाः॥
vaiśampāyana uvāca ityuktaḥ pāṇḍaveyena mahātmā ṛṣisaṃnidhau| uvāca bhagavāṃstatra mārkaṇḍeyo mahātapāḥ||
Vaishampayana said : Having been thus addressed by the illustrious Pandava in the midst of the Rishis, the exalted and the greatly ascetic Markandeya said-
— tr. M.N. Dutt (1891–96) (public domain)
MBh 2 232.3
मार्कण्डेय उवाच आग्नेयश्चैव स्कन्दश्च दीप्तकीर्तिरनामयः। मयूरकेतुर्धर्मात्मा भूतेशो महिषार्दनः॥ कामजित् कामदः कान्तः सत्यवाग् भुवेनश्वरः। शिशुः शीघ्रः शुचिश्चण्डो दीप्तवर्णः शुभाननः॥ अमोघस्त्वनधो रौद्रः प्रियश्चन्द्राननस्तथा। दीप्तशक्तिः प्रशान्तात्मा भद्रकृत् कूटमोहनः॥ षष्ठीप्रियश्च धर्मात्मा पवित्रो मातृवत्सलः। कन्याभर्ता विभक्तश्च स्वाहेयो रेवतीसुतः॥ प्रभुर्नेता विशाखश्च नैगमेयः सुदुश्चरः। सुव्रतो ललितश्चैव बालक्रीडनकप्रियः॥ खचारी ब्रह्मचारी च शूरः शरवणोद्भवः। विश्वामित्रप्रियश्चैव देवसेनाप्रियस्तथा।॥ वासुदेवप्रियश्चैव प्रिय: प्रियकृदेव तु। नामान्येतानि दिव्यानि कार्तिकेयस्य यः पठेत्। स्वर्ग कीर्तिं धनं चैव स लभेन्नात्र संशयः॥
mārkaṇḍeya uvāca āgneyaścaiva skandaśca dīptakīrtiranāmayaḥ| mayūraketurdharmātmā bhūteśo mahiṣārdanaḥ|| kāmajit kāmadaḥ kāntaḥ satyavāg bhuvenaśvaraḥ| śiśuḥ śīghraḥ śuciścaṇḍo dīptavarṇaḥ śubhānanaḥ|| amoghastvanadho raudraḥ priyaścandrānanastathā| dīptaśaktiḥ praśāntātmā bhadrakṛt kūṭamohanaḥ|| ṣaṣṭhīpriyaśca dharmātmā pavitro mātṛvatsalaḥ| kanyābhartā vibhaktaśca svāheyo revatīsutaḥ|| prabhurnetā viśākhaśca naigameyaḥ suduścaraḥ| suvrato lalitaścaiva bālakrīḍanakapriyaḥ|| khacārī brahmacārī ca śūraḥ śaravaṇodbhavaḥ| viśvāmitrapriyaścaiva devasenāpriyastathā||| vāsudevapriyaścaiva priya: priyakṛdeva tu| nāmānyetāni divyāni kārtikeyasya yaḥ paṭhet| svarga kīrtiṃ dhanaṃ caiva sa labhennātra saṃśayaḥ||
Markandeya said : (They are) Agneya, Skanda, Diptakirti, Anameya, Mayuraketu, Dharmatma, Bhutesha, Mahishmardana, Kamajit, Kamada, Kanta, Satyavak, Bhuvaneshvara, Shishu, Shighra, Suchi, Chanda, Dipatvarna, Shubhanana, Amogha, Anagha, Raudra, Priya, Chandranana, Diptashakti, Prashantatman, Bhadrakrit, Kutamohana, Shashtipriya, Pavitra, Matrivatsala, Kanyabharta, Vibhakta, Svaheya, Revatisuta, Prabhu, Neta, Vishakha, Naigameya, Suduschara, Suduschara, Suvrata, Lalita, Balakridanakapriya, Akashachari, Brahmachari, Shura, Shakhanodbhava, Vishvamitrapriya, Devasenapriya, Vasudevapriya, Priya and Priyakrit. These are the divine names of Kartikeya. Whoever repeats them there is no doubt he secures fame, wealth and salvation.
— tr. M.N. Dutt (1891–96) (public domain)
MBh 2 232.4
स्तोष्यामि देवैर्ऋषिभिश्च जुष्टं शक्त्या गुहं नामभिरप्रमेयम्। षडाननं शक्तिधरं सुवीरं निबोध चैतानि कुरुप्रवी॥
stoṣyāmi devairṛṣibhiśca juṣṭaṃ śaktyā guhaṃ nāmabhiraprameyam| ṣaḍānanaṃ śaktidharaṃ suvīraṃ nibodha caitāni kurupravī||
O foremost of the Kurus, I shall now with devotion pray to that matchless, powerful, six faced and brave Guha who is worshipped by the celestials and the Rishis. Listen to them.
— tr. M.N. Dutt (1891–96) (public domain)
MBh 2 232.5
ब्रह्मण्यो वै ब्रह्मजो ब्रह्मविच्च ब्रह्मेशयो ब्रह्मवतां वरिष्ठः। ब्रह्मप्रियो ब्राह्मणसव्रती त्वं ब्रह्मज्ञो वै ब्राह्मणानां च नेता॥
brahmaṇyo vai brahmajo brahmavicca brahmeśayo brahmavatāṃ variṣṭhaḥ| brahmapriyo brāhmaṇasavratī tvaṃ brahmajño vai brāhmaṇānāṃ ca netā||
O Skanda, you are devoted to Brahma you are begotten by Brahma, you are versed in the mysteries of Brahma, you are Brahmeshya, you are the foremost of those who possess Brahma, you are fond of Brahma, you are as austere as the Brahmanas, you are learned in the great mystery of Brahma and you are the leader of the Brahmanas.
— tr. M.N. Dutt (1891–96) (public domain)
MBh 2 232.6
स्वाहा स्वधा त्वं परमं पवित्रं मन्त्रस्तुतस्त्वं प्रथितः षडर्चिः। संवत्सरस्त्वमृतवश्च घड् वै मासार्धमासावयनं दिशश्च॥
svāhā svadhā tvaṃ paramaṃ pavitraṃ mantrastutastvaṃ prathitaḥ ṣaḍarciḥ| saṃvatsarastvamṛtavaśca ghaḍ vai māsārdhamāsāvayanaṃ diśaśca||
You are Guha, you are Svadha, you are the holiest of the holy. You are invoked by Mantras and you are celebrated as the six flamed fire, you are the year, you are the six seasons, you are the months, the fortnights, the solar declination and the cardinal points of firmament.
— tr. M.N. Dutt (1891–96) (public domain)
MBh 2 232.7
त्वं पुष्कराक्षस्त्वरविन्दवक्त्रः सहस्रवक्त्रोऽसि सहस्रबाहुः। त्वं लोकपालः परमं हविश्व त्वं भावनः सर्वसुरासुराणाम्॥
tvaṃ puṣkarākṣastvaravindavaktraḥ sahasravaktro'si sahasrabāhuḥ| tvaṃ lokapālaḥ paramaṃ haviśva tvaṃ bhāvanaḥ sarvasurāsurāṇām||
You are lotus-eyed, you possess a lotus-like face, you have one thousand faces and one thousand arms. You are the ruler of the universe and you are the great oblations, you are the animating spirit of all the celestials and the Asuras.
— tr. M.N. Dutt (1891–96) (public domain)
MBh 2 232.8
त्वमेव सेनाधिपतिः प्रचण्डः प्रभुर्विभुश्चाप्यथ शत्रुजेता। सहस्रभूस्त्वं धरणी त्वमेव सहस्रतुष्टिश्च सहस्रभुक् च॥
tvameva senādhipatiḥ pracaṇḍaḥ prabhurvibhuścāpyatha śatrujetā| sahasrabhūstvaṃ dharaṇī tvameva sahasratuṣṭiśca sahasrabhuk ca||
You are the generallissimo of armies, you are fury, you are the lord, you are the great master, you are the conqueror of your enemies, you Sahasrbhu, Sahasratushti and Sahasrbhuk.
— tr. M.N. Dutt (1891–96) (public domain)
MBh 2 232.9
सहस्रशीर्षस्त्वमनन्तरूपः सहस्रपात् त्वं गुह शक्तिधारी। गङ्गासुतस्त्वं स्वमतेन देव स्वाहामहीकृत्तिकानां तथैव॥
sahasraśīrṣastvamanantarūpaḥ sahasrapāt tvaṃ guha śaktidhārī| gaṅgāsutastvaṃ svamatena deva svāhāmahīkṛttikānāṃ tathaiva||
You are the Sahasrapat, you are the earth herself, you possess innumerable forms and thousands of heads, you are endued with great strength. O god, you have with your own desire are appeared as the son of Ganga, Svaha and Mahikritika.
— tr. M.N. Dutt (1891–96) (public domain)
MBh 2 232.10
त्वं क्रीडसे षण्मुख कुक्कुटेन यथेष्टनानाविधकामरूपी। दीक्षासि सोमो मरुतः सदैव धर्मोऽसि वायुरचलेन्द्र इन्द्रः॥
tvaṃ krīḍase ṣaṇmukha kukkuṭena yatheṣṭanānāvidhakāmarūpī| dīkṣāsi somo marutaḥ sadaiva dharmo'si vāyuracalendra indraḥ||
O six-faced god, you play with the cock, you assume various forms according to your own will, you are Daksha, Soma, Marutas, Dharma, Vayu and the king of mountains.
— tr. M.N. Dutt (1891–96) (public domain)
MBh 2 232.11
सनातनानामपि शाश्वतस्त्वं प्रभुः प्रभूणामपि चोचधन्वा। ऋतस्य कर्ता दितिजान्तकस्त्वं जेता रिपूणां प्रवरः सुराणाम्॥
sanātanānāmapi śāśvatastvaṃ prabhuḥ prabhūṇāmapi cocadhanvā| ṛtasya kartā ditijāntakastvaṃ jetā ripūṇāṃ pravaraḥ surāṇām||
For everlasting time you are mighty, you are the most eternal of all eternal things and you are the lord of lords, you are the origin of Truth, you are the destroyer of the children of Diti, you are the great conqueror of the enemies of the celestials.
— tr. M.N. Dutt (1891–96) (public domain)
MBh 2 232.12
सूक्ष्मं तपस्तत् परमं त्वमेव परावरज्ञोऽसि परावरस्त्वम्। धर्मस्य कामस्य परस्य चैव त्वत्तेजसा कृत्स्त्रमिदं महात्मन्॥
sūkṣmaṃ tapastat paramaṃ tvameva parāvarajño'si parāvarastvam| dharmasya kāmasya parasya caiva tvattejasā kṛtstramidaṃ mahātman||
You are the personation of virtue. Being yourself both vast and minute, you are acquainted with the highest and the lowest points of virtuous acts, you are the mysteries of Brahma.
— tr. M.N. Dutt (1891–96) (public domain)
MBh 2 232.13
व्याप्तं जगत् सर्वसुरप्रवीर शक्त्या मया संस्तुत लोकनाथ। नमोऽस्तु ते द्वादशनेत्रबाहो अतः परं वेद्मि गतिं न तेऽहम्॥
vyāptaṃ jagat sarvasurapravīra śaktyā mayā saṃstuta lokanātha| namo'stu te dvādaśanetrabāho ataḥ paraṃ vedmi gatiṃ na te'ham||
O foremost of the celestials, O lord of the universe, this whole creation is pervaded by your spirit. I have thus prayed to you according to the best of my power. I bow to you who possess twelve eyes and twelve hands. Your remaining attributes are beyond my conception.
— tr. M.N. Dutt (1891–96) (public domain)
MBh 2 232.14
स्कन्दस्य य इदं विप्रः पठेज्जन्म समाहितः। श्रावयेद् ब्राह्मणेभ्यो यः शृणुयाद् वा द्विजेरितम्॥ धनमायुर्यशो दीप्तं पुत्राञ्छत्रुजयं तथा। स पुष्टितुष्टी सम्प्राप्य स्कन्दसालोम्यमाप्नुयात्॥
skandasya ya idaṃ vipraḥ paṭhejjanma samāhitaḥ| śrāvayed brāhmaṇebhyo yaḥ śṛṇuyād vā dvijeritam|| dhanamāyuryaśo dīptaṃ putrāñchatrujayaṃ tathā| sa puṣṭituṣṭī samprāpya skandasālomyamāpnuyāt||
The Brahmana who attentively reads this story of the birth of Skanda or narrates it to Brahmanas or hears it narrated by Brahmanas obtains wealth, long-life, fame, children, victory, prosperity, contentment and association with Skanda.
— tr. M.N. Dutt (1891–96) (public domain)