Mahabharata — Volume II (Dutt edition) — Chapter 189

MBh 2 189.1

देव उवाच कामं देवा अपि न मां विप्र जानन्ति तत्त्वतः। त्वत्प्रीत्या तु प्रवक्ष्यामि यथेदं विसृजाम्यहम्॥

deva uvāca kāmaṃ devā api na māṃ vipra jānanti tattvataḥ| tvatprītyā tu pravakṣyāmi yathedaṃ visṛjāmyaham||

The Deity said: O Brahmana, even the celestials do not know me truly. But as I am pleased with you, I shall tell you how I created the universe.

— tr. M.N. Dutt (1891–96) (public domain)

MBh 2 189.2

पितृभक्तोऽसि विप्रर्षे मां चैव शरणं गतः। ततो दृष्टोऽस्मि ते साक्षाद् ब्रह्मचर्यं च ते महत्॥

pitṛbhakto'si viprarṣe māṃ caiva śaraṇaṃ gataḥ| tato dṛṣṭo'smi te sākṣād brahmacaryaṃ ca te mahat||

O Brahmana Rishi, you have filial piety and you have also sought my protection; you have also seen me with your eyes and your Brahmacharya is also great.

— tr. M.N. Dutt (1891–96) (public domain)

MBh 2 189.3

अपां नारा इति पुरा संज्ञाकर्म कृतं मया। तेन नारायणोऽप्युक्तो मम तत् त्वयनं सदा॥

apāṃ nārā iti purā saṃjñākarma kṛtaṃ mayā| tena nārāyaṇo'pyukto mama tat tvayanaṃ sadā||

In days of yore, I called the waters by the name of Nara and because the waters have ever been my Ayana (abode), I am called Narayana.

— tr. M.N. Dutt (1891–96) (public domain)

MBh 2 189.4

अहं नारायणो नाम प्रभवः शाश्वतोऽव्ययः। विधाता सर्वभूतानां संहर्ता च द्विजोत्तम॥

ahaṃ nārāyaṇo nāma prabhavaḥ śāśvato'vyayaḥ| vidhātā sarvabhūtānāṃ saṃhartā ca dvijottama||

O foremost of Brahmana, I am Narayana, the source of all things, the eternal, the unchangeable; I am the creator of all things and also the destroyer of all.

— tr. M.N. Dutt (1891–96) (public domain)

MBh 2 189.5

अहं विष्णोरहं ब्रह्मा शक्रश्चाहं सुराधिपः। अहं वैश्रवणो राज यमः प्रेताधिपस्तथा॥

ahaṃ viṣṇorahaṃ brahmā śakraścāhaṃ surādhipaḥ| ahaṃ vaiśravaṇo rāja yamaḥ pretādhipastathā||

I am Vishnu, I am Brahma, I am Indra, the lord of the celestials. I am king Vaisravana (Kubera), I am Yama, the king of the deceased spirits.

— tr. M.N. Dutt (1891–96) (public domain)

MBh 2 189.6

अहं शिवश्च सोमश्च कश्यपोऽथ प्रजापतिः। अहंधाता विधाता च यज्ञश्चाहं द्विजोत्तम॥

ahaṃ śivaśca somaśca kaśyapo'tha prajāpatiḥ| ahaṃdhātā vidhātā ca yajñaścāhaṃ dvijottama||

O foremost of Brahmanas, I am Shiva, I am Soma, I am Kashyapa, I am the lord of all treated things; I am Dhata, Vidhata, I am the sacrifice embodied.

— tr. M.N. Dutt (1891–96) (public domain)

MBh 2 189.7

अग्निरास्यं क्षितिः पादौ चन्द्रादित्यौ च लोचने। द्यौर्मूर्धा खं दिशः श्रोत्रे तथाऽप: स्वेदसम्भवाः॥

agnirāsyaṃ kṣitiḥ pādau candrādityau ca locane| dyaurmūrdhā khaṃ diśaḥ śrotre tathā'pa: svedasambhavāḥ||

Fire is my mouth, the earth my feet, the sun and the moon are my eyes, the heaven is my head, the sky and the directions are my ears. And the waters are my sweats (of the body).

— tr. M.N. Dutt (1891–96) (public domain)

MBh 2 189.8

सदिशं च नभः कायो वायुमनसि मे स्थितः। मया क्रतुशतैरिष्टं बहुभिः स्वाप्तदक्षिणैः॥

sadiśaṃ ca nabhaḥ kāyo vāyumanasi me sthitaḥ| mayā kratuśatairiṣṭaṃ bahubhiḥ svāptadakṣiṇaiḥ||

Space with the cardinal points are my body and the air is my mind. I have performed many hundreds of sacrifices in which Dakshina were in abundance.

— tr. M.N. Dutt (1891–96) (public domain)

MBh 2 189.9

यजन्ते वेदविदुषो मां देवयजने स्थितम्। पृथिव्यां क्षत्रियेन्द्राश्च पार्थिवाः स्वर्गकाक्षिणः॥

yajante vedaviduṣo māṃ devayajane sthitam| pṛthivyāṃ kṣatriyendrāśca pārthivāḥ svargakākṣiṇaḥ||

I am ever present in the sacrifices of the celestials; those that know the Vedas offer sacrifices to On earth those chief Kshatriyas, those kings who desire to obtain heaven.

— tr. M.N. Dutt (1891–96) (public domain)

MBh 2 189.10

यजन्ते मां तथा वैश्याः स्वर्गलोकजिगीषया। चतु:समुद्रपर्यन्तां मेरुमन्दरभूषणाम्॥ शेषो भूत्वाहमेवैतांधारयामि वसुन्धराम। वाराहं रूपमास्थाय मयेयं जगती पुरा॥ मज्जामाना जले विप्र वीर्येणासीत् समुद्धृता। अग्निश्च वडवावक्त्रो भूत्वाहं द्विजसत्तम॥

yajante māṃ tathā vaiśyāḥ svargalokajigīṣayā| catu:samudraparyantāṃ merumandarabhūṣaṇām|| śeṣo bhūtvāhamevaitāṃdhārayāmi vasundharāma| vārāhaṃ rūpamāsthāya mayeyaṃ jagatī purā|| majjāmānā jale vipra vīryeṇāsīt samuddhṛtā| agniśca vaḍavāvaktro bhūtvāhaṃ dvijasattama||

And those Vaishyas who also desire to attain to those blessed region, all worship me. Becoming Shesha it is I who support (on my head) this earth bounded by the four seas and decked by Meru and Mandara. Assuming the me. form of the boar in the days of yore I raised up this universe sunk in water. foremost of Brahmans, becoming the fire that issues forth from the Equine mouth.

— tr. M.N. Dutt (1891–96) (public domain)

MBh 2 189.11

पिबाम्यपः सदा विद्वंस्ताश्चैवं विसृजाम्यहम्। ब्रह्म वक्त्रं भुजौ क्षत्रमूरू मे संस्थिता विशः॥

pibāmyapaḥ sadā vidvaṃstāścaivaṃ visṛjāmyaham| brahma vaktraṃ bhujau kṣatramūrū me saṃsthitā viśaḥ||

It is I who drink up the water and create them again. From my month Brahmanas, from my arms the Kshatriyas, from my thighs the Vaishyas,

— tr. M.N. Dutt (1891–96) (public domain)

MBh 2 189.12

पादौ शूद्रा भवन्तीमे विक्रमेण क्रमेण च। ऋग्वेदः सामवेदश्च यजुर्वेदोऽप्यथर्वणः॥

pādau śūdrā bhavantīme vikrameṇa krameṇa ca| ṛgvedaḥ sāmavedaśca yajurvedo'pyatharvaṇaḥ||

From my feet the Shudras, one after the other, sprang up through my great energy. The Rig, the Sama, the Yaju and the Atharva Vedas,

— tr. M.N. Dutt (1891–96) (public domain)

MBh 2 189.13

मत्तः प्रादुर्भवन्त्येते मामेव प्रविशन्ति च। यतयः शान्तिपरमा यतात्मानो बुभुत्सवः॥ कामक्रोधद्वेषमुक्ता नि:संगा वीतकल्मघाः। सत्त्वस्था निरहङ्कारा नित्यमध्यात्मकोविदाः॥ मामेव सततं विप्राश्चिन्तयन्त उपासते। अहं संवर्तको वह्निरहं संवर्तकोऽनलः॥

mattaḥ prādurbhavantyete māmeva praviśanti ca| yatayaḥ śāntiparamā yatātmāno bubhutsavaḥ|| kāmakrodhadveṣamuktā ni:saṃgā vītakalmaghāḥ| sattvasthā nirahaṅkārā nityamadhyātmakovidāḥ|| māmeva satataṃ viprāścintayanta upāsate| ahaṃ saṃvartako vahnirahaṃ saṃvartako'nalaḥ||

Issued forth from me and disappear also in me. The Brahmanas, devoted to asceticism, those that value peace as the highest attribute, those that have their souls under complete control, those that are desirous of knowledge, those that are freed from lust and wrath and envy, those that are unweded to earthly things, those that have their sins completely destroyed, those that possess gentleness and virtue, those that are free from pride, those that have a full knowledge of the soul-all these worship me with profound meditation. I am the fire called Samvartaka, I am the wind called Samvartaka.

— tr. M.N. Dutt (1891–96) (public domain)

MBh 2 189.14

अहं संवर्तकः सूर्यस्त्वहं संवर्तकोऽनिलः। तारारूपाणि दृश्यन्ते यान्येतानि नभस्तले॥

ahaṃ saṃvartakaḥ sūryastvahaṃ saṃvartako'nilaḥ| tārārūpāṇi dṛśyante yānyetāni nabhastale||

I am the Samvartaka sun, I am the Samvartaka fire. Those that are seen in the skies in the shape of stars,

— tr. M.N. Dutt (1891–96) (public domain)

MBh 2 189.15

मम वै रोमकूपाणि विद्धि त्वं द्विजसत्तम। रत्नाकरा: समुद्राश्च सर्व एव चतुर्दिशम्॥

mama vai romakūpāṇi viddhi tvaṃ dvijasattama| ratnākarā: samudrāśca sarva eva caturdiśam||

O foremost of Brahmanas, know them to be the pores of my skin. The oceans, those mines of gems and the four directions.

— tr. M.N. Dutt (1891–96) (public domain)

MBh 2 189.16

वसनं शयनं चैव विलयं चैव विद्धि मे। मयैव सुविभक्तास्ते देवकार्यार्थसिद्धये॥

vasanaṃ śayanaṃ caiva vilayaṃ caiva viddhi me| mayaiva suvibhaktāste devakāryārthasiddhaye||

Know, they are my robes, my bed, my abode. They have been spread by me to accomplish the purposes of the celestials.

— tr. M.N. Dutt (1891–96) (public domain)

MBh 2 189.17

काम क्रोधं च हर्षं च भयं मोहं तथैव च। ममैव विद्धि रोमाणि सर्वाण्येतानि सत्तम॥

kāma krodhaṃ ca harṣaṃ ca bhayaṃ mohaṃ tathaiva ca| mamaiva viddhi romāṇi sarvāṇyetāni sattama||

O excellent man, know that desire, anger, joy, fear and ignorance are all different forms of myself.

— tr. M.N. Dutt (1891–96) (public domain)

MBh 2 189.18

प्राप्नुवन्ति नरा विप्र यत् कृत्वा कर्म शोभनम्। सत्यं दानं तपश्चोग्रमहिंसा चैव जन्तुषु॥ मद्विधानेन विहिता मम देहविहारिणः। मयाऽऽविर्भूतविज्ञाना विचेष्टन्ते न कामतः॥

prāpnuvanti narā vipra yat kṛtvā karma śobhanam| satyaṃ dānaṃ tapaścogramahiṃsā caiva jantuṣu|| madvidhānena vihitā mama dehavihāriṇaḥ| mayā''virbhūtavijñānā viceṣṭante na kāmataḥ||

O Brahmana, whatever is obtained by men by the practice of truth, charity, asceticism, peace, harmlessness towards all creatures and other such good deeds is obtained through my arrangements. Led by my laws, men rove about within my body, their senses being always overwhelmed by me. They do not move according to their will, they are moved by me,

— tr. M.N. Dutt (1891–96) (public domain)

MBh 2 189.19

सम्यग् वेदमधीयाना यजन्ते विविधैर्मखैः। शान्तात्मानो जितक्रोधाः प्राप्नुवन्ति द्विजातयः॥ प्राप्तुं न शक्यो यो विद्वन् नरैर्दुष्कृतकर्मभिः। लोभाभिभूतैः कृपणेनार्यैरकृतात्मभिः॥ तं मां महाफलं विद्धि नराणां भावितात्मनाम्। सुदुष्प्रापं विमूढानां मार्ग योगैर्निषेवितम्॥

samyag vedamadhīyānā yajante vividhairmakhaiḥ| śāntātmāno jitakrodhāḥ prāpnuvanti dvijātayaḥ|| prāptuṃ na śakyo yo vidvan narairduṣkṛtakarmabhiḥ| lobhābhibhūtaiḥ kṛpaṇenāryairakṛtātmabhiḥ|| taṃ māṃ mahāphalaṃ viddhi narāṇāṃ bhāvitātmanām| suduṣprāpaṃ vimūḍhānāṃ mārga yogairniṣevitam||

The Brahmanas, that have thoroughly studied the Vedas, that have obtained tranquility in their souls and that have subdued their anger, obtain a high reward by performing many sacrifices. But such reward is not obtained by men who are wicked in their acts, who are overwhelmed with covetousness, who are mean and disputable, who have their souls unblessed and impure. Therefore, O Brahmana, know that this reward which is obtained by only self-controlled men and not obtained by ignorant and foolish men-this which is attainable by asceticism alone, produces high merits.

— tr. M.N. Dutt (1891–96) (public domain)

MBh 2 189.20

यदा यदा चधर्मस्य ग्लानिर्भवति सत्तम। अभ्युत्थानमधर्मस्य तदाऽऽत्मानं सृजाम्यहम्॥

yadā yadā cadharmasya glānirbhavati sattama| abhyutthānamadharmasya tadā''tmānaṃ sṛjāmyaham||

O excellent man, at those times when virtue and morality decrease in the world) and sin and immorality increase, I create myself.

— tr. M.N. Dutt (1891–96) (public domain)

MBh 2 189.21

दैत्या हिंसानुरक्ताश्च अवध्याः सुरसत्तमैः। राक्षसाश्चापि लोकेऽस्मिन् यदोत्पत्स्यन्ति दारुणाः॥ तदाहं सम्प्रसूयामि गृहेषु शुभकर्मणाम्। प्रविष्टो मानुषं देहं सर्वं प्रशमयाम्यहम्॥

daityā hiṃsānuraktāśca avadhyāḥ surasattamaiḥ| rākṣasāścāpi loke'smin yadotpatsyanti dāruṇāḥ|| tadāhaṃ samprasūyāmi gṛheṣu śubhakarmaṇām| praviṣṭo mānuṣaṃ dehaṃ sarvaṃ praśamayāmyaham||

When fearful and vicious-minded Daityas and Rakshasas, that are incapable of being killed by even the foremost of the celestials, are born on earth, I then take my birth in the families of virtuous men. And assuming a human form, 1 restore peace by destroying all evils.

— tr. M.N. Dutt (1891–96) (public domain)

MBh 2 189.22

सृष्ट्वा देवमनुष्यांस्तु गन्धर्वोरगराक्षसान्। स्थावराणि च भूतानि संहराम्यात्ममायया॥

sṛṣṭvā devamanuṣyāṃstu gandharvoragarākṣasān| sthāvarāṇi ca bhūtāni saṃharāmyātmamāyayā||

By my own Maya I create the celestials, the men, the Gandharvas, the Rakshasas and all the mobile and immobile things. And I again destroy them all (when the time comes).

— tr. M.N. Dutt (1891–96) (public domain)

MBh 2 189.23

कर्मकाले पुनर्देहमविचिन्त्यं सृजाम्यहम्। आविश्य मानुषं देहं मर्यादाबन्धकारणात्॥

karmakāle punardehamavicintyaṃ sṛjāmyaham| āviśya mānuṣaṃ dehaṃ maryādābandhakāraṇāt||

For the preservation of virtue and morality I assume a human form and when the times come I assumes form that are inconceivable.

— tr. M.N. Dutt (1891–96) (public domain)

MBh 2 189.24

श्वेतः कृतयुगे वर्णः पीतस्त्रेतायुगे मम। रक्तो द्वापमासाद्य कृष्णः कलियुगे तथा॥

śvetaḥ kṛtayuge varṇaḥ pītastretāyuge mama| rakto dvāpamāsādya kṛṣṇaḥ kaliyuge tathā||

In the Satya Yuga I become white, in the Treta Yuga I become yellow, in the Dvapara I become red and in the Kali Yuga I become black.

— tr. M.N. Dutt (1891–96) (public domain)

MBh 2 189.25

त्रयो भागा ह्यधर्मस्य तस्मिन् काले भवन्ति च। अकाले च समाप्ते कालो भूत्वातिदारुणः॥ त्रैलोक्यं नाशयाम्येकः कृत्स्नं स्थावरजङ्गमम्। अहं त्रिवा विश्वात्मा सर्वलोकसुखावहः॥

trayo bhāgā hyadharmasya tasmin kāle bhavanti ca| akāle ca samāpte kālo bhūtvātidāruṇaḥ|| trailokyaṃ nāśayāmyekaḥ kṛtsnaṃ sthāvarajaṅgamam| ahaṃ trivā viśvātmā sarvalokasukhāvahaḥ||

In that Kali Yuga, the virtue remains only three fourths. When the end of Kali Yuga comes, I assume the fearful form of death and destroy all the three worlds with all their mobile and immobile creatures. I then cover the universe with three steps. I am the soul of the world, I am the source of all happiness.

— tr. M.N. Dutt (1891–96) (public domain)

MBh 2 189.26

आविर्भूः सर्वगोऽनन्तो हृषीकेश उरुक्रमः। कालचक्रं नयाम्येको ब्रह्मन्नहमरूपकम्॥

āvirbhūḥ sarvago'nanto hṛṣīkeśa urukramaḥ| kālacakraṃ nayāmyeko brahmannahamarūpakam||

I am the humbler of all pride, I am omnipresent, I am infinite. I am the lord of the senses, I am great in power. O Brahmana, I alone set the wheel of the Time in motion. I am formless.

— tr. M.N. Dutt (1891–96) (public domain)

MBh 2 189.27

शमनं सर्वभूतानां सर्वलोककृतोद्यमम्। एवं प्रणिहितः सम्यङ् ममात्मा मुनिसत्तम। सर्वभूतेषु विप्रेन्द्र न च मां वेत्ति कश्चन॥

śamanaṃ sarvabhūtānāṃ sarvalokakṛtodyamam| evaṃ praṇihitaḥ samyaṅ mamātmā munisattama| sarvabhūteṣu viprendra na ca māṃ vetti kaścana||

O foremost of Rishis, I am the destroyer of all creatures and I am also the cause of all efforts of all creatures. My soul completely pervades all creatures. O chief of Brahmanas, none knows me.

— tr. M.N. Dutt (1891–96) (public domain)

MBh 2 189.28

सर्वलोके च मां भक्ताः पूजयन्ति च सर्वशः। यच्च किंचित्त्वया प्राप्तं मयि क्लेशात्मकं द्विज॥

sarvaloke ca māṃ bhaktāḥ pūjayanti ca sarvaśaḥ| yacca kiṃcittvayā prāptaṃ mayi kleśātmakaṃ dvija||

It is I whom the pious and the devoted worship in all the worlds. O Brahmana, whatever pains you have felt within my stomach.

— tr. M.N. Dutt (1891–96) (public domain)

MBh 2 189.29

सुखोदयाय तत् सर्वं श्रेयसे च तवानघ। यच्च किंचित् त्वया लोके दृष्टं स्थावरजङ्गमम्॥

sukhodayāya tat sarvaṃ śreyase ca tavānagha| yacca kiṃcit tvayā loke dṛṣṭaṃ sthāvarajaṅgamam||

O sinless one, know all that was for your happiness and good fortune. Whatever worlds with their mobile and immobile beings you have seen (within my stomach).

— tr. M.N. Dutt (1891–96) (public domain)

MBh 2 189.30

विहितः सर्वथैवासौ ममात्मा भूतभावनः। अर्धं मम शरीरस्य सर्वलोक पितामहः॥

vihitaḥ sarvathaivāsau mamātmā bhūtabhāvanaḥ| ardhaṃ mama śarīrasya sarvaloka pitāmahaḥ||

Everything has been ordained by my soul which is the source of all existence. The Grandsire of all the worlds is half of my body.

— tr. M.N. Dutt (1891–96) (public domain)

MBh 2 189.31

अहं नारायणो नाम शङ्खचक्रगदाधरः। यावद्युगानां विप्रचे सहपरिवर्तनात्॥

ahaṃ nārāyaṇo nāma śaṅkhacakragadādharaḥ| yāvadyugānāṃ viprace sahaparivartanāt||

I am named Narayana, wielding the conch, the discus and the mace. O Brahmana Rishi, for a period of thousand times of the four। Yugas,

— tr. M.N. Dutt (1891–96) (public domain)

MBh 2 189.32

तावत् स्वपिमि विश्वात्मा सर्वभूतानि मोहयन्। एवं सर्वमहं कालमिहास्से मुनिसत्तम॥

tāvat svapimi viśvātmā sarvabhūtāni mohayan| evaṃ sarvamahaṃ kālamihāsse munisattama||

I, who am the soul of the universe sleep, overwhelming all creatures in unconsciousness, O foremost of Rishis, then do I stay here for everlasting time,

— tr. M.N. Dutt (1891–96) (public domain)

MBh 2 189.33

अशिशुः शिशुरूपेण यावद्ब्रह्मा न बुध्यते। मया च दत्तो विप्रावय वरस्ते ब्रह्मरूपिणा॥

aśiśuḥ śiśurūpeṇa yāvadbrahmā na budhyate| mayā ca datto viprāvaya varaste brahmarūpiṇā||

O foremost of Brahmanas, in the form of a boy, though I am old, stay here until Brahmana wakes up. I who am Brahma have given you boons.

— tr. M.N. Dutt (1891–96) (public domain)

MBh 2 189.34

असकृत् परितुष्टेन विप्रर्षिगणपूजिता सर्वमेकार्णवं दृष्ट्वा नष्टं स्थावरजङ्गमम्॥

asakṛt parituṣṭena viprarṣigaṇapūjitā sarvamekārṇavaṃ dṛṣṭvā naṣṭaṃ sthāvarajaṅgamam||

I am gratified with you, O the adored of the Brahmana Rishis. Seeing one vast expanse of water and seeing that all mobile and immobile creatures are destroyed.

— tr. M.N. Dutt (1891–96) (public domain)

MBh 2 189.35

विक्लवोऽसि मया ज्ञातस्ततस्ते दर्शितं जगत्। अभ्यन्तरं शरीरस्य प्रविष्टोऽसि यदा मम॥

viklavo'si mayā jñātastataste darśitaṃ jagat| abhyantaraṃ śarīrasya praviṣṭo'si yadā mama||

You were afflicted with arrow. I knew this and it is for this reason I showed the universe when you entered within my body.

— tr. M.N. Dutt (1891–96) (public domain)

MBh 2 189.36

दृष्ट्वा लोकं समस्तं च विस्मितो नावबुध्यसे। ततोऽसि वक्त्राद् विप्रर्षे द्रुतं निःसारितो मया॥

dṛṣṭvā lokaṃ samastaṃ ca vismito nāvabudhyase| tato'si vaktrād viprarṣe drutaṃ niḥsārito mayā||

You became astonished and bewildered by seeing the entire universe (with in my stomach). O Brahmana Rishi, therefore you were soon brought out by me. I have spoken to you about that Soul which is inconceivable even to the celestials and the Asuras. As long as that great ascetic, the holy Brahma, does not awake,

— tr. M.N. Dutt (1891–96) (public domain)

MBh 2 189.37

आख्यातस्ते मया चात्मा दुर्जेयो हि सुरासुरैः॥ यावत् स भगवान् ब्रह्मा न बुध्येत महातपाः। तावत् त्वमिह विप्रर्षे विश्रब्धश्चर वै सुखम्॥

ākhyātaste mayā cātmā durjeyo hi surāsuraiḥ|| yāvat sa bhagavān brahmā na budhyeta mahātapāḥ| tāvat tvamiha viprarṣe viśrabdhaścara vai sukham||

O Brahmana Rishi, till then, live here happily and trustfully.

— tr. M.N. Dutt (1891–96) (public domain)

MBh 2 189.38

ततो विबुद्धे तस्मिंस्तु सर्वलोकपितामहे। एकीभूतो हि हरक्ष्यामि शरीराणि द्विजोत्तम॥ आकाशं पृथिवीं ज्योतिर्वायु सलिलमेव च। लोके यच्च भवेच्छेषमिह स्थावरजङ्गमम्॥

tato vibuddhe tasmiṃstu sarvalokapitāmahe| ekībhūto hi harakṣyāmi śarīrāṇi dvijottama|| ākāśaṃ pṛthivīṃ jyotirvāyu salilameva ca| loke yacca bhaveccheṣamiha sthāvarajaṅgamam||

O foremost of Brahmanas, when that Grandsire of all creatures will awake. I shall alone create all creatures having bodies, also the firmament, the earth, the light, the atmosphere, the water and also all mobile and immobile creatures on earth.

— tr. M.N. Dutt (1891–96) (public domain)

MBh 2 189.39

मार्कण्डेय उवाच इत्युक्तवान्तर्हितस्तात स देवः परमाद्भुतः। प्रजाश्चेमाः प्रपश्यामि विचित्रा विविधाः कृताः॥

mārkaṇḍeya uvāca ityuktavāntarhitastāta sa devaḥ paramādbhutaḥ| prajāścemāḥ prapaśyāmi vicitrā vividhāḥ kṛtāḥ||

Markandeya said : O child, having said this that greatly wonderful deity disappeared. I then saw this varied and wonderful creation start into life.

— tr. M.N. Dutt (1891–96) (public domain)

MBh 2 189.40

एवं दृष्टं मया राजंस्तस्मिन् प्राप्ते युगक्षये। आश्चर्यं भरतश्रेष्ठ सर्वधर्मभृतां वर॥

evaṃ dṛṣṭaṃ mayā rājaṃstasmin prāpte yugakṣaye| āścaryaṃ bharataśreṣṭha sarvadharmabhṛtāṃ vara||

O king, O best of the Bharata race, O foremost of all virtuous men, I saw all this wonderful sight at the end of the Yuga.

— tr. M.N. Dutt (1891–96) (public domain)

MBh 2 189.41

यः य देवो मया दृष्टः पुरा पद्मायतेक्षणः। स एष पुरुषव्याघ्र सम्बन्धी ते जनार्दनः॥

yaḥ ya devo mayā dṛṣṭaḥ purā padmāyatekṣaṇaḥ| sa eṣa puruṣavyāghra sambandhī te janārdanaḥ||

The lotus-eyed deity whom I saw in days of yore, that foremost of beings is Janardana (Krishna) who has now become your relative.

— tr. M.N. Dutt (1891–96) (public domain)

MBh 2 189.42

अस्यैव वरदानाद्धिस्मृतिर्न प्रजहाति माम्। दीर्घमायुश्च कौन्तेय स्वच्छन्दमरणं मम॥

asyaiva varadānāddhismṛtirna prajahāti mām| dīrghamāyuśca kaunteya svacchandamaraṇaṃ mama||

O son of Kunti, in consequence of the boon bestowed upon me by that deity O my child, memory does not fail, that the period of my life is long and that death itself is under my control.

— tr. M.N. Dutt (1891–96) (public domain)

MBh 2 189.43

स एष कृष्णो वार्ष्णेयः पुराणपुरुषो विभुः। आस्ते हरिरचिन्त्यात्मा क्रीडन्निव महाभुजः॥

sa eṣa kṛṣṇo vārṣṇeyaḥ purāṇapuruṣo vibhuḥ| āste hariracintyātmā krīḍanniva mahābhujaḥ||

That deity is Krishna, the descendant of Vrishni, the ancient supreme lord, the inconceivable Hari, the mighty-armed hero, who seems to sport (in the world).

— tr. M.N. Dutt (1891–96) (public domain)

MBh 2 189.44

एषधाता विधाता च संहर्ता चैव शाश्वतः। श्रीवत्सवक्षा गोविन्दः प्रजापतिपतिः प्रभुः॥

eṣadhātā vidhātā ca saṃhartā caiva śāśvataḥ| śrīvatsavakṣā govindaḥ prajāpatipatiḥ prabhuḥ||

He is Dhata, Vidhata, the destroyer of all, the Eternal, the hearer of Srivatsa mark on his breast, he is Govinda, the lord of all creatures, the highest of the high.

— tr. M.N. Dutt (1891–96) (public domain)

MBh 2 189.45

दृष्ट्वेमं वृष्णिप्रवरं स्मृतिर्मामियामागता। आदिदेवमयं जिष्णुं पुरुषं पीतवाससम्॥

dṛṣṭvemaṃ vṛṣṇipravaraṃ smṛtirmāmiyāmāgatā| ādidevamayaṃ jiṣṇuṃ puruṣaṃ pītavāsasam||

Seeing the chief of the Vrishnis, this Primeval Deity, this victorious God, wearing the yellow robe, my recollections come back to me.

— tr. M.N. Dutt (1891–96) (public domain)

MBh 2 189.46

सर्वेषामेव भूतानां पिता माता च माधवः। गच्छध्वमेनं शरणं शरण्यं कौरवर्षभाः॥

sarveṣāmeva bhūtānāṃ pitā mātā ca mādhavaḥ| gacchadhvamenaṃ śaraṇaṃ śaraṇyaṃ kauravarṣabhāḥ||

This descendant of Madhu (Krishna) is the father and mother of all creatures, O foremost of the Kurus, take refuge in this great protector.

— tr. M.N. Dutt (1891–96) (public domain)

MBh 2 189.47

वैशम्पायन उवाच एवमुक्ताश्च ते पार्था यमौ च पुरुषर्षभौ। द्रौपद्या सहिताः सर्वे नभश्चक्रुर्जनार्दनम्॥

vaiśampāyana uvāca evamuktāśca te pārthā yamau ca puruṣarṣabhau| draupadyā sahitāḥ sarve nabhaścakrurjanārdanam||

Vaishampayana said: Having been thus addressed, the sons of Pritha and those two foremost of men, the twins, with Draupadi, all bowed down to Janardana (Krishna).

— tr. M.N. Dutt (1891–96) (public domain)

MBh 2 189.48

स चैतान् पुरुषव्याघ्र साम्ना परमवल्गुना। सान्त्वयामास मानार्हो मन्यमानो यथाविधि॥

sa caitān puruṣavyāghra sāmnā paramavalgunā| sāntvayāmāsa mānārho manyamāno yathāvidhi||

That foremost of men (Krishna), deserving of all honour, being thus revered by them, comforted them with sweet words.

— tr. M.N. Dutt (1891–96) (public domain)