Mahabharata — Volume II (Dutt edition) — Chapter 171
MBh 2 171.1
अर्जुन उवाच ततोऽश्मवर्षं सुमहत् प्रादुरासीत् समन्ततः। नगमात्रैः शिलाखण्डैस्तन्मां दृढमपीडयत्॥
arjuna uvāca tato'śmavarṣaṃ sumahat prādurāsīt samantataḥ| nagamātraiḥ śilākhaṇḍaistanmāṃ dṛḍhamapīḍayat||
Arjuna said: Then commenced a mighty shower of stones from all sides; (and) those stones, big as rocks, sore oppressed me.
— tr. M.N. Dutt (1891–96) (public domain)
MBh 2 171.2
तदहं वज्रसंकाशैर्महेन्द्रास्त्रप्रचोदितैः। अचूर्णयं वेगवद्भिः शरजालैर्महाहवे॥
tadahaṃ vajrasaṃkāśairmahendrāstrapracoditaiḥ| acūrṇayaṃ vegavadbhiḥ śarajālairmahāhave||
Thereupon, at that terrible encounter, I crushed (those crags) with showers of fleet arrows, resembling the thunderbolt, discharged from Mahendra's weapon.
— tr. M.N. Dutt (1891–96) (public domain)
MBh 2 171.3
चूर्ण्यमानेऽश्मवर्षे तु पावकः समजायत। तत्राश्मचूर्णान्यपतन् पावकप्रकरा इव॥
cūrṇyamāne'śmavarṣe tu pāvakaḥ samajāyata| tatrāśmacūrṇānyapatan pāvakaprakarā iva||
Those crags being reduced to pieces, there ensued fire and those fragments of stones fell like sparks of flame.
— tr. M.N. Dutt (1891–96) (public domain)
MBh 2 171.4
ततोऽश्मवर्षे विहते जलवर्षं महत्तरम्। धाराभिरक्षमात्राभिः प्रादुरासीन्ममान्तिके॥
tato'śmavarṣe vihate jalavarṣaṃ mahattaram| dhārābhirakṣamātrābhiḥ prādurāsīnmamāntike||
Then, those showers of stones having been destroyed, there fell near me a mighty downpour of water having torrents of the size of an axle.
— tr. M.N. Dutt (1891–96) (public domain)
MBh 2 171.5
नभसः प्रच्युताधारास्तिग्मवीर्याः सहस्रशः। आवृण्वन् सर्वतो व्योम दिशश्चोपदिशस्तथा॥
nabhasaḥ pracyutādhārāstigmavīryāḥ sahasraśaḥ| āvṛṇvan sarvato vyoma diśaścopadiśastathā||
Thousand of mighty torrents (of water), falling from the sky, enveloped the entire firmament and (all) the directions and the (ten) cardinal points.
— tr. M.N. Dutt (1891–96) (public domain)
MBh 2 171.6
धाराणां च निपातेन वायोर्विस्फूर्जितेन च। गर्जितेन च दैत्यानां न प्राज्ञायत किंचन॥
dhārāṇāṃ ca nipātena vāyorvisphūrjitena ca| garjitena ca daityānāṃ na prājñāyata kiṃcana||
(And) I was quite bewildered on account of that (heavy) downpour, blowing of the wind and the yell of the Daityas.
— tr. M.N. Dutt (1891–96) (public domain)
MBh 2 171.7
धारा दिवि च सम्बद्धा वसुधायां च सर्वशः। व्यामोहयन्त मां तत्र निपतन्त्योऽनिशं भुवि॥
dhārā divi ca sambaddhā vasudhāyāṃ ca sarvaśaḥ| vyāmohayanta māṃ tatra nipatantyo'niśaṃ bhuvi||
Those showers, covering (the entire space) between the heaven and the earth and incessantly falling upon the ground, (quite) confounded me.
— tr. M.N. Dutt (1891–96) (public domain)
MBh 2 171.8
तत्रोपदिष्टमिन्द्रेण दिव्यमस्त्रं विशोषणम्। दीप्तं प्राहिणवं घोरमशुष्यत् तेन तज्जलम्॥
tatropadiṣṭamindreṇa divyamastraṃ viśoṣaṇam| dīptaṃ prāhiṇavaṃ ghoramaśuṣyat tena tajjalam||
Thereupon, I discharged that terrible, flaming and celestials weapon, Vishoshana, learnt from Indra, which dried the water up.
— tr. M.N. Dutt (1891–96) (public domain)
MBh 2 171.9
हतेऽश्मवर्षे च मया जलवर्षे च शोषिते। मुमुचुर्दानवा मायामग्निं वायुं च भारत॥
hate'śmavarṣe ca mayā jalavarṣe ca śoṣite| mumucurdānavā māyāmagniṃ vāyuṃ ca bhārata||
The showers of stones being destroyed and the watery shower dried up by me, O Bharata, the Danavas created illusions of fire and wind.
— tr. M.N. Dutt (1891–96) (public domain)
MBh 2 171.10
ततोऽहमग्निं व्यधमं सलिलास्त्रेण सर्वशः। शैलेन च महास्त्रेण वायोर्वेगमधारयम्॥
tato'hamagniṃ vyadhamaṃ salilāstreṇa sarvaśaḥ| śailena ca mahāstreṇa vāyorvegamadhārayam||
Then I totally destroyed the fire by Salila (watery) weapon; and arrested the fury of the wind by the mighty Shaila (rock) weapon.
— tr. M.N. Dutt (1891–96) (public domain)
MBh 2 171.11
तस्यां प्रतिहतायां च दानवा युद्धदुर्मदाः। प्राकुर्वन् विविधां मायां योगपद्येन भारत॥
tasyāṃ pratihatāyāṃ ca dānavā yuddhadurmadāḥ| prākurvan vividhāṃ māyāṃ yogapadyena bhārata||
(And), O Bharata, on the destruction of these (illusions), the Danavas, irrepressible in battle, produced (simultaneously) several other) illusions.
— tr. M.N. Dutt (1891–96) (public domain)
MBh 2 171.12
ततो वर्ष प्रादुरभूत् सुमहल्लोमहर्षणम्। अस्त्राणां घोररूपाणामग्नेर्वायोस्तथाश्मनाम्॥
tato varṣa prādurabhūt sumahallomaharṣaṇam| astrāṇāṃ ghorarūpāṇāmagnervāyostathāśmanām||
Then commenced a terrible shower of rocks and of the dreadful weapons of fire and wind, making the hair stand on the end (with terror).
— tr. M.N. Dutt (1891–96) (public domain)
MBh 2 171.13
सा तु मायामयी वृष्टिः पीडयामास मां युधि। अथ घोरं तमस्तीव्र प्रादुरासीत् समन्ततः॥
sā tu māyāmayī vṛṣṭiḥ pīḍayāmāsa māṃ yudhi| atha ghoraṃ tamastīvra prādurāsīt samantataḥ||
And that downpour (of rocks and weapons) oppressed me in battle. Then there spread on all sides a dismal darkness.
— tr. M.N. Dutt (1891–96) (public domain)
MBh 2 171.14
तमसा संवृते लोके घोरेण परुषेण च। हरयो विमुखाश्चासन् प्रास्खलच्चापि मातलिः॥
tamasā saṃvṛte loke ghoreṇa paruṣeṇa ca| harayo vimukhāścāsan prāskhalaccāpi mātaliḥ||
When the world was enveloped in that terrible and dense darkness, the horses drew back, Matali stumbled,
— tr. M.N. Dutt (1891–96) (public domain)
MBh 2 171.15
हस्ताद्धि रश्मयश्चास्य प्रतोदः प्रापतद् भुवि। असकृच्चाह मां भीत: क्वासीति भरतर्षभा॥
hastāddhi raśmayaścāsya pratodaḥ prāpatad bhuvi| asakṛccāha māṃ bhīta: kvāsīti bharatarṣabhā||
And the golden whip fell on the ground from his hand. O best of the Bharata, getting terrified, he repeatedly cried out "Where are you?"
— tr. M.N. Dutt (1891–96) (public domain)
MBh 2 171.16
मां च भीराविशत् तीव्रा तस्मिन् विगतचेतसि। स च मां विगतज्ञानः संत्रस्तमिदमब्रवीत्॥
māṃ ca bhīrāviśat tīvrā tasmin vigatacetasi| sa ca māṃ vigatajñānaḥ saṃtrastamidamabravīt||
(And), when he lost his senses, I also was seized with a terrible fear. And (thus stupefied) he said to me in a hurry,
— tr. M.N. Dutt (1891–96) (public domain)
MBh 2 171.17
सुराणामसुराणां च संग्रामः सुमहानभूत्। अमृतार्थं पुरा पार्थ स च दृष्टो मयानघ॥
surāṇāmasurāṇāṃ ca saṃgrāmaḥ sumahānabhūt| amṛtārthaṃ purā pārtha sa ca dṛṣṭo mayānagha||
"O Sinless being, in days of yore a terrible battle was fought between the gods and the demons for the sake of nectar, which I witnessed.
— tr. M.N. Dutt (1891–96) (public domain)
MBh 2 171.18
शम्बरस्य वधे घोरः संग्रामः सुमहानभूत्। सारथ्यं देवराजस्य तत्रापि कृतवानहम्॥
śambarasya vadhe ghoraḥ saṃgrāmaḥ sumahānabhūt| sārathyaṃ devarājasya tatrāpi kṛtavānaham||
(And) in that mighty and terrible encounter, which took place for the destruction of the (Asura) Shambara, I acted as the charioteer of the lord of the gods.
— tr. M.N. Dutt (1891–96) (public domain)
MBh 2 171.19
तथैव वृत्रस्य वधे संगृहीता हया मया। वैरोचनेर्महायुद्धं दृष्टं चापि सुदारुणम्॥
tathaiva vṛtrasya vadhe saṃgṛhītā hayā mayā| vairocanermahāyuddhaṃ dṛṣṭaṃ cāpi sudāruṇam||
Again, I drove the horses on the occasion of Vritra's destruction and also witnessed that awful and terrible encounter with the son of Virochana.
— tr. M.N. Dutt (1891–96) (public domain)
MBh 2 171.20
एते मया महाघोराः संग्रामाः पर्युपासिताः। न चापि विगतज्ञानोऽभूतपूर्वोऽस्मि पाण्डव॥
ete mayā mahāghorāḥ saṃgrāmāḥ paryupāsitāḥ| na cāpi vigatajñāno'bhūtapūrvo'smi pāṇḍava||
O Pandava, I witnessed all those terrible encounters. But never before (this) did I lose Imy senses.
— tr. M.N. Dutt (1891–96) (public domain)
MBh 2 171.21
पितामहेन संहारः प्रजानां विहितोध्रुवम्। न हि युद्धमिदं युक्तमन्यत्र जगतः क्षयात्॥
pitāmahena saṃhāraḥ prajānāṃ vihitodhruvam| na hi yuddhamidaṃ yuktamanyatra jagataḥ kṣayāt||
Verily, it has been ordained by Pitamaha (Brahma) that the creation will be destroyed (at this encounter). For I find no other reason for this battle, If it be not for the destruction of the whole universe."
— tr. M.N. Dutt (1891–96) (public domain)
MBh 2 171.22
तस्य तद् वचनं श्रुत्वा संस्तभ्यात्मानमात्मना। मोहयिष्यन् दानवानामहं मायाबलं महत्॥
tasya tad vacanaṃ śrutvā saṃstabhyātmānamātmanā| mohayiṣyan dānavānāmahaṃ māyābalaṃ mahat||
Hearing these words (of Matali) and pacifying my mind with my own efforts and deliberating (within myself) how to battle this mighty illusion created by the Danavas,
— tr. M.N. Dutt (1891–96) (public domain)
MBh 2 171.23
अब्रुवं मातलिं भीतं पश्य मे भुजयोर्बलम्। अस्त्राणां च प्रभावं वैधनुषो गाण्डिवस्य च॥
abruvaṃ mātaliṃ bhītaṃ paśya me bhujayorbalam| astrāṇāṃ ca prabhāvaṃ vaidhanuṣo gāṇḍivasya ca||
I spoke to terrified Matali, “behold the prowess of my arms and the power of my weapons and that of my bow Gandiva.
— tr. M.N. Dutt (1891–96) (public domain)
MBh 2 171.24
अद्यास्त्रमाययैतेषां मायामेतां सुदारुणाम्। विनिहन्मि तमश्चोग्रं मा भैः सूत स्थिरो भव॥
adyāstramāyayaiteṣāṃ māyāmetāṃ sudāruṇām| vinihanmi tamaścograṃ mā bhaiḥ sūta sthiro bhava||
O charioteer do not be afraid, calm yourself. I will, this day, destroy the terrible illusion created by them and also this dense darkness, by illusion-creating weapon."
— tr. M.N. Dutt (1891–96) (public domain)
MBh 2 171.25
एवमुक्त्वाहमसृजमस्त्रमायां नराधिप। मोहनी सर्वभूतानां हिताय त्रिदिवौकसाम्॥
evamuktvāhamasṛjamastramāyāṃ narādhipa| mohanī sarvabhūtānāṃ hitāya tridivaukasām||
O lord of men, having said this, I produced an illusion by the means of weapons capable of stupefying the whole creating, for the welfare of the celestials.
— tr. M.N. Dutt (1891–96) (public domain)
MBh 2 171.26
पाड्यमानासु मायासु तासु तास्वसुरोत्तमाः। पुनर्बहुविधा मायाः प्राकुर्वन्नमितौजसः॥
pāḍyamānāsu māyāsu tāsu tāsvasurottamāḥ| punarbahuvidhā māyāḥ prākurvannamitaujasaḥ||
That illusion being dispelled, some of the foremost amongst the Asuras, possessed of unrivalled prowess, again created various sorts of illusions,
— tr. M.N. Dutt (1891–96) (public domain)
MBh 2 171.27
पुनः प्रकाशमभवत् तमसा ग्रस्यते पुनः। भवत्यदर्शनो लोकः पुनरप्सु निमज्जति॥
punaḥ prakāśamabhavat tamasā grasyate punaḥ| bhavatyadarśano lokaḥ punarapsu nimajjati||
(In consequence of which) now the world displayed itself, now it was enveloped in darkness, now it disappeared (from view) and, now again, it was submerged into water.
— tr. M.N. Dutt (1891–96) (public domain)
MBh 2 171.28
सुसंगृहीतैर्हरिभिः प्रकाशे सति मातलिः। व्यचरत् स्यन्दनायेण संग्रामे लोमहर्षणे॥
susaṃgṛhītairharibhiḥ prakāśe sati mātaliḥ| vyacarat syandanāyeṇa saṃgrāme lomaharṣaṇe||
And when it displayed itself again to view, Matali with the well-conducted steeds, began to course in battle field which made the hair stand erect (with fear).
— tr. M.N. Dutt (1891–96) (public domain)
MBh 2 171.29
ततः पर्यपतन्नुग्रा निवातकवचा मयि। तानहं विवरं दृष्ट्वा प्राहिण्वं यमसादनम्॥
tataḥ paryapatannugrā nivātakavacā mayi| tānahaṃ vivaraṃ dṛṣṭvā prāhiṇvaṃ yamasādanam||
Then the furious Nivatakavachas flew towards me. Seizing this opportunity, I began to send them to the abode of Yama.
— tr. M.N. Dutt (1891–96) (public domain)
MBh 2 171.30
वर्तमाने तथा युद्धे निवातकवचान्तके। नापश्यं सहसा सर्वान् दानवान् माययाऽवृतान्॥
vartamāne tathā yuddhe nivātakavacāntake| nāpaśyaṃ sahasā sarvān dānavān māyayā'vṛtān||
In that encounter, fatal to the Danavas, which was still regaining, all on a sudden, I could not behold those demons who concealed themselves under the cover of illusion.
— tr. M.N. Dutt (1891–96) (public domain)