Mahabharata — Volume II (Dutt edition) — Chapter 169
MBh 2 169.1
अर्जुन उवाच ततोऽहं स्तूयमानस्तु तत्र तत्र महर्षिभिः। अपश्यमुदधिं भीममपां पतिमथाव्ययम्॥
arjuna uvāca tato'haṃ stūyamānastu tatra tatra maharṣibhiḥ| apaśyamudadhiṃ bhīmamapāṃ patimathāvyayam||
Arjuna said ; Then praised by the great sages here and there, I (at length) beheld the dreadful oceanthe inexhaustible lord of waters.
— tr. M.N. Dutt (1891–96) (public domain)
MBh 2 169.2
फेनवत्यः प्रकीर्णाश्च संहताश्च समुत्थिताः। ऊर्मयश्चात्र दृश्यन्ते वल्गन्त इव पर्वताः॥
phenavatyaḥ prakīrṇāśca saṃhatāśca samutthitāḥ| ūrmayaścātra dṛśyante valganta iva parvatāḥ||
(And) on it were visible, foamy and swelling waves scattered all over, dashing against each other and looking like moving rocks.
— tr. M.N. Dutt (1891–96) (public domain)
MBh 2 169.3
नावः सहस्रशस्तत्र रत्नपूर्णाः समन्ततः। नभसीव विमानानि विचरन्त्यो विरेजिरे। तिमिङ्गिलाः कच्छपाश्च तथा तिमितिमिड्गिलाः॥
nāvaḥ sahasraśastatra ratnapūrṇāḥ samantataḥ| nabhasīva vimānāni vicarantyo virejire| timiṅgilāḥ kacchapāśca tathā timitimiḍgilāḥ||
Ships full of gems were seen on it all around. Timingilas, tortoises, Timitimingilas,
— tr. M.N. Dutt (1891–96) (public domain)
MBh 2 169.4
मकराश्चात्र दृश्यन्ते जले मग्ना इवाद्रयः। शङ्खानां च सहस्राणि मग्नान्यप्सु समन्ततः॥
makarāścātra dṛśyante jale magnā ivādrayaḥ| śaṅkhānāṃ ca sahasrāṇi magnānyapsu samantataḥ||
And Makaras were seen here like submarine reefs. Thousands of submerged shells lying all around.
— tr. M.N. Dutt (1891–96) (public domain)
MBh 2 169.5
दृश्यन्ते स्म यथा रात्रौ तारास्तन्वभ्रसंवृताः। तथा सहस्रशस्तत्र रत्नसङ्घाः प्लवन्त्युत॥
dṛśyante sma yathā rātrau tārāstanvabhrasaṃvṛtāḥ| tathā sahasraśastatra ratnasaṅghāḥ plavantyuta||
Looked like stars on a night covered with light clouds. Thousands of gems were floating in heaps.
— tr. M.N. Dutt (1891–96) (public domain)
MBh 2 169.6
वायुश्च घूर्णते भीमस्तदद्भुतमिवाभवत्। तमुदीक्ष्य महावेगं सर्वाम्भोनिधिमुत्तमम्॥ अपश्यं दानवाकीर्णं तद् दैत्यपुरमन्तिकात्। तत्रैव मातलिस्तूर्णं निपत्य पृथिवीतले।॥
vāyuśca ghūrṇate bhīmastadadbhutamivābhavat| tamudīkṣya mahāvegaṃ sarvāmbhonidhimuttamam|| apaśyaṃ dānavākīrṇaṃ tad daityapuramantikāt| tatraiva mātalistūrṇaṃ nipatya pṛthivītale|||
And a dreadful wind was sweeping over it in whirls, which appeared wonderful to me. Behoiding that excellent lord of all waters with strong tides I saw very near, the city of the Daiytas full of the Danavas. There soon entering into the nether world, Matali,
— tr. M.N. Dutt (1891–96) (public domain)
MBh 2 169.7
रथं तं तु समाश्लिष्य प्राद्रवद् रथयोगवित्। त्रासयन् रथघोषेण तत् पुरं समुपाद्रवत्॥
rathaṃ taṃ tu samāśliṣya prādravad rathayogavit| trāsayan rathaghoṣeṇa tat puraṃ samupādravat||
Expert in driving the car and sitting steadily on it, drove it with force. And he drove onward making that city resound with the rattling sound of the car.
— tr. M.N. Dutt (1891–96) (public domain)
MBh 2 169.8
रथघोषं तु तं श्रुत्वा स्तनयित्लोरिवाम्बरे। मन्वाना देवराजं मामाविग्ना दानवाभवन्॥
rathaghoṣaṃ tu taṃ śrutvā stanayitlorivāmbare| manvānā devarājaṃ māmāvignā dānavābhavan||
Hearing that rattling noise of the car as the roar of the clouds in the sky and taking me for the king of the gods, the Danavas became agitated.
— tr. M.N. Dutt (1891–96) (public domain)
MBh 2 169.9
सर्वे सम्भ्रान्तमनसः शरचापधराः स्थिताः। तथासिशूलपरशुगदामुसलपाणयः॥
sarve sambhrāntamanasaḥ śaracāpadharāḥ sthitāḥ| tathāsiśūlaparaśugadāmusalapāṇayaḥ||
(And) with their minds trembling with fear, they stood, holding in their hands arrows, bows, swords, javelins, axes, maces and clubs.
— tr. M.N. Dutt (1891–96) (public domain)
MBh 2 169.10
ततो द्वाराणि पिदधुर्दानवास्त्रस्तचेतसः। संविधाय पुरे रक्षां न स्म कश्चन दृश्यते॥
tato dvārāṇi pidadhurdānavāstrastacetasaḥ| saṃvidhāya pure rakṣāṃ na sma kaścana dṛśyate||
Then having made arrangements for the defence of their city, the Danavas. with hearts troubled with fear, closed the gates so that nothing could be seen.
— tr. M.N. Dutt (1891–96) (public domain)
MBh 2 169.11
ततः शङ्खमुपादाय देवदत्तं महास्वनम्। परमां मुदमाश्रित्य प्राधमं तं शनैरहम्॥
tataḥ śaṅkhamupādāya devadattaṃ mahāsvanam| paramāṃ mudamāśritya prādhamaṃ taṃ śanairaham||
Then taking my conch, Devadatta, emitting tremendous roars, I repeatedly blew it with great joy.
— tr. M.N. Dutt (1891–96) (public domain)
MBh 2 169.12
स तु शब्दो दिवं स्तम्वा प्रतिशब्दमजीजनत्। वित्रेसुश्च निलिल्युश्च भूतानि सुमहान्त्यपि॥
sa tu śabdo divaṃ stamvā pratiśabdamajījanat| vitresuśca nililyuśca bhūtāni sumahāntyapi||
That sound, ringing through the heavens, sent forth echoes. Upon which, mighty creatures, greatly terrified, hid themselves.
— tr. M.N. Dutt (1891–96) (public domain)
MBh 2 169.13
ततो निवातकवचा: सर्व एव स्वलंकृताः। दंशिता विविधैस्त्राणैर्विचित्रायुधपाणयः॥ आयसैश्च महाशूलैर्गदाभिर्मुसलैरपि। पट्टिशैः करवालैश्च रथचक्रैश्च भारत॥ शतघ्नीभिर्भुशुण्डीभिः खङ्गैश्चित्रैः स्वलंकृतैः। प्रगृहीतैर्दितेः पुत्राः प्रादुरासन् सहस्रशः॥
tato nivātakavacā: sarva eva svalaṃkṛtāḥ| daṃśitā vividhaistrāṇairvicitrāyudhapāṇayaḥ|| āyasaiśca mahāśūlairgadābhirmusalairapi| paṭṭiśaiḥ karavālaiśca rathacakraiśca bhārata|| śataghnībhirbhuśuṇḍībhiḥ khaṅgaiścitraiḥ svalaṃkṛtaiḥ| pragṛhītairditeḥ putrāḥ prādurāsan sahasraśaḥ||
Thereupon, O Bharata, all those sons of Ditithe Nivatakavachas-poured in thousands, adorned with ornaments, clad in various kinds of mails and holding in their hands various weapons, (such as) javelins, mighty maces, clubs, hatchets, Pattishas, Sabres, car-wheels, Shataghnis, Bhushundis and variegated and ornamented swords.
— tr. M.N. Dutt (1891–96) (public domain)
MBh 2 169.14
ततो विचार्य बहुशो रथमार्गेषु तान् हयान्। प्राचोदयत् समे देशे मातलिर्भरतर्षभ॥
tato vicārya bahuśo rathamārgeṣu tān hayān| prācodayat same deśe mātalirbharatarṣabha||
Then O best of the Bharatas, deliberately judging of the course the car should take, Matali began to drive the steeds on level grounds,
— tr. M.N. Dutt (1891–96) (public domain)
MBh 2 169.15
तेन तेषां प्रणुन्नानामाशुत्वाच्छीघ्रगामिनाम्। नान्वपश्यं तदा किंचित् तन्मेऽद्भुतमिवाभवत्॥
tena teṣāṃ praṇunnānāmāśutvācchīghragāminām| nānvapaśyaṃ tadā kiṃcit tanme'dbhutamivābhavat||
Then, on account of the rapid career of the horses, fleet as the wind and guided by him (Matali) I could perceive nothing-and this appeared wonderful to me.
— tr. M.N. Dutt (1891–96) (public domain)
MBh 2 169.16
ततस्ते दानवास्तत्र वादित्राणि सहस्रशः। विकृतस्वररूपाणि भृशं सर्वाण्यनादयन्॥
tataste dānavāstatra vāditrāṇi sahasraśaḥ| vikṛtasvararūpāṇi bhṛśaṃ sarvāṇyanādayan||
Thereupon the Danavas vehemently began to sound thousands of musical instruments, discordant and of awkward shapes.
— tr. M.N. Dutt (1891–96) (public domain)
MBh 2 169.17
तेन शब्देन सहसा समुद्रे पर्वतोपमाः। आप्लवन्त गतैः सत्त्वैर्मत्स्याः शतसहस्रशः॥
tena śabdena sahasā samudre parvatopamāḥ| āplavanta gataiḥ sattvairmatsyāḥ śatasahasraśaḥ||
Stupefied at those sounds, hundreds and thousands of fishes (huge) as mountains began suddenly to fly away from the sea.
— tr. M.N. Dutt (1891–96) (public domain)
MBh 2 169.18
ततो वेगेन महता दानवा मामुपाद्रवन् विमुञ्चन्तः शितान् बाणान् शतशोऽथ सहस्रशः॥
tato vegena mahatā dānavā māmupādravan vimuñcantaḥ śitān bāṇān śataśo'tha sahasraśaḥ||
Then the Danavas rushed at me with tremendous force discharging hundreds and thousands of sharpened arrows.
— tr. M.N. Dutt (1891–96) (public domain)
MBh 2 169.19
स सम्प्रहारस्तुमुलस्तेषां च मम भारत। अवर्तत महाघोरो निवातकवचान्तकः॥
sa samprahārastumulasteṣāṃ ca mama bhārata| avartata mahāghoro nivātakavacāntakaḥ||
(And), O Bharata, there took place between them and me a terrible fight destructive of the Nivatakavachas.
— tr. M.N. Dutt (1891–96) (public domain)
MBh 2 169.20
ततो देवर्षयश्चैव तथान्ये च महर्षयः। ब्रह्मर्षयश्च सिद्धाश्च समाजग्मुर्महामृधे॥
tato devarṣayaścaiva tathānye ca maharṣayaḥ| brahmarṣayaśca siddhāśca samājagmurmahāmṛdhe||
The Devarshis, the Danavarshis, the Brahinarshis and the Siddhas came there to witness that terrible encounter.
— tr. M.N. Dutt (1891–96) (public domain)
MBh 2 169.21
ते वै मामनुरूपाभिर्मधुराभिर्जयैषिणः। अस्तुवन् मुनयो वाग्भिर्यथेन्द्रं तारकामये।॥
te vai māmanurūpābhirmadhurābhirjayaiṣiṇaḥ| astuvan munayo vāgbhiryathendraṃ tārakāmaye|||
(And) those Munis, eager for my victory, began to eulogise me with sweet speeches as they did Indra, at the war which took place on account of Tara (the wife of Brihaspati).
— tr. M.N. Dutt (1891–96) (public domain)