Mahabharata — Volume II (Dutt edition) — Chapter 159
MBh 2 159.1
वैशम्पायन उवाच युधिष्ठिरस्तमासाद्य तपसा दग्धकिल्बिषम्। अभ्यवादयत प्रीतः शिरसा नाम कीर्तयन्॥
vaiśampāyana uvāca yudhiṣṭhirastamāsādya tapasā dagdhakilbiṣam| abhyavādayata prītaḥ śirasā nāma kīrtayan||
Having approached him (Arstisena) whose sins were consumed by austerities and having announced his name, Yudhishthira with great pleasure bowed down to him by bending his head.
— tr. M.N. Dutt (1891–96) (public domain)
MBh 2 159.2
ततः कृष्णा च भीमश्च यमौ च सुतपस्विनौ। शिरोभिः प्राप्य राजर्षि परिवार्योपतस्थिरे॥
tataḥ kṛṣṇā ca bhīmaśca yamau ca sutapasvinau| śirobhiḥ prāpya rājarṣi parivāryopatasthire||
Then Krishna and Bhima and the twins of good devotion, having bowed down to that royal sage with their heads, stood surrounding him.
— tr. M.N. Dutt (1891–96) (public domain)
MBh 2 159.3
तथैवधौम्योधर्मज्ञः पाण्डवानां पुरोहितः। यथान्यायमुपाक्रान्तस्तमृषि संशितव्रतम्॥ कच्चित् ते
tathaivadhaumyodharmajñaḥ pāṇḍavānāṃ purohitaḥ| yathānyāyamupākrāntastamṛṣi saṃśitavratam|| kaccit te
And then the virtuous Dhaumya the priest of the Pandavas, duly approached the vowobserving sage.
— tr. M.N. Dutt (1891–96) (public domain)
MBh 2 159.4
अन्वजानात् सधर्मज्ञो मुनिर्दिव्येन चक्षुषा। पाण्डोः पुत्रान् कुरुश्रेष्ठानास्यतामिति चाब्रवीत्॥
anvajānāt sadharmajño munirdivyena cakṣuṣā| pāṇḍoḥ putrān kuruśreṣṭhānāsyatāmiti cābravīt||
Knowing these Pandavas, the best of the Kurus-by his spiritual eye, that virtuous one said to them “be seated".
— tr. M.N. Dutt (1891–96) (public domain)
MBh 2 159.5
कुरूणामृषभं पार्थं पूजयित्वा महातपाः। सह भ्रातृभिरासीनं पर्यपृच्छदनामयम्॥
kurūṇāmṛṣabhaṃ pārthaṃ pūjayitvā mahātapāḥ| saha bhrātṛbhirāsīnaṃ paryapṛcchadanāmayam||
Then that one of great devotion having welcomed Partha, the best of the Kurus, who had taken his seat with his brothers, inquired after his welfare saying,
— tr. M.N. Dutt (1891–96) (public domain)
MBh 2 159.6
नानृते कुरुषे भावं कच्चिद्धर्मे प्रवर्तसे। मातापित्रोश्च ते वृत्तिः कच्चित् पार्थ न सीदति॥
nānṛte kuruṣe bhāvaṃ kacciddharme pravartase| mātāpitrośca te vṛttiḥ kaccit pārtha na sīdati||
“Do you not turn your mind towards untruth? Are you inclined towards virtue? Are not your respect and duties towards your parents falling off?
— tr. M.N. Dutt (1891–96) (public domain)
MBh 2 159.7
गुरवः सर्वे वृद्धा वैद्याश्च पूजिताः। कच्चिन्न कुरुषे भावं पार्थ पापेषु कर्मसु॥
guravaḥ sarve vṛddhā vaidyāśca pūjitāḥ| kaccinna kuruṣe bhāvaṃ pārtha pāpeṣu karmasu||
Are all your superiors and elders and those versed in the Vedas honoured by you? Do you not incline your mind towards sinful acts?
— tr. M.N. Dutt (1891–96) (public domain)
MBh 2 159.8
सुकृतं प्रतिकर्तुं च कच्चिद्धातुं च दुष्कृतम्। यथान्यायं कुरुश्रेष्ठ जानासि न विकत्यसे॥
sukṛtaṃ pratikartuṃ ca kacciddhātuṃ ca duṣkṛtam| yathānyāyaṃ kuruśreṣṭha jānāsi na vikatyase||
Ó best of the Kurus, do you properly know how to perform praiseworthy acts and how to avoid wicked ones? Are you not selfconceited?
— tr. M.N. Dutt (1891–96) (public domain)
MBh 2 159.9
यथार्ह मानिताः कच्चित् त्वया नन्दन्ति साधवः। वनेष्वपि वसन् कच्चिद्धर्ममेवानुवर्तसे॥
yathārha mānitāḥ kaccit tvayā nandanti sādhavaḥ| vaneṣvapi vasan kacciddharmamevānuvartase||
Do the virtuous rejoice in being honoured by you? Do you follow virtue though dwelling in the forests?
— tr. M.N. Dutt (1891–96) (public domain)
MBh 2 159.10
कच्चिद्धौम्यस्त्वदाचारैर्न पार्थ परितप्यते। दानधर्मतप:शौचैरार्जवेन तितिक्षया॥ पितृपैतामहं वृत्तं कच्चित् पार्थानुवर्तसे। कच्चिद् राजर्षियातेन पथा गच्छसि पाण्डव॥
kacciddhaumyastvadācārairna pārtha paritapyate| dānadharmatapa:śaucairārjavena titikṣayā|| pitṛpaitāmahaṃ vṛttaṃ kaccit pārthānuvartase| kaccid rājarṣiyātena pathā gacchasi pāṇḍava||
O Partha, are not Dhaumya pained by your treatment of him? Do you follow in the footsteps of your forefathers by practicing charity, religious observances, devotion, purity, candour and forgiveness? Do you follow the example of the royal sages?
— tr. M.N. Dutt (1891–96) (public domain)
MBh 2 159.11
स्वे स्वे किल कुले जाते पुत्रे नप्तरि वा पुनः। पितरः पितृलोकस्था: शोचन्ति च हसन्ति च॥
sve sve kila kule jāte putre naptari vā punaḥ| pitaraḥ pitṛlokasthā: śocanti ca hasanti ca||
On a son or a grandson being born in their (respective) families, our ancestors in the Pitris region, either grieve or rejoice, thinking,
— tr. M.N. Dutt (1891–96) (public domain)
MBh 2 159.12
किं तस्य दुष्कृतेऽस्माभिः सम्प्राप्तव्यं भविष्यति। किं चास्य सुकृतेऽस्माभिः प्राप्तव्यमिति शोभनम्॥
kiṃ tasya duṣkṛte'smābhiḥ samprāptavyaṃ bhaviṣyati| kiṃ cāsya sukṛte'smābhiḥ prāptavyamiti śobhanam||
That they will be either harmed by his sinful acts or be benefited by his meritorious deeds,
— tr. M.N. Dutt (1891–96) (public domain)
MBh 2 159.13
पिता माता तथैवाग्निर्गुरुरात्मा च पञ्चमः। यस्यैते पूजिताः पार्थ तस्या लोकावुभौ जितौ॥
pitā mātā tathaivāgnirgururātmā ca pañcamaḥ| yasyaite pūjitāḥ pārtha tasyā lokāvubhau jitau||
He who honours his father and mother and religious guide and Agni and fifthly his soul, conquers both the worlds."
— tr. M.N. Dutt (1891–96) (public domain)
MBh 2 159.14
युधिष्ठिर उवाच भगवन्नार्थ माहैतद् यथावद्धर्मनिश्चयम्। यथाशक्ति यथान्यायं क्रियते विधिवन्मया॥
yudhiṣṭhira uvāca bhagavannārtha māhaitad yathāvaddharmaniścayam| yathāśakti yathānyāyaṃ kriyate vidhivanmayā||
Yudhishthira said: O adorable one, the duties just mentioned by you are indeed excellent and I perform them properly to the best of my ability.
— tr. M.N. Dutt (1891–96) (public domain)
MBh 2 159.15
आष्टिषेण उवाच अभक्षा वायुभक्षाश्च प्लवमाना विहायसा। जुषन्ते पर्वतश्रेष्ठमृषयः पर्वसंधिषु॥
āṣṭiṣeṇa uvāca abhakṣā vāyubhakṣāśca plavamānā vihāyasā| juṣante parvataśreṣṭhamṛṣayaḥ parvasaṃdhiṣu||
Arstisena said: During the Parvas, sages living on air and water visit this prince of mountains, ranging through the skies.
— tr. M.N. Dutt (1891–96) (public domain)
MBh 2 159.16
कामिनः सह कान्ताभिः परस्परमनुव्रताः। दृश्यन्ते शैलशृङ्गस्था यथा किम्पुरुषा नृप॥
kāminaḥ saha kāntābhiḥ parasparamanuvratāḥ| dṛśyante śailaśṛṅgasthā yathā kimpuruṣā nṛpa||
O King, amorous persons with their sweet hearts mutually enamoured of one another and Kimpurushas are seen on the summits of this mountain.
— tr. M.N. Dutt (1891–96) (public domain)
MBh 2 159.17
अरजांसि च वासांसि वसानाः कौशिकानि च। दृश्यन्ते बहवः पार्थ गन्धर्वाप्सरसां गणाः॥
arajāṃsi ca vāsāṃsi vasānāḥ kauśikāni ca| dṛśyante bahavaḥ pārtha gandharvāpsarasāṃ gaṇāḥ||
O Partha, numerous Apsaras and Gandharvas attired in white silk garments are also to be found here,
— tr. M.N. Dutt (1891–96) (public domain)
MBh 2 159.18
विद्याधरगणाश्चैव स्रग्विणः प्रियदर्शनाः। महोरगगणाश्चैव सुपर्णाश्चोरगादयः॥
vidyādharagaṇāścaiva sragviṇaḥ priyadarśanāḥ| mahoragagaṇāścaiva suparṇāścoragādayaḥ||
Together with good looking Vidyadharas adorned with garlands and also mighty Uragas, Suparnas and other Uragas.
— tr. M.N. Dutt (1891–96) (public domain)
MBh 2 159.19
अस्य चोपरि शैलस्य श्रूयते पर्वसंधिषु। भेरीपणपवशङ्खानां मृदङ्गानां च निःस्वनः॥
asya copari śailasya śrūyate parvasaṃdhiṣu| bherīpaṇapavaśaṅkhānāṃ mṛdaṅgānāṃ ca niḥsvanaḥ||
And during the Parvas sounds of kettledrums, tabors and shells are heard on the summits of the mountain.
— tr. M.N. Dutt (1891–96) (public domain)
MBh 2 159.20
इहस्थैरेव तत् सर्वं श्रोतव्यं भरतर्षभाः। न कार्या वः कथंचित् स्यात् तत्राभिगमने मतिः॥
ihasthaireva tat sarvaṃ śrotavyaṃ bharatarṣabhāḥ| na kāryā vaḥ kathaṃcit syāt tatrābhigamane matiḥ||
O most exalted of the Bharatas all these are heard even from this place. Do you by no means, have a mind to go thither.
— tr. M.N. Dutt (1891–96) (public domain)
MBh 2 159.21
न चाप्यतः परं शक्यं गन्तुं भरतसत्तमाः। विहारो ह्यत्र देवानाममानुषगतिस्तु सा॥
na cāpyataḥ paraṃ śakyaṃ gantuṃ bharatasattamāḥ| vihāro hyatra devānāmamānuṣagatistu sā||
O most excellent of the Bharatas, it is impossible to proceed beyond this. That place being the sporting-ground of the celestials, men can have no access there.
— tr. M.N. Dutt (1891–96) (public domain)
MBh 2 159.22
ईषच्चपलकर्माणं मनुष्यमिह भारत। द्विषन्ति सर्वभूतानि ताडयन्ति च राक्षसाः॥
īṣaccapalakarmāṇaṃ manuṣyamiha bhārata| dviṣanti sarvabhūtāni tāḍayanti ca rākṣasāḥ||
At this place, O Bharata all creatures are hostile to and the Rakshasas chastise that man who may have even the very slightest presumption.
— tr. M.N. Dutt (1891–96) (public domain)
MBh 2 159.23
अस्यातिक्रम्य शिखरं कैलासस्य युधिष्ठिर। गतिः परमसिद्धानां देवर्षीणां प्रकाशते॥
asyātikramya śikharaṃ kailāsasya yudhiṣṭhira| gatiḥ paramasiddhānāṃ devarṣīṇāṃ prakāśate||
O Yudhishthira, beyond the summit of the Kailasa the path of the divine sages all whose desire have been fulfilled, is visible.
— tr. M.N. Dutt (1891–96) (public domain)
MBh 2 159.24
चापलादिह गच्छन्तं पार्थ यानमितः परम्। अयः शूलादिभिर्जन्ति राक्षसाः शत्रुसूदन॥
cāpalādiha gacchantaṃ pārtha yānamitaḥ param| ayaḥ śūlādibhirjanti rākṣasāḥ śatrusūdana||
O destroyer of foes, if any one impudently goes beyond this, the Rakshasas kill him with iron darts and other weapons,
— tr. M.N. Dutt (1891–96) (public domain)
MBh 2 159.25
अप्सरोभिः परिवृतः समृद्ध्या नरवाहनः। इह वैश्रवणस्तात पर्वसंधिषु दृश्यते॥
apsarobhiḥ parivṛtaḥ samṛddhyā naravāhanaḥ| iha vaiśravaṇastāta parvasaṃdhiṣu dṛśyate||
Here too, O affectionate one, during the Parvas is seen Vaisravana (Kubera), carried on the shoulders of men, possessed of vast wealth and surrounded by Apsaras.
— tr. M.N. Dutt (1891–96) (public domain)
MBh 2 159.26
शिखरस्थं समासीनमधिपं यक्षरक्षसाम्। प्रेक्षन्ते सर्वभूतानि भानुमन्तमिवोदितम्॥
śikharasthaṃ samāsīnamadhipaṃ yakṣarakṣasām| prekṣante sarvabhūtāni bhānumantamivoditam||
All the creatures then behold the King of the Rakshasas seated on the summit and looking like the sun just risen
— tr. M.N. Dutt (1891–96) (public domain)
MBh 2 159.27
देवदानवसिद्धानां तथा वैश्रवणस्य च। गिरेः शिखरमुद्यानमिदं भरतसत्तम।॥
devadānavasiddhānāṃ tathā vaiśravaṇasya ca| gireḥ śikharamudyānamidaṃ bharatasattama|||
O best of the Bharatas, that summit of the mountain is the sporting garden of all the Devas (gods) Danavas (demons) Siddhas and of Vaishrvana alike.
— tr. M.N. Dutt (1891–96) (public domain)
MBh 2 159.28
उपासीनस्यधनदं तुम्बुरोः पर्वसंधिषु। गीतसामस्वनस्तात श्रूयते गन्धमादने॥
upāsīnasyadhanadaṃ tumburoḥ parvasaṃdhiṣu| gītasāmasvanastāta śrūyate gandhamādane||
O affectionate one, during the Parvas, when Tambura worships the Lord of wealth, his chanting of the verses of the Samaveda is heard all over the mountain Gandhamadana.
— tr. M.N. Dutt (1891–96) (public domain)
MBh 2 159.29
एतदेवंविधं चित्रमिह तात युधिष्ठिर। प्रेक्षन्ते सर्वभूतानि बहुशः पर्वसंधिषु॥
etadevaṃvidhaṃ citramiha tāta yudhiṣṭhira| prekṣante sarvabhūtāni bahuśaḥ parvasaṃdhiṣu||
O affectionate one, O Yudhishthira, all souls in the Gandhamadana, observe these and similar wonders several times during the Parvas.
— tr. M.N. Dutt (1891–96) (public domain)
MBh 2 159.30
भुञ्जाना मुनिभोज्यानि रसवन्ति फलानि च। वसध्वं पाण्डवश्रेष्ठा यावदर्जुनदर्शनात्॥
bhuñjānā munibhojyāni rasavanti phalāni ca| vasadhvaṃ pāṇḍavaśreṣṭhā yāvadarjunadarśanāt||
O best of the Pandavas, remain here living on luscious fruits eaten by the sages, until you meet with Arjuna.
— tr. M.N. Dutt (1891–96) (public domain)
MBh 2 159.31
न तात चफ्लैर्भाव्यमिह प्राप्तैः कथंचन। उषित्वेह यथाकामं यथाश्रद्धं विहृत्य च। ततः शस्त्रजितां तात पृथिवीं पालयिष्यसि॥
na tāta caphlairbhāvyamiha prāptaiḥ kathaṃcana| uṣitveha yathākāmaṃ yathāśraddhaṃ vihṛtya ca| tataḥ śastrajitāṃ tāta pṛthivīṃ pālayiṣyasi||
O affectionate one, do not betray any restless spirit while remaining here. Dwelling here quite at ease and amusing yourself as you choose, you shall, in the long run, crushing your foes, by the prowess of your weapons, govern the earth. ones
— tr. M.N. Dutt (1891–96) (public domain)