Mahabharata — Volume II (Dutt edition) — Chapter 155

MBh 2 155.1

वैशम्पायन उवाच ततस्तानि महार्हाणि दिव्यानि भरतर्षभ। बहूनि बहुरूपाणि विरजांसि समादद॥

vaiśampāyana uvāca tatastāni mahārhāṇi divyāni bharatarṣabha| bahūni bahurūpāṇi virajāṃsi samādada||

Vaishampayana said: O best of the Bharata race, Bhima then began to gather those rare, celestials, variegated and fresh flowers in profusion.

— tr. M.N. Dutt (1891–96) (public domain)

MBh 2 155.2

ततो वायुर्महाशीघ्रो नीचैः शर्करकर्षणः। प्रादुरासीद् खरस्पर्शः संग्राममभिचोदयन्॥

tato vāyurmahāśīghro nīcaiḥ śarkarakarṣaṇaḥ| prādurāsīd kharasparśaḥ saṃgrāmamabhicodayan||

Then rose suddenly a high and violent wind, piercing to the touch and blowing gravels and stones.

— tr. M.N. Dutt (1891–96) (public domain)

MBh 2 155.3

पपात महती चोल्का सनिर्घाता महाभया। निष्प्रभश्चाभवत् सूर्यश्छन्नरश्मिस्तमोवृतः॥

papāta mahatī colkā sanirghātā mahābhayā| niṣprabhaścābhavat sūryaśchannaraśmistamovṛtaḥ||

Fearful meteors began to fall with thundering roars. Being enveloped by darkness, the sun became pale and his rays were obscured.

— tr. M.N. Dutt (1891–96) (public domain)

MBh 2 155.4

निर्घातश्चाभवद् भीमो भीमे विक्रममास्थिते। चचाल पृथिवी चापि पांसुवर्षं पपात च॥

nirghātaścābhavad bhīmo bhīme vikramamāsthite| cacāla pṛthivī cāpi pāṃsuvarṣaṃ papāta ca||

As Bhima displayed his prowess dreadful sounds of explosions rang through the sky; the earth began to tremble and dust fell in showers.

— tr. M.N. Dutt (1891–96) (public domain)

MBh 2 155.5

सलोहिता दिशश्चासन् खरवाचो मृगद्विजाः। तमोवृतमभूत् सर्वं न प्राज्ञायत किंचन॥

salohitā diśaścāsan kharavāco mṛgadvijāḥ| tamovṛtamabhūt sarvaṃ na prājñāyata kiṃcana||

Beasts and birds cried in shrilled voices; everything was enveloped in darkness and nothing could be seen.

— tr. M.N. Dutt (1891–96) (public domain)

MBh 2 155.6

अन्ये च बहवो भीमा उत्पातास्तत्र जज्ञिरे। तदद्भुतमभिप्रेक्ष्यधर्मपुत्रो युधिष्ठिरः॥

anye ca bahavo bhīmā utpātāstatra jajñire| tadadbhutamabhiprekṣyadharmaputro yudhiṣṭhiraḥ||

Other evil omens also appeared. Saying this strange phenomenon, the son of Dharma, Yudhishthira,

— tr. M.N. Dutt (1891–96) (public domain)

MBh 2 155.7

उवाच वदतां श्रेष्ठः कोऽस्मानभिभविष्यति। सज्जीभवत भद्रं वः पाण्डवा युद्धदुर्मदाः॥ यथारूपाणि पश्यामि स्वभ्यग्रो नः पराक्रमः। एवमुक्त्वा ततो राजा वीक्षांश्चक्रे समन्ततः॥

uvāca vadatāṃ śreṣṭhaḥ ko'smānabhibhaviṣyati| sajjībhavata bhadraṃ vaḥ pāṇḍavā yuddhadurmadāḥ|| yathārūpāṇi paśyāmi svabhyagro naḥ parākramaḥ| evamuktvā tato rājā vīkṣāṃścakre samantataḥ||

That foremost of speakers, thus spoke, “Who will overcome us? OPandavas, who are always invincible in battle, be blessed. Arm yourself. From what I see I am of opinion that time has come near, when we are to display our prowess." Having said this, the king looked around.

— tr. M.N. Dutt (1891–96) (public domain)

MBh 2 155.8

अपश्यमानो भीमं तुधर्मपुत्रो युधिष्ठिरः। ततः कृष्णां यमौ चापि समीपस्थावरिंदमः॥ पप्रच्छ भ्रातरं भीमं भीमकर्माणमाहवे। कच्चित् क्व भीमः पाञ्चालि किंचित् कृत्यं चिकीर्षति।।

apaśyamāno bhīmaṃ tudharmaputro yudhiṣṭhiraḥ| tataḥ kṛṣṇāṃ yamau cāpi samīpasthāvariṃdamaḥ|| papraccha bhrātaraṃ bhīmaṃ bhīmakarmāṇamāhave| kaccit kva bhīmaḥ pāñcāli kiṃcit kṛtyaṃ cikīrṣati||

Having not seen Bhima, Dharmaraja Yudhishthira, that chastiser of foes, asked Krishna (Draupadi) and the twins who were near by, about his brother Bhima of fearful deeds, “O Panchala princess, is Bhima intent upon performing some great act?

— tr. M.N. Dutt (1891–96) (public domain)

MBh 2 155.9

कृतवानपि वा वीरः साहसं साहसप्रियः। इमे ह्यकस्मादुत्पाता महासमरदर्शनाः॥ दर्शयन्तो भयं तीव्र प्रादुर्भूताः समन्ततः। तं तथावादिनं कृष्णा प्रत्युवाच मनस्विनी। प्रिया प्रियं चिकीर्षन्ती महिषी चारुहासिनी॥

kṛtavānapi vā vīraḥ sāhasaṃ sāhasapriyaḥ| ime hyakasmādutpātā mahāsamaradarśanāḥ|| darśayanto bhayaṃ tīvra prādurbhūtāḥ samantataḥ| taṃ tathāvādinaṃ kṛṣṇā pratyuvāca manasvinī| priyā priyaṃ cikīrṣantī mahiṣī cāruhāsinī||

Or has that hero who delights in daring deeds already achieved some great feat? These omens appear on all sides, indicating a great battle and portending some fearful danger.” When he said this, the intelligent Krishna, (Draupadi) of sweet smiles, his beloved wife, thus spoke to him to remove his anxiety.

— tr. M.N. Dutt (1891–96) (public domain)

MBh 2 155.10

द्रौपद्युवाच यत् तत् सौगन्धिकं राजन्नाहृतं मातरिश्वना। तन्मया भीमसेनस्य प्रीतयाद्योपपादितम्॥

draupadyuvāca yat tat saugandhikaṃ rājannāhṛtaṃ mātariśvanā| tanmayā bhīmasenasya prītayādyopapāditam||

"O king, the golden lotus that was brought here by the wind, I showed to Bhimasena out of love. I also told that hero "If you can find.

— tr. M.N. Dutt (1891–96) (public domain)

MBh 2 155.11

अपि चोक्तो मया वीरो यदि पश्येर्बहून्यपि। तानि सर्वाण्युपादाय शीघ्रमागम्यतामिति॥

api cokto mayā vīro yadi paśyerbahūnyapi| tāni sarvāṇyupādāya śīghramāgamyatāmiti||

More of these flowers, get all of them (for me); and soon come back." O son of Pandu, that mighty armed hero with the desire of gratifying my wish,

— tr. M.N. Dutt (1891–96) (public domain)

MBh 2 155.12

स तु नूनं महाबाहुः प्रियार्थं मम पाण्डवः। प्रागुदीची दिशं राजंस्तान्याहर्तुमितो गतः॥

sa tu nūnaṃ mahābāhuḥ priyārthaṃ mama pāṇḍavaḥ| prāgudīcī diśaṃ rājaṃstānyāhartumito gataḥ||

Has perhaps, O king, gone towards the north-east to get them.” Having been thus addressed by her, the king thus spoke to the twins,

— tr. M.N. Dutt (1891–96) (public domain)

MBh 2 155.13

उक्तस्त्वेवं तया राजा यमाविदमथाब्रवीत्। गच्छाम सहितास्तूर्णं येन यातो वृकोदरः॥

uktastvevaṃ tayā rājā yamāvidamathābravīt| gacchāma sahitāstūrṇaṃ yena yāto vṛkodaraḥ||

“We must all soon go along the path Vrikodara (Bhima) has gone. Let the Rakshasas carry all those Brahmanas who are fatigued and who are weak.

— tr. M.N. Dutt (1891–96) (public domain)

MBh 2 155.14

वहन्तु राक्षसा विप्रान् यथाश्रान्तान् यथाकृशान्। त्वयध्यमरसंकाश वह कृष्णां घटोत्कच॥

vahantu rākṣasā viprān yathāśrāntān yathākṛśān| tvayadhyamarasaṃkāśa vaha kṛṣṇāṃ ghaṭotkaca||

O Ghatotkacha, you are like a celestials; carry Krishna (Draupadi). In my opinion and it is quite evident, Bhima has entered (the forest).

— tr. M.N. Dutt (1891–96) (public domain)

MBh 2 155.15

व्यक्तं दूरमितो भीमः प्रविष्ट इति मे मतिः। चिरं च तस्य कालोऽयं स च वायुसमो जवे॥

vyaktaṃ dūramito bhīmaḥ praviṣṭa iti me matiḥ| ciraṃ ca tasya kālo'yaṃ sa ca vāyusamo jave||

It is long since he has gone away; he resembles the wind in speed. In leaping over the grounds, he is like the son of Vinata (Garuda),

— tr. M.N. Dutt (1891–96) (public domain)

MBh 2 155.16

तरस्वी वैनतेयस्य सदृशो भुवि लङ्घने। उत्पतेदपि चाकाशं निपतेच्च यथेच्छकम्॥

tarasvī vainateyasya sadṛśo bhuvi laṅghane| utpatedapi cākāśaṃ nipatecca yathecchakam||

He will even leap into the sky and come down at will. O night-rangers, we shall follow him through your prowess.

— tr. M.N. Dutt (1891–96) (public domain)

MBh 2 155.17

तमन्वियाम भवतां प्रभावाद् रजनीचराः। पुरा स नापरानोति सिद्धानां ब्रह्मवादिनाम्॥ तथेत्युक्त्वा तु ते सर्वे हैडिम्बप्रमुखास्तदा। उद्देशज्ञाः कुबेरस्य नलिन्या भरतर्षभ॥ आदाय पाण्डवांश्चैव तांश्च विप्राननेकशः। लोमशेनैव सहिताः प्रययुः प्रीतमानसाः॥

tamanviyāma bhavatāṃ prabhāvād rajanīcarāḥ| purā sa nāparānoti siddhānāṃ brahmavādinām|| tathetyuktvā tu te sarve haiḍimbapramukhāstadā| uddeśajñāḥ kuberasya nalinyā bharatarṣabha|| ādāya pāṇḍavāṃścaiva tāṃśca viprānanekaśaḥ| lomaśenaiva sahitāḥ prayayuḥ prītamānasāḥ||

He will never first offend the Siddhas, learned in the Vedas." O best of the Bharata race, saying "Be it so," the son of Hidimba (Ghatotkacha) and the other Rakshasas, who knew the place where the lotus-lake of Kuber was situated, cheerfully started with Lomasha, carrying the Pandavas and many of the Brahmanas. Going with great speed, they saw the blessed forest,

— tr. M.N. Dutt (1891–96) (public domain)

MBh 2 155.18

ते सर्वे त्वरिता गत्वा ददृशुः शुभकाननाम्। पद्मसौगन्धिकवती नलिनी सुमनोरमाम्॥

te sarve tvaritā gatvā dadṛśuḥ śubhakānanām| padmasaugandhikavatī nalinī sumanoramām||

Adorned with golden lotuses and other lilies and surrounded by beautiful woods. On its shores they saw the high-souled and energetic Bhima.

— tr. M.N. Dutt (1891–96) (public domain)

MBh 2 155.19

तं च भीमं महात्मानं तस्यास्तीरे मनस्विनम्। ददृशुनिहतांश्चैव यक्षांश्च विपुलेक्षणान्॥

taṃ ca bhīmaṃ mahātmānaṃ tasyāstīre manasvinam| dadṛśunihatāṃścaiva yakṣāṃśca vipulekṣaṇān||

And (they saw) also the slain Yakshas of large eyes, with their bodies, eyes, arms and thighs smashed and their heads crushed.

— tr. M.N. Dutt (1891–96) (public domain)

MBh 2 155.20

भिन्नकायाक्षिबाहूरून् संचूर्णितशिरोधरान्। तं च भीमं महात्मानं तस्यास्तीरे व्यवस्थितम्॥ सक्रोधं स्तब्धनयनं संदष्टशनच्छदम्। उद्यम्य च गदां दो• नदीतीरेष्ववस्थितम्॥

bhinnakāyākṣibāhūrūn saṃcūrṇitaśirodharān| taṃ ca bhīmaṃ mahātmānaṃ tasyāstīre vyavasthitam|| sakrodhaṃ stabdhanayanaṃ saṃdaṣṭaśanacchadam| udyamya ca gadāṃ do• nadītīreṣvavasthitam||

On seeing the high-souled Bhima standing on the shore of that lake in angry mood and with steadfast eyes and biting lips, with his mace upraised by his two hands, like Yama with his mace at the universal dissolution.

— tr. M.N. Dutt (1891–96) (public domain)

MBh 2 155.21

प्रजासंक्षेपसमये दण्डहस्तमिवान्तकम्। तं दृष्ट्वाधर्मराजस्तु परिष्वज्य पुनः पुनः॥

prajāsaṃkṣepasamaye daṇḍahastamivāntakam| taṃ dṛṣṭvādharmarājastu pariṣvajya punaḥ punaḥ||

(Having him) Dharmaraja (Yudhishthira) again and again embraced him and thus spoke to him in these sweet words "O son of Kunti, what have you done?

— tr. M.N. Dutt (1891–96) (public domain)

MBh 2 155.22

उवाच श्लक्ष्णया वाचा कौन्तेय किमिदं कृतम्। साहसं बत भद्रं ते देवानामथ चाप्रियम्॥

uvāca ślakṣṇayā vācā kaunteya kimidaṃ kṛtam| sāhasaṃ bata bhadraṃ te devānāmatha cāpriyam||

Be blessed; if you wish to do good to me, you should never again commit such rash acts, nor offend the celestials."

— tr. M.N. Dutt (1891–96) (public domain)

MBh 2 155.23

पुनरेवं न कर्तव्यं मम चेदिच्छसि प्रियम्। अनुशिष्य तु कौन्तेयं पद्मानि परिगृह्य च॥

punarevaṃ na kartavyaṃ mama cedicchasi priyam| anuśiṣya tu kaunteyaṃ padmāni parigṛhya ca||

Having thus addressed that son of Kunti (Bhiima) and taken those flowers, those celestials-like heroes sported in that lake.

— tr. M.N. Dutt (1891–96) (public domain)

MBh 2 155.24

तस्यामेव नलिन्यां तु विजह्वरमरोपमाः। एतस्मिन्नेव काले तु प्रगृहीतशिलायुधाः॥

tasyāmeva nalinyāṃ tu vijahvaramaropamāḥ| etasminneva kāle tu pragṛhītaśilāyudhāḥ||

seen (When they were thus sporting) the hugebodied guards of that garden, armed with rocks as their weapons came to that place.

— tr. M.N. Dutt (1891–96) (public domain)

MBh 2 155.25

प्रादुरासन् महाकायास्तस्योद्यानस्य रक्षिणः। ते दृष्ट्वाधर्मराजानं महर्षि चापि लोमशम्॥ विनयेन नताः सर्वे प्रणिपत्य च भारत॥ सान्त्विताधर्मराजेन प्रसेदुः क्षणदाचराः। विदिताश्च कुबेरस्य तत्र ते कुरुपुङ्गवाः॥

prādurāsan mahākāyāstasyodyānasya rakṣiṇaḥ| te dṛṣṭvādharmarājānaṃ maharṣi cāpi lomaśam|| vinayena natāḥ sarve praṇipatya ca bhārata|| sāntvitādharmarājena praseduḥ kṣaṇadācarāḥ| viditāśca kuberasya tatra te kurupuṅgavāḥ||

Seeing Dharmaraja (Yudhishthira) and the great Rishi Lomasha and Nakula and Sahadeva and also the other foremost of Brahmanas, They all, O descendent of Bharata, bowed down their heads to them in humility. Being pacified by Dharmaraja (Yudhishthira) the Rakshasas were gratified.

— tr. M.N. Dutt (1891–96) (public domain)

MBh 2 155.26

ऊषु तिचिरं कालं रममाणाः कुरूद्वहाः। प्रतीक्षमाणा बीभत्सुं गन्धमादनसानुषु॥

ūṣu ticiraṃ kālaṃ ramamāṇāḥ kurūdvahāḥ| pratīkṣamāṇā bībhatsuṃ gandhamādanasānuṣu||

With the permission of Kubera, those foremost of the Kurus pleasantly lived for sometime, at that spot on the slopes of the Gandhamadana (mountain) awaiting for Vivatsa (Arjuna). were

— tr. M.N. Dutt (1891–96) (public domain)