Mahabharata — Volume II (Dutt edition) — Chapter 142

MBh 2 142.1

लोमश उवाच द्रष्टारः पर्वताः सर्वे नद्यः सपुरकाननाः। तीर्थानि चैव श्रीमन्ति स्पृष्टं च सलिल करैः॥

lomaśa uvāca draṣṭāraḥ parvatāḥ sarve nadyaḥ sapurakānanāḥ| tīrthāni caiva śrīmanti spṛṣṭaṃ ca salila karaiḥ||

Lomasha said: You have seen many mountains and rivers, towns and forests and also many charming Tirthas, the sacred water of which you have touched with your hands.

— tr. M.N. Dutt (1891–96) (public domain)

MBh 2 142.2

पर्वतं मन्दरं दिव्यमेष पन्थाः प्रयास्यति। समाहिता निरुद्विग्नाः सर्वे भवत पाण्डवाः॥

parvataṃ mandaraṃ divyameṣa panthāḥ prayāsyati| samāhitā nirudvignāḥ sarve bhavata pāṇḍavāḥ||

O sons of Pandu, this way leads to the celestials Mandara mountain; therefore be attentive and free from all anxieties.

— tr. M.N. Dutt (1891–96) (public domain)

MBh 2 142.3

अयं देवनिवासो वै गन्तव्यो वो भविष्यति। ऋषीणां चैव दिव्यानां निवासः पुण्यकर्मणाम॥

ayaṃ devanivāso vai gantavyo vo bhaviṣyati| ṛṣīṇāṃ caiva divyānāṃ nivāsaḥ puṇyakarmaṇāma||

You will now go to the abode of the celestials Rishis of virtuous deeds.

— tr. M.N. Dutt (1891–96) (public domain)

MBh 2 142.4

एषा शिवजला पुण्या याति सौम्य महानदी। बदरीप्रभवा राजन् देवर्षिगणसेविता॥

eṣā śivajalā puṇyā yāti saumya mahānadī| badarīprabhavā rājan devarṣigaṇasevitā||

O king, here flows the great and beautiful river (Alakananda) of sacred water rising from the Badari tree. It is ever adored by the celestials Rishis,

— tr. M.N. Dutt (1891–96) (public domain)

MBh 2 142.5

एषा वैहायसैनित्यं बालखिल्यैर्महात्मभिः। अर्चिता चोपयाता च गन्धर्वैश्च महात्मभिः॥

eṣā vaihāyasainityaṃ bālakhilyairmahātmabhiḥ| arcitā copayātā ca gandharvaiśca mahātmabhiḥ||

It is always adored by the high-souled. Vaihayasa, Valakhilyas and the Gandharvas,

— tr. M.N. Dutt (1891–96) (public domain)

MBh 2 142.6

अत्र साम स्म गायन्ति सामगाः पुण्यनि:स्वनाः। मरीचिः पुलहश्चैव भृगुश्चैवाङ्गिरास्तथा॥

atra sāma sma gāyanti sāmagāḥ puṇyani:svanāḥ| marīciḥ pulahaścaiva bhṛguścaivāṅgirāstathā||

And the singers of the Sama (Veda) the Rishis, Marichi, Pulaha, Bhrigu and Angirasa chant the hymns in this place.

— tr. M.N. Dutt (1891–96) (public domain)

MBh 2 142.7

अत्राछिकं सुरश्रेष्ठो जपते समरुद्गणः। साध्याश्चैवाश्विनौ चैव परिधावन्ति तं तदा॥

atrāchikaṃ suraśreṣṭho japate samarudgaṇaḥ| sādhyāścaivāśvinau caiva paridhāvanti taṃ tadā||

Here does the lord of the celestials with the Marutas perform his daily prayers. The Siddhas and the Ashvins wait upon him.

— tr. M.N. Dutt (1891–96) (public domain)

MBh 2 142.8

चन्द्रमाः सह सूर्येण ज्योतीषि च ग्रहैः सह। अहोरात्रविभागेन नदीमेनामनुव्रजन्॥

candramāḥ saha sūryeṇa jyotīṣi ca grahaiḥ saha| ahorātravibhāgena nadīmenāmanuvrajan||

The moon with the sun and with all the luminaries and with the planets always go to this river by day and by night.

— tr. M.N. Dutt (1891–96) (public domain)

MBh 2 142.9

एतस्याः सलिलं मूर्ध्नि वृषाङ्कः पर्यधारयत्। गङ्गाद्वारे महाभाग येन लोकस्थितिर्भवेत्॥

etasyāḥ salilaṃ mūrdhni vṛṣāṅkaḥ paryadhārayat| gaṅgādvāre mahābhāga yena lokasthitirbhavet||

O greatly blessed one, that protector of the world, Vrishanka (Shiva) received on his head the all of the waters of this river at the source of the Ganges.

— tr. M.N. Dutt (1891–96) (public domain)

MBh 2 142.10

एतां भगवती देवीं भवन्तः सर्व एव हि। प्रयतेनात्मना तात प्रतिगम्याभिवादत॥

etāṃ bhagavatī devīṃ bhavantaḥ sarva eva hi| prayatenātmanā tāta pratigamyābhivādata||

O child, now come to this goddess of six attributes and bow down before her with concentrated mind.

— tr. M.N. Dutt (1891–96) (public domain)

MBh 2 142.11

तस्य तद् वचनं श्रुत्वा लोमशस्य महात्मनः। आकाशगङ्गां प्रयताः पाण्डवास्तेऽभ्यवादयन्॥

tasya tad vacanaṃ śrutvā lomaśasya mahātmanaḥ| ākāśagaṅgāṃ prayatāḥ pāṇḍavāste'bhyavādayan||

Vaishampayana said : Having heard the words of the illustrious Lomasha the Pandavas reverentially worshipped the river which flows from the sky.

— tr. M.N. Dutt (1891–96) (public domain)

MBh 2 142.12

अभिवाद्य च ते सर्वे पाण्डवाधर्मचारिणः। पुनः प्रयाताः संहृष्टाः सर्वैर्ऋषिगणैः सह॥

abhivādya ca te sarve pāṇḍavādharmacāriṇaḥ| punaḥ prayātāḥ saṃhṛṣṭāḥ sarvairṛṣigaṇaiḥ saha||

Having worshipped her, all the virtuous Pandavas accompanied by the Rishis again cheerfully proceeded.

— tr. M.N. Dutt (1891–96) (public domain)

MBh 2 142.13

ततो दूरात् प्रकाशन्तं पाण्डुरं मेरुसंनिभम्। ददृशुस्ते नरश्रेष्ठा विकीर्णं सर्वतोदिशम्॥

tato dūrāt prakāśantaṃ pāṇḍuraṃ merusaṃnibham| dadṛśuste naraśreṣṭhā vikīrṇaṃ sarvatodiśam||

Those best of men then saw at a distance some white objects of vast proportions which looked like the Meru (mountain) stretching in all directions.

— tr. M.N. Dutt (1891–96) (public domain)

MBh 2 142.14

तान् प्रष्टुकामान् विज्ञाय पाण्डवान् स तु लोमशः। उवाच वाक्यं वाक्यज्ञः शृणुध्वं पाण्डुनन्दनाः॥

tān praṣṭukāmān vijñāya pāṇḍavān sa tu lomaśaḥ| uvāca vākyaṃ vākyajñaḥ śṛṇudhvaṃ pāṇḍunandanāḥ||

Seeing the Pandavas eager to ask him about it, Lomasha, skillful in speech, thus spoke. “Hear, O sons of Pandu.

— tr. M.N. Dutt (1891–96) (public domain)

MBh 2 142.15

एतद् बिकीर्णं सुश्रीमत् कैलासशिखरोपमम्। यत् पश्यसि नरश्रेष्ठ पर्वतप्रतिमं स्थितम्॥ एतान्यस्थीनि दैत्यस्य नरकस्य महात्मनः। पर्वतप्रतिमं भाति पर्वतप्रस्तराश्रितम्॥

etad bikīrṇaṃ suśrīmat kailāsaśikharopamam| yat paśyasi naraśreṣṭha parvatapratimaṃ sthitam|| etānyasthīni daityasya narakasya mahātmanaḥ| parvatapratimaṃ bhāti parvataprastarāśritam||

O foremost of men, what you see before you and what is of vast proportions looking like a mountain and appearing as beautiful as the Kailasa, is the collection of bones of the greatly powerful Daitya Naraka. As they have been kept on a mountain one mistakes it for a mountain.

— tr. M.N. Dutt (1891–96) (public domain)

MBh 2 142.16

पुरातनेन देवेन विष्णुना परमात्मना। दैत्यो विनिहतस्तेन सुरराजहितैषिणा॥

purātanena devena viṣṇunā paramātmanā| daityo vinihatastena surarājahitaiṣiṇā||

In the days of yore, this Daitya was killed by the Supreme Soul, the eternal deity Vishnu, for the good of the king of the celestials.

— tr. M.N. Dutt (1891–96) (public domain)

MBh 2 142.17

दशवर्षसहस्राणि तपस्तप्यन् महामनाः। ऐन्द्रं प्रार्थयते स्थानं तप:स्वाध्यायविक्रमात्॥

daśavarṣasahasrāṇi tapastapyan mahāmanāḥ| aindraṃ prārthayate sthānaṃ tapa:svādhyāyavikramāt||

That high-souled Daitya performed great asceticism for ten thousand years with the desire of getting possession of Indra's kingdom.

— tr. M.N. Dutt (1891–96) (public domain)

MBh 2 142.18

तपोबलेन महता बाहुवेगबलेन च। नित्यमेव दुराधर्षोधर्षयन् स दितेः सुतः॥

tapobalena mahatā bāhuvegabalena ca| nityameva durādharṣodharṣayan sa diteḥ sutaḥ||

That son of Diti, becoming thus unrivalled by the power of his asceticism, as well as, that of arms, always harassed (Indra).

— tr. M.N. Dutt (1891–96) (public domain)

MBh 2 142.19

स तु तस्य बलं ज्ञात्वाधर्मे च चरितव्रतम्। भयाभिभूतः संविग्नः शक्र आसीत् तदानघ॥

sa tu tasya balaṃ jñātvādharme ca caritavratam| bhayābhibhūtaḥ saṃvignaḥ śakra āsīt tadānagha||

O sinless one, Sakra (Indra) became agitated. Afflicted with fear by learning his prowess, asceticism and observance of religious vows,

— tr. M.N. Dutt (1891–96) (public domain)

MBh 2 142.20

तेन संचिन्तितो देवो मनसा विष्णुरव्ययः। सर्वत्रगः प्रभुः श्रीमानागतश्च स्थितौ बभौ॥

tena saṃcintito devo manasā viṣṇuravyayaḥ| sarvatragaḥ prabhuḥ śrīmānāgataśca sthitau babhau||

He mentally thought of the eternal deity Vishnu; and the graceful lord of the universe who is present everywhere appeared and stood before him.

— tr. M.N. Dutt (1891–96) (public domain)

MBh 2 142.21

ऋषयश्चापि तं सर्वे तुष्टुवुश्च दिवौकसः। तं दृष्ट्वा ज्वलमानश्रीभगवान् हव्यवाहनः॥ नष्टतेजाः समभवत् तस्य तेजोऽभिभर्त्सितः। तं दृष्ट्वा वरदं देवं विष्णुं देवगणेश्वरम्॥

ṛṣayaścāpi taṃ sarve tuṣṭuvuśca divaukasaḥ| taṃ dṛṣṭvā jvalamānaśrībhagavān havyavāhanaḥ|| naṣṭatejāḥ samabhavat tasya tejo'bhibhartsitaḥ| taṃ dṛṣṭvā varadaṃ devaṃ viṣṇuṃ devagaṇeśvaram||

The Rishis and the celestials propitiated Vishnu with prayers. In his presence even the exalted and blazing Havyavahana (fire), lost his effulgence. Seeing that giver of boons, the deity Vishnu, the lord of all the celestials,

— tr. M.N. Dutt (1891–96) (public domain)

MBh 2 142.22

प्राञ्जलिः प्रणतो भूत्वा नमस्कृत्य च वज्रभृत्। प्राह वाक्यं ततस्तत्त्वं यतस्तस्य भयं भवेत्॥

prāñjaliḥ praṇato bhūtvā namaskṛtya ca vajrabhṛt| prāha vākyaṃ tatastattvaṃ yatastasya bhayaṃ bhavet||

The wielder of thunder (Indra) with joined hands and bowed down head, told him soon the cause of his fear.

— tr. M.N. Dutt (1891–96) (public domain)

MBh 2 142.23

विष्णुरुवाच जानामि ते भयं शक्र दैत्येन्द्रान्नरकात् ततः। ऐन्द्रं प्रार्थयते स्थानं तप:सिद्धेन कर्मणा॥

viṣṇuruvāca jānāmi te bhayaṃ śakra daityendrānnarakāt tataḥ| aindraṃ prārthayate sthānaṃ tapa:siddhena karmaṇā||

Vishnu said: “O Sakra, I know your fear originates from the lord of the Daityas, Naraka. By his successful asceticism he desires to obtain Indra's kingdom.

— tr. M.N. Dutt (1891–96) (public domain)

MBh 2 142.24

सोऽहमेनं तव प्रीत्या तप:सिद्धमपिध्रुवम्। वियुनज्मि देहाद् देवेन्द्र मुहूर्त प्रतिपालय॥

so'hamenaṃ tava prītyā tapa:siddhamapidhruvam| viyunajmi dehād devendra muhūrta pratipālaya||

O lord of the celestials, although he has achieved success in asceticism. I shall sever his soul from his body to do you good. Wait for a moment."

— tr. M.N. Dutt (1891–96) (public domain)

MBh 2 142.25

तस्य विष्णुर्महातेजाः पाणिना चेतनां हरत्। स पपात ततो भूमौ गिरिराज इवाहतः॥

tasya viṣṇurmahātejāḥ pāṇinā cetanāṃ harat| sa papāta tato bhūmau girirāja ivāhataḥ||

Lomasha said: Thereupon the greatly powerful Vishnu deprived him (Naraka) of his senses by striking him with his hands. He (Naraka) the fell down on the ground dead, like a great mountain.

— tr. M.N. Dutt (1891–96) (public domain)

MBh 2 142.26

तस्यैतदस्थिसंघातं मायाविनिहतस्य वै। इदं द्वितीयमपरं विष्णोः कर्म प्रकाशते॥

tasyaitadasthisaṃghātaṃ māyāvinihatasya vai| idaṃ dvitīyamaparaṃ viṣṇoḥ karma prakāśate||

He was thus killed by a miracle and his bones were then gathered at this spot. Here thus is manifest another great deed of Vishnu.

— tr. M.N. Dutt (1891–96) (public domain)

MBh 2 142.27

नष्टा वसुमती कृत्स्ना पाताले चैव मज्जिता। पुनरुद्धरिता तेन वाराहेणैकङ्गिणा॥

naṣṭā vasumatī kṛtsnā pātāle caiva majjitā| punaruddharitā tena vārāheṇaikaṅgiṇā||

Once the whole earth was lost, it sunk into the nether regions. But she was again lifted up by him (Vishnu) who had assumed the form of a boar.

— tr. M.N. Dutt (1891–96) (public domain)

MBh 2 142.28

युधिष्ठिर उवाच भगवन् विस्तरेणेमां कथां कथय तत्त्वतः। कथं तेन सुरेशेन नष्टा वसुमती तदा॥ योजनानां शतं ब्रह्मन् पुनरुद्धरिता तदा। केन चैव प्रकारेण जगतोधरणीध्रुवा॥ शिवा देवी महाभागा सर्वसस्यप्ररोहिणी। कस्य चैव प्रभावाद्धि योजनानां शतं गता॥ केन तद् वीर्यसर्वस्वं दर्शितं परमात्मनः। एतत् सर्वं यथातत्त्वमिच्छामि द्विजसत्तम। श्रोतुं विस्तरशः सर्वं त्वं हि तस्य प्रतिश्रयः॥

yudhiṣṭhira uvāca bhagavan vistareṇemāṃ kathāṃ kathaya tattvataḥ| kathaṃ tena sureśena naṣṭā vasumatī tadā|| yojanānāṃ śataṃ brahman punaruddharitā tadā| kena caiva prakāreṇa jagatodharaṇīdhruvā|| śivā devī mahābhāgā sarvasasyaprarohiṇī| kasya caiva prabhāvāddhi yojanānāṃ śataṃ gatā|| kena tad vīryasarvasvaṃ darśitaṃ paramātmanaḥ| etat sarvaṃ yathātattvamicchāmi dvijasattama| śrotuṃ vistaraśaḥ sarvaṃ tvaṃ hi tasya pratiśrayaḥ||

Yudhishthira said: O exalted one, narrate in detail how Vishnu, the lord of the celestials, raised up the earth sunk down one hundred yojanas. How was also that support of all created things, the greatly blessed Earth, who dispenses blessings and produces all sorts of course, made stable? By whom she was forced to sink one hundred yojanas and under what circumstances was this greatest exploit of the Supreme Being exhibited? O foremost of Brahmanas, I desire to hear all this in detail as it happened. You know all about it.

— tr. M.N. Dutt (1891–96) (public domain)

MBh 2 142.29

लोमश उवाच यत् तेऽहं परिपृष्टोऽस्मि कथामेतां युधिष्ठिर। तत् सर्वमखिलेनेह श्रूयतां मम भाषतः॥ पुरा कृतयुगे तात वर्तमाने भयंकरे। यमत्वं कारयामास आदिदेवः पुरातनः॥

lomaśa uvāca yat te'haṃ paripṛṣṭo'smi kathāmetāṃ yudhiṣṭhira| tat sarvamakhileneha śrūyatāṃ mama bhāṣataḥ|| purā kṛtayuge tāta vartamāne bhayaṃkare| yamatvaṃ kārayāmāsa ādidevaḥ purātanaḥ||

Lomasha said: O Yudhishthira, hear all in detail as I narrate the story which you have asked me to relate. O child, in the days of yore, in a terrible time in the Treta Yuga the ancient and primeval deity performed the duties of Yama.

— tr. M.N. Dutt (1891–96) (public domain)

MBh 2 142.30

यमत्वं कुर्वतस्तस्य देवदेवस्यधीमतः। न तत्र म्रियते कश्चिज्जायते वा तथाप्युत॥

yamatvaṃ kurvatastasya devadevasyadhīmataḥ| na tatra mriyate kaścijjāyate vā tathāpyuta||

O undeteriorating one, when the god of gods began to perform the duties of Yama, there was no death (on earth), but births were numerous.

— tr. M.N. Dutt (1891–96) (public domain)

MBh 2 142.31

वर्धन्ते पक्षिसंघाश्च तथा पशुगवेडकम्। गवांश्वं च मृगाश्चैव सर्वे ते पिशिताशनाः॥

vardhante pakṣisaṃghāśca tathā paśugaveḍakam| gavāṃśvaṃ ca mṛgāścaiva sarve te piśitāśanāḥ||

Birds, beasts, kine, sheep, deer and all kinds of wild animals began to multiply.

— tr. M.N. Dutt (1891–96) (public domain)

MBh 2 142.32

तथा पुरुषशार्दूल मानुषाश्च परंतप। सहस्रशो ह्ययुतशो वर्धन्ते सलिलं यथा।॥

tathā puruṣaśārdūla mānuṣāśca paraṃtapa| sahasraśo hyayutaśo vardhante salilaṃ yathā|||

O foremost of men, O chastiser of foes, men also began to multiply by thousands and tens of thousands like water.

— tr. M.N. Dutt (1891–96) (public domain)

MBh 2 142.33

एतस्मिन् संकुले तात वर्तमाने भयंकरे। अतिभाराद् बसुमती योजनानां शतं गता॥

etasmin saṃkule tāta vartamāne bhayaṃkare| atibhārād basumatī yojanānāṃ śataṃ gatā||

O child, by this terrible increase of creatures, the Earth sank down one thousand yojanas.

— tr. M.N. Dutt (1891–96) (public domain)

MBh 2 142.34

सा वै व्यथतसर्वाङ्गी भारेणाक्रान्तचेतना। नारायणं वरं देवं प्रपन्ना शरणं गता॥

sā vai vyathatasarvāṅgī bhāreṇākrāntacetanā| nārāyaṇaṃ varaṃ devaṃ prapannā śaraṇaṃ gatā||

Being afflicted with pain all over her body and being deprived of her senses by this excessive weight (on her), she sought the protection of the foremost of deities NaraNarayana.

— tr. M.N. Dutt (1891–96) (public domain)

MBh 2 142.35

पृथिव्युवाच भगवंस्त्वत्प्रसादाद्धि तिष्ठेयं सुचिरं त्विह। भारेणास्मि समाक्रान्ता न शक्नोमि स्म वर्तिमुम्॥

pṛthivyuvāca bhagavaṃstvatprasādāddhi tiṣṭheyaṃ suciraṃ tviha| bhāreṇāsmi samākrāntā na śaknomi sma vartimum||

The Earth said: O exalted deity, it is through your favour I was able to remain so long in my position. But (now) I have been overcome with (a heavy) burden and I am now unable to hold myself any longer.

— tr. M.N. Dutt (1891–96) (public domain)

MBh 2 142.36

ममेमं भगवन् भारं व्यपनेतुं त्वमर्हसि। शरणागतास्मि ते देव प्रसादं कुरु मे विभो॥

mamemaṃ bhagavan bhāraṃ vyapanetuṃ tvamarhasi| śaraṇāgatāsmi te deva prasādaṃ kuru me vibho||

O exalted deity, you should remove this burden. O deity, O lord, I ask your protection. Extend your favour towards me.

— tr. M.N. Dutt (1891–96) (public domain)

MBh 2 142.37

तस्यास्तद् वचनं श्रुत्वा भगवानक्षरः प्रभुः। प्रोवाच वचनं हृष्टः श्रव्याक्षरसमीरितम्॥

tasyāstad vacanaṃ śrutvā bhagavānakṣaraḥ prabhuḥ| provāca vacanaṃ hṛṣṭaḥ śravyākṣarasamīritam||

Lomasha said: Having heard her these words, the eternal deity of six attributes, cheerfully spoke these words to her with great distinctness.

— tr. M.N. Dutt (1891–96) (public domain)

MBh 2 142.38

विष्णुरुवाच न ते महि भयं कार्यं भारार्ते वसुधारिणि। अहमेवं तथा कुर्मि यथा लघ्वी भविष्यसि॥

viṣṇuruvāca na te mahi bhayaṃ kāryaṃ bhārārte vasudhāriṇi| ahamevaṃ tathā kurmi yathā laghvī bhaviṣyasi||

Vishnu said: O Earth, O holder of treasures, O burdened earth, do not be afraid; I shall act in the way by which you will be relieved of your burden.

— tr. M.N. Dutt (1891–96) (public domain)

MBh 2 142.39

लोमश उवाच स तां विसर्जयित्वा तु वसुधां शैलकुण्डलाम्। ततो वराहः संवृत्त एकशृङ्गो महाद्युतिः॥

lomaśa uvāca sa tāṃ visarjayitvā tu vasudhāṃ śailakuṇḍalām| tato varāhaḥ saṃvṛtta ekaśṛṅgo mahādyutiḥ||

Lomasha said : Having thus sent away the earth adorned with mountains as her ear-rings, he then became a greatly effulgent boar with one tusk.

— tr. M.N. Dutt (1891–96) (public domain)

MBh 2 142.40

रक्ताभ्यां नयनाभ्यां तु भयमुत्पादयन्निव। धूमं च ज्वलयल्ल्क्ष्म्या तत्र देशे व्यवर्धत॥

raktābhyāṃ nayanābhyāṃ tu bhayamutpādayanniva| dhūmaṃ ca jvalayallkṣmyā tatra deśe vyavardhata||

Causing terror with his red eyes and ernitting smokes from his blazing lustre, he began to swell in magnitude in that place.

— tr. M.N. Dutt (1891–96) (public domain)

MBh 2 142.41

स गृहीत्वा वसुमती शृङ्गेणेकेन भास्वता। योजनानां शतं वीर समुद्धरति सोऽक्षरः॥

sa gṛhītvā vasumatī śṛṅgeṇekena bhāsvatā| yojanānāṃ śataṃ vīra samuddharati so'kṣaraḥ||

O hero, then holding the earth with his single tusk that eternal one raised her up one hundred yojanas.

— tr. M.N. Dutt (1891–96) (public domain)

MBh 2 142.42

तस्यां चोद्धार्यमाणायां संक्षोभः समजायत। देवाः संक्षुभिताः सर्वे ऋषयश्च तपोधनाः॥ हाहाभूतमभूत् सर्वं त्रिदिवं व्योम भूस्तदा। न पर्य वस्थितः कश्चिद् देवो वा मानुषोऽपि वा॥

tasyāṃ coddhāryamāṇāyāṃ saṃkṣobhaḥ samajāyata| devāḥ saṃkṣubhitāḥ sarve ṛṣayaśca tapodhanāḥ|| hāhābhūtamabhūt sarvaṃ tridivaṃ vyoma bhūstadā| na parya vasthitaḥ kaścid devo vā mānuṣo'pi vā||

When she was thus raised up, a great agitation was created. All the celestials the Rishis and the ascetics were agitated; and the earth, the sky and the heaven were filled with “Alas! Oh!". Neither the celestials nor men could find peace.

— tr. M.N. Dutt (1891–96) (public domain)

MBh 2 142.43

ततो ब्राह्मणामासीनं ज्वलमानमिव श्रिया। देवाः सर्षिगणाश्चैव उपतस्थुरनेकशः॥

tato brāhmaṇāmāsīnaṃ jvalamānamiva śriyā| devāḥ sarṣigaṇāścaiva upatasthuranekaśaḥ||

Then the celestials and the Rishis all approached Brahma who was seated as if blazing in his own prosperity.

— tr. M.N. Dutt (1891–96) (public domain)

MBh 2 142.44

उपसर्प्य च देवेशं ब्रह्माणं लोकसाक्षिकम्। भूत्वा प्राञ्जलयः सर्वे वाक्यमुच्चारयंस्तदा।॥

upasarpya ca deveśaṃ brahmāṇaṃ lokasākṣikam| bhūtvā prāñjalayaḥ sarve vākyamuccārayaṃstadā|||

Coming to the deity Brahma, the witness of the acts of all beings, they with joined hands thus said to these words.

— tr. M.N. Dutt (1891–96) (public domain)

MBh 2 142.45

लोकाः संक्षुभिताः सर्वे व्याकुलं च चराचरम्। समुद्राणां च संक्षोभस्त्रिदशेश प्रकाशते।॥

lokāḥ saṃkṣubhitāḥ sarve vyākulaṃ ca carācaram| samudrāṇāṃ ca saṃkṣobhastridaśeśa prakāśate|||

The Celestialss said: "O lord of heaven, all created beings have become agitated; all the mobile and immobile creatures have become restless. The ocean are also in great agitation.

— tr. M.N. Dutt (1891–96) (public domain)

MBh 2 142.46

सैषा वसुमती कृत्स्ना योजनानां शतं गता। किमेतद् किं प्रभावेण येनेदं व्याकुलं जगत्। आख्यातु नो भवाशीघ्रं विसंज्ञाः स्मेह सर्वशः॥

saiṣā vasumatī kṛtsnā yojanānāṃ śataṃ gatā| kimetad kiṃ prabhāveṇa yenedaṃ vyākulaṃ jagat| ākhyātu no bhavāśīghraṃ visaṃjñāḥ smeha sarvaśaḥ||

This whole earth has gone one hundred yojanas down. What is the cause of all this? By whom the whole universe has been agitated? Kindly explain the cause to us without delay; we are all bewildered.

— tr. M.N. Dutt (1891–96) (public domain)

MBh 2 142.47

ब्रह्मोवाच असुरेभ्यो भयं नास्ति युष्माकं कुत्रचित् क्वचित्। श्रूयतां यत्कृतेष्वेष संक्षोभो जायतेऽमराः॥

brahmovāca asurebhyo bhayaṃ nāsti yuṣmākaṃ kutracit kvacit| śrūyatāṃ yatkṛteṣveṣa saṃkṣobho jāyate'marāḥ||

Brahma said: O immortals, there is no fear from the Asuras in any matter or in any place. Hear why all this agitation has taken place.

— tr. M.N. Dutt (1891–96) (public domain)

MBh 2 142.48

योऽसौ सर्वत्रगः श्रीमानक्षरात्मा व्यवस्थितः। तस्य प्रभावात् संक्षोभस्त्रिदिवस्य प्रकाशते॥

yo'sau sarvatragaḥ śrīmānakṣarātmā vyavasthitaḥ| tasya prabhāvāt saṃkṣobhastridivasya prakāśate||

This heaven has been agitated from the prowess of the illustrious being, who is omnipresent, eternal and the never-perishing soul.

— tr. M.N. Dutt (1891–96) (public domain)

MBh 2 142.49

यैषा वसुमती कृत्स्ना योजनानां शतं गता। समुद्धता पुनस्तेन विष्णुना परमात्मना।॥

yaiṣā vasumatī kṛtsnā yojanānāṃ śataṃ gatā| samuddhatā punastena viṣṇunā paramātmanā|||

That supreme soul, Vishnu, has lifted up again the earth which sank down one hundred yojanas.

— tr. M.N. Dutt (1891–96) (public domain)

MBh 2 142.50

तस्यामुद्धार्यमाणायां संक्षोभः समजायत। एवं भवन्तो जानन्तु छिद्यतां संशयश्च वः॥

tasyāmuddhāryamāṇāyāṃ saṃkṣobhaḥ samajāyata| evaṃ bhavanto jānantu chidyatāṃ saṃśayaśca vaḥ||

On account of thus raising her up, this agitation has taken place. Know this to be the cause and dispel your doubts.

— tr. M.N. Dutt (1891–96) (public domain)

MBh 2 142.51

देवा ऊचुः क्व तद् भूतं वसुमती समुद्धरति हृष्टवत्। तं देशं भगवन् ब्रूहि तत्र यास्यामहे वयम्॥

devā ūcuḥ kva tad bhūtaṃ vasumatī samuddharati hṛṣṭavat| taṃ deśaṃ bhagavan brūhi tatra yāsyāmahe vayam||

The Celestialss said : O exalted deity, where is that God, who so easily raises up the earth? Tell us the place; we shall all go there.

— tr. M.N. Dutt (1891–96) (public domain)

MBh 2 142.52

ब्रह्मोवाच हन्त गच्छत भद्रं वो नन्दने पश्यत स्थितम्। एषोऽत्र भगवाश्रीमान् सुपर्णः सम्प्रकाशते॥

brahmovāca hanta gacchata bhadraṃ vo nandane paśyata sthitam| eṣo'tra bhagavāśrīmān suparṇaḥ samprakāśate||

Brahma said: Go there. Be blessed, you will find him in the Nandana. Yonder is the exalted and adored Suparna (Garuda).

— tr. M.N. Dutt (1891–96) (public domain)

MBh 2 142.53

वाराहेणैव रूपेण भगवॉल्लोकभावनः। कालानल इवाभाति पृथिवीतलमुद्धरम्॥

vārāheṇaiva rūpeṇa bhagavaॉllokabhāvanaḥ| kālānala ivābhāti pṛthivītalamuddharam||

After having raised the earth, the Supreme Being, the creator of the world, blazes forth in the form of a boar like consuming fire at the universal dissolution,

— tr. M.N. Dutt (1891–96) (public domain)

MBh 2 142.54

एतस्योरसि सुव्यक्तं श्रीवत्समभिराजते। पश्यध्वं विबुधाः सर्वे भूतमेतदनामयम्॥

etasyorasi suvyaktaṃ śrīvatsamabhirājate| paśyadhvaṃ vibudhāḥ sarve bhūtametadanāmayam||

On his breast is to be seen (the gem) Srivatsa. Behold all of you that being who does not know deterioration.

— tr. M.N. Dutt (1891–96) (public domain)

MBh 2 142.55

लोमश उवाच ततो दृष्ट्वा महात्मानं श्रुत्वा चामन्त्र्य चामराः। पितामहं पुरस्कृत्य जग्मुर्देवा यथागतम्॥

lomaśa uvāca tato dṛṣṭvā mahātmānaṃ śrutvā cāmantrya cāmarāḥ| pitāmahaṃ puraskṛtya jagmurdevā yathāgatam||

Lomasha said: The immortals, with the Grandsire at their head, after having seen that great soul and heard his praise, went back to the place whence they came.

— tr. M.N. Dutt (1891–96) (public domain)

MBh 2 142.56

वैशम्पायन उवाच श्रुत्वा तु तां कथां सर्वे पाण्डवा जनमेजय। लोमशादेशितेनाशु पथा जग्मुः प्रहृष्टवत्॥

vaiśampāyana uvāca śrutvā tu tāṃ kathāṃ sarve pāṇḍavā janamejaya| lomaśādeśitenāśu pathā jagmuḥ prahṛṣṭavat||

Vaishampayana said : O Janamejya, having heard this story, all the Pandavas with great alacrity proceeded by the way pointed out by Lomasha.

— tr. M.N. Dutt (1891–96) (public domain)