Mahabharata — Volume II (Dutt edition) — Chapter 135
MBh 2 135.1
लोमश उवाच एषा मधुविला राजन् समङ्गा सम्प्रकाशते। एतत् कर्दमिलं नाम भरतस्याभिषेचनम्॥
lomaśa uvāca eṣā madhuvilā rājan samaṅgā samprakāśate| etat kardamilaṃ nāma bharatasyābhiṣecanam||
Lomasha said: O king, here is visible the river Samanga which is also called Madhubela. Yonder is Kardamela, the bathing place of Bharata.
— tr. M.N. Dutt (1891–96) (public domain)
MBh 2 135.2
अलक्ष्म्या किल संयुक्तो वृत्रं हत्वा शचीपतिः। आप्लुतः सर्वपापेभ्यः समझायां व्यमुच्यत॥
alakṣmyā kila saṃyukto vṛtraṃ hatvā śacīpatiḥ| āplutaḥ sarvapāpebhyaḥ samajhāyāṃ vyamucyata||
When the lord of Sachi, (Indra) became devoid of his prosperity in consequence of killing Vritra, he was cleansed of his sins by bathing in the Samanga.
— tr. M.N. Dutt (1891–96) (public domain)
MBh 2 135.3
एतद् विनशनं कुक्षौ मैनाकस्य नरर्षभ। अदितिर्यत्र पुत्रार्थं तदन्नमपचत् पुरा॥
etad vinaśanaṃ kukṣau mainākasya nararṣabha| aditiryatra putrārthaṃ tadannamapacat purā||
O foremost of men, here is the spot where the Mainaka has sunk into the interior of the earth. It is therefore called Vinasana. In order to obtain sons Aditi in the days of yore cooked his famous food.
— tr. M.N. Dutt (1891–96) (public domain)
MBh 2 135.4
एनं पर्वतराजानमारुह्य भरतर्षभाः। अयशस्यामसंशब्द्यामलक्ष्मी व्यपनोत्स्यथ॥
enaṃ parvatarājānamāruhya bharatarṣabhāḥ| ayaśasyāmasaṃśabdyāmalakṣmī vyapanotsyatha||
O foremost of men, ascend this lofty mountain and put an end to your inglorious misery which is not worthy of uttering.
— tr. M.N. Dutt (1891–96) (public domain)
MBh 2 135.5
एते कनखला राजन्तृषीणां दयिता नगाः। एषा प्रकाशते गङ्गा युधिष्ठिर महानदी।॥
ete kanakhalā rājantṛṣīṇāṃ dayitā nagāḥ| eṣā prakāśate gaṅgā yudhiṣṭhira mahānadī|||
O king, yonder is the Kanakhala mountain, the favourite resort of the Rishis, O Yudhishthira, yonder is the great river Ganga.
— tr. M.N. Dutt (1891–96) (public domain)
MBh 2 135.6
सनत्कुमारो भगवानत्र सिद्धिमगात् पुरा। आजमीढावगायैनां सर्वपापैः प्रमोक्ष्यसे॥
sanatkumāro bhagavānatra siddhimagāt purā| ājamīḍhāvagāyaināṃ sarvapāpaiḥ pramokṣyase||
Here in the days of yore the holy sage Sanatkumara attained ascetic auccess. O descendant of Ajmira, if you bathe in it, you will be cleansed of all your sins.
— tr. M.N. Dutt (1891–96) (public domain)
MBh 2 135.7
अपां ह्रदं च पुण्याख्यं भृगुतुङ्गं च पर्वतम्। उष्णीगङ्गे च कौन्तेय सामात्यः समुपस्पृश॥
apāṃ hradaṃ ca puṇyākhyaṃ bhṛgutuṅgaṃ ca parvatam| uṣṇīgaṅge ca kaunteya sāmātyaḥ samupaspṛśa||
O son of Kunti, touch with your ministers this lake, called Punya and this Bhrigutunga (mountain) and also these two rivers called Tashniganga.
— tr. M.N. Dutt (1891–96) (public domain)
MBh 2 135.8
आश्रमः स्थूलशिरसो रमणीयः प्रकाशते। अत्र मानं च कौन्तेय क्रोधं चैव विवर्जय॥
āśramaḥ sthūlaśiraso ramaṇīyaḥ prakāśate| atra mānaṃ ca kaunteya krodhaṃ caiva vivarjaya||
O son of Kunti, yonder is the charming hermitage of Sulasherasha. Abandon your anger and sense of self-importance.
— tr. M.N. Dutt (1891–96) (public domain)
MBh 2 135.9
एष रैभ्याश्रमः श्रीमान् पाण्डवेय प्रकाशते। भारद्वाजो यत्र कविर्यवक्रीतो व्यनश्यत॥
eṣa raibhyāśramaḥ śrīmān pāṇḍaveya prakāśate| bhāradvājo yatra kaviryavakrīto vyanaśyata||
O son of Pandu, yonder is the beautiful hermitage of Raivya where died the son of Bharadvaja, Yavakrit, learned in the Vedas.
— tr. M.N. Dutt (1891–96) (public domain)
MBh 2 135.10
युधिष्ठिर उवाच कथं युक्तोऽभवदृषिर्भरद्वाजः प्रतापवान्। किमर्थं च यवक्रीतः पुत्रोऽनश्यत वै मुनेः॥
yudhiṣṭhira uvāca kathaṃ yukto'bhavadṛṣirbharadvājaḥ pratāpavān| kimarthaṃ ca yavakrītaḥ putro'naśyata vai muneḥ||
Yudhishthira said: How did the mighty sage Yavakrit, the son of the ascetic Bharadvaja, acquire profound knowledge in the Vedas. How also did he die?
— tr. M.N. Dutt (1891–96) (public domain)
MBh 2 135.11
एतत् सर्वं यथावृत्तं श्रोतुमिच्छामि तत्त्वतः। कर्मभिर्देवकल्पानां कीर्त्यमानै शं रमे॥
etat sarvaṃ yathāvṛttaṃ śrotumicchāmi tattvataḥ| karmabhirdevakalpānāṃ kīrtyamānai śaṃ rame||
I desire to learn all this as they happened. I take delight in hearing the accounts of the celestials-like men.
— tr. M.N. Dutt (1891–96) (public domain)
MBh 2 135.12
लोमश उवाच भरद्वाजश्च रैभ्यश्च सखायौ सम्बभूवतुः। तावूषतुरिहात्यन्तं प्रीयमाणावनन्तरम्॥
lomaśa uvāca bharadvājaśca raibhyaśca sakhāyau sambabhūvatuḥ| tāvūṣaturihātyantaṃ prīyamāṇāvanantaram||
Lomasha said : Bharadvaja and Raivya were two friends. They both lived here always taking the greatest pleasure in each other's company.
— tr. M.N. Dutt (1891–96) (public domain)
MBh 2 135.13
रैभ्यस्य तु सुतावास्तामर्वावसुपरावसू। आसीद् यवक्रीः पुत्रस्तु भरद्वाजस्य भारत॥
raibhyasya tu sutāvāstāmarvāvasuparāvasū| āsīd yavakrīḥ putrastu bharadvājasya bhārata||
Raivya had two sons, named Arvavasu and Pravashu. O descendant of Bharata, Bharadvaja had only one son named Yavakrit.
— tr. M.N. Dutt (1891–96) (public domain)
MBh 2 135.14
रैभ्यो विद्वान् सहापत्यस्तपस्वी चेतरोऽभवत्। तयोश्चाप्यतुला कीर्तिर्बाल्यात् प्रभृति भारत॥
raibhyo vidvān sahāpatyastapasvī cetaro'bhavat| tayoścāpyatulā kīrtirbālyāt prabhṛti bhārata||
O descendant of Bharata, Raivya and his sons became learned and the other (Bharadvaja) became an ascetic. From their childhood their friendship was matchless.
— tr. M.N. Dutt (1891–96) (public domain)
MBh 2 135.15
यवक्री: पितरं दृष्ट्वा तपस्विनमसत्कृतम्। दृष्ट्वा च सत्कृतं विप्रै रैभ्यं पुत्रैः सहानघ॥ पर्यतप्यत तेजस्वी मन्युनाभिपरिप्लुतः। तपस्तेपे ततो घोरं वेदज्ञानाय पाण्डव॥
yavakrī: pitaraṃ dṛṣṭvā tapasvinamasatkṛtam| dṛṣṭvā ca satkṛtaṃ viprai raibhyaṃ putraiḥ sahānagha|| paryatapyata tejasvī manyunābhipariplutaḥ| tapastepe tato ghoraṃ vedajñānāya pāṇḍava||
O sinless one, seeing that his father who practised asceticism was slighted by the Brahmanas, while Raivya with his sons was greatly respected by them, the high-spirited Yavakrit was overwhelmed with sorrow and became pale. O son of Pandu, he underwent severe austerities in order to get the knowledge of the Vedas.
— tr. M.N. Dutt (1891–96) (public domain)
MBh 2 135.16
स समिद्धे महत्यग्नौ शरीरमुपतापयन्। जनयामास संतापमिन्द्रस्य सुमहातपाः॥
sa samiddhe mahatyagnau śarīramupatāpayan| janayāmāsa saṃtāpamindrasya sumahātapāḥ||
He exposed his body to a flaming fire. By thus practising great asceticism he filled Indra with great anxiety.
— tr. M.N. Dutt (1891–96) (public domain)
MBh 2 135.17
तत इन्द्रो यवक्रीतमुपगम्य युधिष्ठिर। अब्रवीत् कस्य हेतोस्त्वमास्थितस्तप उत्तमम्॥
tata indro yavakrītamupagamya yudhiṣṭhira| abravīt kasya hetostvamāsthitastapa uttamam||
O Yudhishthira, thereupon Indra went to him and thus spoke to him, 'Why have you been engaged in the severe austerities?
— tr. M.N. Dutt (1891–96) (public domain)
MBh 2 135.18
यवक्रीत उवाच द्विजानामनधीत वै वेदाः सुरगणार्चित। प्रतिभान्त्विति तप्येऽहमिदं परमकं तपः॥
yavakrīta uvāca dvijānāmanadhīta vai vedāḥ suragaṇārcita| pratibhāntviti tapye'hamidaṃ paramakaṃ tapaḥ||
Yavakrit said : O worshipped of the celestials, I am engaged in the severe asceticism, because I desire to possess such knowledge of the Vedas as has never been acquired by any Brahmana.
— tr. M.N. Dutt (1891–96) (public domain)
MBh 2 135.19
स्वाध्यायार्थ समारम्भो ममायं पाकशासन। तपसा ज्ञातुमिच्छामि सर्वज्ञानानि कौशिक॥
svādhyāyārtha samārambho mamāyaṃ pākaśāsana| tapasā jñātumicchāmi sarvajñānāni kauśika||
O chastiser of Paka, O Kaushika, my this attempt is for obtaining the knowledge of the Vedas. By the force of my asceticism, I desire to acquire all sorts of knowledge.
— tr. M.N. Dutt (1891–96) (public domain)
MBh 2 135.20
कालेन महता वेदाः : शक्या गुरुमुखाद् विभो। प्राप्तुं तस्मादयं यत्नः परमो मे समास्थितः॥
kālena mahatā vedāḥ : śakyā gurumukhād vibho| prāptuṃ tasmādayaṃ yatnaḥ paramo me samāsthitaḥ||
O lord, the knowledge of the Vedas that are to be learnt from teachers, requires long time to acquire. Therefore I am engaged in this great attempt.
— tr. M.N. Dutt (1891–96) (public domain)
MBh 2 135.21
इन्द्र उवाच अमार्ग एष विप्रर्षे येन त्वं यातुमिच्छसि। किं विघातेन ते विप्र गच्छाधीहि गुरोर्मुखात्॥
indra uvāca amārga eṣa viprarṣe yena tvaṃ yātumicchasi| kiṃ vighātena te vipra gacchādhīhi gurormukhāt||
Indra said: O Brahmana Rishi, the way you have adopted is not the proper way. O Brahmana, why will you destroy yourself? Go and learn (the Vedas) from a preceptor.
— tr. M.N. Dutt (1891–96) (public domain)
MBh 2 135.22
लोमश उवाच एवमुक्त्वा गतः शक्रो यवक्रीरपि भारत। भूय एवाकरोद् यत्नं तपस्यमितविक्रमः॥
lomaśa uvāca evamuktvā gataḥ śakro yavakrīrapi bhārata| bhūya evākarod yatnaṃ tapasyamitavikramaḥ||
O descendant of Bharata, having said this, Sakra (Indra) departed and Yavakrit of immeasurable prowess again engaged himself in asceticism.
— tr. M.N. Dutt (1891–96) (public domain)
MBh 2 135.23
घोरेण तपसा राजस्तप्यमानो महत् तपः। संतापयामास भृशं देवेन्द्रमिति नः श्रुतम्॥
ghoreṇa tapasā rājastapyamāno mahat tapaḥ| saṃtāpayāmāsa bhṛśaṃ devendramiti naḥ śrutam||
O king we have heard that by thus undergoing severe asceticism, he again greatly agitated the lord of the celestials.
— tr. M.N. Dutt (1891–96) (public domain)
MBh 2 135.24
तं तथा तप्यमानं तु तपस्तीव्र महामुनिम्। उपेत्य बलभिद् देवो वारयामास वै पुनः॥
taṃ tathā tapyamānaṃ tu tapastīvra mahāmunim| upetya balabhid devo vārayāmāsa vai punaḥ||
The slayer of Bala, the deity (Indra) again came to that great Rishi who was engaged in that great austerity and forbade him to do it.
— tr. M.N. Dutt (1891–96) (public domain)
MBh 2 135.25
अशक्योऽर्थः समारब्धो नैतद् बुद्धिकृतं तव। प्रतिभास्यन्ति वै वेदास्तव चैव पितुश्च ते॥
aśakyo'rthaḥ samārabdho naitad buddhikṛtaṃ tava| pratibhāsyanti vai vedāstava caiva pituśca te||
Indra said: You are doing all this with the intention that the knowledge of the Vedas might be manifest in you and in your father, but your attempt can never be successful. Your this act is not welladvised.
— tr. M.N. Dutt (1891–96) (public domain)
MBh 2 135.26
यवक्रीत उवाच न चैतदेवं क्रियते देवराज ममेप्सितम्। महता नियमेनाहं तप्स्ये घोरतरं तपः॥
yavakrīta uvāca na caitadevaṃ kriyate devarāja mamepsitam| mahatā niyamenāhaṃ tapsye ghorataraṃ tapaḥ||
Yavakrit said : O king of the celestials, if you will not do what I desire, I shall, then, by observing stricter vows, practise still more severe austerities.
— tr. M.N. Dutt (1891–96) (public domain)
MBh 2 135.27
समिद्धेऽग्नावुपकृत्याङ्गमङ्गं होष्यामि वा मघवंस्तन्निबोध। यद्येतदेवं न करोषि कामं ममेप्सितं देवराजेह सर्वम्॥
samiddhe'gnāvupakṛtyāṅgamaṅgaṃ hoṣyāmi vā maghavaṃstannibodha| yadyetadevaṃ na karoṣi kāmaṃ mamepsitaṃ devarājeha sarvam||
O king of the celestials, know that if you do not fulfill all my desires, I shall then cut off my limbs and offer them as a sacrifice to a blazing fire.
— tr. M.N. Dutt (1891–96) (public domain)
MBh 2 135.28
लोमश उवाच निश्चयं तमभिज्ञाय मुनेस्तस्य महात्मनः। प्रतिवारणहेत्वर्थं बुद्ध्या संचिन्त्य बुद्धिमान्॥
lomaśa uvāca niścayaṃ tamabhijñāya munestasya mahātmanaḥ| prativāraṇahetvarthaṃ buddhyā saṃcintya buddhimān||
Lomasha said: Having known the firın resolution of that high-souled Rishi, that intelligent deity (Indra) reflected (for a moment) and hit upon a means by which to dissuade him.
— tr. M.N. Dutt (1891–96) (public domain)
MBh 2 135.29
तत इन्द्रोऽकरोद् रूपं ब्राह्मणस्य तपस्विनः। अनेकशतवर्षस्य दुबर्लस्य सयक्ष्मणः॥
tata indro'karod rūpaṃ brāhmaṇasya tapasvinaḥ| anekaśatavarṣasya dubarlasya sayakṣmaṇaḥ||
Thereupon Indra assumed the garb of an ascetic Brahmana, who was many hundred years of age and who was weak and consumptive.
— tr. M.N. Dutt (1891–96) (public domain)
MBh 2 135.30
यवक्रीतस्य यत् तीर्थमुचितं शौचकर्मणि। भागीरथ्यां तत्र सेतुं बालुकाभिश्चकार स:॥
yavakrītasya yat tīrthamucitaṃ śaucakarmaṇi| bhāgīrathyāṃ tatra setuṃ bālukābhiścakāra sa:||
He began to construct a dam of sands at thai spot of the Bhagirathi where Yavakrit used to go to perform his ablutions.
— tr. M.N. Dutt (1891–96) (public domain)
MBh 2 135.31
यदास्य वदतो वाक्यं न स चक्रे द्विजोत्तमः। बालुकाभिस्ततः शक्रो गङ्गां समभिपूरयन्॥
yadāsya vadato vākyaṃ na sa cakre dvijottamaḥ| bālukābhistataḥ śakro gaṅgāṃ samabhipūrayan||
As that foremost of Brahmanas paid no heed to the words of Sakra (Indra), he therefore began to fill Ganga with sands.
— tr. M.N. Dutt (1891–96) (public domain)
MBh 2 135.32
वालुकामुष्टिमनिशं भागीरथ्यां व्यसर्जयत्। सेतुमभ्यारभच्छको यवक्रीतं निदर्शयन्॥
vālukāmuṣṭimaniśaṃ bhāgīrathyāṃ vyasarjayat| setumabhyārabhacchako yavakrītaṃ nidarśayan||
Without stopping for a moment, he threw handfuls of sands into the Bhagirathi and to construct the dam thus attracting the notice of the Rishi.
— tr. M.N. Dutt (1891–96) (public domain)
MBh 2 135.33
तं ददर्श यवक्रीतो यत्नवन्तं निबन्धने। प्रहसंश्चाब्रवीद् वाक्यमिदं स मुनिपुङ्गवः॥
taṃ dadarśa yavakrīto yatnavantaṃ nibandhane| prahasaṃścābravīd vākyamidaṃ sa munipuṅgavaḥ||
When that foremost of Rishis, Yavakrit, saw him thus earnestly engaged in bridging (the Ganges), he broke out into a loud laughter and thus spoke.
— tr. M.N. Dutt (1891–96) (public domain)
MBh 2 135.34
किमिदं वर्तते ब्रह्मन् किं च ते ह चिकीर्षितम्। अतीव हि महान् यत्नः क्रियतेऽयं निरर्थकः॥
kimidaṃ vartate brahman kiṃ ca te ha cikīrṣitam| atīva hi mahān yatnaḥ kriyate'yaṃ nirarthakaḥ||
Yavakrit said: O Brahmana, what are you doing? What is your intention? Why are you in vain making this great attempt?
— tr. M.N. Dutt (1891–96) (public domain)
MBh 2 135.35
इन्द्र उवाच बन्धिष्ये सेतुना गङ्गां सुखः पन्था भविष्यति। क्लिश्यते हि जनस्तात तरमाणः पुनः पुनः॥
indra uvāca bandhiṣye setunā gaṅgāṃ sukhaḥ panthā bhaviṣyati| kliśyate hi janastāta taramāṇaḥ punaḥ punaḥ||
Indra said: O sire, I am trying to bridge the Ganga, so that a comfortable way may be made across it. People meet with great inconvenience in again and again crossing and recrossing it.
— tr. M.N. Dutt (1891–96) (public domain)
MBh 2 135.36
यवक्रीत उवाच नायं शक्यस्त्वया बड़े महानोघस्तपोधन। अशक्याद् विनिवर्तस्व शक्यमर्थं समारभ॥
yavakrīta uvāca nāyaṃ śakyastvayā baḍa़e mahānoghastapodhana| aśakyād vinivartasva śakyamarthaṃ samārabha||
Yavakrit said : O ascetic, you cannot bridge this mighty river. O Brahmana, desist from what is impracticable; attempt some thing practicable.
— tr. M.N. Dutt (1891–96) (public domain)
MBh 2 135.37
इन्द्र उवाच यथैव भवता चेदं तपो वेदाथमुद्यतम्। अशक्यं तद्वदस्माभिरयं भारः समाहितः॥
indra uvāca yathaiva bhavatā cedaṃ tapo vedāthamudyatam| aśakyaṃ tadvadasmābhirayaṃ bhāraḥ samāhitaḥ||
Indra said: I have undertaken this heavy task, as you have engaged yourself in these great austerities to obtain the knowledge of the Vedas, an attempt which can never be successful.
— tr. M.N. Dutt (1891–96) (public domain)
MBh 2 135.38
यवक्रीत उवाच यथा तव निरर्थोऽयमारम्भस्त्रिदशेश्वर। तथा यदि ममापीदं मन्यसे पाकशासन॥
yavakrīta uvāca yathā tava nirartho'yamārambhastridaśeśvara| tathā yadi mamāpīdaṃ manyase pākaśāsana||
Yavakrit said : O lord of the celestials, O chastiser of Paka, if you consider these my attempts as fruitless, as yours are,
— tr. M.N. Dutt (1891–96) (public domain)
MBh 2 135.39
क्रियतां यद् भवेच्छक्यं त्वया सुरगणेश्वर। वरांश्च मे प्रयच्छान्यान् यैरन्यान् भवितास्म्यति॥
kriyatāṃ yad bhavecchakyaṃ tvayā suragaṇeśvara| varāṃśca me prayacchānyān yairanyān bhavitāsmyati||
O lord of the celestials, be pleased to do for me what is practicable. Favour me with boons by which I may excel all other men.
— tr. M.N. Dutt (1891–96) (public domain)
MBh 2 135.40
लोमश उवाच तस्मै प्रादाद् वरानिन्द्र उक्तवान् यान् महातपाः। प्रतिभास्यन्ति ते वेदाः पित्रा सह यथेप्सिताः॥
lomaśa uvāca tasmai prādād varānindra uktavān yān mahātapāḥ| pratibhāsyanti te vedāḥ pitrā saha yathepsitāḥ||
Lomasha said : Indra granted him boons as was asked by the great ascetic. He said, "as you desire it, the Vedas will be manifest in you as well as in your father.
— tr. M.N. Dutt (1891–96) (public domain)
MBh 2 135.41
यच्चान्यत् काक्षसे कामं यवक्रीर्गम्यतामिति। स लब्धकामः पितरं समेत्याथेदमब्रवीत्॥
yaccānyat kākṣase kāmaṃ yavakrīrgamyatāmiti| sa labdhakāmaḥ pitaraṃ sametyāthedamabravīt||
Your all other desires also will be fulfilled." Having thus obtained all that he desired, he came to his father and said,
— tr. M.N. Dutt (1891–96) (public domain)
MBh 2 135.42
यवक्रीत उवाच प्रतिभास्यन्ति वै वेदा मम तातस्य चोभयोः। अति चान्यान् भविष्यावो वरा लब्धास्तदा मया॥
yavakrīta uvāca pratibhāsyanti vai vedā mama tātasya cobhayoḥ| ati cānyān bhaviṣyāvo varā labdhāstadā mayā||
O father, the Vedas will be manifest in you as well as in me. In have obtained boons by which we shall excel all other men.
— tr. M.N. Dutt (1891–96) (public domain)
MBh 2 135.43
भरद्वाज उवाच दपस्ते भविता तात वसल्लब्ध्वा यथेप्सितान्। स दर्पपूर्णः कृपणः क्षिप्रमेव विनक्ष्यसि॥
bharadvāja uvāca dapaste bhavitā tāta vasallabdhvā yathepsitān| sa darpapūrṇaḥ kṛpaṇaḥ kṣiprameva vinakṣyasi||
Bharadvaja said : O son, as you have obtained all that you desired, you (as a matter of course) will (now) be proud. And when you will be filled with pride, destruction will soon overtake you.
— tr. M.N. Dutt (1891–96) (public domain)
MBh 2 135.44
अत्राप्युदाहरन्तीमा गाथा देवैरुदाहृताः। मुनिरासीत् पुरा पुत्र बालधिर्नाम वीर्यवान्॥
atrāpyudāharantīmā gāthā devairudāhṛtāḥ| munirāsīt purā putra bāladhirnāma vīryavān||
O son, there is a story told by the celestials as an instance (of this). In the days of yore there was a greatly powerful Rishi, named Valadhi.
— tr. M.N. Dutt (1891–96) (public domain)
MBh 2 135.45
स पुत्रशोकादुद्विग्नस्तपस्तेपे सुदुष्करम्। भवेन्मम सुतोऽमर्त्य इति तं लब्धवांश्च सः॥
sa putraśokādudvignastapastepe suduṣkaram| bhavenmama suto'martya iti taṃ labdhavāṃśca saḥ||
Being afflicted with grief for the death of his son, he performed great asceticism, to get a child who would be immortal. He obtained such a son.
— tr. M.N. Dutt (1891–96) (public domain)
MBh 2 135.46
तस्य प्रसादो वै देवैः कृतो न त्वमरैः समः। नामयो विद्यते मर्यो निमित्तायुर्भविष्यति॥
tasya prasādo vai devaiḥ kṛto na tvamaraiḥ samaḥ| nāmayo vidyate maryo nimittāyurbhaviṣyati||
But the celestials, though very much favourably disposed towards him, did not still make his son immortal like the celestials. They said that on no condition a mortal can be made immortal.
— tr. M.N. Dutt (1891–96) (public domain)
MBh 2 135.47
बालधिरुवाच यथेमे पर्वताः शश्वत् तिष्ठन्ति सुरसत्तमाः। अक्षयास्तन्निमित्तं मे सुतस्यायुभविष्यति॥
bāladhiruvāca yatheme parvatāḥ śaśvat tiṣṭhanti surasattamāḥ| akṣayāstannimittaṃ me sutasyāyubhaviṣyati||
Valadhi said: O foremost of the celestials, these mountains are existing for an ever-lasting time; indestructible as they are, they will be the instrumental of my son's immortality.
— tr. M.N. Dutt (1891–96) (public domain)
MBh 2 135.48
भरद्वाज उवाच तस्य पुत्रस्तदा जज्ञे मेधावी क्रोधनस्तदा। स तच्छ्रुत्वाकरोद् दर्पमृषींश्चैवावमन्यत॥
bharadvāja uvāca tasya putrastadā jajñe medhāvī krodhanastadā| sa tacchrutvākarod darpamṛṣīṃścaivāvamanyata||
Bharadvaja said : Afterwards a son was born to that Rishi, named Medhavi, who was of very wrathful temper. Having heard all about his birth he grew haughty and began to insult the Rishis.
— tr. M.N. Dutt (1891–96) (public domain)
MBh 2 135.49
विकुर्वाणो मुनीनां च व्यचरत् स महीमिमाम्। आससाद महावीर्यं धनुषाक्षं मनीषिणम्॥
vikurvāṇo munīnāṃ ca vyacarat sa mahīmimām| āsasāda mahāvīryaṃ dhanuṣākṣaṃ manīṣiṇam||
He roamed over the earth committing various mischiefs to the Rishis. He one day met with the intelligent and greatly powerful (Rishi) Dhanushakha.
— tr. M.N. Dutt (1891–96) (public domain)
MBh 2 135.50
तस्यापचने मेधावी तं शशाप स वीर्यवान्। भव भस्मेति चोक्तः स न भस्म समपद्यत॥
tasyāpacane medhāvī taṃ śaśāpa sa vīryavān| bhava bhasmeti coktaḥ sa na bhasma samapadyata||
Medhavi maltreated him; therefore that greatly powerful Rishi cursed him saying, "Be reduced to ashes.” But he was not reduced to ashes.
— tr. M.N. Dutt (1891–96) (public domain)
MBh 2 135.51
धनुषाक्षस्तु तं दृष्ट्वा मेधाविनमनामयम्। निमित्तमस्य महिषैर्भेदयामास वीर्यवान्॥
dhanuṣākṣastu taṃ dṛṣṭvā medhāvinamanāmayam| nimittamasya mahiṣairbhedayāmāsa vīryavān||
Thereupon having seen this, Dhanushakha caused the mountain which was the instrumental cause of his life to be shattered by buffaloes.
— tr. M.N. Dutt (1891–96) (public domain)
MBh 2 135.52
स निमित्त विनष्टे तु ममार सहसा शिशुः। तं मृतं पुत्रमादाय विललाप ततः पिता।॥
sa nimitta vinaṣṭe tu mamāra sahasā śiśuḥ| taṃ mṛtaṃ putramādāya vilalāpa tataḥ pitā|||
When the instrumental cause of his life was destroyed, the child (Medhavi) suddenly died. Thereupon taking up his dead son the father began to lament.
— tr. M.N. Dutt (1891–96) (public domain)
MBh 2 135.53
लालप्यमानं तं दृष्ट्वा मुनयः परमार्तवत्। ऊचुर्वेदविदः सर्वे गाथां यां तां निबोध मे॥
lālapyamānaṃ taṃ dṛṣṭvā munayaḥ paramārtavat| ūcurvedavidaḥ sarve gāthāṃ yāṃ tāṃ nibodha me||
Now hear from me the verse that was recited by the Rishis learned in the Vedas when they saw the Rishi thus mourning.
— tr. M.N. Dutt (1891–96) (public domain)
MBh 2 135.54
न दिष्टमर्थमत्येतुमीशो मर्त्यः कथंचन। महिषैर्भेदयामासधनुषाक्षो महीधरान्॥
na diṣṭamarthamatyetumīśo martyaḥ kathaṃcana| mahiṣairbhedayāmāsadhanuṣākṣo mahīdharān||
"On no condition can a mortal overcome what has been ordained by Fate. Dhanushakha shattered even mountain by buffaloes.”
— tr. M.N. Dutt (1891–96) (public domain)
MBh 2 135.55
एवं लब्ध्वा वरान् बाला दर्पपूर्णास्तपस्विनः। क्षिप्रमेव विनश्यन्ति यथा न स्यात् तथा भवान्॥
evaṃ labdhvā varān bālā darpapūrṇāstapasvinaḥ| kṣiprameva vinaśyanti yathā na syāt tathā bhavān||
Thus having obtained boons, young ascetics are (generally) filled with pride and perish in no time. Do not become one of them.
— tr. M.N. Dutt (1891–96) (public domain)
MBh 2 135.56
एष रेभ्यो महावीर्यः पुत्रौ चास्य तथाविधौ। तं यथा पुत्र नाभ्येषि तथा कुर्यास्त्वतन्द्रितः॥
eṣa rebhyo mahāvīryaḥ putrau cāsya tathāvidhau| taṃ yathā putra nābhyeṣi tathā kuryāstvatandritaḥ||
O son, this Raibhya is greatly powerful, so are his two sons. Therefore, be careful never to approach him.
— tr. M.N. Dutt (1891–96) (public domain)
MBh 2 135.57
स हि क्रुद्धः समर्थस्त्वां पुत्र पीडयितुं रुषा। रैभ्यश्चापि तपस्वी च कोपनश्च महानृषिः॥
sa hi kruddhaḥ samarthastvāṃ putra pīḍayituṃ ruṣā| raibhyaścāpi tapasvī ca kopanaśca mahānṛṣiḥ||
O son, this Raibhya is a great Rishi and an ascetic of wrathful temper. If wrathful he can do you harm in anger.
— tr. M.N. Dutt (1891–96) (public domain)
MBh 2 135.58
यवक्रीत उवाच एवं करिष्ये मा तापं तात कार्षीः कथंचन। यथा हि मे भवान् मान्यस्तथा रैथ्यः पिता मम॥५९।
yavakrīta uvāca evaṃ kariṣye mā tāpaṃ tāta kārṣīḥ kathaṃcana| yathā hi me bhavān mānyastathā raithyaḥ pitā mama||59|
Yavakrit said : O father, I shall do as you command me. Never be in anxiety for it. As you, my father, deserve to be respected by me, so is Raibhya.
— tr. M.N. Dutt (1891–96) (public domain)
MBh 2 135.59
लोमश उवाच उक्त्वा स पितरं श्लक्ष्णं यवक्रीरकुतोभयः। विप्रकुर्वनृषीनन्यानतुष्यत् परया मुदा॥
lomaśa uvāca uktvā sa pitaraṃ ślakṣṇaṃ yavakrīrakutobhayaḥ| viprakurvanṛṣīnanyānatuṣyat parayā mudā||
Lomasha said: Having thus replied to his father in sweet words, Yavakrit began fearlessly to take pleasure in wantonly injuring the Rishis.
— tr. M.N. Dutt (1891–96) (public domain)