Mahabharata — Volume II (Dutt edition) — Chapter 106
MBh 2 106.1
लोमश उवाच तानुवाच समेतांस्तु ब्रह्मा लोकपितामहः। गच्छध्वं विबुधाः सर्वे यथाकामं यथेप्सितम्॥
lomaśa uvāca tānuvāca sametāṃstu brahmā lokapitāmahaḥ| gacchadhvaṃ vibudhāḥ sarve yathākāmaṃ yathepsitam||
Lomasha said: The Grandsire of creatures Brahma thus spoke to the assembly (of celestials) “O gods, go wherever you like and desire to go.
— tr. M.N. Dutt (1891–96) (public domain)
MBh 2 106.2
महता कालयोगेन प्रकृतिं यास्यतेऽर्णवः। ज्ञातीश्च कारणं कृत्वा महाराजो भगीरथः॥ पूरयिष्यति तोयौघैः समुद्र निधिमम्भसाम्।
mahatā kālayogena prakṛtiṃ yāsyate'rṇavaḥ| jñātīśca kāraṇaṃ kṛtvā mahārājo bhagīrathaḥ|| pūrayiṣyati toyaughaiḥ samudra nidhimambhasām|
A very long time must pass before the ocean would be able to resume its natural state by making the relatives of the great king Bhagiratha as its cause."
— tr. M.N. Dutt (1891–96) (public domain)
MBh 2 106.3
पितामहवचः श्रुत्वा सर्वे विबुधसत्तमाः। कालयोगं प्रतीक्षन्तो जग्मुश्चापि यथागतम्॥
pitāmahavacaḥ śrutvā sarve vibudhasattamāḥ| kālayogaṃ pratīkṣanto jagmuścāpi yathāgatam||
Having heard the words of the Grandsire, all those foremost of celestials went away where they liked and they waited for the time (when the ocean would be refilled).
— tr. M.N. Dutt (1891–96) (public domain)
MBh 2 106.4
युधिष्ठिर उवाच कथं वै ज्ञातयो ब्रह्मन् कारणं चात्र किं मुने। कथं समुद्रः पूर्णश्च भगीरथप्रतिश्रयात्॥
yudhiṣṭhira uvāca kathaṃ vai jñātayo brahman kāraṇaṃ cātra kiṃ mune| kathaṃ samudraḥ pūrṇaśca bhagīrathapratiśrayāt||
Yudhishthira said : O Brahmana, O Rishi, why and how did the relations (of Bhagiratha) become the cause (of refilling the ocean)? How was the ocean refilled by the interference of Bhagiratha?
— tr. M.N. Dutt (1891–96) (public domain)
MBh 2 106.5
एतदिच्छाम्यहं श्रोतुं विस्तरेण तपोधन। कथ्यमानं त्वया विप्र राज्ञां चरितमुत्तमम्॥
etadicchāmyahaṃ śrotuṃ vistareṇa tapodhana| kathyamānaṃ tvayā vipra rājñāṃ caritamuttamam||
O ascetic, O Brahmana, I desire to hear all this in detail, the excellent history of that king (Bhagiratha) narrated by you.
— tr. M.N. Dutt (1891–96) (public domain)
MBh 2 106.6
वैशम्पायन उवाच एवमुक्तस्तु विप्रेन्द्रोधर्मराज्ञा महात्मना। कथयामास माहात्म्यं सगरस्य महात्मनाः॥
vaiśampāyana uvāca evamuktastu viprendrodharmarājñā mahātmanā| kathayāmāsa māhātmyaṃ sagarasya mahātmanāḥ||
Vaishampayana said : Having been thus addressed by the highsouled Dharmaraja, Yudhishthira, that foremost of Brahmanas narrated the glory of the illustrious Sagara.
— tr. M.N. Dutt (1891–96) (public domain)
MBh 2 106.7
लोमश उवाच इक्ष्वाकूणां कुले जातः सगरो नाम पार्थिवः। रूपसत्त्वबलोपेतः स चापुत्रः प्रतापवान्॥
lomaśa uvāca ikṣvākūṇāṃ kule jātaḥ sagaro nāma pārthivaḥ| rūpasattvabalopetaḥ sa cāputraḥ pratāpavān||
Lomasha said: In the race of the Ikshvaku there was born a king, named Sagara, possessing beauty of person and prowess. That mighty king was son-less.
— tr. M.N. Dutt (1891–96) (public domain)
MBh 2 106.8
स हैहयान् समुत्साद्य तालजङ्घांश्च भारत। वशे च कृत्वा राजन्यान् स्वराज्यमन्वशासत॥
sa haihayān samutsādya tālajaṅghāṃśca bhārata| vaśe ca kṛtvā rājanyān svarājyamanvaśāsata||
O descendant of Bharata, exterminating the Haihayas and Talrangas and subjugating many kings, he ruled over his own kingdom.
— tr. M.N. Dutt (1891–96) (public domain)
MBh 2 106.9
तस्य भार्ये त्वभवतां रूपयौवनदर्पिते। वैदर्भी भरतश्रेष्ठ शैब्या च भरतर्षभ॥
tasya bhārye tvabhavatāṃ rūpayauvanadarpite| vaidarbhī bharataśreṣṭha śaibyā ca bharatarṣabha||
O best of the Bharata race, he had two wives, proud of their beauty and of their youth, one a princess of Vaidarbhi and the other a princess of Shaibya.
— tr. M.N. Dutt (1891–96) (public domain)
MBh 2 106.10
स पुत्रकामो नृपतिस्तप्यते स्म महत्तपः। पत्नीभ्यां सह राजेन्द्र कैलासं गिरिमाश्रितः॥
sa putrakāmo nṛpatistapyate sma mahattapaḥ| patnībhyāṃ saha rājendra kailāsaṃ girimāśritaḥ||
O king of kings, desiring to get a son, that king practised great austerities with his two wives on the Kailasa mountain.
— tr. M.N. Dutt (1891–96) (public domain)
MBh 2 106.11
स तप्यमानः सुमहत् तपो योगसमन्वितः। आससाद महात्मानं त्र्यक्षं त्रिपुरमर्दनम्॥ शंकरं भवमीशानं शूलपाणिं पिनाकिनम्। त्र्यम्बकं शिवमुग्रेशं बहुरूपमुमापतिम्॥
sa tapyamānaḥ sumahat tapo yogasamanvitaḥ| āsasāda mahātmānaṃ tryakṣaṃ tripuramardanam|| śaṃkaraṃ bhavamīśānaṃ śūlapāṇiṃ pinākinam| tryambakaṃ śivamugreśaṃ bahurūpamumāpatim||
Being engaged in great austerities and in Yoga and in contemplation, he saw the illustrious three-eyed deity, the chastiser of Tripura, Shankara, Bhava, Ishana, Pinaki, Shulapani, Traymbaka, Shiva, Ugresha of many forms, the husband of Uma.
— tr. M.N. Dutt (1891–96) (public domain)
MBh 2 106.12
स तं दृष्ट्वैव वरदं पत्नीभ्यां सहितो नृपः। प्रणिपत्य महाबाहुः पुत्रार्थे समयाचत॥ तं प्रीतिमान् हरः प्राह सभार्यं नृपसत्तमम्। यस्मिन् वृतो मुहूर्तेऽहं त्वयेह नृपते वरम्॥
sa taṃ dṛṣṭvaiva varadaṃ patnībhyāṃ sahito nṛpaḥ| praṇipatya mahābāhuḥ putrārthe samayācata|| taṃ prītimān haraḥ prāha sabhāryaṃ nṛpasattamam| yasmin vṛto muhūrte'haṃ tvayeha nṛpate varam||
As soon as he saw that giver of boons, that mighty-armed king bowed to him along with his two wives and prayed for a son. Hara (Shiva) being pleased said to that best of kings with his wives. “O king, considering the moment in which you have asked the boon.
— tr. M.N. Dutt (1891–96) (public domain)
MBh 2 106.13
षष्टिः पुत्रसहस्राणि शूराः परमदर्पिताः। एकस्यां सम्भविष्यन्ति पल्यां नरवरोत्तम॥ ते चैव सर्वे सहिताः क्षयं यास्यन्ति पार्थिव। एको वंशधरः शूर एकस्यां सम्भविष्यति॥
ṣaṣṭiḥ putrasahasrāṇi śūrāḥ paramadarpitāḥ| ekasyāṃ sambhaviṣyanti palyāṃ naravarottama|| te caiva sarve sahitāḥ kṣayaṃ yāsyanti pārthiva| eko vaṃśadharaḥ śūra ekasyāṃ sambhaviṣyati||
O foremost of men, sixty thousand heroic and proud sons will be born in one of your two wives. O ruler of men, they will all together meet with destruction. In the other wife will be born a heroic son who will perpetuate your race."
— tr. M.N. Dutt (1891–96) (public domain)
MBh 2 106.14
एवमुक्त्वा तु तं रुद्रस्तत्रैवान्तरधीयत। स चापि सगरो राजा जगाम स्वं निवेशनम्॥
evamuktvā tu taṃ rudrastatraivāntaradhīyata| sa cāpi sagaro rājā jagāma svaṃ niveśanam||
Having said this, Rudra (Shiva) then and there disappeared. The king Sagara also went back to his own abode.
— tr. M.N. Dutt (1891–96) (public domain)
MBh 2 106.15
पत्नीभ्यां सहितस्तत्र सोऽतिहृष्टमनास्तदा। तस्य ते मनुजश्रेष्ठ भार्ये कमललोचने॥ वैदर्भी चैव शैब्या च गर्भिण्यौ सम्बभूवतुः। ततः कालेन वैदर्भी गर्भालावं व्यजायत॥
patnībhyāṃ sahitastatra so'tihṛṣṭamanāstadā| tasya te manujaśreṣṭha bhārye kamalalocane|| vaidarbhī caiva śaibyā ca garbhiṇyau sambabhūvatuḥ| tataḥ kālena vaidarbhī garbhālāvaṃ vyajāyata||
Accompanied by his two wives who were exceedingly glad at heart. O foremost of men, he returned' home. His two lotus-eyed wives, the princesses of Vaidarbhi and of Shaibya conceived. In due time, the Vidarbha princess gave birth to a gourd.
— tr. M.N. Dutt (1891–96) (public domain)
MBh 2 106.16
शैब्या च सुषुवे पुत्रं कुमारं देवरूपिणम्। तदालावू समुत्स्रष्टुं मनश्चक्रे स पार्थिवः॥
śaibyā ca suṣuve putraṃ kumāraṃ devarūpiṇam| tadālāvū samutsraṣṭuṃ manaścakre sa pārthivaḥ||
The princess of Shaibya gave birth to a son as handsome as a celestials. That king then thought of throwing away the gourd.
— tr. M.N. Dutt (1891–96) (public domain)
MBh 2 106.17
अथान्तरिक्षाच्छुश्राव वाचं गम्भीर निःस्वनाम्। राजन् मा साहसं कार्षीः पुत्रान् न त्यक्तुमर्हसि॥
athāntarikṣācchuśrāva vācaṃ gambhīra niḥsvanām| rājan mā sāhasaṃ kārṣīḥ putrān na tyaktumarhasi||
But he heard a voice in the sky uttered in a grave and solcinn voice; it said "O king, do not be guilty of this hasty acts. You should not abandon your sons.
— tr. M.N. Dutt (1891–96) (public domain)
MBh 2 106.18
अलावुमध्यान्निष्कृष्य बीजं यलेन गोप्यताम्। सोपस्वेदेषु पात्रेषु घृतपूर्णेषु भागशः॥
alāvumadhyānniṣkṛṣya bījaṃ yalena gopyatām| sopasvedeṣu pātreṣu ghṛtapūrṇeṣu bhāgaśaḥ||
Take out the seeds from the gourd and let inem be preserved with care in họt vessels partly filled with Ghee.
— tr. M.N. Dutt (1891–96) (public domain)
MBh 2 106.19
ततः पुत्रसहस्राणि षष्टिं प्राप्स्यसि पार्थिव। महादेवेन दिष्टं ते पुत्रजन्म नराधिप। अनेन क्रमयोगेन मा ते बुद्धिरतोऽन्यथा।॥
tataḥ putrasahasrāṇi ṣaṣṭiṃ prāpsyasi pārthiva| mahādevena diṣṭaṃ te putrajanma narādhipa| anena kramayogena mā te buddhirato'nyathā|||
O descendant of Bharata, you will then get sixty thousand sons in this manner. Let not your mind be diverted.
— tr. M.N. Dutt (1891–96) (public domain)