Mahabharata — Volume II (Dutt edition) — Chapter 10
MBh 2 10.1
धृतराष्ट्र उवाच एवमेतन्महाप्राज्ञ यथा वदसि नो मुने। अहं चैव विजानामि सर्वे चेमे नराधिपाः॥
dhṛtarāṣṭra uvāca evametanmahāprājña yathā vadasi no mune| ahaṃ caiva vijānāmi sarve ceme narādhipāḥ||
Dhritarashtra said: O greatly intelligent Rishi, it is exactly as you say. I know it well, as do all these kings.
— tr. M.N. Dutt (1891–96) (public domain)
MBh 2 10.2
भवांश्च मन्यते साधु यत् कुरूणां महोदयम्। तदेव विदुरोऽप्याह भीष्मो द्रोणश्च मां पुने॥
bhavāṃśca manyate sādhu yat kurūṇāṃ mahodayam| tadeva viduro'pyāha bhīṣmo droṇaśca māṃ pune||
O Rishi, what you consider beneficial for the Kurus was pointed out to me by Vidura, Bhishma and Drona.
— tr. M.N. Dutt (1891–96) (public domain)
MBh 2 10.3
यदि त्वहमनचाह्यः कौरव्येषु दया यदि। अन्वशाधि दुरात्मानं पुत्रं दुर्योधनं मम॥
yadi tvahamanacāhyaḥ kauravyeṣu dayā yadi| anvaśādhi durātmānaṃ putraṃ duryodhanaṃ mama||
If I deserve your grace and if you have kindness for the Kurus, then teach my wicked son Duryodhana (to be good).
— tr. M.N. Dutt (1891–96) (public domain)
MBh 2 10.4
व्यास उवाच अयमायाति वै राजन् मैत्रेयो भगवानृषिः। अन्विष्य पाण्डवान् भ्रातृनिहैत्यस्मद्दिदृक्षया॥
vyāsa uvāca ayamāyāti vai rājan maitreyo bhagavānṛṣiḥ| anviṣya pāṇḍavān bhrātṛnihaityasmaddidṛkṣayā||
Vyasa said: O king, after having seen the Pandava brothers, there comes the illustrious. Rishi Maitreya with the desire of seeing us.
— tr. M.N. Dutt (1891–96) (public domain)
MBh 2 10.5
एष दुर्योधनं पुत्रं तव राजन् महानृषिः। अनुशास्ता यथान्यायं शमायास्य कुलस्य च॥
eṣa duryodhanaṃ putraṃ tava rājan mahānṛṣiḥ| anuśāstā yathānyāyaṃ śamāyāsya kulasya ca||
O king, this great Rishi will admonish your son Duryodhana for the sake of the welfare of this race.
— tr. M.N. Dutt (1891–96) (public domain)
MBh 2 10.6
ब्रूयाद् यदेष कौरव्य तत् कार्यमविशङ्कया। अक्रियायां तु कार्यस्य पुत्रं ते शप्स्यते रुषा॥
brūyād yadeṣa kauravya tat kāryamaviśaṅkayā| akriyāyāṃ tu kāryasya putraṃ te śapsyate ruṣā||
O descendant of Kuru, what he will advise should be done without any hesitation, for if what he will recommend is not done, the Rishi will curse your son in anger.
— tr. M.N. Dutt (1891–96) (public domain)
MBh 2 10.7
वैशम्पायन उवाच एवमुक्त्वा ययौ व्यासो मैत्रेयः प्रत्यदृश्यता पूजया प्रतिजग्राह सपुत्रस्तं नराधिपः॥
vaiśampāyana uvāca evamuktvā yayau vyāso maitreyaḥ pratyadṛśyatā pūjayā pratijagrāha saputrastaṃ narādhipaḥ||
Vaishampayana said : Having said this, Vyasa went away and Maitreya came there. The king with his sons received with all respect.
— tr. M.N. Dutt (1891–96) (public domain)
MBh 2 10.8
अर्ध्याद्याभिः क्रियाभिर्वै विश्रान्तं मुनिसत्तमम्। प्रश्रयेणाब्रवीद् राजाधृतराष्ट्रोऽम्बिकासुतः॥
ardhyādyābhiḥ kriyābhirvai viśrāntaṃ munisattamam| praśrayeṇābravīd rājādhṛtarāṣṭro'mbikāsutaḥ||
That way-worn chief of the Rishis, by offering him Arghya and performing other rites. The son of Ambika, king Dhritarashtra, then asked him these questions.
— tr. M.N. Dutt (1891–96) (public domain)
MBh 2 10.9
सुखेनागमनं कच्चिद् भगवन् कुरुजाङ्गलान्। कच्चित् कुशलिनो वीरा भ्रातरः पञ्च पाण्डवाः॥
sukhenāgamanaṃ kaccid bhagavan kurujāṅgalān| kaccit kuśalino vīrā bhrātaraḥ pañca pāṇḍavāḥ||
Dhritarashtra said: O illustrious one, has your journey from the Kurujangal been a pleasant one? Are the heroes, the five Pandava brothers, living happily (there)?
— tr. M.N. Dutt (1891–96) (public domain)
MBh 2 10.10
समये स्थातुमिच्छन्ति कच्चिच्च भरतर्षभाः। कच्चित् कुरूणां सौभ्रात्रमव्युच्छिन्नं भविष्यति॥
samaye sthātumicchanti kaccicca bharatarṣabhāḥ| kaccit kurūṇāṃ saubhrātramavyucchinnaṃ bhaviṣyati||
Do those foremost (heroes) of the Kuru race intend to pass all the time (they have pledged?) Will the brotherly affection of the Kurus remain unimpaired?
— tr. M.N. Dutt (1891–96) (public domain)
MBh 2 10.11
मैत्रेय उवाच तीर्थयात्रामनुकामन् प्राप्तोऽस्मि कुरुजाङ्गलान्। यदृच्छयाधर्मराजं दृष्टवान् काम्यके वने॥
maitreya uvāca tīrthayātrāmanukāman prāpto'smi kurujāṅgalān| yadṛcchayādharmarājaṃ dṛṣṭavān kāmyake vane||
Maitreya said : Setting out on a pilgrimage, I arrived at the Kurujangala. I suddenly met there Dharmaraja (Yudhishthira) in the forest of Kamyaka.
— tr. M.N. Dutt (1891–96) (public domain)
MBh 2 10.12
तं जटाजिनसंवीतं तपोवननिवासिनम्। समाजग्मुर्महात्मानं द्रष्टुं मुनिगणाः प्रभो॥
taṃ jaṭājinasaṃvītaṃ tapovananivāsinam| samājagmurmahātmānaṃ draṣṭuṃ munigaṇāḥ prabho||
Attiring himself in deer skin and wearing matted locks, he is living in the forest in asceticism. O lord, many Rishis have assembled there to see him.
— tr. M.N. Dutt (1891–96) (public domain)
MBh 2 10.13
तत्राश्रौषं महाराज पुत्राणां तव विभ्रमम्। अनयं द्यूतरूपेण महाभयमुपस्थितम्॥
tatrāśrauṣaṃ mahārāja putrāṇāṃ tava vibhramam| anayaṃ dyūtarūpeṇa mahābhayamupasthitam||
O great king, it was there that I heard of the grave errors that your sons liave committed and also of the approaching) calamity and fearful danger that have arisen from gambling.
— tr. M.N. Dutt (1891–96) (public domain)
MBh 2 10.14
कौरवाणामवेक्षया। सदा ह्यभ्यधिकः स्नेहः प्रीतिश्च त्वयि मे प्रभो॥
kauravāṇāmavekṣayā| sadā hyabhyadhikaḥ snehaḥ prītiśca tvayi me prabho||
Therefore, I have come to you for the good of the Kurus. O lord, my affection for you is great and I am always pleased with you.
— tr. M.N. Dutt (1891–96) (public domain)
MBh 2 10.15
ततोऽहं त्वामनुप्राप्तः नैतदौपयिकं राजंस्त्वयि भीष्मे च जीवति। यदन्योन्येन ते पुत्रा विरुध्यन्ते कथंचन॥
tato'haṃ tvāmanuprāptaḥ naitadaupayikaṃ rājaṃstvayi bhīṣme ca jīvati| yadanyonyena te putrā virudhyante kathaṃcana||
O king, when yourself and Bhishma are (still) alive, it is not proper that your sons should quarrel amongst themselves.
— tr. M.N. Dutt (1891–96) (public domain)
MBh 2 10.16
मेढीभूतः स्वयं राजन् निग्रहे प्रग्रहे भवान्। किमर्थमनयं घोरमुत्पद्यन्तमुपेक्षसे॥
meḍhībhūtaḥ svayaṃ rājan nigrahe pragrahe bhavān| kimarthamanayaṃ ghoramutpadyantamupekṣase||
O king, you are (as it were) the stake at which bulls are tied. You are competent to punish and reward. Why do you then overlook this great evil that is about to overtake all?
— tr. M.N. Dutt (1891–96) (public domain)
MBh 2 10.17
दस्यूनामिव यद् वृत्तं सभायां कुरुनन्दन। तेन न भ्राजसे राजस्तापसानां समागमे॥
dasyūnāmiva yad vṛttaṃ sabhāyāṃ kurunandana| tena na bhrājase rājastāpasānāṃ samāgame||
O descendant of Kuru, O king, as these wrongs have been perpetrated in your Sabha, wrongs that are like the acts of thieves, you cannot shine in the assembly of ascetics.
— tr. M.N. Dutt (1891–96) (public domain)
MBh 2 10.18
वैशम्पायन उवाच ततो व्यावृत्य राजानं दुर्योधनममर्षणम्। उवाच श्लक्ष्णया वाचा मैत्रेयो भगवानृषिः॥
vaiśampāyana uvāca tato vyāvṛtya rājānaṃ duryodhanamamarṣaṇam| uvāca ślakṣṇayā vācā maitreyo bhagavānṛṣiḥ||
Vaishampayana said : Thereupon turning to the angry Duryodhana, the illustrious Rishi Maitreya spoke to him thus in soft words.
— tr. M.N. Dutt (1891–96) (public domain)
MBh 2 10.19
मैत्रेय उवाच दुर्योधन महाबाहो निबोध वदतां वर। वचनं मे महाभाग ब्रुवतो यद्धितं तव॥
maitreya uvāca duryodhana mahābāho nibodha vadatāṃ vara| vacanaṃ me mahābhāga bruvato yaddhitaṃ tava||
Maitreya said : O mighty-armed Duryodhana, O best of all eloquent me.l, O blessed one, listen to the words I utter for your good.
— tr. M.N. Dutt (1891–96) (public domain)
MBh 2 10.20
मा दुहः पाण्डवान् राजन् कुरुष्व प्रियमात्मनः। पाण्डवानां कुरूणां च लोकस्य च नरर्षभ॥
mā duhaḥ pāṇḍavān rājan kuruṣva priyamātmanaḥ| pāṇḍavānāṃ kurūṇāṃ ca lokasya ca nararṣabha||
O king, do not quarrel with the Pandavas. O best of men, thus accomplish the good of your own, of the Pandavas, of the Kurus and of all the world.
— tr. M.N. Dutt (1891–96) (public domain)
MBh 2 10.21
ते हि सर्वे नरव्याघ्राः शूरा विक्रान्तयोधिनः। सर्वे नागायुतप्राणा वज्रसंहनना दृढाः॥
te hi sarve naravyāghrāḥ śūrā vikrāntayodhinaḥ| sarve nāgāyutaprāṇā vajrasaṃhananā dṛḍhāḥ||
All these foremost of men (the Pandavas) are heroes of great prowess in war. They are endued with strength of ten thousand elephants; their bodies are as hard as the thunder.
— tr. M.N. Dutt (1891–96) (public domain)
MBh 2 10.22
सत्यव्रतधराः सर्वे सर्वे पुरुषमानिनः। हन्तारो देवशत्रूणां रक्षसां कामरूपिणाम्॥ हिडिम्बबकमुख्यानां किर्मीरस्य च रक्षसः।
satyavratadharāḥ sarve sarve puruṣamāninaḥ| hantāro devaśatrūṇāṃ rakṣasāṃ kāmarūpiṇām|| hiḍimbabakamukhyānāṃ kirmīrasya ca rakṣasaḥ|
They are all truthful and proud of their manliness. They have killed the enemies of the celestials, the Rakshasas, who are able to assume.any from at will. (The Rakshasas) such as were headed by Hidimba, Baka and Kirmira.
— tr. M.N. Dutt (1891–96) (public domain)
MBh 2 10.23
इतः प्रद्रवतां रात्रौ यः स तेषां महात्मनाम्॥ आवृत्य मार्ग रौद्रात्मा तस्थौ गिरिरिवाचलः। तं भीमः समरश्लाघी बलेन बलिनां वरः॥ जघान पशुमारेण व्याघ्रः क्षुद्रमृगं यथा। पश्य दिग्विजये राजन् यथा भीमेन पातितः॥ जरासंधो महेष्वासो नागायुतबलो युधि। सम्बन्धी वासुदेवश्च श्याला: सर्वे च पार्षताः॥
itaḥ pradravatāṃ rātrau yaḥ sa teṣāṃ mahātmanām|| āvṛtya mārga raudrātmā tasthau giririvācalaḥ| taṃ bhīmaḥ samaraślāghī balena balināṃ varaḥ|| jaghāna paśumāreṇa vyāghraḥ kṣudramṛgaṃ yathā| paśya digvijaye rājan yathā bhīmena pātitaḥ|| jarāsaṃdho maheṣvāso nāgāyutabalo yudhi| sambandhī vāsudevaśca śyālā: sarve ca pārṣatāḥ||
When departing from this place, he (Kirmira) of fearful soul obstructed in the night the path of those high-souled ones like an immovable hill, that foremost of all strong men, Bhima, ever delighting in fight. Killed him like a beast, as a tiger kills a small deer. O king, see how Bhima, when out for conquest, killed. The great bow-man Jarasandha who possessed the strength of ten thousand elephants. Related (as they are) with Vasudeva (Krishna) and having sons of Prishata (Draupada) as their brother-in-law.
— tr. M.N. Dutt (1891–96) (public domain)
MBh 2 10.24
कस्तान् युधि समासीत जरामरणवान् नरः। तस्य ते शम एवास्तु पाण्डवैर्भरतर्षभ॥ कुरु मे वचनं राजन् मा मन्युवशमन्वगाः।
kastān yudhi samāsīta jarāmaraṇavān naraḥ| tasya te śama evāstu pāṇḍavairbharatarṣabha|| kuru me vacanaṃ rājan mā manyuvaśamanvagāḥ|
Who is there such a hero who being subject to old age and death will cope with them? O best of the Bharata race, let there be peace between you and the Pandavas. Follow my advice; surrender not yourself to danger.
— tr. M.N. Dutt (1891–96) (public domain)
MBh 2 10.25
वैशम्पायन उवाच एवं तु ब्रुवतस्तस्य मैत्रेयस्य विशाम्पते॥ ऊरूं गजकराकारं करेणाभिजधान सः। दुर्योधनः स्मितं कृत्वा चरणेनोल्लिखन् महीम्॥
vaiśampāyana uvāca evaṃ tu bruvatastasya maitreyasya viśāmpate|| ūrūṃ gajakarākāraṃ kareṇābhijadhāna saḥ| duryodhanaḥ smitaṃ kṛtvā caraṇenollikhan mahīm||
Vaishampayana said : O king, having been thus addressed by Maitreya, Duryodhana slapped his thigh which resembled the trunk of an elephant and he then smilingly began to scratch the ground with his foot.
— tr. M.N. Dutt (1891–96) (public domain)
MBh 2 10.26
न किंचिदुक्त्वा दुर्मेधास्तस्थौ किंचिदवाङ्मुखः तमशुश्रूषमाणं तु विलिखन्तं वसुंधराम्॥ दृष्ट्वा दुर्योधनं राजन् मैत्रेयं कोप आविशत्। स कोपवशमापनो मैत्रेयो मुनिसत्तमः॥
na kiṃciduktvā durmedhāstasthau kiṃcidavāṅmukhaḥ tamaśuśrūṣamāṇaṃ tu vilikhantaṃ vasuṃdharām|| dṛṣṭvā duryodhanaṃ rājan maitreyaṃ kopa āviśat| sa kopavaśamāpano maitreyo munisattamaḥ||
That wicked wretch (Duryodhana) did not speak a word, but he hung down his head. O king, seeing Duryodhana thus offer an insult to him by silently scratching the earth (by his foot), Maitreya became angry. That best of Rishis, Maitreya, overwhelmed with anger.
— tr. M.N. Dutt (1891–96) (public domain)
MBh 2 10.27
विधिना सम्प्रणुदितः शापायास्य मनो दधे। ततः स वार्युपस्पृश्य कोपसंरक्तलोचनः। मैत्रेयोधार्तराष्ट्रं तमशपद् दुष्टचेतसम्॥ यस्मात् त्वं मामनादृत्य नेमां वाचं चिकीर्षसि। तस्मादस्याभिमानस्य सद्यः फलमवाप्नुहि॥
vidhinā sampraṇuditaḥ śāpāyāsya mano dadhe| tataḥ sa vāryupaspṛśya kopasaṃraktalocanaḥ| maitreyodhārtarāṣṭraṃ tamaśapad duṣṭacetasam|| yasmāt tvaṃ māmanādṛtya nemāṃ vācaṃ cikīrṣasi| tasmādasyābhimānasya sadyaḥ phalamavāpnuhi||
And, as if commissioned by fate set his mind to curse him. Thereupon touching water and with eyes red in anger. Maitreya cursed the evil-minded son of Dhritarashtra, saying, "Since slighting my words you decline to follow my advice, you shall soon reap the fruit of your this insolence.
— tr. M.N. Dutt (1891–96) (public domain)
MBh 2 10.28
त्वदभिद्रोहसंयुक्तं युद्धमुत्पत्स्यते महत्। तत्र भीमो गदाधातैस्तवोरुं भेत्स्यते बली॥
tvadabhidrohasaṃyuktaṃ yuddhamutpatsyate mahat| tatra bhīmo gadādhātaistavoruṃ bhetsyate balī||
In the great war which will spring out of the wrongs perpetrated by you (on the Pandavas) the mighty Bhima shall smash your that thigh with a blow of his club.
— tr. M.N. Dutt (1891–96) (public domain)
MBh 2 10.29
इत्येवमुक्ते वचनेधृतराष्ट्रो महीपतिः। प्रसादयामास मुनि नैतदेवं भवेदिति॥
ityevamukte vacanedhṛtarāṣṭro mahīpatiḥ| prasādayāmāsa muni naitadevaṃ bhavediti||
When the Rishi had thus spoken, the ruler of earth, Dhritarashtra, began to gratify the Rishi, so that what he had said may not happen.
— tr. M.N. Dutt (1891–96) (public domain)
MBh 2 10.30
मैत्रेय उवाच शमं यास्यति चेत् पुत्रस्तव राजन् यदा तदा। शापो न भविता तात विपरीते भविष्यति॥ मैत्रेयं प्राह
maitreya uvāca śamaṃ yāsyati cet putrastava rājan yadā tadā| śāpo na bhavitā tāta viparīte bhaviṣyati|| maitreyaṃ prāha
Maitreya said : O king, if your son make peace (with the Pandavas) then, O child, my curse will not take effect. Otherwise it would.
— tr. M.N. Dutt (1891–96) (public domain)
MBh 2 10.31
वैशम्पायन उवाच विलक्षयंस्तु राजेन्द्रो दुर्योधनपिता तदा। किर्मीरः कथं भीमेन पातितः॥
vaiśampāyana uvāca vilakṣayaṃstu rājendro duryodhanapitā tadā| kirmīraḥ kathaṃ bhīmena pātitaḥ||
Vaishampayana said : The king of kings, the father of Duryodhana (Dhritarashtra), thus averting the curse, asked Maitreya (to tell him) how Kirmira had been kiiled by Bhima.
— tr. M.N. Dutt (1891–96) (public domain)
MBh 2 10.32
मैत्रेय उवाच नाहं वक्ष्यामि ते भूयो न ते सुश्रूषते सुतः। एष ते विदुरः सर्वमाख्यास्यति गते मयि॥
maitreya uvāca nāhaṃ vakṣyāmi te bhūyo na te suśrūṣate sutaḥ| eṣa te viduraḥ sarvamākhyāsyati gate mayi||
Maitreya said: I shall not again speak to you as my words are not accepted by your son. When I shall go away. Vidura will tell you all.
— tr. M.N. Dutt (1891–96) (public domain)
MBh 2 10.33
वैशम्पायन उवाच इत्येवमुक्त्वा मैत्रेयः प्रातिष्ठत यथाऽऽगतम्। किर्मीरवधसंविग्नो बहिर्दुर्योधनो ययौ॥
vaiśampāyana uvāca ityevamuktvā maitreyaḥ prātiṣṭhata yathā''gatam| kirmīravadhasaṃvigno bahirduryodhano yayau||
Vaishampayana said : Having said this, Maitreya went away whence he came. Duryodhana (also) went away much agitated by the thought of the death of Kirmira.
— tr. M.N. Dutt (1891–96) (public domain)