Mahabharata — Volume I (Dutt edition) — Chapter 9
MBh 1 9.1
सौतिरुवाच तेषु तत्रोपविष्टेषु ब्राह्मणेषु महात्मसु। रुक्षुक्रोश गहनं वनं गत्वाऽतिदुःखितः॥
sautiruvāca teṣu tatropaviṣṭeṣu brāhmaṇeṣu mahātmasu| rukṣukrośa gahanaṃ vanaṃ gatvā'tiduḥkhitaḥ||
Sauti replied : While the noble Brahmanas were sitting round the dead body, Ruru, much aggrieved, retired into a deep forest and wept aloud.
— tr. M.N. Dutt (1891–96) (public domain)
MBh 1 9.2
शोकेनाभिहतः सोऽथ विलपन्करुणं बहु। अब्रवीद्वचनं शोचन्धियां स्मृत्वा प्रमद्वराम्॥
śokenābhihataḥ so'tha vilapankaruṇaṃ bahu| abravīdvacanaṃ śocandhiyāṃ smṛtvā pramadvarām||
Overwhelmed with grief, he indulged in much piteous lamentations. Remembering his beloved Pramadvara, he thus lamented in grief,
— tr. M.N. Dutt (1891–96) (public domain)
MBh 1 9.3
शेते सा भुवि तन्वङ्गी मम शोकविवर्धिनी। बान्धवानां च सर्वेषां किं नु दुःखमत:परम्॥
śete sā bhuvi tanvaṅgī mama śokavivardhinī| bāndhavānāṃ ca sarveṣāṃ kiṃ nu duḥkhamata:param||
“Alas! The slender-bodied beauty who increases my grief, is now lying on the bare ground. What can be more painful than this to all her friends!
— tr. M.N. Dutt (1891–96) (public domain)
MBh 1 9.4
यदि दत्तं तपस्तप्तं गुरवो वा मया यदि। सम्यगाराधितास्तेन संजीवतु मम प्रिया॥
yadi dattaṃ tapastaptaṃ guravo vā mayā yadi| samyagārādhitāstena saṃjīvatu mama priyā||
If ever I have bestowed charity, if ever I have observed penances, if ever I have showed respect to my superiors, let the merits of these acts restore to life my beloved one.
— tr. M.N. Dutt (1891–96) (public domain)
MBh 1 9.5
यथा च जन्मप्रभृति यतात्माऽहं धृतव्रतः। प्रमद्वरा तथा ह्येषा समुत्तिष्ठतु भामिनी॥
yathā ca janmaprabhṛti yatātmā'haṃ dhṛtavrataḥ| pramadvarā tathā hyeṣā samuttiṣṭhatu bhāminī||
If ever I have controlled my passions from my birth, if ever I have stuck to my vows, let the beautiful Pramadvara rise from the ground.”
— tr. M.N. Dutt (1891–96) (public domain)
MBh 1 9.6
एवं लालप्यतस्तस्य भार्यार्थे दुःखितस्य च। देवदूतस्तदाऽभ्येत्य वाक्यमाह रुरुं वने।॥
evaṃ lālapyatastasya bhāryārthe duḥkhitasya ca| devadūtastadā'bhyetya vākyamāha ruruṃ vane|||
While he was thus lamenting in sorrow for the loss of his bride a heaven's messenger came to him in the forest and addressed hiin thus:
— tr. M.N. Dutt (1891–96) (public domain)
MBh 1 9.7
देवदूत उवाच अभिधत्से ह यद्वाचा रुरो दुखेन तन्मृषा। यतो मर्त्यस्य धर्मात्मन्नायुरस्ति गतायुषः॥
devadūta uvāca abhidhatse ha yadvācā ruro dukhena tanmṛṣā| yato martyasya dharmātmannāyurasti gatāyuṣaḥ||
The Devaduta said: O Ruru, the words that you are uttering in grief can have no effect; for, O noble-minded (Rishi), one belonging to this world, whose days are run out, cannot come back to life again.
— tr. M.N. Dutt (1891–96) (public domain)
MBh 1 9.8
गतायुरेषा कृपणा गन्धर्वाप्सरसोः तस्माच्छोके मनस्तात मा कृथास्त्वं कथंचन॥
gatāyureṣā kṛpaṇā gandharvāpsarasoḥ tasmācchoke manastāta mā kṛthāstvaṃ kathaṃcana||
This poor child of the Gandharva and the Apsara has her days run out; therefore, O child, do not give yourself up to grief.
— tr. M.N. Dutt (1891–96) (public domain)
MBh 1 9.9
उपायश्चात्र विहितः पूर्वं देवैर्महात्मभिः। तं यदीच्छसि कर्तुं त्वं प्राप्स्यसीह प्रमद्वराम्॥
upāyaścātra vihitaḥ pūrvaṃ devairmahātmabhiḥ| taṃ yadīcchasi kartuṃ tvaṃ prāpsyasīha pramadvarām||
The great deities, however, have provided beforehand a means. If you comply with it, you may get back your Pramadvara.
— tr. M.N. Dutt (1891–96) (public domain)
MBh 1 9.10
रुरुरुवाच क उपायः कृतो देवै—हि तत्त्वेन खेचर। करिष्येऽहं तथा श्रुत्वा त्रातुमर्हति मां भवान्॥
rururuvāca ka upāyaḥ kṛto devai—hi tattvena khecara| kariṣye'haṃ tathā śrutvā trātumarhati māṃ bhavān||
Ruru said: O messenger of heaven, (tell me) what means have been provided beforehand by the deities. Tell me in full, so that I may comply with it. You should save me.
— tr. M.N. Dutt (1891–96) (public domain)
MBh 1 9.11
देवदूत उवाच आयुषोऽर्धं प्रयच्छत्वं कन्यायै भृगुनन्दन। सुता। एवमुत्थास्यति रुरो तव भार्या प्रमद्वरा॥
devadūta uvāca āyuṣo'rdhaṃ prayacchatvaṃ kanyāyai bhṛgunandana| sutā| evamutthāsyati ruro tava bhāryā pramadvarā||
The Devaduta said : O Descendant of Bhrigu, give up half of your own life to your bride and O Ruru, your Pramadvara will then rise from the ground.
— tr. M.N. Dutt (1891–96) (public domain)
MBh 1 9.12
रुरुरुवाच आयुषोऽर्धं प्रयच्छामि कन्यायै खेचरोत्तम। श्रृंगाररूपाभरणा समुत्तिष्ठतु मे प्रिया॥
rururuvāca āyuṣo'rdhaṃ prayacchāmi kanyāyai khecarottama| śrṛṃgārarūpābharaṇā samuttiṣṭhatu me priyā||
Ruru said: O best of heaven's messengers, 1 give up half of my life to my bride. Let my beloved one rise in the beautiful form decked with ornaments.
— tr. M.N. Dutt (1891–96) (public domain)
MBh 1 9.13
सौतिरुवाच ततो गन्धर्वराजश्च देवदूतश्च सत्तमौ। धर्मराजमुपेत्येदं वचनं प्रत्यभाषताम्॥
sautiruvāca tato gandharvarājaśca devadūtaśca sattamau| dharmarājamupetyedaṃ vacanaṃ pratyabhāṣatām||
Sauti said: The king of the Gandharvas and the greatly qualified messenger of heaven, both went to the Deity Dharma and addressed him thus :
— tr. M.N. Dutt (1891–96) (public domain)
MBh 1 9.14
धर्मराजायुषोर्धेन रुरोर्भार्या प्रमद्वरा। समुत्तिष्ठतु कल्याणी मृतैवं यदि मन्यसे॥
dharmarājāyuṣordhena rurorbhāryā pramadvarā| samuttiṣṭhatu kalyāṇī mṛtaivaṃ yadi manyase||
"O king Dharma, if it please you, let the beautiful bride of Ruru, Pramadvara, who is dead, rise up endued with a half of Ruru's life.”
— tr. M.N. Dutt (1891–96) (public domain)
MBh 1 9.15
धर्मराज उवाच प्रमद्वरां रुरोर्भार्यां देवदूत यदीच्छसि। उत्तिष्ठत्वायुषोऽर्धेन रुरोरेव समन्विता॥
dharmarāja uvāca pramadvarāṃ rurorbhāryāṃ devadūta yadīcchasi| uttiṣṭhatvāyuṣo'rdhena ruroreva samanvitā||
The Dharmaraja said : "O messenger of heaven, if it be your wish, let the bride of Ruru Pramadvara, rise up endued with a half of Ruru's life.
— tr. M.N. Dutt (1891–96) (public domain)
MBh 1 9.16
सौतिरुवाच एवमुक्ते ततः कन्या सोदतिष्ठत्प्रमद्वरा। रुरोस्तस्यायुषोऽर्धेन सुप्तेव वरवर्णिनी॥
sautiruvāca evamukte tataḥ kanyā sodatiṣṭhatpramadvarā| rurostasyāyuṣo'rdhena supteva varavarṇinī||
Sauti said : When Dharma thus spoke, the beautiful Pramadvara, the betrothed bride of Ruru, rose up as from a slumber, with a half of Ruru's life.
— tr. M.N. Dutt (1891–96) (public domain)
MBh 1 9.17
एतदृष्टं भविष्ये हि रुरोरुत्तमतेजसः। आयुषोऽतिप्रवृद्धस्य भार्यार्थेऽर्धमलुप्यत॥
etadṛṣṭaṃ bhaviṣye hi ruroruttamatejasaḥ| āyuṣo'tipravṛddhasya bhāryārthe'rdhamalupyata||
It was seen afterwards that the bestowal of a half of his own life to resuscitate his bride by Ruru of long life, led to a curtailment of his own life.
— tr. M.N. Dutt (1891–96) (public domain)
MBh 1 9.18
तत इष्टेऽहनि तयोः पितरौ चक्रतुर्मुदा। विवाहं तौ च रेमाते परस्परहितैषिणौ॥
tata iṣṭe'hani tayoḥ pitarau cakraturmudā| vivāhaṃ tau ca remāte parasparahitaiṣiṇau||
Thereupon their fathers gladly married them off with due rites and the couple passed their days devoted to each other.
— tr. M.N. Dutt (1891–96) (public domain)
MBh 1 9.19
स लब्ध्वा दुर्लभां भार्या पद्मकिञ्जल्कसुप्रभाम्। व्रतं चक्रे विनाशाय जिह्मगानां धृतव्रतः॥
sa labdhvā durlabhāṃ bhāryā padmakiñjalkasuprabhām| vrataṃ cakre vināśāya jihmagānāṃ dhṛtavrataḥ||
Thus having obtained a wife, difficult to be obtained, who was beautiful and bright as the filaments of the lotus, the Rishi of hard austerities (Ruru) made a vow to destroy the serpent race.
— tr. M.N. Dutt (1891–96) (public domain)
MBh 1 9.20
स दृष्ट्वा जिह्मगान्सर्वांस्तीव्रकोपसमन्वितः। अभिहन्ति यथा सत्त्वं गृह्य प्रहरणं सदा॥
sa dṛṣṭvā jihmagānsarvāṃstīvrakopasamanvitaḥ| abhihanti yathā sattvaṃ gṛhya praharaṇaṃ sadā||
Whenever he saw a snake, he was filled with great anger and he always killed it with a weapon.
— tr. M.N. Dutt (1891–96) (public domain)
MBh 1 9.21
स कदाचिद्वनं विप्रो रुरुरभ्यागमन्महत्। शयानं तत्र चापश्यत् डुण्डुभं वयसान्वितम्॥
sa kadācidvanaṃ vipro rururabhyāgamanmahat| śayānaṃ tatra cāpaśyat ḍuṇḍubhaṃ vayasānvitam||
One day, the Brahmana, Ruru entered into a very large forest. He saw an old Dundubha snake lying on the ground.
— tr. M.N. Dutt (1891–96) (public domain)
MBh 1 9.22
तत उद्यम्य दण्डं स कालदण्डोपमं तदा। जिघांसुः कुपितो विप्रस्तमुवाचाऽथ डुण्डुभः॥
tata udyamya daṇḍaṃ sa kāladaṇḍopamaṃ tadā| jighāṃsuḥ kupito viprastamuvācā'tha ḍuṇḍubhaḥ||
Thereupon with the intention of killing it, Ruru raised his staff in anger, A staff like the staff of Death. The Dundubha then said to the angry Brahmana.
— tr. M.N. Dutt (1891–96) (public domain)
MBh 1 9.23
नापराध्यामि ते किंचिदहमद्य तपोधन। संरंभाच्च किमर्थं मामभिहंसि रुषाऽन्वितः॥
nāparādhyāmi te kiṃcidahamadya tapodhana| saṃraṃbhācca kimarthaṃ māmabhihaṃsi ruṣā'nvitaḥ||
"O Rishi, I have done you no harm. Why should you kill me in anger?"
— tr. M.N. Dutt (1891–96) (public domain)