Mahabharata — Volume I (Dutt edition) — Chapter 87
MBh 1 87.1
वैशम्पायन उवाच स्वर्गतः स तु राजेन्द्रो निवसन् देववेश्मनि। पूजितस्त्रिदशैः साध्यैर्मरुद्भिर्वसुभिस्तथा॥
vaiśampāyana uvāca svargataḥ sa tu rājendro nivasan devaveśmani| pūjitastridaśaiḥ sādhyairmarudbhirvasubhistathā||
Vaishampayana said : When that great king was living in heaven, he was adored by the celestials, the Sadhyas, the Marutas and the Vasus.
— tr. M.N. Dutt (1891–96) (public domain)
MBh 1 87.2
देवलोकं ब्रह्मलोकं संचरन् पुण्यकृद् वशी। अवसत् पृथिवीपालो दीर्घकालमिति श्रुतिः॥
devalokaṃ brahmalokaṃ saṃcaran puṇyakṛd vaśī| avasat pṛthivīpālo dīrghakālamiti śrutiḥ||
That doer of pious acts (Yayati) often went from the region of the celestials to the region of Brahma. It is heard that he lived in heaven for a long time.
— tr. M.N. Dutt (1891–96) (public domain)
MBh 1 87.3
स कदाचिनृपश्रेष्ठो ययातिः शक्रमागमत्। कथान्ते तत्र शक्रेण स पृष्टः पृथिवीपतिः।३॥
sa kadācinṛpaśreṣṭho yayātiḥ śakramāgamat| kathānte tatra śakreṇa sa pṛṣṭaḥ pṛthivīpatiḥ|3||
One day the best of kings, Yayati, went to Indra and in the course of conversation the lord of earth was asked by Indra.
— tr. M.N. Dutt (1891–96) (public domain)
MBh 1 87.4
शक्र उवाच यदा स पूरुस्तव रूपेण राजन् जरां गृहीत्वा प्रचचार भूमौ। तदा च राज्यं सम्प्रदायैव तस्मै त्वया किमुक्तः कथयेह सत्यम्॥
śakra uvāca yadā sa pūrustava rūpeṇa rājan jarāṃ gṛhītvā pracacāra bhūmau| tadā ca rājyaṃ sampradāyaiva tasmai tvayā kimuktaḥ kathayeha satyam||
Indra said: O king, what did you say when Puru took your old age on earth and when you gave him his kingdom?
— tr. M.N. Dutt (1891–96) (public domain)
MBh 1 87.5
ययातिरुवाच गङ्गायमुनयोर्मध्ये कृत्स्नोऽयं विषयस्तव। मध्य पृथिव्यास्त्वं राजा भ्रातरोऽन्त्याधिपास्तव॥
yayātiruvāca gaṅgāyamunayormadhye kṛtsno'yaṃ viṣayastava| madhya pṛthivyāstvaṃ rājā bhrātaro'ntyādhipāstava||
Yayati said : I told him the whole country between the rivers Ganges and the Yamuna which is in fact the central region of the earth, is yours. Your brothers will have the outlying regions.
— tr. M.N. Dutt (1891–96) (public domain)
MBh 1 87.6
स्तथा तितिक्षुरतितिक्षोर्विशिष्टः। अमानुषेभ्यो मानुषाश्च प्रधाना विद्वांस्तथैवाविदुषः प्रधानः॥
stathā titikṣuratitikṣorviśiṣṭaḥ| amānuṣebhyo mānuṣāśca pradhānā vidvāṃstathaivāviduṣaḥ pradhānaḥ||
I told him, the men having no anger are superior to men with anger; men having forgiveness are superior to men having no forgiveness. Man is superior to animals and the learned to the ignorant.
— tr. M.N. Dutt (1891–96) (public domain)
MBh 1 87.7
आक्रुश्यमानो नाक्रोशेन्मन्युरेव तितिक्षतः। आक्रोष्टारं निर्दहति सुकृतं चास्य विन्दति॥
ākruśyamāno nākrośenmanyureva titikṣataḥ| ākroṣṭāraṃ nirdahati sukṛtaṃ cāsya vindati||
If wronged, you should not wrong in return. One's anger, if not subdued, burns one's own self. If subdued, it procures the virtues of the doers of good acts.
— tr. M.N. Dutt (1891–96) (public domain)
MBh 1 87.8
नारुन्तुदः स्यान्न नृशंसवादी न हीनतः परमभ्याददीत्। ययास्य वाचा पर उद्विजेत न तां वदेदुषती पापलोक्याम्॥
nāruntudaḥ syānna nṛśaṃsavādī na hīnataḥ paramabhyādadīt| yayāsya vācā para udvijeta na tāṃ vadeduṣatī pāpalokyām||
You should never give pain to others by cruel words. Never defeat your enemies by despicable means. Never utter such sinful and burning words as may give pain to others.
— tr. M.N. Dutt (1891–96) (public domain)
MBh 1 87.9
अरुन्तुदं परुषं तीक्ष्णवाचं वाक्कण्टकैर्वितुदन्तं मनुष्यान्। विद्यादलक्ष्मीकतमं जनानां मुखे निबद्धां निर्ऋतिं वहन्तम्॥
aruntudaṃ paruṣaṃ tīkṣṇavācaṃ vākkaṇṭakairvitudantaṃ manuṣyān| vidyādalakṣmīkatamaṃ janānāṃ mukhe nibaddhāṃ nirṛtiṃ vahantam||
He who pricks another by the thorns of cruel words holds in his mouth a persecuting Rakshasa. Lakshmi (prosperity) leaves the man who casts his eyes on even such a man.
— tr. M.N. Dutt (1891–96) (public domain)
MBh 1 87.10
सद्भिः पुरस्तादभिपूजित: स्यात् सद्भिस्तथा पृष्ठतो रक्षितः स्यात्। सदासतामतिवादांस्तितिक्षेत् सतां वृत्तं चाददीतार्यवृत्तः॥
sadbhiḥ purastādabhipūjita: syāt sadbhistathā pṛṣṭhato rakṣitaḥ syāt| sadāsatāmativādāṃstitikṣet satāṃ vṛttaṃ cādadītāryavṛttaḥ||
You should always keep the virtuous man before you as your model. You should always compare your acts with those of the virtuous. You should always disregard the cruel words of the wicked.
— tr. M.N. Dutt (1891–96) (public domain)
MBh 1 87.11
वाक्सायका वदनान्निष्पतन्ति यैराहतः शोचति रात्र्यहानि। परस्य नामर्मसु ते पतन्ति तान् पण्डितो नावसृजेत् परेषु॥
vāksāyakā vadanānniṣpatanti yairāhataḥ śocati rātryahāni| parasya nāmarmasu te patanti tān paṇḍito nāvasṛjet pareṣu||
He who keeps the arrows of cruel words in his lips weeps day and night. The cruel words strike at the inmost part of the body. The wise men never fling such arrows (of cruel words) at others.
— tr. M.N. Dutt (1891–96) (public domain)
MBh 1 87.12
न हीदृशं संवननं त्रिषु लोकेषु विद्यते। दया मैत्री च भूतेषु दानं च मधुरा च वाक्॥
na hīdṛśaṃ saṃvananaṃ triṣu lokeṣu vidyate| dayā maitrī ca bhūteṣu dānaṃ ca madhurā ca vāk||
There is nothing in the three worlds with which you can worship the deities as kindness, friendship, charity and sweet words.
— tr. M.N. Dutt (1891–96) (public domain)
MBh 1 87.13
तस्मात् सान्त्वं सदा वाच्यं न वाच्यं परुषं क्वचित्। पूज्यान् सम्पूजयेद् दद्यान्न च याचेत् कदाचन॥
tasmāt sāntvaṃ sadā vācyaṃ na vācyaṃ paruṣaṃ kvacit| pūjyān sampūjayed dadyānna ca yācet kadācana||
Therefore, you should always utter sweet words that give pleasure and not pain. You should always give and never beg. You should show respects to those that deserve your respect.
— tr. M.N. Dutt (1891–96) (public domain)