Mahabharata — Volume I (Dutt edition) — Chapter 85
MBh 1 85.1
वैशम्पायन उवाच पौरवेणाथ वयसा ययातिनहुषात्मजः। प्रीतियुक्तो नृपश्रेष्ठश्चचार विषयान् प्रियान्॥
vaiśampāyana uvāca pauraveṇātha vayasā yayātinahuṣātmajaḥ| prītiyukto nṛpaśreṣṭhaścacāra viṣayān priyān||
Vaishampayana said : Having thus received the youth of Puru, Yayati the son of Nahusha, that best of kings, was exceedingly delighted. He again indulged in the pleasures of life.
— tr. M.N. Dutt (1891–96) (public domain)
MBh 1 85.2
यथाकामं यथोत्साहं यथाकालं यथासुखम्। धर्माविरुद्धं राजेन्द्र यथार्हति स एव हि॥
yathākāmaṃ yathotsāhaṃ yathākālaṃ yathāsukham| dharmāviruddhaṃ rājendra yathārhati sa eva hi||
He enjoyed himself to the full extent of his desires and to the full limit of his powers, as much as he desired and as the seasons called forth. But, O king, he did nothing against the precepts of religion.
— tr. M.N. Dutt (1891–96) (public domain)
MBh 1 85.3
देवानतर्पयद् यज्ञैः श्राद्धस्तद्वत् पितृनपि। दीनाननुग्रहैरिष्टैः कामैश्च द्विजसत्तमान्॥
devānatarpayad yajñaiḥ śrāddhastadvat pitṛnapi| dīnānanugrahairiṣṭaiḥ kāmaiśca dvijasattamān||
He pleased the celestials, by performing sacrifices, the Pitris by Shraddhas, the poor by charities and the good Brahmana by fulfilling their desires.
— tr. M.N. Dutt (1891–96) (public domain)
MBh 1 85.4
अतिथीनन्नपानैश्च विशश्च परिपालनैः। आनृशंस्येन शूद्रांश्च दस्यून संनिग्रहेण च॥ धर्मेण च प्रजाः सर्वा यथावदनुरञ्जयन्। ययातिः पालयामास साक्षादिन्द्र इवापरः॥
atithīnannapānaiśca viśaśca paripālanaiḥ| ānṛśaṃsyena śūdrāṃśca dasyūna saṃnigraheṇa ca|| dharmeṇa ca prajāḥ sarvā yathāvadanurañjayan| yayātiḥ pālayāmāsa sākṣādindra ivāparaḥ||
The guests by food and drink, the Vaishyas by protection, the Shudras by kindness and the robbers by proper punishments, Yayati pleased all classes of his subjects by ruling over them virtuously like Indra.
— tr. M.N. Dutt (1891–96) (public domain)
MBh 1 85.5
स राजा सिंहविक्रान्तो युवा विषयगोचरः। अविरोधेन धर्मस्य चचार सुखमुत्तमम्॥
sa rājā siṃhavikrānto yuvā viṣayagocaraḥ| avirodhena dharmasya cacāra sukhamuttamam||
That king was as powerful as the lion. He was young and enjoyed all the pleasures of life. He enjoyed unlimited happiness without violating the precepts of religion.
— tr. M.N. Dutt (1891–96) (public domain)
MBh 1 85.6
स सम्प्राप्य शुभान् कामांस्तृप्तः खित्रश्च पार्थिवः। कालं वर्षसहस्रान्तं सस्मार मनुजाधिपः॥ परिसंख्याय कालज्ञः कला: काष्ठाश्च वीर्यवान्। यौवनं प्राप्य राजर्षिः सहस्रपरिवत्सरान्॥ विश्वाच्या सहितो रेमे व्यभ्राजन्नन्दने वने। अलकायां स कालं तु मेरुशृङ्गे तथोत्तरे॥ यदा स पश्यते कालं धर्मात्मा तं महीपतिः। पूर्णं मत्वा ततः कालं पूरूं पुत्रमुवाच ह॥
sa samprāpya śubhān kāmāṃstṛptaḥ khitraśca pārthivaḥ| kālaṃ varṣasahasrāntaṃ sasmāra manujādhipaḥ|| parisaṃkhyāya kālajñaḥ kalā: kāṣṭhāśca vīryavān| yauvanaṃ prāpya rājarṣiḥ sahasraparivatsarān|| viśvācyā sahito reme vyabhrājannandane vane| alakāyāṃ sa kālaṃ tu meruśṛṅge tathottare|| yadā sa paśyate kālaṃ dharmātmā taṃ mahīpatiḥ| pūrṇaṃ matvā tataḥ kālaṃ pūrūṃ putramuvāca ha||
The king (Yayati) became exceedingly happy in thus being able to enjoy all the best objects of enjoyments. That king of men was only sorry (in remembering) that one thousand years would soon come to an end. That royal sage, learned in the mystery of time and possessed of great prowess, having obtained youth for one thousand years and watching proper Kalas and Kashthas. Sported with Vishvachi (Apsara), some time in the garden (of Indra) Nandana, sometimes in Aloka and sometimes on the summit of the Meru Mountain. That virtuous king then found that the fixed time (one thousand) years had come to an end. He then called Puru and addressed him thus.
— tr. M.N. Dutt (1891–96) (public domain)
MBh 1 85.7
यथाकामं यथोत्साहं यथाकालमरिंदम। सेविता विषयाः पुत्र यौवनेन मया तव॥
yathākāmaṃ yathotsāhaṃ yathākālamariṃdama| sevitā viṣayāḥ putra yauvanena mayā tava||
O son, O chastiser of foes, I have enjoyed with your youth to the full extent of my desires and to the full limit of my powers and all according to their seasons.
— tr. M.N. Dutt (1891–96) (public domain)
MBh 1 85.8
न जातु कामः कामानामुपभोगेन शाम्यति। हविषा कृष्णवर्देव भूय एवाभिवर्धते॥
na jātu kāmaḥ kāmānāmupabhogena śāmyati| haviṣā kṛṣṇavardeva bhūya evābhivardhate||
But desires never die. They are never satiated by indulgence. By indulgence they flame up like the sacrificial fire with ghee poured into it.
— tr. M.N. Dutt (1891–96) (public domain)
MBh 1 85.9
यत् पृथिव्यां व्रीहियवं हिरण्यं पशवः स्त्रियः। एकस्यापि न पर्याप्तं तस्मात् तृष्णां परित्यजेत्॥
yat pṛthivyāṃ vrīhiyavaṃ hiraṇyaṃ paśavaḥ striyaḥ| ekasyāpi na paryāptaṃ tasmāt tṛṣṇāṃ parityajet||
If one becomes the sole lord of all the earth with its paddy, oats, gems, beasts and women, still it will not be considered by him enough. Therefore, the thirst for enjoyment, should be abandoned.
— tr. M.N. Dutt (1891–96) (public domain)
MBh 1 85.10
या दुस्त्यजा दुर्मतिभिर्या न जीर्यति जीर्यतः। योऽसौ प्राणान्तिको रोगस्तां तृष्णां त्यजतः सुखम्।१४
yā dustyajā durmatibhiryā na jīryati jīryataḥ| yo'sau prāṇāntiko rogastāṃ tṛṣṇāṃ tyajataḥ sukham|14
The thirst (of enjoyments), which is difficult to be cast off by the wicked, which does not fail even with falling life, is truly a fatal disease in man. To get rid of this thirst is real happiness.
— tr. M.N. Dutt (1891–96) (public domain)
MBh 1 85.11
पूर्ण वर्षसहस्रं मे विषयासक्तचेतसः। तथाप्यनुदिनं तृष्णा ममैतेष्वभिजायते॥
pūrṇa varṣasahasraṃ me viṣayāsaktacetasaḥ| tathāpyanudinaṃ tṛṣṇā mamaiteṣvabhijāyate||
My mind was attached to the pleasures of life for full one thousand years. My thirst for them, however, without being abated, is daily being increased.
— tr. M.N. Dutt (1891–96) (public domain)
MBh 1 85.12
तस्मादेनामहं त्यक्त्वा ब्रह्मण्याधाय मानसम्। निर्द्वन्द्वो निर्ममो भूत्वा चरिष्यामि मृगैः सह॥
tasmādenāmahaṃ tyaktvā brahmaṇyādhāya mānasam| nirdvandvo nirmamo bhūtvā cariṣyāmi mṛgaiḥ saha||
Therefore, I shall get rid of it. I shall fix my mind on Brahma and becoming peaceful and having no attachment, I shall pass the rest of my days in the forest with the innocent deer.
— tr. M.N. Dutt (1891–96) (public domain)
MBh 1 85.13
पूरो प्रीतिऽस्मि भद्रं ते गृहाणेदं स्वयौवनम्। राज्यं चेदं गृहाण त्वं त्वं हि मे प्रियकृत् सुतः॥
pūro prīti'smi bhadraṃ te gṛhāṇedaṃ svayauvanam| rājyaṃ cedaṃ gṛhāṇa tvaṃ tvaṃ hi me priyakṛt sutaḥ||
O Puru, I am exceedingly pleased with you. Take (back) your own youth. Prosperity be to you. Receive my kingdom. You are my son who has done my favourite work.
— tr. M.N. Dutt (1891–96) (public domain)
MBh 1 85.14
वैशम्पायन उवाच प्रतिपेदे जरां राजा ययाति हुषस्तदा। यौवनं प्रतिपेदे च पूरुः स्वं पुनरात्मनः॥
vaiśampāyana uvāca pratipede jarāṃ rājā yayāti huṣastadā| yauvanaṃ pratipede ca pūruḥ svaṃ punarātmanaḥ||
Vaishampayana said : Yayati, the son of Nahusha, then received back his own old age and his son Puru also received back his youth.
— tr. M.N. Dutt (1891–96) (public domain)
MBh 1 85.15
अभिषेक्तुकामं नृपति पूरुं पुत्रं कनीयसम्। ब्राह्मणप्रमुखा वर्णा इदं वचनमब्रुवन्॥
abhiṣektukāmaṃ nṛpati pūruṃ putraṃ kanīyasam| brāhmaṇapramukhā varṇā idaṃ vacanamabruvan||
Yayati became desirous of installing his youngest son Puru on the throne. But the four orders of his subject with Brahmanas at their
— tr. M.N. Dutt (1891–96) (public domain)
MBh 1 85.16
कथं शुक्रस्य नप्तारं देवयान्याः सुतं प्रभो। ज्येष्ठं यदुर तिक्रम्य राज्यं पूरोः प्रयच्छसि॥
kathaṃ śukrasya naptāraṃ devayānyāḥ sutaṃ prabho| jyeṣṭhaṃ yadura tikramya rājyaṃ pūroḥ prayacchasi||
“O lord, how can you install Puru on the throne, passing over your eldest son Yadu, born of Devayani and grandson of Shukra?
— tr. M.N. Dutt (1891–96) (public domain)
MBh 1 85.17
यदुर्येष्ठस्तव सुतो जातस्तमनु तुर्वसुः। शर्मिष्ठायाः सुतो दुह्युस्ततोऽनुः पूरुरेव च।॥
yaduryeṣṭhastava suto jātastamanu turvasuḥ| śarmiṣṭhāyāḥ suto duhyustato'nuḥ pūrureva ca|||
Yadu is your eldest son, after him was Turvasu. Then Sharmishtha's son Druhyu, Anu and last Puru.
— tr. M.N. Dutt (1891–96) (public domain)
MBh 1 85.18
कथं ज्येष्ठानतिक्रम्य कनीयान् राज्यमर्हति। एतत् सम्बोधयामस्त्वां धर्मं त्वं प्रतिपालय॥
kathaṃ jyeṣṭhānatikramya kanīyān rājyamarhati| etat sambodhayāmastvāṃ dharmaṃ tvaṃ pratipālaya||
How it would be proper to pass over all the elders and install 1 the youngest? We represent this to you, act according to the precepts of religion.
— tr. M.N. Dutt (1891–96) (public domain)
MBh 1 85.19
ययातिरुवाच ब्राह्मणप्रमुखा वर्णाः सर्वे शृण्वन्तु मे वचः। ज्येष्ठं प्रति यथा राज्यं न देयं मे कथंचन॥
yayātiruvāca brāhmaṇapramukhā varṇāḥ sarve śṛṇvantu me vacaḥ| jyeṣṭhaṃ prati yathā rājyaṃ na deyaṃ me kathaṃcana||
Yayati said : Hear all of you of the four orders of the caste with the Brahmanas at their head, why my kingdom should not be given to my eldest son.
— tr. M.N. Dutt (1891–96) (public domain)
MBh 1 85.20
मम ज्येष्ठेन यदुना नियोगो नानुपालितः। प्रतिकूलः पितुर्यश्च न स पुत्रः सतां मतः॥
mama jyeṣṭhena yadunā niyogo nānupālitaḥ| pratikūlaḥ pituryaśca na sa putraḥ satāṃ mataḥ||
My commands were disobeyed by my eldest son. The opinion of the wise men is that the son disobeys his father is no son at all.
— tr. M.N. Dutt (1891–96) (public domain)
MBh 1 85.21
मातापित्रोर्वचनकृद्धितः पथ्यश्च यः सुतः। स पुत्रः पुत्रवद् यश्च वर्तते पितृमातृषु॥
mātāpitrorvacanakṛddhitaḥ pathyaśca yaḥ sutaḥ| sa putraḥ putravad yaśca vartate pitṛmātṛṣu||
The son who obeys the commands of his father and mother, who is humble and a wellwisher of his parents and who loves them, is the best of sons.
— tr. M.N. Dutt (1891–96) (public domain)
MBh 1 85.22
यदुनाहमवज्ञातस्तथा तुर्वसुनापि च। द्रुाना चानुना चैव मय्यवज्ञा कृता भृशम्॥
yadunāhamavajñātastathā turvasunāpi ca| druānā cānunā caiva mayyavajñā kṛtā bhṛśam||
I have been slighted by Yadu and Turvasu; much have I been slighted by Druhyu and Anu.
— tr. M.N. Dutt (1891–96) (public domain)
MBh 1 85.23
पूरुणा तु कृतं वाक्यं मानितं च विशेषतः। कनीयान् मम दायादो धृता येन जरा मम॥
pūruṇā tu kṛtaṃ vākyaṃ mānitaṃ ca viśeṣataḥ| kanīyān mama dāyādo dhṛtā yena jarā mama||
Only Puru obeyed my commands and much have I been honoured and respected by him. He accepted my old age and therefore, though he is the youngest, yet he should be made king.
— tr. M.N. Dutt (1891–96) (public domain)
MBh 1 85.24
मम कामः स च कृतः पूरुणा मित्ररूपिणा। शुक्रेण च वरो दत्तः काव्येनोशनसा स्वयम्॥ पुत्रो यस्त्वानुवर्तेत स राजा पृथिवीपतिः। भवतोऽनुनयाम्येवं पूरू राज्येऽभिषिच्यताम्॥
mama kāmaḥ sa ca kṛtaḥ pūruṇā mitrarūpiṇā| śukreṇa ca varo dattaḥ kāvyenośanasā svayam|| putro yastvānuvarteta sa rājā pṛthivīpatiḥ| bhavato'nunayāmyevaṃ pūrū rājye'bhiṣicyatām||
Puru is a great friend of mine and he did what was agreeable to me. And the son of Kavi, Ushanas, Shukra himself, granted me this boon. The son who would obey me would become the king and the lord of the earth. Therefore, I entreat you, let Puru be installed on the throne.
— tr. M.N. Dutt (1891–96) (public domain)
MBh 1 85.25
प्रकृतय ऊचुः यः पुत्रो गुमसम्पन्नो मातापित्रोर्हितः सदा। सर्वमर्हति कल्याणं कनीयानपि सत्तमः॥
prakṛtaya ūcuḥ yaḥ putro gumasampanno mātāpitrorhitaḥ sadā| sarvamarhati kalyāṇaṃ kanīyānapi sattamaḥ||
The people said : O king, it is true that, the son who is accomplished and who seeks the good of his parents, deserves all prosperity, though he is the youngest.
— tr. M.N. Dutt (1891–96) (public domain)
MBh 1 85.26
अर्हः पूरुरिदं राज्यं यः सुतः प्रियकृत् तव। वरदानेन शुक्रस्य न शक्यं वक्तुमुत्तरम्॥
arhaḥ pūruridaṃ rājyaṃ yaḥ sutaḥ priyakṛt tava| varadānena śukrasya na śakyaṃ vaktumuttaram||
Therefore, Puru, who has done good to you, deserve, to have the kingdom. As Shukra has granted this boon, we have no power to say anything.
— tr. M.N. Dutt (1891–96) (public domain)
MBh 1 85.27
वैशम्पायन उवाच पौरजानपदैस्तुष्टैरित्युक्तो नाहुषस्तदा। अभ्यषिञ्चत् तत: पूरुं राज्ये स्वे सुतमात्मनः॥
vaiśampāyana uvāca paurajānapadaistuṣṭairityukto nāhuṣastadā| abhyaṣiñcat tata: pūruṃ rājye sve sutamātmanaḥ||
Vaishampayana said: Having been thus addressed the contented people the son of Nahusha (Yayati) installed his son Puru on the throne.
— tr. M.N. Dutt (1891–96) (public domain)
MBh 1 85.28
दत्त्वा च पूरवे राज्यं वनवासाय दीक्षितः। पुरात् स निर्ययौ राजा ब्राह्मणैस्तापसैः सह॥
dattvā ca pūrave rājyaṃ vanavāsāya dīkṣitaḥ| purāt sa niryayau rājā brāhmaṇaistāpasaiḥ saha||
Bestowing the kingdom on Puru he resolved to live in the forest and he left his capital with Brahmanas and ascetics.
— tr. M.N. Dutt (1891–96) (public domain)
MBh 1 85.29
यदोस्तु यादवा जातास्तुर्वसोर्यवनाः स्मृताः। दुह्योः सुतास्तु वै भोजा अनोस्तु म्लेच्छजातयः॥
yadostu yādavā jātāsturvasoryavanāḥ smṛtāḥ| duhyoḥ sutāstu vai bhojā anostu mlecchajātayaḥ||
The son of Yadu are known as the Yadavas, those of Turvasu as the Yavanas, those of Druhyu as the Bhojas and those of Anu as the Mlecchas,
— tr. M.N. Dutt (1891–96) (public domain)
MBh 1 85.30
पूरोस्तु पौरवो वंशो यत्र जातोऽसि पार्थिव। इदं वर्षसहस्राणि राज्यं कारयितुं वशी॥
pūrostu pauravo vaṃśo yatra jāto'si pārthiva| idaṃ varṣasahasrāṇi rājyaṃ kārayituṃ vaśī||
Those of Puru as the Pauravas, in which dynasty, O king, you are born to rule the country for one thousand years.
— tr. M.N. Dutt (1891–96) (public domain)
MBh 1 85.31
पूरोस्तु पौरवो वंशो यत्र जातोऽसि पार्थिव। इदं वर्षसहस्राणि राज्यं कारयितुं वशी॥
pūrostu pauravo vaṃśo yatra jāto'si pārthiva| idaṃ varṣasahasrāṇi rājyaṃ kārayituṃ vaśī||
Those of Puru as the Pauravas, in which dynasty, O king, you are born to rule the country for one thousand years.
— tr. M.N. Dutt (1891–96) (public domain)