Mahabharata — Volume I (Dutt edition) — Chapter 81
MBh 1 81.1
वैशम्पायन उवाच अथ दीर्घस्य कालस्य देवयानी नृपोत्तम। वनं तदेव निर्याता क्रीडाथ वरवर्णिनी।॥
vaiśampāyana uvāca atha dīrghasya kālasya devayānī nṛpottama| vanaṃ tadeva niryātā krīḍātha varavarṇinī|||
Vaishampayana said : O best of kings, after a long time the beautiful Devayani went to the same wood to sport.
— tr. M.N. Dutt (1891–96) (public domain)
MBh 1 81.2
तेन दासीसहस्रेण सार्धं शर्मिष्ठया तदा। तमेव देशं सम्प्राप्ता यथाकामं चचार सा॥ ताभिः सखीभिः सहिता सर्वाभिर्मुदिता भृशम्। क्रीडन्त्योऽभिरताः सर्वाः पिबन्त्यो मधुमाधवीम्॥ खादन्त्यो विविधान् भक्ष्यान् विदशन्त्यः फलानि च। पुनश्च नाहुषो राजा मृगलिप्सुर्यदृच्छया॥ तमेव देशं सम्प्राप्तो जलार्थी श्रमकर्शितः। ददृशे देवयानी स शर्मिष्ठां ताश्च योषितः॥
tena dāsīsahasreṇa sārdhaṃ śarmiṣṭhayā tadā| tameva deśaṃ samprāptā yathākāmaṃ cacāra sā|| tābhiḥ sakhībhiḥ sahitā sarvābhirmuditā bhṛśam| krīḍantyo'bhiratāḥ sarvāḥ pibantyo madhumādhavīm|| khādantyo vividhān bhakṣyān vidaśantyaḥ phalāni ca| punaśca nāhuṣo rājā mṛgalipsuryadṛcchayā|| tameva deśaṃ samprāpto jalārthī śramakarśitaḥ| dadṛśe devayānī sa śarmiṣṭhāṃ tāśca yoṣitaḥ||
She reached the spot with Sharmishtha and her one thousand maids. She wandered about at pleasure. She felt herself very happy, being waited upon by these companions. They all sported there, they drank the honey of the flowers. They ate various fruits, (they threw away many) after biting. The king (Yayati), the son of Nahusha, in the course of his wanderings for hunting again came there, tired and thirsty. He saw Devayani and Sharmishtha and all those maidens.
— tr. M.N. Dutt (1891–96) (public domain)
MBh 1 81.3
पिबन्तीर्ललमानाश्च दिव्याभरणभूषिताः। उपविष्टां च ददृशे देवयानी शुचिस्मिताम्॥
pibantīrlalamānāśca divyābharaṇabhūṣitāḥ| upaviṣṭāṃ ca dadṛśe devayānī śucismitām||
They were all decked with beautiful omaments and they were full of voluptuous languor on account of the honey they drank. Devayani of sweet smiles, was reclining at her same case.
— tr. M.N. Dutt (1891–96) (public domain)
MBh 1 81.4
रूपेणाप्रतिमां तासां स्त्रीणां मध्ये वराङ्गनाम्। शर्मिष्ठया सेव्यमानां पादसंवाहनादिभिः॥
rūpeṇāpratimāṃ tāsāṃ strīṇāṃ madhye varāṅganām| śarmiṣṭhayā sevyamānāṃ pādasaṃvāhanādibhiḥ||
She was matchless in beauty and the most handsome of all the damsels. She was waited upon by Sharmishtha who was gently pressing her feet.
— tr. M.N. Dutt (1891–96) (public domain)
MBh 1 81.5
ययातिरुवाच द्वाभ्यां कन्यासहस्राभ्यां द्वे कन्ये परिवारिते। गोत्रे च नामनी चैव द्वयोः पृच्छाम्यहं शुभे॥
yayātiruvāca dvābhyāṃ kanyāsahasrābhyāṃ dve kanye parivārite| gotre ca nāmanī caiva dvayoḥ pṛcchāmyahaṃ śubhe||
Yayati said : O amiable ladies, it seems that these one thousands maids wait on you two. I would ask you (to tell me) both your names and parentage.
— tr. M.N. Dutt (1891–96) (public domain)
MBh 1 81.6
देवयान्युवाच आख्यास्याम्यहमादत्स्व वचनं मे नराधिप। शुक्रो नामासुरगुरुः सुतां जानीहि तस्य माम्॥
devayānyuvāca ākhyāsyāmyahamādatsva vacanaṃ me narādhipa| śukro nāmāsuraguruḥ sutāṃ jānīhi tasya mām||
Devayani said : O king, hear my words, Know that I am the daughter of Shukra, the preceptor of the Asuras.
— tr. M.N. Dutt (1891–96) (public domain)
MBh 1 81.7
इयं च मे सखी दासी यत्राहं तत्र गामिनी। दुहिता दानवेन्द्रस्य शर्मिष्ठा वृषपर्वणः॥
iyaṃ ca me sakhī dāsī yatrāhaṃ tatra gāminī| duhitā dānavendrasya śarmiṣṭhā vṛṣaparvaṇaḥ||
This my companion is my maid, she will go wherever I shall go. She is Sharmishtha, the daughter of the Asura king, Vrishaparva.
— tr. M.N. Dutt (1891–96) (public domain)
MBh 1 81.8
ययातिरुवाच कथं तु ते सखी दासी कन्येयं वरवर्णिनी। असुरेन्द्रसुता सुभ्रूः परं कौतूहलं हि मे॥
yayātiruvāca kathaṃ tu te sakhī dāsī kanyeyaṃ varavarṇinī| asurendrasutā subhrūḥ paraṃ kautūhalaṃ hi me||
Yayati said : I am curious to know why this lady of fair eye-brows, this most beautiful damsel, this daughter of the Asura king, companion, is your maid-servant?
— tr. M.N. Dutt (1891–96) (public domain)
MBh 1 81.9
देवयान्युवाच सर्व एव नरश्रेष्ठ विधानमनुवर्तते। विधानविहितं मत्वा मा विचित्राः कथा: कृथाः॥
devayānyuvāca sarva eva naraśreṣṭha vidhānamanuvartate| vidhānavihitaṃ matvā mā vicitrāḥ kathā: kṛthāḥ||
Devayani said : O best of kings, everything comes to pass according to Fate. Do not be astonished at this. V:10w it to be also the result of Fate.
— tr. M.N. Dutt (1891–96) (public domain)
MBh 1 81.10
राजवद् रूपवेषौ ते ब्राह्मीं वाचं बिभर्षि च। को नाम त्वं कुतश्चासि कस्य पुत्रश्च शंस प्रे॥
rājavad rūpaveṣau te brāhmīṃ vācaṃ bibharṣi ca| ko nāma tvaṃ kutaścāsi kasya putraśca śaṃsa pre||
Your features and attire are both like a king. Your speech is also like the words of the Vedas. Tell me your name. Whence have you come? Whose son are you?
— tr. M.N. Dutt (1891–96) (public domain)
MBh 1 81.11
ययातिरुवाच ब्रह्मचर्येण वेदो मे कृत्स्नः श्रुतिपथं गतः। राजाहं राजपुत्रश्च ययातिरिति विश्रुतः॥
yayātiruvāca brahmacaryeṇa vedo me kṛtsnaḥ śrutipathaṃ gataḥ| rājāhaṃ rājaputraśca yayātiriti viśrutaḥ||
this your Yayati said : In my Brahmacharya, the whole of the Vedas entered my ears. I am a king and a son of a king; I am known as Yayati.
— tr. M.N. Dutt (1891–96) (public domain)
MBh 1 81.12
देवयान्युवाच केनास्यर्थेन नृपते इमं देशमुपागतः। जिघृक्षुर्वारिज किंचिदथवा मृगलिप्सया॥
devayānyuvāca kenāsyarthena nṛpate imaṃ deśamupāgataḥ| jighṛkṣurvārija kiṃcidathavā mṛgalipsayā||
Devayani said : O king, why have you come here? Is it to gather lotuses, or to angle, or to hunt.
— tr. M.N. Dutt (1891–96) (public domain)
MBh 1 81.13
ययातिरुवाच मृगलिप्सुरहं भद्रे पानीयार्थमुपागतः। बहुधाप्यनुयुक्तोऽस्मि तदनुज्ञातुमर्हसि।॥
yayātiruvāca mṛgalipsurahaṃ bhadre pānīyārthamupāgataḥ| bahudhāpyanuyukto'smi tadanujñātumarhasi|||
Yayati said : O amiable lady, I was thirsty in the pursuit of deer. I have come here in search of water. I wait but your commands to leave this place.
— tr. M.N. Dutt (1891–96) (public domain)
MBh 1 81.14
देवयान्युवाच द्वाभ्यां कन्यासहस्राभ्यां दास्या शर्मिष्ठया सह। त्वदधीनास्मि भद्रं ते सखा भर्ता च मे भव॥
devayānyuvāca dvābhyāṃ kanyāsahasrābhyāṃ dāsyā śarmiṣṭhayā saha| tvadadhīnāsmi bhadraṃ te sakhā bhartā ca me bhava||
Devayani said: Prosperity to you? Be my friend and husband. I wait for your commands with my two thousand damsels and Sharmishtha, my maid-servant.
— tr. M.N. Dutt (1891–96) (public domain)
MBh 1 81.15
ययातिरुवाच विद्ध्यौशनसि भद्रं ते न त्वामोऽस्मि भाविनि। अविवाह्या हि राजानो देवयानि पितुस्तव॥
yayātiruvāca viddhyauśanasi bhadraṃ te na tvāmo'smi bhāvini| avivāhyā hi rājāno devayāni pitustava||
Yayati said : O beautiful lady, I do not deserve you. You are the daughter of Shukra, (therefore) you are far superior to me. O Devayani, your father cannot bestow you on even great king.
— tr. M.N. Dutt (1891–96) (public domain)
MBh 1 81.16
देवयान्युवाच संसृष्टं ब्रह्मणा क्षत्रं क्षत्रेण ब्रह्म संहितम्। ऋषिश्चाप्यधिपुत्रश्च नाहुषाङ्ग वहस्व माम्॥
devayānyuvāca saṃsṛṣṭaṃ brahmaṇā kṣatraṃ kṣatreṇa brahma saṃhitam| ṛṣiścāpyadhiputraśca nāhuṣāṅga vahasva mām||
Devayani said : Brahmanas have already been mixed with Kshatriyas and Kshatriyas with Brahmanas. You are a son of a Rishi and a yourself a Rishi. Therefore, O son of Nahusha, marry me.
— tr. M.N. Dutt (1891–96) (public domain)
MBh 1 81.17
ययातिरुवाच एकदेहोद्भवा वर्णाश्चत्वारोऽपि वराङ्गने। पृथग्धर्माः पृथक्छौचास्तेषां तु ब्राह्मणो वरः॥
yayātiruvāca ekadehodbhavā varṇāścatvāro'pi varāṅgane| pṛthagdharmāḥ pṛthakchaucāsteṣāṃ tu brāhmaṇo varaḥ||
Yayati said : O beautiful lady, the four orders have no doubt sprung from one body. But they have different duties and virtues, which are not the same (for every order.) The Brahmanas are superior to all.
— tr. M.N. Dutt (1891–96) (public domain)
MBh 1 81.18
देवयान्युवाच पाणिधर्मो नाहुषायं न पुम्भिः सेवितः पुरा। तं मे त्वमग्रहीर वृणोमि त्वामहं ततः॥
devayānyuvāca pāṇidharmo nāhuṣāyaṃ na pumbhiḥ sevitaḥ purā| taṃ me tvamagrahīra vṛṇomi tvāmahaṃ tataḥ||
Devayani said : This hand of mine was never touched by any man except you. Therefore, I accept you as my husband.
— tr. M.N. Dutt (1891–96) (public domain)
MBh 1 81.19
कथं नु मे मनस्विन्याः पाणिमन्यः पुमान् स्पृशेत्। गृहीतमृषिपुत्रेण स्वयं वाप्य॒षिणा त्वया॥
kathaṃ nu me manasvinyāḥ pāṇimanyaḥ pumān spṛśet| gṛhītamṛṣiputreṇa svayaṃ vāpya॒ṣiṇā tvayā||
How will any other man touch my hand of wise one which is touched by you who are a Rishi?
— tr. M.N. Dutt (1891–96) (public domain)
MBh 1 81.20
ययातिरुवाच क्रुद्धादाशीविषात् सर्पाज्ज्वलनात् सर्वतोमुखात्। दुराधर्षतरो विप्रो ज्ञेयः पुंसा विजानता॥
yayātiruvāca kruddhādāśīviṣāt sarpājjvalanāt sarvatomukhāt| durādharṣataro vipro jñeyaḥ puṃsā vijānatā||
Yayati said : The wise men know that a Brahmana is to be avoided than an angry and virulently poisonous snake, or a blazing and flaming fire.
— tr. M.N. Dutt (1891–96) (public domain)
MBh 1 81.21
देवयान्युवाच कथमाशीविषात् सर्पाज्ज्वलनात् सर्वतोमुखात्। दुराधर्षतरो विप्र इत्यात्य पुरुषर्षभ॥
devayānyuvāca kathamāśīviṣāt sarpājjvalanāt sarvatomukhāt| durādharṣataro vipra ityātya puruṣarṣabha||
Devayani said : O best of men, why do you say that a Brahmana is to be avoided like an angry and virulently poisonous snake, or a blazing and flaming fire?
— tr. M.N. Dutt (1891–96) (public domain)
MBh 1 81.22
ययातिरुवाच एकमाशीविषो हन्ति शस्त्रेणैकश्च वध्यते। हन्ति विप्रः सराष्ट्राणि पुराण्यपि हि कोपितः॥ दुराधर्षतरो विप्रस्तस्माद् भीरु मतो मम। अतोऽदत्तां च पित्रा त्वां भद्रे न विवहाम्यहम्॥
yayātiruvāca ekamāśīviṣo hanti śastreṇaikaśca vadhyate| hanti vipraḥ sarāṣṭrāṇi purāṇyapi hi kopitaḥ|| durādharṣataro viprastasmād bhīru mato mama| ato'dattāṃ ca pitrā tvāṃ bhadre na vivahāmyaham||
Yayati said : The snake kills only one. The sharpest weapon kills but a single person. But the Brahmana, if angry, destroys many cities and kingdoms. Therefore, O beautiful lady, I think that Brahmanas should be avoided more than the two, (the snake and the fire) O amiable lady, I cannot marry you, unless your father bestows you on me.
— tr. M.N. Dutt (1891–96) (public domain)
MBh 1 81.23
देवयान्युवाच दत्तां वहस्व तन्मा त्वं पित्रा राजन् वृतो मया। अयाचतो भयं नास्ति दत्तां च प्रतिगृह्णतः॥
devayānyuvāca dattāṃ vahasva tanmā tvaṃ pitrā rājan vṛto mayā| ayācato bhayaṃ nāsti dattāṃ ca pratigṛhṇataḥ||
Devayani said : You are chosen by me. O king it is then settled that you will accept me if my father bestows you on me. You need not fear in accept my humble self, if bestowed on you. You have not asked for me.
— tr. M.N. Dutt (1891–96) (public domain)
MBh 1 81.24
वैशम्पायन उवाच त्वरितं देवयान्याथ संदिष्टं पितुरात्मनः। सर्वं निवेदयामास धात्री तस्मै यथातथम्॥
vaiśampāyana uvāca tvaritaṃ devayānyātha saṃdiṣṭaṃ piturātmanaḥ| sarvaṃ nivedayāmāsa dhātrī tasmai yathātatham||
Vaishampayana said : Devayani quickly sent a maid-servant to her father. The maid told Shukra all that had happened.
— tr. M.N. Dutt (1891–96) (public domain)
MBh 1 81.25
श्रुत्वैव च सा राजानं दर्शयामास भार्गवः। दृष्ट्वैव चागतं शुक्रं ययातिः पृथिवीपतिः। ववन्दे ब्राह्मणं काव्यं प्राञ्जलिः प्रणतः स्थितः॥
śrutvaiva ca sā rājānaṃ darśayāmāsa bhārgavaḥ| dṛṣṭvaiva cāgataṃ śukraṃ yayātiḥ pṛthivīpatiḥ| vavande brāhmaṇaṃ kāvyaṃ prāñjaliḥ praṇataḥ sthitaḥ||
Having heard this, the son of Bhrigu went to see the king. The king of the world Yayati, seeing that Shukra was coming, bowed to him. He worshipped and adored that Brahmana and stood before him with joined hands to receive his commands.
— tr. M.N. Dutt (1891–96) (public domain)
MBh 1 81.26
देवयान्युवाच राजायं नाहुषस्तात दुर्गमे पाणिमग्रहीत्। नमस्ते देहि मामस्मै लोके नान्यं पतिं वृणे॥
devayānyuvāca rājāyaṃ nāhuṣastāta durgame pāṇimagrahīt| namaste dehi māmasmai loke nānyaṃ patiṃ vṛṇe||
Devayani said : O father, this is the son of Nahusha. He took hold of my hand when I was in difficulty (thrown into the well), Bestow me on him. I shall not marry any other man in the world.
— tr. M.N. Dutt (1891–96) (public domain)
MBh 1 81.27
शुक्र उवाच वृतोऽनया पतिर्वीर सुतया त्वं ममेष्टया। गृहाणेमां मया दत्तां महिषीं नहुषात्मज॥
śukra uvāca vṛto'nayā patirvīra sutayā tvaṃ mameṣṭayā| gṛhāṇemāṃ mayā dattāṃ mahiṣīṃ nahuṣātmaja||
Shukra said: O splendidly courageous king, you have been accepted by my dear daughter as her husband. I bestow her on you. Therefore, O son of Nahusha, accept her as your wife.
— tr. M.N. Dutt (1891–96) (public domain)
MBh 1 81.28
ययातिरुवाच अधर्मो न स्पृशेदेष महान् मामिह भार्गव। वर्णसंकरजो ब्रह्मन्निति त्वां प्रवृणोम्यहम्॥
yayātiruvāca adharmo na spṛśedeṣa mahān māmiha bhārgava| varṇasaṃkarajo brahmanniti tvāṃ pravṛṇomyaham||
Yayati said : O Brahmana, I solicit the boon by which the sin of my begetting a mixed caste may not touch me.
— tr. M.N. Dutt (1891–96) (public domain)
MBh 1 81.29
शुक्र उवाच अधर्मात् त्वां विमुञ्चामि वृणु त्वं वरमीप्सितम्। अस्मिन् विवाहे मा म्लासीरहं पापं नुदामि ते॥
śukra uvāca adharmāt tvāṃ vimuñcāmi vṛṇu tvaṃ varamīpsitam| asmin vivāhe mā mlāsīrahaṃ pāpaṃ nudāmi te||
Shukra said: I shall absolve you from the sin (of begetting a mixed caste). Fear not to marry her. grant you absolution.
— tr. M.N. Dutt (1891–96) (public domain)
MBh 1 81.30
वहस्व भार्यां धर्मेण देवयानीं सुमध्यमाम्। अनया सह सम्प्रीतिमतुलां समवाप्नुहि॥
vahasva bhāryāṃ dharmeṇa devayānīṃ sumadhyamām| anayā saha samprītimatulāṃ samavāpnuhi||
Maintain virtuously your wife, Devayani of beautiful slender waist. Let great happiness be yours in her company.
— tr. M.N. Dutt (1891–96) (public domain)
MBh 1 81.31
इयं चापि कुमारी ते शर्मिष्ठा वार्षपर्वणी। सम्पूज्या सततं राजन् मा चैनां शयने ह्वयेः॥
iyaṃ cāpi kumārī te śarmiṣṭhā vārṣaparvaṇī| sampūjyā satataṃ rājan mā caināṃ śayane hvayeḥ||
O king, this maiden, Sharmishtha, the daughter of Vrishaparva, should always be respected by you. But you must no call her to your bed.
— tr. M.N. Dutt (1891–96) (public domain)
MBh 1 81.32
वैशम्पायन उवाच एवमुक्तो ययातिस्तु शुक्रं कृत्वा प्रदक्षिणम्। शास्त्रोक्तविधिना राजा विवाहमकरोच्छुभम्॥
vaiśampāyana uvāca evamukto yayātistu śukraṃ kṛtvā pradakṣiṇam| śāstroktavidhinā rājā vivāhamakarocchubham||
Vaishampayana said : Having been thus addressed by Shukra, the king walked round the Brahmana. The king then performed the auspicious ceremony of inarriage according to the rites of the ordinance.
— tr. M.N. Dutt (1891–96) (public domain)
MBh 1 81.33
सम्पूजितश्च शुक्रेण दैत्यैश्च नृपसत्तमः। जगाम स्वपुरं हृष्टोऽनुज्ञातोऽथ महात्मना॥
sampūjitaśca śukreṇa daityaiśca nṛpasattamaḥ| jagāma svapuraṃ hṛṣṭo'nujñāto'tha mahātmanā||
Having received from Shukra a rich treasure in Devayani with Sharmishtha and two thousand maidens. That best of kings, being duly honoured by Shukra and the Asuras, returned to his capital, after receiving the commands of the illustrious of Bhrigu.
— tr. M.N. Dutt (1891–96) (public domain)