Mahabharata — Volume I (Dutt edition) — Chapter 7

MBh 1 7.1

सौतिरुवाच शप्तस्तु भृगुणा वह्निः क्रुद्धो वाक्यमथाब्रवीत्। किमिदं साहसं ब्रह्मन्कृतवानसि मां प्रति॥

sautiruvāca śaptastu bhṛguṇā vahniḥ kruddho vākyamathābravīt| kimidaṃ sāhasaṃ brahmankṛtavānasi māṃ prati||

Sauti said: Thus being cursed by Bhrigu. Agni said in anger, “What do you mean, Brahmana, by this rashness that you have shown towards me.”

— tr. M.N. Dutt (1891–96) (public domain)

MBh 1 7.2

धर्मे प्रयतमानस्य सत्यं च वदतः समम्। पृष्टो यदब्रवं सत्यं व्यभिचारोऽत्र को मम॥

dharme prayatamānasya satyaṃ ca vadataḥ samam| pṛṣṭo yadabravaṃ satyaṃ vyabhicāro'tra ko mama||

What transgression is committed by me, who tried to do justice and to speak the truth impartially? Being asked, I told the truth.

— tr. M.N. Dutt (1891–96) (public domain)

MBh 1 7.3

पृष्टो हि साक्षी यः साक्ष्यं जानानोऽप्यन्यथा वदेत्। स पूर्वानात्मनः सप्त कुले हन्यात्तथा परान्॥

pṛṣṭo hi sākṣī yaḥ sākṣyaṃ jānāno'pyanyathā vadet| sa pūrvānātmanaḥ sapta kule hanyāttathā parān||

A witness, who being asked about a thing which he knows, says something else than what it (really) is, ruins his ancestors and descendants, both to the seventh generations.

— tr. M.N. Dutt (1891–96) (public domain)

MBh 1 7.4

यश्च कार्यार्थतत्त्वज्ञो जानानोऽपि न भाषते। सोऽपि तेनैव पापेन लिप्येन नात्र संशयः॥

yaśca kāryārthatattvajño jānāno'pi na bhāṣate| so'pi tenaiva pāpena lipyena nātra saṃśayaḥ||

He, who, knowing a thing full well, does not disclose what he knows when asked is undoubtedly tainted with sin.

— tr. M.N. Dutt (1891–96) (public domain)

MBh 1 7.5

शक्तोऽहमपि शप्तुं त्वां मान्यास्तु ब्राह्मणा मम। जानतोऽपि च ते ब्रह्मन्कथयिष्ये निबोध तत्॥

śakto'hamapi śaptuṃ tvāṃ mānyāstu brāhmaṇā mama| jānato'pi ca te brahmankathayiṣye nibodha tat||

I can also curse you, but Brahmanas are held in respect by me. Although, O Brahinana, these are known to you, I shall yet speak them to you. Please understand.

— tr. M.N. Dutt (1891–96) (public domain)

MBh 1 7.6

योगेन बहुधात्मानं कृत्वा तिष्ठामि मूर्तिषु। अग्निहोत्रेषु सत्रेषु क्रियासु च मखेषु च॥

yogena bahudhātmānaṃ kṛtvā tiṣṭhāmi mūrtiṣu| agnihotreṣu satreṣu kriyāsu ca makheṣu ca||

Having multiplied myself by Yoga power, I am present in many forms. (I am present) in the Agnihotra, Satras, rituals and in other sacrifices.

— tr. M.N. Dutt (1891–96) (public domain)

MBh 1 7.7

वेदोक्तेन विधानेन मयि यद्भूयते हविः। देवता पितरश्चैव तेन तृप्ता भवन्ति वै॥

vedoktena vidhānena mayi yadbhūyate haviḥ| devatā pitaraścaiva tena tṛptā bhavanti vai||

The Devas and Pitris are satisfied from the ghee that is offered in my flame, according to the ordinances of the Vedas.

— tr. M.N. Dutt (1891–96) (public domain)

MBh 1 7.8

आपो देवगणाः सर्वे आपः पितृगणास्तथा। दर्शश्च पौर्णमासश्च देवानां पितृभिः सह॥

āpo devagaṇāḥ sarve āpaḥ pitṛgaṇāstathā| darśaśca paurṇamāsaśca devānāṃ pitṛbhiḥ saha||

The waters are all the Devas. Waters are the Pitris. The Devas have equal rights with the Pitris to perform the sacrifices, called Darsha and Paurnamasa. Darsha and Paurnamasa yajnas are performed for both Devas and Pitris.

— tr. M.N. Dutt (1891–96) (public domain)

MBh 1 7.9

देवताः पितरस्तस्मात्पितरश्चापि देवताः। एकीभूताश्च पूज्यन्ते पृथक्त्वेन च पर्वसु॥

devatāḥ pitarastasmātpitaraścāpi devatāḥ| ekībhūtāśca pūjyante pṛthaktvena ca parvasu||

Therefore the Devas are the Pitris and the Pitris are the Devas. They are worshipped as identical beings and they are also separately worshipped at Parvas (changes of the moon).

— tr. M.N. Dutt (1891–96) (public domain)

MBh 1 7.10

देवता: पितरश्चैव भुञ्जते मयि यद्भुतम्। देवतानां पितॄणां च मुखमेतदहं स्मृतम्॥

devatā: pitaraścaiva bhuñjate mayi yadbhutam| devatānāṃ pitṝṇāṃ ca mukhametadahaṃ smṛtam||

The Devas and the Pitris eat what is offered unto me. I am. therefore, called the mouth of the Devas and the Pitris.

— tr. M.N. Dutt (1891–96) (public domain)

MBh 1 7.11

अमावास्यां हि पितरः पौर्णमास्यां हि देवताः। मन्मुखेनैव हूयन्ते भुञ्जते च हुतं हविः॥ सर्वभक्षः कथं त्वेषां भविष्यामि मुखं त्वहम्।

amāvāsyāṃ hi pitaraḥ paurṇamāsyāṃ hi devatāḥ| manmukhenaiva hūyante bhuñjate ca hutaṃ haviḥ|| sarvabhakṣaḥ kathaṃ tveṣāṃ bhaviṣyāmi mukhaṃ tvaham|

At the new-moon the Pitris and at the fullmoon the Devas are fed through my mouth with the oblations are offered unto me. Being their mouths, how can I be the eater of all things?"

— tr. M.N. Dutt (1891–96) (public domain)

MBh 1 7.12

सौतिरुवाच चिन्तयित्वा ततो वह्निश्चक्रे संहारमात्मनः। द्विजानामग्निहोत्रेषु यज्ञसत्रक्रियासु च॥

sautiruvāca cintayitvā tato vahniścakre saṃhāramātmanaḥ| dvijānāmagnihotreṣu yajñasatrakriyāsu ca||

Sauti said: After reflecting for some time, Agni withdrew himself from all places in the world. (he withdrew himself) from the Agnihotra of the twice-born, yajnas, satras and from other ceremonies.

— tr. M.N. Dutt (1891–96) (public domain)

MBh 1 7.13

निरोंकारवषट्काराः स्वधास्वाहाविवर्जिताः। विनाऽग्निना प्रजाः सर्वास्तत आसन्सुदुःखिताः॥

niroṃkāravaṣaṭkārāḥ svadhāsvāhāvivarjitāḥ| vinā'gninā prajāḥ sarvāstata āsansuduḥkhitāḥ||

Without the fire being deprived of Oms and Vashats, of Svadhas and Svahas, all creatures became very much distressed.

— tr. M.N. Dutt (1891–96) (public domain)

MBh 1 7.14

अथर्षयः समुद्विग्ना देवान्गत्वाब्रुवन्वचः। अग्निनाशाक्रियाभ्रंशाभ्रान्ता लोकास्त्रयोऽनघाः।। विधद्ध्वमत्र तत्कार्यं न स्यात्कालात्ययो यथा। अथर्षयश्च देवाश्च ब्रह्माणमुपगम्य तु॥

atharṣayaḥ samudvignā devāngatvābruvanvacaḥ| agnināśākriyābhraṃśābhrāntā lokāstrayo'naghāḥ|| vidhaddhvamatra tatkāryaṃ na syātkālātyayo yathā| atharṣayaśca devāśca brahmāṇamupagamya tu||

Thereupon the Rishis went to the celestials in great anxiety and addressed them thus, "O immaculate beings, the three worlds have been confounded at the cessation of their sacrifices and ceremonies for the loss of fire. Therefore, be pleased to do the needful. There should not be any loss of time.” Their celestials and the Rishis together having approached the great Brahma,

— tr. M.N. Dutt (1891–96) (public domain)

MBh 1 7.15

अग्नेरावेदयन्शापं क्रियासहरमेव च। भृगुणा वै महाभागः शप्तोऽग्निः कारणान्तरे॥

agnerāvedayanśāpaṃ kriyāsaharameva ca| bhṛguṇā vai mahābhāgaḥ śapto'gniḥ kāraṇāntare||

They told him all about the curse on Agni and consequent interruption of all ceremonies. They said, “O Mahabhaga, Agni has been cursed by Bhrigu for some reason.

— tr. M.N. Dutt (1891–96) (public domain)

MBh 1 7.16

कथं देवमुखो भूत्वा यज्ञभागाग्रभुक्तथा। हुतभुक्सर्वलोकेषु सर्वभक्षत्वमेष्यति॥

kathaṃ devamukho bhūtvā yajñabhāgāgrabhuktathā| hutabhuksarvalokeṣu sarvabhakṣatvameṣyati||

How is it possible for Agni, who is the mouth of the celestials, who eats the first part of what is offered in sacrifice, who eats also the sacrificial ghee to become the eater of everything promiscuously?”

— tr. M.N. Dutt (1891–96) (public domain)

MBh 1 7.17

श्रुत्वा तु तद्वचस्तेषामग्निमाहूय विश्वकृत्। उवाच वचनं श्लक्ष्णं भूतभावनमव्ययम्॥

śrutvā tu tadvacasteṣāmagnimāhūya viśvakṛt| uvāca vacanaṃ ślakṣṇaṃ bhūtabhāvanamavyayam||

The creator of the world having heard all this, called Agni to his presence. He said, to Agni, who is eternal like him and who is creator of all, in gentle words.

— tr. M.N. Dutt (1891–96) (public domain)

MBh 1 7.18

लोकानामिह सर्वेषां त्वं कर्ता चान्त एव च। त्वं धारयसि लोकांस्त्रीन् क्रियाणां च प्रवर्तकः॥

lokānāmiha sarveṣāṃ tvaṃ kartā cānta eva ca| tvaṃ dhārayasi lokāṃstrīn kriyāṇāṃ ca pravartakaḥ||

"You are the creater of all creatures, you are their destroyer, you preserve the three words, you are also the promoter of all sacrifices and ceremonies,

— tr. M.N. Dutt (1891–96) (public domain)

MBh 1 7.19

स तथा कुरु लोकेश नोच्छिोरन्यथा क्रियाः। कस्मादेवं विमूढस्त्वमीश्वरःसन्हुताशन॥

sa tathā kuru lokeśa nocchioranyathā kriyāḥ| kasmādevaṃ vimūḍhastvamīśvaraḥsanhutāśana||

Therefore act in a way, so that world's ceremonies are not interrupted. O the eater of sacrificial ghee, being the Lord of all, how have you become so foolish?

— tr. M.N. Dutt (1891–96) (public domain)

MBh 1 7.20

त्वं पवित्र सदा लोके सर्वभूतगतिश्च ह। न त्वं सर्वशरीरेण सर्वभक्षत्वमेष्यसि॥

tvaṃ pavitra sadā loke sarvabhūtagatiśca ha| na tvaṃ sarvaśarīreṇa sarvabhakṣatvameṣyasi||

You are always pure in the Universe, you are the stay of all creatures. You shall not be the eater of all things with all your body,

— tr. M.N. Dutt (1891–96) (public domain)

MBh 1 7.21

अपाने ह्यर्चिी यास्ते सर्वं भक्ष्यन्ति ताः शिखिन्। क्रव्यादा च तनुर्या ते सा सर्वं भक्षयिष्यति॥

apāne hyarciī yāste sarvaṃ bhakṣyanti tāḥ śikhin| kravyādā ca tanuryā te sā sarvaṃ bhakṣayiṣyati||

O deity of flames, Only the flames, that are in the vilest part of your body, will eat all things, alike and the part of your body which eats will also eat all things.

— tr. M.N. Dutt (1891–96) (public domain)

MBh 1 7.22

यथा सूर्यांशुभिः स्पृष्टं सर्वं शुचि विभाव्यते। तथा त्वदर्चिनिर्दग्धं सर्वं शुचि भविष्यति॥ त्वमग्ने परमं तेजः स्वप्रभावाद्विनिर्गतम्। स्वतेजसैव तं शापं कुरु सत्यमृषेविभो। देवानां चात्मनो भागं गृहाण त्वं मुखे हुतम्॥

yathā sūryāṃśubhiḥ spṛṣṭaṃ sarvaṃ śuci vibhāvyate| tathā tvadarcinirdagdhaṃ sarvaṃ śuci bhaviṣyati|| tvamagne paramaṃ tejaḥ svaprabhāvādvinirgatam| svatejasaiva taṃ śāpaṃ kuru satyamṛṣevibho| devānāṃ cātmano bhāgaṃ gṛhāṇa tvaṃ mukhe hutam||

As all thing become pure, touched by the sunbeams, so will everything be pure that will be burnt in your flames. O Agni, you are the supreme energy, born of your own power. By that power, make the Rishi's curse true. Continue to receive your portion and that of the celestials offered into your mouth."

— tr. M.N. Dutt (1891–96) (public domain)

MBh 1 7.23

सौतिरुवाच एवमस्त्विति तं वह्निः प्रत्युवाच पितामहम्। जगाम शासनं कर्तुं देवस्य परमेष्ठिनः॥

sautiruvāca evamastviti taṃ vahniḥ pratyuvāca pitāmaham| jagāma śāsanaṃ kartuṃ devasya parameṣṭhinaḥ||

Sauti said: Agni then replied to the Grandfather, "Be it so" and he went away to obey the command of the Parameshthi (Supreme Lord).

— tr. M.N. Dutt (1891–96) (public domain)

MBh 1 7.24

देवर्षयश्च मुदितास्ततो जग्मुर्यथागतम्। ऋषयश्च यथापूर्वं क्रियाः सर्वाः प्रचक्रिरे॥

devarṣayaśca muditāstato jagmuryathāgatam| ṛṣayaśca yathāpūrvaṃ kriyāḥ sarvāḥ pracakrire||

The Rishis and the celestial also in great delight returned to the place whence they came. And the Rishis continued to perform their ceremonies and sacrifices as before.

— tr. M.N. Dutt (1891–96) (public domain)

MBh 1 7.25

दिवि देवा मुमुदिरे भूतसंघाश्च लौकिकाः। अग्निश्च परमां प्रीतिमवाप हतकल्मषः॥

divi devā mumudire bhūtasaṃghāśca laukikāḥ| agniśca paramāṃ prītimavāpa hatakalmaṣaḥ||

The celestials in heaven and all creatures on earth were exceedingly rejoiced; and Agni too rejoiced, because he became free from the curse.

— tr. M.N. Dutt (1891–96) (public domain)

MBh 1 7.26

एवं स भगवाञ्छापं लेभेऽग्निर्भृगुतः पुरा। एवमेष पुरावृत्त इतिहासोऽग्निशापजः। पुलोम्नश्च विनाशोऽयं च्यवनस्य च संभवः॥

evaṃ sa bhagavāñchāpaṃ lebhe'gnirbhṛgutaḥ purā| evameṣa purāvṛtta itihāso'gniśāpajaḥ| pulomnaśca vināśo'yaṃ cyavanasya ca saṃbhavaḥ||

Thus in the days of yore, O possessor of the six attributes, was Agni cursed by Bhrigu, Such is the ancient history founded thereon, which contains the account of the destruction of Puloma, the Rakshasa and the birth of Chyavana.

— tr. M.N. Dutt (1891–96) (public domain)