Mahabharata — Volume I (Dutt edition) — Chapter 5
MBh 1 5.1
शौनक उवाच पुराणमखिलं तात पिता तेऽधीतवान्पुरा। कच्चित्त्वमपि तत्सर्वमधीषे लौमहर्षणे॥
śaunaka uvāca purāṇamakhilaṃ tāta pitā te'dhītavānpurā| kaccittvamapi tatsarvamadhīṣe laumaharṣaṇe||
Shaunaka said: Your father read the whole of the Puranas in the days of yore. O Son of Lomaharshana, have you also made them your study?
— tr. M.N. Dutt (1891–96) (public domain)
MBh 1 5.2
पुराणे हि कथा दिव्या आदिवंशाश्च धीमताम्। कथ्यन्ते ये पुराऽस्माभिः श्रुतपूर्वाः पितुस्तव।॥
purāṇe hi kathā divyā ādivaṃśāśca dhīmatām| kathyante ye purā'smābhiḥ śrutapūrvāḥ pitustava|||
There are in the Puranas interesting stories and the history of the first generations of the wise men. We have heard them all recited by your father.
— tr. M.N. Dutt (1891–96) (public domain)
MBh 1 5.3
चैव ततो मया। तत्र वंशमहं पूर्वं श्रोतुमिच्छामि भार्गवम्। कथयस्व कथामेतां कल्याः स्म श्रवणे तव॥
caiva tato mayā| tatra vaṃśamahaṃ pūrvaṃ śrotumicchāmi bhārgavam| kathayasva kathāmetāṃ kalyāḥ sma śravaṇe tava||
I am desirous of hearing the history of the Bhrigu race. Tell us that history. We are all attention to listen to you.
— tr. M.N. Dutt (1891–96) (public domain)
MBh 1 5.4
सौतिरुवाच यदधीतं पुरा सम्यक् द्विजश्रेष्ठैर्महात्मभिः। वैशंपायनविप्रायैस्तैश्चापि कथितं यथा॥
sautiruvāca yadadhītaṃ purā samyak dvijaśreṣṭhairmahātmabhiḥ| vaiśaṃpāyanaviprāyaistaiścāpi kathitaṃ yathā||
Sauti said : That which was formerly studied by the noble Brahmanas, which was studied and narrated by Vaishampayana and others.
— tr. M.N. Dutt (1891–96) (public domain)
MBh 1 5.5
यदधीतं च पित्रा मे सम्यक् तावच्छृणुष्व यो देवैः सेन्द्रैःसर्षिमरुद्गणैः॥ पूजितः प्रवरो वंशो भार्गवो भृगुनन्दन। इमं वंशमहं पूर्वं भार्गवं ते महामुने॥
yadadhītaṃ ca pitrā me samyak tāvacchṛṇuṣva yo devaiḥ sendraiḥsarṣimarudgaṇaiḥ|| pūjitaḥ pravaro vaṃśo bhārgavo bhṛgunandana| imaṃ vaṃśamahaṃ pūrvaṃ bhārgavaṃ te mahāmune||
Which was also studied by my father, has been acquired by me. Hear with all attention, O descendant of the Bhrigu race, the history of your race, respected by Indra and all the celestials, all the Rishis and the Marutas. In this great race the great and blessed Rishi Bhrigu was born.
— tr. M.N. Dutt (1891–96) (public domain)
MBh 1 5.6
निगदामि यथायुक्तं पुराणाश्रयसंयुतम्। भृगुर्महर्षिर्भगवान् ब्रह्मणा वै स्वयंभुवा॥ वरुणस्य क्रतौ जातः पावकादिति नः श्रुतम्। भृगोः सुदयितः पुत्रश्च्यवनो नाम भार्गवः॥
nigadāmi yathāyuktaṃ purāṇāśrayasaṃyutam| bhṛgurmaharṣirbhagavān brahmaṇā vai svayaṃbhuvā|| varuṇasya kratau jātaḥ pāvakāditi naḥ śrutam| bhṛgoḥ sudayitaḥ putraścyavano nāma bhārgavaḥ||
I shall properly relate, O great Rishi, the history of this race, as it is in the Puranas. We are told that great Bhrigu was begotten by selfexisting Brahma from the fire at Varuna's sacrifice. Bhrigu had a beloved son, named Chyavana.
— tr. M.N. Dutt (1891–96) (public domain)
MBh 1 5.7
च्यवनस्य च दायादः प्रमतिर्नाम धार्मिकः। प्रमतेरप्यभूत्पुत्रो घृताच्यां रुरुरित्युत॥
cyavanasya ca dāyādaḥ pramatirnāma dhārmikaḥ| pramaterapyabhūtputro ghṛtācyāṃ rururityuta||
Chyavana had a virtuous son, named Pramati. He had a son, named Ruru by Ghritachi.
— tr. M.N. Dutt (1891–96) (public domain)
MBh 1 5.8
रुरोरपि सुतो जज्ञे शुनको वेदपारगः। प्रमद्वरायां धर्मात्मा तव पूर्वपितामहः॥
rurorapi suto jajñe śunako vedapāragaḥ| pramadvarāyāṃ dharmātmā tava pūrvapitāmahaḥ||
Ruru had a son by his wife Pramadvara. O Shaunaka, he was your grandfather; he was very virtuous and greatly learned in the Vedas.
— tr. M.N. Dutt (1891–96) (public domain)
MBh 1 5.9
तपस्वी च यशस्वी च श्रुतवान् ब्रह्मवित्तमः। धार्मिकः सत्यवादी च नियतो नियताशनः॥
tapasvī ca yaśasvī ca śrutavān brahmavittamaḥ| dhārmikaḥ satyavādī ca niyato niyatāśanaḥ||
He was devoted to asceticism, had great repute, was learned in the Shruti, truthful, virtuous, well-regulated in his meals and was the most eminent amongst the learned in the Vedas.
— tr. M.N. Dutt (1891–96) (public domain)
MBh 1 5.10
शौनक उवाच सूतपुत्र यथा तस्य भार्गवस्य महात्मनः। च्यवनत्वं परिख्यातं तन्ममाचक्ष्व पृच्छतः॥
śaunaka uvāca sūtaputra yathā tasya bhārgavasya mahātmanaḥ| cyavanatvaṃ parikhyātaṃ tanmamācakṣva pṛcchataḥ||
Shaunaka said : O Son of Suta, why was the illustrious son of Bhrigu named Chyavana? I ask you, tell me all about it.
— tr. M.N. Dutt (1891–96) (public domain)
MBh 1 5.11
सौतिरुवाच भृगोः सुदयिता भार्या पुलोमेत्यभिविश्रुता। तस्यां समभवद्गर्भो भृगुवीर्यसमुद्भवः॥
sautiruvāca bhṛgoḥ sudayitā bhāryā pulometyabhiviśrutā| tasyāṃ samabhavadgarbho bhṛguvīryasamudbhavaḥ||
Sauti replied : Bhrigu had a very beloved wife, (named Puloma) who became quick with child by him.
— tr. M.N. Dutt (1891–96) (public domain)
MBh 1 5.12
तस्मिन् गर्भेऽथ संभूते पुलोमायां भृगूद्वह। समये समशीलिन्यां धर्मपत्न्यां यशस्विनः॥ अभिषेकाय निष्क्रान्ते भृगौ धर्मभृतां वरे। आश्रमं तस्य रक्षोऽथ पुलोमाभ्याजगाम ह॥
tasmin garbhe'tha saṃbhūte pulomāyāṃ bhṛgūdvaha| samaye samaśīlinyāṃ dharmapatnyāṃ yaśasvinaḥ|| abhiṣekāya niṣkrānte bhṛgau dharmabhṛtāṃ vare| āśramaṃ tasya rakṣo'tha pulomābhyājagāma ha||
When the virtuous and chaste Pauloma was in that condition, one day the greatly famous and virtuous Bhrigu, leaving her at home, went to perform his ablutions. And it was then that a Rakshasa, named Puloma, came to the Rishi's hermitage.
— tr. M.N. Dutt (1891–96) (public domain)
MBh 1 5.13
तं प्रविश्याश्रमं दृष्ट्वा भृगोर्भार्यामनिन्दिताम्। हृच्छयेन समाविष्टो विचेताः समपद्यत॥
taṃ praviśyāśramaṃ dṛṣṭvā bhṛgorbhāryāmaninditām| hṛcchayena samāviṣṭo vicetāḥ samapadyata||
He, having entered into the hermitage, saw the irreproachable wife of Bhrigu. Seeing her he was filled with lust and lost his reason.
— tr. M.N. Dutt (1891–96) (public domain)
MBh 1 5.14
अभ्यागतं तु तद्रक्षः पुलोमा चारुदर्शना। न्यमन्त्रयत वन्येन फलमूलादिना तदा॥
abhyāgataṃ tu tadrakṣaḥ pulomā cārudarśanā| nyamantrayata vanyena phalamūlādinā tadā||
Seeing that a guest had come, beautiful Puloma, entertained him with roots and fruits of the wood.
— tr. M.N. Dutt (1891–96) (public domain)
MBh 1 5.15
तां तु रक्षस्तदा ब्रह्मन् हृच्छयेनाभिपीडितम्। दृष्ट्वा हृष्टमभूद्राजन् जिहीर्षुस्तामनिन्दिताम्॥
tāṃ tu rakṣastadā brahman hṛcchayenābhipīḍitam| dṛṣṭvā hṛṣṭamabhūdrājan jihīrṣustāmaninditām||
O Rishi, the Rakshasa, having seen her, burnt in lust. He was very much delighted and he determined to carry away the irreproachable lady.
— tr. M.N. Dutt (1891–96) (public domain)
MBh 1 5.16
जातमित्यब्रवीत्कार्यं जिहीर्षुर्मुदितः शुभाम्। सा हि पूर्वं वृता तेन पुलोम्ना तु शुचिस्मिता॥
jātamityabravītkāryaṃ jihīrṣurmuditaḥ śubhām| sā hi pūrvaṃ vṛtā tena pulomnā tu śucismitā||
He said, “My desire is fulfilled.” So saying he seized that beautiful lady and carried her away. And in fact that lady of captivating smiles, was formerly betrothed to the Rakshasa by her father.
— tr. M.N. Dutt (1891–96) (public domain)
MBh 1 5.17
तां तु प्रादात्पिता पश्चाद् भृगवे शास्त्रवत्तदा। तस्य तत्किल्बिषं नित्यं हृदि वर्तति भार्गव॥
tāṃ tu prādātpitā paścād bhṛgave śāstravattadā| tasya tatkilbiṣaṃ nityaṃ hṛdi vartati bhārgava||
But he afterwards gave her away to the Rishi Bhrigu in due rites. Since then, O descendant of the Bhrigu race, this wound rankled deep in the heart of the Rakshasa.
— tr. M.N. Dutt (1891–96) (public domain)
MBh 1 5.18
इदमन्तरमित्येवं हर्तुं चक्रे मनस्तदा। अथाग्निशरणेऽपश्यज्ज्वलन्तं जातवेदसम्॥
idamantaramityevaṃ hartuṃ cakre manastadā| athāgniśaraṇe'paśyajjvalantaṃ jātavedasam||
He thought this very good opportunity to carry the lady away. Then he entered into the room of the holy fire where it was brightly burning.
— tr. M.N. Dutt (1891–96) (public domain)
MBh 1 5.19
तमपृच्छत्ततो रक्षः पावकं ज्वलितं तदा। शंस मे कस्य भार्येयमग्ने पृच्छे ऋतेन वै॥
tamapṛcchattato rakṣaḥ pāvakaṃ jvalitaṃ tadā| śaṃsa me kasya bhāryeyamagne pṛcche ṛtena vai||
The Rakshasa asked the burning fire, “O Agni! tell me whose rightful wife this lady is.
— tr. M.N. Dutt (1891–96) (public domain)
MBh 1 5.20
मुखं त्वमसि देवानां वद पावक पृच्छते। मया हीयं वृता पूर्वं भार्यार्थे वरवर्णिनी॥
mukhaṃ tvamasi devānāṃ vada pāvaka pṛcchate| mayā hīyaṃ vṛtā pūrvaṃ bhāryārthe varavarṇinī||
You, O Agni, is the mouth of celestials, tell me, I ask you. This beautiful lady was formerly betrothed to me;
— tr. M.N. Dutt (1891–96) (public domain)
MBh 1 5.21
पश्चादिमां पिता प्रादाद्धगवेऽनृतकारकः। सेयं यदि वरारोहा भृगोर्भार्या रहोगता॥
paścādimāṃ pitā prādāddhagave'nṛtakārakaḥ| seyaṃ yadi varārohā bhṛgorbhāryā rahogatā||
was a But her vile father subsequently gave her to Bhrigu. (Tell me truly) if she can be truly called the wife of Bhrigu.
— tr. M.N. Dutt (1891–96) (public domain)
MBh 1 5.22
तथा सत्यं समाख्याहि जिहीर्षाम्याश्रमादिमाम्। समन्युस्तत्र हृदयं प्रदहन्निव तिष्ठति। मत्पूर्वाभार्यां यदिमां भृगुराप सुमध्यमाम्॥
tathā satyaṃ samākhyāhi jihīrṣāmyāśramādimām| samanyustatra hṛdayaṃ pradahanniva tiṣṭhati| matpūrvābhāryāṃ yadimāṃ bhṛgurāpa sumadhyamām||
As I have found her alone in the hermitage, I am determined to carry her away by force. My heart burns with rage when I think that Bhrigu has obtained this beautiful woman who was betrothed to me.
— tr. M.N. Dutt (1891–96) (public domain)
MBh 1 5.23
सौतिरुवाच एवं रक्षस्तमामन्त्र्य ज्वलितं जातवेदसम्। शङ्कमानं भृगोर्भार्यां पुन:पुनरपृच्छत॥
sautiruvāca evaṃ rakṣastamāmantrya jvalitaṃ jātavedasam| śaṅkamānaṃ bhṛgorbhāryāṃ puna:punarapṛcchata||
Thus did the Rakshasa ask the flaming fire again and again, whether the lady was Bhrigu's wife.
— tr. M.N. Dutt (1891–96) (public domain)
MBh 1 5.24
त्वमग्ने! सर्वभूतानामन्तश्चरसि नित्यदा। साक्षिवत्पुण्यपापेषु सत्यं ब्रूहि कवे वचः॥
tvamagne! sarvabhūtānāmantaścarasi nityadā| sākṣivatpuṇyapāpeṣu satyaṃ brūhi kave vacaḥ||
“O Agni, you always dwell in every creature as the witness of their piety and impiety. Answer my question truthfully.
— tr. M.N. Dutt (1891–96) (public domain)
MBh 1 5.25
मत्पूर्वाऽपहता भार्या भृगुणाऽनृतकारिणा। सेयं यदि तथा मे त्वं सत्यमाख्यातुमर्हसि॥
matpūrvā'pahatā bhāryā bhṛguṇā'nṛtakāriṇā| seyaṃ yadi tathā me tvaṃ satyamākhyātumarhasi||
Bhrigu has appropriated her who was chosen by me as my wife. Tell me truly therefore, whether she is not truly my wife by first choice.
— tr. M.N. Dutt (1891–96) (public domain)
MBh 1 5.26
श्रुत्वा त्वत्तो भृगोर्भार्यां हरिष्याम्याश्रमादिमाम्। जातवेदः पश्यतस्ते वद सत्यां गिरं मम॥
śrutvā tvatto bhṛgorbhāryāṃ hariṣyāmyāśramādimām| jātavedaḥ paśyataste vada satyāṃ giraṃ mama||
Hearing from you whether she is Bhrigu's wife or not, I shall carry her away from the hermitage even in your presence. Therefore, answer me truthfully."
— tr. M.N. Dutt (1891–96) (public domain)
MBh 1 5.27
सौतिरुवाच तस्यैतद्वचनं श्रुत्वा सप्ताचिर्दुःखितोऽभवत्। भीतोऽनृताच्च शापाच्च भृगोरित्यब्रवीच्छनैः॥
sautiruvāca tasyaitadvacanaṃ śrutvā saptācirduḥkhito'bhavat| bhīto'nṛtācca śāpācca bhṛgorityabravīcchanaiḥ||
Sauti said: Having heard his words, the seven flamed Deity felt himself very much in difficulty. He was afraid to tell an untruth and was equally afraid of Bhrigu's curse. He at last slowly said.
— tr. M.N. Dutt (1891–96) (public domain)
MBh 1 5.28
अग्निरुवाच त्वया वृता पुलोमेयं पूर्वं दानवनन्दन। किं त्वियं विधिना पूर्वं मन्त्रवन वृता त्वया॥
agniruvāca tvayā vṛtā pulomeyaṃ pūrvaṃ dānavanandana| kiṃ tviyaṃ vidhinā pūrvaṃ mantravana vṛtā tvayā||
Agni said : "O Rakshasa, it is true that this Puloma was first betrothed to you, but she was not taken by you with (the necessary) holy rites and invocations.
— tr. M.N. Dutt (1891–96) (public domain)
MBh 1 5.29
पित्रा तु भृगवे दत्ता पुलोमेयं यशस्विनी। ददाति न पिता तुभ्यं वरलोभान्महायशाः॥
pitrā tu bhṛgave dattā pulomeyaṃ yaśasvinī| dadāti na pitā tubhyaṃ varalobhānmahāyaśāḥ||
And her father gave this famous Puloma to Bhrigu in gift. He did not give her to you.
— tr. M.N. Dutt (1891–96) (public domain)
MBh 1 5.30
अथेमां वेददृष्टेन कर्मणा विधिपूर्वकम्। भार्यामृषि गुः प्राप मां पुरस्कृत्य दानव॥
athemāṃ vedadṛṣṭena karmaṇā vidhipūrvakam| bhāryāmṛṣi guḥ prāpa māṃ puraskṛtya dānava||
O Rakshasa, she was duly taken by Bhrigu as his wife in my presence with all the Vedic rites.
— tr. M.N. Dutt (1891–96) (public domain)
MBh 1 5.31
सेयमित्यवगच्छामि नानृतं वक्तुमुत्सहे। नानृतं हि सदा लोके पूज्यते दानवोत्तम॥
seyamityavagacchāmi nānṛtaṃ vaktumutsahe| nānṛtaṃ hi sadā loke pūjyate dānavottama||
This is she, I cannot tell a falsehood. O best of Rakshasa, falsehood is never respected in this world.
— tr. M.N. Dutt (1891–96) (public domain)