Mahabharata — Volume I (Dutt edition) — Chapter 48
MBh 1 48.1
सौतिरुवाच गतमात्रं तु भर्तारं जरत्कारुरवेदयत्। भ्रातुः सकाशमागत्य याथातथ्यं तपोधन॥
sautiruvāca gatamātraṃ tu bhartāraṃ jaratkāruravedayat| bhrātuḥ sakāśamāgatya yāthātathyaṃ tapodhana||
Sauti said: O ascetic Rishi, as soon as her husband was gone, Jaratkaru went to her brother and told him all that had happened.
— tr. M.N. Dutt (1891–96) (public domain)
MBh 1 48.2
ततः स भुजगश्रेष्ठः श्रुत्वा सुमहदप्रियम्। उवाच भगिनीं दीनां तदा दीनतरः स्वयम्॥
tataḥ sa bhujagaśreṣṭhaḥ śrutvā sumahadapriyam| uvāca bhaginīṃ dīnāṃ tadā dīnataraḥ svayam||
Hearing this greatly evil news, the king of the snakes spoke to his miserable sister, he being more miserable than she was.
— tr. M.N. Dutt (1891–96) (public domain)
MBh 1 48.3
वासुकिरुवाच जानासि भद्रे यत्कार्यं प्रदाने कारणं च यत्। पन्नगानां हितार्थाय पुत्रस्ते स्यात्ततो यदि॥
vāsukiruvāca jānāsi bhadre yatkāryaṃ pradāne kāraṇaṃ ca yat| pannagānāṃ hitārthāya putraste syāttato yadi||
Vasuki said: O amiable sister, you know the object for which you were bestowed (on the Rishi,) If a son be born for the good of the snake race.
— tr. M.N. Dutt (1891–96) (public domain)
MBh 1 48.4
स सर्पसत्रात्किल नो मोक्षयिष्यति वीर्यवान्। एवं पितामहः पूर्वमुक्तवांस्तु सुरैः सह॥
sa sarpasatrātkila no mokṣayiṣyati vīryavān| evaṃ pitāmahaḥ pūrvamuktavāṃstu suraiḥ saha||
That greatly powerful being will be able to from the Snake-sacrifice. The Grandsire told this to the celestials in olden times.
— tr. M.N. Dutt (1891–96) (public domain)
MBh 1 48.5
अप्यस्ति गर्भः सुभगे तस्मात्ते मुनिसत्तमात्। न चेच्छाम्यफलं तस्य दारकर्म मनीषिणः॥
apyasti garbhaḥ subhage tasmātte munisattamāt| na cecchāmyaphalaṃ tasya dārakarma manīṣiṇaḥ||
O Fortunate one, are you quick, with child by that best of Rishis? My heart's desire is that my bestowal of you on that wise man may not be fruitless.
— tr. M.N. Dutt (1891–96) (public domain)
MBh 1 48.6
कामं च मम न न्याय्यं प्रष्टुं त्वां कार्यमीदृशम्। किं तु कार्यगरीयस्त्वात्ततस्त्वाहमचूचुदम्॥
kāmaṃ ca mama na nyāyyaṃ praṣṭuṃ tvāṃ kāryamīdṛśam| kiṃ tu kāryagarīyastvāttatastvāhamacūcudam||
It is not proper for me to ask you such a question, but I ask you from the gravity of the matter.
— tr. M.N. Dutt (1891–96) (public domain)
MBh 1 48.7
दुर्वार्यतां विदित्वा च भर्तुस्तेऽतितपस्विनः। नैनमन्वागमिष्यामि कदाचिद्धि शपेत्स माम्॥
durvāryatāṃ viditvā ca bhartuste'titapasvinaḥ| nainamanvāgamiṣyāmi kadāciddhi śapetsa mām||
Knowing that it is not possible to get back your husband, ever engaged in asceticism, I shall not follow him; he may save us severe curse me.
— tr. M.N. Dutt (1891–96) (public domain)
MBh 1 48.8
आचक्ष्व भद्रे भर्तुः स्वं सर्वमेव विचेष्टितम्। उद्धरस्व च शल्यं मे घोरं हृदि चिरस्थितम्॥
ācakṣva bhadre bhartuḥ svaṃ sarvameva viceṣṭitam| uddharasva ca śalyaṃ me ghoraṃ hṛdi cirasthitam||
O amiable sister, tell me all that your husband has done and thereby (relieve me by drawing out the terribly painful dart that is implanted in my heart.
— tr. M.N. Dutt (1891–96) (public domain)
MBh 1 48.9
जरत्कारुस्ततो वाक्यमित्युक्त्वा प्रत्यभाषत। आश्वासयन्ती संतप्तं वासुकिं पन्नगेश्वरम्॥
jaratkārustato vākyamityuktvā pratyabhāṣata| āśvāsayantī saṃtaptaṃ vāsukiṃ pannageśvaram||
Jaratkaru, having been thus addressed, consoled the king of the snakes, Vasuki and spoke thus.
— tr. M.N. Dutt (1891–96) (public domain)
MBh 1 48.10
जरत्कारुरुवाच पृष्टो मयाऽपत्यहेतोः स महात्मा महातपाः। अस्तीत्युत्तरमुद्दिश्य ममेदं गतवांश्च सः॥
jaratkāruruvāca pṛṣṭo mayā'patyahetoḥ sa mahātmā mahātapāḥ| astītyuttaramuddiśya mamedaṃ gatavāṃśca saḥ||
Jaratkaru said: Asked by me about offspring, the highsouled great ascetic said, “It is there and went away.
— tr. M.N. Dutt (1891–96) (public domain)
MBh 1 48.11
स्वैरेष्वपि न तेनाहं स्मरामि वितथं वचः। उक्तपूर्वं कुतो राजन्सांपराये स वक्ष्यति॥
svaireṣvapi na tenāhaṃ smarāmi vitathaṃ vacaḥ| uktapūrvaṃ kuto rājansāṃparāye sa vakṣyati||
I do not remember him to have spoken a falsehood even in jest. O king, why should he then speak a falsehood in such a serious matters. He said,
— tr. M.N. Dutt (1891–96) (public domain)
MBh 1 48.12
न संतापस्त्वया कार्यः कार्यं प्रति भुजङ्गमे। उत्पत्स्यति च ते पुत्रो ज्वलनार्कसमप्रभः॥
na saṃtāpastvayā kāryaḥ kāryaṃ prati bhujaṅgame| utpatsyati ca te putro jvalanārkasamaprabhaḥ||
"O Lady of the Naga race, do not grieve for the result of our union. A son will be born in you like a blazing fire.
— tr. M.N. Dutt (1891–96) (public domain)
MBh 1 48.13
इत्युक्त्वा स हि मां भ्रातर्गतो भर्ता तपोधनः। तस्माद्व्येतु परं दुःखं तवेदं मनसि स्थितम्॥
ityuktvā sa hi māṃ bhrātargato bhartā tapodhanaḥ| tasmādvyetu paraṃ duḥkhaṃ tavedaṃ manasi sthitam||
O Brother, having said this, the Rishi, my husband, went away therefore, let the great sorrow in your mind be removed.
— tr. M.N. Dutt (1891–96) (public domain)
MBh 1 48.14
सौतिरुवाच एतच्छ्रुत्वा स नागेन्द्रो वासुकिः परया मुदा। एवमस्त्विति तद्वाक्यं भगिन्या:प्रत्यगृह्णत॥
sautiruvāca etacchrutvā sa nāgendro vāsukiḥ parayā mudā| evamastviti tadvākyaṃ bhaginyā:pratyagṛhṇata||
Sauti said : Having heard this, Vasuki, the king of the snakes, accepted the words of his sister, saying "Be it so."
— tr. M.N. Dutt (1891–96) (public domain)
MBh 1 48.15
सान्त्वमानार्थदानैश्च पूजया चानुरूपया। सोदर्यां पूजयामास स्वसारं पन्नगोत्तमः॥
sāntvamānārthadānaiśca pūjayā cānurūpayā| sodaryāṃ pūjayāmāsa svasāraṃ pannagottamaḥ||
O Brahmana, the best of the snakes then adored his sister with best regards, with fitting eulogies and gifts of wealth.
— tr. M.N. Dutt (1891–96) (public domain)
MBh 1 48.16
ततः प्रववृधे गर्भो महातेजा महाप्रभः। यथा सोमो द्विजश्रेष्ठ शुक्लपक्षोदितो दिवि॥
tataḥ pravavṛdhe garbho mahātejā mahāprabhaḥ| yathā somo dvijaśreṣṭha śuklapakṣodito divi||
O Best of the twice born, the greatly powerful and effulgent embryo began to develop like the moon in the white fortnight.
— tr. M.N. Dutt (1891–96) (public domain)
MBh 1 48.17
अथ काले तु सा ब्रह्मन्प्रजज्ञे भुजगस्वसा। कुमारं देवगर्भाभं पितृमातृभयापहम्॥
atha kāle tu sā brahmanprajajñe bhujagasvasā| kumāraṃ devagarbhābhaṃ pitṛmātṛbhayāpaham||
O Brahmana, the sister of the snake in due time gave birth to a son with the splendour of a celestial boy, the destroyer of the fears of (the relatives of) his father and mother.
— tr. M.N. Dutt (1891–96) (public domain)
MBh 1 48.18
ववृधे स तु तत्रैव नागराजनिवेशने। वेदांश्चाधिजगे साङ्गान्भार्गवाच्च्यवनान्मुने।॥
vavṛdhe sa tu tatraiva nāgarājaniveśane| vedāṃścādhijage sāṅgānbhārgavāccyavanānmune|||
He grew up in the house of the king of the snakes. He studied the Vedas with their Angas from the great Rishi Chyavana, the son of Bhrigu.
— tr. M.N. Dutt (1891–96) (public domain)
MBh 1 48.19
चीर्णव्रतो बाल एव बुद्धिसत्त्वगुणान्वितः। नाम चास्याभवत्ख्यातं लोकेष्वास्तीक इत्युत॥
cīrṇavrato bāla eva buddhisattvaguṇānvitaḥ| nāma cāsyābhavatkhyātaṃ lokeṣvāstīka ityuta||
Though he was a mere boy, his asceticism was great; he was gifted with great intelligence and many virtues. He was known in the world by the name of Astika.
— tr. M.N. Dutt (1891–96) (public domain)
MBh 1 48.20
अस्तीत्युक्त्वा गतो यस्मात्पिता गर्भस्थमेव तम्। वनं तस्मादिदं तस्य नामास्तीकेति विश्रुतम्॥
astītyuktvā gato yasmātpitā garbhasthameva tam| vanaṃ tasmādidaṃ tasya nāmāstīketi viśrutam||
He was known by the name of Astika, because his father had gone away to the forest, saying 'Asti' (one is there), when he was in his mother's womb.
— tr. M.N. Dutt (1891–96) (public domain)
MBh 1 48.21
स बाल एव तत्रस्थश्चरन्नमितबुद्धिमान्। गृहे पन्नगराजस्य प्रयत्नात्परिरक्षितः॥
sa bāla eva tatrasthaścarannamitabuddhimān| gṛhe pannagarājasya prayatnātparirakṣitaḥ||
Though he was only a boy, yet he was grave and intelligent. He was kept with great care in the palace of the snake-king.
— tr. M.N. Dutt (1891–96) (public domain)
MBh 1 48.22
भगवानिव देवेशः शूलपाणिर्हिरण्मयः। विवर्धमानः सर्वांस्तान्पन्नगानभ्यहर्षयत्॥
bhagavāniva deveśaḥ śūlapāṇirhiraṇmayaḥ| vivardhamānaḥ sarvāṃstānpannagānabhyaharṣayat||
He was like the illustrious lord of the celestials, Shulapani (Shiva). He grew up day by day to the infinite delight of all the snakes.
— tr. M.N. Dutt (1891–96) (public domain)