Mahabharata — Volume I (Dutt edition) — Chapter 47

MBh 1 47.1

सौतिरुवाच वासुकिस्त्वब्रवीद्वाक्यं जरत्कारुमृषि तदा। सनाम्नी तव कन्येयं स्वसा मे तपसान्विता॥

sautiruvāca vāsukistvabravīdvākyaṃ jaratkārumṛṣi tadā| sanāmnī tava kanyeyaṃ svasā me tapasānvitā||

Sauti said : Thereupon Vasuki said to the Rishi Jaratkaru, “This maiden has the same name as yours. She is my sister and is an ascetic.

— tr. M.N. Dutt (1891–96) (public domain)

MBh 1 47.2

भरिष्यामि च ते भार्यां प्रतीच्छेमां द्विजोत्तम। रक्षणं च करिष्येऽस्याः सर्वशक्त्या तपोधन। त्वदर्थं रक्ष्यते चैषा मया मुनिवरोत्तम॥

bhariṣyāmi ca te bhāryāṃ pratīcchemāṃ dvijottama| rakṣaṇaṃ ca kariṣye'syāḥ sarvaśaktyā tapodhana| tvadarthaṃ rakṣyate caiṣā mayā munivarottama||

I shall support her, O best of Brahmanas and therefore accept her. O Rishi, I shall protect her with all my abilities. O best of Rishis, she has been brought up by me for you.”

— tr. M.N. Dutt (1891–96) (public domain)

MBh 1 47.3

ऋषिरुवाच न भरिष्येहमेतां वै एष मे समयः कृतः। अप्रियं च न कर्तव्यं कृते चैनां त्यजाम्यहम्॥

ṛṣiruvāca na bhariṣyehametāṃ vai eṣa me samayaḥ kṛtaḥ| apriyaṃ ca na kartavyaṃ kṛte caināṃ tyajāmyaham||

The Rishi said: It is settled between us that I shall not maintain this maiden and she will not do anything that would be displeasing to me. If she does, I shall leave her.

— tr. M.N. Dutt (1891–96) (public domain)

MBh 1 47.4

सौतिरुवाच प्रतिश्रुते तु नागेन भरिष्ये भगिनीमिति। जरत्कारुस्तदा वेश्म भुजगस्य जगाम ह॥

sautiruvāca pratiśrute tu nāgena bhariṣye bhaginīmiti| jaratkārustadā veśma bhujagasya jagāma ha||

Sauti said: When a promise was given by the snake that he would maintain his sister, Jaratkaru went to the house of the snake.

— tr. M.N. Dutt (1891–96) (public domain)

MBh 1 47.5

तत्र मन्त्रविदां श्रेष्ठस्तपोवृद्धो महाव्रतः। जग्राह पाणिं धर्मात्मा विधिमन्त्रपुरस्कृतम्॥

tatra mantravidāṃ śreṣṭhastapovṛddho mahāvrataḥ| jagrāha pāṇiṃ dharmātmā vidhimantrapuraskṛtam||

Thereupon the virtuous and veteran Rishi, learned in Mantras and observant of rigid vows, accepted her hands, given to him in due rites.

— tr. M.N. Dutt (1891–96) (public domain)

MBh 1 47.6

ततो वासगृहं रम्यं पन्नगेन्द्रस्य संमतम्। जगाम भार्यामादाय स्तूयमानो महर्षिभिः॥

tato vāsagṛhaṃ ramyaṃ pannagendrasya saṃmatam| jagāma bhāryāmādāya stūyamāno maharṣibhiḥ||

He then being much adored by the Rishis lived with his wife in the beautiful house set apart for him by the king of the snakes.

— tr. M.N. Dutt (1891–96) (public domain)

MBh 1 47.7

शयनं तत्र संक्लृप्तं स्पास्तरणसंवृतम्। तत्र भार्यासहायो वै जरत्कारुरुवास ह॥

śayanaṃ tatra saṃklṛptaṃ spāstaraṇasaṃvṛtam| tatra bhāryāsahāyo vai jaratkāruruvāsa ha||

In that house was a bedstead covered with valuable coverlets. Jaratkaru slept (in that bedstead) with his wife.

— tr. M.N. Dutt (1891–96) (public domain)

MBh 1 47.8

स तत्र समयं चक्रे भार्यया सह सत्तमः। विप्रियं मे न कर्तव्यं न च वाच्यं कदाचन॥

sa tatra samayaṃ cakre bhāryayā saha sattamaḥ| vipriyaṃ me na kartavyaṃ na ca vācyaṃ kadācana||

The excellent man (Jaratkaru) made an agreement with his wife, saying "You should not do any thing or say any thing that will be displeasing to me."

— tr. M.N. Dutt (1891–96) (public domain)

MBh 1 47.9

त्यजेयं विप्रिये च त्वां कृते वासं च ते गृहे। एतद्गृहाण वचनं मया यत्समुदीरितम्॥

tyajeyaṃ vipriye ca tvāṃ kṛte vāsaṃ ca te gṛhe| etadgṛhāṇa vacanaṃ mayā yatsamudīritam||

I shall then leave you and no longer live in the house, if you do any such thing. Bear in mind these words that I have spoken.

— tr. M.N. Dutt (1891–96) (public domain)

MBh 1 47.10

ततः परमसंविग्ना स्वसा नागपतेस्तदा। अतिदुःखान्विता वाक्यं तमुवाचैवमस्त्विति॥

tataḥ paramasaṃvignā svasā nāgapatestadā| atiduḥkhānvitā vākyaṃ tamuvācaivamastviti||

The sister of the snake, in great anxiety and sorrow said, 'Be it so.'

— tr. M.N. Dutt (1891–96) (public domain)

MBh 1 47.11

तथैव सा च भर्तारं दुःखशीलमुपाचरत्। उपायैः श्वेतकाकीयैः प्रियकामा यशस्विनी॥

tathaiva sā ca bhartāraṃ duḥkhaśīlamupācarat| upāyaiḥ śvetakākīyaiḥ priyakāmā yaśasvinī||

The illustrious girl, moved by the desire of doing good to her relatives, served her husband of hard life with the means of Shveta Kakiya, (i.e. with the wakefulness of the dog, the timidity of the dear and the sharp instinct of crows to understand signs.)

— tr. M.N. Dutt (1891–96) (public domain)

MBh 1 47.12

ऋतुकाले ततः स्नाता कदाचिद्वासुके: स्वसा। भर्तारं वै यथान्यायमुपतस्थे महामुनिम्॥

ṛtukāle tataḥ snātā kadācidvāsuke: svasā| bhartāraṃ vai yathānyāyamupatasthe mahāmunim||

One day the sister of Vasuki, when her season of impurity came, bathed according to custom and went to the great Rishi, her husband.

— tr. M.N. Dutt (1891–96) (public domain)

MBh 1 47.13

तत्र तस्याः समभवद्गर्भो ज्वलनसंनिभः। अतीव तेजसा युक्तो वैश्वानरसमद्युतिः॥

tatra tasyāḥ samabhavadgarbho jvalanasaṃnibhaḥ| atīva tejasā yukto vaiśvānarasamadyutiḥ||

Thereupon she became quick with child and the embryo was like fire. It was greatly effulgent and was as resplendent as the god of fire himself.

— tr. M.N. Dutt (1891–96) (public domain)

MBh 1 47.14

शुक्लपक्षे यथा सोमो व्यवर्धत तथैव सः। ततः कतिपयाहस्य जरत्कारुर्महायशाः॥

śuklapakṣe yathā somo vyavardhata tathaiva saḥ| tataḥ katipayāhasya jaratkārurmahāyaśāḥ||

It began to grow like the moon of the white fort-night. A few days after, the greatly famous Jaratkaru.

— tr. M.N. Dutt (1891–96) (public domain)

MBh 1 47.15

उत्सङ्गेऽस्याः शिरः कृत्वा सुष्वाप परिखिन्नवत्। तस्मिंश्च सुप्ते विप्रेन्द्रे सविताऽस्तमियागिरिम्॥

utsaṅge'syāḥ śiraḥ kṛtvā suṣvāpa parikhinnavat| tasmiṃśca supte viprendre savitā'stamiyāgirim||

Placing his head on the lap of his wife, slept, looking like one fatigued. When the Brahmana was thus sleeping, the sun entered the summit of the western mountain.

— tr. M.N. Dutt (1891–96) (public domain)

MBh 1 47.16

अह्नः परिक्षये ब्रह्मस्ततः साऽचिन्तयत्तदा। वासुकेर्भगिनी भीता धर्मलोपान्मनस्विनी॥

ahnaḥ parikṣaye brahmastataḥ sā'cintayattadā| vāsukerbhaginī bhītā dharmalopānmanasvinī||

O Brahmana, as the day was fading away, fearing the loss of (Jaratkaru's virtue, the excellent sister of Vasuki grew very anxious.

— tr. M.N. Dutt (1891–96) (public domain)

MBh 1 47.17

किं नु मे सुकृतं भूयाद्भर्तुरुत्थापनं न वा। दुःखशीलो हि धर्मात्मा कथं नास्यपराध्नुयाम्॥

kiṃ nu me sukṛtaṃ bhūyādbharturutthāpanaṃ na vā| duḥkhaśīlo hi dharmātmā kathaṃ nāsyaparādhnuyām||

(She thought) “What shall I do now? Shall I wake my husband or shall I not? He leads a hard life and he is virtuous. How can I act so that I may not offend him.

— tr. M.N. Dutt (1891–96) (public domain)

MBh 1 47.18

कोपो वा धर्मशीलस्य धर्मलोपोऽथवा पुनः। धर्मलोपो गरीयान्वै स्यादित्यत्राकरोन्मतिम्॥

kopo vā dharmaśīlasya dharmalopo'thavā punaḥ| dharmalopo garīyānvai syādityatrākaronmatim||

On the one hand is his anger and on the other is his loss of virtue. The loss of virtue is the greater evil of the two, this is my belief.

— tr. M.N. Dutt (1891–96) (public domain)

MBh 1 47.19

उत्थापयिष्ये यद्येनं ध्रुवं कोपं करिष्यति। धर्मलोपो भवेदस्य संध्यातिक्रमणे ध्रुवम्॥

utthāpayiṣye yadyenaṃ dhruvaṃ kopaṃ kariṣyati| dharmalopo bhavedasya saṃdhyātikramaṇe dhruvam||

But if I wake him, he will surely be angry. If the time for prayer passes away (without his doing it,) he will certainly sustain the loss of virtue.

— tr. M.N. Dutt (1891–96) (public domain)

MBh 1 47.20

इति निश्चित्य मनसा जरत्कारुर्भुजंगमा। तमृषि दीप्ततपसं शयानमनलोपमम्॥ उवाचेदं वचः श्लक्ष्णं ततो मधुरभाषिणी। उत्तिष्ठ त्वं महाभाग सूर्योऽस्तमुपगच्छति॥

iti niścitya manasā jaratkārurbhujaṃgamā| tamṛṣi dīptatapasaṃ śayānamanalopamam|| uvācedaṃ vacaḥ ślakṣṇaṃ tato madhurabhāṣiṇī| uttiṣṭha tvaṃ mahābhāga sūryo'stamupagacchati||

Having thus thought over the matter, the sweet-voiced snake Jaraikaru, thus spoke to the Rishi, resplendent with asceticism and lying like a mass of flame, "O great Lord, arise, the sun is setting."

— tr. M.N. Dutt (1891–96) (public domain)

MBh 1 47.21

संध्यामुपास्व भगवन्नपः स्पृष्ट्वा यतव्रतः। प्रादुष्कृताग्निहोत्रोऽयं मुहूर्तो रम्यदारुणः॥

saṃdhyāmupāsva bhagavannapaḥ spṛṣṭvā yatavrataḥ| prāduṣkṛtāgnihotro'yaṃ muhūrto ramyadāruṇaḥ||

O Illustrious man, O Rishi of rigid vows, perform your Sandhya (prayer) after touching water. The time for Agnihotra has come. These moments are beautiful and fearful also.

— tr. M.N. Dutt (1891–96) (public domain)

MBh 1 47.22

संध्या प्रवर्तते चेयं पश्चिमायां दिशि प्रभो। एवमुक्तः स भगवान् जरत्कारुर्महातपाः॥

saṃdhyā pravartate ceyaṃ paścimāyāṃ diśi prabho| evamuktaḥ sa bhagavān jaratkārurmahātapāḥ||

O Lord, the evening is now gently covering the western sky. Having been thus addressed, the illustrious great ascetic Jaratkaru,

— tr. M.N. Dutt (1891–96) (public domain)

MBh 1 47.23

भार्यां प्रस्फुरमाणौष्ठ इदं वचनमब्रवीत्। अवमानं प्रयुक्तोऽयं त्वया मम भुजंगमे॥

bhāryāṃ prasphuramāṇauṣṭha idaṃ vacanamabravīt| avamānaṃ prayukto'yaṃ tvayā mama bhujaṃgame||

His lips quivering in anger, spoke these words to his wife, "O snake, you have insulted me.

— tr. M.N. Dutt (1891–96) (public domain)

MBh 1 47.24

समीपे ते न वत्स्यामि गमिष्यामि यथागतम्। शक्तिरस्ति न वामोरु मयि सुप्ते विभावसोः॥ अस्तं गन्तुं यथाकालमिति मे हृदि वर्तते। न चाप्यवमतस्येह वासो रोचेत कस्यचित्॥

samīpe te na vatsyāmi gamiṣyāmi yathāgatam| śaktirasti na vāmoru mayi supte vibhāvasoḥ|| astaṃ gantuṃ yathākālamiti me hṛdi vartate| na cāpyavamatasyeha vāso roceta kasyacit||

I shall no longer live with you, I shall go away whence I came. O lady of the snake-race, I know it for certain, the Sun has no power to set (at the usual time) if I remain asleep. A man cannot remain in the place where he is insulted,

— tr. M.N. Dutt (1891–96) (public domain)

MBh 1 47.25

किं पुनर्धर्मशीलस्य मम वा मद्विधस्य वा। एवमुक्ता जरत्कारुर्भ; हृदयकम्पनम्॥

kiṃ punardharmaśīlasya mama vā madvidhasya vā| evamuktā jaratkārurbha; hṛdayakampanam||

Far less can remain a man like me, who am religious and those who are like me. Being thus addressed by her husband, the heart of the sister of Vasuki began to tremble (in fear).

— tr. M.N. Dutt (1891–96) (public domain)

MBh 1 47.26

अब्रवीद्भगिनी तत्र वासुकेः संनिवेशने। नावमानात्कृतवती तवाहं विप्रबोधनम्॥

abravīdbhaginī tatra vāsukeḥ saṃniveśane| nāvamānātkṛtavatī tavāhaṃ viprabodhanam||

She spoke to him, “O Brahmana, I have not waken you from any desire of insult.

— tr. M.N. Dutt (1891–96) (public domain)

MBh 1 47.27

धर्मलोपो न ते विप्र स्यादित्येतन्मया कृतम्। उवाच भार्यामित्युक्तो जरत्कारुर्महातपाः॥ कृतः। ऋषिः कोपसमाविष्टस्त्यक्तुकामो भुजंगमाम्। न मे वागनृतं प्राह गमिष्येऽहं भुजङ्गमे॥

dharmalopo na te vipra syādityetanmayā kṛtam| uvāca bhāryāmityukto jaratkārurmahātapāḥ|| kṛtaḥ| ṛṣiḥ kopasamāviṣṭastyaktukāmo bhujaṃgamām| na me vāganṛtaṃ prāha gamiṣye'haṃ bhujaṅgame||

I have done it lest your virtue suffer any loss." Thus being addressed by his wife the great Rishi Jaratkaru, possessed with anger and desirous of forsaking his wife, said to the snake, "O lady of the Naga race, I have never spoken a falsehood, therefore I shall go.

— tr. M.N. Dutt (1891–96) (public domain)

MBh 1 47.28

समयो ह्येष मे पूर्वं त्वया सह मिथ: सुखमभ्युषितो भद्रे ब्रूयास्त्वं भ्रातरं शुभे॥

samayo hyeṣa me pūrvaṃ tvayā saha mitha: sukhamabhyuṣito bhadre brūyāstvaṃ bhrātaraṃ śubhe||

This was my agreement made with you and your brother, O amiable lady, I have passed happily with you. O fair lady, tell your brother,

— tr. M.N. Dutt (1891–96) (public domain)

MBh 1 47.29

इतो मयि गते भीरु गतः स भगवानिति। त्वं चापि मयि निष्क्रान्ते न शोकं कर्तुमर्हसि॥

ito mayi gate bhīru gataḥ sa bhagavāniti| tvaṃ cāpi mayi niṣkrānte na śokaṃ kartumarhasi||

When I am gone, and on my going away, you should also not grieve for me, that I have left you

— tr. M.N. Dutt (1891–96) (public domain)

MBh 1 47.30

इत्युक्ता साऽनवद्याङ्गी प्रत्युवाच मुनि तदा। जरत्कारुं जरत्कारुश्चिन्ताशोकपरायणा॥ बाष्पगद्गदया वाचा मुखेन परिशुष्यता। कृताञ्जलिर्वरारोहा पर्यश्रुनयना ततः॥ धैर्यमालम्ब्य वामोरूहृदयेन प्रवेपता। न मामर्हसि धर्मज्ञ परित्यक्तुमनागसम्॥

ityuktā sā'navadyāṅgī pratyuvāca muni tadā| jaratkāruṃ jaratkāruścintāśokaparāyaṇā|| bāṣpagadgadayā vācā mukhena pariśuṣyatā| kṛtāñjalirvarārohā paryaśrunayanā tataḥ|| dhairyamālambya vāmorūhṛdayena pravepatā| na māmarhasi dharmajña parityaktumanāgasam||

Having been thus addressed, the beautiful Jaratkaru, was filled with anxiety and sorrow. Her eyes were full of tears, her face was colourless with fear and her voice choked with sobs. She mustered courage, but her voice was trembling. She joined her hands and thus addressed the Rishi Jaratkaru, "O virtuous man, it is not proper for you to leave me.

— tr. M.N. Dutt (1891–96) (public domain)

MBh 1 47.31

धर्मे स्थितां स्थितो धर्मे सदा प्रियहिते रताम्। प्रदाने कारणं यच्च मम तुभ्यं द्विजोत्तम॥

dharme sthitāṃ sthito dharme sadā priyahite ratām| pradāne kāraṇaṃ yacca mama tubhyaṃ dvijottama||

You are always in virtue, so, I am always engaged in doing good, O best of Brahmanas, the object for which I was bestowed on you.

— tr. M.N. Dutt (1891–96) (public domain)

MBh 1 47.32

तदलब्धवतीं मन्दां किं मां वक्ष्यति वासुकिः। मातृशापाभिभूतानां ज्ञातीनां मम सत्तम॥ अपत्यमीप्सितं त्वत्तस्तच्च तावन्न दृश्यते। त्वत्तो ह्यपत्यलाभेन ज्ञातीनां मे शिवं भवेत्॥

tadalabdhavatīṃ mandāṃ kiṃ māṃ vakṣyati vāsukiḥ| mātṛśāpābhibhūtānāṃ jñātīnāṃ mama sattama|| apatyamīpsitaṃ tvattastacca tāvanna dṛśyate| tvatto hyapatyalābhena jñātīnāṃ me śivaṃ bhavet||

as Has not been yet accomplished. Unfortunate am I! What shall I speak to Vasuki? O excellent Rishi, the son, desired by my relatives afflicted by their mother's curse, to be begotten by you on me, is not as yet born. The welfare of my relatives depends on the son begotten by you.

— tr. M.N. Dutt (1891–96) (public domain)

MBh 1 47.33

संप्रयोगो भवेन्नायं मम मोघस्त्वया द्विज। ज्ञातीनां हितमिच्छन्ती भगवंस्त्वां प्रसादये॥

saṃprayogo bhavennāyaṃ mama moghastvayā dvija| jñātīnāṃ hitamicchantī bhagavaṃstvāṃ prasādaye||

Moved by the desire of doing good to my race, so that my connection with you be fruitful, O Brahmana, I entreat you not to go away.

— tr. M.N. Dutt (1891–96) (public domain)

MBh 1 47.34

इममव्यक्तरूपं मे गर्भमाधाय सत्तम। कथं त्यक्त्वा महात्मा सन्गन्तुमिच्छस्यनागसम्॥

imamavyaktarūpaṃ me garbhamādhāya sattama| kathaṃ tyaktvā mahātmā sangantumicchasyanāgasam||

O excellent one, high-souled as you are, why should you leave me who have committed no fault? My conception is not yet apparent."

— tr. M.N. Dutt (1891–96) (public domain)

MBh 1 47.35

एवमुक्तस्तु स मुनिर्भार्यां वचनमब्रवीत्। यद्युक्तमनुरूपं च जरत्कारुं तपोधनः॥

evamuktastu sa munirbhāryāṃ vacanamabravīt| yadyuktamanurūpaṃ ca jaratkāruṃ tapodhanaḥ||

Thus addressed, the great ascetic Rishi spoke to his wife Jaratkaru, these words, proper and suitable to the occasion.

— tr. M.N. Dutt (1891–96) (public domain)

MBh 1 47.36

अस्त्ययं सुभगे गर्भस्तव वैश्वानरोपमः। ऋषिः परमधर्मात्मा वेदवेदाङ्गपारगः॥

astyayaṃ subhage garbhastava vaiśvānaropamaḥ| ṛṣiḥ paramadharmātmā vedavedāṅgapāragaḥ||

O fortunate lady, the being that is now in your womb, is like the god of fire himself. He is a Rishi, greatly virtuous and a master of the Veda and the Vedangas.

— tr. M.N. Dutt (1891–96) (public domain)

MBh 1 47.37

एवमुक्त्वा स धर्मात्मा जरत्कारुर्महानृषिः। उग्राय तपसे भूयो जगाम कृतनिश्चयः॥

evamuktvā sa dharmātmā jaratkārurmahānṛṣiḥ| ugrāya tapase bhūyo jagāma kṛtaniścayaḥ||

Having said this, the virtuous and great Rishi Jaratkaru went away, his heart firmly fixed on practising severest asceticism again.

— tr. M.N. Dutt (1891–96) (public domain)