Mahabharata — Volume I (Dutt edition) — Chapter 34

MBh 1 34.1

गरुड उवाच सख्यं मेऽस्तु त्वया देव यथेच्छसि पुरंदर। बलं तु मम जानीहि महच्चासह्यमेव च॥

garuḍa uvāca sakhyaṃ me'stu tvayā deva yathecchasi puraṃdara| balaṃ tu mama jānīhi mahaccāsahyameva ca||

Garuda said: “O Purandara, Let there be friendship between us as you desire. Know, my strength is great and is hard to bear.

— tr. M.N. Dutt (1891–96) (public domain)

MBh 1 34.2

काम नैतत्प्रशंसन्ति सन्तः स्वबलसंस्तवम्। गुणसंकीर्तनं चापि स्वयमेव शतक्रतो॥

kāma naitatpraśaṃsanti santaḥ svabalasaṃstavam| guṇasaṃkīrtanaṃ cāpi svayameva śatakrato||

O Shatakratu, the learned do not approve of speaking highly of their own strength or of their own merits.

— tr. M.N. Dutt (1891–96) (public domain)

MBh 1 34.3

सखेति कृत्वा तु सखे पृष्टो वक्ष्याम्यहं त्वया। न ह्यात्मस्तवसंयुक्तं वक्तव्यमनिमित्ततः॥

sakheti kṛtvā tu sakhe pṛṣṭo vakṣyāmyahaṃ tvayā| na hyātmastavasaṃyuktaṃ vaktavyamanimittataḥ||

O friend, as we are now made friends and as you ask me, I will tell you, although selfpraise without reason is always improper.

— tr. M.N. Dutt (1891–96) (public domain)

MBh 1 34.4

सपर्वतवनामुर्वी ससागरजलामिमाम्। वहे पक्षेण वै शक्र त्वामप्यत्रावलम्बिनम्॥

saparvatavanāmurvī sasāgarajalāmimām| vahe pakṣeṇa vai śakra tvāmapyatrāvalambinam||

O Indra, I can bear, on a single feather of mine, this earth with her mountains forests, oceans and even you with it.

— tr. M.N. Dutt (1891–96) (public domain)

MBh 1 34.5

सर्वान्सपिण्डितान्वापि लोकान्सस्थाणुजङ्गमान्। वहेयमपरिश्रान्तो विद्धीदं मे महद् बलम्॥

sarvānsapiṇḍitānvāpi lokānsasthāṇujaṅgamān| vaheyamapariśrānto viddhīdaṃ me mahad balam||

Know, my strength is such that I can bear, without fatigue, even all the worlds put together, with their mobile and immobile objects.

— tr. M.N. Dutt (1891–96) (public domain)

MBh 1 34.6

सौतिरुवाच इत्युक्तवचनं वीरं किरीटी श्रीमतां वरः। आह शौनक देवेन्द्रः सर्वलोकहितः प्रभुः॥

sautiruvāca ityuktavacanaṃ vīraṃ kirīṭī śrīmatāṃ varaḥ| āha śaunaka devendraḥ sarvalokahitaḥ prabhuḥ||

Sauti said: O Shaunaka, when the great hero (Garuda) said all this, the great Lord, the king of the celestials, the wearer of the heaven's crown, the possessor of wealth, the benefactor of all the worlds said:

— tr. M.N. Dutt (1891–96) (public domain)

MBh 1 34.7

एवमेव यथास्थ त्वं सर्वं संभाव्यते त्वयि। संगृह्यतामिदानीं मे सख्यमत्यन्तमुत्तमम्॥

evameva yathāstha tvaṃ sarvaṃ saṃbhāvyate tvayi| saṃgṛhyatāmidānīṃ me sakhyamatyantamuttamam||

It is true what you say, Everything is possible in you. Accept now my sincere and eternal friendship

— tr. M.N. Dutt (1891–96) (public domain)

MBh 1 34.8

न कार्यं यदि सोमेन मम सोमः प्रदीयताम्। अस्मांस्ते हि प्रबाधेयुर्येभ्यो दद्याद्भवानिमम्॥

na kāryaṃ yadi somena mama somaḥ pradīyatām| asmāṃste hi prabādheyuryebhyo dadyādbhavānimam||

If you do not require the Soma, kindly return it to me. Those to whom you will give it will always quarrel with us.

— tr. M.N. Dutt (1891–96) (public domain)

MBh 1 34.9

गरुड उवाच किंचित्कारणमुद्दिश्य सोमोऽयं नीयते मया। न दास्यामि समादातुं सोमं कस्मैचिदप्यहम्॥

garuḍa uvāca kiṃcitkāraṇamuddiśya somo'yaṃ nīyate mayā| na dāsyāmi samādātuṃ somaṃ kasmaicidapyaham||

Garuda said: There is a reason why I am taking away the Soma. I shall not give the Soma to any body to drink.

— tr. M.N. Dutt (1891–96) (public domain)

MBh 1 34.10

यत्रेम तु सहस्राक्ष निक्षिपेयमहं स्वयं। त्वमादाय ततस्तूर्णं हरेथास्त्रिदिवेश्वर॥

yatrema tu sahasrākṣa nikṣipeyamahaṃ svayaṃ| tvamādāya tatastūrṇaṃ harethāstridiveśvara||

O deity of thousand eyes, after I shall place it down, O King of heavens, you can instantly take it up and bring it away.

— tr. M.N. Dutt (1891–96) (public domain)

MBh 1 34.11

शक्र उवाच वाक्येनानेन तुष्टोऽहं यत्त्वयोक्तमिहाण्डजा यमिच्छसि वरं मत्तस्तं गृहाण

śakra uvāca vākyenānena tuṣṭo'haṃ yattvayoktamihāṇḍajā yamicchasi varaṃ mattastaṃ gṛhāṇa

Indra said: O oviparous One, I am highly pleased with what you have just now said. O best of birds, accept from me any boon you like to have.

— tr. M.N. Dutt (1891–96) (public domain)

MBh 1 34.12

सौतिरुवाच इत्युक्तः प्रत्युवाचेदं कदूपुत्राननुस्मरन्। स्मृत्वा चैवोपधिकृतं मातुर्दास्यनिमित्ततः॥

sautiruvāca ityuktaḥ pratyuvācedaṃ kadūputrānanusmaran| smṛtvā caivopadhikṛtaṃ māturdāsyanimittataḥ||

Sauti said : Being thus addressed, Garuda recollecting the sons of Kadru and the slavery of his mother by deception said,

— tr. M.N. Dutt (1891–96) (public domain)

MBh 1 34.13

खगोत्तम॥ ईशोऽहमपि सर्वस्य करिष्यामि तु तेऽर्थिताम्। भवेयुर्भुजगाः शक्र मम भक्ष्या महाबलाः॥

khagottama|| īśo'hamapi sarvasya kariṣyāmi tu te'rthitām| bhaveyurbhujagāḥ śakra mama bhakṣyā mahābalāḥ||

“Though I have power to do everything over all creatures, yet, O Indra, I shall do your bidding. Let the mighty snakes be my food.”

— tr. M.N. Dutt (1891–96) (public domain)

MBh 1 34.14

तथेत्युक्त्वाऽन्वगच्छत्तं ततो दानवसूदनः। देवदेवं महात्मानं योगिनामीश्वरं हरिम्॥

tathetyuktvā'nvagacchattaṃ tato dānavasūdanaḥ| devadevaṃ mahātmānaṃ yogināmīśvaraṃ harim||

"Be it so." said the destroyer of the Danavas and he went to Hari, the god of gods, the great Soul, the lord of Yogis.

— tr. M.N. Dutt (1891–96) (public domain)

MBh 1 34.15

स चान्वमोदत्तं चार्थं यथोक्तं गरुडेन वै। इदं भूयो वचः प्राह भगवांस्त्रिदशेश्वरः॥

sa cānvamodattaṃ cārthaṃ yathoktaṃ garuḍena vai| idaṃ bhūyo vacaḥ prāha bhagavāṃstridaśeśvaraḥ||

He (Vishnu) sanctioned all that was said by Garuda. The illustrious lord of all the worlds thus spoke to him,

— tr. M.N. Dutt (1891–96) (public domain)

MBh 1 34.16

हरिष्यामि विनिक्षिप्तं सोममित्यनुभाष्य तम्। आजगाम ततस्तूर्णं सुपर्णो मातुरन्तिकम्॥

hariṣyāmi vinikṣiptaṃ somamityanubhāṣya tam| ājagāma tatastūrṇaṃ suparṇo māturantikam||

"I shall take away the Soma when you will place it down." Having said this he bade farewell to Garuda, And Suparna (Garuda) went to the presence of his mother with great speed.

— tr. M.N. Dutt (1891–96) (public domain)

MBh 1 34.17

अथ सर्पानुवाचेदं सर्वान्परमहष्टवत्। इदमानीतममृतं निक्षेप्स्यामि कुशेषु वः॥

atha sarpānuvācedaṃ sarvānparamahaṣṭavat| idamānītamamṛtaṃ nikṣepsyāmi kuśeṣu vaḥ||

He then said to all the snakes in joy, "Here have I brought the Ambrosia. I shall place it on the (sacred) Kusha grass.

— tr. M.N. Dutt (1891–96) (public domain)

MBh 1 34.18

स्नाता मङ्गलसंयुक्तास्ततः प्राश्नीत पन्नगाः। भवद्भिरिदमासीनैर्यदुक्तं तद्वचस्तदा॥

snātā maṅgalasaṃyuktāstataḥ prāśnīta pannagāḥ| bhavadbhiridamāsīnairyaduktaṃ tadvacastadā||

O snakes, drink it after performing your ablutions and religious rites. I have done what you asked me to do.

— tr. M.N. Dutt (1891–96) (public domain)

MBh 1 34.19

अदासी चैव मातेयमद्यप्रभृति चास्तु मे। यथोक्तं भवतामेतद्वचो मे प्रतिपादितम्॥ ततः स्नातुं गताः सर्पाः प्रत्युक्त्वा तं तथेत्युत। शक्रोप्यमृतमाक्षिप्य जगाम त्रिदिवं पुनः॥

adāsī caiva māteyamadyaprabhṛti cāstu me| yathoktaṃ bhavatāmetadvaco me pratipāditam|| tataḥ snātuṃ gatāḥ sarpāḥ pratyuktvā taṃ tathetyuta| śakropyamṛtamākṣipya jagāma tridivaṃ punaḥ||

Therefore, as you promised, let my mother become free from this day," "Be it so," said the snakes and went to perform their ablutions. In the meantime, Indra taking up the Ambrosia, went away to heaven.

— tr. M.N. Dutt (1891–96) (public domain)

MBh 1 34.20

अथागतास्तमुद्देशं सर्पाः सोमार्थिनस्तदा। स्नाताश्च कृतजप्याश्च प्रहृष्टाः कृतमङ्गलाः॥

athāgatāstamuddeśaṃ sarpāḥ somārthinastadā| snātāśca kṛtajapyāśca prahṛṣṭāḥ kṛtamaṅgalāḥ||

The snakes, after performing their ablutions, their daily devotions and other sacred rites, came in joy to drink the Ambrosia.

— tr. M.N. Dutt (1891–96) (public domain)

MBh 1 34.21

यत्रैतदमृतं चापि स्थापितं कुशसंस्तरे। तद्विज्ञाय हृतं सर्पाः प्रतिमाया कृतं च तत्॥

yatraitadamṛtaṃ cāpi sthāpitaṃ kuśasaṃstare| tadvijñāya hṛtaṃ sarpāḥ pratimāyā kṛtaṃ ca tat||

They saw that the Kusha grass on which the Ambrosia had been placed was empty. It had been taken away by a counter act of deception.

— tr. M.N. Dutt (1891–96) (public domain)

MBh 1 34.22

सोमस्थानमिदं चेति दर्खास्ते लिलिहुस्तदा। ततो द्विधाकृता जिह्वाः सर्पाणां तेन कर्मणा॥

somasthānamidaṃ ceti darkhāste lilihustadā| tato dvidhākṛtā jihvāḥ sarpāṇāṃ tena karmaṇā||

They began to lick with their tongues the Kusha grass in which the Ambrosia had been placed; and by that act, their tongues became divided into two.

— tr. M.N. Dutt (1891–96) (public domain)

MBh 1 34.23

अभवंश्चामृतस्पर्शाद्दर्भास्तेऽथ पवित्रिणः। एवं तदमृतं तेन हृतमाहतमेव च। द्विजिह्वाश्च कृताः सर्पा गरुडेन महात्मना॥

abhavaṃścāmṛtasparśāddarbhāste'tha pavitriṇaḥ| evaṃ tadamṛtaṃ tena hṛtamāhatameva ca| dvijihvāśca kṛtāḥ sarpā garuḍena mahātmanā||

The Kusha grass, from the contact of the Ambrosia, became sacred from that day. Thus did the illustrious Garuda bring the Ambrosia and bring it for the snakes, and thus were their tongues divided by what he did.

— tr. M.N. Dutt (1891–96) (public domain)

MBh 1 34.24

ततः सुपर्णः परमप्रहर्षवान् विहृत्य मात्रा सह तत्र कानने। रहीनकीर्तिविनतामनन्दयत्॥

tataḥ suparṇaḥ paramapraharṣavān vihṛtya mātrā saha tatra kānane| rahīnakīrtivinatāmanandayat||

Then Suparna (Garuda) lived in that forest with his mother in great joy. The son of Vinata delighted his mother by becoming the eater of snakes, by being respected by all birds and by doing other great acts.

— tr. M.N. Dutt (1891–96) (public domain)

MBh 1 34.25

इमां कथां यः शृणुयान्नरः सदा पठेत वा द्विजगणमुख्यसंसदि असंशयं त्रिदिवमियात्स पुण्यभाक् महात्मनः पतगपतेः प्रकीर्तनात्॥

imāṃ kathāṃ yaḥ śṛṇuyānnaraḥ sadā paṭheta vā dvijagaṇamukhyasaṃsadi asaṃśayaṃ tridivamiyātsa puṇyabhāk mahātmanaḥ patagapateḥ prakīrtanāt||

He, who would listen to this story or read it to an assembly of Brahmanas, will must surely go to heaven, acquiring great merit from its recitation.

— tr. M.N. Dutt (1891–96) (public domain)